ന​ട​ന​ഭാ​രം

08:33 AM
01/12/2019

‘‘നി​ങ്ങ​ൾ​ക്ക്​ മ​ന​സ്സിലാ​യ​തെ​ന്തോ, അ​താ​ണ്​ ശാ​സ്​​ത്രം; മ​ന​സ്സി​ലാ​കാ​ത്ത​തും അ​റി​യാ​ത്തതും​​ ഫി​ലോ​സ​ഫി’’-ഫി​ലോ​സ​ഫി​ക്ക്​ ഈ നിർവചനം നൽകിയത്​ ബ​ർ​ട്രാ​ൻ​ഡ്​ റ​സൽ. റസ​ലിനെയോ, ഈ നിർവചനമോ ഒന്നും കേട്ടവരോ കാണാതെ പഠിച്ചവരോ അല്ല ഭൂമി മലയാളത്തിലുള്ള എല്ലാവരും. അതിനാൽ അ​റി​യാ​ത്ത കാ​ര്യ​ങ്ങ​ൾ പ​റ​യു​ന്ന​വ​രെ അവർ ബോ​ധ​മി​ല്ലാ​ത്ത​വ​രെ​ന്നോ, വെളിവില്ലാത്തവരെന്നോ ഒക്കെ പറയും. അതുമല്ലെങ്കിൽ ‘ക​ഞ്ചാ​വെ’​ന്നു അ​ധി​ക്ഷേ​പി​ക്കും.

മ​ല​യാ​ളസി​നി​മ​ക്ക്​ പ​ണ​മി​റ​ക്കു​ന്ന മു​ത​ലാ​ളി​മാരും അങ്ങനെയൊക്കെയാണോ? എ​ന്ന്​ തീർത്തു പറയാനാവില്ല. പക്ഷേ, ഒന്നുറപ്പായി​. അ​ഭി​ന​യ​വും ജീ​വി​ത​വും തനിക്ക്​ ര​ണ്ട​ല്ല, ഒ​ന്നു​ത​ന്നെ എ​ന്ന്​ നി​ര​ന്ത​രം വി​ളി​ച്ചു​പ​റ​ഞ്ഞു​കൊ​ണ്ടി​രി​ക്കുന്ന ന​ടൻെറ ഫിലോസഫി അ​വ​ർ​ക്ക്​ പി​ടി​കിട്ടിയിട്ടില്ല. ‘എ​നി​ക്ക്​ ക​ഥാ​പാ​ത്ര​ത്തെ ഉ​ൾ​കൊ​ള്ളാ​ൻ സ​മ​യ​മാ​യി​രി​ക്കു​ന്നു, എ​ല്ലാ​വ​രു​മൊ​ന്ന്​ മാ​റി​പ്പോ​യേ​’​യെ​ന്ന്​ ശ്രീനിവാസൻെറ സൂപ്പ​ർ സ്​​റ്റാ​ർ സ​രോ​ജ്​​കു​മാ​ർ എന്ന ക​ഥാ​പാ​ത്രം ആ​ജ്ഞാ​പി​ക്കു​ന്ന​തു​പോ​ലെ​യ​ല്ല ഷെ​യ്​​ൻ നി​ഗം എ​ന്ന ചെ​റു​പ്പ​ക്കാ​ര​ൻ ക​ഥാ​പാ​ത്ര​ങ്ങ​ളെ മ​ന​സ്സി​ല​ലി​യി​ക്കു​ന്ന​ത്. പ്ര​തി​ഫലി​പ്പി​ക്കാ​ൻ ശ്ര​മി​ക്കു​ന്ന​ത്​ തൻെറ ജീ​വി​ത​ത്തി​ലെത​ന്നെ പ​ല ക​ഥാ​സ​ന്ദ​ർ​ഭ​ങ്ങ​ളെത്തന്നെ​യു​മാ​ണെന്ന്​ ഷെയിൻ. അ​തി​നാ​ൽ, ക​ഥാ​പാ​ത്ര​ത്തിൻെറ ‘മൂ​ഡി’​ലേ​ക്ക്​ പ​ക​ർ​ന്നാ​ടാ​ൻ ആ​വ​ശ്യ​ത്തി​ന്​ സ​മ​യം ചോ​ദി​ക്കു​േമ്പാ​ൾ, അ​തി​നെ വി​ല​ക്കി​െ​ൻ​റ വി​ല​ങ്ങു​കാ​ട്ടി പേ​ടി​പ്പി​ക്കുന്നത്​ ഷെയിം അല്ലേ എന്നാണ്​ പുതുമുറ നട​​െൻറ നെഞ്ചിൽ കുത്തുന്ന ചോദ്യം. എൻെറ കൈ​യും കാ​ലും കെ​ട്ടി​യി​ട്ടാ​ണോ വി​ല​ക്കാ​ൻ പോ​കു​ന്ന​ത്​ എന്ന ആ തറപ്പിച്ച ചോദ്യത്തിൽ നി​ർ​മാ​താ​ക്കളുടെ പി​ടുത്തമയഞ്ഞു. വി​ല​ക്ക​ല്ല, നി​സ്സഹ​ക​ര​ണ​മാ​ണ്​ എന്ന്​ അവർ തിരുത്തി.
ആദ്യ പടത്തി​​െൻറ പേര്​ ‘താ​ന്തോ​ന്നി’. അതിങ്ങനെ അറം പററ്റുമെന്നു നിനച്ചില്ല.

