ഗോ​ത​മ്പുവ​യ​ലി​ലെ ക​ള​ക​ൾ

കേ​ര​ള​ത്തി​ലെ​യെ​ന്ന​ല്ല, ആ​ക​മാ​ന ക്രൈ​സ്ത​വ ച​രി​ത്ര​ത്തി​ൽനി​ന്നു​ത​ന്നെ, വേ​റി​ട്ട ധാ​ര​യൊ​ന്നും ഇ​പ്പോ​ഴ​ത്തെ ബി.​ജെ.​പി അ​നു​രാ​ഗ​ത്തി​നു​ണ്ടെ​ന്നു ക​രു​താ​ൻ കാ​ര​ണ​മൊ​ന്നു​മി​ല്ല. ക​ത്തോ​ലി​ക്ക സ​ഭ​യു​ടെ ച​രി​ത്ര​ത്തി​ൽ അ​ധി​കാ​ര​ത്തി​ന്റെ കോ​ട്ട​ക​ളി​ൽ​നി​ന്ന് അ​ര​മ​ന​ക​ളി​ലേ​ക്കു​ള്ള പ​ര​വ​താ​നി ത​രാ​ത​രം നി​റം മാ​റി, മാ​റി​വി​രി​ക്ക​പ്പെ​ട്ടി​രു​ന്നു. അ​ത്ത​ര​ത്തി​ൽ അ​ധി​കാ​ര​ത്തി​ലേ​ക്കു​ള്ള പാ​ല​മി​ടു​ന്ന​തി​ൽ മു​സോ​ളി​നി​യെ​ന്നോ ഹി​റ്റ്്ലെറെന്നോ ഉ​ള്ള വ്യ​ത്യാ​സം​പോ​ലും ഉ​ണ്ടാ​യി​രു​ന്നി​ല്ല.

ക​ര്‍ത്താ​വ് വെ​റു​ക്കു​ന്ന ആ​റു കാ​ര്യ​ങ്ങ​ളു​ണ്ട്. ഏ​ഴാ​മ​തൊ​ന്നു​കൂ​ടി അ​വി​ടു​ന്ന്‌ മ്ലേ​ച്ഛ​മാ​യി ക​രു​തു​ന്നു- ഗ​ര്‍വു ക​ല​ര്‍ന്ന ക​ണ്ണ്, വ്യാ​ജം പ​റ​യു​ന്ന നാ​വ്, നി​ര​പ​​രാ​​ധി​​ക​​ളു​​ടെ ര​ക്തം ചൊ​രി​​യു​ന്ന കൈ​ക​ൾ, ദു​ഷ്‌​കൃ​ത്യ​ങ്ങ​ള്‍ നി​ന​യ്ക്കു​ന്ന ഹൃ​ദ​യം, തി​ന്മ​യി​ലേ​ക്കു പാ​യു​ന്ന പാ​ദ​ങ്ങ​ള്‍, അ​സ​ത്യം പ​റ​ഞ്ഞു​കൂ​ട്ടു​ന്ന ക​ള്ള​സാ​ക്ഷി, സ​ഹോ​ദ​ര​ര്‍ക്കി​ട​യി​ല്‍ ഭി​ന്ന​ത വി​ത​ക്കു​ന്ന​വ​ന്‍.

(സു​ഭാ​ഷി​ത​ങ്ങ​ൾ- ആ​റ്: 16 മു​ത​ൽ 19 വ​രെ)

ക്രൈ​സ്ത​വ പി​താ​ക്ക​ന്മാ​ർ ബി.​ജെ.​പി​യെ മാ​മോ​ദീ​സ മു​ക്കി പ്രി​യ​പാ​ർ​ട്ടി​യാ​ക്കി മാ​റ്റു​ന്ന പ്ര​വൃ​ത്തി, കേ​ര​ള​ത്തി​ൽ വ​ന്ദേ ഭാ​ര​ത് ട്രെ​യി​നി​നെ​ക്കാ​ൾ വേ​ഗ​ത്തി​ൽ കു​തി​ക്കു​ക​യാ​ണ്. ഇ​വി​ടെ മാ​ത്ര​മ​ല്ല, ഇ​ന്ത്യ​യി​ൽ പ​ല​യി​ട​ത്തും ഈ ​ഇ​ഷ്ടം​കൂ​ട​ൽ പു​തി​യൊ​രു ച​ർ​ച്ച​ക്കു മാ​ത്ര​മ​ല്ല, ഓ​ർ​മ​പു​തു​ക്ക​ലു​ക​ൾ​ക്കു​കൂ​ടി വ​ഴി​തു​റ​ന്നി​ട്ടു​ണ്ട്. സ​ഭ​യെ​ന്നാ​ൽ എ​ക്കാ​ല​ത്തും പാ​റ​പോ​ലെ ഉ​റ​ച്ചു​നി​ൽ​ക്കു​ന്ന ഒ​ന്ന​ല്ല.

