ദ​ക്ഷി​ണാ​ഫ്രി​ക്ക​യോ​ട് നാം ​ക​ട​പ്പെ​ട്ടി​രി​ക്കു​ന്നു

ഇ​സ്രാ​യേ​ലി​ന്റെ മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്കെ​തി​രെ ലോ​ക​കോ​ട​തി​യെ സ​മീ​പി​ക്കു​ക വഴി സ്വ​ന്തം സ​ഹോ​ദ​ര​ങ്ങ​ളി​ൽ​നി​ന്ന് ല​ഭി​ക്കേ​ണ്ടി​യി​രു​ന്ന സ​ഹാ​യ​ഹ​സ്ത​മാ​ണ് ദ​ക്ഷി​ണാ​ഫ്രി​ക്ക ഫ​ല​സ്തീ​ന് ന​ല്‍കി​യി​രി​ക്കു​ന്ന​ത്

ഗ​സ്സ​യി​ലെ വം​ശീ​യ ഉ​ന്മൂ​ല​ന​വും കൂ​ട്ട​ക്കു​രു​തി​യും ലോ​ക കോ​ട​തി​യു​ടെ ത​ട്ട​ക​ത്തി​ലേ​ക്ക് എ​ത്തി​ച്ച് സ​യ​ണി​സ്റ്റ് ഭീ​ക​ര​ത​യെ തു​റ​ന്നു​കാ​ട്ടി​യ​തി​ന് മ​നു​ഷ്യാ​വ​കാ​ശ​ങ്ങ​ളെ​യും മാ​ന​വി​ക​ത​യെ​യും മാ​നി​ക്കു​ന്ന ഓ​രോ​രു​ത്ത​രും ദ​ക്ഷി​ണാ​ഫ്രി​ക്ക​യോ​ട് ക​ട​പ്പെ​ട്ടി​രി​ക്കു​ന്നു. സ്ത്രീ​ക​ളും കു​ട്ടി​ക​ളു​മു​ൾ​പ്പെ​ടെ നി​ര​പ​രാ​ധി​ക​ളാ​യ ജ​ന​ങ്ങ​ളെ കൊ​ന്നൊ​ടു​ക്കി അ​ര​ങ്ങു​വാ​ഴു​ന്ന പ​തി​വു​ശൈ​ലി ചോ​ദ്യം​ചെ​യ്യ​പ്പെ​ട്ട​തി​ന്റെ ക​ടു​ത്ത മു​റു​മു​റു​പ്പി​ലാ​ണ് ഇ​സ്രാ​യേ​ലും അ​മേ​രി​ക്ക​യും അ​വ​രു​ടെ സി​ൽ​ബ​ന്ധി​ക​ളും.

ദ​ക്ഷി​ണാ​ഫ്രി​ക്ക അ​മേ​രി​ക്ക​ൻ മേ​ൽ​ക്കോ​യ്മ അം​ഗീ​ക​രി​ക്കാ​ത്ത ഒ​രു രാ​ഷ്ട്ര​മാ​ണ്. സാ​മ്പ​ത്തി​ക​മോ സൈ​നി​ക​മോ ആ​യ വി​ധേ​യ​ത്വ​വും അ​വ​ർ​ക്ക് അ​മേ​രി​ക്ക​യോ​ട് ഇ​ല്ല. സൈ​നി​ക-​സാ​മ്പ​ത്തി​ക ഉ​പ​ജാ​പ​ങ്ങ​ളു​പ​യോ​ഗി​ച്ച് വ​രു​തി​യി​ലാ​ക്കി​യാ​ൽ ഒ​രു രാ​ജ്യ​വും ത​ങ്ങ​ൾ​ക്കെ​തി​രെ നാ​വ​ന​ക്കി​ല്ലെ​ന്ന അ​മേ​രി​ക്ക​യു​ടെ ധാ​ര​ണ​ക്കാ​ണ് ദ​ക്ഷി​ണാ​ഫ്രി​ക്ക പ​രി​ക്കേ​ൽ​പി​ച്ചി​രി​ക്കു​ന്ന​ത്.

