Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightറമദാൻ:...

റമദാൻ: ആത്​മീയോത്​കർഷത്തി​െൻറ പെരുമഴക്കാലം

text_fields
bookmark_border
റമദാൻ: ആത്​മീയോത്​കർഷത്തി​െൻറ പെരുമഴക്കാലം
cancel

ലോക മുസ്​ലിംസമൂഹം വ്രതാനുഷ്​ഠാനത്തി​​​​​െൻറ നാളുകളിലേക്ക്​ കടന്നു. മനുഷ്യ​​​​​െൻറ ആത്​മീയവും ധാർമികവുമായ സവിശേഷ സിദ്ധികൾ വളർത്താനും പ​രി​പോ​ഷി​പ്പി​ക്കാ​നും അനുശാസിക്കപ്പെട്ട വ്രതാനുഷ്​ഠാനത്തിന്​ നൂറ്റാണ്ടുകളുടെ പാരമ്പര്യമുണ്ട്​. വിവിധ മതങ്ങളിലും സമൂഹങ്ങളിലും വ്യത്യസ്​ത രീതികളിൽ ആചരിച്ച വ്രതങ്ങളെക്കുറിച്ച പരാമർശം ചരിത്രഗ്രന്​ഥങ്ങളിൽ കാണാം. വ്രതാനുഷ്​ഠാനത്തെക്കുറിച്ച ഖുർആനി​​​​​െൻറ പ്രഥമ പ്രതിപാദനം ഇങ്ങനെ: വിശ്വസിച്ചവരെ, നിങ്ങൾക്ക്​ മുമ്പുള്ള ജനങ്ങൾക്ക്​ നിർബന്ധമാക്കപ്പെട്ടതുപോലെ നിങ്ങൾക്കും വ്രതാനുഷ്​ഠാനം നിർബന്ധമാക്കപ്പെട്ടിരിക്കുന്നു. അതുവഴി നിങ്ങളിൽ ഭക്​തിയുടെ ഗുണങ്ങൾ വളർന്നേക്കാം’ (അൽബഖറ: 183). 

ഇസ്​ലാമിൽ നിരന്തരവും നിസ്​തന്ദ്രവുമായ ആത്​മസംയമന സാധനയാണ്​ ഒരു മാസം നീണ്ട വ്രതാനുഷ്​ഠാനം. പകലന്തിയോളം ആഹാരപാനീയങ്ങൾ വർജിച്ചും ജഡിക മോഹങ്ങൾ പരിത്യജിച്ചും കഴിയുന്ന വിശ്വാസി രാവുകളിൽ നമസ്​കാരത്തിലും പ്രാർഥനയിലും ദൈവസങ്കീർത്തനത്തിലും മുഴുകുന്നു. പകലുകളും പാതിരാവുകളും നന്മനിറഞ്ഞ കർമങ്ങളിൽ വ്യാപരിച്ച്​ ആത്​മീയോത്​കർഷത്തി​​​​​െൻറ സോപാനങ്ങളിൽ വിരാജിക്കു​േമ്പാൾ, ദൈവം ത​​​​​െൻറ ദാസനിൽ സംപ്രീതനാകുന്നു. റമദാൻ ആസന്നമായ സന്ദർഭത്തിൽ മുഹമ്മദ്​ നബി ത​​​​​െൻറ അനുയായികളെ അഭിസംബോധന ചെയ്​ത്​ നടത്തിയ പ്രഭാഷണം ഉബാദത്തുബ്​നു സ്വാമിത്​​ ഒാർക്കുന്നു: ‘റമദാൻ മാസം ഇതാ ആഗമനമായി, സർവ ​െഎശ്വര്യങ്ങളുടെയും അനുഗ്രഹത്തി​​​​​െൻറയും മാസമാണിത്​. ഇൗ മാസത്തിൽ അല്ലാഹു നിങ്ങളെ ആശീർവദിക്കും.

