Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightപ്ര​തി​സ​ന്ധി​ക​ൾ...

പ്ര​തി​സ​ന്ധി​ക​ൾ മ​റി​ക​ട​ക്കാ​ൻ ഇൗ ​റ​മ​ദാ​ൻ

text_fields
bookmark_border
പ്ര​തി​സ​ന്ധി​ക​ൾ മ​റി​ക​ട​ക്കാ​ൻ ഇൗ ​റ​മ​ദാ​ൻ
cancel

‘‘പു​ല​ർ​ന്നെ​ഴു​ന്നേ​ൽ​ക്കു​മ്പോ​ൾ സ​മൂ​ഹ​ത്തി​ൽ ഒ​രു നി​ർ​ഭ​യാ​വ​സ്​​ഥ അ​നു​ഭ​വ​പ്പെ​ടു​ക, ശാ​ രീ​രി​ക​സു​ഖം തോ​ന്നു​ക, അ​ന്നേ​ക്കു​ള്ള ആ​ഹാ​ര​ത്തി​ന്​ വ​ക​യു​ണ്ടാ​യി​രി​ക്കു​ക എ​ന്നീ മൂ​ന്നു കാ​ര്യ​ ങ്ങ​ൾ ഒ​ത്തു​ചേ​ർ​ന്നാ​ൽ ഇൗ ​ലോ​ക​ത്തെ മു​ഴു​വ​ൻ അ​നു​ഗ്ര​ഹ​വും കി​ട്ടി​യ​തു​പോ​ലെ​യാ​യി’’ എ​ന്ന് മു​ഹ​ മ്മ​ദ്​ ന​ബി പ​റ​ഞ്ഞി​ട്ടു​ണ്ട്. അ​ത് യാ​ഥാ​ർ​ഥ്യ​മാ​യി മു​ന്നി​ൽ കാ​ണു​ക​യാ​ണ്​ ന​മ്മ​ൾ ഇ​പ്പോ​ൾ. പു​റ​ത് തി​റ​ങ്ങാ​ൻ പേ​ടി, രോ​ഗം വ​രു​മോ എ​ന്ന ആ​ശ​ങ്ക. കേ​വ​ലം പ്ര​കൃ​തി​യി​ലെ ഒ​രു സ്വാ​ഭാ​വി​ക പ്ര​തി​ഭാ​സ​മാ​യ ി ഈ ​അ​വ​സ്​​ഥ​യെ ക​ണ്ടു​കൂ​ടാ. എ​ല്ലാ ക​ണ​ക്കു​കൂ​ട്ട​ലു​ക​ളു​ടെ​യും അ​പ്പു​റ​ത്ത് ഒ​രു നി​യ​ന്താ​വു​ണ്ടെ ​ന്ന് ബോ​ധ്യ​പ്പെ​ടു​ത്താ​നു​ള്ള താ​ക്കീ​താ​വാം ഇ​ത്. പ​രീ​ക്ഷ​ണ​ഘ​ട്ട​ങ്ങ​ളെ ധൈ​ര്യ​മാ​യി അ​ഭി​മു​ഖീ​ക ​രി​ച്ച്, ക്ഷ​മ​യി​ൽ​കൂ​ടി അ​തി​ജീ​വ​ന​ശേ​ഷി നേ​ടാ​ൻ ആ​ർ​ക്കു ക​ഴി​യു​മെ​ന്ന പ​രീ​ക്ഷ​ണ​മാ​വാം. അ​ഹ​ങ്കാ​ര ​വും ആ​ർ​ഭാ​ട​വും അ​തി​രു​ക​വി​ഞ്ഞ​തി​െ​ൻ​റ ശി​ക്ഷ​യു​മാ​വാം. ഖു​ർ​ആ​ൻ ര​ണ്ടാം അ​ധ്യാ​യ​ത്തി​ൽ ഇ​ങ്ങ​നെ വാ ​യി​ക്കാം: ‘‘കു​റ​ച്ചൊ​ക്കെ ഭ​യം, പ​ട്ടി​ണി, ധ​ന​ന​ഷ്​​ടം, വി​ഭ​വ​ന​ഷ്​​ടം എ​ന്നി​വ മു​ഖേ​ന നി​ങ്ങ​ളെ പ​രീ​ക്ഷി​ക്കു​ക​ത​ന്നെ ചെ​യ്യും. അ​ത്ത​രം സ​ന്ദ​ർ​ഭ​ങ്ങ​ളി​ൽ ക്ഷ​മി​ക്കു​ന്ന​വ​ർ​ക്ക് സ​ന്തോ​ഷ​വാ​ർ​ത്ത. വ​ല്ല ആ​പ​ത്തും ബാ​ധി​ച്ചാ​ൽ അ​വ​ർ പ​റ​യു​ന്ന​ത് ഇ​ങ്ങ​നെ​യാ​യി​രി​ക്കും: ‘‘ഞ​ങ്ങ​ൾ അ​ല്ലാ​ഹു​വിെ​ൻ​റ അ​ധീ​ന​ത്തി​ലാ​ണ്. അ​വ​ങ്ക​ലേ​ക്ക് ത​ന്നെ മ​ട​ങ്ങേ​ണ്ട​വ​രു​മാ​ണ്’’ (2.155–156).

