ട്രം​പി​ന്റെ മ​ഹ​ത്താ​യ മൃ​ഗ​ശാ​ല

ക്യൂ​ബ​ൻ മ​ഹാ​ക​വി നി​ക്കോ​ളാ​സ് ഗി​യെ​ൻ ‘മ​ഹ​ത്താ​യ മൃ​ഗ​ശാ​ല’ എ​ന്ന​പേ​രി​ൽ ഒ​രു ദീ​ർ​ഘ ക​വി​ത എ​ഴു​തി​യി​ട്ടു​ണ്ട്.

അ​റി​യി​പ്പ്

ന​ഗ​ര​സ​ഭ​യു​ടെ തീ​രു​മാ​ന​പ്ര​കാ​രം

നാ​ട്ടു​കാ​ർ​ക്കും വി​ദേ​ശി​ക​ൾ​ക്കും

രാ​ജ്യ​ത്തി​ന്റെ അ​ഭി​മാ​ന​ത്തി​നും

വേ​ണ്ടി നി​ർ​മി​ച്ച​താ​ണ്

മ​ഹ​ത്താ​യ ഈ ​മൃ​ഗ​ശാ​ല.

ഉ​ത്ത​മ മാ​തൃ​ക​ക​ളു​ടെ കൂ​ട്ട​ത്തി​ൽ

വാ​യു​വി​ലെ​യും വെ​ള്ള​ത്തി​ലെ​യും ജ​ന്തു​ക്ക​ളും

(ഉ​ദാ​ഹ​ര​ണ​ത്തി​ന് ച​ക്ര​വാ​തം)

ഒ​രു സാ​ക്ഷാ​ൽ അ​കെ​ൻ​കാ​ഹ്വ​യും

പ്രാ​യ​പൂ​ർ​ത്തി​യാ​കാ​ത്ത

ഒ​രു ഗി​താ​റും

ജീ​വ​നു​ള്ള മേ​ഘ​ങ്ങ​ളും

ഒ​രു പ​ണ്ഡി​ത​വാ​ന​ര​നും

ഒ​രു ഒ​റ്റ​പ​രി​പ്പ് മ​ര​വും

ഇ​വി​ടെ​യു​ണ്ട്.

മാ​തൃ​ഭൂ​മി അ​ല്ലെ​ങ്കി​ൽ മ​ര​ണം.

-ഡ​യ​റ​ക്ട​ർ

സാ​മ്രാ​ജ്യ​ത്വ വാ​ഴ്ച​യു​ടെ​യും വം​ശീ​യ​ത​യു​ടെ​യും കൊ​ട്ടി​ഘോ​ഷി​ക്ക​പ്പെ​ടു​ന്ന ച​രി​ത്ര സ്മാ​ര​ക​ങ്ങ​ളെ ആ​ക്ഷേ​പ ഹാ​സ്യ​ത്തി​ന്റെ ഭാ​ഷ​യി​ൽ പ്ര​തി​പാ​ദി​ക്കു​ന്ന​തി​നൊ​പ്പം അ​വ​ക്ക് പി​ന്നി​ലെ ര​ക്ത​മ​യ​മാ​യ മ​നു​ഷ്യാ​നു​ഭ​വ​ങ്ങ​ളെ ഓ​ർ​മ​പ്പെ​ടു​ത്തു​ന്ന​തു​മാ​യ വി​വി​ധ ഖ​ണ്ഡ​ങ്ങ​ളാ​യി​ട്ടാ​ണ് ഗി​യെ​ന്റെ ക​വി​ത എ​ഴു​ത​പ്പെ​ട്ടി​ട്ടു​ള്ള​ത്.