പൃ​ഥ്വിരാ​ജിൻെറ വ​ട​ക്ക​ൻവീ​ട്ടി​ൽ കൊ​ച്ചു​കു​ഞ്ഞ്​ എ​ന്ന ത​നി താ​ന്തോ​ന്നി ക​ഥാ​പാ​ത്ര​ത്തി​െ​ൻ​റ ചെ​റു​പ്പ​കാ​ല​മാ​ണ്​ ആദ്യവേഷം. ഇ​പ്പോ​ൾ നി​ർ​മാ​താ​ക്ക​ളു​ടെ ക​ണ്ണി​ൽ അ​സ്സ​ൽ താ​ന്തോ​ന്നി കൊ​ച്ചു​കു​ഞ്ഞും പൃ​ഥ്വി​രാജുമൊന്നുമ​ല്ല; ഷെ​യ്​​ൻ നി​ഗ​മാ​ണ്. കൃ​ത്യ​സ​മ​യ​ത്ത്​ ലൊ​ക്കേ​ഷ​നി​ൽ വ​രാ​തെ സെ​റ്റി​ലു​ള്ള​വ​രെ മു​ഴ​ു​വ​ൻ മു​ഷി​പ്പി​ക്കു​ന്ന, ഷൂ​ട്ടി​ങ്ങി​നി​ട​യി​ൽ ഇ​ല്ലാ കാ​ര​ണ​ങ്ങ​ൾ പ​റ​ഞ്ഞ്​ തോ​ന്നി​യ​പോ​ലെ ഇ​റ​ങ്ങി​പ്പോ​കു​ന്ന, ക​രാ​റി​ൽ പ​റ​ഞ്ഞ​തി​നേ​ക്കാ​ളും പ്ര​തി​ഫ​ലത്തിന്​ ഭീ​ഷ​ണി​പ്പെ​ടു​ത്തു​ന്ന, ഫേ​സ്​​ബു​ക്ക്​ ലൈ​വി​ൽ വ​ന്ന്​ ആ​ളു​ക​ളെ ചീ​ത്ത​പ​റ​യു​ന്ന ശു​ദ്ധ താ​ന്തോ​ന്നി.

