Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightഅഫ്​ഗാനെ ഇനിയെങ്കിലും...

അഫ്​ഗാനെ ഇനിയെങ്കിലും സ്വന്തം കാലിൽ വിടുമോ?

text_fields
bookmark_border
അഫ്​ഗാനെ ഇനിയെങ്കിലും സ്വന്തം കാലിൽ വിടുമോ?
cancel
camera_alt????? ?????????? ??????? ??????? ??????? ????? ??????? ??? ???????? ???????????? ??????? ????????????????? ????????? ??????? ????????? ?????????? ???????????? ???????? ???? ????????? ??????????

ലോകത്ത്​ ഏറ്റവുമധികം പൈശാചികവത്​കരിക്കപ്പെടുകയും തെറ്റിദ്ധരിക്കപ്പെടുകയും ചെയ്​ത വിഭാഗങ്ങളിലൊന്നി​​െൻറ നേതാക്കൾ കഴിഞ്ഞ ദിവസം ഖത്തറിൽ കൂടിയിരുന്ന്​ ഒരു കരാറിൽ ഒപ്പുവെച്ചു. 18 വർഷം നീണ്ട യുദ്ധത്തിനുശേഷം യു.എസ്​, നാറ്റോ സൈന്യങ്ങൾ അഫ്​ഗാനിസ്​താനിൽ നിന്നു പിൻവാങ്ങുന്നതിനുള്ള കരാറായിരുന്നു അത്​. താലിബാനെക്കുറിച്ചുതന്നെയാണ്​ ഞാൻ പറഞ്ഞുവരുന്നത്​. 2001 സെപ്​റ്റംബർ 11​െൻറ കുപ്രസിദ്ധമായ ഭീകരാക്രമണത്തിന്​ ഒരു മാസം പിന്നിടുംമു​േമ്പ ഒക്​ടോബർ ഏഴിന്​ ലോകത്തെ വൻശക്തിയുമായുള്ള യുദ്ധത്തിലേക്ക്​ വലിച്ചിഴക്കപ്പെടുകയായിരുന്നു അവർ. അന്നു മുതൽ ഇതുവരെയായി ഒരു ലക്ഷത്തിലേറെ നിരപരാധരായ അഫ്​ഗാനികൾ കൊല്ലപ്പെട്ടു. ​മറ്റു പലയിടത്തും ദുരന്തവും നാശവും വിതച്ച െഎ.എസ്​ അടക്കമുള്ള ചില ഭീകരസംഘങ്ങൾ കൂടുതൽ തഴച്ചുവളർന്നു. മരണനിരക്ക്​ കൃത്യമായി ആർക്കും അറിയില്ലെന്നതാണ്​ വാസ്​തവം. ​െഎക്യരാഷ്​ട്രസഭ മരിച്ചവരുടെയും പരിക്കേറ്റവരുടെയും എണ്ണം രേഖപ്പെടുത്തും മുമ്പുതന്നെ ഒരു എട്ടുവർഷം കഴിഞ്ഞുപോയിരുന്നു. 2009 മുതൽ 34,000 ​അഫ്​ഗാനികൾ കൊല്ലപ്പെടുകയും 66,000 പേർക്ക്​ മുറിവേൽക്കുകയും ചെയ്​തു എന്നാണ്​ യു.എന്നി​​െൻറ കണക്ക്​.

