Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightപോംപിയോവി​െൻറ ചിരി

പോംപിയോവി​െൻറ ചിരി

text_fields
bookmark_border
Netanyahu-and-Pompeo
cancel
camera_alt????????? ?????????, ????? ?????????

സിറിയയിൽ ആഭ്യന്തരയുദ്ധം അന്തിമ ഘട്ടത്തിലാണ്​. അപ്പോഴും ഇസ്രാ​േയൽ ഡമസ്കസി​​െൻറ പ്രാന്തങ്ങളിൽ ബോംബുകൾ വർഷി ച്ചുകൊണ്ടേയിരിക്കുന്നു. ഇറാ​​െൻറ താവളങ്ങൾക്കുനേരെയാണത്രെ ആക്രമണം. ഇറാനാകട്ടെ, സിറിയയുടെ ആവശ്യപ്രകാരമാണ്​ അ വിടെ തമ്പടിച്ചിരിക്കുന്നത്. ബശ്ശാറുൽ അസദി​​െൻറ ഭരണം നിലനിർത്താൻ ഇറാനും റഷ്യയുമാണല്ലോ താങ്ങായിനിന്നത്. അവസാന ം തുർക്കിയും അവരുടെ പങ്ക് വഹിച്ചു. എന്തുതന്നെയായാലും, ഇറാൻ താവളങ്ങൾക്കു നേരെ ഇസ്രായേൽ ബോംബുകൾ വർഷിക്കുന്നതിന ു ഒരു ന്യായീകരണവുമില്ല. വീട്ടിൽ വന്ന അതിഥിയെ അയൽവീട്ടുകാരൻ ആക്രമിക്കുന്നതിനു തുല്യമാണിത്. ഇറാൻ തിരിച്ചടിക്കു മെന്ന് പറയുന്നു. പക്ഷേ, അതൊരു മഹായുദ്ധത്തിലേക്കു നയിക്കുമോ എന്നതാണ് സ​ന്ദേഹമുളവാക്കുന്ന കാര്യം. യുദ്ധം തുടങ് ങിയാൽ റഷ്യയും അമേരിക്കയുമൊക്കെ പങ്കുചേരുകയാണെങ്കിൽ, അത് വമ്പിച്ചൊരു വിപത്തായി, ഒരുപക്ഷേ പശ്ചിമേഷ്യയെ ഒന്നടങ ്കം തീനാളങ്ങൾ വിഴുങ്ങുന്നതിനു ലോകം സാക്ഷിയാകേണ്ടി വരുമോ എന്നാണ് നിരീക്ഷകർ ആകുലപ്പെടുന്നത്.