2009 മു​ത​ൽ 2017 വ​രെ​യു​ള്ള കാ​ല​യ​ള​വി​ൽ അ​മേ​രി​ക്ക​യു​ടെ ച​രി​ത്ര​ത്തി​ലാ​ദ്യ​മാ​യി ക​റു​ത്ത​നി​റ​മു​ള്ള, മു​സ്‍ലിം പേ​രു​ള്ള ബ​റാ​ക് ഒ​ബാ​മ പ്ര​സി​ഡ​ന്റ് സ്ഥാ​ന​ത്ത് അ​വ​രോ​ധി​ക്ക​പ്പെ​ടു​ക​യു​ണ്ടാ​യി. അ​മേ​രി​ക്ക​യു​ടേ​ത് പോ​ലു​ള്ള ഒ​രു സാ​മ്രാ​ജ്യ​ത്വ-​വം​ശീ​യ-​പു​രു​ഷാ​ധി​പ​ത്യ വ്യ​വ​സ്ഥ​യി​ൽ അ​ദ്ദേ​ഹ​ത്തി​ന്റെ പ്ര​സി​ഡ​ന്റ് പ​ദ​വി​മൂ​ലം എ​ന്തെ​ങ്കി​ലും മാ​റ്റം​വ​രു​ത്തു​ക​യെ​ന്ന​ത് അ​സാ​ധ്യ​മാ​ണ്. ഒ​ബാ​മ​യു​ടെ ഭ​ര​ണ​കാ​ല​ത്തും ആ ​രാ​ജ്യ​ത്തി​ന്റെ വി​ദേ​ശ ന​യ​വും ആ​ഭ്യ​ന്ത​ര സു​ര​ക്ഷാ ന​ട​പ​ടി​ക​ളും പൊ​ലീ​സ് സം​വി​ധാ​ന​വും ആ​ക്ര​മ​ണ​പ​ര​മാ​യി ത​ന്നെ​യാ​ണ് തു​ട​ർ​ന്നു​പോ​ന്ന​ത്. എ​ങ്കി​ലും രാ​ജ്യ​ത്തെ പ്ര​തി​സ​ന്ധി​യി​ലാ​ഴ്ത്തി​യ നാ​ണ​യ​പ്പെ​രു​പ്പം കു​റ​ക്കാ​നും ഇ​ൻ​ഷു​റ​ൻ​സ് മേ​ഖ​ല​യി​ലും ആ​രോ​ഗ്യ​രം​ഗ​ത്തും നി​ല​നി​ന്നി​രു​ന്ന കോ​ർ​പ​റേ​റ്റ് മേ​ധാ​വി​ത്വ​ത്തി​ന് ത​ട​യി​ടാ​നും ക​ഴി​ഞ്ഞ​താ​യി വി​ല​യി​രു​ത്ത​പ്പെ​ടു​ന്നു​ണ്ട്.

വ​ലി​യൊ​രു വാ​യ​ന​ക്കാ​ര​നും പ്ര​ഭാ​ഷ​ക​നു​മാ​യി​രു​ന്ന ഒ​ബാ​മ​ക്ക് ന​ല്ല​നി​ല​യി​ലു​ള്ള ആ​ദ​ര​വാ​ണ് സ​മൂ​ഹ​ത്തി​ലെ വി​വി​ധ വി​ഭാ​ഗം ജ​ന​ങ്ങ​ളി​ൽ​നി​ന്ന് കി​ട്ടി​യി​രു​ന്ന​ത്. ത​ന്റെ പ്ര​സം​ഗ​ങ്ങ​ളി​ലൂ​ടെ എ​ല്ലാ​യ്പോ​ഴും അ​ദ്ദേ​ഹം മ​ൾ​ട്ടി ക​ൾ​ച്ച​റ​ലി​സ​ത്തി​നും വൈ​വി​ധ്യ​ങ്ങ​ൾ​ക്കും വേ​ണ്ടി വാ​ദി​ച്ചി​രു​ന്നു. ഇ​പ്ര​കാ​ര​ത്തി​ൽ യാ​ഥാ​സ്ഥി​തി​ക വി​ഭാ​ഗ​ങ്ങ​ൾ​ക്ക് അ​ന്യ​മാ​യ വി​ധ​ത്തി​ൽ ബ​ഹു​ജ​ന സ്വാ​ധീ​ന​മു​റ​പ്പി​ച്ചി​രു​ന്ന ഒ​ബാ​മ​ക്കെ​തി​രെ അ​തി​തീ​വ്ര വ​ല​തു​പ​ക്ഷ​ത്തു​നി​ന്നും അ​തി​തീ​വ്ര ഇ​ട​തു​പ​ക്ഷ​ത്തു​നി​ന്നും ക​ടു​ത്ത എ​തി​ർ​പ്പു​ക​ൾ​ക്കൊ​പ്പം വ​ലി​യ തോ​തി​ലു​ള്ള വം​ശീ​യ അ​ധി​ക്ഷേ​പ​ങ്ങ​ളും രൂ​പ​പ്പെ​ട്ടു. റി​പ്പ​ബ്ലി​ക്ക​ൻ ക​ക്ഷി​യു​ടെ പ്ര​മു​ഖ നേ​താ​ക്ക​ൾ വ​രെ ഒ​ബാ​മ​യു​ടെ​യും അ​ദ്ദേ​ഹ​ത്തി​ന്റെ ജീ​വി​ത​പ​ങ്കാ​ളി​യു​ടെ​യും ക​റു​ത്ത നി​റ​ത്തെ അ​വ​മ​തി​ച്ചു​കൊ​ണ്ടി​രു​ന്നു. ഒ​പ്പം, അ​ദ്ദേ​ഹം ക്യൂ​ർ പു​രു​ഷ​നാ​ണെ​ന്നും മി​ഷേ​ൽ ഒ​ബാ​മ പു​രു​ഷ​നാ​ണെ​ന്നും വ​രെ പ്ര​ചാ​ര​ണ​മു​ണ്ടാ​യി.

