ബു​ൾ​ഡോ​സ​ർ എ​ന്ന മ​ഹാ​ധി​കാ​രി

അ​ന്വേ​ഷ​ണം, കേ​സ് വി​സ്താ​രം, വി​ധി പ​റ​യ​ൽ-​ഇ​ത്യാ​ദി കോ​ട​തി ന​ട​പ​ടി​ക​ൾ​ക്കൊ​ന്നും യാ​തൊ​രു പ്ര​സ​ക്തി​യു​മി​ല്ലെ​ന്ന് തോ​ന്നി​പ്പി​ക്കു​ന്ന രീ​തി​യിലെ നി​യ​മം ന​ട​പ്പാ​ക്ക​ൽ രാ​ജ്യ​ത്ത് ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളു​ടെ നാ​ട്ടു​ന​ട​പ്പാ​യി മാ​റി​യി​രി​ക്കു​ന്നു. ഒ​രു കു​റ്റ​കൃ​ത്യം ന​ട​ന്ന​താ​യി ആ​രോ​പ​ണ​മു​യ​ർ​ന്നാ​ൽ കു​റ്റ​വാ​ളി​ക​ളെ വെ​ച്ചു​പൊ​റു​പ്പി​ക്കി​ല്ലെ​ന്നും ക​ർ​ശ​ന ന​ട​പ​ടി​യു​മാ​യി മു​ന്നോ​ട്ടു​പോ​കു​മെ​ന്നും സം​സ്ഥാ​ന ഭ​ര​ണ​ത്തി​ലെ ഉ​ന്ന​ത​രു​ടെ പ്ര​ഖ്യാ​പ​നം വ​രും, തൊ​ട്ടു​പി​ന്നാ​ലെ ജി​ല്ല ഭ​ര​ണ​കൂ​ട​മോ ന​ഗ​ര​സ​ഭാ അ​ധി​കാ​രി​ക​ളോ പൊ​ലീ​സ് അ​ക​മ്പ​ടി​യോ​ടെ ബു​ൾ​ഡോ​സ​റു​ക​ളെ​യും തെ​ളി​ച്ച് ആ​രോ​പി​ത​രു​ടെ വീ​ടും ക​ട​ക​ളും ഇ​ടി​ച്ചു​നി​ര​ത്തി ശി​ക്ഷ ന​ട​പ്പാ​ക്കു​ക​യാ​യി. കോ​ട​തി​യെ സ​മീ​പി​ച്ച് ഇ​ടി​ച്ചു​നി​ര​ത്ത​ൽ ന​ട​പ​ടി സ്റ്റേ ​ചെ​യ്യി​ക്കാ​തി​രി​ക്കാ​നാ​വ​ണം ന​ട​പ​ടി​ക്ക് മു​മ്പ് ഇ​തു സം​ബ​ന്ധി​ച്ച നോ​ട്ടീ​സും ന​ൽ​കാ​റി​ല്ല.