ച​രി​ത്ര​ത്തി​ൽ അ​യ്യൂ​ബ്, യൂ​നു​സ്, മൂ​സാ, മു​ഹ​മ്മ​ദ് തു​ട​ങ്ങി​യ പ്ര​വാ​ച​ക​ന്മാ​രു​ടെ ച​രി​ത്ര​ത്തി​ൽ ഇൗ ​പ​രീ​ക്ഷ​ണ​ങ്ങ​ളെ​ല്ലാം കാ​ണാം. ക്ഷ​മ​യോ​ടെ, ഉ​റ​ച്ച മ​ന​സ്സോ​ടെ അ​വ​ർ അ​തി​നെ നേ​രി​ട്ടു. സ​മൃ​ദ്ധി കാ​ല​ത്ത് അ​ല്ലാ​ഹു​വി​നെ അ​റി​ഞ്ഞ് ജീ​വി​ച്ചാ​ൽ ദു​രി​ത​കാ​ല​ത്ത് അ​ല്ലാ​ഹു അ​റി​ഞ്ഞു സ​ഹാ​യി​ക്കും എ​ന്ന് മു​ഹ​മ്മ​ദ്​ ന​ബി പ​റ​ഞ്ഞി​ട്ടു​ണ്ട്. അ​ല്ലാ​ഹു അ​നു​ഗ്ര​ഹി​ച്ചു​ന​ൽ​കി​യ ഒ​രു തോ​ട്ട​വും സ​മൃ​ദ്ധ​മാ​യ വി​ള​ക​ളും ക​ണ്ട് അ​ഹ​ങ്ക​രി​ച്ച തോ​ട്ട ഉ​ട​മ​ക​ളു​ടെ ക​ഥ ഖു​ർ​ആ​നി​ൽ ‘അ​ൽ​ഖ​ലം’ എ​ന്ന അ​ധ്യാ​യ​ത്തി​ൽ വി​വ​രി​ക്കു​ന്നു​ണ്ട്. അ​നു​ഗ്ര​ഹ​ങ്ങ​ളെ ദു​രു​പ​യോ​ഗം ചെ​യ്​​താ​ൽ ആ ​അ​നു​ഗ്ര​ഹം പി​ൻ​വ​ലി​ക്കാ​നും അ​ല്ലാ​ഹു​വി​നു ക​ഴി​യു​മെ​ന്നാ​ണ് അ​വി​ടെ പ​ഠി​പ്പി​ക്കു​ന്ന​ത്.

