ആ​ശ​മാ​രോ​ട് ന​ന്ദി​കേ​ട​രു​ത്

അ​ത്ര പെ​ട്ടെ​ന്ന​ങ്ങ് മ​റ​ക്കാ​നാ​കു​മോ ന​മ്മ​ൾ ക​ട​ന്നു​പോ​യ ക​ഠി​ന​കാ​ല​ങ്ങ​ളെ? അ​ടു​ത്തി​രു​ന്നൊ​രാ​ൾ ഉ​ച്ച​ത്തി​ൽ ചു​മ​ച്ചാ​ൽ- അ​ത് സ്വ​ന്തം കൂ​ട​പ്പി​റ​പ്പാ​ണെ​ങ്കി​ൽ​ പോ​ലും മ​ര​ണ​കാ​രി​യാ​വു​ന്ന നി​പ, കോ​വി​ഡ് വൈ​റ​സ് വാ​ഹ​ക​ർ എ​ന്നു ​ഭ​യ​ന്ന് ന​മ്മ​ൾ ഞെ​ട്ടി​മാ​റി ന​ട​ന്ന​ത് ഒ​രു​പാ​ടൊ​രു​പാ​ട് വ​ർ​ഷ​ങ്ങ​ൾ മു​മ്പൊ​ന്നു​മ​ല്ല​ല്ലോ. ഉ​റ്റ​വ​ർ പോ​ലും അ​ക​ലം പാ​ലി​ച്ച ആ ​നാ​ളു​ക​ളി​ൽ ആ​രോ​ഗ്യ വി​വ​രം അ​ന്വേ​ഷി​ക്കാ​നും നാ​ളെ നേ​രം പു​ല​രാ​തി​രു​ന്നെ​ങ്കി​ൽ എ​ന്ന് പ്രാ​ർ​ഥി​ച്ച​വ​രോ​ട് ഈ ​കാ​ല​വും ക​ട​ന്നു​പോ​കു​മെ​ന്ന് ആ​ത്മ​വി​ശ്വാ​സം പ​ക​രാ​നും ന​മു​ക്കു​മു​ന്നി​ൽ ഒ​രു ചെ​റു​പ​റ്റം മ​നു​ഷ്യ​രു​ണ്ടാ​യി​രു​ന്നു ; മാ​ലാ​ഖ​മാ​രെ​പ്പോ​ലെ നാ​ളെ​യെ​ക്കു​റി​ച്ച് പ്ര​ത്യാ​ശ പ​ക​ർ​ന്ന അ​വ​രെ ‘ആ​ശ’​മാ​ർ എ​ന്നാ​ണ് ന​മ്മ​ൾ പേ​രു​വി​ളി​ച്ച​ത്.

ക്വാ​റ​ന്റീ​നി​ൽ ക​ഴി​യു​ന്ന​വ​ർ​ക്ക് ഭ​ക്ഷ​ണം ഉ​റ​പ്പാ​ക്കാ​നും വാ​ക്സി​ൻ വി​ത​ര​ണം കൃ​ത്യ​മാ​ക്കാ​നും അ​മ്മ​മാ​രു​ടെ​യും കു​ഞ്ഞു​ങ്ങ​ളു​ടെ​യും ആ​രോ​ഗ്യ അ​നു​ബ​ന്ധ ആ​വ​ശ്യ​ങ്ങ​ൾ​ക്കും സ​ഹാ​യി​ക​ളാ​യി അ​വ​രെ​ത്തി. എ​ന്തി​നേ​റെ, കേ​ര​ള​ത്തെ ന​ടു​ക്കി​യ വ​യ​നാ​ട് ഉ​രു​ൾദു​ര​ന്ത​ത്തി​ൽ അ​ക​പ്പെ​ട്ട​വ​രെ തി​രി​ച്ച​റി​യാ​നും അ​തി​ജീ​വി​ത​രെ ക​ണ്ടെ​ത്താ​നും നി​ർ​ണാ​യ​ക ഇ​ട​പെ​ട​ൽ ന​ട​ത്തി​യ​ത് നാ​ടി​ന്റെ മു​ക്കു​മൂ​ല​ക​ൾ പോ​ലും കൈ​വെ​ള്ള​യി​ലെ രേ​ഖ​ക​ൾ​പോ​ലെ പ​രി​ചി​ത​രാ​യ ആ​ശാ പ്ര​വ​ർ​ത്ത​ക​രാ​യി​രു​ന്നു. പ്ര​ള​യ​വും പ​ക​ർ​ച്ച​വ്യാ​ധി​ക​ളും പ്ര​കൃ​തി​ക്ഷോ​ഭ​ങ്ങ​ളും അ​നി​ശ്ചി​ത​ത്വം നി​റ​ച്ച കേ​ര​ള​ത്തി​ന്റെ ക​ഴി​ഞ്ഞ പ​തി​റ്റാ​ണ്ടി​ന്റെ ച​രി​ത്ര​മെ​ഴു​തു​മ്പോ​ൾ ആ​ശാപ്ര​വ​ർ​ത്ത​ക​രു​ടെ സം​ഭാ​വ​ന​ക​ൾ രേ​ഖ​പ്പെ​ടു​ത്താ​ൻ ഒ​ന്നോ ര​ണ്ടോ അ​ധ്യാ​യ​ങ്ങ​ൾ തി​ക​യാ​തെ വ​രും.

