Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightപൂ​ക്കോ​ട്ടൂ​ർ:...

പൂ​ക്കോ​ട്ടൂ​ർ: സ്വാ​ത​ന്ത്ര്യ​സ​മ​ര​ച​രി​ത്ര​ത്തി​ലെ ചോ​ര​വീ​ണ ഒ​ര​ധ്യാ​യം

text_fields
bookmark_border
പൂ​ക്കോ​ട്ടൂ​ർ: സ്വാ​ത​ന്ത്ര്യ​സ​മ​ര​ച​രി​ത്ര​ത്തി​ലെ ചോ​ര​വീ​ണ ഒ​ര​ധ്യാ​യം
cancel
camera_alt

1921ലെ ​മ​ല​ബാ​ർ വി​പ്ല​വ​ത്തിെൻറ സ്മ​ര​ണാ​ർ​ഥം നി​ർ​മി​ച്ച പൂ​ക്കോ​ട്ടൂ​ർ ഗേ​റ്റ്

ബ്രി​ട്ടീ​ഷ് ഇ​ന്ത്യ​യു​ടെ മ​ദ്രാ​സ്​ പ്ര​സി​ഡ​ൻ​സി അ​ണ്ട​ർ സെ​ക്ര​ട്ട​റി​യാ​യി​രു​ന്ന ജി.​ആ​ർ. എ​ഫ് ടോ​ട്ട​ൻ​ഹാം 'മാ​പ്പി​ള റ​ബ​ല്യ​ൻ' എ​ന്ന പു​സ്​​ത​ക​ത്തി​ൽ 'പൂ​ക്കോ​ട്ടൂ​ർ ബാ​റ്റ്​​ൽ' എ​ന്നാ​ണ് പൂ​ക്കോ​ട്ടൂ​ർ ഏ​റ്റു​മു​ട്ട​ലി​ന് പേ​രി​ട്ടി​രി​ക്കു​ന്ന​ത് (പേ​ജ് 48). ബ്രി​ട്ടീ​ഷ് ച​രി​ത്ര​മെ​ഴു​ത്തു​കാ​ർ​ക്കു​പോ​ലും അ​ത് ഒ​രു യു​ദ്ധ​മാ​ണെ​ന്ന് സ​മ്മ​തി​ക്കേ​ണ്ടി​വ​ന്നു​വെ​ന്നാ​ണ് ഇ​ത് തെ​ളി​യി​ക്കു​ന്ന​ത്. കേ​ര​ള​ത്തിെ​ൻ​റ സ്വാ​ത​ന്ത്ര്യ​സ​മ​ര ച​രി​ത്ര​ത്തി​ൽ നാ​ട്ടു​കാ​ർ ബ്രി​ട്ടീ​ഷു​കാ​രോ​ട് നേ​രി​ട്ട് ഏ​റ്റു​മു​ട്ടി​യ ഏ​ക സം​ഭ​വ​വും അ​തു​ത​ന്നെ. 1921 ആ​ഗ​സ്​​റ്റ്​ 26 നാ​ണ് ച​രി​ത്ര​പ്ര​സി​ദ്ധ​മാ​യ ആ ​പോ​രാ​ട്ടം ന​ട​ന്ന​ത്. 1921ലെ ​ഖി​ലാ​ഫ​ത്ത് പ്ര​ക്ഷോ​ഭ​ങ്ങ​ളു​ടെ മു​ഴു​വ​ൻ ദി​ശ നി​ർ​ണ​യി​ച്ച​ത് ആ​റു​മാ​സം നീ​ണ്ട ഈ ​യു​ദ്ധ​മാ​യി​രു​ന്നു. പൂ​ക്കോ​ട്ടൂ​ർ യു​ദ്ധ​ത്തി​െ​ൻ​റ വാ​ർ​ഷി​കാ​നു​സ്​​മ​ര​ണ​ത്തെ, ഭീ​ക​ര​വാ​ഴ്ച​ക​ൾ​ക്കെ​തി​രെ​യു​ള്ള ഏ​തു ജ​ന​കീ​യ പോ​രാ​ട്ട​ത്തിെ​ൻ​റ​യും ജ​യ​പ​രാ​ജ​യ​ങ്ങ​ളെ​ക്കു​റി​ച്ച പാ​ഠ​പു​സ്​​ത​ക​മാ​യാ​ണ് സ​മീ​പി​ക്കേ​ണ്ട​ത്.

കേ​ര​ള​ത്തി​ൽ നി​ല​നി​ന്ന ക​ഠി​ന​മാ​യ ജാ​തി​വ്യ​വ​സ്​​ഥ​യു​ടെ​യും ജ​ന്മി​വാ​ഴ്ച​യു​ടെ​യും അ​ന​ന്ത​ര​ഫ​ല​മാ​യാ​ണ് ഏ​റ​നാ​ട്, വ​ള്ളു​വ​നാ​ട് താ​ലൂ​ക്കു​ക​ളി​ലെ ഖി​ലാ​ഫ​ത്ത് പ്ര​ക്ഷോ​ഭം സാ​യു​ധ​പോ​രാ​ട്ട​ത്തി​ലേ​ക്ക് വ​ഴി​മാ​റി​യ​ത്. കു​ടി​യാ​ന്മാ​രാ​യ മാ​പ്പി​ള​മാ​രും തൊ​ഴി​ലാ​ളി​ക​ളാ​യ ദ​ലി​ത് വി​ഭാ​ഗ​ക്കാ​രും മേ​ൽ​ജാ​തി​ക്കാ​രി​ൽ​നി​ന്നും അ​ധി​കാ​രി​ക​ളി​ൽ​നി​ന്നും അ​നു​ഭ​വി​ച്ച കൊ​ടി​യ പീ​ഡ​ന​ങ്ങ​ൾ ഉ​ണ്ടാ​ക്കി​യ സാ​മൂ​ഹി​ക​സ​മ്മ​ർ​ദ​ങ്ങ​ളു​ടെ പൊ​ട്ടി​ത്തെ​റി​യാ​യി​രു​ന്നു അ​ത്. ക്ഷ​മ​യും അ​ഹിം​സ​യും​കൊ​ണ്ട്​ മാ​ത്രം ഏ​തു സാ​മൂ​ഹി​കാ​സ​മ​ത്വ​വും പ​രി​ഹ​രി​ക്ക​പ്പെ​ടു​മെ​ന്ന് വി​ശ്വ​സി​ച്ച കോ​ൺ​ഗ്ര​സ്​ നേ​താ​ക്ക​ളു​ടെ കൈ​പ്പി​ടി​യി​ൽ​നി​ന്ന് പ്ര​ക്ഷോ​ഭം പ്രാ​ദേ​ശി​ക കൂ​ട്ടാ​യ്മ​ക​ളി​ലേ​ക്ക് വ​ഴു​തി​വീ​ണു. മാ​പ്പി​ള​മാ​രു​ടെ വി​ശ്വാ​സ​ദാ​ർ​ഢ്യ​വും ധീ​ര​ത​യും ആ ​പോ​രാ​ട്ട​ത്തി​ന് ശ​ക്തി പ​ക​ർ​ന്നു. ആ​ലി​മു​സ്​​ലി​യാ​രെ​യും ചെ​മ്പ്ര​ശ്ശേ​രി ത​ങ്ങ​ളെ​യും പോ​ലു​ള്ള മ​ത​പ​ണ്ഡി​ത​ർ നേ​തൃ​ത്വ​മേ​റ്റെ​ടു​ത്ത ഈ ​പ്ര​ക്ഷോ​ഭ​ത്തിെ​ൻ​റ ശ​ത്രു​പ​ക്ഷ​ത്ത് സ്വാ​ഭാ​വി​ക​മാ​യും അ​ധി​നി​വേ​ശ​ക​രാ​യ ബ്രി​ട്ടീ​ഷു​കാ​രും അ​ധി​കാ​രി​ക​ളാ​യ ജ​ന്മി​മാ​രു​മാ​യി മാ​റി. ഈ ​യാ​ഥാ​ർ​ഥ്യ​മാ​ണ് പി​ൽ​ക്കാ​ല​ത്ത് ഖി​ലാ​ഫ​ത്ത് സ​മ​ര​ത്തെ 'ഹി​ന്ദു​വി​രു​ദ്ധ​ക​ലാ​പ'​മാ​യും 'മാ​പ്പി​ള മ​ത​ഭ്രാ​ന്താ'​യും മു​ദ്ര​യ​ടി​ക്കാ​ൻ നി​മി​ത്ത​മാ​ക്കി​യ​ത്. അ​ങ്ങ​നെ എ​ഴു​തി​വെ​ച്ച​വ​രൊ​ക്കെ​യും അ​റി​ഞ്ഞോ അ​റി​യാ​തെ​യോ, സ​വ​ർ​ണ ഹി​ന്ദു​ത്വ​ത്തി​നും ബ്രി​ട്ടീ​ഷ് കൗ​ശ​ല​ത്തി​നും വെ​ള്ള​തേ​ക്കു​ക​യാ​യി​രു​ന്നു.

