എം.പി ഫണ്ട്​ വിനിയോഗവും കാണാക്കാഴ്​ചകളും

mp-fund

എം.പി ഫണ്ടുകളുടെ വിനിയോഗത്തിൽ വ്യാപക ക്രമക്കേടുണ്ടെന്ന ആരോപണം പുതിയതല്ല. ശക്തമായ നടപടികൾ അതിനുവേണമെന്ന്​ പല സമിതികളും ആവശ്യപ്പെ​െട്ടങ്കിലും ഒന്നും നടപ്പായില്ല. ഇപ്പോൾ കേന്ദ്ര വിവരാവകാശ കമീഷനും ഇക്കാര്യം ആവശ്യപ്പെട്ട്​ കേന്ദ്ര സർക്കാറിന്​ നിർദേശം നൽകിയിരിക്കുന്നു. എം.പിമാർക്ക്​ പ്രാദേശിക വികസന ഫണ്ട്​ എന്നപേരിൽ നൽകുന്ന തുക നിയമപ്രകാരം വിനിയോഗിക്കുന്നുവെന്ന്​ പരിശോധിക്കാൻ സുതാര്യവും പ്രതിബദ്ധതയുമുള്ള സംവിധാനം ഏർപ്പെടുത്തണമെന്ന്​ കേന്ദ്ര വിവരാവകാശ കമീഷണർ ഡോ. എം. ശ്രീധർ ആചാര്യാലു രാജ്യസഭ ചെയർമാനും ലോക്​സഭ സ്​പീക്കർക്കും നിർദേശം നൽകിയിട്ടുണ്ട്​.അഞ്ചു​ കോടിയാണ്​ പ്രതിവർഷം ഒാരോ എം.പിക്കും പ്രാദേശിക വികസന ഫണ്ടായി നൽകുന്നത്​. എം.പി ഫണ്ടി​​​​​െൻറ വിനിയോഗത്തെക്കുറിച്ച്​ ആർ.ടി.​െഎ നിയമപ്രകാരം ആവശ്യപ്പെട്ട രണ്ടുപേരുടെ അപ്പീൽ ഹരജി തീർപ്പാക്കിയാണ്​ കമീഷൻ സാധാരണമല്ലാത്ത ഇൗ ഉത്തരവ്​ പുറപ്പെടുവിച്ചത്​. എം.പി ഫണ്ട്​ വിനിയോഗത്തിനായി ചുമതലപ്പെടുത്തിയ മന്ത്രാലയവും പൂർണമായ വിവരങ്ങൾ സൂക്ഷിക്കുന്നില്ല. ഫണ്ട്​ വിനിയോഗത്തിൽ നിരവധി ക്രമക്കേടുകൾ പുറത്തുവന്ന ഇൗ സാഹചര്യത്തിലാണ്​ സുതാര്യവും കാര്യക്ഷമവുമായ എം.പി ഫണ്ട്​ വിനിയോഗത്തിന്​ കമീഷൻ ശിപാർശകൾ സമർപ്പിച്ചത്​. 
എം.പി ഫണ്ട്​ മുഖേന നിർമിച്ചതെന്ന്​ അവകാശപ്പെട്ട പല നിർമിതികളും കണ്ടെത്താൻ കഴിഞ്ഞില്ല.
സ്വകാര്യ സ്​ഥാപനങ്ങൾക്കും ഫണ്ട്​ വിനിയോഗിച്ചുവെന്ന്​ വെളിവായി.
അംഗീകാരമില്ലാത്ത ഏജൻസികൾക്ക്​ ഫണ്ട്​ നൽകി.
സ്വകാര്യ ട്രസ്​റ്റുകൾക്കും ഫണ്ട്​ വകമാറ്റി നൽകി.
എം.പിക്കും അദ്ദേഹത്തി​​​​​െൻറ അടുത്ത ബന്ധ​ുക്കൾക്കും പ്രയോജനപ്പെടുന്ന പദ്ധതികളാണ്​ ശിപാർ​ശ ചെയ്യപ്പെട്ടത്​. 
ഇൗ വസ്​തുതകളുടെ വെളിച്ചത്തിലാണ്​ കമീഷൻ ശിപാർശകൾ നൽകിയത്​. 
1. എം.പിമാരുടെ ഫണ്ട്​ വിനിയോഗത്തെ സംബന്ധിച്ച സമഗ്രമായ വിവരങ്ങൾ ഒൗദ്യോഗിക വെബ്​സൈറ്റിൽ പ്രസിദ്ധീകരിക്കണം.
2. 12,000 കോടിയാണ്​ വിവിധ എം.പിമാരുടെ ​പ്രാദേശിക വികസന ഫണ്ടിൽ ഇനിയും ചെലവഴിക്കാനുള്ളതെന്ന്​ രേഖകളിൽനിന്ന്​ വ്യക്തമാക്കപ്പെട്ടു. ഇൗ സാഹചര്യത്തിലാണ്​ പാർലമ​​​​െൻററി നിയോജക മണ്ഡലവും ഗുണഭോക്താക്കളുടെ വിശദാംശങ്ങളും ചെയ്​ത വർക്കുകളുടെ വിവരങ്ങളും ഫണ്ട്​ വിനിയോഗത്തിൽ വന്ന കാലവിളംബത്തിനുള്ള കാരണവും വ്യക്തമാക്കി സർക്കാർ വെബ്​സൈറ്റിൽ പ്രസിദ്ധീകരിക്കണമെന്ന്​​ നിർദേശിച്ചത്​. 
വിവരാവകാശ നിയമത്തിലെ 4 (1) (b) വകുപ്പ്​ പ്രകാരം സ്വ​േമധയാ പ്രസിദ്ധീകരിക്കേണ്ട വിവരമാണിതെന്ന്​ കമീഷൻ വിലയിരുത്തി. ഇൗ വ്യവസ്​ഥ നടപ്പാക്കാത്തതിലൂടെ ഗുരുതര വീഴ്​ചയാണ്​ സർക്കാർ കാണിച്ചതെന്ന്​ കമീഷൻ ഉത്തരവിൽ ചൂണ്ടിക്കാട്ടി. 

