Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightകോ​ട​തി...

കോ​ട​തി ക​നി​ഞ്ഞി​ട്ടും ജ​യി​ലി​റ​ങ്ങാ​ത്ത​വ​ർ

text_fields
bookmark_border
പ്ര​ഫ​സ​ർ ജി.​എ​ൻ. സാ​യി​ബാ​ബ
cancel

പ​തി​നൊ​ന്നാം മ​ണി​ക്കൂ​റി​ൽ അ​ടി​യ​ന്ത​ര​മാ​യി വി​ളി​ച്ചു​കൂ​ട്ടി​യ കോ​ട​തി​യി​ൽ പു​റ​പ്പെ​ടു​വി​ക്കാ​നി​രി​ക്കു​ന്ന​ത് എ​ന്തെ​ന്ന് ആ​രം​ഭ​ത്തി​ലേ പ​റ​യാ​ൻ ക​ഴി​യു​മാ​യി​രു​ന്ന വി​ധി​യാ​യി​രു​ന്നു ഡ​ൽ​ഹി സ​ർ​വ​ക​ലാ​ശാ​ല പ്ര​ഫ​സ​ർ ജി.​എ​ൻ. സാ​യി​ബാ​ബ​യു​ടെ കേ​സി​ലേ​ത്. ബോം​ബെ ഹൈ​കോ​ട​തി വി​ധി സ​സ്​​പെ​ൻ​ഡ് ചെ​യ്യാ​നാ​ണ് പു​റ​പ്പാ​ട് എ​ന്ന് മ​ന​സ്സി​ലാ​ക്കി​ത്ത​ന്നെ​യാ​ണ് കേ​ര​ള ഹൈ​കോ​ട​തി മു​ൻ ജ​ഡ്ജി​യും മു​തി​ർ​ന്ന സു​പ്രീം​കോ​ട​തി അ​ഭി​ഭാ​ഷ​ക​നു​മാ​യ ആ​ർ. ബ​സ​ന്ത് 90 ശ​ത​മാ​ന​വും വി​ക​ലാം​ഗ​നാ​യ സാ​യി​ബാ​ബ​യെ, വീ​ട്ടു​ത​ട​ങ്ക​ലി​ലാ​ക്കി​യെ​ങ്കി​ലും ഒ​ന്ന് ജ​യി​ൽ മോ​ചി​ത​നാ​ക്കൂ എ​ന്ന് സു​പ്രീം​കോ​ട​തി​യോ​ട് കേ​ണ​ത്.

വീ​ൽ​ചെ​യ​റി​ൽ ക​ഴി​യു​ന്ന ഒ​രാ​ളാ​ണ് അ​ദ്ദേ​ഹ​മെ​ന്നും അ​ത്ത​ര​മൊ​രാ​ളെ സ​ഹാ​യി​ക്കേ​ണ്ട​തെ​ങ്ങ​നെ​യെ​ന്ന് പ​രി​ശീ​ല​നം സി​ദ്ധി​ച്ച​വ​ര​ല്ല സ​ഹ​ത​ട​വു​കാ​രെ​ന്നും ബ​സ​ന്ത് പ​റ​ഞ്ഞു​നോ​ക്കി. എ​ന്നാ​ൽ, വി​ക​ലാം​ഗ​നാ​ണെ​ങ്കി​ലും ഡ​ൽ​ഹി സ​ർ​വ​ക​ലാ​ശാ​ല​യി​ലെ മു​ൻ ​പ്ര​ഫ​സ​റാ​ണെ​ങ്കി​ലും വീ​ട്ടി​ലി​രു​ത്തി​യാ​ൽ പോ​ലും കു​റ്റ​കൃ​ത്യ​ത്തി​ലേ​ർ​പ്പെ​ട്ടേ​ക്കാ​വു​ന്ന ഒ​രു 'അ​ർ​ബ​ൻ ന​ക്സ​ൽ' അ​ത​ർ​ഹി​ക്കു​ന്നി​ല്ലെ​ന്ന സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത​യു​ടെ വാ​ദ​മാ​ണ് ജ​സ്റ്റി​സു​മാ​രാ​യ എം.​ആ​ർ. ഷാ​യും ബേ​ല ത്രി​വേ​ദി​യും സ്വീ​ക​രി​ച്ച​ത്.

