Begin typing your search above and press return to search.
exit_to_app
exit_to_app
Homechevron_rightOpinionchevron_rightColumnschevron_rightകമ്യൂണിസ്​റ്റ്​...

കമ്യൂണിസ്​റ്റ്​ ആരോഗ്യവും സഭാ ആരോഗ്യവും

text_fields
bookmark_border
കമ്യൂണിസ്​റ്റ്​ ആരോഗ്യവും സഭാ ആരോഗ്യവും
cancel

രോഗത്തിന്​ അലോപ്പതി, ആയുർവേദം, ഹോമിയോ, യുനാനി,​ പ്രകൃതി തുടങ്ങിയ പല ചികിത്സമാർഗങ്ങൾ ഉണ്ടെങ്കിലും അതു ശമിച്ചുകഴിയു​േമ്പാ​ഴുള്ള മനുഷ്യാവസ്​ഥയെയാണ്​ ആരോഗ്യം എന്നതുകൊണ്ട്​ സാമാന്യേന ഉദ്ദേശിച്ചിരുന്നത്​. എന്നാൽ, 1948ലെ ലോക ഹെൽത്ത് അസംബ്ലിയുടെ നിർവചനപ്രകാരം ആരോഗ്യം എന്നത്​ രോഗ, വൈകല്യരാഹിത്യമുള്ള അവസ്ഥ മാത്രമല്ല, സമ്പൂർണ ശാരീരിക, മാനസിക, സാമൂഹിക സുസ്ഥിതി കൂടി യാണ്​.

ഇൗ ആരോഗ്യത്തിനു തന്നെ വ്യത്യസ്​ത തലങ്ങളുമുണ്ട്​. ഒരു കായിക താരത്തി​​​െൻറ ആരോഗ്യമാവില്ല ഒരു കർഷകത്തൊഴിലാളിയുടേത്​. അതാവില്ല ഒരു സർക്കാർ ജീവനക്കാര​േൻറത്​. ഇതിൽ നി​െന്നല്ലാം വ്യത്യസ്​തമായിരിക്കും ഒരു രാഷ്​ട്രീയ നേതാവി​േൻറതും സമുദായ നേതാവി​േൻറതും.

ഇത്തരത്തിൽ ഇപ്പോൾ കേരളത്തിൽ സജീവമായി ചർച്ചചെയ്യപ്പെടുന്ന രണ്ട്​ ആരോഗ്യാവസ്​ഥകളാണ്​ കമ്യൂണിസ്​റ്റ്​ ആരോഗ്യവും കത്തോലിക്കസഭ ആരോഗ്യവും. ഹെൽത്ത് അസംബ്ലിയുടെ നിർവചനപ്രകാരമുള്ള സാമൂഹിക സുസ്ഥിതിയല്ല മറിച്ച്​, പാർട്ടിയിലെയും സഭയിലെയും പദവി അടിസ്​ഥാനമാക്കിയുള്ള സുസ്​ഥിതിയിലാണ് ആ ആരോഗ്യം നിലനിൽക്കുന്നത്. യാദൃച്ഛികമാവാമെങ്കിലും സ്​ത്രീപീഡനവുമായി ബന്ധപ്പെട്ടാണ്​ ഇതു രണ്ടും രൂപപ്പെട്ടിരിക്കുന്നത്​. പ്രത്യക്ഷത്തിൽ അലോപ്പതിയും പ്രകൃതിചികിത്സയും പോലെ രണ്ടായി തോന്നാമെങ്കിലും രണ്ടി​​​െൻറയും അന്തർധാര ഏതാണ്ട്​ സമാനമാണ്​. അതുകൊണ്ടുതന്നെ തങ്ങൾ വി​ശ്വസിക്കുന്ന ആരോഗ്യം സംരക്ഷിക്കാനുള്ള ചികിത്സവിധികൾ ഇവർക്ക്​ ഏറക്കുറെ സമാനവുമാണ്​.