റി​പ്പ​ബ്ലി​ക്ക​ൻ ക​ക്ഷി​യു​ടെ നേ​താ​ക്ക​ളി​ൽ ബു​ദ്ധി​സ്ഥി​ര​ത​യി​ല്ലാ​ത്ത വ്യ​ക്തി​യാ​ണെ​ന്നു​വ​രെ ക​രു​ത​പ്പെ​ട്ടി​രു​ന്ന ഡോ​ണ​ൾ​ഡ് ട്രം​പി​ന് അ​മേ​രി​ക്ക​യു​ടെ 45ാം പ്ര​സി​ഡ​ന്റാ​യി ഉ​യ​ർ​ന്നു​വ​രാ​ൻ സ​ഹാ​യ​ക​മാ​യ​ത് മേ​ൽ​പ​റ​ഞ്ഞ ത​ര​ത്തി​ലു​ള്ള വം​ശീ​യ ശ​ക്തി​ക​ളു​ടെ​യും സ​ങ്കു​ചി​ത ദേ​ശീ​യ വാ​ദി​ക​ളു​ടെ​യും ഏ​കീ​ക​ര​ണ ഫ​ല​മാ​യി​ട്ടാ​ണെ​ന്നാ​ണ് ‘ബ്ലാ​ക്ക് ലൈ​വ്സ് മാ​റ്റേ​ഴ്സ്’ പോ​ലു​ള്ള പ്ര​സ്ഥാ​ന​ങ്ങ​ളു​ടെ വി​ല​യി​രു​ത്ത​ൽ.

ഏ​കാ​ധി​പ​ത്യ പ്ര​വ​ണ​ത​ക​ളു​ടെ​യും തു​റ​ന്ന വ​ല​തു​പ​ക്ഷ ആ​ശ​യ​ങ്ങ​ളു​ടെ​യും കോ​ർ​പ​റേ​റ്റ്‍വ​ത്ക​ര​ണ​ത്തി​​ന്റെ​യും പേ​രി​ൽ ക​ടു​ത്ത എ​തി​ർ​പ്പാ​ണ് ട്രം​പി​ന്റെ ഒ​ന്നാം പ്ര​സി​ഡ​ന്റ് പ​ദ​വി കാ​ല​ത്ത് അ​മേ​രി​ക്ക​യി​ലു​യ​ർ​ന്നു​വ​ന്ന​ത്. ശേ​ഷം ന​ട​ന്ന തെ​ര​ഞ്ഞെ​ടു​പ്പി​ൽ ട്രം​പ് തോ​ൽ​വി​യ​ട​ഞ്ഞെ​ങ്കി​ലും ത​ൽ​സ്ഥാ​ന​ത്ത് വ​ന്ന ജോ ​ബൈ​ഡ​ന്റെ പ്ര​തി​ച്ഛാ​യ ന​ഷ്ട​മാ​യ​തും ലി​ബ​റ​ൽ ക​ക്ഷി​യു​ടെ സ്ഥാ​നാ​ർ​ഥി​യാ​യ ക​മ​ല ഹാ​രി​സി​ന് വി​ജ​യി​ക്കാ​ൻ ക​ഴി​യാ​ത്ത​തും ട്രം​പി​ന്റെ ത​ന്നെ ര​ണ്ടാം​വ​ട്ട പ്ര​സി​ഡ​ന്റ് പ​ദ​വി ഉ​റ​പ്പാ​ക്കി.