മാ​ലാ​ഖ​മാ​ർ ക​ണ​ക്കെ പെ​രു​മാ​റി​യെ​ങ്കി​ലും അ​വ​രും മ​നു​ഷ്യ​രാ​ണ്. വേ​ദ​ന​യും സ​ങ്ക​ട​ങ്ങ​ളു​മു​ള്ള, വി​ശ​ന്നു ക​ര​യു​ന്ന കു​ഞ്ഞു​ങ്ങ​ളു​ള്ള, അ​സു​ഖ​ബാ​ധി​തരാ​യ മാ​താ​പി​താ​ക്ക​ളും പ​ങ്കാ​ളി​ക​ളു​മു​ള്ള സാ​ധാ​ര​ണ​ക്കാ​രും ഇ​ല്ലാ​യ്മ​ക്കാ​രു​മാ​യ മ​നു​ഷ്യസ്ത്രീ​ക​ൾ. സാ​മ്പ​ത്തി​ക അ​സ​മ​ത്വ​വും വി​ല​ക്ക​യ​റ്റ​വും ഭീ​തി​ദ​മാം വി​ധം വ​ർ​ധി​ച്ചു​വ​രു​ന്ന ഇ​ക്കാ​ല​ത്ത് കു​ടും​ബം പോ​റ്റാ​നു​ള്ള അ​ത്ഭു​ത​വ​ഴി​ക​ളൊ​ന്നും അ​വ​ർ​ക്ക് വ​ശ​മി​ല്ല. ചെ​യ്യു​ന്ന അ​ധ്വാ​ന​ത്തി​ന് ന്യാ​യ​വും മാ​ന്യ​വു​മാ​യ വേ​ത​നം ആ​വ​ശ്യ​പ്പെ​ടു​ക എ​ന്ന നീ​തി​പൂ​ർ​വ​ക​മാ​യ ജ​നാ​ധി​പ​ത്യ​പ​ര​മാ​യ മാ​ർ​ഗ​മേ അ​വ​ർ​ക്ക് മു​ന്നി​ലു​ള്ളൂ. അ​ന്ത​സ്സോ​ടെ ആ​ത്മാ​ഭി​മാ​നം ഉ​യ​ർ​ത്തി​പ്പി​ടി​ച്ച് ആ ​ആ​വ​ശ്യം ഉ​ന്ന​യി​ച്ച് ആ​ശ​മാ​ർ കേ​ര​ള സ​മൂ​ഹ​ത്തി​നു​മു​ന്നി​ൽ, ത​ല​സ്ഥാ​ന ഭ​ര​ണ ​സി​രാകേ​ന്ദ്ര​ത്തി​ൽ നി​ൽ​ക്കാ​ൻ തു​ട​ങ്ങി​യി​ട്ട് ആ​ഴ്ച​ക​ൾ പി​ന്നി​ട്ടി​രി​ക്കു​ന്നു.

