Begin typing your search above and press return to search.
exit_to_app
exit_to_app
Homechevron_rightOpinionchevron_rightEditorialchevron_rightഏ​റ്റു​മു​ട്ട​ലി​ൽ...

ഏ​റ്റു​മു​ട്ട​ലി​ൽ കൊ​ല്ല​പ്പെ​ടു​ന്ന സ​ത്യ​ങ്ങ​ൾ

text_fields
bookmark_border
ഏ​റ്റു​മു​ട്ട​ലി​ൽ കൊ​ല്ല​പ്പെ​ടു​ന്ന  സ​ത്യ​ങ്ങ​ൾ
cancel

സി.​പി.​ഐ മാ​വോ​യിസ്​റ്റിെ​ൻറ പോ​ളി​റ്റ് ബ്യൂ​റോ അം​ഗ​വും സൈ​നി​കവി​ഭാ​ഗം മേ​ധാ​വി​യു​മാ​യി​രു​ന്ന മ​ല ്ലു​ജ്വാ​ല കോ​ടേ​ശ്വ​ര റാ​വു എ​ന്ന കി​ഷ​ൻ​ജി​യെ (1954–2011) മ​മ​ത ബാ​ന​ർ​ജി​യു​ടെ പൊ​ലീ​സ്​ വെ​ടി​വെ​ച്ചു കൊ​ന ്ന​പ്പോ​ൾ 2011 ന​വം​ബ​ർ 24ന്​ സി.​പി.​എം പോ​ളി​റ്റ് ബ്യൂ​റോ അം​ഗം മു​ഹ​മ്മ​ദ് സ​ലീം പു​റ​പ്പെ​ടു​വി​ച്ച പ്ര​സ ്​​താ​വ​ന​യി​ൽ ഇ​ങ്ങനെ വാ​യി​ക്കാം: ‘എ​ന്താ​ണ് സം​ഭ​വി​ച്ച​ത് എ​ന്ന​തി​നെ കു​റി​ച്ച സ​ത്യം പു​റ​ത്തു​വ​ര​ണ ം. മാ​വോ​വാദി നേ​താ​വി​നെ ഇ​ല്ലാ​താ​ക്കാ​നു​ള്ള വ്യാ​ജ ഏ​റ്റു​മു​ട്ട​ൽ സം​ഘ​ടി​പ്പി​ച്ചി​രി​ക്കു​ക​യാ​ണ് മ​മ​ത ബാ​ന​ർ​ജി. അ​വ​ർ ആ ​ല​ക്ഷ്യം നേ​ടി​യി​രി​ക്കു​ക​യാ​ണ്. സം​സ്​​ഥാ​ന സ​ർ​ക്കാ​റി​​െൻറ നേ​തൃ​ത്വ​ത്തി​ലു​ള്ള അ​റു​കൊ​ല​യാ​ണ് ജം​ഗ​ൽ​മ​ഹ​ലി​ൽ ന​ട​ന്നി​രി​ക്കു​ന്ന​ത്. യ​ഥാ​ർ​ഥ വ​സ്​​തു​ത അ​റി​യാ​നു​ള്ള എല്ലാ അ​വ​കാ​ശ​വും ജ​ന​ങ്ങ​ൾ​ക്കു​ണ്ട്.’ പി​ണ​റാ​യി വി​ജ​യ​ൻ സ​ർ​ക്കാ​ർ അ​ധി​കാ​ര​മേ​റ്റെ​ടു​ത്തശേ​ഷം കേ​ര​ളം ക​ണ്ട മൂ​ന്നാ​മ​ത്തെ ‘ഏ​റ്റു​മു​ട്ട​ൽ കൊ​ല’​യാ​ണ് പാ​ല​ക്കാ​ട് ജി​ല്ല​യി​ലെ അ​ഗ​ളി മ​ഞ്ചി​ക്ക​ണ്ടി​യി​ൽ തി​ങ്ക​ളാ​ഴ്ച ന​ട​ന്നി​രി​ക്കു​ന്ന​ത്. ക​ർ​ണാ​ട​ക സ്വ​ദേ​ശി​ക​ളാ​യ കാ​ർ​ത്തി, ര​മ, മ​ണി​വാ​സ​കം, സു​രേ​ഷ് എ​ന്നി​വ​രാ​ണ് കൊ​ല്ല​പ്പെ​ട്ട​ത്. 