ഗ​ൾ​ഫു​കാ​രു​ടെ വി​യ​ർ​പ്പ് നാ​ട്ടി​ലെ ധൂ​ർ​ത്താ​യി മാ​റി​യി​രു​ന്നു. റ​മ​ദാ​നി​ൽ​പോ​ലും ഭ​ക്ഷ​ണ​ങ്ങ​ളും വ​സ്​​ത്ര​ങ്ങ​ളും ആ​വ​ശ്യ​ത്തി​ല​ധി​കം വാ​ങ്ങി​ക്കൂ​ട്ടു​ന്ന ധൂ​ർ​ത്തിെ​ൻ​റ കാ​ല​മാ​യി​രു​ന്നു. പ​ള്ളി​ക​ൾ ആ​രാ​ധ​ന​ക​ൾ​കൊ​ണ്ട് നി​ബി​ഡ​മാ​യി​രു​ന്നെ​ങ്കി​ലും ചി​ല​പ്പോ​ഴെ​ങ്കി​ലും പൊ​ങ്ങ​ച്ച​ത്തിെ​​ൻ​റ ല​ക്ഷ​ണ​ങ്ങ​ൾ കാ​ണാ​മാ​യി​രു​ന്നു. ക​ക്ഷി​വ്യ​ത്യാ​സ​ങ്ങ​ളും ഭി​ന്ന​ത​ക​ളും സ്വാ​ഭാ​വി​ക​ത മ​റി​ക​ട​ന്ന് വി​രോ​ധ​ത്തിെ​ൻ​റ​യും പ്ര​തി​കാ​ര​ദാ​ഹ​ത്തിെ​ൻ​റ​യും മൂ​ർ​ത്ത​ത​ല​ങ്ങ​ളി​ലേ​ക്ക് എ​ത്തി​യി​രു​ന്നു. ഇ​തി​ലെ​ല്ലാം ഉ​പ​രി വം​ശീ​യ​ത​യും വ​ർ​ഗീ​യ​ത​യും രാ​ജ്യ​ത്തെ ഗ്ര​സി​ച്ച ഭീ​ക​രാ​വ​സ്​​ഥ വേ​റെ​യും. ഇ​പ്പോ​ൾ ഈ ​ദു​ര​ന്ത​മു​ഖ​ത്തി​രു​ന്ന് ഇ​ങ്ങ​നെ അ​ലോ​സ​ര​പ്പെ​ടു​ത്തു​ന്ന ചി​ന്ത​ക​ൾ തി​ക​ട്ടി വ​രു​മ്പോ​ഴും, സ​ത്യ​വി​ശ്വാ​സി​ക​ൾ നി​രാ​ശ​രാ​വേ​ണ്ട​തി​ല്ല, എ​ത്ര വ​ലി​യ പാ​പി​ക്കും -അ​വ​നെ​ത്ര ചീ​ത്ത​യാ​യാ​ലും- തി​രി​ച്ചു​വ​രാ​ൻ അ​ല്ലാ​ഹു അ​വ​സ​രം ന​ൽ​കു​ന്നു​ണ്ട്. അ​ല്ലാ​ഹു പ​റ​യു​ന്നു: ‘‘പ​റ​യു​ക, സ്വ​ന്തം ആ​ത്മാ​ക്ക​ളോ​ട് അ​തി​ക്ര​മം പ്ര​വ​ർ​ത്തി​ച്ചു​പോ​യ ദാ​സ​രേ, അ​ല്ലാ​ഹു​വിെ​ൻ​റ കാ​രു​ണ്യ​ത്തി​ൽ നി​രാ​ശ​പ്പെ​ട​രു​ത്.