വ​ർ​ണ​വി​വേ​ച​ന​ത്തി​ന്റെ ക​ഠോ​ര​ത​ക​ൾ​ക്കെ​തി​രെ നെ​ൽ​സ​ൺ മ​ണ്ഡേ​ല​യു​ടെ നേ​തൃ​ത്വ​ത്തി​ൽ അ​ന​വ​ര​തം പൊ​രു​തി​യ​തി​ന്റെ ഫ​ല​മാ​യാ​ണ് ആ ​രാ​ജ്യം സ്വ​ത​ന്ത്ര​മാ​യ​ത്. ഇ​ന്ന്, ഇ​സ്രാ​യേ​ലി​ന്റെ മ​നു​ഷ്യാ​വ​കാ​ശ ലം​ഘ​ന​ങ്ങ​ൾ​ക്കെ​തി​രെ ലോ​ക​കോ​ട​തി​യെ സ​മീ​പി​ക്കു​ന്ന​തി​ലൂ​ടെ അ​വ​ർ വീ​ണ്ടും ലോ​ക​ത്തി​ന്റെ ശ്ര​ദ്ധാ​കേ​ന്ദ്ര​വും പ്ര​ചോ​ദ​ന​വു​മാ​യി മാ​റി​യി​രി​ക്കു​ന്നു. സ്വ​ന്തം സ​ഹോ​ദ​ര​ങ്ങ​ളി​ൽ​നി​ന്ന് ല​ഭി​ക്കേ​ണ്ടി​യി​രു​ന്ന സ​ഹാ​യ​ഹ​സ്ത​മാ​ണ് ദ​ക്ഷി​ണാ​ഫ്രി​ക്ക ഫ​ല​സ്തീ​ന് ന​ല്‍കി​യി​രി​ക്കു​ന്ന​ത്.

അ​ന്താ​രാ​ഷ്ട്ര കോ​ട​തി​യു​ടെ ആ​ദ്യ സി​റ്റി​ങ്ങി​ൽ ജോ​ർ​ഡ​ന്റെ മൂ​ന്ന് പ്ര​തി​നി​ധി​ക​ൾ പ​ങ്കെ​ടു​ത്ത​താ​യ​റി​യു​ന്നു. നേ​തൃ​ത്വം ലോ​ക​കോ​ട​തി​യി​ലെ പ്ര​ശ​സ്ത ന്യാ​യാ​ധി​പ​ൻ ഔ​ൻ അ​ൽ ഖ​സൗ​ന​ക്കാ​യി​രു​ന്നു. നേ​ര​ത്തേ, ഇ​സ്രാ​യേ​ൽ ഗ​സ്സ​യി​ൽ ‘വി​വേ​ച​ന മ​തി​ൽ’​നി​ർ​മി​ച്ച സ​മ​യ​ത്ത് അ​ത് കൈ​കാ​ര്യം​ചെ​യ്ത​ത് അ​ദ്ദേ​ഹ​മാ​യി​രു​ന്നു.

സൗ​ദി അ​റേ​ബ്യ​യി​ൽ ന​ട​ന്ന അ​റ​ബ് ഉ​ച്ച​കോ​ടി​യി​ൽ, ഗ​സ്സ​യി​ൽ ഇ​സ്രാ​യേ​ൽ ന​ട​ത്തു​ന്ന കൂ​ട്ട​ക്കൊ​ല​ക്കെ​തി​രെ ലോ​ക​കോ​ട​തി​യെ സ​മീ​പി​ക്കാ​നാ​വ​ശ്യ​മാ​യ പ്ര​മാ​ണ​ങ്ങ​ൾ ശേ​ഖ​രി​ക്കാ​ൻ അ​റ​ബ് ലീ​ഗി​നോ​ടും മു​സ്‍ലിം വേ​ൾ​ഡ് ലീ​ഗി​നോ​ടും ആ​വ​ശ്യ​പ്പെ​ട്ടി​രു​ന്നു.