പഞ്ചാബിലെ ജലന്ധറിലാണ്​ ഇൗ ആരോഗ്യാവസ്​ഥക്ക്​ കാരണമായി കരുതുന്ന ഒരു ജീനി​െന ഇപ്പോൾ കണ്ടെത്തിയതെങ്കിൽ മറ്റേതി​​​െൻറ ഉത്ഭവം കേരളത്തിലെ ​ഷൊർണൂരിലാണ്​. ബിഷപ്, എം.എൽ.എ തുടങ്ങിയ വി.​െഎ.പികളിലാണ്​ ഇത്​ ഏറെ സജീവമായിരിക്കുന്നത്​. മുമ്പ്​ കേരളത്തിൽ തന്നെ ഒരു കേന്ദ്രമന്ത്രി, സംസ്​ഥാന മന്ത്രി, പാർട്ടി ജില്ല സെക്രട്ടറി, മുഖ്യമന്ത്രിയുടെ മുൻ സെക്രട്ടറി തുടങ്ങിയവരിലും ഇൗ ജീനി​​​െൻറ സാന്നിധ്യം കണ്ടെത്തിയിരുന്നു. അതിനു ശേഷം കഴിഞ്ഞ യു.ഡി.എഫ്​ സർക്കാറി​​െൻറ കാലത്ത്​ ‘ജീൻ മ്യൂ​േട്ടഷന്​’ ​വിധേയമായ ഒരു നിര വി.​െഎ.പികളുടെ പട്ടിക അതിൽ ഗവേഷണം നടത്തിയ ഒരു ആരോഗ്യവിദഗ്​ധ പുറത്തുവിടുകയും ചെയ്​തു.

അത്​ ഒരു ജുഡീഷ്യൽ കമീഷൻ റിപ്പോർട്ടി​​​െൻറ ഭാഗമായിട്ടുമുണ്ട്​. ഇത്തരം ആരോഗ്യ വിഷയങ്ങളിൽ പരിണതപ്രജ്ഞനായ ​ജനകീയ നേതാവ്​ പുറത്തുവിട്ട കിളിരൂർ ‘വി.​െഎ.പി’ ആര്​ എന്നതിന്​ വർഷങ്ങൾക്കു ശേഷവും ഉത്തരമായിട്ടുമില്ല. ‘സൂര്യനെല്ലി’, ‘കിളിരൂർ’,​ ‘െഎസ്​ക്രീം’, ‘സോളാർ’, ‘കണ്ണൂർ’, ‘എറണാകുളം’ തുടങ്ങിയ പേരുകളിൽ അറിയപ്പെട്ടതിനാൽ ഇപ്പോൾ എം.എൽ.എയിലും ബിഷപ്പിലും ക​െണ്ടത്തിയ ജീൻ തന്നെയായിരുന്നു ​അതെന്ന്​ അന്നാരും തിരിച്ചറിഞ്ഞിരുന്നുമില്ല.

പത്തെഴുപതു ദിവസം മുമ്പ്​ തന്നെ, ജലന്ധർ ജീനി​​​െൻറ സ്വഭാവവിശേഷങ്ങൾ പുറത്തുവന്നിരുന്നു. അത്​ ആരോഗ്യ ജേണലുകളിൽ റിപ്പോർട്ടാവുകയും തുടർന്ന്​​ വാർത്തയാവുകയും ചെയ്​തു. എന്നാൽ, കേരളത്തിലെ പ്രളയത്തിൽപെട്ട്​ എല്ലാം തണുത്തു. അതിനിടെയാണ്​ ഷൊർണൂർ ജീൻ പുറത്തുവന്നത്​. അതിന്​ വിധേയനായ വി.​െഎ.പി നടത്തിയ വാർത്തസമ്മേളനത്തോടെയാണ്​ ഇതിനു പിന്നിലെ ‘കമ്യൂണിസ്​റ്റ്​ ആരോഗ്യം​’ വെളിപ്പെടുത്തപ്പെട്ടത്​. ശാസ്​ത്രലോകത്താകെ ആകാംക്ഷ പകർന്ന ഒരു സംഭവമായിരുന്നു അത്​.
‘‘പരാതിയുണ്ടെങ്കിൽ അത്​ അന്വേഷിക്കാനുള്ള കരുത്ത്​ സി.പി.എമ്മിനുണ്ട്​. അ​േന്വഷണം നേരിടാനുള്ള കമ്യൂണിസ്​റ്റ്​ ആരോഗ്യം എനിക്കുമുണ്ട്​.