ജീ​വി​ത​ത്തി​ൽ ഇ​തേ​വ​രെ പു​ക​വ​ലി​ക്കാ​ത്ത, മ​ദ്യ​പി​ച്ചി​ട്ടി​ല്ലാ​ത്ത, അ​മേ​രി​ക്ക​യു​ടെ പ​ദ​വി താ​ഴ്ന്നു​പോ​യ​തി​ൽ ഖേ​ദി​ക്കു​ന്ന പ്ര​സി​ഡ​ന്റാ​യി വ​ല​തു​പ​ക്ഷ മാ​ധ്യ​മ​ങ്ങ​ൾ കൊ​ണ്ടാ​ടു​ന്ന ട്രം​പ് നി​ര​വ​ധി അ​ഴി​മ​തി​ക്കേ​സു​ക​ളി​ൽ പ്ര​തി​യാ​ണെ​ന്നും അ​ദ്ദേ​ഹ​ത്തി​ന് എ​തി​രാ​യു​ള്ള ലൈം​ഗി​കാ​രോ​പ​ണ​ങ്ങ​ൾ തെ​ളി​യി​ക്ക​പ്പെ​ട്ട​താ​ണെ​ന്നും ഇ​തേ മാ​ധ്യ​മ​ങ്ങ​ൾ സൗ​ക​ര്യ​പൂ​ർ​വം മ​റ​ന്നു​ക​ള​യു​ന്നു.

ട്രം​പി​നെ ഒ​രു ഫാ​ഷി​സ്റ്റാ​യി വി​ല​യി​രു​ത്താ​ൻ ക​ഴി​യു​മോ എ​ന്ന കാ​ര്യ​ത്തി​ൽ വ​ലി​യ പ്ര​തി​വാ​ദ​ങ്ങ​ൾ ഇ​പ്പോ​ൾ അ​മേ​രി​ക്ക​യി​ലെ മാ​ധ്യ​മ- അ​ക്കാ​ദ​മി​ക രം​ഗ​ത്ത് ന​ട​ക്കു​ന്നു​ണ്ട്. പ​ല പ്ര​മു​ഖ​രും ട്രം​പി​ൽ ഏ​കാ​ധി​പ​ത്യ പ്ര​വ​ണ​ത​യി​ല്ലെ​ന്നും വാ​ണി​ജ്യ മൂ​ല​ധ​ന​ത്തി​ന്റെ അ​പ്ര​മാ​ദി​ത്യ​മു​റ​പ്പി​ക്കാ​നാ​യി ന​ട​ത്തു​ന്ന കേ​വ​ല പ്ര​ചാ​ര​ണ​മാ​യി ട്രം​പി​ന്റെ ന​ട​പ​ടി​ക​ളെ ക​ണ്ടാ​ൽ മ​തി​യെ​ന്നു​മാ​ണ് വി​ല​യി​രു​ത്തു​ന്ന​ത്. എ​ന്നാ​ൽ, ഫാ​ഷി​സ​ത്തി​ന്റെ അ​ടി​സ്ഥാ​ന ഘ​ട​ക​മാ​യ സ​ങ്കു​ചി​ത ദേ​ശീ​യ​വാ​ദ​വും വെ​ളു​ത്ത വം​ശീ​യ മേ​ന്മാ​വാ​ദ​വും കു​ടി​യേ​റ്റ ജ​ന​ത​യോ​ടു​ള്ള ശ​ത്രു​ത​യും അ​പ​ര സം​സ്കാ​ര​ത്തോ​ടും മ​റ്റു രാ​ഷ്ട്ര​ങ്ങ​ളോ​ടു​മു​ള്ള ബ​ഹു​മാ​ന​മി​ല്ലാ​യ്മ​യു​മാ​ണ് ട്രം​പ് ഉ​ൾ​ക്കൊ​ള്ളു​ന്ന​തെ​ന്ന് ഇ​ക്കൂ​ട്ട​ർ വി​സ്മ​രി​ക്കു​ന്നു. അ​മേ​രി​ക്ക​ൻ ജ​ന​ജീ​വി​ത​ത്തി​ന്റെ ഏ​റ്റ​വും പ്ര​ധാ​ന​പ്പെ​ട്ട സ​വി​ശേ​ഷ​ത​യാ​യ ബ​ഹു​ത്വ​ത്തെ ദേ​ശീ​യ​മാ​യ അ​ധഃ​പ​ത​ന​ത്തി​​ന്റെ സൂ​ച​ക​മാ​യാ​ണ് ട്രം​പ് കാ​ണു​ന്ന​ത്. വി​വി​ധ വി​ഭാ​ഗം ജ​ന​ങ്ങ​ളി​ൽ​നി​ന്ന് ഉ​യ​ർ​ന്നു​വ​രു​ന്ന ജ​നാ​ധി​പ​ത്യ പ്ര​ക്ഷോ​ഭ​ങ്ങ​ളെ​യും വി​മ​ർ​ശ​ന ചി​ന്ത​ക​ളെ​യും ​‘ഭ്രാ​ന്ത്’ ആ​യി​ട്ടാ​ണ് വി​ല​യി​രു​ത്തു​ന്ന​ത്.

