Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightനമ്മൾ വെറുമൊരു...

നമ്മൾ വെറുമൊരു വെള്ളരിക്കാപട്ടണത്തിൽ

text_fields
bookmark_border
നമ്മൾ വെറുമൊരു വെള്ളരിക്കാപട്ടണത്തിൽ
cancel

വഞ്ചന മുറ്റിയ വല്ലാ​െത്താരു കാലത്താണ്​ നാം ജീവിക്കുന്നത്​. ഇവിടെ ബലാത്സംഗക്കാരും വിനാശകാരികളും മറ്റ്​ അതിക്രമങ്ങൾ ചെയ്യുന്ന ക്രിമിനലുകളും സ്വച്ഛമായി വിഹരിക്കുന്നു. ദുരന്തം അവിടെയും അവസാനിക്കുന്നില്ല. യു.പിയിൽനിന്നുള്ള ചില വലിയ ബി.ജെ.പി നേതാക്കളുടെ പറച്ചിലുകൾ കേൾക്കൂ- രണ്ടു​ വലിയ നേതാക്കളെങ്കിലും ഹാഥ​റസിൽ ബലാത്സംഗത്തിനിരയായി അതിദാരുണമാംവിധം കൊലചെയ്യപ്പെട്ട ആ സാധു ദലിത്​ പെൺകുട്ടിക്കുമേൽ എല്ലാ പാപഭാരങ്ങളും കെട്ടിയേൽപിച്ച്​ വിഷംമുറ്റിയ പ്രസ്​താവനകളിറക്കിയിരിക്കുന്നു. അതിനു പിന്നാലെ ഭരണതന്ത്രജ്ഞരെന്നു നടിക്കുന്ന അധികാരികൾ പുതിയ ഗൂഢതന്ത്രങ്ങൾ അവതരിപ്പിക്കുന്നു. നമ്മുടെ നാട്ടിൽ നടക്കുന്ന അരുതായ്​മകൾക്കെല്ലാം പിന്നിൽ വിദേശശക്തികളും സ്​ഥാപിതതാൽപര്യക്കാരുമാണുപോലും. ഇതിനെയെല്ലാം തെറ്റിദ്ധരിപ്പിക്കൽ എന്നല്ല, തികച്ചും വിചിത്ര കൽപനകൾ എന്നേ വിളിക്കാനാവൂ.

അല്ല സർ, നമ്മുടെ ആ മകൾ പിച്ചിച്ചീന്തപ്പെട്ടതും അവളുടെ ഉയിരറ്റ ദേഹം ഒരു മാന്യതയും കൽപിക്കാതെ ചു​ട്ടെരിക്കപ്പെട്ടതും വിദേശശക്തികളുടെ കളികൾ മൂലമല്ല. അവളെ ഉത്തർപ്രദേശുകാരായ നാലു​ സ്വദേശി പുരുഷന്മാർ ക്രൂരബലാത്സംഗത്തിനിരയാക്കുകയായിരുന്നു, മരണശേഷം അവളെ സംസ്​ഥാന ഭരണകൂടം പിടിച്ചെടുത്ത്​ കത്തിച്ചുകളയുകയായിരുന്നു. അവളുടെ മൃതദേഹസംസ്​കരണമാണ്​ നടന്നതെന്ന്​ പറയാൻ എനിക്കാവില്ല. കുടുംബാംഗങ്ങളും ബന്ധുക്കളും ചേർന്ന്​ മതാചാരങ്ങളും മര്യാദകളും പാലിച്ച്​ യാത്രാമൊഴി നൽകേണ്ടിടത്ത്​ ഒരു 19 വയസ്സുകാരിയെ പൊലീസ്​ അധികാരികൾ ചേർന്ന്​ ദഹിപ്പിക്കുന്നതിനെ ശവസംസ്​കാരമെന്നു വിളിക്കാൻ കഴിയില്ലതന്നെ.

സത്യത്തിൽ, നമ്മുടെ ഭരണാധികാരികളാൽ നമ്മൾ ഭരിക്കപ്പെടുകയാണോ അതോ കബളിപ്പിക്കപ്പെടുകയാണോ? ഒരാളും സുരക്ഷിതരല്ലാത്ത അവസ്​ഥയിലേക്കു​ നീങ്ങിയിരിക്കുന്നു നാട്. മനുഷ്യത്വം ഉള്ളിലുള്ളയാരും ഒന്നുകിൽ തടവിലാക്കപ്പെടാം, അല്ലെങ്കിൽ വേട്ടയാടപ്പെടാം, അതുമല്ലെങ്കിൽ ഭരണകൂടതന്ത്രങ്ങളുടെ ഇരയാവുകയോ തകർക്കപ്പെടുകയോ ചെയ്​തേക്കാം. നോക്കൂ, തലസ്​ഥാനനഗരമായ ഡൽഹിയിൽ കഴിഞ്ഞ ശീതകാലത്ത്​ പൗരത്വഭേദഗതി നിയമത്തിനെതിരായ മുന്നേറ്റത്തിൽ പങ്കു​േചർന്നവരെ ഒന്നൊന്നായി വേട്ടയാടിക്കൊണ്ടിരിക്കുകയല്ലേ?

