അസാധാരണ നിയമത്തിനെതിരെ അസാധാരണ നീക്കം

പൗരത്വ ഭേദഗതി നിയമം​ കേസിൽ കക്ഷിചേരാൻ ​െഎക്യരാഷ്​ട്രസഭയുടെ മനുഷ്യാവകാശ കമീഷൻ സുപ്രീംകോടതിയിൽ അപേക്ഷ നൽകി യത്​ ഇന്ത്യയുടെ കടുത്ത പ്രതിഷേധത്തിനിടയാക്കിയിരിക്കുന്നു​. ഡൽഹിയിൽ ക്രമസമാധാനപ്രശ്​നമായി വംശഹത്യയിലേക്ക് ​ ആളിപ്പടർന്ന പൗരത്വ ഭേദഗതി നിയമവുമായി ബന്ധപ്പെട്ട്​ സുപ്രീംകോടതിയിലുള്ള കേസുകളിൽ കോടതിയെ സഹായിക്കുന്ന അ മിക്കസ്​ ക്യൂറിയായി കക്ഷിചേരാനാണ്​ യു.എൻ മനുഷ്യാവകാശ ഹൈകമീഷണർ മിഷേൽ ബാചലെ അപേക്ഷ നൽകിയിരിക്കുന്നത്​. ഇന്ത്യയിലെ ഒരു നിയമനിർമാണത്തിനോ ഭേദഗതിക്കോ എതിരെ പുറം ഏജൻസി ഇടപെടുന്നതിലെ അസാധാരണത്വം ചൂണ്ടിക്കാട്ടി വിദേശകാര്യ മന്ത്രാലയം ശക്തമായ പ്രതിഷേധം രേഖപ്പെടുത്തി​. ഇന്ത്യയുടെ ആഭ്യന്തരകാര്യത്തിൽ പുറത്തുനിന്നൊരു കക്ഷിക്കും ഇടപെടാൻ അവകാശമില്ലെന്ന്​ മ​ന്ത്രാലയവക്താവ്​ രവീഷ്​കുമാർ അസന്ദിഗ്​ധമായി പ്രസ്​താവിച്ചു.

വിവേചനത്തിനെതിരായ അന്തർദേശീയ സന്ധികളിൽ ഒപ്പുവെച്ചു കക്ഷിയായ ഇന്ത്യ വിവേചനപരമായി പൗരത്വ ഭേദഗതി നിയമത്തിന്​ തുനിഞ്ഞതിലെ ക്രമവിരുദ്ധത ചൂണ്ടിക്കാട്ടിയാണ്​ ​അന്താരാഷ്​ട്രസമൂഹത്തി​​െൻറ പൊതുവേദി കേസിൽ കക്ഷിചേരാൻ താൽപര്യം പ്രകടിപ്പിച്ചിരിക്കുന്നത്​. അതേസമയം, പാർലമ​െൻറി​​െൻറ പരമാധികാരം ഉപയോഗിച്ചു പാസാക്കിയ നിയമത്തി​​െൻറ ഭരണഘടന സാധുത ഉയർത്തിപ്പിടിച്ചാണ്​ ഇന്ത്യയുടെ ഇക്കാര്യത്തിലെ എതിർപ്പ്​​. ഭേദഗതി നിയമവുമായി ബന്ധപ്പെട്ട 140 കേസുകൾ പരിഗണിക്കാനിരിക്കെ സുപ്രീംകോടതിയുടെ തീർപ്പ്​ എന്തായാലും ഇതിനകം വിവാദമായ പൗരത്വ ഭേദഗതി നിയമം ലോകത്തിനു മുന്നിൽ ഇന്ത്യയുടെ പ്രതിച്ഛായക്ക്​ മങ്ങലേൽപിച്ചിരിക്കുന്നു എന്നു നിസ്സംശയം പറയാം.

