Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightEditorialchevron_rightസു​പ്രീംകോ​ട​തിയുടെ...

സു​പ്രീംകോ​ട​തിയുടെ ഇ​ട​പെ​ടൽ വൈകരുത്​

text_fields
bookmark_border
സു​പ്രീംകോ​ട​തിയുടെ ഇ​ട​പെ​ടൽ വൈകരുത്​
cancel

ക്ഷോ​ഭത്താൽ ജ്വ​ലി​ക്കു​ക​യാണീ രാജ്യം. ഒാ​രോ ദി​വ​സവും സ​മ​രം പു​തി​യ മേ​ഖ​ല​ക​ളി​ലേ​ക്ക് വ്യാ​പി​ക്കു​ക​യും കൂ​ടു​ത​ൽ ക​രു​ത്താ​ർ​ജിക്കു​ക​യു​മാ​ണ്. രാഷ്​ട്രത്തി​​െൻറ ആത്​മാവ്​ എന്നു വിശേഷിപ്പിക്കാവുന്ന നമ്മുടെ ഭരണഘടനയുടെ അടിസ്​ഥാന മൂല്യങ്ങളെ സംരക്ഷിക്കാനായി തുടങ്ങിയ ഈ ജ​ന​കീ​യപ്ര​ക്ഷോ​ഭ​ങ്ങ​ളെ അ​ഭിമ​ു​ഖീ​ക​രി​ക്കു​ക​യും പ​രി​ഹ​രി​ക്കു​ക​യും ചെ​യ്യേ​ണ്ട കേ​ന്ദ്രസ​ർ​ക്കാ​ർ, കൂ​ടു​ത​ൽ ധാ​ർ​ഷ്​ട്യ​ത്തിെ​ൻ​റ​യും അ​ക്ര​മ​ത്തിെ​ൻ​റ​യും വ​ഴി​യാ​ണ് സ്വീ​ക​രി​ക്കു​ന്ന​ത്. പൗ​ര​ത്വ ഭേദഗതി നി​യ​മം മാ​ത്ര​മ​ല്ല, ദേ​ശീ​യ പൗ​ര​ത്വപ്പട്ടി​ക​യും ന​ട​പ്പാ​ക്കു​മെ​ന്നാണ്​ കഴിഞ്ഞദിവസം ബി.​ജെ.​പി ആ​ക്​ടിങ് പ്ര​സി​ഡ​ൻറ്​ ജെ.പി ന​ദ്ദ പ്രസ്​താവിച്ചത്​.

ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളാ​യ യു.​പി​യി​ലും ക​ർ​ണാ​ട​ക​യി​ലും പ്ര​ക്ഷോ​ഭ​കർക്കുനേ​രെ പൊലീ​സ് വെ​ടി​യു​തി​ർ​ക്കു​ക​യും എട്ടുപേ​ർ കൊ​ല്ല​പ്പെ​ടു​ക​യും ചെ​യ്തി​രി​ക്കു​ന്നു. സ്വ​ത​ന്ത്ര​വും നീ​തി​പൂ​ർ​വ​ക​വു​മാ​യ വാ​ർ​ത്ത​ക​ൾ പു​റ​ത്തു​വ​രു​ന്ന​ത് ത​ട​യാ​ൻ മാ​ധ്യ​മ​പ്ര​വ​ർ​ത്ത​ക​രെ അറസ്​റ്റ്​​​ കാട്ടി വിരട്ടിയിരിക്കുന്നു ക​ർ​ണാ​ട​ക പൊലീ​സ്. അ​മി​താ​ധി​കാ​ര പ്ര​യോ​ഗ​ത്തി​ലൂ​ടെ ഭ​ര​ണ​കൂ​ടം രാ​ജ്യ​ത്തെ അ​രാ​ജ​ക​ത്വ​ത്തി​ലേ​ക്ക് ത​ള്ളി​വി​ടു​മ്പോ​ൾ സു​പ്രീംകോ​ട​തി അ​ടി​യ​ന്ത​ര​മാ​യി ഉ​ണ​രേ​ണ്ടി​യി​രി​ക്കു​ന്നു. വി​ദ്യാ​ർ​ഥി​ക​ൾ ഉ​യ​ർ​ത്തിക്കൊണ്ടുവന്ന പ്ര​ക്ഷോ​ഭ​ങ്ങ​ളെ ഉ​ന്ന​ത ന്യാ​യാ​ധി​പ​ന്മാർ കാ​ണു​ക​യും കേ​ൾ​ക്കു​ക​യും ചെ​യ്യു​ന്നി​ല്ലെ​ങ്കി​ൽ നി​ല​വി​ലെ നീ​തി​പീ​ഠ​ങ്ങ​ളെ​ക്കൂടി പു​തു​ത​ല​മു​റ അ​പ്ര​സക്​താമാ​ക്കി​യേ​ക്കും.