നി​യ​മ​വി​ഷ​യ​ങ്ങ​ൾ പ​ഠി​ച്ച​ശേ​ഷം അ​റ​ബ് ലീ​ഗി​ലൂ​ടെ ഇ​സ്രാ​യേ​ലി​നെ​തി​രെ സെ​ക്യൂ​രി​റ്റി കൗ​ൺ​സി​ലി​ലും ഐ​ക്യ​രാ​ഷ്ട്ര​സ​ഭ ജ​ന​റ​ൽ അ​സം​ബ്ലി​യി​ലും വി​ഷ​യം ഉ​ന്ന​യി​ക്കാ​നാ​കാം ജോ​ർ​ഡ​ൻ ഉ​ദ്ദേ​ശി​ച്ചി​രു​ന്ന​ത്. പ​ക്ഷേ, അ​മേ​രി​ക്ക​ക്ക് വീ​റ്റോ അ​ധി​കാ​ര​മു​ണ്ടാ​യി​രി​ക്കെ എ​ന്തു സം​ഭ​വി​ക്കു​മെ​ന്നു ഊ​ഹി​ക്കാ​വു​ന്ന​തേ​യു​ള്ളൂ!

2002 ജൂ​ണി​ലാ​ണ് തെ​ൽ​അ​വീ​വി​ലെ കാ​ബി​ന​റ്റ് മീ​റ്റി​ങ്ങി​ൽ ‘വി​വേ​ച​ന മ​തി​ൽ’​നി​ര്‍മാ​ണ​ത്തി​ന് തീ​രു​മാ​ന​മാ​യ​ത്. ജൂ​ത ആ​വാ​സ​കേ​ന്ദ്ര​ങ്ങ​ളെ പൂ​ര്‍ണ​മാ​യും ഉ​ൾ​ക്കൊ​ണ്ടു​കൊ​ണ്ടും ഭാ​വി​യി​ൽ അ​വ​യു​ടെ വി​പു​ലീ​ക​ര​ണ സാ​ധ്യ​ത പ​രി​ഗ​ണി​ച്ചും തീ​രു​മാ​നി​ക്ക​പ്പെ​ട്ട ഈ ​വ​ൻ​മ​തി​ൽ ഫ​ല​സ്തീ​നി​ക​ൾ​ക്ക് ദു​സ്സ​ഹ​മാ​യ​പ്പോ​ൾ ഇ​തി​നെ​തി​രെ 150ല​ധി​കം പ​രാ​തി​ക​ൾ ല​ഭി​ച്ചു. പ​ല​തും ഇ​തി​ന്റെ നി​യ​മ​സാ​ധു​ത ചോ​ദ്യം ചെ​യ്യു​ന്ന​താ​യി​രു​ന്നു.

സ്ഥ​ല​വാ​സി​ക​ളാ​യ ഫ​ല​സ്തീ​ൻ വം​ശ​ജ​രെ സ്വ​ന്തം കൃ​ഷി​യി​ട​ങ്ങ​ളി​ൽ​നി​ന്നും ജോ​ലി​ചെ​യ്തി​രു​ന്ന സ്ഥ​ല​ങ്ങ​ളി​ൽ​നി​ന്നും ബ​ന്ധു​ക്ക​ളി​ൽ നി​ന്നും പി​ഴു​തു​മാ​റ്റു​ന്ന പ​ദ്ധ​തി​യാ​യി​രു​ന്നു അ​ത്. എ​ന്നാ​ൽ, കേ​സ് പ​രി​ഗ​ണി​ച്ച ഇ​സ്രാ​യേ​ൽ സു​പ്രീം​കോ​ട​തി മ​തി​ൽ നി​ർ​മാ​ണ​ത്തി​ന് അ​നു​വാ​ദം ന​ല്‍കു​ക​യാ​ണു​ണ്ടാ​യ​ത്!