അവ​​​​​െൻറ കാരുണ്യം പെയ്​തിറങ്ങുന്ന നാളുകളാണിത്​. നിങ്ങളുടെ പാപങ്ങൾ അവൻ മായ്​ക്കും. നിങ്ങളുടെ പ്രാർഥനക്ക്​ ഉത്തരമേകും. കർമങ്ങളിലുള്ള നിങ്ങളുടെ മത്സരം അവൻ വീക്ഷിക്കും. നിങ്ങളെ ചൂണ്ടി അവൻ മാലാഖ​മാരോട്​ ഉൗറ്റംകൊള്ളും. അതിനാൽ നിങ്ങളിലുള്ള എല്ലാ നന്മകളും നന്മനിറഞ്ഞ കർമങ്ങളും അല്ലാഹുവിന്​ കാട്ടിക്കൊടുക്കുക. ദൈവകാരുണ്യം നിഷേധിക്കപ്പെടുന്നവൻ നിർഭാഗ്യവാൻ’. നന്മയുടെ വസന്തമാണ്​റമദാൻ. നന്മനിറഞ്ഞ ജീവിതത്തിന്​ തികച്ചും അനുയോജ്യമായ അന്തരീക്ഷം റമദാനിൽ സൃഷ്​ടിക്കപ്പെടുന്നു. എവിടെ തിരിഞ്ഞാലും നന്മയുടെ നിദർശനങ്ങൾ. കളവില്ല, പൊളിയില്ല, ചതിയില്ല, വഞ്ചനയില്ല, ഏഷണിയുംപരദൂഷണവുമില്ല. ഇത്​ പഞ്ചേന്ദ്രിയങ്ങളുടെ കൂടി നോമ്പാകുന്നു. 

ഇസ്​ലാമിലെ വ്രതാനുഷ്​ഠാനത്തി​​​​​െൻറ ആത്​മീയ പൊരുൾ ഇങ്ങനെ സംഗ്രഹിക്കാം:

  1. ദൈവത്തോടുള്ള അഗാധവും അദമ്യവുമായ സ്​നേഹത്തി​​​​​െൻറ നിദർശനമായാണ്​ നോമ്പനുഷ്​ഠിക്കുന്നത്​.  ദൈവത്തെ ഉള്ളറിഞ്ഞ്​ സ്​നേഹിക്കുന്നവൻ മാത്രമേ യഥാർഥ സ്​നേഹം അറിയുന്നുള്ളൂ. 
  2. നോമ്പ്​ ജീവിതത്തെ സംബന്ധിച്ച പ്രതീക്ഷയും ശുഭവിശ്വാസവും വളർത്തുന്നു. നോമ്പനുഷ്​ഠിക്കുന്ന വ്യക്​തി ദൈവത്തി​​​​​െൻറ കരുണാകടാക്ഷത്തെ തലോടുമെന്ന നിറഞ്ഞ പ്രതീക്ഷയോടെയാണ്​ ഒാരോ നിമിഷവും കഴിയുന്നത്​. 
  3. യഥാർഥ ഭക്​തിയുടെയും ആത്​മാർഥമായ സമർപ്പണത്തി​​​​​െൻറയും ആത്​മത്യാഗത്തി​​​​​െൻറയും ദൈവ സാമീപ്യത്തി​​​​​െൻറയും പരകോടിയിൽ വ്രതം മനുഷ്യനെ പ്രതിഷ്​ഠിക്കുന്നു. ദൈവത്തെ മാത്രം മനസ്സിൽ ധ്യാനിച്ചും ദൈവത്തിന്​ വേണ്ടിയുമാണ്​ നോമ്പ്​. 
  4. മനുഷ്യനിൽ നിതാന്തമായ ജാഗ്രതയും ജാഗ്രത്തായ അവബോധവും അതുളവാക്കുന്നു. വ്രതമനുഷ്​ഠിക്കുന്ന വ്യക്​തി സ്വകാര്യ ജീവിതത്തിലും പരസ്യജീവിതത്തിലും നോമ്പുകാരനാണ്​. ത​​​​​െൻറ നോമ്പു നിരീക്ഷിക്കാനും അതി​​​​​െൻറ ആത്​മസത്ത വിലയിരുത്താനും ഒരു ബാഹ്യശക്​തിയും ഇല്ലെന്നറിഞ്ഞിട്ടും ദൈവത്തി​​​​​െൻറ ഉറങ്ങാത്ത കണ്ണുകളുടെ നിരീക്ഷണ വലയത്തിലാണ്​ താനെന്ന ബോ ധമാണ്​ നോമ്പുകാര​നെ നയിക്കുകയും നിയന്ത്രിക്കുകയും ചെയ്യുന്നത്​. വ്രതമില്ലാത്ത കാലത്തേക്കുള്ള കരുതിവെപ്പാണ്​ ഇൗ അ​വ​ബോ​ധം. ജീവിതത്തിലെ ഏറ്റവും വലിയ കാവലാളാണ്​ ഇൗ വിശ്വാസം. 
  5. മനുഷ്യനിൽ സഹനം വളർത്തുന്ന വ്രതാനുഷ്​ഠാനം വിശപ്പി​​​​​െൻറയും ദാഹത്തി​​​​​െൻറയും അനുഭവങ്ങളിലൂടെ അവനെ കൈപിടിച്ചു കൊണ്ടുപോകുന്നു. ക്ഷമയുടെയും ആത്​മസംയമനത്തി​​​​​െൻറയും പാഠങ്ങളാണ്​ ഇതുമൂലം ലഭിക്കുന്നത്​. 
  6. ഇച്ഛാശക്​തിയു​െട പ്രഭാവം വിളിച്ചോതുന്ന വ്രതം ആത്​മസംയമന സാധനയുടെ പാഠശാലയാണ്​. 
  7. ഏത്​ സാഹചര്യത്തെയും അതിജീവിക്കാനുള്ള കരുത്ത്​ നൽകുന്നു നോമ്പ്​. കാരണം, ത​​​​​െൻറ ദൈനംദിന ജീവിതത്തി​​​​​െൻറ ക്രമങ്ങളെയാസകലം മാറ്റിമറിച്ചുകൊണ്ടാണല്ലോ വ്രതാനുഷ്​ഠാനത്തിൽ മുഴുകുന്നത്​. വികാര^വിചാരങ്ങളുടെ പക്വതകൊണ്ട്​ ശരീരത്തെ മെരുക്കുന്ന പ്രക്രിയ നോമ്പിലൂടെ മാത്രം ലബ്​ധമാവുന്ന സിദ്ധിയാണ്​. 
  8. അച്ചടക്കത്തി​​​​​െൻറയും ആരോഗ്യപൂർണമായ അതിജീവനത്തി​​​​​െൻറയും സോപാനങ്ങളിൽ മനുഷ്യനെ അവരോധിക്കുന്നു നോമ്പ്​. 
  9. സാമൂഹികബോധം, ​െഎക്യം, സാഹോദര്യം, ദൈവത്തി​​​​​െൻറയും നിയമത്തി​​​​​െൻറയും മുന്നിൽ എല്ലാവരും സമന്മാരാണെന്ന വിചാരം^ ഇവയെല്ലാം യഥാർഥ ചൈതന്യത്തോടെ നോമ്പിൽ ദർശിക്കാം. 
  10. പ​​േഞ്ചന്ദ്രിയങ്ങളുടെ കൂടി നോമ്പായതിനാൽ ഉന്നതവും ഉദാത്തവുമായ സ്വഭാവ ഗുണങ്ങളുടെ പടച്ചട്ടണയണിയുന്ന വിശ്വാസി, കുടുംബത്തിലും സമൂഹത്തിലും മാതൃകാ വ്യക്തിയായി വളരുകയും വാഴ്​ത്തപ്പെടുകയും ചെയ്യുന്നു.