രാ​ജ്യ​ത്ത് ഉ​യ​ർ​ന്ന പ്രക്ഷോ​ഭ​ങ്ങ​ളു​ടെ ആ​ത്മാ​വ് ഉ​ൾ​ക്കൊ​​ണ്ട് പൗ​രന്മാ​രെ വി​ഭ​ജി​ക്കാ​ൻ ശ്ര​മി​ച്ച​തി​ന് മാ​പ്പുപ​റ​ഞ്ഞ്​ ആ​ഭ്യ​ന്ത​രവകുപ്പ്​ ഒ​ഴി​യു​ക​യാ​ണ് അ​മി​ത് ഷാ ​പ്ര​ക​ടി​പ്പി​ക്കേ​ണ്ട ഏ​റ്റ​വും ചെ​റി​യ ജ​നാ​ധി​പ​ത്യ മ​ര്യാ​ദ. എ​ന്നാ​ൽ, ഏ​കാ​ധി​പ​ത്യത്തി​​െൻറ സകല ലക്ഷണങ്ങളും പേറുന്ന ഒരു സ​ർ​ക്കാ​റി​ൽനി​ന്ന് അത്തരം മ​ര്യാ​ദ​ക​ൾ പ്ര​തീ​ക്ഷി​ക്കു​ന്ന​ത്​ വ​ങ്ക​ത്ത​മാ​ണ്. സ​മ​ര​ങ്ങ​ൾ രൂ​ക്ഷ​മാ​യപ്പോൾ പ്ര​ധാ​ന​മ​ന്ത്രി നോ​ക്കിയ​ത് പ്ര​ക്ഷോ​ഭ​ക​രു​ടെ വ​സ്ത്ര​ത്തി​ലേ​ക്കാ​ണ്. പ്ര​ശ്നപ​രി​ഹാ​ര​ത്തി​ന് സ​ന്ന​ദ്ധ​മാ​കു​ന്ന​തി​നു പ​ക​രം കോ​ൺ​ഗ്ര​സി​നെ​തി​രെ​യും സ​മ​ര​ങ്ങ​ൾ​ക്കു നേ​തൃ​ത്വം വ​ഹി​ക്കു​ന്ന വി​ദ്യാ​ർ​ഥി​ക​ൾക്കെ​തി​രെ​യും നു​ണ​യു​ടെ പ്ര​ചാ​ര​ക​നാ​വു​ക​യാ​ണ് അ​ദ്ദേ​ഹം.

സ​ത്യ​സ​ന്ധ​ത പു​ല​ർ​ത്താ​ത്ത അ​ധി​കാ​രി​ക​ളി​ൽനി​ന്ന് നീ​തി പ്ര​തീ​ക്ഷി​ക്കു​ന്ന​വ​ൻ വി​ഡ്ഢി​യാ​​െണ​ന്ന് ച​ന്ദ്ര​ഗു​പ്ത മൗ​ര്യ​നെ ചാ​ണ​ക്യ​ൻ ഉപ​േ​ദ​ശി​ച്ചി​ട്ടു​ണ്ട്. ഭ​ര​ണാ​ധി​കാ​രി​ക​ൾ​ക്ക് നീ​തി​ബോ​ധ​മി​ല്ലെ​ങ്കി​ൽ പ​ര​മോ​ന്ന​ത കോ​ട​തി​ക്ക് ചു​മ​ത​ല ബോ​ധം അ​ധി​ക​രി​ക്കും. നി​യ​മ​ത്തിെ​ൻ​റ സാ​ങ്കേ​തി​ക​ത മാ​ത്രം പ​രി​ശോ​ധി​ച്ചാ​ൽ മ​തി​യാ​കു​ക​യി​ല്ല, നീ​തി കൃ​ത്യ​മാ​യി നി​ർ​വ​ഹി​ക്ക​പ്പെ​ടു​ന്നു​വെ​ന്ന് ഉ​റ​പ്പു​വ​രു​ത്തു​കകൂ​ടി ചെ​യ്യേ​ണ്ടിവ​രും. നി​യ​മ​ത്തിെ​ൻ​റ​യും ഭ​ര​ണ​ഘ​ട​ന​യു​ടെ​യും സം​ര​ക്ഷ​ണ ചു​മ​ത​ല പ​ര​മോ​ന്ന​ത കോ​ട​തി​യി​ലാ​ണ് നി​ക്ഷി​പ്ത​മാ​യി​രി​ക്കു​ന്ന​ത്.