കു​റേയൊക്കെ ക്ഷമിച്ചു. നെല്ലിപ്പലകയും കടന്നത്​ ‘വെ​യ്​​ൽ’ വി​വാ​ദ​ത്തോ​ടെ. ‘പയ്യ​ന്​ അ​ച്ച​ട​ക്ക​മി​ല്ല’ എന്ന്​ നി​ർ​മാ​താ​വ്. അ​തി​നാ​ൽ ഒ​ന്ന്​ ഫോ​ണി​ൽ വി​ളി​ച്ച്​ ഉ​പ​ദേ​ശി​ച്ചു. അ​തി​നെ നാ​ട്ടുകാരും​ മീ​ഡി​യ​യും ചേ​ർ​ന്ന്​ വ​ധ​ഭീ​ഷ​ണി​യാ​ക്കി. വ​ലി​യ പു​ലി​വാ​ലാ​യി കാ​ര്യ​ങ്ങ​ൾ. അ​തൊ​ക്കെ പ​റ​ഞ്ഞ്​ ഒ​ത്തു​തീ​ർ​പ്പാ​ക്കി ​ഒ​രാ​ഴ്​​ച തി​ക​ഞ്ഞി​ല്ല, ചെ​റു​ക്ക​ൻ പി​ന്നെ​യും പ​ഴ​യ പടി. ക​ഥാ​പാ​ത്ര​ത്തി​നാ​യി നീ​ട്ടിവ​ള​ർ​ത്തി​യ മു​ടി മു​റി​ച്ചു ആ​ള്​ പോ​രി​നു തന്നെ കച്ചകെട്ടി.

പി​ന്നെ വി​ല​ക്കല്ലാതെ വേറെ എന്തുവഴി? കേട്ടാൽ ന്യാ​യ​ം. പ​ക്ഷേ, ഇ​തൊ​ന്നും ദഹിക്കാത്തവരും കുറവല്ല. രാ​ജീ​വ്​ ര​വിയിൽ തുടങ്ങി സലിംകുമാർ വരെ. അവ​രും പ​ടം​പി​ടുത്ത​ക്കാ​രും വേഷമിടുന്നവരുമാ​ണ​ല്ലോ. രാ​ജീ​വ്​ ര​വി​യു​ടെ ‘ഞാ​ൻ സ്​​റ്റീ​വ്​ ലോ​പ​​സ്​’ എ​ന്ന പ​ടം വേ​ണ്ടെ​ന്നു​വെ​ച്ച ‘അ​ഹ​ങ്കാ​രി’​യാ​ണ്​ ഇ​പ്പ​റ​ഞ്ഞ ഷെ​യ്​​ൻ എ​ന്നോ​ർ​ക്ക​ണം. എ​ന്നി​ട്ടു അ​ദ്ദേ​ഹവുമുണ്ട്​ ‘​താ​ന്തോ​ന്നി’യുടെ പി​റ​കെ. അങ്ങനെ പിന്തുണയുടെ നിര നീളം കൂടുന്തോറും കാര്യങ്ങൾ കഞ്ചാവിൻ പുറത്തല്ല എന്ന്​ വെളിപ്പെട്ടുവരുന്നില്ലേ?