2016 ന​വം​ബ​ർ 24ന് ​നി​ല​മ്പൂ​ർ ക​രു​ളാ​യി വ​ന​ത്തി​ൽ ന​ട​ന്ന ‘ഏ​റ്റു​മു​ട്ട​ലി’​ൽ കു​പ്പു ദേ​വ​രാ​ജ്, അ​ജി​ത എ​ന്നീ മാ​വോ​വാദി നേ​താ​ക്ക​ൾ കൊ​ല്ല​പ്പെ​ട്ട​താ​ണ് ഈ ​പ​ര​മ്പ​ര​യി​ലെ ഒ​ന്നാ​മ​ത്തെ സം​ഭ​വം. 2019 മാ​ർ​ച്ച് ഏ​ഴി​ന് വ​യ​നാ​ട് ല​ക്കി​ടി​യി​ലെ റി​സോ​ർ​ട്ടി​ൽ സി.​പി ജ​ലീ​ൽ കൊ​ല്ല​പ്പെ​ട്ട​താ​ണ് ര​ണ്ടാ​മ​ത്തെ സം​ഭ​വം. ഈ ‘​ഏ​റ്റു​മു​ട്ട​ൽ കൊ​ല’ പ​ര​മ്പ​ര​ക​ളെ​ക്കു​റി​ച്ച് ജ​നാ​ധി​പ​ത്യ​വാ​ദി​ക​ൾ​ക്ക് സാ​മാ​ന്യ​മാ​യി ന​ട​ത്താ​വു​ന്ന പ്ര​തി​ക​ര​ണം കി​ഷ​ൻ​ജി​യു​ടെ കൊ​ല​പാ​ത​ക​ത്തെ തു​ട​ർ​ന്ന് സി.​പി.​എം നേ​താ​വ് മു​ഹ​മ്മ​ദ് സ​ലീം ന​ട​ത്തി​യ അ​തേ പ്ര​തി​ക​ര​ണം ത​ന്നെ​യാ​ണ്; ‘യ​ഥാ​ർ​ഥ​ത്തി​ൽ എ​ന്താ​ണ് സം​ഭ​വി​ച്ച​തെ​ന്ന് ജ​ന​ത്തി​ന​റി​യ​ണം.’ പ​ക്ഷേ, ഒ​രു കാ​ര്യം ഉ​റ​പ്പി​ച്ചു പ​റ​യാ​ൻ പ​റ്റും–​അ​ക്കാ​ര്യം സം​ഭ​വി​ക്കാ​ൻ പോ​വു​ന്നി​ല്ല.

തോ​ക്കി​ൻ കു​ഴ​ലി​ലൂ​ടെ വി​പ്ല​വം സം​ഘ​ടി​പ്പി​ക്കാ​ൻ ഇ​റ​ങ്ങി​പ്പു​റ​പ്പെ​ട്ട​വ​രാ​ണ് മാ​വോവാദിക​ൾ. ഗ്രാ​മ​ങ്ങ​ൾ ന​ഗ​ര​ങ്ങ​ളെ വ​ള​യു​മെ​ന്നും അ​ങ്ങ​നെ വി​മോ​ച​നം സം​ഘ​ടി​പ്പി​ക്കാം എ​ന്നു​മൊ​ക്കെ പ​ണ്ട് മാ​വോ പ​റ​ഞ്ഞു​വെ​ച്ച​ത് മ​ന​സ്സി​ൽ ക​ണ്ട് തോ​ക്കു​മാ​യി കാ​ട്ടി​ലേ​ക്ക് പോ​യ​വ​രാ​ണ​വ​ർ. ഉ​ന്ന​ത​മാ​യ ല​ക്ഷ്യ​ങ്ങ​ളും സ്വ​പ്ന​ങ്ങ​ളും അ​വ​ർ​ക്കു​ണ്ടെ​ങ്കി​ലും അ​വ​ർ തി​ര​ഞ്ഞെ​ടു​ത്ത വ​ഴി അ​തി​വി​ചി​ത്ര​മാ​ണെ​ന്ന് സാ​മാ​ന്യ​മാ​യി ചി​ന്തി​ക്കു​ന്ന ആ​ർ​ക്കും മ​ന​സ്സി​ലാ​വും. തോ​ക്കേ​ന്തി​യ ഗാ​ന്ധി​യ​ന്മാ​ർ എ​ന്ന് അ​രു​ന്ധ​തി റോ​യി അ​വ​രെ വി​ശേ​ഷി​പ്പി​ച്ച​ത് പ​ല അ​ർ​ഥ​ങ്ങ​ളി​ൽ ശ​രി​യാ​ണ്. അ​വ​ർ ജ​നാ​ധി​പ​ത്യ​ത്തി​ൽ വി​ശ്വ​സി​ക്കു​ന്ന​വ​ര​ല്ല. സ്​റ്റേ​റ്റി​നെ​തി​രെ സാ​യു​ധ യു​ദ്ധം പ്ര​ഖ്യാ​പി​ക്കു​ക​യും ത​ദാ​വ​ശ്യാ​ർ​ഥം സൈ​നി​ക ദ​ള​ങ്ങ​ൾ രൂ​പവത്​ക​രി​ക്കു​ക​യും ചെ​യ്ത​വ​രാ​ണ്. ഇ​തൊ​ക്കെ ശ​രി​യാ​യി​രി​ക്കെ ത​ന്നെ അ​വ​രെ ഇ​ല്ലാ​താ​ക്കാ​ൻ നി​യ​മ​വി​രു​ദ്ധ​വും ഭ​ര​ണ​ഘ​ട​ന ബാ​ഹ്യ​വു​മാ​യ വ​ഴി സ്വീ​ക​രി​ക്കാ​ൻ ഒ​രു സ​ർ​ക്കാ​റി​നും അ​വ​കാ​ശ​മി​ല്ല എ​ന്ന​താ​ണ് വാ​സ്​​ത​വം. ഭ​ര​ണ​ഘ​ട​ന​യെ എ​തി​ർ​ക്കു​ന്ന​വ​നും പ​രി​ര​ക്ഷ ന​ൽ​കാ​ൻ ബാ​ധ്യ​ത​പ്പെ​ട്ട ഭ​ര​ണ​ഘ​ട​ന​യാ​ണ് ന​മ്മു​ടേ​ത്.

ആ​ക്ര​മി​ക്കാ​ൻ തു​നി​ഞ്ഞ​വ​ർ​ക്കുനേ​രെ സ്വ​യ​ര​ക്ഷാ​ർ​ഥം വെ​ടി​വെ​ക്കു​ക​യാ​ണ് പൊ​ലീ​സ്​ ചെ​യ്ത​തെ​ന്നാ​ണ് മു​ഖ്യ​മ​ന്ത്രി നി​യ​മ​സ​ഭ​യി​ൽ ന​ൽ​കി​യ വി​ശ​ദീ​ക​ര​ണം. ഇ​ത്ത​രം ഏ​തു സം​ഭ​വ​ത്തി​ലും ബ​ന്ധ​പ്പെ​ട്ട ഏ​ജ​ൻ​സി​ക​ൾ ന​ൽ​കു​ന്ന വി​ശ​ദീ​ക​ര​ണം മാ​ത്ര​മാ​ണി​ത്. ഗു​ജ​റാ​ത്തി​ൽ ന​ട​ന്ന അ​സം​ഖ്യം ഏ​റ്റു​മു​ട്ട​ൽ കൊ​ല​ക​ളെ കു​റി​ച്ച് അ​തി​ന് കാ​ർ​മി​ക​ത്വം വ​ഹി​ച്ച അ​മി​ത് ഷാ​യും ഇ​തേ ത​ര​ത്തി​ലു​ള്ള വി​ശ​ദീ​ക​ര​ണ​ങ്ങ​ളാ​ണ് ന​ൽ​കി​ക്കൊ​ണ്ടി​രു​ന്ന​ത്. പൊ​ലീ​സും മു​ഖ്യ​മ​ന്ത്രി​യും ന​ൽ​കു​ന്ന വി​ശ​ദീ​ക​ര​ണ​ത്തി​ന് ക​ട​ക​വി​രു​ദ്ധ​മാ​യ നി​ല​പാ​ടാ​ണ് സം​ഭ​വ​ത്തെ കു​റി​ച്ച് പ്ര​ദേ​ശ​വാ​സി​ക​ളാ​യ ആ​ദി​വാ​സി​ക​ൾ ന​ൽ​കു​ന്ന​ത്. കീ​ഴ​ട​ങ്ങാ​ൻ സ​ന്ന​ദ്ധ​ത അ​റി​യി​ച്ച മാ​വോ​വാ​ദി​ക​ളെ ത​ണ്ട​ർ​ബോ​ൾ​ട്ട് അ​വ​രു​ടെ ത​മ്പ് വ​ള​ഞ്ഞ് വെ​ടി​വെ​ക്കു​ക​യാ​യി​രു​ന്നു​വെ​ന്നാ​ണ് ആ​ദി​വാ​സി ആക്​ഷ​ൻ കൗ​ൺ​സി​ൽ നേ​താ​വ് മു​രു​ക​ൻ ബു​ധ​നാ​ഴ്ച മാ​ധ്യ​മ​ങ്ങ​ളോ​ട് പ​റ​ഞ്ഞ​ത്. മാ​വോ​വാ​ദി​ക​ളു​മാ​യി