ഇ​നി​യും മ​ട​ക്കം ‘സാ​ധാ​ര​ണ​നി​ല’​യി​ലേ​ക്കോ?

കോ​വി​ഡ് പ്ര​തി​സ​ന്ധി ഇ​നി​യും വ​രാ​നി​രി​ക്കു​ന്ന​തേ​യു​ള്ളൂ. അ​ങ്ങ​നെ സം​ഭ​വി​ച്ചു​കൊ​ള്ള​ണം എ​ന്നു​ മി​ല്ല. ന​മു​ക്ക് അ​റി​ഞ്ഞു​കൂ​ടാ. ഇ​നി അ​ത് വ​രു​ക​യാ​ണെ​ങ്കി​ൽ നി​ല​വി​ലു​ള്ള മ​ത​പ​ര​വും ജാ​തീ​യ​വും വ​ർ ​ഗീ​യ​വു​മാ​യ എ​ല്ലാ മു​ൻ​വി​ധി​ക​ളും ഉ​പ​യോ​ഗി​ച്ച്​ ആ ​പ്ര​തി​സ​ന്ധി കൈ​കാ​ര്യം ചെ​യ്യ​പ്പെ​ടും എ​ന്ന് ന ​മു​ക്ക് ഉ​റ​പ്പി​ക്കാം. വ​ള​രെ കു​റ​ച്ചു പ​രി​ശോ​ധ​ന മാ​ത്രം വെ​ച്ചു​ള്ള, തീ​ർ​ത്തും ആ​ശ്ര​യി​ക്കാ​ൻ പ​റ്റ ാ​ത്ത ക​ണ​ക്കു​ക​ളാ​ണ്​ ന​മു​ക്ക്​ ല​ഭി​ച്ചു​കൊ​ണ്ടി​രി​ക്കു​ന്ന​ത്. വി​ദ​ഗ്ധാ​ഭി​പ്രാ​യ​ത്തി​ൽ ദ​ശ​ല​ക്ഷ​ക്ക​ണ​ക്കി​ന് രോ​ഗ​ബാ​ധി​ത​രു​ണ്ട്. മ​ര​ണ​സം​ഖ്യ വ​ള​രെ കു​റ​വാ​യി​രി​ക്കു​മെ​ന്ന് ക​രു​തു​ന്ന​വ​രു​മു​ണ്ട്. ഈ ​പ്ര​തി​സ​ന്ധി​യു​ടെ യ​ഥാ​ർ​ഥ ചി​ത്രം, അ​ത് ന​മ്മെ ബാ​ധി​ക്കു​മ്പോ​ൾ പോ​ലും നാം ​ഒ​രി​ക്ക​ലും അ​റി​ഞ്ഞു​കൊ​ള്ള​ണ​മെ​ന്നി​ല്ല. ആ​ശു​പ​ത്രി​ക​ൾ തേ​ടി​യു​ള്ള ഓ​ട്ടം തു​ട​ങ്ങി​യി​ട്ടി​ല്ല എ​ന്നു​മാ​ത്ര​മാ​ണ് ന​മു​ക്ക് ഇ​പ്പോ​ൾ പ​റ​യാ​ൻ ക​ഴി​യു​ക. ഇ​ന്ത്യ​യി​ലെ സ​ർ​ക്കാ​ർ ആ​ശു​പ​ത്രി​ക​ൾ​ക്കും ക്ലി​നി​ക്കു​ക​ൾ​ക്കും യൂ​റോ​പ്പി​ലോ അ​മേ​രി​ക്ക​യി​ലോ ഇ​പ്പോ​ൾ സം​ഭ​വി​ച്ച​തു​പോ​ലെ​യു​ള്ള ഒ​രു പ്ര​തി​സ​ന്ധി കൈ​കാ​ര്യം ചെ​യ്യാ​ൻ ക​ഴി​യി​ല്ല. വ​യ​റി​ള​ക്കം, പോ​ഷ​കാ​ഹാ​ര​ക്കു​റ​വ്, മ​റ്റ് ആ​രോ​ഗ്യ​പ്ര​ശ്ന​ങ്ങ​ൾ എ​ന്നി​വ​യാ​ൽ ദ​ശ​ല​ക്ഷം കു​ട്ടി​ക​ൾ പ്ര​തി​വ​ർ​ഷം ഇ​ന്ത്യ​യി​ൽ മ​രി​ക്കു​ന്ന​താ​യാ​ണ് ക​ണ​ക്ക്. ലോ​ക​ത്തി​ലെ ക്ഷ​യ​രോ​ഗി​ക​ളി​ൽ കാ​ൽ ഭാ​ഗ​ത്തോ​ളം ഇ​വി​ടെ​യാ​ണ്. വി​ള​ർ​ച്ച രോ​ഗ​വും പോ​ഷ​ക​ക്കു​റ​വും​കൊ​ണ്ട് ചെ​റു​തും വ​ലു​തു​മാ​യ ഏ​തു രോ​ഗ​വും മാ​ര​ക​മാ​യേ​ക്കാ​വു​ന്ന ഒ​രു വ​ലി​യ വി​ഭാ​ഗം ജ​ന​ങ്ങ​ൾ ഇ​വി​ടെ​യു​ണ്ട്.