സ്വാതന്ത്ര്യത്തിനു ശേഷം നാളിന്നോളം കശ്മീർ അടക്കമുള്ള വിഷയങ്ങളിൽ ഇന്ത്യ നിലനിർത്തിവരുന്ന നിലപാടാണ്​ നമ്മുടെ ആഭ്യന്തരകാര്യങ്ങളിൽ പുറം ഇടപെടൽ അനുവദിക്കില്ലെന്നത്​. എന്നാൽ, ബി.ജെ.പി ഗവൺമ​െൻറ്​ അധികാരമേറ്റതിൽ പിന്നെ സ്വന്തം അജണ്ട നടപ്പാക്കുന്നതിൽ യഥോചിതം പുറംകക്ഷിയുടെ സഹായം തേടുകയും പുറംകക്ഷികളുടെ വിഷയങ്ങളിൽ ഇടപെടുകയും ചെയ്​തുവരുന്നതാണ്​ കാണുന്നത്​. ഭരണഘടനയുടെ 370ാം വകുപ്പ്​ റദ്ദാക്കി കശ്​മീരി​​െൻറ പ്രത്യേകപദവി എടുത്തുകളഞ്ഞ്​ കേന്ദ്രഭരണ പ്രദേശമാക്കുകയും ​മനുഷ്യാവകാശങ്ങളെല്ലാം പട്ടാള ബൂട്ടിനടിയിൽ അടിച്ചമർത്തുകയും ചെയ്യു​ന്നതിനെതിരെ രാജ്യത്തിനകത്തും പുറത്തും പ്രതിഷേധമുയർന്നപ്പോൾ പാശ്ചാത്യനാടുകളിൽ, ​തങ്ങളുടെ തീവ്രവലതുപക്ഷ നിലപാടിനോട്​ അനുഭാവം പുലർത്തുന്നവരെ ക്ഷണിച്ചു കൊണ്ടുവന്ന്​ ഇടപെടുവിച്ചു​ മോദി സർക്കാർ.

ചേരിചേരാ കാലത്തും ശേഷം അമേരിക്കയുടെ ഏകധ്രുവാധിപത്യ നാളുകളിലും കശ്മീർ പ്രശ്​നത്തിൽ തലയിടാൻ നോക്കിയ അമേരിക്കയെ അടക്കിനിർത്തിയതാണ്​ ഇന്ത്യ​. എന്നാൽ, ഡോണൾഡ്​ ട്രംപ്​ പ്രസിഡൻറായ ശേഷം പലവുരു കശ്​മീർ വിഷയത്തിലെ മാധ്യസ്​ഥ്യതക്കുള്ള സന്നദ്ധത പരസ്യമായി പ്രകടിപ്പിച്ചിട്ടും ശക്തമായി മറുത്തുരിയാടാൻ ഇന്ത്യക്കു കഴിഞ്ഞിട്ടില്ല. അതുകൊണ്ടുതന്നെ, ഇന്ത്യൻ പൗരന്മാരിൽ ഒരു വിഭാഗത്തെ പാർശ്വവത്​കരിച്ച്​ ഉന്മൂലന ഭീഷണിയ​ിലേക്ക്​ തള്ളുന്ന നിയമവുമായി ബന്ധപ്പെട്ട കേസിൽ ‘സഹായം നൽകാൻ ആ​ഗ്രഹിച്ചു’ യു.എൻ വരു​േമ്പാൾ എതിർക്കാൻ ധാർമികബലം നഷ്​ടപ്പെട്ട അവസ്​ഥയിലായി രാജ്യം.

സിവിൽ, രാഷ്​ട്രീയാവകാശങ്ങൾക്കായുള്ള അന്തർദേശീയ ഉടമ്പടി (​െഎ.സി.സി.പി.ആർ), സാമ്പത്തിക, സാമൂഹിക, സാംസ്​കാരിക അവകാശങ്ങൾക്കായുള്ള അന്ത​ർദേശീയ കരാർ (​െഎ.സി.ഇ.എസ്​.സി.ആർ), വംശീയവിവേചന ഉന്മൂലനത്തിനായുള്ള അന്തർദേശീയ ഉടമ്പടി (​െഎ.സി.ഇ.ആർ.ഡി), ബാലാവകാശ ഉടമ്പടി (സി.ആർ.സി), സ്​ത്രീവിവേചന ഉന്മൂലനത്തിനായുള്ള അന്തർദേശീയ കരാർ എന്നിങ്ങനെ യു.എൻ ആഭിമുഖ്യത്തിലുള്ള ഒ​േട്ടറെ അന്തർദേശീയ ധാരണകളിൽ ഒപ്പുവെച്ചു പങ്കാളിയായിത്തീർന്ന രാജ്യമാണ്​ ഇന്ത്യ. ഇപ്പറഞ്ഞ കരാറുകളുടെയെല്ലാം ആകത്തുക, വിവേചനരാഹിത്യവും അവകാശങ്ങളിലെ തുല്യതയുമാണ്​. എന്നാൽ, മൂന്നു രാജ്യങ്ങളിൽനിന്നുള്ള മുസ്​ലിമല്ലാത്ത അഭയാർഥികൾക്കും കുടിയേറ്റക്കാർക്കും പൗരത്വം നൽകുകവഴി, മതാടിസ്​ഥാനത്തിലുള്ള വിവേചനത്തിനും അവകാശലംഘനങ്ങൾക്കും ഭരണകൂടം നിയമസാധുത നൽകുന്നുവെന്നാണ്​ പൗരത്വ ഭേദഗതി നിയമത്തിനെതിരായി ഉയർന്ന ആക്ഷേപം. ഇൗ സാഹചര്യത്തിലാണ്​ സ്വാതന്ത്ര്യത്തി​​െൻറയും അവസരസമത്വത്തി​​െൻറയും കാര്യത്തിൽ നാളിതുവരെ ലോകത്തിനുതന്നെ മാതൃകാപരമായി നിലപാടുയർത്തിപ്പിടിച്ച ഇന്ത്യയുടെ വ്യതിയാനത്തിനെതിരായ പൗരന്മാരുടെ പരാതിയിൽ കക്ഷിചേരുന്നതെന്നാണ്​ യു.എൻ ഹൈകമീഷ​​െൻറ ന്യായം.