മ​ധ്യ​പ്ര​ദേ​ശ്, ഗു​ജ​റാ​ത്ത്, ഉ​ത്ത​ർ​പ്ര​ദേ​ശ്, ഹ​രി​യാ​ന, അ​സം തു​ട​ങ്ങി​യ സം​സ്ഥാ​ന​ങ്ങ​ളി​ൽ ഈ ​ന​ട​പ​ടി ഒ​രു പു​തു​മ​യ​ല്ലാ​താ​യി​ത്തീ​ർ​ന്നി​രി​ക്കു​ന്നു; മ​ഹാ​രാ​ഷ്ട്ര​യും ഉ​ത്ത​രാ​ഖ​ണ്ഡും രാ​ജ​സ്ഥാ​നും ഇ​പ്പോ​ൾ ആ ​വ​ഴി​ക്കാ​ണ്. അ​തി​നു പു​റ​മെ, പൊ​ലീ​സി​ലും ന​ഗ​ര​വി​ക​സ​ന സ്ഥാ​പ​ന​ങ്ങ​ളി​ലു​മു​ള്ള അ​ധി​കാ​രം ഉ​പ​യോ​ഗി​ച്ച് ആം ​ആ​ദ്മി പാ​ർ​ട്ടി ഭ​ര​ണ​ത്തി​ലു​ള്ള രാ​ജ്യ​ത​ല​സ്ഥാ​ന പ്ര​ദേ​ശ​മാ​യ ഡ​ൽ​ഹി​യി​ലും വീ​ടു​ക​ളും പ​ള്ളി​ക​ളും ദ​ർ​ഗ​ക​ളും ഖ​ബ​ർ​സ്ഥാ​നു​ക​ളു​മെ​ല്ലാം ത​ക​ർ​ക്കു​ന്നു​ണ്ട്. ബി.​ജെ.​പി ഭ​രി​ക്കു​ന്ന സം​സ്ഥാ​ന​ങ്ങ​ളി​ൽ ന​ട​ക്കു​ന്ന സ​ക​ല കു​റ്റ​ങ്ങ​ൾ​ക്കും ഇ​വ്വി​ധ​മാ​ണ് നി​യ​മം ന​ട​പ്പാ​ക്ക​ലെ​ങ്കി​ൽ നി​യ​മ​വി​രു​ദ്ധ​മാ​ണെ​ങ്കി​ലും മു​ഖം​നോ​ക്കാ​ത്ത ന​ട​പ​ടി എ​ന്ന് വി​ശേ​ഷി​പ്പി​ക്കാ​മാ​യി​രു​ന്നു.

ജീ​വ​നും സ്വ​ത്തി​നും ഭീ​ഷ​ണി​യാ​വു​ന്ന, സ്ത്രീ​ക​ളു​ടെ സു​ര​ക്ഷ​ക്ക് വി​ഘാ​തം സൃ​ഷ്ടി​ക്കു​ന്ന, ദ​ലി​ത് സ​മൂ​ഹ​ത്തി​ന്റെ ജീ​വ​നും അ​ന്ത​സ്സും ഹ​നി​ക്കു​ന്ന, ആ​ൾ​ക്കൂ​ട്ട​ക്കൊ​ല​പാ​ത​ങ്ങ​ളു​ൾ​പ്പെ​ടെ ന്യൂ​ന​പ​ക്ഷ മ​ത​സ​മൂ​ഹ​ങ്ങ​ളു​ടെ നി​ല​നി​ൽ​പി​നു​ത​ന്നെ വെ​ല്ലു​വി​ളി​യാ​വു​ന്ന ഒ​ട്ട​ന​വ​ധി കു​റ്റ​കൃ​ത്യ​ങ്ങ​ൾ ദി​നം​പ്ര​തി​യെ​ന്നോ​ണം ന​ട​മാ​ടു​ന്ന സം​സ്ഥാ​ന​ങ്ങ​ളാ​ണ് മു​ൻ​ചൊ​ന്ന​വ​യെ​ല്ലാം. ആ ​കേ​സു​ക​ളി​ലെ കു​റ്റ​ക്കാ​ർ​ക്ക് ശി​ക്ഷാ​ന​ട​പ​ടി​ക​ളി​ൽ​നി​ന്ന് പ്ര​തി​രോ​ധ​മൊ​രു​ക്കാ​നും കോ​ട​തി കു​റ്റ​ക്കാ​രെ​ന്ന് ക​ണ്ടെ​ത്തി​യാ​ൽ​പോ​ലും ര​ക്ഷ​പ്പെ​ടു​ത്താ​നു​മെ​ല്ലാ​മാ​ണ് സ​ർ​ക്കാ​റു​ക​ൾ​ക്ക് തി​ടു​ക്കം. എ​ന്നാ​ൽ, ആ​രോ​പ​ണ​വി​ധേ​യ​ർ മു​സ്‍ലിം പേ​രു​കാ​രാ​ണെ​ങ്കി​ൽ ന​ട​പ​ടി​ക​ൾ​ക്ക് ന​ക്ഷ​ത്ര​വേ​ഗ​മാ​ണ്. ​പ്ര​തി​ഷേ​ധ പ​രി​പാ​ടി​യി​ൽ പ​​ങ്കെ​ടു​ത്തു​വെ​ന്ന കു​റ്റ​ത്തി​നു​പോ​ലും വീ​ട് ഇ​ടി​ച്ചു​നി​ര​ത്തി​യ ഒ​ട്ട​ന​വ​ധി ഉ​ദാ​ഹ​ര​ണ​ങ്ങ​ളും എ​ടു​ത്തു​കാ​ണി​ക്കാ​നാ​വും. ഇ​ത്ത​രം ന​ട​പ​ടി​ക​ൾ പ​ഠ​ന​വി​ധേ​യ​മാ​ക്കി അ​ന്ത​ർ​ദേ​ശീ​യ പൗ​രാ​വ​കാ​ശ സം​ഘ​ട​ന​യാ​യ ആം​നെ​സ്റ്റി ഇ​ന്റ​ർ​നാ​ഷ​ന​ൽ ഈ​യി​ടെ പു​റ​ത്തി​റ​ക്കി​യ റി​പ്പോ​ർ​ട്ട് ചോ​ദി​ക്കു​ന്ന​ത് ഇ​ത് മ​ത​ന്യൂ​ന​പ​ക്ഷ​ങ്ങ​ൾ​ക്കെ​തി​രാ​യ ശി​ക്ഷാ​ന​ട​പ​ടി​യോ എ​ന്നാ​ണ്.