ഹി​റ്റ്ല​ർ അ​ധി​കാ​ര​ത്തി​ൽ വ​ന്ന​പ്പോ​ൾ ദേ​ശീ​യ സ​മ്പ​ദ് വ്യ​വ​സ്ഥ​യെ പു​ന​രു​ജ്ജീ​വി​പ്പി​ക്കാ​ൻ എ​ന്ന പേ​രി​ൽ വ​ൻ​കി​ട കോ​ർ​പ​റേ​റ്റ് ശ​ക്തി​ക​ൾ​ക്ക് സ​ർ​വ​വാ​തി​ലു​ക​ളും തു​റ​ന്നു​കൊ​ടു​ത്ത​തി​ന് സ​മാ​ന​മാ​യ സാ​മ്പ​ത്തി​ക ന​ട​പ​ടി​ക​ൾ ത​ന്നെ​യാ​ണ് ട്രം​പും ചെ​യ്യു​ന്ന​ത്. ഫാ​ഷി​സ​ത്തി​ന്റെ മ​റ്റൊ​രു ഘ​ട​ക​മാ​യ വ്യ​ക്തി​പൂ​ജ ട്രം​പി​ന്റെ കാ​ര്യ​ത്തി​ൽ ഇ​ല്ലെ​ന്ന​താ​ണ് മ​റ്റൊ​രു വി​ല​യി​രു​ത്ത​ൽ. തെ​ര​ഞ്ഞെ​ടു​പ്പി​ൽ തോ​റ്റു​പോ​യി​ട്ടും പ​രാ​ജ​യം സ​മ്മ​തി​ക്കാ​തെ ത​ന്റെ ആ​ക്ര​മ​ണ​കാ​രി​ക​ളാ​യ അ​നു​യാ​യി​ക​ളെ അ​ണി​നി​ര​ത്തി പ​ദ​വി നി​ല​നി​ർ​ത്താ​ൻ ശ്ര​മി​ച്ച ട്രം​പ്, ഹി​റ്റ്ല​റെ ത​ന്നെ​യാ​ണ് അ​നു​സ്മ​രി​പ്പി​ക്കു​ന്ന​ത്. ഇ​തേ അ​ക്ര​മി സം​ഘ​ത്തി​നും ത​ന്റെ ര​ണ്ടാം​ഘ​ട്ട പ്ര​സി​ഡ​ന്റ് പ​ദ​വി ഉ​പ​യോ​ഗി​ച്ച് പൊ​തു​മാ​പ്പ് ന​ൽ​കു​ക​യാ​ണു​ണ്ടാ​യ​ത്. മാ​ത്ര​മ​ല്ല, ത​ന്റെ സാ​മ്പ​ത്തി​ക ത​ട്ടി​പ്പ് കേ​സു​ക​ളെ​യും ലൈം​ഗി​ക അ​തി​ക്ര​മ​ങ്ങ​ളെ​യും പ​ദ​വി ഉ​പ​യോ​ഗി​ച്ചു​ത​ന്നെ തേ​യ്ച്ചു​മാ​ച്ചു​ക​ള​യു​ക​യും ചെ​യ്തു. വ്യ​ക്തി​യെ സ്റ്റേ​റ്റി​നു മേ​ൽ സ്ഥാ​പി​ക്കു​ന്ന ഏ​കാ​ധി​പ​ത്യ പ്ര​വ​ണ​ത​യ​ല്ലാ​തെ മ​റ്റെ​ന്താ​ണ് ഇ​വ​യൊ​ക്കെ? ഇ​തേ നി​ല​യി​ൽ ത​ന്റെ ക്രൈ​സ്ത​വ മ​ത​വി​ശ്വാ​സ​ത്തെ​യും ട്രം​പ് ദു​ർ​വി​നി​യോ​ഗം ചെ​യ്യു​ന്നു​ണ്ട്.

