Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightയു.എസ്​...

യു.എസ്​ യുദ്ധക്കൊതിയന്മാർ പിന്നെയും

text_fields
bookmark_border

പശ്ചിമേഷ്യയിൽ അമേരിക്കയും ഇറാനും തമ്മിലുള്ള വാക്​പോരും യു.എസ്​ ​പടനീക്കവും ത്വരിതപ്പെടുന്നതിനിടെ തിങ്കളാ ഴ്​ച യു.എ.ഇയിലെ ഫുജൈറക്കു സമീപം നാല്​എണ്ണക്കപ്പലുകൾ ‘അട്ടിമറി’ക്കിരയായത്​ പിന്നെയും യുദ്ധഭീതിക്ക്​ ആക്കം കൂ ട്ടിയിരിക്കുന്നു. ഹോർമുസ്​ കടലിടുക്കിനടുത്ത്​ ലോകത്തെ ഏറ്റവും വലിയ ഇന്ധന വിതരണ ഹബ്​ ആയ ഫുജൈറക്കു സമീപം ആഴക ്കടലിലാണ്​ സൗദി ക്രൂഡ്​ ഒായിൽ ടാങ്കറുകളായ അൽ മർസൂഖയും അംജദും യു.എ.ഇയുടെ ഒരു ഇന്ധന ബാർജും നോർവേയിൽ രജിസ്​റ്റർ ചെയ്​ത മറ്റൊരു എണ്ണ ടാങ്കറും അപകടത്തിൽപെട്ടത്​. അജ്ഞാതമായ ഒരു വസ്​തു കപ്പലിൽ തട്ടി ലോഹക്കൂട്ടിളക്കി ​ദ്വാര മുണ്ടാക്കിയെന്ന്​ നോർവീജിയൻ കപ്പൽ മാനേജ്​മ​െൻറ്​ പറയുന്നു.

സംഭവത്തെക്കുറിച്ച അവ്യക്​തത നിലനിൽക്കു​േമ് പാഴും പിന്നിൽ ഇറാൻ ആണെന്ന്​ അമേരിക്ക ആരോപണമുയർത്തിക്കഴിഞ്ഞു. എന്നാൽ, സംഭവം ഞെട്ടിക്കുന്നതാണെന്നും കപ്പലുകള ിൽ പൊട്ടിത്തെറിയുണ്ടായത്​ മൂന്നാമതൊരു രാജ്യത്തെ അട്ടിമറിക്കാരുടെ വേലയാണെന്നുമാണ്​ ഇറാ​​െൻറ ആദ്യപ്രതികര ണം. അട്ടിമറി സംഭവം സമുദ്ര ഗതാഗത സുരക്ഷയെ ബാധിക്കുമെന്നും മേഖലയെ അസ്​ഥിരപ്പെടുത്താനുള്ള വിദേശ ഏജൻറുമാരുടെ ശ്ര മങ്ങളെ കരുതിയിരിക്കണമെന്നും ഇറാൻ വിദേശകാര്യ വക്താവ്​ അബ്ബാസ്​ മൂസവി ഗൾഫ്​ രാജ്യങ്ങൾക്ക്​ മുന്നറിയിപ്പ്​ നൽ കി. അതേസമയം, സ്​ഫോടനവാർത്ത യു.എ.ഇ ​നിഷേധിച്ചിട്ടുണ്ട്​. യൂറോപ്യൻ യൂനിയൻ നേതാക്കളുമായി കൂടിക്കാഴ്​ച നടത്തിവരുന്ന അമേരിക്കൻ സ്​റ്റേറ്റ്​ സെക്രട്ടറി മൈക്​ പോംപിയോ ആക്രമണത്തിനു പിന്നിൽ ഇറാനാണെന്നു തീർത്തു പറഞ്ഞില്ല. ​എന്നാൽ, ആക്രമണരീതി പരിശോധിച്ചാൽ ഇറാ​​െൻറ പങ്ക്​ തള്ളിക്കളയാനാവില്ലെന്ന്​ യു.എസ്​ ഒൗദ്യോഗികവൃത്തങ്ങൾ പറയുന്നുമുണ്ട്​​. ഇറാനെക്കുറിച്ച്​ ചിലതൊക്കെ കേൾക്കുന്നുണ്ടെന്നും അവർ വല്ലതും ചെയ്​തിട്ടുണ്ടെങ്കിൽ നല്ലപോലെ അനുഭവിക്കേണ്ടി വരുമെന്നും പ്രസിഡൻറ്​ ഡോണൾഡ്​ ട്രംപ്​ മുന്നറിയിപ്പു നൽകിയത്​ ഇതി​​െൻറ ചുവടുപിടിച്ചാണ്​.