ഇ​ക്ക​ഴി​ഞ്ഞ ദി​വ​സം രാ​ജ​സ്ഥാ​നി​ലാ​ണ് ബു​ൾ​ഡോ​സ​ർ പൂ​ണ്ടു​വി​ള​യാ​ടി​യ​ത്. ആ​ൽ​വാ​ർ മേ​ഖ​ല​യി​ലെ ആ​ളൊ​ഴി​ഞ്ഞ പ്ര​ദേ​ശ​ത്ത് അ​ന​ധി​കൃ​ത ബീ​ഫ് ക​ച്ച​വ​ടം ന​ട​ക്കു​ന്നു​വെ​ന്ന ഒ​രു ഒ​ളി​കാ​മ​റ വാ​ർ​ത്ത​ക്ക് പി​ന്നാ​ലെ പൊ​ലീ​സും അ​ധി​കാ​രി​ക​ളും സ​ട​കു​ട​ഞ്ഞെ​ഴു​ന്നേ​ൽ​ക്കു​ക​യാ​യി​രു​ന്നു. ഇ​റ​ച്ചി​വാ​ങ്ങാ​നെ​ന്ന പേ​രി​ൽ ക​ച്ച​വ​ട​ക്കാ​രെ സ​മീ​പി​ച്ച ര​ണ്ട് മാ​ധ്യ​മ​പ്ര​വ​ർ​ത്ത​ക​ർ ഒ​പ്പം പൊ​ലീ​സ് സം​ഘ​ത്തെ​യും കൂ​ട്ടി​യി​രു​ന്നു​വെ​ത്രെ. വി​ൽ​പ​ന ന​ട​ത്തി​യെ​ന്നാ​രോ​പി​ക്ക​പ്പെ​ടു​ന്ന ക​ട​ക​ളി​ൽ റെ​യ്ഡ് ന​ട​ത്തു​ക​യും ചി​ല​രെ അ​റ​സ്റ്റു ചെ​യ്യു​ക​യു​മു​ണ്ടാ​യി.

