പ്രതിഭാത്വത്തിന്‍റെ ബഹുമുഖം

പ്ര​തി​ഭാ​ത്വ​ത്തി​ന്‍റെ ബ​ഹു​മു​ഖ​മെ​ന്ന്​ വി​ശേ​ഷി​പ്പി​ക്കാ​വു​ന്ന ക​ലാ​കാ​ര​നാ​ണ്​ പ്ര​ശാ​ന്ത് നാ​രാ​യ​ണ​ൻ. അ​ദ്ദേ​ഹ​ത്തി​ന്റെ വി​യോ​ഗം വി​ശ്വ​സി​ക്കാ​നാ​വു​ന്നി​ല്ല. എ​ന്നെ സം​ബ​ന്ധി​ച്ച്​ അ​ഭി​ന​യ ജീ​വി​ത​ത്തി​ന്‍റെ ഭാ​ഗ്യം കൊ​ണ്ടു​ത​ന്ന വ്യ​ക്തി​യാ​ണ്​ പ്ര​ശാ​ന്ത്. നാ​ട​ക​ത്തി​നാ​യു​ള്ള അ​ന്വേ​ഷ​ണ​ത്തി​നൊ​ടു​വി​ലാ​ണ് അ​ദ്ദേ​ഹ​ത്തെ ആ​ദ്യം ക​ണ്ട​ത്. നാ​ട​ക​ത്തി​ൽ​നി​ന്ന്​ സി​നി​മ​യി​ൽ വ​ന്ന ഞാ​ൻ സി​നി​മ​യി​ൽ സ​ജീ​വ​മാ​ണെ​ങ്കി​ലും ന​ല്ല നാ​ട​കം ക​ളി​ക്ക​ണ​മെ​ന്ന അ​തി​യാ​യ ആ​ഗ്ര​ഹം ഉ​ള്ളി​ൽ സൂ​ക്ഷി​ച്ചി​രു​ന്നു. മോ​ഹ​ൻ​ലാ​ലി​നും ഇ​തേ ആ​ഗ്ര​ഹ​മു​ണ്ടെ​ന്ന് അ​ദ്ദേ​ഹ​വു​മാ​യു​ള്ള സൗ​ഹൃ​ദ​സം​ഭാ​ഷ​ണ​ത്തി​ൽ മ​ന​സ്സി​ലാ​ക്കി.

ന​ല്ലൊ​രു നാ​ട​കം ക​ണ്ടെ​ത്തി​യാ​ൽ ഒ​രു​മി​ച്ച് അ​ഭി​ന​യി​ക്കാ​മോ എ​ന്ന് ചോ​ദി​ച്ച​പ്പോ​ൾ ‘തീ​ർ​ച്ച​യാ​യും അ​ഭി​ന​യി​ക്കാം’ എ​ന്നാ​യി​രു​ന്നു മോ​ഹ​ൻ​ലാ​ലി​ന്റെ മ​റു​പ​ടി. ര​ണ്ടു​പേ​ർ​ക്കും തു​ല്യ​പ്രാ​ധാ​ന്യ​മു​ള്ള വേ​ഷ​മാ​വ​ണം, തു​ട​ക്കം മു​ത​ൽ ഒ​ടു​ക്കം​വ​രെ നാ​ട​ക​ത്തി​ലു​ണ്ടാ​യി​രി​ക്ക​ണം, ത​മാ​ശ​യും ഗൗ​ര​വ​വും പാ​ട്ടും നൃ​ത്ത​വു​മു​ണ്ടാ​ക​ണം എ​ന്നി​ങ്ങ​നെ ചി​ല നി​ബ​ന്ധ​ന​ക​ളും ഞ​ങ്ങ​ൾ​ക്കു​ണ്ടാ​യി​രു​ന്നു.

ഇ​തി​നി​ടെ​യാ​ണ്​ കൊ​ല്ലം പ്ര​ശാ​ന്ത്​ ക​ലാ​കേ​ന്ദ്ര​യി​ൽ​വെ​ച്ച്​ അ​വി​ചാ​രി​ത​മാ​യി ഒ​രു നാ​ട​കം കാ​ണാ​നി​ട​യാ​യ​ത്. പ്ര​ശാ​ന്തി​ന്‍റെ ഛായാ​മു​ഖി​യാ​യി​രു​ന്നു അ​ത്. അ​തി​ലെ ക​ഥാ​പാ​ത്ര​ങ്ങ​ളാ​യ ഭീ​മ​നും കീ​ച​ക​നും വ​ല്ലാ​തെ സ്പ​ർ​ശി​ച്ചു. ഒ​ട്ടും വൈ​കാ​തെ മോ​ഹ​ൻ​ലാ​ലി​നോ​ട്​ ഇ​തി​നെ പ​റ്റി പ​റ​ഞ്ഞു. തു​ട​ർ​ന്ന്,​ പ്ര​ശാ​ന്തി​നെ തേ​ടി​ച്ചെ​ന്നു. ‘നി​ങ്ങ​ൾ ര​ണ്ടു​പേ​രും കൂ​ടി എ​ന്‍റെ നാ​ട​കം അ​ങ്ങ്​ എ​ടു​ക്കു​മോ ചേ​ട്ടാ’ എ​ന്നാ​യി​രു​ന്നു പ്ര​ശാ​ന്തി​ന്‍റെ പ്ര​തി​ക​ര​ണം.

അ​ദ്ദേ​ഹം ഛായാ​മു​ഖി​യെ കു​റ​ച്ചു​കൂ​ടി വി​ക​സി​പ്പി​ച്ച്​ ര​ണ്ടു​മ​ണി​ക്കൂ​ർ ദൈ​ർ​ഘ്യ​മു​ള്ള ക​ലാ​രൂ​പ​മാ​ക്കി. എ​ഴു​ത്തും സം​ഗീ​ത​വും സം​വി​ധാ​ന​വു​മെ​ല്ലാം പ്ര​ശാ​ന്താ​യി​രു​ന്നു. മ​ഹാ​ഭാ​ര​ത​ത്തി​ലി​ല്ലാ​ത്ത ഛായാ​മു​ഖി പ്ര​ശാ​ന്തി​ന്‍റെ ഭാ​വ​നാ​സൃ​ഷ്ടി​യാ​ണ്. മ​ല​യാ​ള ​നാ​ട​ക മേ​ഖ​ല​ക്ക്​ ആ ​നാ​ട​കം സ​മ്മാ​നി​ച്ച പു​ത്ത​നു​ണ​ർ​വ്​ ചി​ല്ല​റ​യ​ല്ല. ഒ​രു​പാ​ടു​പേ​ർ​ക്ക്​ വ​ലി​യ പ​രീ​ക്ഷ​ണ​ങ്ങ​ൾ ചെ​യ്യാ​ൻ ധൈ​ര്യ​മു​ണ്ടാ​ക്കി​യ​ത്​ ഈ ​നാ​ട​ക​മാ​ണ്.