അ​ന്വേഷണം വന്നാൽ ഉത്തമ കമ്യൂണിസ്​റ്റുകാരൻ എന്ന ബോധ്യത്തോടെ നേരിടും’’ -തനിക്കെതിരെ ഉയർന്ന ആരോപണങ്ങളെക്കുറിച്ച്​ ഷൊർണൂരിലെ സി.പി.എം എം.എൽ.എ പി.കെ. ശശി മാധ്യമങ്ങളോട്​ പറഞ്ഞതാണിത്​. ആരോപണത്തിനു പിന്നിൽ ഗൂഢാലോചനയുണ്ടെന്നും അദ്ദേഹം വ്യക്തമാക്കി. ഗൂഢാലോചന ശശിക്കെതിരെയാണെങ്കിൽ അത്​ പാർട്ടിക്കും എതിരെയാണ്​.

ലോകത്താകെ കമ്യൂണിസ്​റ്റുകാരും കത്തോലിക്കരും വിരുദ്ധധ്രുവങ്ങളിലാണെങ്കിലും ശശിയുടെ ഇൗ ‘ആരോഗ്യ പച്ച’ സമാന ആരോപണം നേരിടുന്ന ജലന്ധർ രൂപതാധ്യക്ഷൻ ഫ്രാ​േങ്കാ മുളയ്​ക്കലിനും കരുത്തു നൽകി. അതുവരെ ‘ഞാനൊന്നുമറിഞ്ഞി​ല്ലേ കർത്താവേ’ എന്ന മട്ടിലിരുന്ന ഫ്രാ​േങ്കാ ബിഷപ് തനിക്കെതിരെ നടക്കുന്നത്​ ബ്ലാക്ക്​ മെയിലിങ്ങാണെന്നും അതിനു പിന്നിൽ ഗൂഢാലോചനയുണ്ടെന്നും വെളിപ്പെടുത്തി. അതിനൊപ്പം സഭക്കെതിരെ പ്രവർത്തിക്കുന്ന ശക്തികൾ കത്തോലിക്ക സഭയെ തകർക്കാനാണ്​ ശ്രമിക്കുന്നതെന്നും അദ്ദേഹം അറിയിച്ചു.

ഇവിടെയാണ്​ കേരളത്തിൽ കമ്യൂണിസ്​റ്റ്​ പാർട്ടിയും കത്തോലിക്കസഭയും തമ്മിലുള്ള ‘നാനാത്വത്തിൽ ഏകത്വം’ പുറത്തുവരുന്നത്​. പാർട്ടിക്കെതിരെയോ പാർട്ടി നേതാവിനെതിരെയോ എന്ത്​ ആരോപണം വന്നാലും അത്​ ഗൂഢാലോചനയാണെന്നും പാർട്ടിയെ തകർക്കാനാണെന്നുമായിരിക്കും ആദ്യം ആരോപണവിധേയനും പിന്നീട്​ പാർട്ടിയും പറയുക. ബിഷപ്പിനെതിരെ ​ൈലംഗിക ആരോപണം ഉയർന്നപ്പോൾ, ആദ്യം ബിഷപ്പി​​​െൻറയും തുടർന്ന്​ കാത്തലിക്​ ബിഷപ് കോൺഫറൻസി​​​െൻറയും നിലപാടും മറ്റൊന്നായിരുന്നില്ല. നീക്കം സഭക്കെതിരെയെന്ന്​ ആദ്യം ഫ്രാ​േങ്കായും തുടർന്ന് ​‘കോടതിയെ സ്വാധീനിക്കാനും അതിനിടെ കത്തോലിക്കസഭയെ കല്ലെറിയാനും നടത്തുന്ന സമരങ്ങൾ അപലപനീയമാണെ’ന്ന കെ.സി.ബി.സിയുടെ പ്രസ്​താവനയും പുറത്തുവന്നു.