ജീ​വി​ത​ത്തി​ന്റെ അ​ടി​സ്ഥാ​നം അ​ധി​കാ​ര​മാ​ണെ​ന്ന് അ​ര​മ​ന​ക്കു തോ​ന്നി​യാ​ൽ പി​ന്നെ മാ​റ്റാ​ൻ പ​റ്റാ​ത്ത​താ​യ ഇ​രു​മ്പു​ല​ക്ക​യൊ​ന്നു​മ​ല്ല​ല്ലോ രാ​ഷ്ട്രീ​യ നി​ല​പാ​ട്. അ​തു​കൊ​ണ്ടാ​ണ് റ​ബ​റു​പോ​ലെ വ​ലി​ച്ചാ​ൽ നീ​ളാ​നും ചു​രു​ക്കി​യാ​ൽ ചു​രു​ങ്ങാ​നും ഏ​തു പ​രു​വ​ത്തി​ലു​മാ​വാ​നും ത​യാ​റെ​ന്ന് വ​ന്ദ്യ​പു​രോ​ഹി​ത​ർ​ത​ന്നെ പ​ല​സ്വ​ര​ങ്ങ​ളി​ൽ സ്തു​തി​പാ​ടു​ന്ന​ത്.

ലോ​ക​ത്തെ പ​ല​യി​ട​ത്തു​നി​ന്നും വ​രു​ന്ന സ​മ്പ​ത്തു​മാ​യി ബ​ന്ധ​പ്പെ​ട്ട ഊ​ഹാ​പോ​ഹ​ങ്ങ​ളും ക​ഥ​ക​ളും സ്ഥ​ല​ക്ക​ച്ച​വ​ട വി​വാ​ദ​വും വി​ദ്വേ​ഷ പ്ര​സ്താ​വ​ന​ക​ളും ഒ​ക്കെ​യാ​യി ആ​കെ പു​ലി​വാ​ൽ പി​ടി​ച്ചു​നി​ൽ​ക്കു​ന്ന കാ​ല​വു​മാ​ണ്.

ഇ.​ഡി എ​ന്നു പ​റ​ഞ്ഞാ​ൽ ഇ​ക്കാ​ല​ത്ത് സാ​ക്ഷി​യോ സാ​ക്ഷ്യ​മോ അ​ല്ല, എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് ആ​ണെ​ന്നും ഈ ​ഇ.​ഡി ഇ​ഹ​ലോ​ക​ത്ത് പ​ല​തും ചെ​യ്തു​കൂ​ട്ടാ​ൻ ക​ഴി​വു​ള്ള ശ​ക്തി​യാ​ണെ​ന്നും ബോ​ധ്യ​വു​മു​ണ്ട്. അ​ത്ത​രം തി​രി​ച്ച​റി​വു​ക​ളു​ടെ കാ​ല​ത്ത് ഇ​ങ്ങ​നെ​യൊ​ക്കെ​യു​ള്ള തോ​ന്ന​ലു​ക​ൾ സ്വാ​ഭാ​വി​ക​മാ​ണു താ​നും.