യുദ്ധം ആരംഭിച്ച ആ രാവിൽ ഞാൻ കാബൂളിൽ താലിബാ​​െൻറ തടവിലായിരുന്നു. താലിബാനുമായുള്ള ഇൗ സുപ്രധാന ഇടപാടിനായി ദോഹയിൽ പറന്നെത്തിയ യു.എസ്​ സ്​റ്റേറ്റ്​ സെക്രട്ടറി മൈക്​ പോംപിയോയുടെ ഒപ്പിടൽ ചടങ്ങിനു സാക്ഷിയാവാൻ എനിക്കും ക്ഷണമുണ്ടായിരുന്നു. അഫ്​ഗാനിൽ സമാധാനം കൊണ്ടുവരാനുള്ള ഏതു മുൻകൈയും സ്വാഗതാർഹമാണ്​, പക്ഷേ..എ​​െൻറ അശുഭാപ്​തിക്കു മാപ്പുതരിക. എന്നാൽ, അഫ്​ഗാനികൾ സമാധാനത്തിൽ ജീവിച്ചുപോകണമെന്ന ആഗ്രഹത്തെക്കാൾ ഡോണൾഡ്​ ട്രംപ്​ ഭരണകൂടത്തി​​െൻറ ചേതോവികാരം ഇൗ തെരഞ്ഞെടുപ്പുവർഷത്തിൽ (ഒരു രണ്ടാം ഉൗഴം കൂടി വൈറ്റ്​ഹൗസിൽ ഉണ്ടാക്കിയെടുക്കാനുള്ള ദൃഢനിശ്ചയത്തിലാണ്​ അദ്ദേഹം) ഏറിയ കൂറും അവസരവാദപരമായിരിക്കുമെന്നാണ്​ ഞാൻ പേടിക്കുന്നത്​. ഏതായാലും പ്രസിഡൻറ്​ ട്രംപി​​െൻറ ആഗ്രഹത്തിൽനിന്നാണ്​ ഇൗ സമാധാനകരാർ പിറക്കുന്നത്​. ഇതുപോലെതന്നെ​, സെപ്​റ്റംബർ 11​​െൻറ ഭീകരസംഭവങ്ങൾക്കു ശേഷം വകതിരിവില്ലാതെ ചാട്ടചുഴറ്റിയ ട്രംപി​​െൻറ മുൻഗാമികളിലൊരാളായ ജോർജ്​ ഡബ്ല്യു.ബുഷി​​െൻറ മുൻശുണ്​ഠി കാരണമാണ്​ അഫ്​ഗാൻ യ​ുദ്ധം തുടങ്ങിയത്​ എന്ന കാര്യത്തിലും സംശയമില്ല. അങ്ങനെ, ബുഷി​​െൻറയും അയാളുടെ കങ്കാണിയായി മാറിയ അന്നത്തെ ബ്രിട്ടീഷ്​ പ്രധാനമന്ത്രി ടോണി ബ്ലയറി​​െൻറയും വഴിതെറ്റിയ പ്രതികാരചിന്ത, ആധുനികചരിത്രത്തിലെ ഏറ്റവും ഭീകരവും ദൈർഘ്യമേറിയതുമായ സംഘർഷങ്ങളിലേക്ക്​ അമേരിക്കയെയും ബ്രിട്ടനെയും വലിച്ചിഴച്ചു.

അശുഭാപ്​തിക്കൊപ്പം ദോഹ ഷെറാട്ടൺ ഹോട്ടലിലെ ചടങ്ങിനെക്കുറിച്ചോർക്കു​േമ്പാൾ ഏറെ സങ്കടവും ഉഗ്രകോപവുമൊക്കെ ഉള്ളിലുയരുന്നുണ്ട്​. കാരണം ആ യുദ്ധം തീർത്തും അനാവശ്യമായിരുന്നു. താലിബാൻ ഒരിക്കലും അമേരിക്കയുമായി യുദ്ധം ആഗ്രഹിച്ചിട്ടില്ല. അവരുടെ വിദേശമന്ത്രി വകീൽ അഹ്​മദ്​ മുതവക്കിൽതന്നെ കാബൂളിലെ എ​​െൻറ തടവുകാലത്ത്​ എന്നോട്​ ഇതു പറഞ്ഞിട്ടുണ്ട്​. 9/11നുമായി ബന്ധപ്പെട്ട വിചാരണക്കായി ഒരു മൂന്നാം കക്ഷിക്ക്​ അൽഖാഇദ നേതാവ്​ ഉസാമ ബിൻ ലാദിനെ കൈമാറാമെന്ന്​ താലിബാൻ വാക്കുകൊടുത്തിരുന്നു. ‘‘അദ്ദേഹം ഞങ്ങളുടെ അതിഥിയാണ്​. എന്നാൽ, ഒരു മൂന്നാം കക്ഷിക്ക്​ അദ്ദേഹത്തെ ചോദ്യം ചെയ്യാനും വിചാരണക്ക്​ വിധേയമാക്കാനും കൈമാറാൻ ഞങ്ങൾ ഒരുക്കമായിരുന്നു. ഞങ്ങൾ അമേരിക്കയുമായി യുദ്ധത്തിനു പോകാൻ ആഗ്രഹിക്കുന്നില്ല. പക്ഷേ, ഞങ്ങളുടെ രാജ്യത്ത്​ വിദേശസൈന്യങ്ങളുടെ അധിനിവേശത്തിനു വഴങ്ങാൻ ഞങ്ങൾ തയാറില്ല’’-അദ്ദേഹം പറഞ്ഞു. ബിൻലാദി​​െൻറ ഉത്തരവാദിത്തത്തിന്​ താലിബാൻ തെളിവുചോദിച്ചു എന്നും ബുഷ്​ അത്​ നൽകാമെന്നു വാക്കുകൊടുത്തു എന്നും​ പാശ്ചാത്യമാധ്യമങ്ങൾ റിപ്പോർട്ടു ചെയ്​തിരുന്നു. എന്നാൽ, ബുഷ്​ അത്​ ചെയ്​തില്ല.