അതുമാത്രമല്ല, പാർട്ടിക്കും സഭക്കുമെതിരെ മുമ്പ്​​ ഉയർന്ന ആരോപണങ്ങളിലും ആ​േരാപണവിധേയർക്കല്ല, ഇരകൾക്കാണ്​ ആരോഗ്യക്ഷയമുണ്ടായത്​. സി.പി.എമ്മിലെ മറ്റൊരു ശശി പുറത്താക്കപ്പെട്ട ശേഷം കായകൽപ ചികിത്സ കഴിഞ്ഞ്​ മടങ്ങിവന്നപ്പോൾ ആരോപണമുന്നയിച്ചവരുടെ ആരോഗ്യസ്​ഥിതി എന്താണെന്ന്​ ആർക്കുമറിയില്ല. അതുപോലെ ശിശുപീഡന ആരോപണമുയർന്ന വൈദിക​​​െൻറ ആരോഗ്യം നിലനിർത്താൻ ഇപ്പോൾ കുട്ടിയുടെ ബന്ധുക്കളുടെ തന്നെ മൊഴിമാറ്റ ചികിത്സയാണ്​ ആരംഭിച്ചിരിക്കുന്നത്​.

മുമ്പ്​​ കമ്യൂണിസ്​റ്റ്​ പാർട്ടികൾക്കെതിരെ എന്തു പറഞ്ഞാലും അതിനു പിന്നിൽ സി.​െഎ.എയായിരുന്നു. സഭക്കെതിരെ വന്നാൽ അത്​ കമ്യൂണിസ്​റ്റുകാരും. എന്നാൽ, ഇപ്പോൾ അത്തരമൊരു ആക്ഷേപം കേൾക്കാറില്ല. ശശി വിഷയത്തിൽ പാർട്ടി ജനറൽ സെക്രട്ടറിയും പി.ബി അംഗങ്ങളും വരെ ഇടപെട്ടിട്ടും ശശിക്ക്​ ഇതുവരെ ഒന്നും സംഭവിച്ചിട്ടില്ല. കമീഷനിൽ വരെ എത്തിനിൽക്കുകയാണത്​. അതിനെയാവും കമ്യൂണിസ്​റ്റ്​ ആരോഗ്യം എന്നു പറയുന്നത്.

കന്യാസ്​ത്രീക്ക്​ നീതിതേടി നടത്തുന്ന സമരത്തിനു പിന്നിൽ യുക്തിവാദികളാണെന്നാണ്​ ഏറ്റവു​െമാടുവിൽ മിഷനറീസ്​ ഒാഫ്​ ജീസസി​​​െൻറ ആരോപണം. ഒരു യുക്തിവാദി, കണ്ണാടിയിൽ നോക്കിയാൽ അന്ന്​ വേറൊരു യുക്തിവാദ സംഘടന ഉണ്ടാവുന്ന അവസ്​ഥയിലാണ്​ അവർക്കിടയിലെ ​െഎക്യം. അങ്ങനെയുള്ളവർ കത്തോലിക്ക സഭക്കെതിരെ ഇത്രയും വലിയൊരു സമരം നടത്താൻ ശേഷി നേടിയെന്നറിഞ്ഞാൽ യുക്തിവാദി നേതാക്കളായിരുന്ന എ.ടി. കോവൂരും ഇടമറുകും ജീവിച്ചിരുന്നെങ്കിൽ ‘എ​​​െൻറ ദൈവമേ’ എന്നു വിളിക്കുമായിരുന്നുവെന്ന്​ ഉറപ്പാണ്​.

Show Full Article
TAGS:communist Jajalandhar bishop cpim columnist malayalam news 
News Summary - communist health-columnist
Next Story