ആ​രു​ടെ വി​ധി​യാ​ണ് യ​ഥാ​ർ​ഥ​ത്തി​ൽ തെ​റ്റ്?

വി​ചാ​ര​ണ​ക്കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ശേ​ഷം യു.​എ.​പി.​എ ചു​മ​ത്താ​ൻ ബ​ന്ധ​പ്പെ​ട്ട അ​തോ​റി​റ്റി അ​നു​മ​തി ന​ൽ​കി​യ​ത് തെ​റ്റാ​യി​രു​ന്ന​തി​നാ​ൽ അ​തി​ന്റെ അ​ടി​സ്ഥാ​ന​ത്തി​ൽ പി​ന്നീ​ട് ന​ട​ന്ന വി​ചാ​ര​ണ​യും ശി​ക്ഷാ​വി​ധി​യും ഒ​ന്നും നി​ല​നി​ൽ​ക്കി​ല്ലെ​ന്ന് വി​ല​യി​രു​ത്തി​യാ​യി​രു​ന്നു ബോം​ബെ ഹൈ​കോ​ട​തി സാ​യി​ബാ​ബ​യെ​യും കൂ​ടെ​യു​ള്ള​വ​രെ​യും കു​റ്റ​മു​ക്ത​രാ​ക്കി​യ​ത്. തെ​റ്റാ​യി നേ​ടി​യ യു.​എ.​പി.​എ അ​നു​മ​തി​ക്കു​മേ​ൽ ന​ട​ന്ന മു​ഴു​വ​ൻ പ്രോ​സി​ക്യൂ​ഷ​ൻ ന​ട​പ​ടി​ക​ളും അ​തോ​ടെ റ​ദ്ദാ​യെ​ന്ന് വി​ധി​ച്ച ബോം​ബെ ഹൈ​കോ​ട​തി അ​തി​ന് കീ​ഴ്കോ​ട​തി ന​ട​ത്തി​യ വി​ചാ​ര​ണ​യു​ടെ​യോ കേ​സി​ന്റെ​യോ മെ​റി​റ്റി​ലേ​ക്ക് ക​ട​ക്കേ​ണ്ട കാ​ര്യ​മി​ല്ലെ​ന്നാ​ണ് പ​റ​ഞ്ഞ​ത്. എ​ന്നാ​ൽ, സു​പ്രീം​കോ​ട​തി ബെ​ഞ്ചാ​ക​ട്ടെ, ആ​രോ​പി​ച്ച കു​റ്റ​കൃ​ത്യ​ങ്ങ​ളു​ടെ ഗൗ​ര​വ​വും വ്യാ​പ്തി​യും ക​ണ​ക്കി​ലെ​ടു​ത്ത് ത​ങ്ങ​ൾ​ക്കു മു​ന്നി​ൽ​വ​ന്ന തെ​ളി​വു​ക​ൾ വെ​ച്ച് വി​ചാ​ര​ണ കോ​ട​തി പു​റ​​പ്പെ​ടു​വി​ച്ച വി​ധി തെ​റ്റാ​യ​ന​ട​പ​ടി​ക്ര​മ​ത്തി​ന്റെ പേ​രി​ൽ റ​ദ്ദാ​ക്കു​ന്ന​താ​ണ് തെ​റ്റ് എ​ന്നും വി​ധി​ച്ചു. ​