അ​ന​ധി​കൃ​ത ബീ​ഫ് റാ​ക്ക​റ്റ് ന​ട​ത്തി​പ്പു​കാ​ർ എ​ന്നാ​രോ​പി​ച്ച് 25 പേ​ർ​ക്കെ​തി​രെ കേ​സെ​ടു​ത്തി​ട്ടു​ണ്ട്. ക​ണ്ടു​നി​ന്ന​വ​രെ​യും സ്ഥ​ല​ത്തി​ല്ലാ​ത്ത​വ​രെ​യും പോ​ലും ​പ്ര​തി​ചേ​ർ​ക്കു​ക​യും ക​ഠോ​ര നി​യ​മ​ങ്ങ​ൾ ചു​മ​ത്തി ജ​യി​ലി​ല​ട​ക്കു​ക​യും ചെ​യ്യു​ന്ന​ത് സ​ർ​വ​സാ​ധാ​ര​ണ​മാ​യ​തി​നാ​ലാ​വ​ണം പ്ര​ദേ​ശ​ത്തെ വീ​ടു​ക​ളി​ൽ​നി​ന്ന് പു​രു​ഷ​ന്മാ​ർ ഏ​റെ​യും പ​ലാ​യ​നം ചെ​യ്തി​രി​ക്കു​ക​യാ​ണ്. വീ​ടു​ക​ളി​ൽ സ്ത്രീ​ക​ൾ മാ​ത്രം അ​വ​ശേ​ഷി​ക്കെ​യാ​ണ് മു​സ്‍ലിം ഭൂ​രി​പ​ക്ഷ മേ​ഖ​ല​യാ​യ കി​ഷ​ൻ​ഗ​ഢ് ബാ​സി​ലെ 12 വീ​ടു​ക​ൾ ബു​ൾ​ഡോ​സ​ർ ഉ​പ​യോ​ഗി​ച്ച് ത​ക​ർ​ത്തു​ക​ള​ഞ്ഞ​ത്.

അ​തു​കൊ​ണ്ടും മ​തി​വ​രാ​തെ 44 ഏ​ക്ക​ർ പാ​ട​ത്തെ ഗോ​ത​മ്പ്, ക​ടു​ക് കൃ​ഷി​ക​ളും ന​ശി​പ്പി​ച്ചു അ​ധി​കൃ​ത​ർ. അ​ന​ധി​കൃ​ത ഇ​റ​ച്ചി വി​ൽ​പ​ന​ക്കെ​തി​രെ ന​ട​പ​ടി സ്വീ​ക​രി​ച്ചി​ല്ലെ​ന്നാ​രോ​പി​ച്ച് ഏ​താ​നും പൊ​ലീ​സ് ഉ​ദ്യോ​ഗ​സ്ഥ​ർ​ക്കെ​തി​രെ​യും ന​ട​പ​ടി​യു​ണ്ട്. രാ​ജ​സ്ഥാ​നി​ലെ​യും ഹ​രി​യാ​ന​യി​ലെ​യും വ​ഴി​യോ​ര ത​ട്ടു​ക​ട​ക​ളി​​ൽ വി​ൽ​ക്കു​ന്ന ബി​രി​യാ​ണി​യി​ൽ ഉ​പ​യോ​ഗി​ക്കു​ന്ന​ത് അ​ന​ധി​കൃ​ത​മാ​യി അ​റു​ത്ത കാ​ലി​ക​ളു​ടെ ഇ​റ​ച്ചി​യാ​ണെ​ന്ന ക​ഥ മെ​ന​ഞ്ഞ് തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യി ആ ​ക​ച്ച​വ​ട​ക്കാ​രെ​യും അ​മ​ർ​ച്ച ചെ​യ്യാ​നു​ള്ള ത​യാ​റെ​ടു​പ്പു​ക​ൾ ന​ട​ക്കു​ന്നു​ണ്ട്. രാ​ജ​സ്ഥാ​നി​ലും ഹ​രി​യാ​ന​യി​ലും പ​ശു​സം​ര​ക്ഷ​ക​ർ ച​മ​ഞ്ഞ് സം​ഘ്പ​രി​വാ​ർ അ​ക്ര​മി​ക​ൾ ന​ട​ത്തി​യ കൊ​ല​പാ​ത​ക​ങ്ങ​ളി​ൽ ഒ​രു ​പ്ര​തി​പോ​ലും ശി​ക്ഷി​ക്ക​പ്പെ​ട്ടി​ട്ടി​ല്ലെ​ന്നും ഇ​തോ​ടൊ​പ്പം വാ​യി​ക്ക​ണം.