വംശം, ഗോത്രം/ജാതി, മതം, ദേശീയത/കുടിയേറ്റം എന്നീ നിലകളിൽ ഒരു ഭേദവുമില്ലാതെ ഒരു രാജ്യത്തിനകത്തെ പൗരന്മാർക്കും അല്ലാത്തവർക്കും തുല്യ സംരക്ഷണവും മനുഷ്യാവകാശവും നൽകാൻ അന്താരാഷ്​ട്ര ധാരണയിലേർപ്പെട്ട മുഴുവൻ രാജ്യങ്ങൾക്കും ബാധ്യതയുണ്ട്​. സ്വകാര്യ, പൊതുമണ്ഡലങ്ങളിൽനിന്നു വിവേചനം ഉന്മൂലനം ചെയ്യാൻ, മതമടക്കമുള്ള വിവിധ കാരണങ്ങളുടെ പേരിലുണ്ടാവുന്ന വിവേചനം കൈയൊഴിയാൻ ​ഇന്ത്യ ഒപ്പുവെച്ച ​െഎ.സി.സി.പി.ആർ, ​െഎ.സി.ഇ.എസ്​.സി.ആർ, സി.ആർ.സി കരാറുകളെല്ലാം നിഷ്​കർഷിക്കുന്നു. മതാടിസ്​ഥാനത്തിൽ നടപ്പാക്കിയ പൗരത്വ ഭേദഗതി നിയമം സംബന്ധിച്ച വ്യവഹാരങ്ങളിൽ ഇന്ത്യയുടെ നിലപാട്​ അന്തർദേശീയ ധാരണകൾക്ക്​ അനുരൂപമാക്കിയെടുക്കുന്നതിനാണ്​ യു.എൻ വേദിയുടെ ഇടപെടലെന്ന്​ അവർ വ്യക്തമാക്കിയിരിക്കുന്നു.

അതിനെ പതിവിനു വിരുദ്ധം, അസാധാരണം എന്നുപറഞ്ഞ്​ ഒറ്റയടിക്ക്​ ഇന്ത്യക്ക്​ തള്ളിക്കളയാനാവില്ല. രാജ്യത്തിനകത്തെ ഭരണഘടനതത്ത്വങ്ങളെ മാത്രമല്ല, അന്തർദേശീയധാരണകളെയും ചട്ടങ്ങളെയുമടക്കം അപ്രസക്തമാക്കിയ അസാധാരണ നടപടിയാണ്​ രാജ്യചരിത്രത്തിൽ ആദ്യമായി പൗരത്വത്തിന്​ മതം മാനദണ്ഡമാക്കുകയും അത്​ മത, വംശീയവിവേചനത്തിനും ഡൽഹിമോഡൽ വംശഹത്യക്കും ആയുധമാക്കുകയും ചെയ്​ത ​മോദിസർക്കാർ നടപടി. അതാണിപ്പോൾ ​െഎക്യരാഷ്​ട്രസഭയുടെ അസാധാരണ ഇടപെടലിന്​ വഴിവെച്ചിരിക്കുന്നത്​. മാനവികതയുടെ ഇൗ സാർവദേശീയ താൽപര്യങ്ങൾക്കു ബി.ജെ.പി നയിക്കുന്ന ഇന്ത്യ വഴങ്ങുമോ അതോ, അതും ചവിട്ടിമെതിച്ച്​ ഫാഷിസത്തി​​െൻറ പാട്ടിനു നീങ്ങുമോ എന്നാണ്​ ഇനിയറിയേണ്ടത്​.