വഴി ചൂണ്ടുന്നത്​ ഇസ്രായേൽ
മേഖലയി​ലെ സമുദ്രവഴികളിൽ എണ്ണക്കപ്പലുകളെ ഇറാൻ ലക്ഷ്യമി​േട്ടക്കാം എന്ന്​ ​നേരത്തേ മുന്നറിയിപ്പ്​ നൽകി കഴിഞ്ഞയാഴ്​ച ഗൾഫിലേക്ക്​ അമേരിക്ക പടനീക്കം ആരംഭിച്ചതിനു പിറകെയാണ്​ പുതിയ സംഭവവികാസങ്ങൾ. പടനീക്കത്തിനു പറഞ്ഞ കാരണത്തിന്​ തെളിവൊന്നും നിരത്തിയില്ലെന്നു മാത്രമല്ല, അമേരിക്കൻ മാധ്യമങ്ങൾ തന്നെ അത്തരമൊരു സ്​ഥിതിവിശേഷം ഇപ്പോൾ പശ്ചിമേഷ്യയിലൊന്നും ദൃശ്യമല്ലെന്ന്​ പ്രതിരോധ, സുരക്ഷാമന്ത്രാലയ വൃത്തങ്ങളെ ഉദ്ധരിച്ചു വാർത്ത പുറത്തുവിടുകയും ചെയ്​തു. പിന്നെ എവിടെ നിന്നാണ്​ പ്രകോപനത്തിനിടയാക്കിയ സൂചനകൾ വരുന്നത്​ എന്ന അന്വേഷണത്തിൽ ഇസ്രായേൽ നൽകിയ വിവരം കണക്കിലെടുത്താണ്​ യുദ്ധവെറിയനായ സുരക്ഷ ഉപദേഷ്​ടാവ്​ ​േജാൺ ബോൾട്ടണും സയണിസ്​റ്റ്​ വലതുപക്ഷപാതിയായ സ്​റ്റേറ്റ്​ ​െ​സക്രട്ടറി മൈക്​ പോംപിയോയും യുദ്ധകാഹളമൂതുന്നത്​ എന്നു വ്യക്​തമായി.

സൗദി അറേബ്യയുടെ എണ്ണയുൽപാദന സംവിധാനങ്ങളെ ഇറാൻ ഉന്നം വെക്കുന്നുണ്ടെന്ന്​ ഇസ്രായേൽ വെള്ളിയാഴ്​ച മുന്നറിയിപ്പു നൽകിയിരുന്നു. ഗൾഫിലെ അമേരിക്കൻ താവളങ്ങൾ ആക്രമിക്കണമെന്ന്​ ഇറാന്​ താൽപര്യമുണ്ടായിരുന്നെങ്കിലും അത്​ അത്യന്തം അപകടകരമാവും എന്നു കണ്ട്​ ഉപേക്ഷിച്ചു. എന്നാൽ, അവർക്ക്​ കൂടുതൽ താൽപര്യം സൗദി എണ്ണയുൽപാദന സംവിധാനങ്ങൾ ആക്രമിക്കാനാണ്​. അതുവഴി എണ്ണവിലയിൽ വർധനയുണ്ടാകുന്നതോടെ വമ്പിച്ച ലാഭം കൊയ്യാനാകുമെന്ന്​ തെഹ്​റാൻ കണക്കുകൂട്ടുന്നു- സ്രോതസ്സുകളെയൊന്നും ഉദ്ധരിക്കാതെ ചാനൽ 13 എന്ന ഇസ്രായേൽ ടി.വി റിപ്പോർട്ട്​ ചെയ്​തതാണിത്​. യു.എസി​​െൻറയും സഖ്യകക്ഷികളുടെയും കേന്ദ്രങ്ങൾ ഇറാൻ ലക്ഷ്യംവെക്കുന്നുവെന്നും റിപ്പബ്ലിക്കൻ ഗാർഡുകൾക്ക്​ ഇസ്രായേലിനെ ആക്രമിക്കാൻ കൊതിയുണ്ടെന്നും​ പേരു വെളിപ്പെടുത്താത്ത അറബ്​ ഇൻറലിജൻസ്​ വൃത്തങ്ങളെ ഉദ്ധരിച്ച്​ ചാനൽ മുമ്പ്​ റിപ്പോർട്ട്​ ചെയ്​തിരുന്നു. ഇറാൻ ആക്രമണത്തെക്കുറിച്ച്​ അമേരിക്കക്ക്​ ഇസ്രായേൽ ആദ്യം മുന്നറിയിപ്പ്​ നൽകിയിരുന്ന കാര്യം റിപ്പോർട്ട്​ ​ചെയ്​തു നാലു നാളുകൾക്കുശേഷമായിരുന്നു ചാനലി​​െൻറ പുതിയ വാർത്ത.