കോ​വി​ഡ് പ്ര​തി​സ​ന്ധി​ഘ​ട്ട​ത്തെ മ​റി​ക​ട​ക്കാ​ൻ സ​മാ​ന​ത​ക​ളി​ല്ലാ​ത്ത പി​ന്തു​ണ​യേ​കി​യ അ​വ​രെ കോ​വി​ഡ് മാ​നേ​ജ്മെ​ന്റി​ന്റെ മേ​ന്മ​യി​ൽ ഭ​ര​ണ​ത്തു​ട​ർ​ച്ച നേ​ടി​യ മു​ഖ്യ​മ​ന്ത്രി തു​ട​ക്ക​ത്തി​ലേ കൈ​വി​ട്ടു. സ്വ​ജീ​വ​ൻ അ​വ​ഗ​ണി​ച്ച് ആ​ശ​മാ​ർ ന​ട​ത്തി​യ അ​ധ്വാ​ന​മാ​യി​രു​ന്നു ത​ന്റെ പ്ര​തി​ദി​ന വാ​ർ​ത്ത​സ​മ്മേ​ള​ന​ത്തി​ന്റെ കാ​ത​ൽ എ​ന്നു​പോ​ലും അ​ദ്ദേ​ഹം മ​റ​ന്നു​പോ​യി​രി​ക്കു​ന്നു. ആ​രോ​ഗ്യമ​ന്ത്രി​യാ​വ​ട്ടെ, മ​ധു​ര​ത്തി​ൽ മു​ക്കി അ​സ​ത്യ​ത്തി​ൽ പൊ​തി​ഞ്ഞ ഒ​ട്ടും അ​നു​താ​പ​മി​ല്ലാ​ത്ത പ്ര​സ്താ​വ​ന​ക​ളാ​ണ് ന​ട​ത്തി​യ​ത്. മ​റ്റു പ​ല സ​മ​ര​ങ്ങ​ളോ​ടും ഐ​ക്യ​പ്പെ​ട്ട് മാ​ന​വീ​യം വീ​ഥി​യി​ൽ വ​ന്ന് മു​ദ്രാ​വാ​ക്യ​ക്ക​വി​ത​ക​ൾ മു​ഴ​ക്കു​ന്ന സ​ർ​ക്കാ​ർ അ​ക്ര​ഡി​റ്റ​ഡ് സാം​സ്കാ​രി​ക പ്ര​വ​ർ​ത്ത​ക​രു​ടെ നി​ല​പാ​ടും വ്യ​ത്യ​സ്ത​മ​ല്ല.

സം​സ്ഥാ​ന​ത്തെ 941 ഗ്രാ​മ പ​ഞ്ചാ​യ​ത്തു​ക​ളി​ലാ​യി ദി​വ​സേ​ന പ​ത്തു മ​ണി​ക്കൂ​റോ​ളം ജോ​ലി​ചെ​യ്യു​ന്ന 26448 ആ​ശാ പ്ര​വ​ർ​ത്ത​ക​ർ​ക്ക് വ​ർ​ഷ​ങ്ങ​ളാ​യി പ്ര​തി​മാ​സം 7000 രൂ​പ​യാ​ണ് പ്ര​തി​ഫ​ലം ല​ഭി​ക്കു​ന്ന​ത്. അ​വ​ർ സ​ർ​ക്കാ​ർ ജീ​വ​ന​ക്കാ​ര​ല്ല, സ​ന്ന​ദ്ധ പ്ര​വ​ർ​ത്ത​ക​രാ​ണെ​ന്നും ഓ​ണ​റേ​റി​യ​ത്തി​ന് മാ​ത്ര​മേ അ​ർ​ഹ​ത​യു​ള്ളൂ എ​ന്നും പ​റ​യു​ന്ന ഭ​ര​ണ​കൂ​ടം, അ​ടു​ത്ത ശ്വാ​സ​ത്തി​ൽ ആ​രോ​ഗ്യ മേ​ഖ​ല​യു​ടെ പ്ര​വ​ർ​ത്ത​നം താ​ളം തെ​റ്റി​ക്കു​ന്ന സ​മ​രം അ​വ​സാ​നി​പ്പി​ച്ച് ജോ​ലി​ക്ക് ക​യ​റാ​ൻ ആ​ജ്ഞാ​പി​ക്കു​ന്നു.