ഞെ​ട്ടി​ക്കു​ന്ന തെ​റ്റാ​യ വി​ധി​യാ​ണ് ശ​നി​യാ​ഴ്ച​ത്തെ അ​സാ​ധാ​ര​ണ സി​റ്റി​ങ്ങി​ൽ സു​പ്രീം​കോ​ട​തി പു​റ​പ്പെ​ടു​വി​ച്ച​തെ​ന്നാ​ണ് മു​തി​ർ​ന്ന അ​ഭി​ഭാ​ഷ​ക​നും മ​നു​ഷ്യാ​വ​കാ​ശ പ്ര​വ​ർ​ത്ത​ക​നു​മാ​യ കോ​ളി​ൻ ഗോ​ൺ​സാ​ൽ​വ​സ് അ​ഭി​പ്രാ​യ​പ്പെ​ട്ട​ത്. ഈ ​വി​ധി​പ്ര​സ്താ​വ​ന എ​ഴു​താ​നാ​യി ജ​സ്റ്റി​സ് എം.​ആ​ർ. ഷാ ​പ​റ​ഞ്ഞു​കൊ​ടു​ക്കു​മ്പോ​ഴും​ അ​ത​ല്ല​ല്ലോ ​ഹൈ​കോ​ട​തി പ​റ​ഞ്ഞ​ത്, നി​യ​മ​ത്തി​ന്റെ വ​ഴി​യി​ലൂ​ടെ ശ​രി​യാ​യ ന​ട​പ​ടി​ക്ര​മം പാ​ലി​ച്ച് വി​ചാ​ര​ണ ന​ട​ത്തി ​തെ​റ്റു​കാ​രാ​ണെ​ങ്കി​ൽ പ്ര​തി​ക​ളെ ശി​ക്ഷി​ച്ചോ​ളൂ എ​ന്ന​ല്ലേ എ​ന്ന് അ​ൽ​പം വൈ​കാ​രി​ക​മാ​യി​ത്ത​ന്നെ അ​ഡ്വ. ബ​സ​ന്ത് ഇ​ട​പെ​ട്ടു. വീ​ട്ടു​ത​ട​ങ്ക​ലി​ലാ​ക്കി​യാ​ലും അ​ർ​ബ​ൻ ന​ക്സ​ലു​ക​ൾ​ക്ക് കു​റ്റ​കൃ​ത്യം ചെ​യ്യാ​ൻ ഒ​രു ഫോ​ൺ മ​തി​യെ​ന്ന് സോ​ളി​സി​റ്റ​ർ ജ​ന​റ​ൽ ഉ​ട​ക്കി​ട്ട​പ്പോ​ൾ എ​ങ്കി​ൽ ഫോ​ണും വി​ച്ഛേ​ദി​ച്ചോ​ളൂ എ​ന്നു​വ​രെ ബ​സ​ന്ത് പ​റ​ഞ്ഞു​നോ​ക്കി​യി​ട്ടും ജ​സ്റ്റി​സ് ഷാ​യും ജ​സ്റ്റി​സ് ബാ​ലെ​യും അ​യ​ഞ്ഞി​ല്ല.

കോ​ട​തി വി​ധി​ക്കാ​ത്ത ജീ​വ​പ​ര്യ​ന്തം ത​ട​വു​ക​ൾ

ഭ​ര​ണ​കൂ​ടം പൂ​ട്ടി​ക്ക​ഴി​ഞ്ഞാ​ൽ പി​ന്നീ​ട് ഒ​രി​ക്ക​ലും അ​യാ​ൾ പു​റം​ലോ​കം കാ​ണാ​ത്ത ത​ര​ത്തി​ൽ ഒ​രു പൊ​ലീ​സ് മ​റ്റൊ​രു അ​ന്വേ​ഷ​ണ സം​ഘ​ത്തി​ന് കൈ​മാ​റി, ഒ​രു കേ​സി​ൽ​നി​ന്ന് മ​റ്റൊ​രു കേ​സി​​ൽ കു​രു​ക്കി ഒ​രു കോ​ട​തി ക​ഴി​യു​മ്പോ​ൾ അ​ടു​ത്ത കോ​ട​തി​യി​ലേ​ക്ക് എ​ന്ന ത​ര​ത്തി​ൽ ഒ​രു മ​നു​ഷ്യ​ജീ​വി​തം നി​ര​ന്ത​രം കോ​ട​തി​ത്തി​ണ്ണ​ക​ൾ നി​ര​ങ്ങി നീ​ങ്ങു​ന്ന​തെ​ങ്ങ​നെ​യെ​ന്ന​തി​ന്റെ ജീ​വി​ക്കു​ന്ന ഉ​ദാ​ഹ​ര​ണ​ങ്ങ​ളാ​ണ് യു.​എ.​പി.​എ ത​ട​വു​കാ​ർ. കോ​ട​തി വി​ധി​ക്കാ​തെ ഫ​ല​ത്തി​ൽ ജീ​വ​പ​ര്യ​ന്തം ത​ട​വു​ശി​ക്ഷ അ​നു​ഭ​വി​ക്കാ​നാ​ണ് ഇ​വ​രു​ടെ നി​യോ​ഗം. എ​ന്ത് കു​റ്റ​മാ​രോ​പി​ച്ചാ​ണോ ആ​ദ്യം പി​ടി​ച്ച് ജ​യി​ലി​ല​ട​ച്ച​ത് ആ ​കേ​സി​ൽ​നി​ന്ന് ഏ​തെ​ങ്കി​ലും ത​ര​ത്തി​ൽ ഒ​രു ആ​ശ്വാ​സം ല​ഭി​ക്കു​മ്പോ​ഴേ​ക്കും അ​ടു​ത്ത കേ​സി​ന്റെ​യും മേ​ൽ​ക്കോ​ട​തി​യു​ടെ​യും കു​രു​ക്ക് മു​റു​കു​ന്ന നി​സ്സ​ഹാ​യാ​വ​സ്ഥ. കീ​ഴ്കോ​ട​തി ​മു​ത​ൽ സു​പ്രീം​കോ​ട​തി വ​രെ നി​യ​മ​യു​ദ്ധം ന​ട​ത്തി ര​ണ്ടു വ​ർ​ഷ​ത്തി​നു​ശേ​ഷം നേ​ടി​യെ​ടു​ത്ത ജാ​മ്യ​ത്തി​​ന്റെ ആ​ശ്വാ​സം ഇ.​ഡി മ​റ്റൊ​രു കേ​സി​ൽ കു​രു​ക്കി​യ​തു​മൂ​ലം അ​നു​ഭ​വി​ക്കാ​ൻ ക​ഴി​യാ​തെ യു.​പി ജ​യി​ലി​ൽ കി​ട​ക്കേ​ണ്ടി​വ​രു​ന്ന സി​ദ്ദീ​ഖ് കാ​പ്പ​ന്റെ ദു​ര​നു​ഭ​വ​മി​താ​ണ്.