അ​ടി​യ​ന്തര സാ​ഹ​ച​ര്യ​ങ്ങ​ളി​ൽ പൊ​തുതാ​ൽ​പ​ര്യം പ​രി​ഗ​ണി​ച്ച് കോ​ട​തി​ക​ൾ​ക്ക് വകുപ്പ്​ 32 പ്ര​യോ​ഗി​ക്കു​വാ​നും സ്വ​യം കേ​​െസ​ടു​ക്കാ​നും അ​ധി​കാ​ര​മു​ണ്ട്. രാ​ജ്യ​ത്തിെ​ൻ​റ വി​വി​ധ സ​ന്ദ​ർ​ഭ​ങ്ങ​ളി​ൽ സു​പ്രീംകോ​ട​തി​യും ഹൈ​കോ​ട​തി​ക​ളും ആ വകുപ്പ്​ ഉ​പ​യോ​ഗി​ക്കു​ക​യും ചെ​യ്തി​ട്ടു​ണ്ട്. എ​ന്നാ​ൽ, നി​ല​വി​ലെ പ്ര​ക്ഷോ​ഭ​ങ്ങ​ളുെ​ട അ​വ​സ​ര​ത്തി​ൽ അ​തിെ​ൻ​റ ആ​വ​ശ്യ​മി​ല്ലാ​തെത​ന്നെ പൗ​ര​ത്വ ഭേ​ദ​ഗ​തി നി​യ​മ​വും വി​ദ്യാ​ർ​ഥി​ക​ൾ​ക്കുനേ​രെ​യു​ള്ള പൊ​ലീ​സ് അ​തി​ക്ര​മ​ങ്ങ​ളും കോ​ട​തി​യു​ടെ മു​ന്നി​ലെ​ത്തി​യ​താ​ണ്. പക്ഷേ, പ​ര​മോ​ന്ന​ത കോ​ട​തി അ​വയിൽ നടത്തിയ ഇടപെടലുകൾ സാ​ങ്കേ​തി​ക​മാ​യി തി​ക​വു​ള്ള​താ​​െണ​ങ്കി​ലും സാ​ഹ​ച​ര്യ​ത്തിെ​ൻ​റ പ്രാ​ധാ​ന്യം പ​രി​ഗ​ണി​ച്ച​ല്ലെ​ന്ന് കാ​ണാ​നാ​കും. പൗ​ര​ത്വ ഭേ​ദ​ഗ​തി നിയമത്ത​ിനെതിരായ ഹ​ര​ജി​ക​ളി​ൽ കേ​ന്ദ്ര​ത്തി​നും അ​റ്റോ​ണി ജ​ന​റ​ലി​നും നോ​ട്ടീ​സ് അ​യ​ക്കാ​ൻ തീ​രു​മാ​നി​ച്ച​ശേ​ഷം ചീ​ഫ് ജ​സ്​റ്റിസ്​ എ​സ്.​എ. ബോബ്​ഡെ ബി.െ​ജ.​പി നേ​താ​വ് അ​ഡ്വ. അ​ശ്വ​നി​കു​മാ​ർ ഉ​പാ​ധ്യാ​യയു​ടെ വാ​ദ​ങ്ങ​ൾ സ​വി​ശേ​ഷ​മാ​യി കേ​ൾ​ക്കു​ക​യും നി​യ​മ​ത്തെ കു​റി​ച്ച് രാ​ജ്യ​വ്യാ​പ​ക​മാ​യി ബോ​ധ​വ​ത്ക​ര​ണം ന​ട​ത്ത​ണ​മെ​ന്ന വാ​ദ​ത്തെ അ​നു​കൂ​ല​ിക്കു​ക​യും ചെ​യ്തു.

