പിന്നെയെന്നു മരിക്കണം സച്ചാർ​?

ഡൽഹിയിൽ പത്രപ്രവർത്തനത്തിനെത്തിയ ആദ്യ ദിവസങ്ങളിലൊന്നിൽ സിംഗൂരിലെ നിർബന്ധിത കുടിയിറക്കലിനെതിരായ ​പ്രതിഷേധസംഗമത്തിൽ വെച്ചാണ്​ ജസ്​റ്റിസ്​ രജീന്ദർ സച്ചാറുമായി ആദ്യ ഇടപഴകൽ. ഇന്ത്യൻ മുസ്​ലിം അവസ്​ഥയെക്കുറിച്ച്​ സച്ചാർ സമിതി നടത്തുന്ന അന്വേഷണത്തിനിടയിൽ കണ്ട സവിശേഷ വിവരങ്ങളാണ്​ അന്നു തിരക്കിയത്​. പുഞ്ചിരിച്ച്​ പേരും വിശേഷവും ചോദിച്ച ശേഷം കാർഡ്​ തന്നു, വൈകീട്ട്​​ വിളിച്ചാൽ കുറച്ച്​ വിലാസങ്ങളും നമ്പറുകളും നൽകാമെന്ന്​ സമ്മതിച്ചു. അതിദയനീയമായ അവസ്​ഥയിൽനിന്ന്​ ഇന്ത്യൻ മുസ്​ലിംകൾക്ക്​ ഉയിർത്തെഴുന്നേൽപ്​ സാധ്യമാകുമോ എന്നു ചോദിച്ചപ്പോൾ സാധിക്കുമെന്നും മുസ്​ലിം ചെറുപ്പം, പ്രത്യേകിച്ച്​ പെൺകുട്ടികൾ ഉന്നത പഠനത്തിനു കാണിക്കുന്ന താൽപര്യമാണ്​ ഏറ്റവും പ്രതീക്ഷ നൽകുന്നതെന്നുമായിരുന്നു മറുപടി. 

വൈ​കു​ന്നേ​രം ജ​സ്​​റ്റി​സ്​ സ​ച്ചാ​ർ ന​ൽ​കി​യ വി​വ​ര​ങ്ങ​ളും വി​ലാ​സ​ങ്ങ​ളും പി​ന്നീ​ടു​ള്ള പ​ത്ര​പ്ര​വ​ർ​ത്ത​ന ജീ​വി​ത​ത്തി​ൽ ന​ൽ​കി​യ പി​ന്തു​ണ എ​ത്ര​യെ​ന്ന്​ എ​ഴു​തി​യാ​ൽ തീ​രി​ല്ല. ‘മാ​ധ്യ​മം’ ഡ​ൽ​ഹി ബ്യൂ​റോ ചീ​ഫ്​ എ.​എ​സ്. സു​രേ​ഷ്​ കു​മാ​ർ, എ. ​റ​ശീ​ദു​ദ്ദീ​ൻ എ​ന്നി​വ​ർ​ക്കൊ​പ്പം സ​ച്ചാ​ർ സ​മി​തി റി​പ്പോ​ർ​ട്ട്​ മ​ല​യാ​ള​ത്തി​ലേ​ക്ക്​ പ​രി​ഭാ​ഷ​പ്പെ​ടു​ത്ത​വെ​യാ​ണ്​ ഇ​ന്ത്യ​യി​ലെ പി​ന്നാ​ക്ക ദ​ലി​ത്​ മു​സ്​​ലിം​ക​ളു​ടെ ദു​രി​ത ജീ​വി​തം, സ​ർ​ക്കാ​റി​െ​ൻ​റ മേ​ൽ​നോ​ട്ട​ത്തി​ൽ ന​ട​ക്കു​ന്ന വ്യാ​പ​ക​മാ​യ വ​ഖ​ഫ്​ കൈ​യേ​റ്റം എ​ന്നി​വ സം​ബ​ന്ധി​ച്ചെ​ല്ലാം പ​ഠി​ക്കാ​ൻ തു​ട​ങ്ങി​യ​ത്. മ​ല​യാ​ള പ​രി​ഭാ​ഷ ത​യാ​റാ​ക്കു​ന്നു എ​ന്ന വി​വ​രം അ​റി​യി​ച്ച​പ്പോ​ൾ സ​മി​തി​യു​ടെ നി​ർ​ദേ​ശ​ങ്ങ​ൾ സാ​ധ്യ​മാ​ക്കാ​നു​ള്ള പ​രി​ശ്ര​മ​ങ്ങ​ൾ ന​ട​ത്ത​ണ​മെ​ന്നും അ​ദ്ദേ​ഹം ഒാ​ർ​മി​പ്പി​ച്ചു.  നാ​ഷ​ന​ൽ ഫൗ​ണ്ടേ​ഷ​ൻ ഫോ​ർ ഇ​ന്ത്യ​യു​ടെ മാ​ധ്യ​മ ഫെ​ല്ലോ​ഷി​പ്പി​ന്​ ‘ഇ​ന്ത്യ​ൻ മു​സ്​​ലിം ജീ​വി​തം: പ്ര​തീ​ക്ഷ​ക​ളും വെ​ല്ലു​വി​ളി​ക​ളും’ എ​ന്ന ​​​പ്ര​മേ​യം തെ​ര​ഞ്ഞെ​ടു​ക്കാ​നും പ്ര​ചോ​ദ​നം ജ​സ്​​റ്റി​സ്​ സ​ച്ചാ​ർ ന​ൽ​കി​യ ഉ​ൾ​ക്കാ​ഴ്​​ച​യാ​യി​രു​ന്നു.

