Begin typing your search above and press return to search.
exit_to_app
exit_to_app
goa election 2022
cancel
camera_alt

പ്രമോദ്​ സാവന്ത്​, ദിഗംബർ കാമത്ത്​

Homechevron_rightOpinionchevron_rightColumnschevron_rightഗോവ തെരഞ്ഞെടുപ്പ്:...

ഗോവ തെരഞ്ഞെടുപ്പ്: പ്ര​തി​പ​ക്ഷ ഭി​ന്ന​ത​യി​ൽ പ്ര​തീ​ക്ഷവെ​ച്ച് ബി.ജെ.പി

text_fields
bookmark_border

അ​ട്ടി​മ​റി, കാ​ലു​മാ​റ്റ, കു​തി​ര​ക്ക​ച്ച​വ​ട​ങ്ങ​ൾകൊ​ണ്ട്​ പേ​രു​ദോ​ഷം പേ​റു​ന്ന ഗോ​വ​യി​ലെ തെ​ര​ഞ്ഞെ​ടു​പ്പു​ക​ളി​ൽ പാ​ർ​ട്ടി​ക​ളോ പ്ര​ത്യ​യ​ശാ​സ്ത്ര​ങ്ങ​ളോ അ​ല്ല, വ്യ​ക്​തി​ക​ളും കു​ത​ന്ത്ര​ങ്ങ​ളു​മാ​ണ് പ്ര​ധാ​നം. 2019 ൽ ​മ​രി​ക്കും വ​രെ മ​നോ​ഹ​ർ പ​രീ​ക​റാ​യി​രു​ന്നു ഇ​വി​ടെ ബി.​ജെ.​പി​യു​ടെ മു​ഖം. 2017 ലെ ​തെ​ര​ഞ്ഞെ​ടു​പ്പി​ൽ 17 എം.​എ​ൽ.​എ​മാ​രു​മാ​യി വ​ലി​യ ഒ​റ്റ​ക്ക​ക്ഷി​യാ​യി​ട്ടും കോ​ൺ​ഗ്ര​സി​ന്‍റെ സാ​ധ്യ​ത​ക​ൾ അ​ട്ടി​മ​റി​ക്ക​പ്പെ​ട്ടു. 13 എം.​എ​ൽ.​എ​മാ​ർ മാ​ത്ര​മു​ള്ള ബി.​ജെ.​പി, കോ​ൺ​ഗ്ര​സി​നെ പി​ന്തു​ണ​ക്കാ​നി​രു​ന്ന​വ​രെകൂ​ടി അ​ട​ർ​ത്തി സ​ർ​ക്കാ​റു​ണ്ടാ​ക്കി.

ബി.​ജെ.​പി സ​ർ​ക്കാ​ർ എ​ന്ന​തി​നേ​ക്കാ​ൾ പ​രീ​ക​ർ സ​ർ​ക്കാ​ർ എ​ന്ന​താ​കും ശ​രി. നി​യ​മ​സ​ഭ ക​ക്ഷി നേ​താ​വി​നെ തി​ര​ഞ്ഞെ​ടു​ക്കാ​ൻ കോ​ൺ​ഗ്ര​സ് വൈ​കി​യ​ത്​ ബി.​ജെ.​പി​ക്ക് സ​ഹാ​യ​ക​മാ​യി. പ​രീക​ർ ക​രു​നീ​ക്കും മു​​മ്പേ ദി​ഗം​ബ​ർ കാ​മ​ത്തി​നെ മു​ഖ്യ​മ​ന്ത്രി​യാ​ക്കാ​ൻ ത​യാ​റാ​യി​രു​ന്നു​വെ​ങ്കി​ൽ കോ​ൺ​ഗ്ര​സി​ന്​ ഭ​ര​ണം പി​ടി​ക്കാ​മാ​യി​രു​ന്നു. പ​രീ​ക​ർ അ​ല്ലെ​ങ്കി​ൽ കാ​മ​ത്ത്​ എ​ന്ന​താ​യി​രു​ന്നു അ​പ്പോ​ഴ​ത്തെ മാ​ന​സി​കാ​വ​സ്ഥ. കോ​ൺ​ഗ്ര​സോ ബി.​ജെ.​പി​യോ എ​ന്ന​ല്ല.