സെ​റ്റി​ൽ ‘താ​ന്തോ​ന്നി’​യാ​ണെ​ങ്കി​ലും ക​ഥാ​പാ​ത്ര​ങ്ങ​ള​ത്ര​യു​ം പോ​രാ​ളി​യു​ടേ​താ​ണ്. ‘ഇ​ഷ്​​കി’​െ​ൻ​റ ചി​ത്രീ​ക​ര​ണ സ​മ​യം. സ്വ​ന്തം ശ​രീ​രം പോ​​ലും നോ​ക്കാ​തെ ത​ക​ർ​ത്ത​ഭി​ന​യി​ക്കു​ക​യാ​ണ്​. ഇ​ങ്ങ​നെ​ പോ​യാ​ൽ ഷെ​യ്​​നി​െ​ൻ​റ ആ​രോ​ഗ്യം നി​ല​നി​ർ​ത്താ​ൻ ക​ഴി​യി​ല്ലെ​ന്ന്​ മ​ന​സ്സിലാ​ക്കി​യ സം​വി​ധാ​യ​ക​ൻ ചോ​ദി​ച്ചു: ‘‘ഷെ​യ്​​നേ, അ​ഭി​ന​യ​വും ജീ​വ​ത​വും ര​ണ്ടല്ലേ, ഒ​ന്ന്​ ശ്ര​ദ്ധി​ച്ചു​പോ​രെ ഇ​തൊ​ക്കെ?’’. അല്ല, എ​നി​ക്കി​ത്​ ര​ണ്ടും ര​ണ്ട​ല്ല, ഒ​ന്നാ​ണ് എന്ന ആ ഒന്നൊന്നര മറുപടിയുണ്ടല്ലോ, അതാണ്​ ഷെ​യ്​​ൻ. ചെ​യ്​​ത ക​ഥാ​പാ​ത്ര​ങ്ങ​ളി​ലെ​ല്ലാം അ​ത്​ കാ​ണാം. വ​ള​ർ​ന്നു​വ​ന്ന വ​ഴി​ക​ളി​ൽ അ​നു​ഭ​വി​ച്ച സം​ഘ​ർ​ഷ​ങ്ങ​ളും പ്ര​തി​സ​ന്ധി​ക​ളു​മൊ​ക്കെ അ​തി​ൽ പ്ര​തി​ഫ​ലി​ക്കു​ന്നു​ണ്ട്. അ​തിൽ​ അ​ഭി​ന​യ​വും ജീ​വി​ത​വും ര​ണ്ടാ​യി പിരിക്കാനാവി​ല്ല. അ​ത്തരമൊരാ​ൾ​ക്ക്​ ഒ​രു ക​ഥാ​പാ​ത്ര​ത്തി​െ​ൻ​റ മൂ​ഡി​ലേ​ക്ക്​ വ​രാ​ൻ ഷെ​ഡ്യൂ​ളി​െ​ൻ​റ​യും കാ​ൾ ഷീ​റ്റി​െ​ൻ​റ​യും ക​ണ​ക്കു​ക​ള്ളി​ക​ൾ മ​തി​യാ​കാ​തെ വ​രുന്നത്​ കുറവല്ല, ഗുണമല്ലേ? 24 വ​യ​സ്സുമാ​ത്ര​മു​ള്ള ഒ​രാ​ളു​ടെ പ​ക്വ​ത​യി​ല്ലാ​യ്​​മ കൂ​ടി​യു​ണ്ട്​ അ​തി​ൽ. അ​തി​നു​ള്ള മ​രു​ന്ന്​ എ​ന്താ​ണെ​ങ്കി​ലും വി​ല​ക്ക​ല്ല.

1995 ഡി​സം​ബ​ർ 21ന്​ ​കൊ​ച്ചി​യി​ൽ ജ​ന​നം. മി​മി​ക്രി ക​ലാ​കാ​ര​നും അ​ഭി​നേ​താ​വും ഡ​ബ്ബി​ങ്​ ആ​ർ​ടി​സ്​​റ്റു​മാ​യി​രു​ന്ന ക​ലാ​ഭ​വ​ൻ അ​ബി എ​ന്ന ഹ​ബീ​ബ്​ മു​ഹ​മ്മ​ദി​െ​ൻ​റ​യും സു​നി​ല​യു​ടെ​യും മൂ​ത്ത മ​ക​ൻ. എ​ള​മ​ക്ക​ര​യി​ലെ ഭ​വ​ൻ​സ്​ വി​ദ്യാ മ​ന്ദി​റി​ലാ​യി​രു​ന്നു പ്രാ​ഥ​മി​ക വി​ദ്യാ​ഭ്യാ​സം. പി​ന്നീ​ട്​ രാ​ജ​ഗി​രി സ്​​കൂ​ൾ ഓ​ഫ്​ എ​ൻ​ജി​നീ​യ​റി​ങ്​ ആ​ൻ​ഡ്​ ടെ​ക്​​നോ​ള​ജി​യി​ൽ ബി​രു​ദ​ത്തി​ന്​ ചേ​ർ​ന്നു. പ​ക്ഷേ, പ​ഠ​നം പൂ​ർ​ത്തി​യാ​ക്കു​ന്ന​തി​നു​ മു​ന്നെ സി​നി​മ​യി​ലെ​ത്തി. സി​നി​മ​യി​ലെ​ത്തും മു​​മ്പ്​ ത​ന്നെ, ടെ​ലി​വി​ഷ​ൻ സീ​രി​യ​ലു​ക​ളി​ലും റി​യാ​ലി​റ്റി ഷോ​ക​ളി​ലും മു​ഖം കാ​ണി​ച്ച്​ കൈ​യ​ടി നേ​ടി​യി​രു​ന്നു. പ​ത്തു വ​ർ​ഷം മു​മ്പ്​ ഏ​ഷ്യ​നെ​റ്റി​ൽ സം​പ്രേ​ഷ​ണം ചെ​യ്​​ത ‘ഹെ​ലോ കു​ട്ടി​ച്ചാ​ത്ത​ൻ’ ആ​ണ്​ അ​തി​ലൊ​ന്ന്. അ​മൃ​ത ടി.​വി​യി​ലെ ഡാ​ൻ​സ്​ റി​യാ​ലി​റ്റി ഷോ​യി​ലും മി​ക​ച്ച പ്ര​ക​ട​നം പു​റ​ത്തെ​ടു​ത്തു.