അതുപോലെ കഴിഞ്ഞയാഴ്​ച ഉത്തർപ്രദേശിലെ ഹാഥറസിലേക്ക്​ ഉന്മൂലനം ചെയ്യപ്പെട്ട പെൺകുട്ടിക്കും കുടുംബത്തിനും നീതി തേടിപ്പോയവരെയെല്ലാം അടിച്ചോടിച്ചു. രാഹുൽ ഗാന്ധി, പ്രിയങ്ക ഗാന്ധി, ഡെറിക്​ ഒബ്രിയൻ തുടങ്ങിയ മുൻനിര നേതാക്കൾപോലും യു.പി ​പൊലീസി​െൻറ ബലപ്രയോഗത്തിൽനിന്ന്​ ഒഴിവാക്കപ്പെട്ടില്ല. അവരെപ്പോലുള്ള നേതാക്കൾപോലും ഇത്തരത്തിൽ കൈയേറ്റങ്ങൾക്കിരയാക്കപ്പെടുന്നുവെങ്കിൽ അതിദയനീയമാംവിധം അധഃപതിച്ച അവസ്​ഥകൾക്കെതിരെ ശബ്​ദമുയർത്താനും പ്രതികരിക്കാനും മുന്നോട്ടുവരുന്ന ആക്​ടിവിസ്​റ്റുകളും വിദ്യാർഥികളും അധ്യാപകസമൂഹവുമെല്ലാം ഏതുവിധത്തിലാവും കൈകാര്യം ചെയ്യപ്പെടുക എന്ന്​ ഊഹിക്കാവുന്നതേയുള്ളൂ.

നൂറുകണക്കിന്​ പ്രതിഷേധക്കാർ ലാത്തിയടിയേറ്റുവീണിട്ട്​ അവരെ വീണ്ടും തല്ലിച്ചതക്കുന്ന കാഴ്​ചകൾ... അതിനുശേഷം ഹാഥ​റസ്​ കുടുംബത്തെ സന്ദർശിക്കാനുള്ള യാത്രക്കിടെ മലയാളിയായ മാധ്യമപ്രവർത്തകൻ അടക്കം നാലു ചെറുപ്പക്കാരെ യു.പി പൊലീസ്​ പിടികൂടിയിരിക്കുന്നു. അവർ ​േപാപുലർ ഫ്രണ്ടുകാരാണ്​ എന്നതാണ്​ അറസ്​റ്റിന്​ പൊലീസ്​ പറയുന്ന കാരണം. ആ ചെറുപ്പക്കാർക്ക്​ പറയാനുള്ളതെന്താണെന്ന്​ നമുക്കിനിയും കേൾക്കാനായിട്ടില്ല. അവരിൽനിന്ന്​ ഈ അടുത്ത കാലത്ത്​ നമുക്കെന്തെങ്കിലും കേൾക്കാൻ കഴിയുമോ എന്നതു മറ്റൊരു കാര്യം- അത്രമാത്രം പ്രതീക്ഷകെട്ടുപോയൊരു കാലത്താണല്ലോ നമ്മളുള്ളത്​.

നമ്മുടെ പല ഭരണാധികാരികൾക്കെതിരിലും ഗുരുതരമായ ക്രിമിനൽ കേസുകളുണ്ട്​. എന്നിട്ടും അവർ ഉത്തരവാദപ്പെട്ട ഉന്നതസ്​ഥാനങ്ങളിൽ ഞെളിഞ്ഞിരിക്കുന്നു. എങ്ങനെയാണ്​ ഇതൊക്കെ സംഭവിക്കുന്നത്​? അപകടകരമായ അവസ്​ഥ​ എന്നു പറഞ്ഞാൽ പോരാ,​ നമ്മുടെ രാജ്യവും ഇവിടത്തെ ജനതയും രൂക്ഷമാം വിധം വഞ്ചിക്കപ്പെടുന്നു ​എന്നുവേണം പറയാൻ.