പ​രീ​ക​റി​ന്‍റെ വി​യോ​ഗ​ശേ​ഷം മു​ഖ്യ​മ​ന്ത്രി​യാ​യ പ്ര​മോ​ദ്​ സാ​വ​ന്ത്​​ പാ​ർ​ട്ടി​ക്ക​ക​ത്തുപോ​ലും വേ​ണ്ട​ത്ര സ​മ്മ​ത​ന​ല്ല. ഭ​ര​ണ​വി​രു​ദ്ധ​വി​കാ​രം ഉ​ണ്ടെ​ന്ന തി​രി​ച്ച​റി​വി​ൽ ഹി​ന്ദു​ത്വ​കാ​ർ​ഡ്​ ഇ​റ​ക്കു​ക​യാ​ണ്​ സാ​വ​ന്ത്. പോ​ർ​ച്ചു​ഗീ​സു​കാ​ർ ത​ക​ർ​ത്ത ക്ഷേ​ത്ര​ങ്ങ​ൾ പു​തു​ക്കി​പ്പ​ണി​യു​മെ​ന്ന പ്ര​സ്താ​വ​ന അ​തി​ന്‍റെ തു​ട​ക്ക​മാ​ണ്. പ​രീ​ക​റും നി​ർ​ണാ​യ​ക വോ​ട്ടു​ബാ​ങ്കാ​യ ക്രൈ​സ്ത​വ​സ​മു​ദാ​യ​വും ത​മ്മി​ലു​ണ്ടാ​യി​രു​ന്ന ബ​ന്ധം നി​ല​നി​ർ​ത്താ​ൻ സാ​വ​ന്തി​ന്​ ക​ഴി​ഞ്ഞി​ട്ടി​ല്ല.

എ​ന്തി​നേ​റെ, പാ​ർ​ട്ടി​യി​ലെ പ​രീ​ക​ർ പ​ക്ഷ​ക്കാ​രു​മാ​യിപോ​ലും അ​ദ്ദേ​ഹം ചേ​ർ​ച്ച​യി​ല​ല്ല. മ​ന്ത്രി​യാ​യി​രു​ന്ന മൈ​ക്കി​ൾ ലോ​ബോ​യും മ​റ്റു​ ര​ണ്ട്​ ക്രൈ​സ്ത​വ എം.​എൽ.​എ​ൽ​മാ​രും രാ​ജി​വെ​ച്ചു. രാ​ജ്യ​ത്തെ ക്രൈ​സ്ത​വ ന്യൂ​ന​പ​ക്ഷ​ങ്ങ​ൾ​ക്കുനേ​രെ​യു​ള്ള അ​തി​ക്ര​മ​ങ്ങ​ൾ വ​ർ​ധി​ച്ചു​വ​രു​ന്ന​ത് സ​മു​ദാ​യ​ത്തെ അ​ല​ട്ടു​ന്നു. 13 എ​ന്ന​തി​ൽ നി​ന്ന്​ പാ​ർ​ട്ടി​യു​ടെ അം​ഗ​ബ​ലം 25 ആ​ക്കി​യു​യ​ർ​ത്താ​ൻ സാ​വ​ന്തി​ന്​ ക​ഴി​ഞ്ഞെ​ങ്കി​ലും പാ​ർ​ട്ടി​ക്ക​ക​ത്ത്​ മു​റു​മു​റു​പ്പു​ണ്ട്. കോ​ൺ​ഗ്ര​സി​ന്‍റെ അം​ഗ​ബ​ല​മാ​ക​ട്ടെ, ര​ണ്ടാ​യി ചു​രു​ങ്ങു​ക​യും ചെ​യ്തു. മു​ൻ മു​ഖ്യ​മ​ന്ത്രി​മാ​രാ​യ ദി​ഗം​ബ​ർ കാ​മ​ത്തും പ്ര​താ​പ്​ സി​ങ്​ റാണെയും മാ​ത്ര​മേ ബാ​ക്കി​യു​ള്ളൂ.