തീ​ർ​ച്ച​യാ​യും അ​ല്ലാ​ഹു പാ​പ​ങ്ങ​ളെ​ല്ലാം പൊ​റു​ക്കും. തീ​ർ​ച്ച​യാ​യും അ​വ​ൻ​ത​ന്നെ​യാ​കു​ന്നു ഏ​റെ പൊ​റു​ക്കു​ന്ന​വ​നും ക​രു​ണാ​നി​ധി​യും (ഖു​ർ​ആ​ൻ: 39: 53) റ​മ​ദാ​ൻ പ്രാ​ർ​ഥ​ന​ക്ക് കൂ​ടു​ത​ൽ ഉ​ത്ത​രം ല​ഭി​ക്കു​ന്ന മാ​സ​മാ​ണ്. പ്ര​തി​സ​ന്ധി​ക​ളി​ൽ​നി​ന്ന് ര​ക്ഷ​പ്പെ​ടാ​നു​ള്ള മാ​നു​ഷി​ക​മാ​യ എ​ല്ലാ മു​ൻ​ക​രു​ത​ലു​ക​ളും സ്വീ​ക​രി​ച്ചു കൊ​ണ്ട് പ്രാ​ർ​ഥി​ക്കാ​നാ​ണ് ഇ​സ്​​ലാം ക​ൽ​പി​ക്കു​ന്ന​ത്. അ​ല്ലാ​ഹു​വി​ൽ ഭ​ര​മേ​ൽ​പി​ക്കു​ക (ത​വ​ക്കു​ൽ) എ​ന്ന​ത് ഇ​ത്ത​രം ആ​പ​ദ്​​​ഘ​ട്ട​ങ്ങ​ളി​ൽ പ്ര​ത്യേ​കി​ച്ചും വ​ലി​യൊ​രു ര​ക്ഷാ​ക​വ​ച​മാ​ണ്. അ​തി​ന​ർ​ഥം, ചെ​യ്യേ​ണ്ട​തൊ​ന്നും ചെ​യ്യാ​തെ എ​ല്ലാം അ​ല്ലാ​ഹു നോ​ക്കി​ക്കൊ​ള്ളും എ​ന്നു ക​രു​തി കാ​ത്തി​രി​ക്കു​ക​യ​ല്ല. പ​ക​ർ​ച്ച​വ്യാ​ധി​ക​ൾ പ​ട​രാ​തി​രി​ക്കാ​ൻ അ​തു​ള്ള സ്​​ഥ​ല​ങ്ങ​ളി​ലേ​ക്ക് പു​റ​ത്തു​ള്ള​വ​ർ പ്ര​വേ​ശി​ക്ക​രു​തെ​ന്നും അ​ത് വ്യാ​പി​ച്ച സ്​​ഥ​ല​ത്തു​നി​ന്നാ​രും പു​റ​ത്തു ക​ട​ക്ക​രു​തെ​ന്നും മു​ഹ​മ്മ​ദ്​ ന​ബി ക​ർ​ശ​ന​മാ​യി വി​ല​ക്കി​യി​ട്ടു​ണ്ട്. ഇ​ത്ത​രം രോ​ഗ​മു​ള്ള​വ​രെ മ​റ്റു​ള്ള​വ​രി​ൽ​നി​ന്ന്​ അ​ക​റ്റി​നി​ർ​ത്താ​നും ചൊ​റി​പി​ടി​ച്ച ഒ​ട്ട​ക​ത്തെ അ​ല്ലാ​ത്ത​വ​യി​ൽ​നി​ന്ന്​ അ​ക​റ്റാ​നും പ്ര​വാ​ച​ക​ൻ ക​ൽ​പി​ച്ച​ത് ഈ ​മു​ൻ​ക​രു​ത​ലിെ​ൻ​റ ഭാ​ഗ​മാ​ണ്.

ഇ​സ്​​ലാം പ്രാ​യോ​ഗി​ക​ത​യു​ടെ മ​ത​മാ​ണ്. അ​തി​െ​ൻ​റ അ​നു​ഷ്ഠാ​ന​ങ്ങ​ളെ​ല്ലാം ‘സാ​ധി​ക്കു​ന്ന​വ​ർ​ക്ക്’ എ​ന്ന നി​ബ​ന്ധ​ന​യോ​ടെ​യാ​ണ് നി​ശ്ച​യി​ച്ചി​ട്ടു​ള്ള​ത്. ‘അ​ല്ലാ​ഹു ഒ​രാ​ളോ​ടും ക​ഴി​വി​ൽ​പ്പെ​ട്ട​ത​ല്ലാ​തെ ചെ​യ്യാ​ൻ നി​ർ​ബ​ന്ധി​ക്കു​ന്നി​ല്ല’ (ഖു​ർ​ആ​ൻ 2:286). ഹി​ജ്​​റ​വ​ർ​ഷം ഒ​മ്പ​തി​ൽ മ​ദീ​ന​യി​ൽ ചൂ​ടും ക്ഷാ​മ​വും ക​ഠി​ന​മാ​യ കാ​ല​ത്താ​ണ് ത​ബൂ​ക്കി​ലേ​ക്ക്​ യു​ദ്ധ​ത്തി​നു പു​റ​പ്പെ​ടാ​ൻ മു​ഹ​മ്മ​ദ്​ ന​ബി ആ​ജ്ഞാ​പി​ച്ച​ത്. പ്ര​തി​കൂ​ല സാ​ഹ​ച​ര്യ​ത്തി​ൽ സൈ​നി​ക​സേ​വ​ന​ത്തി​ന് സ​ന്ന​ദ്ധ​രാ​യ​വ​ർ​ക്ക് വ​മ്പി​ച്ച പ്ര​തി​ഫ​ല​മു​ണ്ടെ​ന്ന് അ​റി​യി​ക്കു​ക​യും ചെ​യ്തി​രു​ന്നു.