രാജ്യത്തെ നിയമനിർമാതാക്കൾ അവരുടെ ഫണ്ട്​ വിനിയോഗം കാര്യക്ഷമമാക്കാൻ നിയമം നിർമിക്കാത്തത്​ സങ്കടകരമാണെന്ന്​ കമീഷൻ ഉത്തരവിൽ വ്യക്തമാക്കുന്നുണ്ട്​. ഭരണഘടന പ്രകാരം രൂപവത്​കരിക്കപ്പെട്ട ‘പാർലമ​​​​െൻററി പാർട്ടി’ വിവരാവകാശ നിയമപ്രകാരം ‘പൊതുഅധികാരി’യാണെന്നും കമീഷൻ ഉത്തരവിൽ നിരീക്ഷിച്ചു. ജനപ്രാതിനിധ്യ നിയമപ്രകാരമുള്ള നടപടിക്രമങ്ങളിലൂടെയാണ്​ രാഷ്​ട്രീയ പാർട്ടികളുടെ പാർലമ​​​​െൻററി ബോർഡ്​ രൂപവത്​കരിച്ചതെന്നും അതിനാൽ വിവരാവകാശ നിയമത്തി​​​​​െൻറ പരിധിയിൽ വരുമെന്നും കമീഷൻ ചൂണ്ടിക്കാട്ടി. ഇൗ ഉത്തരവിൽ എന്തെങ്കിലും ആക്ഷേപമുള്ളപക്ഷം അക്കാര്യം കമീഷനെ അറിയിക്കാനു​ം ന​ിർദേശിച്ചിട്ടുണ്ട്​.

വിവിധ വ രാഷ്​ട്രീയ പാർട്ടികളെ ചൊടിപ്പിക്കാൻ കമീഷ​​​​​െൻറ ഇൗ ഉത്തരവിന്​ കഴിഞ്ഞിട്ടുണ്ടെന്നത്​ നേരാണ്​. പക്ഷേ, ആരും പരസ്യമായി ഇതുവരെയും പ്രതികരിച്ചിട്ടില്ല. പാപംചെയ്യാത്ത രാഷ്​ട്രീയ കക്ഷികളില്ലാത്തതിനാൽ ​ആരും പരസ്യമായി കമീഷനെ കല്ലെറിയുന്നുമില്ല. ഇൗ ഉത്തരവിനെ അവഗണിക്കാനാണ്​ കൂട്ടായെടുത്ത തീരുമാനം. ചുരുക്കത്തിൽ ഇൗ ‘പ്രാദേശിക വികസന അഴിമതി’ അങ്ങനെ തന്നെ തുടരുകയും ചെയ്യും. ജ​ന​പ്ര​തി​നി​ധി​ക​ൾ പ​െ​ങ്ക​ടു​ത്ത ക​ല്യാ​ണ​ത്തി​െ​ൻ​റ​യും പു​ല​കു​ളി അ​ടി​യ​ന്ത​ര​ത്തി​െ​ൻ​റ​യും മ​ര​ണ​വീ​ടി​െ​ൻ​റ​യും ക​ണ​ക്കാ​ണ്​ വോ​ട്ട്​ ചെ​യ്യാ​ൻ നാം ​ഇ​നി​യും മാ​ന​ദ​ണ്ഡ​മാ​ക്കു​ന്ന​ത്​ എ​ങ്കി​ൽ ന​മ്മു​ടെ നാ​ട്​ ര​ക്ഷ​പ്പെ​ടാ​ൻ വി​ദൂ​ര സാ​ധ്യ​ത​പോ​ലും കാ​ണു​ന്നി​ല്ല.

