വെ​റു​തെ ഒ​രു  സ​മാ​ധാ​ന യോ​ഗം

യൂ​ത്ത് കോ​ൺ​ഗ്ര​സ്​ നേ​താ​വ് ഷു​ഹൈ​ബി​െൻറ കൊ​ല​പാ​ത​ക​ത്തെ തു​ട​ർ​ന്ന്, ക​ണ്ണൂ​രി​ൽ സ​മാ​ധാ​നം പു​നഃ​സ്​​ഥാ​പി​ക്കു​ന്ന​തി​നാ​യി ബു​ധ​നാ​ഴ്ച വി​ളി​ച്ചു​ചേ​ർ​ത്ത സ​ർ​വ​ക​ക്ഷി യോ​ഗം തു​ട​ങ്ങു​ന്ന​തി​നു​മു​മ്പേ ബ​ഹ​ള​ത്തി​ൽ ക​ലാ​ശി​ച്ച് പി​രി​ഞ്ഞ​തി​ൽ അ​തി​ശ​യ​ക​ര​മാ​യി ഒ​ന്നു​മി​ല്ല. മം​ഗ​ള​ക​ര​മാ​യി ആ ​യോ​ഗം ചേ​ർ​ന്നി​രു​ന്നെ​ങ്കി​ൽ ക​ണ്ണൂ​രി​ൽ നി​ശ്ച​യ​മാ​യും സ​മാ​ധാ​നം പു​ല​രു​മാ​യി​രു​ന്നു എ​ന്ന് ആ​രും വി​ചാ​രി​ക്കു​ന്നി​ല്ല എ​ന്ന​തു​ത​ന്നെ കാ​ര​ണം. കൊ​ല്ലു​ക, കൊ​ല്ലു​ക, പി​ന്നെ​യും കൊ​ല്ലു​ക; എ​ന്നി​ട്ട് പൊ​തു​ഖ​ജ​നാ​വി​ലെ പ​ണ​മു​പ​യോ​ഗി​ച്ച് സ​മാ​ധാ​ന യോ​ഗം വി​ളി​ച്ചു ചേ​ർ​ക്കു​ക എ​ന്ന​ത് ക​ണ്ണൂ​രി​ലെ പ​തി​വാ​ണ്. ഓ​രോ സ​മാ​ധാ​ന യോ​ഗ​വും കൊ​ല​ക്ക​ത്തി​ക്ക് മൂ​ർ​ച്ച​കൂ​ട്ടാ​നു​ള്ള ഇ​ട​വേ​ള മാ​ത്ര​മാ​ണ്. ജ​ന​ങ്ങ​ളു​ടെ ക​ണ്ണി​ൽ പൊ​ടി​യി​ടാ​നു​ള്ള പൊ​റാ​ട്ടു​നാ​ട​ക​ങ്ങ​ൾ. അ​തി​നാ​ൽ യോ​ഗം ന​ട​ക്കാ​തെ പോ​യ​തി​ൽ ആ​രും വി​ഷ​മി​ക്കേ​ണ്ട​തി​ല്ല.

ക​ണ്ണൂ​രി​ലെ അ​ക്ര​മ​ങ്ങ​ളെ​ക്കു​റി​ച്ച് ഈ ​കോ​ള​ത്തി​ൽ പ​ല​ത​വ​ണ എ​ഴു​തി​യി​ട്ടു​ണ്ട്. ചോ​ര​യൊ​ലി​പ്പി​ക്കു​ന്ന വൃ​ത്തി​കെ​ട്ട രാ​ഷ്​​ട്രീ​യ​ത്തി​നെ​തി​രാ​യ ജ​ന​വി​കാ​രം കേ​ര​ള​മാ​കെ ഉ​യ​രു​ന്നു​മു​ണ്ട്. പ​ക്ഷേ, ഈ ​രാ​ഷ്​​ട്രീ​യ​ത്തി​െൻറ മു​ഖ്യ​പ്ര​ണേ​താ​ക്ക​ളാ​യ സി.​പി.​എ​മ്മും ബി.​ജെ.​പി​യും ഒ​രു കാ​ല​ത്തും ഇ​തി​ൽ​നി​ന്ന് അ​ൽ​പം​പോ​ലും പി​ന്നോ​ട്ടു​പോ​കാ​ൻ സ​ന്ന​ദ്ധ​മാ​യി​ട്ടി​ല്ല. ക​ണ്ണൂ​രി​ലെ അ​ക്ര​മ​രാ​ഷ്​​ട്രീ​യ​ത്തി​ൽ കോ​ൺ​ഗ്ര​സി​നും പ​ങ്കാ​ളി​ത്ത​മു​ണ്ടെ​ങ്കി​ലും ക​ഴി​ഞ്ഞ കു​റെ കാ​ല​മാ​യി അ​വ​ർ ഈ ​ഏ​ർ​പ്പാ​ടി​ൽ​നി​ന്ന് പി​ൻ​വ​ലി​ഞ്ഞ​താ​യാ​ണ് അ​നു​ഭ​വം. അ​തി​നാ​ൽ​ത​ന്നെ, പ്ര​ത്യേ​കി​ച്ച് പ്ര​കോ​പ​ന​ങ്ങ​ളി​ല്ലാ​തെ ത​ങ്ങ​ളു​ടെ പ്ര​വ​ർ​ത്ത​ക​നെ അ​റു​കൊ​ല ചെ​യ്ത​തി​നെ​തി​രെ പാ​ർ​ട്ടി ന​ട​ത്തു​ന്ന സ​മ​ര​ത്തി​ന് ജ​ന​പി​ന്തു​ണ കി​ട്ടു​ക​യും ചെ​യ്യു​ന്നു​ണ്ട്.