യു.​എ.​പി.​എ കേ​സി​ൽ വി​ചാ​ര​ണ ക​ഴി​ഞ്ഞ് കോ​ട​തി ശി​ക്ഷ വി​ധി​ച്ച​തു​കൊ​ണ്ടാ​ണ് ​ഹൈ​കോ​ട​തി​യി​ൽ ന​ട​പ​ടി​ക്ര​മം ചോ​ദ്യം​ചെ​യ്യാ​ൻ സാ​യി​ബാ​ബ​യു​ടെ അ​ഭി​ഭാ​ഷ​ക​ർ​ക്ക് ക​ഴി​ഞ്ഞ​ത്. എ​ന്നാ​ൽ പ​തി​റ്റാ​ണ്ടി​ലേ​റെ ജ​യി​ലി​ൽ കി​ട​ത്തി​യി​ട്ടും വി​ചാ​ര​ണ​യൊ​ന്ന് തീ​ർ​ത്തു​ത​ന്നെ​ങ്കി​ൽ എ​ന്ന് യാ​ചി​ക്കു​ക​യാ​ണ് പി.​ഡി.​പി ചെ​യ​ർ​മാ​ൻ അ​ബ്ദു​ന്നാ​സി​ർ മ​അ്ദ​നി​യെ​യും പ​ര​പ്പ​ന​ങ്ങാ​ടി​യി​ലെ സ​ക​രി​യ​​യെ​യും പോ​ലെ വി​വി​ധ ഇ​ന്ത്യ​ൻ ജ​യി​ലു​ക​ളി​ൽ ക​ഴി​യു​ന്ന എ​ണ്ണ​മ​റ്റ യു.​എ.​പി.​എ ത​ട​വു​കാ​ർ. വി​ചാ​ര​ണ​ത്ത​ട​വു​കാ​രെ കൊ​ണ്ട് ഇ​ന്ത്യ​ൻ ജ​യി​ലു​ക​ൾ നി​റ​ഞ്ഞു​ക​വി​ഞ്ഞു​വെ​ന്ന് അ​ക്കാ​ദ​മി​ക വേ​ദി​ക​ളി​ലും വാ​രാ​ന്ത്യ പ​രി​പാ​ടി​ക​ളി​ലും നി​ര​ന്ത​രം പ​റ​ഞ്ഞു​കൊ​ണ്ടി​രി​ക്കു​ന്ന സു​പ്രീം​കോ​ട​തി ജ​ഡ്ജി​മാ​ർ സ്വ​ന്തം ബെ​ഞ്ചി​ൽ വി​ചാ​ര​ണ​ത്ത​ട​വു​കാ​രു​ടെ കാ​ര്യം വ​രു​മ്പോ​ൾ വാ​ക്കു​ക​ളി​ലെ അ​ലി​വ് വി​ധി​പ്ര​സ്താ​വ​ന​ക​ളി​ൽ കാ​ണി​ക്കാ​റി​ല്ല.