ബി.​ജെ.​പി​ക്ക്​ ആ​ശ്വാ​സ​മാ​കു​ന്ന​ത്​ പ്ര​തി​പ​ക്ഷ​വോ​ട്ടു​ക​ളു​ടെ ഭി​ന്ന​ത​യി​ലാ​ണ്. ഇ​ത്ത​വ​ണ മ​മ​ത​യു​ടെ തൃ​ണ​മൂ​ൽ കൂ​ടി മ​ത്സ​ര​രം​ഗ​ത്തു​ണ്ട്. ക​ഴി​ഞ്ഞ ത​വ​ണ രം​ഗ​ത്തു​വ​ന്ന ആം ​ആ​ദ്​​മി പാ​ർ​ട്ടി​ക്ക്​ സീ​റ്റ്​ നേ​ട്ട​മു​ണ്ടാ​യി​ട്ടി​ല്ലെ​ങ്കി​ലും ക​ന്നി​യ​ങ്ക​ത്തി​ൽ 6.3 ശ​ത​മാ​നം വോ​ട്ട്​ നേ​ടാ​നാ​യി​രു​ന്നു. ന്യൂ​ന​പ​ക്ഷ , നി​ഷ്​​പ​ക്ഷ വോ​ട്ടു​ക​ൾ കോ​ൺ​ഗ്ര​സ്, തൃ​ണ​മൂ​ൽ, ആ​പ്​​ പാ​ർ​ട്ടി​ക​ൾ​ക്കി​ട​യി​ൽ ചി​ത​റു​മെ​ന്നാ​ണ്​ ബി.​ജെ.​പി​യു​ടെ ക​ണ​ക്കു​കൂ​ട്ട​ൽ. പ​ര​സ്യ​ങ്ങ​ൾ​കൊ​ണ്ടും പോ​സ്റ്റ​റു​ക​ൾ കൊ​ണ്ടും സ​ജീ​വ​മാ​യി നി​ൽ​ക്കു​ന്ന​ത്​ തൃ​ണ​മൂ​ലാ​ണ്. ടെ​ന്നീ​സ്​ താ​രം ലി​യാ​ൻ​ഡ​ർ പേ​സും മു​ൻ കോ​ൺ​ഗ്ര​സ്​ മു​ഖ്യ​മ​ന്ത്രി ലൂ​സി​ഞ്ഞോ ഫ​ലേ​റോ​യു​മാ​ണ് ഇ​വി​ടെ തൃ​ണ​മൂ​ലി​ന്‍റെ മു​ഖ​ങ്ങ​ൾ. ചി​ല പ്ര​ദേ​ശ​ങ്ങ​ളി​ല​ല്ലാ​തെ ഗോ​വ​യി​ലാ​കെ അ​റി​യ​പ്പെ​ടു​ന്ന നേ​താ​ക്ക​ൾ ആ​പ്പി​നി​ല്ല. മ​ണ്ണി​ന്‍റെ മ​ക്ക​ൾ വാ​ദ​വു​മാ​യി യു​വാ​ക്ക​ളെ ല​ക്ഷ്യ​മി​ട്ട്​ ഗോ​വ സ്വരാ​ജ്​ പാ​ർ​ട്ടി​യു​മാ​യി മ​നോ പ​ര​ബും മ​ത്സ​ര​രം​ഗ​ത്തു​ണ്ട്.