കേ​ര​ള​ത്തി​ലെ​യെ​ന്ന​ല്ല, ആ​ക​മാ​ന ക്രൈ​സ്ത​വ ച​രി​ത്ര​ത്തി​ൽ നി​ന്നു​ത​ന്നെ, വേ​റി​ട്ട ധാ​ര​യൊ​ന്നും ഇ​പ്പോ​ഴ​ത്തെ ബി.​ജെ.​പി അ​നു​രാ​ഗ​ത്തി​നു​ണ്ടെ​ന്നു ക​രു​താ​ൻ കാ​ര​ണ​മൊ​ന്നു​മി​ല്ല. ക​ത്തോ​ലി​ക്ക സ​ഭ​യു​ടെ ച​രി​ത്ര​ത്തി​ൽ അ​ധി​കാ​ര​ത്തി​ന്റെ കോ​ട്ട​ക​ളി​ൽ​നി​ന്ന് അ​ര​മ​ന​ക​ളി​ലേ​ക്കു​ള്ള പ​ര​വ​താ​നി ത​രാ​ത​രം നി​റം മാ​റി, മാ​റി​വി​രി​ക്ക​പ്പെ​ട്ടി​രു​ന്നു.

അ​ത്ത​ര​ത്തി​ൽ അ​ധി​കാ​ര​ത്തി​ലേ​ക്കു​ള്ള പാ​ല​മി​ടു​ന്ന​തി​ൽ മു​സോ​ളി​നി​യെ​ന്നോ ഹി​റ്റ്ല​റെ​ന്നോ ഉ​ള്ള വ്യ​ത്യാ​സം​പോ​ലും ഉ​ണ്ടാ​യി​രു​ന്നി​ല്ല. സ​ഭ​യും മു​സോ​ളി​നി​യും ത​മ്മി​ലു​ണ്ടാ​യി​രു​ന്ന ബ​ന്ധ​വും നാ​സി ജ​ർ​മ​നി​യു​ടെ സാ​മ​ന്ത​രാ​ജ്യ​മാ​യി മാ​റി​യ സ്​​ലോ​വാ​ക്യ​യി​ലെ അ​ധി​കാ​രി​യാ​യി മാ​റി​യ പു​രോ​ഹി​ത​ൻ യോ​സ​ഫ് ഗ്യാ​ഷ്പ​ർ ടീ​സോ​യു​ടെ ച​രി​ത്ര​വും ച​രി​ത്ര വി​ദ്യാ​ർ​ഥി​ക​ൾ​ക്ക് അ​റി​യാം.

ഈ​യി​ടെ പ​ല പി​താ​ക്ക​ന്മാ​ർ മു​സ്‌​ലിം​ക​ൾ​ക്കും മ​റ്റൊ​രു പു​രോ​ഹി​ത​ൻ ഈ​ഴ​വ സ​മു​ദാ​യ​ത്തി​നു​മെ​തി​രെ ഇ​ള​ക്കി​യ ല​വ് ജി​ഹാ​ദ് കോ​ലാ​ഹ​ലം​പോ​ലെ സ്​​ലോ​വാ​ക്യ​യി​ലെ യോ​സ​ഫ് പു​രോ​ഹി​ത​നും അ​ക്കാ​ല​ത്ത് അ​പ​വാ​ദം സൃ​ഷ്ടി​ച്ചു. യോ​സ​ഫും കൂ​ട്ട​രും ആ​രോ​പ​ണം ഉ​ന്ന​യി​ച്ച​ത് അ​വി​ട​ത്തെ ജൂ​ത​ർ​ക്കെ​തി​രെ​യാ​യി​രു​ന്നു.

ലോ​കം മു​ഴു​വ​ൻ സ്നേ​ഹം പ​ക​രാ​ൻ ആ​ഹ്വാ​നം ചെ​യ്ത വി​ശ്വാ​സ​ത്തി​ന്റെ അ​പ്പോ​സ്ത​ല​നാ​യ പു​രോ​ഹി​ത​ൻ ത​ന്റെ അ​ധി​കാ​രം നി​ല​നി​ർ​ത്താ​നു​ള്ള ആ​ർ​ത്തി​യി​ൽ ഏ​ഴാ​മ​ത്തെ മ്ലേ​ച്ഛ​ത്ത​ര​മാ​യ ‘സ​ഹോ​ദ​ര​ര്‍ക്കി​ട​യി​ല്‍ ഭി​ന്ന​ത വി​ത​ക്കു​ന്ന’​തി​ലാ​ണ് ചെ​ന്നെ​ത്തി​യ​ത്.