ജാ​മ്യം അ​നു​വ​ദി​ച്ചാ​ലും ജാ​മ്യ​ക്കാ​രി​ല്ലാ​ത്ത​വ​ർ

കോ​ട​തി ജാ​മ്യം അ​നു​വ​ദി​ച്ച​യാ​ൾ ഇതര​സം​സ്ഥാ​ന​ക്കാ​ര​നാ​ണെ​ങ്കി​ൽ ജാ​മ്യ​ക്കാ​ർ​ക്കാ​യു​ള്ള തി​ര​ച്ചി​ൽ കൂ​ടു​ത​ൽ പ്ര​യാ​സ​ക​ര​മാ​കു​മെ​ന്ന​ത് ച​ർ​ച്ച​യാ​യ​തും സി​ദ്ദീ​ഖ് കാ​പ്പ​ന്റെ കേ​സി​ലാ​ണ്. എ​ന്നാ​ൽ, വി​ചാ​ര​ണ​ത്ത​ട​വു​കാ​രാ​യി ത​ട​വ​റ​ക​ളി​ല​ട​ക്ക​പ്പെ​ട്ട​വ​ർ​ക്ക് കോ​ട​തി ജാ​മ്യം അ​നു​വ​ദി​ച്ചാ​ലും ജ​യി​ലി​ൽ നി​ന്നി​റ​ങ്ങാ​ൻ ക​ഴി​യാ​ത്ത നി​സ്സ​ഹാ​യാ​വ​സ്ഥ മ​നു​ഷ്യാ​വ​കാ​ശ പ്ര​വ​ർ​ത്ത​ക​ർ പ​തി​വാ​യി ഉ​ന്ന​യി​ക്കാ​റു​ള്ള പ്ര​ശ്ന​മാ​ണ്. ഏ​ത് സം​സ്ഥാ​ന​ത്താ​ണോ കു​റ്റ​കൃ​ത്യം ന​ട​ന്ന​താ​യി ആ​രോ​പി​ച്ച​ത് അ​വി​ടെ ഭൂ​മി​ക്ക് നി​കു​തി അ​ട​ച്ച​തി​ന്റെ ശീ​ട്ടു​ള്ള​വ​രെ ജാ​മ്യം നി​ൽ​ക്കാ​ൻ കി​ട്ടാ​ത്ത​തു​മൂ​ലം ജ​യി​ലി​ൽ തു​ട​രാ​ൻ വി​ധി​ക്ക​പ്പെ​ട്ട​വ​ർ ഏ​റെ​യാ​ണ്.

യു.​എ.​പി.​എ പോ​ലു​ള്ള ഭീ​ക​ര​നി​യ​മ​ങ്ങ​ൾ ചു​മ​ത്ത​പ്പെ​ട്ട കേ​സു​ക​ളി​ൽ അ​ടു​ത്ത ബ​ന്ധു​ക്ക​ൾ​പോ​ലും ജാ​മ്യം നി​ൽ​ക്കാ​ൻ ത​യാ​റാ​കാ​ത്ത ഉ​ദാ​ഹ​ര​ണ​ങ്ങ​ൾ ഉ​ത്ത​രേ​ന്ത്യ​യി​ൽ വ്യാ​പ​ക​മാ​ണ്. ത​യാ​റാ​കു​ന്ന​വ​രി​ൽ പ​ല​രും പൊ​ലീ​സി​ന്റെ പ്ര​തി​കാ​ര ന​ട​പ​ടി ഭ​യ​ന്ന് പി​ന്നീ​ട് പി​ന്മാ​റു​ന്ന​തും ഒ​റ്റ​പ്പെ​ട്ട സം​ഭ​വ​ങ്ങ​ള​ല്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:uapacourt newsSidheeq Kappanprofessor GN Saibaba
News Summary - who remain in jail despite being allowed by the court
Next Story