കൊ​റോ​ണ വൈ​റ​സി​നെ കൈ​കാ​ര്യം ചെ​യ്യാ​നാ​യി മ​റ്റ്​ ആ​രോ​ഗ്യ​പ​രി​ര​ക്ഷ​യൊ​ക്കെ ഏ​റ​ക്കു​റെ നി​ർ​ത്തി​വെ​ച്ചി​രി​ക്കു​ക​യാ​ണ്. പേ​രു​കേ​ട്ട ഡ​ൽ​ഹി എ​യിം​സി​ലെ ട്രോ​മാ സെ​ൻ​റ​ർ അ​ട​ച്ചി​രി​ക്കു​ന്നു. കാ​ൻ​സ​ർ അ​ഭ​യാ​ർ​ഥി​ക​ൾ എ​ന്ന​റി​യ​പ്പെ​ടു​ക​യും എ​യിം​സി​നു​പു​റ​ത്ത് നി​ര​ത്തി​ൽ ക​ഴി​യു​ക​യും ചെ​യ്യു​ന്ന അ​ർ​ബു​ദ രോ​ഗി​ക​ളെ കാ​ലി​ക​ളെ എ​ന്ന​പോ​ലെ അ​വി​ടെ​നി​ന്നു പാ​യി​ച്ചി​രി​ക്കു​ന്നു. ജ​ന​ങ്ങ​ൾ രോ​ഗ​ബാ​ധി​ത​രാ​വു​ക​യും വീ​ടു​ക​ളി​ൽ മ​രി​ക്കു​ക​യും ചെ​യ്യും. അ​വ​രു​ടെ​യൊ​ന്നും വാ​ർ​ത്ത​ക​ൾ നാം ​ഒ​രി​ക്ക​ലും അ​റി​ഞ്ഞു​കൊ​ള്ള​ണ​മെ​ന്നി​ല്ല. ത​ണു​ത്ത കാ​ലാ​വ​സ്ഥ​യാ​ണ് വൈ​റ​സി​ന് ഏ​റെ പ്രി​യം എ​ന്ന പ​ഠ​ന​ങ്ങ​ളി​ൽ പ്ര​തീ​ക്ഷ​യ​ർ​പ്പി​ക്കാ​നേ ന​മു​ക്ക് ക​ഴി​യൂ. (ചി​ല ഗ​വേ​ഷ​ക​ർ ഇ​തി​ൽ സം​ശ​യ​വും പ്ര​ക​ടി​പ്പി​ച്ചി​ട്ടു​ണ്ട്). ഇ​ത്ര​യും യു​ക്തി​ഹീ​ന​മാ​യി, ക​ത്തു​ന്ന ഗ്രീ​ഷ്മ​ത്തി​നാ​യി ഒ​രു ജ​ന​ത ആ​ഗ്ര​ഹി​ച്ചി​ട്ടു​ണ്ടാ​വി​ല്ല.