അ​ത്ത​ര​ത്തി​ൽ, കേ​ര​ള​ത്തി​ലെ ക്രൈ​സ്ത​വ സ​ഭ​യു​ടെ മാ​ത്ര​മ​ല്ല, ലോ​ക​ത്തെ​ങ്ങു​മു​ള്ള ക​ത്തോ​ലി​ക്ക സ​ഭ​യും അ​ധി​കാ​ര​വും ത​മ്മി​ലു​ള്ള ബ​ന്ധം എ​ക്കാ​ല​ത്തും അ​തി​വി​ചി​ത്ര​മാ​ണ്. വി​ദേ​ശ ശ​ക്തി​ക​ൾ​ക്കും സ​മൂ​ഹ​ത്തി​ലെ അ​സ​മ​ത്വ​ത്തി​നും എ​തി​രാ​യ പോ​രാ​ട്ടം ന​ട​ക്കു​മ്പോ​ൾ, സ​ഭാ​നേ​തൃ​ത്വം പ​ല​പ്പോ​ഴും അ​ത​ത് ഭ​ര​ണാ​ധി​കാ​രി​ക​ൾ​ക്കൊ​പ്പ​മാ​യി​രു​ന്നു.

ജ​നാ​ധി​പ​ത്യ​ത്തി​ലെ​ത്തി​യി​ട്ടും അ​തി​ൽ കാ​ര്യ​മാ​യ മാ​റ്റ​മൊ​ന്നും ഉ​ണ്ടാ​യി​ട്ടി​ല്ല. സ്വ​ത​ന്ത്ര ഇ​ന്ത്യ​യി​ൽ കോ​ൺ​ഗ്ര​സി​നൊ​പ്പം കൂ​ട്ടു​കൂ​ടി​യ അ​ര​മ​ന​യ​ധി​കാ​രി​ക​ൾ ഭ​ര​ണ​കൂ​ട​ത്തി​നു പു​റ​ത്തൊ​രു സ്വ​യം​ഭ​ര​ണ റി​പ്പ​ബ്ലി​ക്കാ​യി​രു​ന്നു. ക്രി​ക്ക​റ്റി​ലും ക​മ്യൂ​ണി​സ്റ്റ് പാ​ർ​ട്ടി​ക​ളി​ലു​മൊ​ഴി​കെ കേ​ര​ള​ത്തി​ൽ എ​ല്ലാ​യി​ട​ത്തും ഈ ​നൂ​റ്റാ​ണ്ടി​ന്റെ ആ​ദ്യ ദ​ശ​കം​വ​രെ ക്രൈ​സ്ത​വ സ​ഭ​യു​ടെ സ്വാ​ധീ​നം അ​തി​ശ​ക്ത​മാ​യി​രു​ന്നു.

എ​ന്നാ​ൽ, സ​ഭ​യു​ടെ സ്വ​ന്തം പാ​ർ​ട്ടി​യാ​യ കോ​ൺ​ഗ്ര​സി​ന് കേ​ന്ദ്ര​ത്തി​ലും കേ​ര​ള​ത്തി​ലും തു​ട​ർ​ച്ച​യാ​യി അ​ധി​കാ​ര​ന​ഷ്ട​മു​ണ്ടാ​യ​തും അ​വ​ശി​ഷ്ട അ​ധി​കാ​ര കേ​ന്ദ്ര​മാ​യ കേ​ര​ള കോ​ൺ​ഗ്ര​സ് ഇ​ട​തു​മൂ​ല​യി​ലെ​ത്തി​യ​തും സ​ഭ​യു​ടെ അ​ധി​കാ​ര സ്വാ​ധീ​നം ദു​ർ​ബ​ല​മാ​ക്കി. കോ​ൺ​ഗ്ര​സി​നു​ള്ളി​ലാ​വ​ട്ടെ, ക്രൈ​സ്ത​വ വി​ഭാ​ഗ​ത്തി​ൽ​പെ​ട്ട സ്വാ​ധീ​ന​മു​ള്ള നേ​താ​ക്ക​ൾ മ​രു​ന്നി​നു​പോ​ലും ഇ​ല്ലാ​തെ​യു​മാ​യി. യു.​ഡി.​എ​ഫി​ലു​ള്ള അ​വ​ശി​ഷ്ട കേ​ര​ള കോ​ൺ​ഗ്ര​സ് ദു​ർ​ബ​ല​വും.