സി.​പി.​എം നേ​താ​വും രാ​ജ്യ​സ​ഭ അം​ഗ​വു​മാ​യ കെ.​കെ. രാ​ഗേ​ഷ് യോ​ഗ​ത്തി​ൽ ഡ​യ​സി​ൽ​ത​ന്നെ സ്​​ഥാ​നം​പി​ടി​ച്ച​താ​ണ് സ​മാ​ധാ​ന യോ​ഗ​ത്തെ ത​ർ​ക്ക​ത്തി​ലെ​ത്തി​ച്ച​ത്. ക​ക്ഷി​നേ​താ​ക്ക​ളെ മാ​ത്രം വി​ളി​ച്ച യോ​ഗ​ത്തി​ൽ ജി​ല്ല​യി​ലെ ജ​ന​പ്ര​തി​നി​ധി​ക​ളെ പ​ങ്കെ​ടു​പ്പി​ച്ചി​രു​ന്നി​ല്ല. എ​ന്നാ​ൽ, സി.​പി.​എ​മ്മി​െൻറ എം.​പി മാ​ത്രം പ​ങ്കെ​ടു​ക്കു​ക​യും അ​ദ്ദേ​ഹം ഡ​യ​സി​ൽ ക​യ​റി​യി​രി​ക്കു​ക​യും ചെ​യ്ത​ത് സ്വാ​ഭാ​വി​ക​മാ​യും പ്ര​തി​ഷേ​ധ​ത്തി​ന് കാ​ര​ണ​മാ​യി. ത​ങ്ങ​ൾ ഭ​ര​ണ​ത്തി​ലി​രി​ക്കു​മ്പോ​ൾ നാ​ട്ടി​ൽ സ​മാ​ധാ​നം പു​ല​രേ​ണ്ട​തി​െൻറ പ്രാ​ഥ​മി​ക​മാ​യ ഉ​ത്ത​ര​വാ​ദി​ത്തം സി.​പി.​എ​മ്മി​നു​ണ്ടാ​യി​രു​ന്നു. എ​ന്നാ​ൽ, അ​വ​ർ ആ​ളെ കൊ​ല്ലു​ന്നു എ​ന്നു മാ​ത്ര​മ​ല്ല, അ​തി​നു​ശേ​ഷം വൃ​ത്തി​യി​ൽ സ​മാ​ധാ​ന യോ​ഗം ന​ട​ത്താ​ൻ പോ​ലും അ​വ​ർ​ക്കാ​വു​ന്നി​ല്ല എ​ന്ന​താ​ണ് ക​ണ്ണൂ​ർ ന​ൽ​കു​ന്ന സ​ന്ദേ​ശം. ക്ര​മ​സ​മാ​ധാ​നം പ​രി​ര​ക്ഷി​ക്കു​ന്ന​തി​ൽ പി​ണ​റാ​യി വി​ജ​യ​ൻ സ​ർ​ക്കാ​റി​ന് വ​ന്നു​കൊ​ണ്ടി​രി​ക്കു​ന്ന നി​ര​ന്ത​ര പ​രാ​ജ​യ​ത്തി​െൻറ ഒ​ടു​വി​ല​ത്തെ ഉ​ദാ​ഹ​ര​ണം മാ​ത്ര​മാ​ണ് ക​ണ്ണൂ​ർ സം​ഭ​വ​വി​കാ​സ​ങ്ങ​ൾ.