വിദേശകാര്യ മന്ത്രിയുടെ ഇതേ അഭിപ്രായംതന്നെ മേഖലയിലേക്കുള്ള യാത്രകളിൽ താലിബാൻ ശൂറ കൗൺസിൽ അംഗങ്ങളുമായുള്ള അനൗപചാരിക കൂടിക്കാഴ്​ചകളിൽ പലപ്പോഴും ആവർത്തിക്കപ്പെട്ടു. എല്ലായ്​പൊഴും ഒരു കാര്യം അവർ തീർത്തുപറഞ്ഞു. യുദ്ധം ഒരിക്കലും താലിബാ​​െൻറ സൃഷ്​ടിയല്ല. അത്​ അവസാനിക്കണമെന്നു തന്നെയാണ്​ അവരുടെ ആഗ്രഹം. അതേസമയം, അവസാനത്തെ അധിനിവേശക്കാരനും നാടുവിടും വരെ പോരാട്ടം ഉപേക്ഷിക്കാൻ തങ്ങൾ തയാറല്ല.

താലിബാ​​െൻറ ആത്മീയനേതാവ്​ പരേതനായ മുല്ലാ ഉമറി​​െൻറ സെക്രട്ടറി കൂടിയായി പ്രവർത്തിച്ചിട്ടുള്ള മുതവക്കിൽ ഇൗ സംഭാഷണം മാധ്യമപ്രവർത്തകരോട്​ പലവുരു ആവർത്തിച്ചിട്ടുണ്ട്​. 9/11 ഭീകരാക്രമണത്തിനു മുമ്പുതന്നെ ബിൻലാദിനെ വിചാരണക്കായി വിട്ടുതരാമെന്ന്​ താലിബാൻ ഗവൺമ​െൻറ്​ അറിയിച്ചിരു​െന്നങ്കിലും യു.എസ്​ അതിൽ താൽപര്യം പ്രകടിപ്പിച്ചില്ല.
താലിബാൻ തടവിൽനിന്നു മോചിതയായ ശേഷം മുതവക്കിലുമായുള്ള ഇൗ സംഭാഷണവിവരത്തി​​െൻറ വിശദാംശങ്ങൾ ഞാൻ അധികൃതർക്ക്​ കൈമാറാൻ​ ശ്രമിച്ചു. പക്ഷേ, ഫലമുണ്ടായില്ല. യുദ്ധത്തി​​െൻറ പെരുമ്പറ അത്യുച്ചത്തിൽ മുഴങ്ങുന്നതിനിടെ ആരും അത​ു​ ശ്രദ്ധിക്കാൻ കൂട്ടാക്കിയില്ല. പലരും എനിക്ക്​ സ്​റ്റോക്​ഹോം സി​ൻഡ്രോം ബാധിച്ചതാണെന്ന്​ കുറ്റപ്പെടുത്തി. തടവുപുള്ളിയായ എന്നെ ജയിലർമാർ ആവേശിച്ചതാണ്​ എന്ന മട്ടിൽ. എന്നാൽ, യാഥാർഥ്യം ബഹുദൂരം അകലെയായിരുന്നു. എന്തായാലും ഒരു കാര്യമുറപ്പാണ്​. താലിബാൻ ഒരു യുദ്ധം ഒഴിവാക്കാൻ ഏറെ താണുകേണു നിന്നു.