അറബ് രാഷ്​ട് രങ്ങളെ കൈയിലെടുത്തു പശ്ചിമേഷ്യയിൽ ആധിപത്യമുറപ്പിക്കാനുള്ള ശ്രമത്തിലാണ് ഇസ്രായേൽ. അതിനവർക്ക് അമേരിക്കയുടെ സർവ ആശീർവാദങ്ങളുമുണ്ട്. മേഖലയിലെ പല രാഷ്​ട്രങ്ങളുടെയും പിന്തുണ അവർ നേടിക്കഴിഞ്ഞു. ശക്തമായൊരു ആണവ ശക്തിയായി നില​െകാണ്ട്​, ഫലസ്തീ​​െൻറ ഭൂമി ഏതാണ്ട് മുക്കാൽ ഭാഗത്തോളം കൈയേറി കോളനികൾ പണിതുകൊണ്ടിരിക്കുന്ന ഇസ്രായേലിനെ തടയുവാനോ എതിർക്കുവാനോ അറബ് രാഷ്​ട്രങ്ങൾക്കൊന്നും ശക്തിയില്ലെന്നതാണ് സത്യം. അവരുമായി ഏറ്റുമുട്ടാൻ സന്നദ്ധമായിരുന്നത് ഇറാഖാണ്. അതുകൊണ്ടുതന്നെയാണ് ഇറാഖിനെ അമേരിക്ക തകർത്തത്. ഇന്നുള്ളത് ഇറാനാണ്. ഇസ്രായേലി​​െൻറ സുരക്ഷക്കുവേണ്ടിയാണ് ഇറാൻ ഒരു നിലക്കും ഒരു ആണവ ശക്തിയായി ഉയർന്നുകാണരുതെന്ന്​ അമേരിക്ക ശഠിക്കുന്നത്. ഡോണൾഡ് ട്രംപി​​െൻറ ഭരണകൂടത്തെ -റിപ്പബ്ലിക്കൻ പാർട്ടിയെ- താങ്ങിനിർത്തുന്നത് യാഥാസ്ഥിതിക ​ക്രിസ്​ത്യാനികളിലെ ഇവാഞ്ചലിക്കൽ വിഭാഗമാണ്. ഇവരുടെ വിശ്വാസപ്രകാരം ഇസ്രായേൽ ദൈവം ജൂതന്മാർക്ക് വരദാനമായി നൽകിയതാണ്. വിശ്വാസം വിമർശനങ്ങൾക്ക് വിധേയമല്ലല്ലോ. ഇതാണ് സയണിസ്​റ്റുകളുടെ തുറുപ്പ്ശീട്ട്. എന്നാൽ, സിറിയയിൽ റഷ്യയും ഇറാനും ഒരുമിച്ചുനിന്നത് ഇസ്രായേലിനെ പരുങ്ങലിലാക്കിയിട്ടുണ്ട്. കൂടെ തുർക്കിയുടെ ശക്തമായ സാന്നിധ്യവും.

സിറിയയിൽ നിന്നും അമേരിക്കൻ സേന പിൻവാങ്ങാൻ തീരുമാനിച്ചതാണ് ഇസ്രായേലിനെ അലോസരപ്പെടുത്തുന്നത്. ഡമസ്കസിലെ ഇറാ​​െൻറ സാന്നിധ്യം അവർ ഭയപ്പെടുന്നു. ഇതിനൊരു പരിഹാരം തേടിക്കൊണ്ടാണ് ഇവാഞ്ചലിക്കൽ വിഭാഗത്തി​​െൻറ പ്രതിനിധികൂടിയായ മൈക് പോംപിയോ അറബ് രാഷ്​ട്രങ്ങളിൽ പര്യടനം നടത്തിയത്. ഇത്രയും കാലം അമേരിക്ക ഇറാനെ നിയന്ത്രിച്ചു നിർത്താനേ ഉദ്ദേശിച്ചിരുന്നുള്ളൂവത്രെ! എന്നാൽ, ഇനി ഇറാനെ നേരിടാൻ തന്നെയാണ് അവരുടെ തീരുമാനം. ഇതിന് സൈനിക ഇടപെടൽ അനിവാര്യമാണ്. ശിയ-സുന്നി പ്രശ്നം ഉയർത്തിക്കാട്ടി സുന്നി രാഷ്​ട്രങ്ങളെ ‘നാറ്റോ’ പോലുള്ളൊരു ശക്തിയാക്കി ഇറാനെതിരെ അണിനിരത്താനാണ് ട്രംപ് ആലോചിക്കുന്നത്. ഈ തന്ത്രത്തിന് ഗുണഫലങ്ങൾ പലതുണ്ട്. ഏറ്റവും ചുരുങ്ങിയത് ഇറാനെ ഒരു അനുരഞ്ജനത്തിനു സന്നദ്ധമാക്കിയാൽ അതുവഴി അമേരിക്കയും ഇസ്രായേലും ഉദ്ദേശിക്കുന്നവിധം ആണവകരാർ തിരുത്തി എഴുതുവാനാകും.