എ​തി​രാ​ളി​ക​ളെ കൊ​ല്ലു​ക എ​ന്ന​ത് സി.​പി.​എ​മ്മി​െൻറ ദൈ​നം​ദി​ന രാ​ഷ്​​ട്രീ​യ പ​രി​പാ​ടി​യു​ടെ ഭാ​ഗ​മാ​ണ് എ​ന്ന​ത് നി​സ്​​ത​ർ​ക്ക​മാ​യ വ​സ്​​തു​ത​യാ​ണ്. ഈ ​വി​ഷ​യ​ത്തി​ൽ അ​വ​ർ അ​സാ​ധാ​ര​ണ​മാ​യ മി​ടു​ക്ക് പ്ര​ക​ടി​പ്പി​ച്ചി​ട്ടു​ണ്ട്. ഷു​ഹൈ​ബ് കൊ​ല​യും അ​തി​െൻറ തു​ട​ർ​ച്ച​ത​ന്നെ. പ​ക്ഷേ, ത​ങ്ങ​ൾ ഭ​ര​ണ​ത്തി​ലി​രി​ക്കെ ന​ട​ക്കു​ന്ന ഇ​ത്ത​രം അ​രു​താ​യ്മ​ക​ൾ സൃ​ഷ്​​ടി​ക്കു​ന്ന ആ​ഘാ​ത​ത്തെ​ക്കു​റി​ച്ച് അ​വ​ർ ആ​ലോ​ചി​ക്കേ​ണ്ട​താ​യി​രു​ന്നു. ചോ​ര​യി​ൽ ആ​ഹ്ലാ​ദം ക​ണ്ടെ​ത്തു​ന്ന​വ​ർ​ക്ക് ഇ​തൊ​ന്നും ആ​ലോ​ചി​ക്കാ​ൻ നേ​ര​മു​ണ്ടാ​വി​ല്ല എ​ന്ന​താ​ണ് കാ​ര്യം.

ഷു​ഹൈ​ബ് വ​ധ​ത്തി​ൽ പാ​ർ​ട്ടി​ക്കാ​ർ ആ​രെ​ങ്കി​ലും പ​ങ്കാ​ളി​യാ​യി​ട്ടു​ണ്ടെ​ങ്കി​ൽ ന​ട​പ​ടി​യെ​ടു​ക്കു​മെ​ന്നാ​ണ് നേ​തൃ​ത്വം ആ​ദ്യം പ്ര​ഖ്യാ​പി​ച്ച​ത്. കൊ​ല​പാ​ത​ക​ത്തി​ലെ പ​ങ്ക് ഏ​റ്റു​പ​റ​ഞ്ഞു​കൊ​ണ്ട് പൊ​ലീ​സി​ൽ കീ​ഴ​ട​ങ്ങി​യ ആ​കാ​ശ് സി.​പി.​എ​മ്മു​കാ​ര​നാ​ണെ​ന്ന് ജി​ല്ല സെ​ക്ര​ട്ട​റി സ​മ്മ​തി​ക്കു​ക​യും ചെ​യ്തി​ട്ടു​ണ്ട്. എ​ന്നാ​ൽ, പാ​ർ​ട്ടി ന​ട​പ​ടി ഇ​തു​വ​രെ ഒ​ന്നു​മു​ണ്ടാ​യി​ട്ടി​ല്ല. അ​ങ്ങ​നെ എ​ന്തെ​ങ്കി​ലും പ്ര​തീ​ക്ഷി​ക്കു​ന്ന​തി​ൽ അ​ർ​ഥ​വു​മി​ല്ല. ടി.​പി. ച​ന്ദ്ര​ശേ​ഖ​ര​നെ വെ​ട്ടി​നു​റു​ക്കി​യ​പ്പോ​ഴും ഇ​തു​ത​ന്നെ​യാ​യി​രു​ന്നു പാ​ർ​ട്ടി പ​റ​ഞ്ഞി​രു​ന്ന​ത്. എ​ന്നാ​ൽ, കേ​സി​ൽ ശി​ക്ഷി​ക്ക​പ്പെ​ട്ട പി.​കെ. കു​ഞ്ഞ​ന​ന്ത​നെ ജ​യി​ലി​ൽ കി​ട​ക്കു​മ്പോ​ഴും ഏ​രി​യ ക​മ്മി​റ്റി​യി​ലേ​ക്ക് തെ​ര​ഞ്ഞെ​ടു​ക്കു​ക​യാ​ണ് സി.​പി.​എം ചെ​യ്ത​ത്. ത​ല​ശ്ശേ​രി ഫ​സ​ൽ വ​ധ​ക്കേ​സി​ലെ പ്ര​തി​ക​ളി​ലൊ​രാ​ളാ​യ കാ​രാ​യി രാ​ജ​നെ ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റാ​ക്കി​യ​പ്പോ​ൾ കാ​രാ​യി ച​ന്ദ്ര​ശേ​ഖ​ര​നെ മു​നി​സി​പ്പ​ൽ ചെ​യ​ർ​പേ​ഴ്സ​നാ​ക്കു​ക​യാ​ണ് പാ​ർ​ട്ടി ചെ​യ്ത​ത്. അ​താ​യ​ത്, പു​റ​മേ​ക്ക് കൊ​ല​പാ​ത​ക​ങ്ങ​ളെ ത​ള്ളി​പ്പ​റ​യു​മ്പോ​ഴും അ​തി​ന് നേ​തൃ​ത്വം വ​ഹി​ച്ച​വ​രെ സം​ര​ക്ഷി​ച്ച് ആ​ദ​രി​ച്ചു​പോ​രു​ന്ന​താ​ണ് പാ​ർ​ട്ടി പാ​ര​മ്പ​ര്യം. ഒ​ടു​വി​ൽ, ഷു​ഹൈ​ബി​നെ കൊ​ന്ന​പ്പോ​ഴും അ​തി​നെ അ​പ​ല​പി​ച്ച് പ്ര​സ്​​താ​വ​ന​യി​റ​ക്കാ​ൻ മു​ഖ്യ​മ​ന്ത്രി ഒ​രാ​ഴ്ച സ​മ​യ​മെ​ടു​ത്തു.