സ്​ത്രീ -പുരുഷ ഭേദമെന്യേ പ്രായപൂർത്തിയെത്തിയവർ നിർബന്ധമായി അനുഷ്​ഠിക്കേണ്ട ആരാധനാകർമമാണ്​ വ്രതം. ശാരീരികമായും മാനസികമായും പ്രാപ്​തി ഉണ്ടാവണം. യാത്രയോ രോഗമോ അവശതയോ പ്രായാധിക്യമാ ആണെങ്കിൽ നോമ്പ്​ ഒഴിവാക്കാം. അനുഷ്​ഠിച്ചുവീട്ടാനും പ്രായശ്ചിത്തം നൽകാനും വ്യവസ്​ഥയുണ്ട്​. പ്രായപൂർത്തിയെത്താത്ത, വകതിരിവില്ലാത്ത കുട്ടികൾക്കും മനോവിഭ്രാന്തിയും ഭ്രാന്തുമുള്ള വ്യക്തികൾക്കും മനസ്സി​​​​​െൻറ സമനില തെറ്റി ചിത്തഭ്രമത്തിൽ അകപ്പെട്ടവർക്കും നോമ്പ്​ അനുഷ്​ഠിക്കേണ്ടതില്ല. മറ്റൊരു സന്ദർഭത്തിൽ നോറ്റുവീട്ടാനോ പ്രായശ്ചിത്തം നൽകാനോ അത്തരക്കാർക്ക്​ അനുശാസിക്കപ്പെട്ടിട്ടില്ല.