അ​നു​ന​യ ച​ർ​ച്ച​ക​ൾ​ക്ക് ആ​ദി​വാ​സി​ക​ളെ ഉ​പ​യോ​ഗി​ച്ച് അ​വ​രി​ലൂ​ടെ മാ​വോ​വാ​ദി​ക​ൾ ത​മ്പ​ടി​ച്ച സ്​​ഥ​ലം ക​ണ്ടെ​ത്തി പൊ​ലീ​സ്​ വെ​ടി​വെ​ക്കു​ക​യാ​യി​രു​ന്നു എ​ന്ന​താ​ണ് അ​ദ്ദേ​ഹ​ത്തിെ​ൻറ ഭാ​ഷ്യം. ആ​ദി​വാ​സി മാ​തൃ​സം​ഘം നേ​താ​വ് ശി​വാ​നി​യും ഇ​തേ ആ​രോ​പ​ണം ആ​വ​ർ​ത്തി​ക്കു​ന്നു​ണ്ട്. മ​ഞ്ചി​ക്ക​ണ്ടി​യി​ൽ ന​ട​ന്ന​ത് വ്യാ​ജ ഏ​റ്റു​മു​ട്ട​ലാ​ണെ​ന്ന് എ​ൽ.​ഡി.​എ​ഫി​ലെ ര​ണ്ടാ​മ​ത്തെ ഘ​ട​ക​ക​ക്ഷി​യാ​യ സി.​പി.​ഐ​യും ആ​രോ​പി​ച്ചു ക​ഴി​ഞ്ഞു.​

പൊ​ലീ​സു​കാ​ർ എ​ഴു​തി​ക്കൊ​ടു​ക്കു​ന്ന​ത് നി​യ​മ​സ​ഭ​യി​ൽ വാ​യി​ച്ച​തുകൊ​ണ്ട് മാ​ത്രം ചോ​ദ്യ​ങ്ങ​ളി​ൽ നി​ന്ന് മു​ഖ്യ​മ​ന്ത്രി​ക്കും ഭ​ര​ണ​കൂ​ട​ത്തി​നും ഒ​ളി​ച്ചോ​ടാ​നാ​വി​ല്ല.
ദേ​ശീ​യ​ത​ല​ത്തി​ൽ ത​ന്നെ ച​ർ​ച്ച ചെ​യ്യ​പ്പെ​ട്ട ഏ​റ്റു​മു​ട്ട​ൽ കൊ​ല​ക​ളു​ടെ കാ​ര്യ​ത്തി​ൽ സു​വ്യ​ക​്​ത​മാ​യ രാ​ഷ്​​്ട്രീയ നി​ല​പാ​ടു​ണ്ട് സി.​പി.​എ​മ്മി​ന്. പ​ക്ഷേ, അ​തേ പാ​ർ​ട്ടി​യു​ടെ നേ​തൃ​ത്വ​ത്തി​ലു​ള്ള ഭ​ര​ണ​കൂ​ട​മാ​ണ് കേ​ര​ള​ത്തി​ൽ മു​മ്പി​ല്ലാ​ത്ത വി​ധം ഏ​റ്റു​മു​ട്ട​ൽ കൊ​ല​ക​ൾ​ക്ക് കാ​ർ​മി​ക​ത്വം വ​ഹി​ക്കു​ന്ന​ത് എ​ന്ന​ത് വി​ചി​ത്ര​മാ​ണ്. പൊ​ലീ​സ്​ വ​കു​പ്പി​നെ ന​യി​ക്കു​ന്ന​തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ന് സം​ഭ​വി​ക്കു​ന്ന പി​ഴ​വു​ക​ൾ ഈ ​കോ​ള​ത്തി​ൽ പ​ല ത​വ​ണ ചൂ​ണ്ടി​ക്കാ​ട്ടി​യ​താ​ണ്. പൊ​ലീ​സി​ന് വീ​ഴ്ച പ​റ്റി എ​ന്ന് പി​ണ​റാ​യി വി​ജ​യ​ൻ ത​ന്നെ സ​മ്മ​തി​ച്ച 11 സം​ഭ​വ​ങ്ങ​ൾ ഉ​ണ്ടാ​യി​ട്ടു​ണ്ട്. മാ​വോ​വാ​ദി​ക​ളെ വ​ധി​ച്ച സം​ഭ​വ​വും യ​ഥാ​ർ​ഥ​ത്തി​ൽ ആ ​പ​ട്ടി​ക​യി​ൽ വ​രു​ന്ന​താ​ണോ എ​ന്ന് അ​ദ്ദേ​ഹം പ​രി​ശോ​ധി​ക്ക​ണം.