ജനുവരി 20, 21 തീയതികളിൽ ഡമസ്കസ് അന്താരാഷ്​ട്ര വിമാനത്താവളത്തിൽ ഇസ്രായേൽ നടത്തിയ ആക്രമണം ഇറാ​​െൻറ താവളങ്ങൾ തകർക്കാനായിരുന്നത്രെ. എന്നാൽ, സിറിയയുടെ യു.എൻ സ്ഥാനപതി ബശ്ശാർ ജഅ്​ഫരി സിറിയ തിരിച്ചടിക്കുമെന്ന് പ്രഖ്യാപിച്ചതോടെ തെൽഅവീവിനു ചുറ്റും ‘അയേൺ ഡോം’ എന്ന പ്രതിരോധ സിസ്​റ്റം സ്ഥാപിച്ചിരിക്കുകയാണ് ഇസ്രായേൽ. ​െറവല്യൂഷനറി ഗാർഡി​​െൻറ കീഴിലുള്ള ‘അൽ ഖുദ്സി ’​​െൻറ നായകൻ ഖാസിം സുലൈമാനി പ്രഖ്യാപിക്കുന്നതനുസരിച്ച്​ ഇറാ​​െൻറ തിരിച്ചടി ശക്തവും ഇസ്രായേലിനെ പൂർണമായും ഇളക്കി മറിക്കുന്നതുമായിരിക്കും. ചോദ്യം ചെയ്യപ്പെടാതെ ജൈത്രയാത്ര നടത്തുന്ന ഇസ്രാ​േയലിനു ആദ്യമായിട്ടായിരിക്കും വലിയൊരു ശത്രു സേനയെ നേരിടേണ്ടി വരുക. ഏപ്രിൽ മാസത്തിലാണല്ലോ ഇസ്രായേലിലെ തെരഞ്ഞെടുപ്പ്. ഇതാണ് നെതാന്യാഹുവിന് പേടി.

നാട്ടിലെ രാഷ്​ട്രീയ ചേരിതിരിവുകളെക്കുറിച്ചു അമേരിക്കൻ ഭരണകർത്താക്കൾ വിദേശങ്ങളിൽ വിഴുപ്പലക്കാറുണ്ടായിരുന്നില്ല. എന്നാൽ, മൈക് പോംപിയോവി​​െൻറ പ്രസംഗത്തിൽ അധിക പങ്കും ഒബാമയുടെ 2009 ലെ കയ്റോ പ്രസംഗത്തെ വിമർശിക്കാനാണദ്ദേഹം ചെലവഴിച്ചത്. ബി.ബി.സി യുടെ മിഡിലീസ്​റ്റ്​ ബ്യൂറോ ചീഫ് പോൾ ഡനഹർ വിലയിരുത്തിയതുപോലെ പ്രസംഗം കേവലം ഇസ്രായേലിനെ പ്രീണിപ്പിക്കുന്നതും ഇറാനെ കുറ്റപ്പെടുത്തുന്നതുമായിരുന്നു. ദീർഘമായ പ്രസംഗത്തിൽ ‘ജനാധിപത്യ’മെന്നു ഒരിക്കൽ മാത്രം പരാമർശിക്കുകയുണ്ടായി. ‘സമത്വം’, ‘മനുഷ്യാവകാശം’എന്നിവ പൂർണമായും ഒഴിവാക്കപ്പെട്ടു. ബ്രൂക്​ലിൻ ഇൻസ്​റ്റിറ്റ്യൂട്ടി​​െൻറ മുതിർന്ന വക്താവ് ശാദിഹാമിദി​​െൻറ അഭിപ്രായത്തിൽ അമേരിക്കൻ വിദേശനയത്തെക്കുറിച്ചു ഇത്രയും മോശമായൊരു പ്രസംഗം അദ്ദേഹം കേട്ടിട്ടില്ലത്രെ.