പ​ക്ഷേ, തു​ട​ർ​ന്ന് 2004 ജൂ​ലൈ​യി​ൽ അ​ന്താ​രാ​ഷ്ട്ര കോ​ട​തി കേ​സി​ന്റെ നാ​നാ​വ​ശ​ങ്ങ​ൾ പ​രി​ശോ​ധി​ക്കു​ക​യും തീ​ർ​പ്പ് ക​ൽ​പി​ക്കു​ക​യു​മു​ണ്ടാ​യി. ഇ​ത​നു​സ​രി​ച്ച് മ​തി​ൽ നി​ര്‍മാ​ണം നി​യ​മ​ലം​ഘ​ന​മാ​ണെ​ന്നും അ​ത് ക​ട​ന്നു​പോ​കു​ന്ന വ​ഴി​ക​ളി​ൽ സ്ഥ​ലം ന​ഷ്ട​പ്പെ​ട്ട​വ​ർ​ക്കും വ​ഴി ത​ട​യ​പ്പെ​ട്ട​വ​ർ​ക്കു​മൊ​ക്കെ മ​തി​യാ​യ പ്രാ​യ​ശ്ചി​ത്തം ന​ല്‍കാ​ൻ ഇ​സ്രാ​യേ​ൽ ത​യാ​റാ​ക​ണ​മെ​ന്നും കോ​ട​തി ഉ​ത്ത​ര​വി​ട്ടു! എ​ന്നി​ട്ടെ​ന്തു​ണ്ടാ​യി?

ഐ​ക്യ​രാ​ഷ്ട്ര​സ​ഭ​യു​ടെ ക​ൽ​പ​ന​ക​ൾ​ത​ന്നെ അ​വ​ർ ചെ​വി​ക്കൊ​ള്ളാ​ൻ സ​ന്ന​ദ്ധ​മ​ല്ലെ​ന്നി​രി​ക്കെ ഇ​തി​ൽ ലോ​ക​കോ​ട​തി​ക്ക് നോ​ക്കു​കു​ത്തി​യാ​യി​രി​ക്കാ​നേ സാ​ധി​ക്കു​ക​യു​ള്ളൂ. സെ​ക്യൂ​രി​റ്റി കൗ​ൺ​സി​ൽ പാ​സാ​ക്കി​യ 28 പ്ര​മേ​യ​ങ്ങ​ൾ അ​മേ​രി​ക്ക​ൻ പി​ന്തു​ണ​യോ​ടെ ഇ​സ്രാ​യേ​ൽ ച​വ​റ്റു​കൊ​ട്ട​യി​ലേ​ക്കെ​റി​ഞ്ഞ​ത് ഏ​വ​ർ​ക്കും അ​റി​യാ​വു​ന്ന കാ​ര്യ​മാ​ണ്. എ​ന്നി​രു​ന്നാ​ലും നീ​തി തേ​ടി ഏ​ത​റ്റം​വ​രെ​യും പോ​കാ​ൻ തീ​രു​മാ​നി​ക്കു​ക എ​ന്ന​തു ത​ന്നെ മ​ഹ​ത്താ​യ ഒ​രു പോ​രാ​ട്ട​മാ​ണ്.

ദ​ക്ഷി​ണാ​ഫ്രി​ക്ക ഫ​ല​സ്തീ​നി​ൽ​നി​ന്ന് വ​ള​രെ അ​ക​ലെ കി​ട​ക്കു​ന്ന രാ​ജ്യ​മാ​ണ്. വ​ൻ​ശ​ക്തി​യോ മേ​ൽ​കോ​യ്മ അ​വ​കാ​ശ​പ്പെ​ടു​ന്ന ഒ​രു രാ​ഷ്ട്ര​മോ അ​ല്ല. 1948ലെ ​ജ​നീ​വ ക​ൺ​വെ​ൻ​ഷ​ൻ നി​രോ​ധി​ച്ച വം​ശ​ഹ​ത്യ​ക്കെ​തി​രെ ആ​രും​ത​ന്നെ പ്ര​തി​ക​രി​ക്കു​ന്നി​ല്ലെ​ന്ന് വ​ന്ന​പ്പോ​ഴാ​ണ് രാ​ജ്യ​ത്തെ പ്ര​മു​ഖ​രാ​യ നി​യ​മ​വി​ദ​ഗ്ധ​ർ എ​ഴു​തി​യ 84 പേ​ജ് വ​രു​ന്ന മ​നു​ഷ്യാ​വ​കാ​ശ ധ്വം​സ​ന​ത്തെ​ക്കു​റി​ച്ച പ​രാ​തി​ക​ൾ മു​ൻ​നി​ർ​ത്തി ഗ​സ്സ​യി​ലെ വം​ശ​ഹ​ത്യ​ക്കെ​തി​രെ അ​വ​ർ ലോ​ക​കോ​ട​തി​യെ സ​മീ​പി​ക്കു​ന്ന​ത്.