ഏപ്രിൽ മൂന്നാം വാരത്തിൽ ഇസ്രായേൽ സുരക്ഷസമിതി തലവൻ മെയ്​ർ ബെൻ ശാബത്ത്​ വൈറ്റ്​ ഹൗസിൽ അമേരിക്കൻ സുരക്ഷ തലവന്മാരു​മായി നടത്തിയ കൂടിക്കാഴ്​ചയിലാണ് മൊസാദ്​ ഇൻറലിജൻസിൽനിന്നുള്ള ഇൗ ‘ആധികാരികവിവരം’ കൈമാറിയത്​. ‘‘ഇറാൻ ​ആക്രമണത്തിനു ശ്രമിക്കുന്നുവെന്നോ അത്​ ഏതു വിധമാണെന്നോ എന്നതൊക്കെ ഇ​പ്പോഴും അജ്ഞാതമാണ്​. എന്നാൽ, അമേരിക്കൻ സമ്മർദം ഏറുന്തോറും ഇറാന്​ ചൂട്​ കയറുന്നുണ്ടെന്നത്​ വ്യക്​തം. അതിനാൽ, ഗൾഫിലെ അമേരിക്കൻ താൽപര്യങ്ങളെ അവർ ആക്രമിക്കാം’’ എന്നാണ്​ ഇസ്രായേൽ നൽകിയ മുന്നറിയിപ്പ്​. ഇതിനെ അടിസ്​ഥാനപ്പെടുത്തിയാണ്​ ​അമേരിക്കയുടെ ദേശീയ സുരക്ഷ ഉപദേഷ്​ടാവ്​ ജോൺ ബോൾട്ടൺ കഴിഞ്ഞയാഴ്​ച യു.എസ്​.എസ്​ അബ്രഹാം ലിങ്കൺ അടങ്ങുന്ന അമേരിക്കയുടെ വൻ സേനാവ്യൂഹത്തി​​െൻറ ഗൾഫ്​ മേഖലയി​െല വിന്യാസം പ്രഖ്യാപിച്ചത്​.

സ്​ഥാനമേൽക്കും മുമ്പു തന്നെ ഇറാനെ അമേരിക്ക ആക്രമിക്കണമെന്ന്​ ശക്​തമായി വാദിച്ചിരുന്നയാളാണ്​ ബോൾട്ടൺ. നേരത്തേ അമേരിക്കയുടെ ഇറാഖ്​ അധിനിവേശ കാലത്ത്​ അന്നത്തെ പ്രസിഡൻറ്​ ജോർജ്​ ബുഷ്​ ഗൾഫിൽ വിന്യസിച്ച പടക്കപ്പലാണ്​ യു.എസ്​.എസ്​ അബ്രഹാം ലിങ്കൺ. കഴിഞ്ഞ മാസം തന്നെ ഇൗ പടക്കപ്പൽ സാധാരണനിലയിൽ വിന്യസിക്കുന്നതായി പ​െൻറഗൺ അറിയിച്ചിരുന്നതാണ്​. എന്നാൽ, അതിനെ ഇറാൻ ഭീഷണിയുമായി ബന്ധിപ്പിക്കുകയാണ്​ ബോൾട്ടൺ ചെയ്​തത്​. യു.എസ്​.എസ്​ ആർലിങ്​ടണി​​െൻറ വിന്യാസം കൂടി അറിയിച്ച്​ അതിന്​ കൂടുതൽ ആക്കം കൂട്ടുകയും ചെയ്​തു. ട്രംപ്​ ഭരണകൂടത്തെ ഇറാനെതി​രായ ആക്രമണത്തിന്​ ഇളക്കിവിടുകയെന്ന ദൗത്യം ഏറ്റെടുത്തിരിക്കുകയാണ്​ സ്​റ്റേറ്റ്​ സെക്രട്ടറിയും സുരക്ഷ ഉപദേഷ്​ടാവും. കഴിഞ്ഞ മേയിൽ ആണവകരാറിൽ നിന്നു ഏകപക്ഷീയമായി പിന്മാറിയപ്പോഴും തെഹ്​റാനിലെ ഭരണമാറ്റം ട്രംപി​​െൻറ അജണ്ടയിലുണ്ടായിരുന്നില്ല. എന്നാൽ, ഇറാൻ വിരുദ്ധ ആക്രമണത്തിലേക്കും ഭരണമാറ്റത്തിലേക്കും കാര്യങ്ങളെത്തിക്കാനുള്ള തീവ്രശ്രമമാണ്​ പോംപിയോയും ബോൾട്ടനും നടത്തിവരുന്നതെന്ന്​ പാശ്ചാത്യമാധ്യമങ്ങളും നിരീക്ഷകരും പറയുന്നു​. ഇറാനെതിരെ ഏതു കച്ചിത്തുരുമ്പും ഉപയോഗിക്കാൻ തക്കംപാർത്തു നടക്കുകയാണ്​ ഇരുവരും.