ഉത്തരക്കടലാസുകൾ കാണൽ  വിദ്യാർഥികളുടെ അവകാശം
സമർഥരായ നിരവധി വിദ്യാർഥികളുടെയും ഉദ്യോഗാർഥികളുടെയും ഭാവി അവതാളത്തിലാക്കിയിട്ടുണ്ട്​ ഉത്തരക്കടലാസ്​ മൂല്യനിർണയത്തിലെ അപാകതകൾ. ഇതി​​​​​െൻറ പേരിൽ ജീവിതംതന്നെ അവസാനിപ്പിച്ചവരുമുണ്ട്​. 
പുനർ മൂല്യനിർണയമെന്ന മുട്ടുശാന്തി പലപ്പോഴും ഫലശൂന്യമാക​ുന്നു. സപ്ലിമ​​​​െൻററി പരീക്ഷ എഴുതി പാസായാലും പുനർ മൂല്യനിർണയത്തി​​​​​െൻറ ഫലം അറിയാനുള്ള ഭാഗ്യം പലപ്പോഴും വിദ്യാഥികൾക്ക്​ ലഭിക്കാറുമില്ല. ഇൗ വിഷമവൃത്തത്തിൽനിന്ന്​ നമ്മുടെ വിദ്യാർഥികളെ മോചിപ്പിച്ചുകൊണ്ട്​ പരീക്ഷ സ​​മ്പ്രദായത്തി​​​​​െൻറ വിശ്വാസ്യത കാത്തുസൂക്ഷിക്കേണ്ട കാലം അനിവാര്യമായിരിക്കുന്നു. മൂല്യനിർണയം നടത്തിയ ഉത്തരക്കടലാസി​​​​​െൻറ പകർപ്പ്​ വിവരാവകാശ നിയമപ്രകാരം വിദ്യാർഥിക്ക്​ നൽകണമെന്ന സുപ്രീംകോടതി വിധിയുണ്ടായിട്ടും ഡൽഹി സർവകലാശാല വിദ്യാർഥിയെ വീണ്ടും അഗ്​നിപരീക്ഷക്ക്​ വിധേയനാക്കി. കേന്ദ്ര വിവരാവകാശ കമീഷ​​​​​െൻറ ശക്തമായ ഇടപെടലോടെ അവസാനം അധികാരികൾ മുട്ടുമടക്കി. ഉത്തരക്കടലാസുകൾ കാണാൻ വിദ്യാർഥിയെ അനുവദിച്ചു.

ഡൽഹി സർവകലാശാലയിലെ നാലാം വർഷ നിയമവിദ്യാർഥി മോഹിത്​കുമാറാണ്​ മൂല്യനിർണയം നടത്തിയ ത​​​​​െൻറ ഉത്തരക്കടലാസുകൾ ആർ.ടി.​െഎ നിയമപ്രകാരം കാണണമെന്നാവശ്യപ്പെട്ട്​ സർവകലാശാലയെ സമീപിച്ചത്​.
ഉത്തരക്കടലാസ്​ വിദ്യാർഥികൾക്ക്​ നൽകണമെന്ന കൊൽക്കത്ത ഹൈകോടതിയുടെ വിധിയെ ചോദ്യം ചെയ്​ത്​ സി.ബി.എസ്​.ഇ സമർപ്പിച്ച ഹരജി സുപ്രീംകോടതി ​തള്ളിക്കളഞ്ഞിരുന്നു. സി.ബി.എസ്​.ഇയുടെ പത്താം ക്ലാസ്​, പ്ലസ്​ ടു പരീക്ഷയെഴുതിയ രണ്ടു വിദ്യാർഥികളാണ്​ ചരിത്രപ്രധാനമായ ആ വിധിക്ക്​ കാരണമായത്​. രാജ്യത്തെ പ​രമോന്നത കോടതിയുടെ തീർപ്പുണ്ടായിട്ടും ഉത്തരക്കടലാസ്​ പരിശോധിക്കാൻ വിദ്യാർഥിയെ അനുവദിക്കാതിരുന്ന സർവകലാശാലയുടെ പരീക്ഷ വിഭാഗത്തി​​​​​െൻറ നടപടിയാണ്​ കേന്ദ്ര വിവരാവകാശ കമീഷൻ മുമ്പാകെ ചോദ്യം ചെയ്​തത്​. 