2010ലാ​ണ്​ ‘താ​ന്തോ​ന്നി’ പു​റ​ത്തു​വ​ന്ന​ത്. അ​തേ വ​ർ​ഷം അ​മ​ൽ നീ​ര​ദ്​ -പൃ​ഥ്വി​രാ​ജ്​ ചി​ത്ര​മാ​യ ‘അ​ൻ​വ​റി’​ലും ചെ​റി​യ വേ​ഷം. പി​ന്നെ​യും മൂ​ന്നു വ​ർ​ഷ​മെ​ടു​ത്തു, ഷെ​യ്​​ൻ നി​ഗം എ​ന്ന താ​ര​ത്തി​െ​ൻ​റ റേ​ഞ്ച്​ മ​ല​യാ​ളി​ക്ക്​ പി​ടി​കി​ട്ടാ​ൻ. ‘നീ​ലാ​കാ​ശം, പ​ച്ച​ക്ക​ട​ൽ, ചു​വ​ന്ന ഭൂ​മി’​യി​ലെ ശ്യാം, ‘​അ​ന്ന​യും റ​സൂ​ലി’​ലെ കു​ഞ്ഞു​മോ​ൻ എ​ന്നി​വ മു​ഴ​ു​നീ​ള ക​ഥാ​പാ​ത്ര​ങ്ങ​ളാ​യി​രു​ന്നി​ല്ല. പ​​േക്ഷ, ആ ​ചെ​റു​വേ​ഷ​ങ്ങ​ളി​ൽത​ന്നെ ഷെ​യ്​​ൻ പ്ര​തി​ഭ അ​ട​യാ​ള​പ്പെ​ടു​ത്തി. അ​തു​കൊ​ണ്ടാ​ണ്​ രാ​ജീ​വ്​ ര​വി ‘സ്​​റ്റീ​വ്​ ലോ​പ്​​സി’​ലേ​ക്ക്​ വി​ളി​ച്ച​ത്. പി​ന്നെ​ തി​രി​ഞ്ഞു​നോ​ക്കേ​ണ്ടി വ​ന്നി​ട്ടി​ല്ല.