ഇതൊക്കെ പോംപിയോക്ക്​ എത്രമാത്രം അറിയുമെന്ന്​ എനിക്ക്​ അറിഞ്ഞുകൂടാ. എന്നാൽ, ദോഹയിലെ സംസാരത്തിൽ അൽഖാഇദയുമായുള്ള ബന്ധം മുറിക്കണമെന്നും ​െഎ.എസിനെതിരായ യുദ്ധം തുടർന്നു കൊണ്ടുപോകണമെന്നും പോംപിയോ താലിബാനോട്​ ആവശ്യപ്പെട്ടിട്ടുണ്ട്​. വിരോധാഭാസമെന്നു പറയ​െട്ട, 2001ൽ യുദ്ധം തുടങ്ങിയപ്പോൾ ആദ്യമായി അൽഖാഇദയുടെ കൈകളിലേക്ക്​ ഒരാവശ്യവുമില്ലാതെ താലിബാനെ ഉന്തിത്തള്ളിക്കൊടുത്തത്​ അമേരിക്കയായിരുന്നു. അഫ്​ഗാനിസ്​താനിലെ അൽഖാഇദ പോരാളികളെക്കുറിച്ച്​ താലിബാന്​ ഏറെ അസംതൃപ്​തിയുണ്ട്​ എന്ന്​ തടവുകാലത്ത്​ ഞാൻ വളരെ വേഗം മനസ്സിലാക്കിയെടുത്ത കാര്യമാണ്​. ‘‘അതിഥികളായി എത്തിയ അവർ ഇപ്പോൾ ഞങ്ങളുടെ ഏമാൻമാരായിരിക്കുകയാണ്​’’_ഒരു താലിബാൻ ഉദ്യോഗസ്ഥൻ എന്നോടു പറഞ്ഞു. താലിബാൻ ഗവൺമ​െൻറിനു കീഴിൽ ​െഎ.എസിന്​ അഫ്​ഗാൻ മണ്ണിൽ കാലുറപ്പിക്കാനാവില്ല എന്നും​ ഉറപ്പായിരുന്നു. അങ്ങനെ ഇൗ രണ്ടു ഗ്രൂപ്പുകളെയും അകറ്റിനിർത്തുക എന്നത്​ ​അന്ന്​ ഏറെ അനായാസകരമായിരുന്നേനെ.