1990ക​ളി​ൽ ആ​ഗോ​ള​വ​ത്ക​ര​ണം മൂ​ലം ദേ​ശ​രാ​ഷ്ട്ര​ങ്ങ​ളു​ടെ അ​തി​ർ​ത്തി​ക​ൾ ചോ​ദ്യം ചെ​യ്യ​പ്പെ​ട്ട​പ്പോ​ൾ സാ​ർ​വ​ദേ​ശീ​യ മൂ​ല​ധ​ന​പ്ര​വാ​ഹം അ​മേ​രി​ക്ക​ൻ സ​ർ​വാ​ധി​പ​ത്യ വ്യാ​പ​ന​ത്തെ ത്വ​രി​ത​ഗ​തി​യി​ലാ​ക്കി. ജ​നാ​ധി​പ​ത്യം, മ​നു​ഷ്യാ​വ​കാ​ശം, സ്ത്രീ​യ​വ​കാ​ശ​ങ്ങ​ൾ തു​ട​ങ്ങി​യ അ​വ​കാ​ശ പ്ര​മേ​യ​ങ്ങ​ളെ ആ​യു​ധ​മാ​ക്കി സോ​വി​യ​റ്റ് റ​ഷ്യ​ക്കെ​തി​രെ ‘ഒ​രു​ലോ​ക ബ​ദ​ൽ’ പ്ര​തീ​തി സൃ​ഷ്ടി​ക്കാ​ൻ അ​മേ​രി​ക്ക​ക്ക് ക​ഴി​ഞ്ഞു. ഇ​തി​നൊ​ടൊ​പ്പം തു​റ​ന്ന വി​പ​ണി ഉ​റ​പ്പാ​യ​പ്പോ​ൾ ദേ​ശീ​യ പ​ര​മാ​ധി​കാ​രം ഭീ​ഷ​ണി നേ​രി​ട്ടു. അ​ഭ​യാ​ർ​ഥി​ക​ളും കു​ടി​യേ​റ്റ​ക്കാ​രു​മാ​യ ജ​ന​ങ്ങ​ളു​ടെ ഒ​ഴു​ക്ക് അ​തി​ന്റെ പാ​ർ​ശ്വ​ഫ​ല​മാ​യി​രു​ന്നു. ഇ​ത് പ​ര​മ്പ​രാ​ഗ​ത​മാ​യ യൂ​റോ-​അ​മേ​രി​ക്ക​ൻ ദേ​ശീ​യ​ത​യു​ടെ പ്ര​തീ​ക്ഷ​ക​ൾ തെ​റ്റി​ച്ചു. ന​വ​നാ​സി​സ​മ​ട​ക്ക​മു​ള്ള പ്ര​തി​ലോ​മ ശ​ക്തി​ക​ൾ ഇ​തോ​ടെ അ​മേ​രി​ക്ക​യി​ലും യൂ​റോ​പ്പി​ലും ശ​ക്തി​​പ്പെ​ട്ടു.

ഡോ​ണ​ൾ​ഡ് ട്രം​പ് മ​റു​വ​ശ​ത്ത് കോ​ർ​പ​റേ​റ്റു​ക​ൾ​ക്ക് രാ​ഷ്ട്രീ​യ നി​യ​ന്ത്ര​ണ​ങ്ങ​ൾ കു​റ​ഞ്ഞ സ്വാ​ത​ന്ത്ര്യം ന​ൽ​കു​ന്ന നി​യോ ലി​ബ​റ​ൽ ന​യ​ങ്ങ​ൾ പ്രോ​ത്സാ​ഹി​പ്പി​ക്കു​ന്നു. ഭ​ര​ണം ഒ​ഴി​ച്ചു​മാ​റി കോ​ർ​പ​റേ​റ്റു​ക​ൾ​ക്ക് രാ​ഷ്ട്രീ​യ നി​ർ​വ​ഹ​ണ​ശേ​ഷി ഏ​ൽ​പി​ച്ചു​കൊ​ടു​ക്കു​ന്ന ഈ ​ന​യം ലി​ബ​റ​ൽ തീ​വ്ര​വാ​ദ​ത്തി​​ന്റേ​താ​ണ്. ട്രം​പി​ന്റെ ഭ​ര​ണ​ത്തി​ൽ ജോ​ർ​ജ് ബെ​യോ​സ്, ഇ​ലോ​ൺ മ​സ്ക് തു​ട​ങ്ങി​യ ‘ടെ​ക്നോ-​സാ​മാ​ന്താ​ധി​കാ​രി​ക​ൾ പ​ര​മാ​ധി​കാ​രി​ക​ളാ​യി ത​ന്നെ​യാ​ണ് മാ​റു​ന്ന​ത്. ഇ​ലോ​ൺ മ​സ്കി​ന്റെ കീ​ഴി​ലു​ള്ള ‘കാ​ര്യ​ക്ഷ​മ​ത വ​കു​പ്പ്’ പ​തി​നാ​യി​ര​ക്ക​ണ​ക്കി​ന് ജീ​വ​ന​ക്കാ​രെ​യാ​ണ് ഒ​റ്റ​യ​ടി​ക്ക് പു​റ​ന്ത​ള്ളി​യി​ട്ടു​ള്ള​ത്. കാ​ര്യ​ക്ഷ​മ​ത കു​റ​ഞ്ഞ​വ​ർ അ​ധി​ക​പ്പ​റ്റു​ക​ളാ​ണ​​ത്രേ.