നെ​ൽ​സ​ൺ മ​ണ്ടേ​ല​യു​ടെ നേ​തൃ​ത്വ​ത്തി​ൽ ആ​ഫ്രി​ക്ക​ൻ നാ​ഷ​ന​ൽ കോ​ൺ​ഗ്ര​സ് അ​ധി​കാ​ര​ത്തി​ൽ വ​ന്ന​തു മു​ത​ലേ നീ​തി പു​ല​രു​ന്ന വ്യ​വ​സ്ഥ​ക്കു​വേ​ണ്ടി വാ​ദി​ക്കു​ന്ന​ത് നി​ല​പാ​ടാ​യി അ​വ​ർ സ്വീ​ക​രി​ച്ചി​രി​ക്കു​ന്നു. സ്വാ​ത​ന്ത്ര്യ​നാ​യ​ക​ർ ഉ​യ​ർ​ത്തി​പ്പി​ടി​ച്ച ആ​ദ​ർ​ശ​ങ്ങ​ൾ അ​വ​രു​ടെ കാ​ല​ശേ​ഷം മാ​റ്റി​ത്തി​രു​ത്തു​ക​യോ വി​സ്മ​രി​ക്കു​ക​യോ ചെ​യ്യു​ന്ന രാ​ജ്യ​ങ്ങ​ൾ ക​ണ്ടു​പ​ഠി​ക്കേ​ണ്ട​തു​ണ്ട്; 2013ൽ ​മ​ണ്ടേ​ല കാ​ല​യ​വ​നി​ക​ക്കു പി​ന്നി​ലേ​ക്ക് മ​റ​ഞ്ഞ ശേ​ഷ​വും സ്വാ​ത​ന്ത്ര​ത്തി​നു വേ​ണ്ടി പൊ​രു​തു​ന്ന ഫ​ല​സ്തീ​ൻ ജ​ന​ത​യോ​ട് ദ​ക്ഷി​ണാ​ഫ്രി​ക്ക തു​ട​രു​ന്ന ഐ​ക്യ​ദാ​ർ​ഢ്യം.

വ​ർ​ണ​വി​വേ​ച​നം അ​വ​സാ​നി​ച്ച​ശേ​ഷം, വം​ശീ​യ​താ മു​ക്ത​മാ​യ ഒ​രു തെ​ര​ഞ്ഞെ​ടു​പ്പ് ന​ട​ത്തി​യാ​ണ് ജ​ന​ങ്ങ​ൾ നെ​ൽ​സ​ൺ മ​ണ്ടേ​ല​യെ 1994ൽ ​പ്ര​സി​ഡ​ന്റാ​യി തി​ര​ഞ്ഞെ​ടു​ത്ത​ത്. അ​ധി​കാ​ര​ത്തി​ൽ വ​ന്ന​പ്പോ​ൾ ലോ​ക​രോ​ട് ന​ന്ദി പ​റ​യ​വെ, ഒ​രു കാ​ര്യം അ​ദ്ദേ​ഹം എ​ടു​ത്തു​പ​റ​ഞ്ഞു: ‘‘ന​മ്മു​ടെ സ്വാ​ത​ന്ത്ര്യം അ​പൂ​ർ​ണ​മാ​ണ്. അ​ത് പൂ​ര്‍ണ​മാ​ക​ണ​മെ​ങ്കി​ൽ ഫ​ല​സ്തീ​ൻ കൂ​ടി സ്വാ​ത​ന്ത്ര്യം നേ​ടേ​ണ്ട​തു​ണ്ട്’’. സ്വാ​ത​ന്ത്ര്യം പൂ​ർ​ണ​മാ​ക്കു​ക എ​ന്ന ല​ക്ഷ്യം യാ​ഥാ​ർ​ഥ്യ​മാ​ക്കാ​നു​ള്ള പോ​രാ​ട്ട​ത്തി​ൽ ത​ങ്ങ​ളു​ടെ​താ​യ പ​ങ്കു വ​ഹി​ക്കു​ക​യാ​ണ് ആ ​ജ​ന​ത​യി​പ്പോ​ൾ.