പി​ന്നീ​ട്​ ഏ​റെ വ​ർ​ഷ​ങ്ങ​ളു​ടെ ഇ​ട​വേ​ള​ക്കു ശേ​ഷം വീ​ണ്ടും കാ​ണു​ന്ന​ത്​ ജ​സ്​​റ്റി​സ്​ വി. ​ആ​ർ. കൃ​ഷ്​​ണ​യ്യ​രു​ടെ നൂ​റാം പി​റ​ന്നാ​ളി​നോ​ട​നു​ബ​ന്ധി​ച്ച്​ ഒ​രു കു​റി​പ്പ്​ ചോ​ദി​ക്കാ​ൻ ചെ​ല്ലു​േ​മ്പാ​ഴാ​ണ്. പി​താ​വ്​ ഭീം​സെ​ൻ സ​ച്ചാ​റി​െ​ൻ​റ ഒാ​ർ​മ​ക്ക്​ സം​ഘ​ടി​പ്പി​ക്കു​ന്ന വാ​ർ​ഷി​ക പ്ര​ഭാ​ഷ​ണ സ​മ്മേ​ള​ന​ത്തി​ന്​ അ​ൽ​പം നേ​ര​ത്തേ എ​ത്താ​മെ​ന്നും സം​സാ​രി​ക്കാ​മെ​ന്നു​മാ​യി​രു​ന്നു തീ​രു​മാ​നം. വാ​ഹ​ന​ത്തി​ൽ നി​ന്നി​റ​ങ്ങി മേ​ൽ​കോ​ട്ട്​ സ്വ​യം ധ​രി​ക്കാ​ൻ​പോ​ലും വ​യ്യാ​ത്ത​​​​ത്ര ശാ​രീ​രി​ക ദു​ർ​ബ​ലാ​വ​സ്​​ഥ​യി​ലാ​യി​രു​ന്നു അ​ദ്ദേ​ഹം. ​​എ​ന്നാ​ൽ, ഒാ​ർ​മ​ക്കോ ആ​വേ​ശ​ത്തി​നോ തെ​ല്ലും മ​ങ്ങ​ലി​ല്ല. കൃ​ഷ്​​ണ​യ്യ​രു​മാ​യു​ള്ള ച​ങ്ങാ​ത്ത​വും സ്​​നേ​ഹ​വു​മെ​ല്ലാം ഒ​ഴു​ക്കോ​ടെ പ​റ​ഞ്ഞു. വി​വി​ധ  വി​ഷ​യ​ങ്ങ​ളെ​ക്കു​റി​ച്ച്​ ‘മാ​ധ്യ​മ’​ത്തി​ൽ കോ​ളം എ​ഴു​താ​മെ​ന്നും സ​മ്മ​തി​ച്ചു. ജ​സ്​​റ്റി​സ്​ സ​ച്ചാ​ർ എ​ന്ന മ​ഹാ​മ​നു​ഷ്യ​െ​ൻ​റ അ​ർ​പ്പ​ണ മ​ന​സ്സ്​​ നേ​രി​ൽ ക​ണ്ട നി​മി​ഷ​ങ്ങ​ളാ​ണെ​നി​ക്ക്​ അ​ത്. 