ഷു​ഹൈ​ബി​െൻറ കൊ​ല​പാ​ത​കം ഒ​ടു​വി​ല​ത്തേ​താ​ണ് എ​ന്നു ക​രു​തു​ന്ന​തി​ൽ ഒ​ര​ർ​ഥ​വു​മി​ല്ല. കൊ​ല്ലാ​തി​രി​ക്കാ​നാ​വി​ല്ല എ​ന്ന മാ​ന​സി​കാ​വ​സ്​​ഥ​യി​ലേ​ക്ക് സി.​പി.​എ​മ്മി​െൻറ ക​ണ്ണൂ​ർ നേ​തൃ​ത്വം മാ​റി​ക്ക​ഴി​ഞ്ഞി​രി​ക്കു​ന്നു. ഒ​രു​പ​ക്ഷേ, കോ​ൺ​ഗ്ര​സ്​ നേ​തൃ​ത്വ​വു​മാ​യി ഒ​രു പി​ൻ​വാ​തി​ൽ ഇ​ട​പാ​ടി​ലെ​ത്തി ഇ​പ്പോ​ൾ ന​ട​ക്കു​ന്ന സ​മ​ര​ങ്ങ​ൾ അ​വ​സാ​നി​പ്പി​ക്കു​ന്ന​തി​ൽ പാ​ർ​ട്ടി​യും സ​ർ​ക്കാ​റും വി​ജ​യി​ച്ചേ​ക്കാം. ജി​ല്ല സെ​ക്ര​ട്ട​റി പി. ​ജ​യ​രാ​ജ​നെ​തി​രെ പാ​ർ​ട്ടി​ക്ക​ക​ത്തു​ത​ന്നെ നീ​ക്ക​ങ്ങ​ൾ ന​ട​ക്കു​ന്ന​തി​നാ​ൽ സി.​ബി.​ഐ അ​ന്വേ​ഷ​ണം പ്ര​ഖ്യാ​പി​ക്കു​ന്ന​തി​ൽ സ​ർ​ക്കാ​റി​ന് ത​ട​സ്സ​ങ്ങ​ളു​ണ്ടാ​വാ​നും സാ​ധ്യ​ത​യി​ല്ല. സി.​ബി.​ഐ അ​ന്വേ​ഷ​ണം എ​ന്ന ന്യാ​യ​ത്തി​ൽ സ​മ​രം അ​വ​സാ​നി​പ്പി​ക്കു​ന്ന​തി​ൽ കോ​ൺ​ഗ്ര​സി​നും ബു​ദ്ധി​മു​ട്ട് കാ​ണി​ല്ല. പ​ക്ഷേ, അ​പ്പോ​ഴും ബാ​ക്കി​യാ​വു​ന്ന വ​സ്​​തു​ത, മ​നു​ഷ്യ​രു​ടെ ജീ​വ​ന​ല്ല; കു​ടി​ല​മാ​യ രാ​ഷ്​​ട്രീ​യ​താ​ൽ​പ​ര്യ​ങ്ങ​ളാ​ണ് ഇ​വ​രെ​യെ​ല്ലാം ന​യി​ക്കു​ന്ന വി​കാ​രം എ​ന്ന​താ​ണ്. ഈ ​മ​നഃ​സ്​​ഥി​തി​ക്കാ​ർ എ​ല്ലാ ദി​വ​സ​വും സ​മാ​ധാ​ന യോ​ഗം ചേ​ർ​ന്നാ​ലും അ​ത് സ​മൂ​ഹ​ത്തി​ൽ ഒ​രു ഗു​ണ​വും ഉ​ണ്ടാ​ക്കാ​ൻ പോ​വു​ന്നി​ല്ല.