എ​ന്നാ​ൽ, ഈ ​യു​ദ്ധ​ത്തി​നു പോ​കാ​ൻ ത​ട​സ്സം നേ​രി​ട്ട​തി​നാ​ൽ വീ​ട്ടി​ലി​രി​ക്കേ​ണ്ടി വ​ന്ന ചി​ല​ർ ദുഃ​ഖം പ്ര​ക​ടി​പ്പി​ച്ചു. അ​വ​രെ​പ്പ​റ്റി മു​ഹ​മ്മ​ദ്​ ന​ബി പ​റ​ഞ്ഞു: ‘‘മ​ദീ​ന​യി​ൽ കു​റെ​യാ​ളു​ക​ളു​ണ്ട്. നി​ങ്ങ​ൾ ദീ​ർ​ഘ​ദൂ​രം യാ​ത്ര ചെ​യ്ത​തിെ​ൻ​റ​യും താ​ഴ്വ​ര​ക​ൾ താ​ണ്ടി​ക്ക​ട​ന്ന​തിെ​ൻ​റ​യും പ്ര​തി​ഫ​ല​ത്തി​ൽ അ​വ​രും പ​ങ്കാ​ളി​ക​ളാ​ണ്’’. മ​ന​സ്സി​ലെ സ​ദു​ദ്ദേ​ശ്യ​ത്തി​നാ​ണ് പ്ര​തി​ഫ​ലം എ​ന്ന​ർ​ഥം. റ​മ​ദാ​നി​ൽ പ​ള്ളി​യി​ൽ പോ​കാ​ൻ ക​ഴി​യാ​ത്ത​തി​ൽ ഏ​റെ ദുഃ​ഖി​ക്കു​ന്ന​വ​രാ​ണ് അ​ധി​ക​വി​ശ്വാ​സി​ക​ളും. ആ ​മ​ഹ​ത്താ​യ പ്ര​തി​ഫ​ലം ആ​ഗ്ര​ഹി​ച്ച് നി​യ​മ​ലം​ഘ​നം ന​ട​ത്തി ആ​രും പ​ള്ളി​യി​ലെ​ത്തേ​ണ്ട​തി​ല്ല. സ​ന്മ​ന​സ്സി​ന് അ​ല്ലാ​ഹു പ്ര​തി​ഫ​ലം ന​ൽ​കു​ക​ത​ന്നെ ചെ​യ്യും. അ​തി​നു പ​ക​രം വീ​ട്ടി​ൽ കു​ടും​ബാം​ഗ​ങ്ങ​ളു​മൊ​ത്തു സം​ഘ​ടി​ത​മാ​യ ആ​രാ​ധ​ന​ക​ർ​മ​ങ്ങ​ൾ ചെ​യ്തും ന​ല്ല കാ​ര്യ​ങ്ങ​ൾ കു​ടും​ബ​ങ്ങ​ളെ പ​ഠി​പ്പി​ച്ചും പ​രി​ശീ​ലി​പ്പി​ച്ചും പു​ണ്യ​ക​ർ​മ​ങ്ങ​ളാ​ൽ ഭ​വ​ന​ങ്ങ​ൾ ധ​ന്യ​മാ​ക്കാം. ജീ​വി​ത​ത്തി​ര​ക്കി​നി​ട​യി​ൽ കൂ​ട്ടു​കു​ടും​ബ​ത്തോ​ടൊ​പ്പം ഒ​ന്നി​ച്ചി​രി​ക്കാ​ൻ ഇ​ടം കി​ട്ടാ​ത്ത​വ​രാ​ണ് അ​ധി​ക പേ​രും. ഈ ​സ​ന്ദ​ർ​ഭം അ​തി​ന്​ ഉ​പ​യോ​ഗ​പ്പെ​ടു​ത്താ​നും മാ​താ​പി​താ​ക്ക​ളെ കൂ​ടു​ത​ൽ പ​രി​ച​രി​ക്കാ​നും ഭാ​ര്യാ​മ​ക്ക​ളെ ശ്ര​ദ്ധി​ക്കാ​നും സാ​ധി​ക്ക​ണം