അ​ട്ട​പ്പാ​ടി​യി​ലെ ‘ഏ​റ്റു​മു​ട്ട​ൽ കൊ​ല’​ക​ൾ വ​ലി​യ രാഷ്​ട്രീ​യ വി​വാ​ദ​മാ​യി മാ​റി​ക്കൊ​ണ്ടി​രി​ക്കു​ക​യാ​ണ്. ഏ​റ്റു​മു​ട്ട​ൽ കൊ​ല​ക​ളെ കു​റി​ച്ച് എ​ന്തെ​ങ്കി​ലും സു​വ്യ​ക്ത​മാ​യ രാ​ഷ്​ട്രീ​യ നി​ല​പാ​ടു​ള്ള​തുകൊ​ണ്ടാ​ണ് കോ​ൺ​ഗ്ര​സ്​ ഈ ​വി​ഷ​യം ഉ​യ​ർ​ത്തു​ന്ന​ത് എ​ന്നൊ​ന്നും വി​ചാ​രി​ക്കേ​ണ്ട. അ​വ​ർ​ക്കി​തും–​മ​റ്റേ​തൊ​രു പ്ര​തി​പ​ക്ഷ​ത്തെ​യും പോ​ലെ–​ഒ​രു രാഷ്​ട്രീയ ആ​യു​ധം മാ​ത്ര​മാ​ണ്. അ​തി​നാ​ൽത​ന്നെ, ഈ ​വി​ഷ​യം പ്ര​തി​പ​ക്ഷം ഉ​യ​ർ​ത്തു​ന്ന​തി​ൽ എ​ന്തെ​ങ്കി​ലും നൈ​തി​ക​ത​യും ആ​ത്്മാ​ർ​ഥ​ത​യും പ്ര​തീ​ക്ഷി​ക്കേ​ണ്ട. അ​തേസ​മ​യം, ജ​നാ​ധി​പ​ത്യ​വാ​ദി​ക​ൾ ഈ ​വി​ഷ​യ​ത്തെ അ​ങ്ങ​നെ​യ​ല്ല കാ​ണേ​ണ്ട​ത്. ഇ​തു​സം​ബ​ന്ധ​മാ​യ ഏ​ത് ആ​വ​ശ്യ​വും പ​രാ​ജ​യ​െ​പ്പ​ടു​മെ​ന്ന് ഉ​റ​പ്പാ​ണ്. അ​പ്പോ​ഴും ഏ​റ്റു​മു​ട്ട​ൽ കൊ​ല​ക​ളെ കു​റി​ച്ച ചോ​ദ്യ​ങ്ങ​ൾ നാം ​ചോ​ദി​ച്ചു കൊ​ണ്ടേ​യി​രി​ക്ക​ണം. ജ​നാ​ധി​പ​ത്യം ദു​ർ​ബ​ല​പ്പെ​ടാ​തി​രി​ക്കാ​ൻ അ​ത് അ​നി​വാ​ര്യ​മാ​ണ്.

Show Full Article
TAGS:attappadi maoist encounter editorial 
News Summary - Attappadi Maoist encounter - Editorial
Next Story