വിദ്യാർഥികളുടെ ഭാവിയെയും ജീവിക്കാനുള്ള അവകാശത്തെയും ബാധിക്കുന്ന ഇൗ ആവശ്യത്തിന്​ വിശാലമായ പൊതുതാൽപര്യമുണ്ടെന്ന്​ വിവരാവകാശ കമീഷണറായ ബിമൽ ജുൽക്ക ഉത്തരവിൽ ചൂണ്ടിക്കാട്ടി. വിവരാവകാശ നിയമത്തെ സംബന്ധിച്ച നിയമവ്യാഖ്യാനങ്ങളിൽ രജതരേഖയാണ്​ ഇൗ വിധിന്യായം. സി.ബി.എസ്​.ഇ മാത്രമല്ല സർവകലാശാലകൾ, പരീക്ഷ ബോർഡുകൾ, വകുപ്പുതല ടെസ്​റ്റുകൾ നടത്തുന്ന സ്​ഥാപനങ്ങൾ എന്നിവ ഇനി ഉത്തരക്കടലാസി​​​​​െൻറ പകർപ്പ്​ വിവരാവകാശ നിയമപ്രകാരം നൽകണം. ഉത്തരക്കടലാസി​​​​​െൻറ പകർപ്പ്​ പേജ്​ ഒന്നിന്​ രണ്ടുരൂപ നിരക്കിൽ വിദ്യാർഥികൾക്ക്​ നൽകണമെന്ന്​ സി.ബി.എസ്​.ഇയുടെ കേസിൽ സ​ുപ്രീംകോടതി നിർദേശിച്ചിരുന്നു.

എന്നാൽ, മറ്റൊരു കേസിൽ ഇൗ തർക്കം വീണ്ടും കോടതിയിലെത്തിയ സാഹചര്യത്തിൽ ഉത്തരക്കടലാസ്​ കാണാൻ അനുവദിക്കില്ലെന്ന സർവകലാശാലയുടെ കടുത്ത നിലപാട്​ യുക്തിസഹമല്ലെന്ന്​ കമീഷൻ വിലയിരുത്തി. വിദ്യാർഥി ഉത്തരക്കടലാസ്​ കാണുന്ന അവസരത്തിൽ അതി​​​​​െൻറ ​േഫാ​േട്ടായെടുക്കാൻ സാധ്യതയുണ്ടെന്ന സർവകലാശാലയുടെ നിലപാടും കമീഷൻ നിരാകരിച്ചു. തുടർന്നാണ്​ 15 ദിവസത്തിനകം ഉത്തരക്കടലാസ്​ കാണുന്നതിന്​ വിദ്യാർഥിയെ അനുവദിക്കാൻ കമീഷൻ സർവകലാശാലക്ക്​ നിർദേശം നൽകിയത്​. വിദ്യാർഥികൾക്കും രക്ഷാകർത്താക്കൾക്കും ഏറെ ആശ്വാസം പകരുന്നതാണ്​ ഇൗ വിധിന്യായം. തങ്ങളെഴുതിയ ഉത്തരക്കടലാസുകൾ പലചരക്കുസാധനങ്ങൾ പൊതിഞ്ഞ അവസ്​ഥയിൽ കാണേണ്ടിവരുന്ന വിദ്യാർഥികളുടെ ദുരവസ്​ഥക്ക്​ ഇനിയെങ്കിലും അറുതിവരുമെന്ന്​ പ്രത്യാശിക്കാം.

Loading...
COMMENTS