അ​ന​ധി​കൃ​ത കു​ടി​യേ​റ്റ​ക്കാ​രെ ഗ്വാ​ണ്ട​നാ​മോ ത​ട​വ​റ​യി​ല​ട​ക്കു​മെ​ന്ന ഭീ​ഷ​ണി, ജോ​ർ​ജ് ബു​ഷി​ന്റെ കാ​ല​ത്തെ ഭീ​ക​ര​താ​വി​രു​ദ്ധ യു​ദ്ധ​ത്തെ​യും നാ​സി ത​ട​ങ്ക​ൽ​പ്പാ​ള​യ​ങ്ങ​ളെ​യു​മാ​ണ് ഓ​ർ​മി​പ്പി​ക്കു​ന്ന​ത്.

ട്രം​പി​ന്റെ ‘അ​മേ​രി​ക്ക ഫ​സ്റ്റ്’ എ​ന്ന ന​യം സ്വാ​ഭാ​വി​ക​മാ​യി അ​ന്താ​രാ​ഷ്ട്ര ധാ​ര​ണ​ക​ളെ കാ​റ്റി​ൽ പ​റ​ത്തി​ക്കൊ​ണ്ട് ചൈ​ന​യോ​ടു​ള്ള വ്യാ​പാ​ര​യു​ദ്ധം, ഇ​റാ​ൻ ആ​ണ​വ ക​രാ​റി​ന്റെ ഉ​പേ​ക്ഷി​ക്ക​ൽ, പ​ശ്ചി​മേ​ഷ്യ​യി​ൽ ​ഇ​സ്രാ​യേ​ലി​നെ അ​ക്ര​മാ​സ​ക്ത​മാ​യി പി​ന്തു​ണ​ക്ക​ൽ മു​ത​ലാ​യ​വ​യി​ലേ​ക്ക് വ​ഴി​തെ​ളി​ച്ചു. ഗ​സ്സ​യെ ഒ​രു റി​യ​ൽ എ​സ്റ്റേ​റ്റാ​ക്കി മാ​റ്റു​മെ​ന്ന പ്ര​ഖ്യാ​പ​നം, കാ​ന​ഡ​യെ അ​മ്പ​ത്തി​യൊ​ന്നാം രാ​ഷ്ട്ര​മാ​ക്കു​മെ​ന്ന പ്ര​മേ​യം, യൂ​റോ​പ്യ​ൻ യൂ​നി​യ​നോ​ടു​ള്ള വൈ​രു​ധ്യം എ​ന്നി​വ​യെ​ല്ലാം ‘അ​മേ​രി​ക്ക ഫ​സ്റ്റ്’ എ​ന്ന ന​യ പ​രി​പാ​ടി​യു​ടെ പ്രാ​യോ​ഗി​ക രൂ​പ​ങ്ങ​ളാ​ണ്.