അക്രമികളും വില്ലന്മാരും നശിപ്പാളികളുമെല്ലാം ഒരു നിയന്ത്രണവുമില്ലാതെ സർവതന്ത്ര സ്വതന്ത്രരായി വിഹരിക്കുന്നു. നശിപ്പിക്കപ്പെട്ടതിനെയും ഇല്ലാതാക്കപ്പെട്ടതിനെയുമെല്ലാംപറ്റി വിചിത്രമാംവിധം വളച്ചൊടിക്കപ്പെട്ട സിന്താദ്ധങ്ങൾ നാം കേൾക്കുന്നു. ആരും കൊല്ലപ്പെട്ടിട്ടില്ല, ഒന്നും ധ്വംസിക്കപ്പെട്ടിട്ടില്ല, മന്ദിരങ്ങൾ പൊളിക്കപ്പെട്ടിട്ടില്ല, ആരും ബലാത്സംഗത്തിനിരയായിട്ടില്ല, ആരും ചു​ട്ടെരിക്കപ്പെട്ടില്ല...

മുറിഞ്ഞുപോയാലും മനസ്സിനെ ചേർത്തുപിടിക്കുക

ഒക്​ടോബർ 10. മറ്റൊരു ലോക മാനസികാരോഗ്യദിനത്തിൽ നിൽക്കു​േമ്പാൾ ലോകപ്രശസ്​ത ഇന്ത്യൻ എഴുത്തുകാരൻ മുൽക്​രാജ്​ ആനന്ദ്​ നിനവിലെത്തുന്നു. താൻ അനുഭവിച്ച മാനസിക സ്​തംഭനാവസ്​ഥകളെക്കുറിച്ച്​ തുറന്നുപറഞ്ഞിരുന്നു അദ്ദേഹം. എങ്ങനെ അതിനെയെല്ലാം മറികടന്നുവെന്നും.

മുൽക്​രാജുമായി അഭിമുഖം നടത്തു​േമ്പാഴെല്ലാം അദ്ദേഹം എഴുത്ത്​ എന്ന തെറപ്പിയെക്കുറിച്ച്​ വാചാലനാകുമായിരുന്നു. എഴുത്താണ്​ ത​െൻറ ഇപ്പോഴത്തെ പരിഹാരചികിത്സയെന്ന് പറയുമായിരുന്നു​. എല്ലാ ദിവസവും എഴുതിക്കൊണ്ടിരിക്കണമായിരുന്നു അദ്ദേഹത്തിന്. 1927ലാണ്​ ആദ്യമായി നാഡീസ്​തംഭനമുണ്ടായത്​. വിയനയിൽ സിഗ്​മണ്ട് ഫ്രോയിഡുമായി അഞ്ചു​ തവണ നടത്തിയ കൂടിക്കാഴ്​ചകൾ പ്രശ്​നത്തിന്​ വലിയ ഒരളവുവരെ പരിഹാരം കാണുന്നതിന്​ സഹായകമായി. എന്നാൽ, പിന്നീട്​ രണ്ടു​ മാനസിക പ്രതിസന്ധിഘട്ടങ്ങളും മറികടന്നത്​ എഴുത്തിലൂടെ മാത്രമായിരുന്നു.

ഓരോ തവണ ഞരമ്പുകൾ ഉടയു​േമ്പാഴും ഒാരോ നോവലുകൾ എഴുതുമായിരുന്നു. 'അ​േ​ക്രാസ്​ ദ്​ ബ്ലാക്​ വാ​ട്ടേഴ്​സ്'​ എഴുതിയത്​ 1936ൽ ആക്​ടിവിസ്​റ്റ്​ സുഹൃത്ത്​ ഗെർ​ട്രൂഡ്​ മിഷെൽ നാസികളാൽ കൊടുംകൊലക്കിരയായ ഘട്ടത്തിലായിരുന്നു. വ്യക്തിജീവിതത്തിൽ ഒരുപാട്​ സ്​ത്രീകളെ സ്​നേഹിച്ചിരുന്ന തന്നെ അവരുടെ വേർപാടുകൾ മാനസികമായി തകർത്തുകളയുകയായിരുന്നുവെന്ന്​ മുൽക്​രാജ്​ പറയും. ആദ്യത്തെ തകർച്ച സംഭവിച്ചത്​ ആദ്യമായി പ്രണയിച്ച കൂട്ടുകാരി ഐറി​െൻറ വിയോഗത്തോടെയായിരുന്നു. ഐറിഷ്​ ദേശീയ പ്രസ്​ഥാനത്തിലെ പോരാളിയായിരുന്ന അവർ 1927ൽ കൊല്ലപ്പെട്ടു. സ്​നേഹബന്ധങ്ങളിൽ മാത്രമല്ല, വിവാഹങ്ങളുടെ തകർച്ചയും മനസ്സിനെ അട്ടിമറിക്കുമായിരുന്നു. കാത്​ലീൻ വാൻ ഗെൽഡറുമായുള്ള ആദ്യ വിവാഹം അ​േമ്പ പരാജമായി. രണ്ടാം വിവാഹം ആനിൽ ഡി സിൽവയുമായി തീരുമാനിച്ചുറപ്പിച്ചെങ്കിലും നടക്കാതെ പോയി. അവസാന നിമിഷം അവർ മനസ്സുമാറ്റി, അങ്ങനെ പ്രമുഖ നർത്തകി ഷിറിൻ വാജിഫദറിനെ വിവാഹം കഴിച്ചു.