സ​മൂ​ഹ നോ​മ്പു​തു​റ​ക​ൾ​ക്ക് ഈ ​സ​ന്ദ​ർ​ഭ​ത്തി​ൽ സൗ​ക​ര്യ​മി​ല്ല. എ​ന്നാ​ൽ, പാ​വ​പ്പെ​ട്ട കു​ടും​ബ​ങ്ങ​ൾ​ക്ക് ഇ​ഫ്​​താ​റു​ക​ൾ​ക്ക് സ​ഹാ​യം ചെ​യ്യു​ന്ന​തി​ന്​ ത​ട​സ്സ​മി​ല്ല. പ്ര​ത്യേ​കി​ച്ചും അ​വ​ശ​ത​യ​നു​ഭ​വി​ക്കു​ന്ന​വ​രു​ടെ എ​ണ്ണം ഈ ​റ​മ​ദാ​നി​ൽ അ​ധി​ക​മാ​യി​രി​ക്കും. ദി​നേ​ന കൂ​ലി​വേ​ല ചെ​യ്തു ജീ​വി​ക്കു​ന്ന​വ​ർ​ക്ക് ക​ഴി​ഞ്ഞ കാ​ല​ങ്ങ​ളി​ൽ ന​മ്മു​ടെ സ​ഹാ​യം ആ​വ​ശ്യ​മു​ണ്ടാ​യി​രു​ന്നി​ല്ല. എ​ന്നാ​ൽ, ഇ​പ്പോ​ൾ സ്​​ഥി​തി മ​റി​ച്ചാ​ണ്. ജീ​വി​ത​ത്തി​ൽ ഇ​ന്നേ​വ​രെ ആ​രോ​ടും കൈ​നീ​ട്ടാ​തെ മാ​ന്യ​മാ​യി ജീ​വി​ച്ചി​രു​ന്ന ശ​രാ​ശ​രി​ക്കാ​ർ ഇ​ക്കാ​ല​ത്ത് സ​ഹാ​യ​ത്തി​ന്​ അ​ർ​ഹ​രാ​ണ്. അ​വ​രു​ടെ മാ​ന്യ​ത​യും അ​ഭി​മാ​ന​വും മാ​നി​ച്ചു കൊ​ണ്ടു​വേ​ണം അ​വ​രു​ടെ പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ.

ഗ​ൾ​ഫ് സ​ഹോ​ദ​ര​ന്മാ​ർ ന​മ്മു​ടെ സ​മൂ​ഹ​ത്തി​ലു​ണ്ടാ​ക്കി​യ സ​മൃ​ദ്ധി വ​ലി​യ​താ​ണ്. എ​ന്നാ​ൽ, അ​വ​ർ ഗൃ​ഹാ​തു​ര​ത​യോ​ടൊ​പ്പം തൊ​ഴി​ൽ​മേ​ഖ​ല​യി​ൽ പ്ര​തി​സ​ന്ധി​യ​നു​ഭ​വി​ക്കു​ക​യാ​ണി​പ്പോ​ൾ. അ​വ​ർ​ക്കു​വേ​ണ്ടി പ്രാ​ർ​ഥി​ക്കു​ന്ന​തോ​ടൊ​പ്പം വീ​ടു​ക​ളി​ൽ ചെ​ല​വു ചു​രു​ക്കു​ക​കൂ​ടി വേ​ണം. ഭ​ക്ഷ​ണ​ത്തി​ലും വ​സ്​​ത്ര​ത്തി​ലും ലാ​ളി​ത്യ​വും മി​ത​ത്വ​വും സ്വ​യം പാ​ലി​ക്കു​ന്ന​തോ​ടൊ​പ്പം വ​ള​രു​ന്ന ത​ല​മു​റ​യെ അ​ത് ശീ​ലി​പ്പി​ക്കാ​ൻ ഏ​റ്റ​വും പ​റ്റി​യ അ​വ​സ​ര​മാ​ണി​പ്പോ​ൾ. തൊ​ഴി​ലി​ല്ലാ​യ്മ​യും ക്ഷാ​മ​വും അ​ഭി​മു​ഖീ​ക​രി​ക്കാ​നു​ള്ള ശീ​ലം മി​ത​വ്യ​യ​ത്തി​ൽ കൂ​ടി​യേ ല​ഭി​ക്കൂ. ജ​ല​ത്തിെ​ൻ​റ ദു​ർ​വി​നി​യോ​ഗ​വും ഇ​തി​നോ​ട് ചേ​ർ​ത്തു ഗൗ​ര​വ​പൂ​ർ​വം പ​രി​ഗ​ണി​ക്കേ​ണ്ട​താ​ണ്.