ഹാ​ളി​ലെ​ത്തി​യ  ജാ​മി​അ ടീ​ച്ചേ​ഴ്​​സ്​ സോ​ളി​ഡാ​രി​റ്റി അ​സോ​സി​യേ​ഷ​ൻ അ​ധ്യ​ക്ഷ​യും മ​നു​ഷ്യാ​വ​കാ​ശ പോ​രാ​ളി​യു​മാ​യ മ​നീ​ഷ സേ​ഥി​യെ​യും സം​ഘ​ത്തെ​യും അ​ദ്ദേ​ഹം അ​ടു​ത്തു​വി​ളി​ച്ചു​.  കെ​ട്ടി​ച്ച​മ​ച്ച ഭീ​ക​ര​വാ​ദ കേ​സു​ക​ളി​ൽ കു​ടു​ങ്ങി ജ​യി​ലു​ക​ളി​ൽ ജീ​വി​തം ഹോ​മി​ച്ച്​ ഒ​ടു​വി​ൽ നി​ര​പ​രാ​ധി​ക​ളെ​ന്ന്​ ബോ​ധ്യ​പ്പെ​ട്ട്​ കോ​ട​തി​ക​ൾ വി​ട്ട​യ​ക്കു​ന്ന മ​നു​ഷ്യ​ർ​ക്ക്​ ന​ഷ്​​ട​പ​രി​ഹാ​രം ന​ൽ​ക​ണ​മെ​ന്നാ​വ​ശ്യ​പ്പെ​ട്ട്​  കോ​ട​തി​യെ സ​മീ​പി​ക്ക​ണ​മെ​ന്നും അ​തി​ന്​ ആ​ദ്യ​പ​ടി​യാ​യി  വ്യാ​ജ കേ​സ്​ ഇ​ര​ക​ളു​ടെ പ​ട്ടി​ക ത​യാ​റാ​ക്കി ന​ൽ​ക​ണ​മെ​ന്നും നി​ർ​ദേ​ശി​ക്കാ​നാ​യി​രു​ന്നു അ​ത്. സ​ഹ​ജീ​വി​ക​ളു​ടെ അ​വ​കാ​ശ​ങ്ങ​ൾ​ക്കാ​യി ജീ​വി​തം ഉ​ഴി​ഞ്ഞു​വെ​ച്ച ഇൗ ​മ​നു​ഷ്യ​െ​ൻ​റ ​വി​യോ​ഗം ഇ​ന്ത്യ​ൻ പൗ​രാ​വ​കാ​ശ സ​മൂ​ഹ​ത്തി​ന്​ സൃ​ഷ്​​ടി​ക്കു​ന്ന ആ​ഘാ​തം താ​ങ്ങാ​വു​ന്ന​ത​ല്ല.    