അ​മേ​രി​ക്ക​യി​ൽ ഇ​നി ആ​ണും പെ​ണ്ണും മാ​ത്ര​മേ​യു​ള്ളൂ എ​ന്ന് അ​ധി​കാ​ര​മേ​റ്റ വേ​ള​യി​ൽ ട്രം​പ് പ്ര​ഖ്യാ​പി​ച്ചി​രു​ന്നു. അ​ത​നു​സ​രി​ച്ചു​ള്ള എ​ക്സി​ക്യൂ​ട്ടി​വ് ഉ​ത്ത​ര​വും പു​റ​ത്തി​റ​ക്കി. അ​മേ​രി​ക്ക​ൻ സൈ​ന്യ​ത്തി​ൽ​നി​ന്ന് ​ട്രാ​ൻ​സ് വ്യ​ക്തി​ക​ളെ പു​റ​ത്താ​ക്കാ​നു​ള്ള ഉ​ത്ത​ര​വി​ലും ഒ​പ്പു​വെ​ച്ചി​ട്ടു​ണ്ട്. ട്രാ​ൻ​സ് ഫോ​ബി​യ​യു​ടെ ത​ല​ത്തി​ലാ​ണ് ട്രം​പി​ന്റെ ഈ ​നീ​ക്ക​ങ്ങ​ൾ. ഇ​താ​ക​ട്ടെ വം​ശീ​യ ന്യൂ​ന​പ​ക്ഷ​ങ്ങ​ൾ​ക്ക് കൂ​ടെ ബാ​ധ​ക​മാ​കു​ന്ന രീ​തി​യി​ലാ​ണ് വി​ക​സി​ക്കാ​ൻ പോ​കു​ന്ന​ത്.

ട്രം​പി​ന്റെ തീ​രു​മാ​ന​ങ്ങ​ൾ ​അ​മേ​രി​ക്ക​ൻ ഭ​ര​ണ​വ​ർ​ഗം പ​ര​മ്പ​രാ​ഗ​ത​മാ​യി പു​ല​ർ​ത്തു​ന്ന ‘ഷോ​ക്ക് ഡോ​ക്ട്രീ​ൻ’ രൂ​പ​മാ​തൃ​ക​യി​ൽ ത​ന്നെ​യു​ള്ള​താ​ണ്. ജ​ന​ങ്ങ​ളെ ആ​ശ്ച​ര്യ​പ്പെ​ടു​ത്തു​ന്ന സം​ഭ​വ​ങ്ങ​ൾ ഉ​പ​യോ​ഗി​ച്ച് (ഷോ​ക്കു​ക​ൾ) അ​വ​രു​ടെ പ്ര​തി​രോ​ധ​ശേ​ഷി കു​റ​ക്കു​ക​യും സ്വ​കാ​ര്യ​വ​ത്ക​ര​ണം, വം​ശീ​യ​വാ​ദം, സാ​മ്രാ​ജ്യ​ത്വ വി​ക​സ​നം, നി​യോ ലി​ബ​റ​ൽ ന​യ​ങ്ങ​ൾ തു​ട​ങ്ങി​യ​വ ന​ട​പ്പി​ലാ​ക്കു​ക​യും ചെ​യ്യു​ക എ​ന്ന​താ​ണ് ഇ​തു​കൊ​ണ്ട് ഉ​ദ്ദേ​ശി​ക്കു​ന്ന​ത്.

സാ​മൂ​ഹി​ക അ​സ​മ​ത്വം വ​ർ​ധി​പ്പി​ക്കു​ക​യും ജ​നാ​ധി​പ​ത്യ​ത്തെ ദു​ർ​ബ​ല​പ്പെ​ടു​ത്തു​ക​യും​ചെ​യ്യു​ന്ന ഈ ​രാ​ഷ്ട്രീ​യ ത​ന്ത്ര​ത്തി​ന്റെ ഉ​പ​ജ്ഞാ​താ​വാ​യ ന​വോ​മി ക്ലൈ​ൻ പ​റ​യു​ന്ന​തു​പ്ര​കാ​രം ‘ഷോ​ക് ഡോ​ക്ട്രീ​ൻ’ ഒ​രു സ്ഥി​ര​മാ​തൃ​ക​യാ​യി ട്രം​പ് മാ​റ്റി​യി​രി​ക്കു​ന്നു​വെ​ന്നാ​ണ്. ഇ​തി​ന്റെ​യെ​ല്ലാം ഫ​ലം, നി​ക്കോ​ളാ​സ് ഗി​യെ​ന്റെ ക​വി​ത പ്ര​തി​പാ​ദി​ക്കു​ന്ന​തു​പോ​ലെ അ​മേ​രി​ക്ക​യെ ഒ​രു മ​ഹ​ത്താ​യ മൃ​ഗ​ശാ​ല​യാ​ക്കി മാ​റ്റു​ക എ​ന്ന​താ​ണ്.