മൈക് പോംപിയോവി​​െൻറ പ്രസംഗം ശ്രവിച്ചപ്പോൾ ഓർമവന്നത് 1945 ഫെബ്രുവരിയിൽ സൂയസ് കനാലി​​െൻറ വിശാലമായ പരപ്പിൽ യു.എസ്.എസ് ക്യുൻസിൽ നടന്ന ഒരഭിമുഖമാണ്. ഫ്രാൻക്വിലിൻ റൂസ്​വെൽറ്റും അബ്​ദുൽഅസീസ് രാജാവും ഭാവിയെക്കുറിച്ചു സ്വപ്നങ്ങൾ നെയ്തു. വിലപേശ ലിനു പിശാചുക്കൾ സാക്ഷ്യംവഹിച്ചിരിക്കണം! അങ്ങനെ, അമേരിക്ക മൊഴിഞ്ഞു: അറബ് രാഷ്​ട്രങ്ങൾക്ക് ഞങ്ങൾ സൈനിക സുരക്ഷ ഉറപ്പുനൽകുന്നു. പകരം, അറബ് രാഷ്​ട്രങ്ങൾ അമേരിക്കക്കു എണ്ണ നൽകണം . ഏഴു ദശകങ്ങൾക്കു ശേഷവും അമേരിക്കയുടെ വിദേശ നയത്തി​​െൻറ കാതൽ ഇതു തന്നെയാണ്.

പശ്ചിമേഷ്യയിൽ അമേരിക്കൻസേന അധിനിവേശം നടത്തുകയല്ലെന്നും, ഗൾഫ്-അറബ് രാഷ്​ട്രങ്ങളെ സ്വാതന്ത്ര്യത്തിലേക്കു നയിക്കുകയാണെന്നും പറയുമ്പോൾ പോംപിയോ ഉള്ളറിഞ്ഞു ചിരിച്ചു. അറബ് സമൂഹം അജ്ഞരും ഓർമ കുറഞ്ഞവരുമാണെന്ന ബോധ്യമായിരുന്നു അദ്ദേഹത്തിന്. അമേരിക്ക ഇറാഖ് കീഴടക്കി, ലിബിയയെ നശിപ്പിച്ചു, യമനും അഫ്ഗാനിസ്താനും നാമാവശേഷമാക്കി. ട്രംപ്​ തന്നെ ഏഴ് ട്രില്യൻ ഡോളർ മേഖലയിൽ യുദ്ധങ്ങളിൽ ചെലവഴിച്ചതായി പരിതപിച്ചു! മൂന്നു മില്യൺ ഇറാഖികളെയും മുപ്പതിനായിരം ലിബിയക്കാരെയും പത്തു ലക്ഷം അഫ്ഗാനികളെയും കൊന്നൊടുക്കി! ഇന്ന് നാല് രാഷ്​ട്രങ്ങളിൽ- സിറിയ, ലിബിയ, ഇറാഖ്, യമൻ- എന്നിവിടങ്ങളിൽ തുടരുന്ന രക്തപങ്കിലമായ മനുഷ്യക്കുരുതിയാണോ അമേരിക്ക വിഭാവനം ചെയ്യുന്ന സ്വാതന്ത്ര്യം!

അമേരിക്ക സിറിയയിൽ നിന്നും പിന്മാറുന്നത് കുഴപ്പങ്ങൾക്കു ഇടംനൽകുമെന്ന് പ്രഖ്യാപിക്കുക വഴി പോംപിയോ തീവ്രവാദികൾക്ക് വിത്തുകൾ വിതരണം ചെയ്യുന്നതായി നിരീക്ഷിക്കപ്പെടുന്നു. കക്ഷിവഴക്കുകൾക്കും വിഘടനവാദങ്ങൾക്കും തിരികൊളുത്തുന്നതിലൂടെ അറബ് രാഷ്​ട്രങ്ങളെ തകർക്കുകയല്ലാതെ പുനർനിർമാണ പ്രവർത്തനങ്ങളിൽ അമേരിക്ക പങ്കുചേരുന്നുണ്ടോ? പിന്നെ എന്താണാവോ അറബികളെ സ്വാതന്ത്ര്യത്തിലേക്ക്​ നയിക്കുക എന്നതുകൊണ്ട്​​ പോംപിയോ അർഥമാക്കിയത്​!

Show Full Article
TAGS:Mike Pompeo syrian attack Netanyahu article malayalam news 
News Summary - Smile of Pompeo - Article
Next Story