സത്യത്തിൽ, മുൽക്​രാജ്​ പലതരം തിരിച്ചടികൾ നേരിട്ടിട്ടുണ്ട്​. അദ്ദേഹം കുറച്ചുകാലം സബർമതി ആശ്രമത്തിൽ അന്തേവാസിയായിരുന്ന കാര്യം അധികപേർ അറിയണമെന്നില്ല. ആശ്രമ നിയമങ്ങളിലൊന്ന്​ ലംഘിച്ചതി​െൻറ പേരിൽ മഹാത്മ ഗാന്ധി അദ്ദേഹത്തോട്​ അവിടംവിട്ടുപോകാൻ ആവശ്യപ്പെടുകയായിരുന്നു.

''എ​െൻറ ആദ്യത്തെ മാനസികത്തകർച്ചയിൽനിന്ന്​ കരകയറിവരുന്ന സമയമായിരുന്നു അത്​. ഇംഗ്ലണ്ടിൽനിന്ന്​ ഇന്ത്യയിലേക്കു​ വന്ന്​ സബർമതി ആശ്രമത്തിൽ ചെന്ന്​ ഗാന്ധിജിയെ കണ്ടു, അവിടെ തങ്ങാൻ അനുവദിക്കണമെന്ന്​ അഭ്യർഥിച്ചു. ഏറെനേരത്തെ ആലോചനകൾക്കൊടുവിൽ ഉപാധികൾക്കു വിധേയമായി അദ്ദേഹം അതിനു സമ്മതിച്ചു. ശുചിമുറികൾ വൃത്തിയാക്കണം, മദ്യം ഉപയോഗിക്കരുത്​, സ്​ത്രീകളെ ആസക്തിയോടെ നോക്കരുത്​ എന്നിങ്ങനെ മൂന്ന്​ ഉറപ്പുകൾ ഞാനവിടെ പാലിക്കണമായിരുന്നു. ആദ്യമാദ്യമൊക്കെ അത്​ നല്ലരീതിയിൽ പാലിച്ചുപോന്നിരുന്നു. ആ​ശ്രമത്തിലെ അന്തേവാസിയായിരുന്ന ടൈപിസ്​റ്റുമായി ഞാൻ ശൃംഗരിക്കുന്നുണ്ടെന്ന്​ പിന്നെയാരോ അദ്ദേഹത്തോട്​ ചൊല്ലിക്കൊടുത്തു. അവർ വിവാഹമോചിതയായ ഒരു അമേരിക്കക്കാരിയായിരുന്നു, മകനുമൊത്ത്​ അവിടെ താമസിക്കാൻ വന്നതാണ്. ആ ആരോപണത്തിൽ തരിമ്പ്​ കഴമ്പില്ലായിരുന്നുവെങ്കിലും എനിക്ക്​ അവിടംവിടേണ്ടിവന്നു. വളരെ ചെറിയൊരു കാലമാണ്​ അവിടെ തങ്ങിയതെങ്കിലും മഹാത്മ ഗാന്ധിയൊന്നിച്ചുള്ള ഇടപെടലുകൾ എ​െൻറ ജീവിതരീതിയിലും കാഴ്​ചപ്പാടുകളിലും ജനസമൂഹങ്ങളുമായുള്ള ബന്ധങ്ങളിലുമെല്ലാം നല്ല സ്വാധീനമുണ്ടാക്കി. രാജ്യമൊട്ടുക്ക്​ സഞ്ചരിച്ച്​ ​ഗ്രാമീണജനതയുമായി സഹവർത്തിക്കാനും അവനവനെ തിരിച്ചറിയാനും ഗാന്ധിജി എന്നോടു പറഞ്ഞിരുന്നു.''

കടുത്ത മാനസികവ്യഥകൾക്കിടയിലും തലമുറകളെ സ്വാധീനിക്കുന്ന രചനകൾ സാധ്യമാക്കാൻ മുൽക്​രാജിനു കഴിഞ്ഞു. മുറിവുപറ്റിയാലും ചേർത്തുപിടിക്കുകതന്നെയാണ്​ മനസ്സിനെ ആരോഗ്യത്തോടെ നിലനിർത്താൻ ഉചിതമായ മാർഗം. അത് ഏതെങ്കിലും വ്യക്തികളുടെ മാത്രമല്ല, നാം ഓരോര​ുത്തരുടെയും കടമയാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Hathras gang rapeBJPUttar Pradesh
News Summary - We are just in a cucumber town
Next Story