കോ​ൺ​ഗ്ര​സ്​ സ്ഥാ​നാ​ർ​ഥി​ത്വം പ്ര​ഖ്യാ​പി​ച്ചെ​ങ്കി​ലും പ്ര​താ​പ്​ സി​ങ് റാ​െ​ണ മ​ത്സ​രി​ക്കാ​തി​രി​ക്കാ​ൻ ബി.​ജെ.​പി ചെ​ക്കു വി​ളി​ച്ചി​രി​ക്കു​ക​യാ​ണ്. നി​യ​മ​സ​ഭ​യി​ൽ 50 വ​ർ​ഷം തി​ക​ച്ച റാ​െണ​ക്ക്​ സ്ഥി​രം നി​യ​മ​സ​ഭാം​ഗ പ​ദ​വി ബി.​ജെ.​പി സ​ർ​ക്കാ​ർ ന​ൽ​കി. എ​ന്നി​ട്ടും മ​ത്സ​രി​ക്കു​ക​യാ​ണെ​ങ്കി​ൽ അ​ദ്ദേ​ഹ​ത്തി​ന്‍റെ മ​ക​നും സാ​വ​ന്ത്​ മ​ന്ത്രി​സ​ഭ​യി​ലെ ആ​രോ​ഗ്യ മ​ന്ത്രി​യു​മാ​യ വി​ശ്വ​ജീ​ത്​ സി​ങ്ങി​നെ ഇ​റ​ക്കാ​നാ​ണ്​ ബി.​ജെ.​പി​യു​ടെ പ​ദ്ധ​തി. 2017ൽ ​സ​ർ​ക്കാ​റു​ണ്ടാ​ക്കു​ന്ന​തി​ൽ പ​രാ​ജ​യ​പ്പെ​ട്ട​തി​നെ തു​ട​ർ​ന്ന്​ കോ​ൺ​ഗ്ര​സ്​ വി​ട്ട​താ​ണ്​ വി​ശ്വ​ജീ​ത്. 83 കാ​ര​നാ​യ അ​ച്ഛ​ൻ ഇ​നി മ​ത്സ​രി​ക്കേ​ണ്ടെ​ന്നാ​ണ്​ വി​ശ്വ​ജീ​തി​ന്‍റെ പ​ക്ഷം. വി​ശ്വ​ജീ​തി​ന്‍റെ ഭാ​ര്യ ദി​വ്യ​യും ഇ​ത്ത​വ​ണ ബി.​ജെ.​പി ടി​ക്ക​റ്റി​ൽ മ​ത്സ​രി​ച്ചേ​ക്കും.

40 ശ​ത​മാ​നം ന്യൂ​ന​പ​ക്ഷ വോ​ട്ടു​ക​ൾ ഭി​ന്നി​ക്കു​മ്പോ​ൾ 60 ശ​ത​മാ​നം ഹി​ന്ദു വോ​ട്ടു​ക​ൾ ഉ​റ​പ്പു​വ​രു​ത്താ​നാ​ണ്​ ഹി​ന്ദു​ത്വ കാ​ർ​ഡി​ലൂ​ടെ ബി.​ജെ.​പി ശ്ര​മി​ക്കു​ന്ന​ത്. കോ​ൺ​ഗ്ര​സ്​ ജി.​എ​ഫ്.​പി​യു​മാ​യും തൃ​ണ​മൂ​ൽ മ​ഹാ​രാ​ഷ്ട്ര വാ​ദി ഗോ​മ​ന്ത​ക്​ പാ​ർ​ട്ടി (എം.​ജി.​പി)​യു​മാ​യും സ​ഖ്യ​ത്തി​ലാ​ണ്. കോ​ൺ​ഗ്ര​സു​മാ​യി സ​ഖ്യ​ത്തി​ന്​ തൃ​ണ​മൂ​ൽ സ​മൂ​ഹ മാ​ധ്യ​മ​ങ്ങ​ളി​ലൂ​ടെ ആ​ഗ്ര​ഹ​മ​റി​യി​ച്ചെ​ങ്കി​ലും നേ​താ​ക്ക​ൾ ത​മ്മി​ൽ ച​ർ​ച്ച​യാ​യി​ട്ടി​ല്ല. ബി.​ജെ.​പി​ക്കെ​തി​രെ മ​റ്റെ​ല്ലാ​വ​രെ​യും ചേ​ർ​ത്ത്​ വി​ശാ​ല സ​ഖ്യ​ത്തി​ന്​ എ​ൻ.​സി.​പി​യും ശി​വ​സേ​ന​യും ശ്ര​മം ന​ട​ത്തു​ന്നു​ണ്ട്. കോ​ൺ​ഗ്ര​സു​മാ​യു​ള്ള സ​ഖ്യം ഈ​യി​ടെ തൃ​ണ​മൂ​ലി​ൽ ചേ​ർ​ന്ന ച​ർ​ച്ചി​ൽ അ​ലെ​മാ​വൊ എ​തി​ർ​ക്കു​ന്നു. പ്രാ​ദേ​ശി​ക പാ​ർ​ട്ടി​ക​ൾ​ക്കു വ​ഴ​ങ്ങേ​ണ്ടി വ​രു​ന്ന​തി​ൽ കോ​ൺ​ഗ്ര​സി​നും വൈ​മു​ഖ്യ​മു​ണ്ട്.