അതിനാദ്യമായി ചെയ്​തത്​ ഇറാനെതിരെ ഉപരോധമേർപ്പെടുത്തു​േമ്പാൾ തെഹ്​റാന്​ ഒരുകാലത്തും വഴങ്ങാനാവാത്ത കർശനമായ ഉപാധികൾ വെക്കുകയാണ്​. പിന്നീട്​, കഴിഞ്ഞ സെപ്​റ്റംബറിൽ ഇറാഖിൽ ബഗ്​ദാദിലെ യു.എസ്​ എംബസി പരിസരത്തും ബസറയിലെ കോൺസുലേറ്റിനു സമീപവും ഏതാനും റോക്കറ്റുകൾ പതിച്ചത്​ ഇറാൻ വിരുദ്ധനീക്കത്തിന്​ മൂർച്ച കൂട്ടാനുപയോഗിച്ചു. ബഗ്​ദാദിലെ ഇൗജിപ്​ത്​ എംബസിക്കടുത്തുള്ള ആളൊഴിഞ്ഞ സ്​ഥലത്താണ്​ ​ആദ്യ റോക്കറ്റുകൾ പതിച്ചതെന്നും ബസറയിലെ വിമാനത്താവളത്തിനു നേർക്കു തൊടുത്ത റോക്കറ്റാണ്​ അതിനടുത്ത യു.എസ്​ കോൺസുലേറ്റിലേക്കാണെന്ന്​ പോംപിയോ വ്യാഖ്യാനിച്ചതെന്നും പിന്നീട്​ ​‘റോയി​േട്ടഴ്​സ്​’ റി​േപ്പാർട്ട്​ ചെയ്​തു. പിന്നീട്​ ഇറാൻ ഭൂഖണ്ഡാന്തര ബാലിസ്​റ്റിക്​ മിസൈലുകൾ വിക്ഷേപിക്കുന്നുവെന്നായി ആ​േരാപണം. ഇസ്രായേൽ പ്രധാനമന്ത്രി ബെന്യമിൻ നെതന്യാഹു നേരത്തേ ഉന്നയിച്ച ഇൗ ആരോപണവും അമേരിക്കൻ വിദഗ്​ധർ തള്ളിക്കളഞ്ഞു.

അന്നു ചെനി ഇന്നു ബോൾട്ടൺ
2004-2007 കാലത്ത്​ അന്നത്തെ പ്രസിഡൻറ്​ ജോർജ്​ ഡബ്ല്യു. ബുഷിനെ ഇറാൻ ആക്രമണത്തിന്​ മൂച്ചു കൂട്ടിയിരുന്ന ഡിക്​ ചെനിയുടെ ശ്രമത്തോടാണ്​ ​േപാംപിയോ-ബോൾട്ടൺ കൂട്ടുകെട്ടി​​െൻറ ഇപ്പോഴത്തെ നീക്കങ്ങളെ അമേരിക്കൻ നിരീക്ഷകർ ചേർത്തുവായിക്കുന്നത്​. ചെനിയുടെ ഇറാൻ നയരൂപകർത്താവായിരുന്ന ജോൺ ബോൾട്ടൺ അന്നേ തെറ്റായ വിവരങ്ങൾ ചോർത്തിക്കൊടുത്ത്​ കുപ്രസിദ്ധി നേടിയതാണ്​. ചെനിക്ക്​ ബുഷിനെ വഴിക്കു കൊണ്ടുവരാൻ പ്രയാസമായിരുന്നെങ്കിൽ ആയുധക്കച്ചവടക്കമ്പക്കാരനായ ട്രംപിനെ വളച്ചെടുക്കാൻ ഇപ്പോഴത്തെ കൂട്ടുകെട്ടിനു കഴിയുമെന്നതാണ്​ നിരീക്ഷകരുടെ ആശങ്ക. ഇറാഖ്​, അഫ്​ഗാൻ അധിനിവേശാനുഭവങ്ങളെ മുൻനിർത്തി ഇറ​ാനുമായി യുദ്ധത്തിന്​ സൈന്യം എതിരാണെങ്കിലും ഇനി വരാനിരിക്കുന്ന പ്രതിരോധ സെക്രട്ടറിക്ക്​ എത്ര​ത്തോളം പിടിച്ചുനിൽക്കാനാകും എന്ന സംശയവും അവർ ഉയർത്തുന്നു. ഇപ്പോൾ പുതിയ​ സൈനികനീക്കം ബോൾട്ടൺ പ്രഖ്യാപിച്ചതിന്​ ആധാരമാക്കിയത്​ അമേരിക്കൻ ഇൻറലിജൻസ്​ റിപ്പോർട്ടുകളെയല്ല. പകരം, ഇസ്രായേൽ പകർന്ന വിവരങ്ങളെയാണ്​.