കേ​ന്ദ്ര​​െത്ത ആ​ഹ്ലാ​ദി​പ്പി​ച്ച ഈ ​നി​ർ​ദേ​ശം അ​തു​പോ​ലെ അം​ഗീ​ക​രി​ക്കാ​മെ​ന്ന് അ​റ്റോ​ണി ജ​ന​റ​ൽ കെ.​കെ. വേ​ണു​ഗോ​പാ​ൽ ഉ​റ​പ്പു​കൊ​ടു​ക്കു​ക​യും ചെ​യ്തു. കേ​സു​ക​ൾ അ​ടി​യ​ന്ത​ര​മാ​യി ഏ​​െറ്റ​ടു​ക്കു​ന്ന​തി​നു​പ​ക​രം ജ​നു​വ​രി 22 ലേ​ക്ക് മാ​റ്റി​വെ​ച്ച് ശൈ​ത്യ​കാ​ല അ​വ​ധി​ക്ക് പി​രി​യു​ക​യാ​യി​രു​ന്നു സു​പ്രീംകോ​ട​തി. ജ​നു​വ​രി 22 വ​രെ പ്ര​ക്ഷോ​ഭം ഈ ​നി​ല​യി​ൽ തു​ട​രേ​ണ്ടി​വ​രു​മെ​ന്ന് യോ​ഗേ​ന്ദ്ര ​യാ​ദ​വി​നും വി​ദ്യാ​ർ​ഥി​ക​ൾ​ക്കും പ​റ​യേ​ണ്ടി​വ​ന്ന​ത് ഈ സാഹചര്യത്തിലാണ്​. രാ​ജ്യം തി​ള​ച്ചു​മ​റി​യു​മ്പോ​ഴും പ​ര​മോ​ന്ന​ത നീ​തി​പീ​ഠ​ത്തി​ന് ശൈ​ത്യം ബാ​ധി​ക്കു​ന്നു​വെ​ന്ന വി​കാരമുണ്ട്​ യോഗേന്ദ്രയുടേതടക്കമുള്ളവരുടെ വാക്കുകളിൽ.

വി​ദ്യാ​ർ​ഥി​ക​ൾ​ക്കുനേ​രെ ന​ട​ന്ന നി​ഷ്ഠു​ര അ​തി​ക്ര​മ​ങ്ങ​ളി​ൽ ജു​ഡീ​ഷ്യ​ൽ അ​ന്വേ​ഷ​ണം ആ​വ​ശ്യ​പ്പെ​ട്ട ഹ​ര​ജി പ​രി​ഗ​ണി​ക്ക​വെ പ്ര​ക്ഷോ​ഭ​ത്തി​ലെ അ​ക്ര​മം അ​വ​സാ​നി​പ്പി​ച്ചാ​ൽ കോ​ട​തി വി​ദ്യാ​ർ​ഥി​ക​ളു​ടെ വാ​ദം കേ​ൾ​ക്കാ​മെ​ന്ന പ​രാമ​ർ​ശ​ത്തെയും അ​നു​ചി​ത​മെന്നു തന്നെ വിശേഷിപ്പിക്കേണ്ടിവരും. രാ​ജ്യ​ത്ത് അ​ര​ങ്ങേ​റി​ക്കൊ​ണ്ടി​രി​ക്കു​ന്ന പൊ​ലീ​സ് രാ​ജി​ന് പ​രോ​ക്ഷ പി​ന്തു​ണ​യാ​യി ഭ​ര​ണ​കൂ​ടം അ​തി​നെ വ്യാ​ഖ്യാ​നി​ക്കു​ക​യും അ​തി​ക്ര​മ​ങ്ങ​ൾ ശ​ക്തി​പ്പെ​ടു​ത്താ​നു​ള്ള സാ​ധൂ​ക​ര​ണ​മാ​യി മ​നസ്സി​ലാ​ക്കു​ക​യും ചെ​യ്തു. ജാ​മി​അ മി​ല്ലി​യ്യയി​ലും അ​ലീ​ഗ​ഢ് യൂ​നി​വേ​ഴ്സി​റ്റി​യി​ലും പൊലീ​സ് ന​ട​ത്തി​യ തേ​ർ​വാ​ഴ്ച​ക​ളെ കു​റ്റ​പ്പെ​ടു​ത്താ​തെ അ​ന്വേ​ഷ​ണ​ത്തി​നു​ള്ള ജു​ഡീ​ഷ്യ​ൽ ക​മ്മ​ിറ്റി രൂ​പ​വ​ത്ക​ര​ണ​ം. ഹൈ​കോ​ട​തി​ക​ളു​ടെ വി​വേ​ച​നാ​ധി​കാ​ര​ത്തി​ന് വി​ട്ട്​​ തോ​ളൊ​ഴി​യു​കയാ​യി​രു​ന്നു സു​പ്രീംകോ​ട​തി.