സ​മ​രം ചെ​യ്യു​ന്ന ആ​ശാ പ്ര​വ​ർ​ത്ത​ക​ർ​ക്കെ​തി​രെ സ​മീ​പ ദി​വ​സ​ങ്ങ​ളി​ൽ സ​ർ​ക്കാ​ർ അ​നു​കൂ​ലി​ക​ൾ ന​ട​ത്തു​ന്ന വി​ദ്വേ​ഷ കാ​മ്പ​യി​ൻ അ​ത്യ​ന്തം അ​പ​ല​പ​നീ​യ​വും തി​ക​ഞ്ഞ ന​ന്ദി​കേ​ടു​മാ​ണ്. ഒ​ട്ട​ന​വ​ധി സ​മ​ര​ങ്ങ​ൾ​ക്ക് നേ​തൃ​ത്വം ന​ൽ​കി​യ മു​ൻ വ്യ​വ​സാ​യമ​ന്ത്രി കൂ​ടി​യാ​യ തൊ​ഴി​ലാ​ളി നേ​താ​വ് സ​മ​രം ചെ​യ്യു​ന്ന സ്ത്രീ​ക​ൾ​ക്കു​നേ​രെ സ​ക​ല മ​ര്യാ​ദ​ക​ളും ലം​ഘി​ച്ച് ആ​ക്ഷേ​പ​ങ്ങ​ൾ ചൊ​രി​യു​ക​യും ചെ​യ്തി​രി​ക്കു​ന്നു. ആ​രു​ടെ​യോ പ്രേ​ര​ണ​ക്ക് വ​ഴ​ങ്ങി​യാ​ണ് സ​മ​രം ചെ​യ്യു​ന്ന​ത് എ​ന്ന, നൂ​റ്റാ​ണ്ടു​ക​ളാ​യി അ​വ​കാ​ശ സ​മ​ര​ങ്ങ​ൾ​ക്കു​നേ​രെ പ​തി​ച്ചു​പോ​രു​ന്ന ചാ​പ്പ​യാ​ണ് ഈ ​ട്രേ​ഡ് യൂ​നി​യ​ൻ നേ​താ​വും പ്ര​യോ​ഗി​ക്കു​ന്ന​ത്. കേ​ന്ദ്രസ​ർ​ക്കാ​റി​ന്റെ വി​വാ​ദ കാ​ർ​ഷി​ക ന​യ​ങ്ങ​ൾ​ക്കെ​തി​രെ സ​മ​രം ചെ​യ്ത ക​ർ​ഷ​ക തൊ​ഴി​ലാ​ളി​ക​ൾ​ക്കെ​തി​രെ ജ​ന​ങ്ങ​ളെ തി​രി​ച്ചു​വി​ടാ​ൻ സം​ഘ് പ​രി​വാ​ർ ഭ​ര​ണ​കൂ​ട​വും ഇ​തേ ക​ള്ള​മാ​ണ് പ്ര​ച​രി​പ്പി​ച്ച​ത്.

നാ​ടി​ന് നി​ർ​ണാ​യ​ക​മാ​യ പി​ന്തു​ണ ന​ൽ​കി​യ​വ​രെ അ​പ​മാ​നി​ക്കു​ക​യും നി​ന്ദി​ക്കു​ക​യും ചെ​യ്യു​ന്ന​ത് കേ​ര​ള​ത്തി​നും ഒ​രു ശീ​ല​മാ​യി​ത്തീ​ർ​ന്നി​രി​ക്കു​ന്നു. പ്ര​ള​യ​കാ​ല​ത്തെ ര​ക്ഷാ​പ്ര​വ​ർ​ത്ത​ന​ത്തി​ന് കേ​ര​ള​ത്തി​ന്റെ സൈ​ന്യം എ​ന്നു​വി​ളി​ച്ച മ​ത്സ്യ​ത്തൊ​ഴി​ലാ​ളി​ക​ളോ​ട് പി​ന്നീ​ട് ചെ​യ്ത​തെ​ന്തെ​ന്ന് ന​മു​ക്ക​റി​യാം. മ​റു​നാ​ടു​ക​ളി​ൽ പോ​യി അ​ത്യ​ധ്വാ​നം ചെ​യ്ത് നാ​ടി​ന്റെ ഇ​ല്ലാ​യ്മ​യ​ക​റ്റി​യ പ്ര​വാ​സി​ക​ളോ​ട് ചെ​യ്ത​തും പൊ​റു​ക്കാ​റാ​യി​ട്ടി​ല്ല. ഇ​പ്പോ​ഴി​താ ആ​ശാ വ​ർ​ക്ക​ർ​മാ​രെ ന​ന്ദി​കേ​ടി​ന്റെ നി​ന്ദ​യു​ടെ പൊ​രി​വെ​യി​ല​ത്ത് നി​ർ​ത്തി​യി​രി​ക്കു​ന്നു. മ​നഃ​സാ​ക്ഷി എ​ന്നൊ​ന്നു​ണ്ടെ​ങ്കി​ൽ ഇ​ത് അം​ഗീ​ക​രി​ച്ചു കൊ​ടു​ക്കാ​നാ​വി​ല്ല.