ആക്രമണത്വര മൂത്ത ബോൾട്ടൺ അമേരിക്കയുടെ പ്രഖ്യാപിത കാർട്ടർ ചാർട്ടറും തിരുത്തിക്കുറിച്ചു. ലോകത്തെങ്ങുമുള്ള അമേരിക്കൻ താൽപര്യങ്ങളുടെ സംരക്ഷണമായിരുന്നു ഇതര രാഷ്​ട്രങ്ങളുടെ മേലുള്ള കടന്നുകയറ്റത്തിന്​ മുൻ പ്രസിഡൻറ്​ ജിമ്മി കാർട്ടർ വെച്ച ന്യായം. എന്നാൽ, ഇൗ മാസാദ്യം ഇറാൻ ഭീഷണിയെക്കുറിച്ച മുന്നറിയിപ്പുമായി പുതിയ പടനീക്കം പ്രഖ്യാപിച്ച ബോൾട്ടൺ അതിനു പറഞ്ഞ ന്യായം അമേരിക്കൻ താൽപര്യം മാത്രമല്ല, അതി​​െൻറ സഖ്യകക്ഷികളുടെ താൽപര്യം കൂടിയാണ്​. പശ്ചിമേഷ്യയിൽ ഇസ്രായേൽ അടക്കമുള്ള അമേരിക്കൻ സഖ്യകക്ഷികൾക്കെതിരായ നീക്കവും ഇറാനെ ആക്രമിക്കാനുള്ള ന്യായമായി മാറുമെന്നു ചുരുക്കം. ഇങ്ങനെ എന്തു വന്നാലും ഇറാനെയും ഉത്തരകൊറിയയെയുമൊക്കെ ആക്രമിക്കാനുള്ള അടങ്ങാത്ത യുദ്ധ​ാവേശത്തിലാണ്​ ബോൾട്ടൺ.

കഴിഞ്ഞ മാർച്ചിൽ ഇദ്ദേഹത്തെ നിയമിച്ചപ്പോൾ തന്നെ 94 കാരനായ മുൻ പ്രസിഡൻറ്​ കാർട്ടർ മുന്നറിയിപ്പ്​ നൽകിയത്​, രാജ്യത്തി​​െൻറ ദുരന്തം എന്നായിരുന്നു. ‘‘പ്രസിഡൻറ്​ ട്രംപി​​െൻറ ഏറ്റവും ​മോശമായ തെറ്റാണ്​ ബോൾട്ട​​െൻറ നിയമനം. ​ഉത്തര കൊറിയയെ ആക്രമിക്കണമെന്ന വാദമുള്ളയാളാണത്​. ഇറാനെ പോലും വെറുതെ വിടുന്നില്ല. ഇറാഖ്​ അധിനിവേശമെന്ന തെറ്റായ തീരുമാനത്തിനു പിന്നിലും ഇയാളാണ്​ ചരടുവലിച്ചത്​’’-കാർട്ടർ ചൂണ്ടിക്കാട്ടി. കാർട്ടർ പറഞ്ഞിടത്തേക്കാണ്​ ഇസ്രായേലി​​െൻറ സേവ പിടിച്ച്​ ബോൾട്ടൺ ട്രംപിനെ നയിക്കുന്നതെന്നു പശ്ചിമേഷ്യയിലെ പുതിയ സംഭവവികാസങ്ങൾ തെളിയിക്കുന്നു. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:usarticlewarmalayalam newsDonald Trump
News Summary - US Warrior - Article
Next Story