ബാ​ല്യ​കാ​ല സ​ഖി, ക​മ്മ​ട്ടി​പ്പാ​ടം, കി​സ്​​മ​ത്ത്, c/o സൈ​റ ബാ​നു, പ​റ​വ, ഈ​ട, കു​മ്പ​ള​ങ്ങി നൈ​റ്റ്​​സ്, ഇ​ഷ്​​ക്, ഓ​ള്​ തു​ട​ങ്ങി​യ പ​ട​ങ്ങ​ളൊ​ന്നും പ്രേ​ക്ഷ​ക​രെ നി​രാ​ശ​പ്പെ​ടു​ത്തി​യി​ല്ല. ന​ന്നാ​യി ശ്ര​ദ്ധി​ച്ച്, ക​ഥാ​പാ​ത്ര​ത്തെ വേ​ണ്ട​പോ​ലെ പ​ഠി​ച്ച​ശേ​ഷ​മാ​ണ്​ ഓ​രോ സി​നി​മ​യും തെ​ര​ഞ്ഞെ​ടു​ക്കു​ന്ന​ത്. അ​തി​നാ​ൽ, ഓ​രോ സി​നി​മ​ക്കും ഒ​രു വ​ർ​ഷം വ​രെ മാ​റ്റി​വെ​ക്കും. അ​താ​ണ്​ രീ​തി. ആ ​രീ​തി പ​ക്ഷേ, എ​ല്ലാ​വ​ർ​ക്കും മ​ന​സ്സി​ലാ​യി​ക്കൊ​ള്ള​ണ​മെ​ന്നി​ല്ല​. സി​നി​മ ഒ​രു ക​ല മാ​ത്ര​മ​ല്ല, ക​ച്ച​വ​ട​വും കൂ​ടി​യാ​ണ​ല്ലൊ. ഒ​രു വി​ഗ്ഗി​ലൂ​ടെ പ​രി​ഹ​രി​ക്കാ​വു​ന്നൊ​രു പ്ര​ശ്​​ന​ത്തെ ഏ​ഴു കോ​ടി​യി​ലേ​ക്കൊ​ക്കെ വ​ലി​ച്ചു​നീ​ട്ടി​യ​ത്​ ഏ​താ​യാ​ലും ക​ഷ്​​ട​മാ​യി​പ്പോ​യി എ​ന്നേ പ​റ​യേ​ണ്ടൂ.

സം​വി​ധാ​ന​ത്തി​ലും സം​ഗീ​ത​ത്തി​ലും താ​ൽ​പ​ര്യ​മു​ള്ള​യാ​ളാ​ണ്. ഷെ​യ്​​ൻ സം​വി​ധാ​നം ചെ​യ്​​ത ‘മാ​റ്റി​നി’, ‘ചി​രി’ തു​ട​ങ്ങി​യ ഹ്ര​സ്വ​ചി​ത്ര​ങ്ങ​ൾ യു ​ട്യൂ​ബി​ൽ കാ​ണാം. ഒ​ഴി​വു സ​മ​യ​ങ്ങ​ളി​ൽ ഒ​രു​ക്കി​യ ചി​ല മ്യൂ​സി​ക്​ ട്രാ​ക്കു​ക​ളു​ണ്ട്, ഏ​മാ​ന്മാ​ർ വി​ല​ക്കി​യി​ല്ലെ​ങ്കി​ൽ അ​ടു​ത്ത വ​ർ​ഷം അ​തും ചി​ല സി​നി​മ​ക​ളി​ൽ പ്ര​ത്യ​ക്ഷ​പ്പെ​ടും. എ​ള​മ​ക്ക​ര​യി​ലെ വീ​ട്ടി​ൽ അ​നി​യ​ത്തി​മാ​രാ​യ അ​ലീ​ന​യും അ​ഹാ​ന​യു​മു​ണ്ട്​; അ​ബി​യു​ടെ ക​ണ്ണീ​രോ​ർ​മ​ക​ളി​ൽ ചി​രി​പ​ട​ർ​ത്തി സു​നി​ല​യും കൂ​ട്ടി​നു​ണ്ട്. ഇ​ൻ​സ്​​റ്റാ​ഗ്രാ​മി​ലെ ടാ​ഗ്​ ​ൈല​ൻ, സിനിമയും ജീവിതവും രണ്ടല്ല എന്നു വിശ്വസിക്കുന്നയാളുടെ ഉറച്ച നി​ല​പാ​ട്,  ‘വ​ൺ ലൗ’ എന്നാണ്​.

Loading...
COMMENTS