സു​പ്രീംകോ​ട​തി നി​ർ​ദേ​ശ​പ്ര​കാ​രം ഹൈ​കോ​ട​തി​യി​ലെ​ത്തി​യ വി​ദ്യാ​ർ​ഥി​ക​ളു​ടെ ഒ​രാ​വ​ശ്യ​വും പ​രി​ഗ​ണി​ക്കാ​തെ കേ​ന്ദ്ര​ത്തി​നും പൊലീ​സി​നും നോ​ട്ടീസ​യ​ച്ച് കേ​സ് ഫെ​ബ്രു​വ​രി നാ​ലി​ലേ​ക്ക് മാ​റ്റി​വെക്കുകയായിരുന്നു. ചീ​ഫ് ജ​സ്​റ്റി​സിെ​ൻ​റ ബെ​ഞ്ചി​നെ​തി​രെ ഷെ​യിം വി​ളി​ക​ളോ​ടെ​യാ​ണ് അഭിഭാഷകർ ഉ​ത്ത​ര​വി​നോ​ട് പ്ര​തി​ക​രി​ച്ച​ത്. അ​ല​ഹ​ബാ​ദ് ഹൈ​കോ​ട​തി ജ​നു​വ​രി രണ്ടിന് ​വാ​ദം കേ​ൾ​ക്കാ​ൻ ത​യാ​റാ​യെ​ങ്കി​ലും വി​ദ്യാ​ർ​ഥി​ക​ൾ​ക്ക് പൊ​ലീ​സ് അ​തി​ക്ര​മ​ങ്ങ​ളി​ൽനി​ന്ന് സം​ര​ക്ഷ​ണം ന​ൽ​കാ​നു​ള്ള പൊ​തു ഉ​ത്ത​ര​വിനും കോടതി വിസമ്മതിച്ചു. ര​ണ്ടു ഹൈ​കോ​ട​തി​ക​ളും നീ​തി സം​ര​ക്ഷണ​ത്തി​ൽ പ​രാ​ജ​യ​പ്പെ​ട്ട സാ​ഹ​ച​ര്യ​ത്തി​ൽ ശ​നി​യാ​ഴ്ച​യും ഞാ​യ​റാ​ഴ്ച​യും അ​വ​ധി​ദി​ന​ങ്ങ​ളി​ലും അ​ർ​ധരാ​ത്രി​യി​ലും തു​റ​ന്ന ചരി​ത്രങ്ങൾ ഏറെ പറയാനുള്ള പരമോന്നത നീതിപീഠം ശൈ​ത്യ​കാ​ല അ​വ​ധി മാറ്റിവെച്ച്​ നീ​തി​യു​ടെ സം​ര​ക്ഷ​ണ​ത്തി​ന് ത​യാറാ​ക​ണം. ഭ​ര​ണ​കൂ​ട​ഭീ​തി​ക്ക് ഈ സ്​ഥാപനംകൂടി വി​ധേ​യ​പ്പെ​ട്ടാ​ൽ സ​മ്പൂ​ർ​ണ​ അ​രാ​ജ​ക​ത്വ​ത്തിനാകും അതു വഴിവെക്കുക. ഈ രാ​ജ്യം അതാഗ്രഹിക്കുന്നില്ല.

Show Full Article
TAGS:CAA CAA protests Malayalam Article 
Next Story