അ​വി​ട​ത്തെ നി​ർ​ണാ​യ​ക ശ​ക്തി മു​സ്‌​ലിം ലീ​ഗും. ഇ​ത് സ​ഭ​യു​ടെ അ​ധി​കാ​ര കേ​ന്ദ്ര​ങ്ങ​ളി​ൽ സൃ​ഷ്ടി​ച്ച അ​സ്വ​സ്ഥ​ത ചെ​റു​ത​ല്ല. അ​ധി​കാ​ര​മി​ല്ലാ​ത്ത അ​ര​മ​ന എ​ന്നാ​ൽ, പ്ര​മേ​ഹ​മി​ല്ലാ​ത്ത​വ​നു മു​ന്നി​ലെ പ​ഞ്ച​സാ​ര​യി​ടാ​ത്ത ക​ട്ട​ൻ​കാ​പ്പി മാ​ത്ര​മാ​ണ്.

ഇ​തെ​ല്ലാം​കൂ​ടി വ​ന്ന​തോ​ടെ മു​സ്‌​ലിം​ക​ളി​ല്ലാ​ത്ത, ക​മ്യൂ​ണി​സ്റ്റു​കാ​രി​ല്ലാ​ത്ത, കു​ഞ്ഞാ​ടു​ക​ളെ കൊ​ണ്ടു​കെ​ട്ടാ​ൻ പ​റ്റു​ന്ന ന​ല്ല പാ​ർ​ട്ടി ഏ​തെ​ന്ന ഇ​ട​യ​ന്മാ​രു​ടെ അ​ന്വേ​ഷ​ണ​ത്തി​നു മു​ന്നി​ൽ വി​ചാ​ര​ധാ​ര​യി​ൽ മു​ങ്ങി നി​വ​ർ​ന്നു​നി​ൽ​ക്കു​ന്ന ബി.​ജെ.​പി​യെ​യാ​ണ് കാ​ണാ​ൻ ക​ഴി​ഞ്ഞ​ത്.

ഒ​രു പ്ര​​േത്യ​ക ഘ​ട്ട​ത്തി​ൽ പ​ത്രോ​സ് യേ​ശു​വി​നെ ത​ള്ളി​പ്പ​റ​ഞ്ഞി​ട്ടു​ണ്ട്, യൂ​ദാ​സ് ഒ​റ്റു​കൊ​ടു​ത്തി​ട്ടു​ണ്ട്. പി​ന്നെ​യാ​ണോ ഗ്ര​ഹാം സ്റ്റെ​യി​ൻ​സും സ്റ്റാ​ൻ സ്വാ​മി​യും ക​ണ്ഡ​മാ​ലും വി​ചാ​ര​ധാ​ര മു​ത​ൽ ക​ർ​ണാ​ട​ക ബി.​ജെ.​പി നേ​താ​വി​ന്റെ പ്ര​സം​ഗ​വും വ​രെ എ​ണ്ണി​യാ​ലൊ​ടു​ങ്ങാ​ത്ത സം​ഭ​വ​ങ്ങ​ൾ മ​റ​ന്നു​പോ​കു​ന്ന സ​ഭാ​ധി​കാ​രി​ക​ൾ.

വി​ചാ​ര​ധാ​ര​യൊ​ക്കെ പ​ഴ​യ​ത​ല്ലേ എ​ന്നു പ​റ​യു​ന്ന പി​താ​ക്ക​ന്മാ​ർ​ക്ക് സു​ഭാ​ഷി​ത​ങ്ങ​ളും വേ​ദ​പു​സ്ത​ക​വും അ​തി​ലെ മ​നു​ഷ്യ​സ്നേ​ഹ​വും അ​ധി​കാ​ര​ത്തോ​ടു​ള്ള യേ​ശു​വി​ന്റെ ക​ല​ഹ​വു​മൊ​ക്കെ അ​തി​ലും പ​ഴ​യ​താ​കു​മ​ല്ലോ!