വി​ശ്വാ​സി​ക​ൾ സ​കാ​ത്ത് ന​ൽ​കു​ന്ന കാ​ര്യം പ്ര​ത്യേ​കം ശ്ര​ദ്ധി​ക്കു​ന്ന കാ​ല​മാ​ണ് റ​മ​ദാ​ൻ. കാ​ർ​ഷി​ക വി​ള​ക​ൾ​ക്ക് വി​ള​വെ​ടു​പ്പ് സ​മ​യ​ത്തും, മ​റ്റു വ​രു​മാ​ന​ങ്ങ​ൾ​ക്ക് വ​ർ​ഷ​ത്തി​ലൊ​രി​ക്ക​ലും ക​ണ​ക്കു​നോ​ക്കി നി​ർ​വ​ഹി​ക്കേ​ണ്ട നി​ർ​ബ​ന്ധ​ബാ​ധ്യ​ത​യാ​ണ് സ​കാ​ത്ത്. അ​ത് അ​ർ​ഹ​രാ​യ പാ​വ​ങ്ങ​ളു​ടെ അ​വ​കാ​ശ​മാ​ണ്. സ​കാ​ത്ത് കൊ​ടു​ത്ത് വീ​ട്ടാ​ത്ത വ​ല്ല​തും ഒ​രാ​ളു​ടെ സ​മ്പ​ത്തി​ൽ അ​വ​ശേ​ഷി​ച്ചാ​ൽ, അ​ത് മൊ​ത്തം സ​മ്പ​ത്തി​നെ ന​ശി​പ്പി​ക്കു​മെ​ന്ന് മു​ഹ​മ്മ​ദ്​ ന​ബി പ​ഠി​പ്പി​ച്ചി​രി​ക്കു​ന്നു.

ചു​രു​ക്ക​ത്തി​ൽ, പ്ര​തീ​ക്ഷി​ക്കാ​തെ വ​ന്ന ചി​ല അ​സൗ​ക​ര്യ​ങ്ങ​ളൊ​ഴി​ച്ചാ​ൽ ഇൗ ​റ​മ​ദാ​നി​ൽ ഒ​രു വി​ശ്വാ​സി​ക്ക് ന​ഷ്​​ട​പ്പെ​ടാ​ൻ ഒ​ന്നു​മി​ല്ല. മാ​ത്ര​മ​ല്ല, കൂ​ടു​ത​ൽ വി​ന​യ​പ്പെ​ടാ​നും പ​ശ്ചാ​ത്ത​പി​ച്ചു മ​ട​ങ്ങാ​നും തി​ന്മ​ക​ൾ വെ​ടി​യാ​നും ന​ല്ല ശീ​ല​ങ്ങ​ൾ വ​ള​ർ​ത്താ​നും ഒ​ഴി​വു​സ​മ​യ​ങ്ങ​ൾ പ​ര​മാ​വ​ധി പ്ര​യോ​ജ​ന​പ്പെ​ടു​ത്താ​നും പ​റ്റു​ന്ന നാ​ളു​ക​ളാ​ണ് മു​മ്പി​ലു​ള്ള​ത്. അ​ഹ​ങ്കാ​രി​യാ​യ മ​നു​ഷ്യ​നെ പി​ടി​ച്ചു​കെ​ട്ടി​യ ഈ ​മ​ഹാ​മാ​രി​യു​ടെ ആ​ഘാ​ത​ത്തി​ൽ​നി​ന്ന് ര​ക്ഷ​പ്പെ​ട്ടാ​ലും ഇ​തി​ലെ ഗു​ണ​പാ​ഠ​ങ്ങ​ൾ ജീ​വി​ത​ത്തി​ലൊ​രി​ക്ക​ലും മ​റ​ക്ക​രു​ത്.

Show Full Article
TAGS:ramadan Madhyamam articles 
News Summary - Ramadan Special0 Madhyamam Articles
Next Story