എ​ന്താ​ണ് ന​മു​ക്ക് ഇൗ ​വ​ന്നു​ഭ​വി​ച്ചി​രി​ക്കു​ന്ന​ത്​? അ​തൊ​രു വൈ​റ​സ് ത​ന്നെ. സ്വ​ന്തം നി​ല​ക്ക് അ​തി​ന് ഒ​രു ധാ​ർ​മി​ക വ​ക്കാ​ല​ത്തി​ല്ല. എ​ന്നാ​ൽ തീ​ർ​ച്ച​യാ​യും അ​ത് വൈ​റ​സി​നും അ​പ്പു​റ​ത്ത് മ​റ്റെ​ന്തോ ആ​ണ്. ന​മ്മെ സു​ബോ​ധ​ത്തി​ലേ​ക്കു തി​രി​ച്ചു​കൊ​ണ്ടു​വ​രാ​നു​ള്ള ദൈ​വ​ത്തി​െ​ൻ​റ ഒ​രു വ​ഴി​യാ​ണ് ഇ​തെ​ന്ന് ചി​ല​ർ വി​ശ്വ​സി​ക്കു​ന്നു. ലോ​ക​ത്തി​െ​ൻ​റ നി​യ​ന്ത്ര​ണം പി​ടി​ക്കാ​നു​ള്ള ഒ​രു ചൈ​നീ​സ് ഗൂ​ഢാ​ലോ​ച​ന​യാ​ണ് ഇ​തെ​ന്ന് വേ​റെ​ചി​ല​രും ക​രു​തു​ന്നു. അ​ത് എ​ന്തു ത​ന്നെ​യാ​യാ​ലും ശ​രി, കൊ​റോ​ണ വൈ​റ​സ് ശ​ക്തി​യു​ള്ള​വ​നെ മു​ട്ടു​കാ​ലി​ൽ നി​ർ​ത്തു​ക​യും മ​റ്റൊ​ന്നി​നും ക​ഴി​യാ​ത്ത​വി​ധ​ത്തി​ൽ ലോ​ക​ത്തെ നി​ശ്ച​ല​മാ​ക്കു​ക​യും ചെ​യ്തി​രി​ക്കു​ന്നു. ന​മ്മു​ടെ മ​ന​സ്സ് ഇ​പ്പോ​ഴും മു​ന്നോ​ട്ടും പി​റ​കോ​ട്ടും പാ​ഞ്ഞു​കൊ​ണ്ടി​രി​ക്കു​ന്നു. സാ​ധാ​ര​ണ​നി​ല തി​രി​ച്ചു​വ​രാ​നും ന​മ്മു​ടെ ഭാ​വി​യെ ഭൂ​ത​കാ​ല​വു​മാ​യി തു​ന്നി​ച്ചേ​ർ​ക്കാ​നും അ​തി​ൽ ഒ​രു പി​ള​ർ​പ്പ് വ​രാ​തി​രി​ക്കാ​നാ​യി നാം ​ശ്ര​മി​ച്ചു​കൊ​ണ്ടി​രി​ക്കു​ക​യും ചെ​യ്യു​ന്നു. എ​ന്നാ​ൽ, ഒ​രു പി​ള​ർ​പ്പ് നി​ല​വി​ലു​ണ്ട്. ഈ ​ക​ടു​ത്ത നി​രാ​ശ​ക്കി​ട​യി​ലും നാം ​ന​മു​ക്കാ​യി പ​ണി​ത അ​ന്ത്യ​ദി​നം എ​ന്ന യ​ന്ത്ര​ത്തെ​ക്കു​റി​ച്ച് പു​ന​രാ​ലോ​ചി​ക്കാ​ൻ വൈ​റ​സ് സാ​വ​കാ​ശം ത​ന്നി​രി​ക്കു​ക​യാ​ണ്.