എ​ത്ര​വ​ലി​യ ​കു​റ്റ​കൃ​ത്യ​മാ​യാ​ലും പ്ര​തി​ക​ളെ ക​ണ്ടെ​ത്താ​നും നി​യ​മ​ത്തി​നു മു​ന്നി​ൽ കൊ​ണ്ടു​വ​രു​വാ​നു​മ​ല്ലാ​തെ നി​യ​മം കൈ​യി​ലെ​ടു​ത്ത് ശി​ക്ഷ ന​ട​പ്പാ​ക്കാ​ൻ പൊ​ലീ​സി​നോ മ​റ്റേ​തെ​ങ്കി​ലും നി​യ​മ​പാ​ല​ന ഏ​ജ​ൻ​സി​ക​ൾ​ക്കോ അ​ധി​കാ​ര​മി​ല്ല. കു​റ്റാ​രോ​പി​ത​ർ​ക്കു​നേ​രെ പൊ​ലീ​സ് അ​മി​ത ബ​ല​പ്ര​യോ​ഗം ന​ട​ത്തു​ന്ന​തും കൊ​ല​പ്പെ​ടു​ത്തു​ന്ന​തു​മെ​ല്ലാം കു​റ്റ​ക​ര​മാ​യ നി​യ​മ​ബാ​ഹ്യ​പ്ര​വ​ർ​ത്ത​ന​ങ്ങ​ളാ​കു​ന്ന​ത് അ​തു​കൊ​ണ്ടാ​ണ്. ന​മ്മു​ടെ ഭ​ര​ണ​ഘ​ട​ന​ക്കോ നി​യ​മ​ങ്ങ​ൾ​ക്കോ ​​നി​യ​മ​വ്യ​വ​സ്ഥ​ക്കോ ഇ​ത്ത​രം രീ​തി വെ​ച്ചു​പൊ​റു​പ്പി​ക്കാ​നാ​വി​ല്ലെ​ന്ന് പ​ല നി​യ​മ​ജ്ഞ​രും തു​റ​ന്നു​പ​റ​ഞ്ഞി​ട്ടു​മു​ണ്ട്.

എ​ന്നാ​ൽ, ഈ ​നി​യ​മ​ബാ​ഹ്യ പ്ര​യോ​ഗം ന​ട​ത്താ​ൻ ഉ​ത്ത​ര​വി​ടു​ന്ന മു​ഖ്യ​മ​ന്ത്രി​മാ​രെ ‘ബു​ൾ​ഡോ​സ​ർ മാ​മ’​യെ​ന്നും ‘ബു​ൾ​ഡോ​സ​ർ ബാ​ബ’​യെ​ന്നും വാ​ഴ്ത്തു​ക​യാ​ണ് ബി.​ജെ.​പി​യും അ​വ​രു​ടെ പ്ര​ചാ​ര​ണ​വേ​ല ഏ​റ്റെ​ടു​ത്തി​രി​ക്കു​ന്ന മാ​ധ്യ​മ​ങ്ങ​ളും. അ​ന​ധി​കൃ​ത​മാ​യി നി​ർ​മി​ച്ച കെ​ട്ടി​ട​ത്തി​നു മു​ക​ളി​ൽ മോ​ദി​യു​ടെ​യും യോ​ഗി​യു​ടെ​യും പ്ര​തി​മ സ്ഥാ​പി​ച്ച് പൊ​ളി ന​ട​പ​ടി​യി​ൽ​നി​ന്ന് ര​ക്ഷി​ച്ചു​നി​ർ​ത്തി​യി​രി​ക്കു​ന്ന​ത് പ്ര​ധാ​ന​മ​ന്ത്രി​യു​ടെ നാ​ടാ​യ ഗു​ജ​റാ​ത്തി​ലാ​ണ്. ഭ​ര​ണ​ഘ​ട​ന​യെ മാ​നി​ക്കാ​തെ ഏ​റ്റു​മു​ട്ട​ൽ കൊ​ല​പാ​ത​ക​ങ്ങ​ളും ഇ​ടി​ച്ചു​നി​ര​ത്ത​ൽ നീ​തി​യു​മാ​യി മു​ന്നോ​ട്ടു​പോ​കു​ന്ന​വ​രോ​ട്, അ​താ​രു​ത​ന്നെ​യാ​യാ​ലും മ​തി​യെ​ന്ന് പ​റ​യാ​ൻ കോ​ട​തി​ക​ൾ മു​ന്നോ​ട്ടു​വ​രേ​ണ്ട സ​മ​യം അ​തി​ക്ര​മി​ച്ചി​രി​ക്കു​ന്നു.