ഇ​ന്ത്യ​ൻ മു​സ്​​ലിം ജീ​വി​താ​വ​സ്​​ഥ സ​ത്യ​സ​ന്ധ​മാ​യി രേ​ഖ​പ്പെ​ടു​ത്തി​വെ​ച്ച​തി​െ​ൻ​റ പേ​രി​ൽ സം​ഘ്​​പ​രി​വാ​ർ ഫാ​ഷി​സ്​​റ്റു​ക​ൾ ​​​​ഹി​റ്റ്​​ലി​സ്​​റ്റി​ൽ പെ​ടു​ത്തി ഇ​ല്ലാ​താ​ക്കാ​ൻ ശ്ര​മി​ച്ച ജീ​വി​തം അ​സ്​​ത​മി​ക്കു​ന്ന​ത്​ സ​ങ്കീ​ർ​ണ​ത​ക​ളാ​ൽ സ​വി​ശേ​ഷ​മാ​യ ഒ​രു ദി​വ​സ​ത്തി​ലാ​ണെ​ന്ന​ത്​ കേ​വ​ല യാ​ദൃ​ച്ഛി​ക​ത​യ​ല്ല. ഭ​ര​ണ​കൂ​ടം അ​തി​െ​ൻ​റ കോ​മ്പ​ല്ലു​ക​ൾ നീ​ട്ടു​േ​മ്പാ​ഴും നീ​തി​പീ​ഠ​ത്തി​ലും ഭ​ര​ണ​ഘ​ട​ന​യി​ലും അ​വ​സാ​ന​മി​ല്ലാ​ത്ത പ്ര​ത്യാ​ശ പു​ല​ർ​ത്തി​യി​രു​ന്ന ഇൗ ​മ​നു​ഷ്യ​ൻ ദുഃ​സ്വ​പ്​​ന​ത്തി​ൽ​പോ​ലും സ​ങ്ക​ൽ​പി​ച്ചി​ട്ടു​ണ്ടാ​വാ​നി​ട​യി​ല്ലാ​ത്ത​ത്ര പ​രി​താ​പ​ക​ര​മാം​വി​ധം  ജു​ഡീ​ഷ്യ​റി അ​ധഃ​പ​തി​ക്കു​ന്ന​തി​നു സാ​ക്ഷി​യാ​യി ഒ​രു അ​ണു​വി​ട​യെ​ങ്കി​ലും ജീ​വി​ക്കാ​ൻ ആ​​ഗ്ര​ഹി​ച്ചി​ട്ടു​മു​ണ്ടാ​വി​ല്ല. ഗു​ജ​റാ​ത്ത്​ വം​ശ​ഹ​ത്യ ന​ട​ന്ന​തി​നു പി​ന്നാ​ലെ മു​ൻ ന്യാ​യാ​ധി​പ​ന്മാ​രാ​യ കൃ​ഷ്​​ണ​യ്യ​ർ​ക്കും ഹോ​സ്​​ബ​റ്റ്​ സു​രേ​ഷി​നു​മൊ​പ്പം അ​വി​ടെ​യെ​ത്തി വ​സ്​​തു​താ​ന്വേ​ഷ​ണം ന​ട​ത്തു​ക​യും ഇ​ര​ക​ൾ​ക്ക്​ നീ​തി നേ​ടി​ക്കൊ​ടു​ക്കാ​ൻ പൊ​രു​തു​ക​യും ചെ​യ്​​ത അ​ദ്ദേ​ഹ​ത്തി​െ​ൻ​റ ചെ​വി​യി​ൽ അ​വ​സാ​ന​മാ​യി എ​ത്തി​യ​ത്​ മ​ക്ക മ​സ്​​ജി​ദ്, ജ​സ്​​റ്റി​സ്​ ലോ​യ,  ന​രോ​ദാ​പാ​ട്യ കേ​സു​ക​ളി​ലെ വി​ധി​ക​ളാ​വ​ണം.

ആ​ദ്യ ബി.​ജെ.​പി സ​ർ​ക്കാ​ർ അ​ധി​കാ​ര​മേ​റ്റ ദി​വ​സം സ​ഖാ​വ്​ ഇ.​എം.​എ​സും മോ​ദി ​ പ്ര​ധാ​ന​മ​ന്ത്രി​യാ​കു​മെ​ന്ന അ​ഭി​​പ്രാ​യ സ​ർ​വേ പു​റ​ത്തു​വ​ന്ന ദി​വ​സം അ​ഡ്വ. മു​കു​ൾ സി​ൻ​ഹ​യും യാ​ത്ര​പ​റ​ഞ്ഞ​തു​പോ​​ലെ ജ​സ്​​റ്റി​സ്​ സ​ച്ചാ​റി​ന്​ വി​ട​വാ​ങ്ങാ​ൻ ഇ​തി​നേ​ക്കാ​ൾ ഉ​ചി​ത​മാ​യ സ​ന്ദ​ർ​ഭ​മേ​തു​ണ്ട്​?

തലക്കെട്ടിന്​ കവി റഫീഖ്​ അഹമ്മദി​നോട്​ കടപ്പാട്​.