പ​രീ​ക​റും ഗോ​വ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ രാ​ഷ്ട്രീ​യ​യാ​ത്ര​യെ സ്വാ​ധീ​നി​ച്ച ഘ​ട​ക​ങ്ങ​ളാ​ണ്. ഗു​ജ​റാ​ത്ത്​ ക​ലാ​പ​ശേ​ഷം മു​ഖ്യ​മ​ന്ത്രി പ​ദ​ത്തി​ൽനി​ന്ന്​ മോ​ദി​യെ നീ​ക്കാ​നു​ള്ള അ​ന്ന​ത്തെ പ്ര​ധാ​ന​മ​ന്ത്രി വാ​ജ്​​പേ​യി​യു​ടെ ശ്ര​മം ചെ​റു​ക്ക​പ്പെ​ട്ട​ത്​ 2002 ൽ ​ഗോ​വ​യി​ൽ ന​ട​ന്ന ബി.​ജെ.​പി ദേ​ശീ​യ സ​മി​തി​യി​ലാ​ണ്. 2013ൽ ​ഗോ​വ​യി​ൽ ന​ട​ന്ന പാ​ർ​ട്ടി ദേ​ശീ​യ സ​മി​തി​യി​ലാ​ണ്​ ഭാ​വി പ്ര​ധാ​ന​മ​ന്ത്രി​യാ​യി മോ​ദി​യു​ടെ പേ​ര്​ പ​രീ​ക​ർ നി​ർ​ദേ​ശി​ച്ച​ത്. 2014 ൽ ​മോ​ദി പ്ര​ധാ​ന​മ​ന്ത്രി​യായതോ​ടെ അ​ന്ന്​ ഗോ​വ​യി​ൽ മു​ഖ്യ​മ​ന്ത്രി​യാ​യി​രു​ന്ന പ​രീ​ക​റെ കേ​ന്ദ്ര​ത്തി​ലേ​ക്ക്​ കൊ​ണ്ടു​പോ​യി പ്ര​തി​രോ​ധ​മ​ന്ത്രി​യാ​ക്കു​ക​യും ചെ​യ്തു എം.​ജി.​പി​യു​ടെ ചെ​റു സ​ഖ്യ​മാ​യി ഗോ​വ​യി​ൽ തു​ട​ങ്ങി​യ ബി.​ജെ.​പി​യെ ഭ​ര​ണ​ത്തി​ലെ​ത്തി​ച്ച​ത്​ പ​രീ​ക​ർ എ​ന്ന ബ്രാ​ൻ​ഡാ​ണ്.

ഹി​ന്ദു​ത്വ​വും മ​ഹാ​രാ​ഷ്ട്ര വാ​ദ​വു​മു​ള്ള എം.​ജി.​പി​യു​ടെ വോ​ട്ട്​ ബാ​ങ്ക്​ ക​വ​ർ​ന്നാ​യി​രു​ന്നു വ​ള​ർ​ച്ച. സ്ഥി​ര​ഭ​ര​ണ​ത്തി​ന്​ ക്രൈ​സ്ത​വ​സ​മു​ദാ​യ​വും ഒ​പ്പം വേ​ണ​മെ​ന്ന്​ തി​രി​ച്ച​റി​ഞ്ഞ​ പ​രീ​ക​ർ ആ ​സ​മു​ദാ​യ​ത്തി​ൽനി​ന്ന് മ​ന്ത്രി​മാ​രെ ക​ണ്ടെ​ത്തി. പ​രീ​ക​ർ എ​ന്ന സ​ർ​വ​സ​മ്മ​ത​ൻ ഇ​ല്ലെ​ങ്കി​ലും പ്ര​തി​കൂ​ല ഘ​ട​ക​ങ്ങ​ളെ പ്ര​തി​പ​ക്ഷ വോ​ട്ടു​ക​ൾ ചി​ത​റു​ന്ന​തി​ലൂ​ടെ മ​റി​ക​ട​ക്കാ​മെ​ന്ന ക​ണ​ക്കു​കൂ​ട്ട​ലി​ലാ​ണ്​ പാ​ർ​ട്ടി.

Show Full Article
TAGS:Assembly Election 2022 
News Summary - goa: The BJP is expected to win in the elections
Next Story