പ്രായാധിക്യത്താൽ അവശതയനുഭവിക്കുന്ന വയോധികർക്ക് ഒഴിവുണ്ട്​. ഒാരോ ദിവസവും ഒരു സാധുവിന്​ ആഹാരം നൽകി അവർക്ക്​ ഇതിന്​ പരിഹാരം നിർദേശിക്കപ്പെട്ടിരിക്കുന്നു. വ്രതാനുഷ്​ഠാനം സാധ്യമല്ലാത്ത രോഗികൾക്ക്​ പിന്നീട്​ അനുഷ്​ഠിച്ചാൽമതി. യാത്രക്കാർക്കുമുണ്ട്​​ നോ​െമ്പാഴിവാക്കാൻ അനുമതി. ഗർഭിണികൾക്കും കുഞ്ഞുങ്ങളെ മുലയൂട്ടുന്ന മാതാക്കൾക്കും നോമ്പനുഷ്​ഠിക്കേണ്ടതില്ല. മാതാവി​​​​​െൻറയും ഗർഭസ്​ഥ ശിശുവി​​​​​െൻറയും ആരോഗ്യത്തിന്​ ഹാനികരമാവും എന്നതിനാലാണിത്​. പിന്നീട്​ അനുഷ്​ഠിച്ചാൽ മതി അവർക്ക്​. ആർത്തവകാരികൾക്കും പ്രസവിച്ചു കിടക്കുന്ന സത്രീകൾക്കും നോമ്പ്​ ഒഴിവാക്കാം. പിന്നീട്​ നോ​െമ്പടുത്ത്​ അനുഷ്​ഠാനം പൂർത്തിയാക്കണം അവർ. നോമ്പി​​​​​െൻറ പര്യവസാനം കുറിക്കുന്ന അനുഷ്​ഠാനമായി സകാതുൽ ഫിത്വ്​റും (നോമ്പു തീരുന്നതോടെയുള്ള ദാനധർമം) നിർബന്ധമാണ്​.

റമദാൻ മാസത്തിൽ ചില ചിട്ടകളും മര്യാദകളും പ്രവാചകൻ നിഷ്​കർഷിച്ചിട്ടുണ്ട്​. പ്രഭാതോദയത്തിന്​ മുമ്പ്​ ലഘുഭക്ഷണത്തോടെ അത്താഴം, അസ്​തമയത്തോടെ വെള്ളവും കാരക്കയും ഉപയോഗിച്ച്​ നോമ്പുമുറിക്കുക. ആഹാരം സാധ്യമാവുന്നത്ര  ലഘുവും ലളിതവുമാക്കുക, കാരണം മനുഷ്യൻ നിറക്കുന്ന ഏറ്റവും മോശമായ പാത്രം വയറാണെന്ന്​ നബി ഒാർമിപ്പിച്ചിരിക്കുന്നു. രാത്രി നമസ്​കാരം (തറാവീഹ്​) നിർവഹിക്കുക, സന്ദർശനങ്ങളും സാമൂഹിക -ജീവകാരുണ്യ പ്രവർത്തനങ്ങളും വർധിപ്പിക്കുക, പരിശുദ്ധ ഖുർആ​​​​​െൻറ പഠനത്തിലും പാരായണത്തിലും മുഴുകുക, വിനയ ഭാവവും സഹന ശീലവും വളർത്തുക, തെറ്റായ വാക്കുകളും പ്രവൃത്തികളും വർജിക്കുക, പരദൂഷണം, ഏഷണി, ശകാരം തുടങ്ങി നാവുണ്ടാക്കുന്ന നിരവധി വിപത്തുകളിൽനിന്ന്​ കരുതലോടെ വിട്ടുനിൽക്കുക. സർ​വോപരി വ്രതാനുഷ്​ഠാനത്തിലൂടെ ദൈവം സൃഷ്​ടിക്കാനാഗ്രഹിക്കുന്ന വ്യക്തിയായി തന്നെ മാറ്റിയെടുക്കാൻ ആത്മാർഥമായ ശ്രമങ്ങളിൽ ഏർപ്പെടുക. ​വ്രതം ഒരു തീർഥയാത്രയാണ്​. സ്വർഗം തേടിയുള്ള വിശ്വാസിയുടെ തീർഥയാത്ര.

Show Full Article
TAGS:ramadan 
News Summary - ramdan fast starting
Next Story