Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightമാപ്പിളപ്പാട്ടി​െന...

മാപ്പിളപ്പാട്ടി​െന ഹൃദയതാളമാക്കിയ പാട്ടുകാരൻ

text_fields
bookmark_border
മാപ്പിളപ്പാട്ടി​െന ഹൃദയതാളമാക്കിയ പാട്ടുകാരൻ
cancel

മലബാറിലെ മുസ്​ലിം വീട്ടകങ്ങളെ സംഗീതസാന്ദ്രമാക്കിയ, മാപ്പിളപ്പാട്ടിനെ മലയാളിയുടെ ഹൃദയതാളമാക്കിയ പാട്ടുകാരനാണ് വി.എം. കുട്ടി. മാപ്പിളപ്പാട്ടുകൾ പുതിയ സംഗീതത്തിലൂടെയും രചനയിലൂടെയും ചിട്ടപ്പെടുത്തി, വാദ്യോപകരണങ്ങളുടെ അകമ്പടിയോടെ പൊതുവേദികളിൽ ആദ്യമായി അവതരിപ്പിച്ച ശിൽപി. 70കളിൽ​ സമ്പന്ന മുസ്​ലിം വീടുകളുടെ വിവാഹം ഉത്സവമാക്കിയത്​ ഈ ഗാനമേളകളായിരുന്നു. വേദിയെ പ്രകമ്പനം കൊള്ളിച്ച്​ സംഘത്തിലുള്ള കലാകാരന്മാരെ പരിചയപ്പെടുത്തുകയും അവർ വായിക്കുന്ന ഉപകരണങ്ങളിൽനിന്ന് സംഗീതമുയരുകയും ചെയ്യു​േമ്പാൾ കാണികളുടെ നിലക്കാത്ത കൈയടിയുയരും. ഒടുവിൽ എല്ലാ കലാകാരന്മാരുടെയും വാദ്യോപകരണങ്ങൾ ആസ്വാദകരെ വിസ്​മയിപ്പിച്ച്​​ സംഗീതമഴ തീർക്കു​േമ്പാൾ സ്വയം പരിചയപ്പെടുത്തി നിറചിരിയോടെ നിറഞ്ഞ സദസ്സിനെ അഭിവാദ്യം ചെയ്​ത്​​ വി.എം. കുട്ടിയുടെ ഒരു വരവുണ്ട്​. ഉപകരണ സംഗീതം അധികം കേട്ടിട്ടില്ലാത്ത കാലത്ത്​ ജീവിച്ചിരുന്ന ആസ്വാദകരുടെ മനസ്സിൽ ഇന്നും ആ സംഗീത മഴയുടെ ആരവമുണ്ടാവും. ജനകീയ സംഗീതത്തിലേക്കുള്ള മാപ്പിളപ്പാട്ടി​െൻറ ഗതിമാറ്റത്തി​െൻറ തുടക്കമായിരുന്നു അത്​. മാപ്പിളപ്പാട്ടിന് ഇശലുകളുടെ കാവ്യഭംഗി തനിമ ചോരാതെ തുന്നിച്ചേർത്ത മഹാപ്രതിഭ മലയാളിയുള്ളിടത്തെല്ലാം മാപ്പിളപ്പാട്ടിനെയും എത്തിച്ചു.

വി.എം. കുട്ടി-വിളയിൽ ഫസീല സംഘത്തി​െൻറ പാട്ടുകൾ ഒരിക്കലെങ്കിലും കേൾക്കാത്ത വീടുകളുണ്ടാവില്ല മലബാറിൽ. ''കിളിയേ ദിക്​​ർ പാടി കിളിയേ'' ഒരു കാലത്ത്​ മലയാളക്കര മുഴുവൻ ഏറ്റുപാടിയ ബേബി സാജിതയെന്ന ഗായികയുടെ ഉദയത്തിന്​ വഴിയൊരുക്കിയ പാട്ട്​ പോലെ എത്രയോ പാട്ടുകൾ. ഫറോക്ക് ഗണപത് ഹൈസ്കൂളിൽ പഠിക്കുന്ന 1950 കാലത്താണ് സംഗീതോപകരണങ്ങളുടെ അകമ്പടിയോടെ സ്കൂൾ വാർഷികത്തിന് ആദ്യമായി അദ്ദേഹം മാപ്പിളപ്പാട്ട് പാടിയത്. 1957ൽ​ സ്വന്തമായി ഗാനമേള ട്രൂപ്പുണ്ടാക്കി. ഇതര സമുദായങ്ങളിലെ കുട്ടികളെക്കൊണ്ടു കൂടി ആകാശവാണിയിൽ പാട്ടുകൾ അവതരിപ്പിച്ചതോടെയാണ്​ മാപ്പിള ഗാനമേള എന്ന വിഭാഗം ഉണ്ടായത്​.

മലപ്പുറം കോട്ടപ്പടി മൈതാനത്ത് ഒരു എക്സിബിഷനിടെ അര മണിക്കൂർ മാപ്പിളപ്പാട്ട് അവതരിപ്പിച്ചതാണ് ആകാശവാണിക്ക്​ പുറത്ത്​​ ​ശ്രദ്ധേയമായ പൊതുപരിപാടികളിലൊന്ന്​. പിന്നീട്​ വേദികളിൽനിന്ന്​ വേദികളിലേക്കുള്ള പടർച്ചയായിരുന്നു. വർഷത്തിൽ പല തവണ ഗാനമേള ട്രൂപ്പുമായി വി.എം. കുട്ടി ഗൾഫിലേക്കു പറന്നു. ഇക്കാലത്ത് പാടിയ ദുബായ് കത്തുപാട്ടുകൾ തീർത്ത അലയൊലി പ്രവാസമുള്ളിടത്തോളം തുടരു​ം. പ്രവാസി രക്ഷിതാക്കളുടെ ഹൃദയമിടിപ്പു കൂട്ടിയ 'അറബി നാട്ടിൽ അകലെയെങ്ങാണ്ടിരിക്കും ബാപ്പ അറിയാൻ' എന്നു തുടങ്ങുന്ന കത്തുപാട്ടും അതിനുള്ള മറുപടിയും ഒരുപാട്​ കാലം വീട്ടകങ്ങളെ നൊമ്പരപ്പെടുത്തി​.പതിനായിരത്തിലേറെ പാട്ടുകൾ പാടിയ വി.എം. കുട്ടിയുടെ കലാജീവിതം മാപ്പിളപ്പാട്ടി​െൻറ ജീവചരിത്രം കൂടിയാണ്. മാപ്പിളപ്പാട്ടി​െൻറ ചരിത്രവഴികൾ അന്വേഷിക്കുകയും രേഖപ്പെടുത്തുകയും ചെയ്തതിലൂടെ ചരിത്രകാരനെന്ന നിലയിലും അദ്ദേഹം അടയാ​ളപ്പെട്ടുകിടക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:mappilapattuvm kutty
News Summary - vm kutty death
Next Story