കോവിഡ്​ ബാധിച്ച്​ മരിച്ച മാഹി ചെറുകല്ലായി സ്വദേശി മഹ്​റൂഫി​​​െൻറ മൃതദേഹം ഖബറടക്കുന്നതിന്​ മുമ്പ്​ പരിയാരം കോരൻപീടിക ജുമാമസ്​ജിദ്​ ഖബർസ്ഥാനിൽവെച്ച്​ മയ്യിത്ത്​ നമസ്​കാരം നിർവഹിക്കുന്നു

നാം ‘​സാ​ധാ​ര​ണ​നി​ല’ എ​ന്നു​ക​രു​തു​ന്ന​തി​ലേ​ക്ക് മ​ട​ങ്ങു​ന്ന​തി​നെ​ക്കാ​ൾ മോ​ശ​മാ​യി മ​റ്റൊ​ന്നും ത​ന്നെ​യി​ല്ല. ച​രി​ത്ര​പ​ര​മാ​യി നോ​ക്കി​യാ​ൽ ഭൂ​ത​കാ​ല​വു​മാ​യു​ള്ള ബ​ന്ധം വി​ച്ഛേ​ദി​ച്ച്​ പു​തി​യ ലോ​ക​വീ​ക്ഷ​ണം സ​ങ്ക​ൽ​പി​ക്കാ​ൻ ആ​ഗോ​ള പ​ക​ർ​ച്ച​വ്യാ​ധി​ക​ൾ മ​നു​ഷ്യ​രെ നി​ർ​ബ​ന്ധി​ച്ചി​ട്ടു​ണ്ട്. കൊ​റോ​ണ വൈ​റ​സും വ്യ​ത്യ​സ്ത​മാ​യ ഒ​ന്ന​ല്ല. ഇ​തൊ​രു വാ​തി​ലാ​ണ്. ഒ​രു ലോ​ക​ത്തി​നും അ​ടു​ത്ത ലോ​ക​ത്തി​നും ഇ​ട​യി​ലാ​യു​ള്ള പ്ര​വേ​ശ​ന​ക​വാ​ടം. ന​മ്മു​ടെ മു​ൻ​വി​ധി​ക​ളു​ടെ​യും വെ​റു​പ്പി​െ​ൻ​റ​യും ആ​ർ​ത്തി​യു​ടെ​യും ​േഡ​റ്റ ബാ​ങ്കി​െ​ൻ​റ​യും മൃ​ത​മാ​യ ആ​ശ​യ​ങ്ങ​ളു​ടെ​യും ജ​ഡ​വും വ​ലി​ച്ച്​ ന​മു​ക്കു​വേ​ണ​മെ​ങ്കി​ൽ അ​തി​ലൂ​ടെ പ്ര​വേ​ശി​ക്കാം; ന​മ്മു​ടെ മ​രി​ച്ച പു​ഴ​ക​ളെ​യും പു​ക​യി​രു​ണ്ട ആ​കാ​ശ​ത്തെ​യും വി​ട്ടേ​ച്ചു​കൊ​ണ്ട്. അ​ത​ല്ലെ​ങ്കി​ൽ ല​ഘു ഭാ​ണ്ഡ​വു​മാ​യി ന​മു​ക്ക് അ​നാ​യാ​സം അ​തി​ലൂ​ടെ ന​ട​ന്നു ക​യ​റാം; മ​റ്റൊ​രു ലോ​കം ഭാ​വ​ന ചെ​യ്യാ​ൻ ത​യാ​റാ​യി. അ​തി​നു​വേ​ണ്ടി പൊ​രു​താ​ൻ ഒ​രു​ങ്ങി​ക്കൊ​ണ്ടും.

• അ​വ​സാ​നി​ച്ചു

(‘ഫിനാൻഷ്യൽ ടൈംസി’ൽ എഴുതിയ ലേഖനം)
പ​രി​ഭാ​ഷ: പി.​എ.​ഹ​മീ​ദ്