താലിബാൻ ഇതുവരെ അംഗീകരിക്കാത്ത നിലവിലെ അഫ്​ഗാൻ ഭരണകൂടം ഷെറാട്ടൺ ചർച്ചയിൽ ഉണ്ടായിരുന്നില്ല എന്നൊരു കീറാമുട്ടി ബാക്കി കിടക്കുന്നുണ്ട്​. ഏതായാലും അവരും സിവിൽ സൊ​െ​െസറ്റി നേതാക്കളും വനിതകളുമെല്ലാം അടങ്ങുന്ന സമാധാനചർച്ചകൾ മാർച്ച്​ 10ന്​ വേറെയും നടക്കുന്നുണ്ട്​. അതിനിടെ, അഫ്​ഗാൻ​ പ്രസിഡൻറ്​ അശ്​റഫ്​ ഗനി, അദ്ദേഹത്തി​​െൻറ പ്രതിയോഗി, അബ്​ദുല്ല അബ്​ദുല്ലക്കും അമേരിക്കൻ പിന്തുണ തുടർന്നും ലഭിക്കുമെന്ന ഉറപ്പ്​ കിട്ടിയിട്ടുണ്ട്​. മുയലിനൊപ്പം ഒാടുകയും നായക്കൊപ്പം വേട്ടയാടുകയും ചെയ്യാനാവില്ലെന്ന്​ ട്രംപ്​ ഭരണകൂടം ഇനിയും പഠിക്കേണ്ടിയിരിക്കുന്നു. അഫ്​ഗാനി​കളെ പൊതുവിലും താലിബാ​​െൻറ പ്രകൃതം വിശേഷിച്ചും വാഷിങ്​ടൺ നന്നേക്കുറച്ചേ മനസ്സിലാക്കിയിട്ടുള്ളൂ എന്നാണ്​ പോംപിയോയുടെ ഭാഷയിൽനിന്നു മനസ്സിലാകുന്നത്​. സ്വന്തം മൂല്യങ്ങളും ആശയങ്ങളും ഇതരരാഷ്​ട്രങ്ങൾക്കു മേൽ അടിച്ചേൽപിക്കാനാവില്ലെന്ന കാര്യം പടിഞ്ഞാറ്​ മനസ്സിലാക്കണം. എങ്കിലോ, അപരരുടെ മൂല്യങ്ങളെക്കുറിച്ച്​ മനസ്സിലാക്കാനെങ്കിലും അവർക്ക്​ ശ്രമിക്കാം.

താലിബാനെക്കുറിച്ചുള്ള നമ്മുടെ തത്ത്വശാസ്​ത്രമെല്ലാം അപ്രസക്തമാണ്​. എന്തായാലും നമ്മുടെ അധികാരം മുഴുവൻ ഉപയോഗിച്ച്​-ബോംബും ബുള്ളറ്റും അല്ല-അഫ്​ഗാനിസ്​താനിൽ ജീവിക്കുന്ന മുഴുവനാളുകൾക്കും സമാധാനം കൊണ്ടുവരാൻ താലിബാൻ ഗ്രൂപ്പിനെ നാം സഹായിക്കണം. സോവിയറ്റ്​ അധിനിവേശമടക്കം കഴിഞ്ഞ നാലു ദശകക്കാലത്തെ വിദേശ ഇടപെടൽ സാധാരണ അഫ്​ഗാൻ പൗരന്മാർക്ക്​ ദുരന്തപൂർണമായിരുന്നു. ചരിത്രം പടിഞ്ഞാറിനെ വല്ലതും പഠിപ്പിച്ചിട്ടുണ്ടെങ്കിൽ, അധിനിവേശത്തെ അഫ്​ഗാൻ ജനത പൊറുപ്പിക്കില്ല എന്നതായിരിക്കണം അത്​. ബുഷും ​െബ്ലയറും മിസൈലുകൾ ചൊരിയാൻ പോകുന്നതിനു മുമ്പ്​ അന്നാടി​​െൻറ ചരിത്രം വല്ലതും വായിച്ചിരുന്നെങ്കിൽ അനാവശ്യമായ അനേകം രക്തച്ചൊരിച്ചിൽ ഒഴിവാക്കാമായിരുന്നു.
താലിബാ​​െൻറ ദോഹ പരിപാടിയിലേക്കുള്ള ക്ഷണം ഞാൻ സ്വീകരിച്ചിട്ടില്ല. പകരം, ഞാൻ അവരോട്​ പറഞ്ഞത്​, അഫ്​ഗാൻ തലസ്​ഥാനത്ത്​ അന്തിമ സമാധാനസന്ധിക്ക്​ അരങ്ങൊരുങ്ങു​േമ്പാൾ കാബൂളിൽ ഞാനുണ്ടാകും എന്നാണ്​. അതൊരു നാൾ സംഭവിക്കുക തന്നെ ചെയ്യുമെന്ന്​ എനിക്കുറപ്പാണ്​. അതു​ കാണാനിരിക്കുകയാണെന്നു തന്നെ ഞാൻ പ്രതീക്ഷിക്കുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:usTalibanus taliban peace dealAfghanistan
News Summary - us taliban peace deal
Next Story