1921 ആ​ഗ​സ്​​റ്റ്​ 20ന് ​തി​രൂ​ര​ങ്ങാ​ടി​യി​ൽ ന​ട​ന്ന പ​ട്ടാ​ള വെ​ടി​വെ​പ്പോ​ടു​കൂ​ടി​യാ​ണ് ബ്രി​ട്ടീ​ഷ്, ജ​ന്മി​വി​രു​ദ്ധ ചെ​റു​ത്തു​നി​ൽ​പാ​യി ഏ​റ​നാ​ട്ടി​ലെ ഖി​ലാ​ഫ​ത്ത് പ്ര​ക്ഷോ​ഭം ആ​ളി​പ്പ​ട​ർ​ന്ന​ത്. ഈ ​പോ​രാ​ട്ട​ത്തെ ചെ​റു​ക്കാ​നാ​യി ഏ​റ​നാ​ട്, വ​ള്ളു​വ​നാ​ട് ഭാ​ഗ​ങ്ങ​ളി​ൽ നൂ​റു​ക​ണ​ക്കി​ന് പ​ട്ടാ​ള​ക്കാ​രെ വി​ന്യ​സി​ക്കാ​ൻ ബ്രി​ട്ടീ​ഷ് ഉ​ദ്യോ​ഗ​സ്​​ഥ​ർ തീ​രു​മാ​നി​ച്ചു. അ​തി​നു​വേ​ണ്ടി കോ​ഴി​ക്കോ​ട്ടു​നി​ന്ന് മ​ല​പ്പു​റ​ത്തേ​ക്ക് മാ​ർ​ച്ചു​ചെ​യ്യു​ന്ന വ​ൻ ബ്രി​ട്ടീ​ഷ് സേ​ന​യെ എ​തി​രി​ടാ​ൻ പൂ​ക്കോ​ട്ടൂ​രി​ലെ മാ​പ്പി​ള​നേ​താ​ക്ക​ളും പോ​രാ​ളി​ക​ളും തീ​രു​മാ​നി​ച്ചു. പാ​ല​ങ്ങ​ൾ ത​ക​ർ​ത്തും റോ​ഡു​ക​ളി​ൽ മ​ര​ങ്ങ​ൾ മു​റി​ച്ചി​ട്ടും കോ​ഴി​ക്കോ​ട്ടു​നി​ന്ന് മ​ല​പ്പു​റ​ത്തേ​ക്കു​ള്ള പ​ട്ടാ​ള​വ​ണ്ടി​ക​ളു​ടെ വ​ഴി അ​വ​ർ ത​ട​സ്സ​പ്പെ​ടു​ത്തി. ഇ​വ​യൊ​ക്കെ ശ്ര​മ​ക​ര​മാ​യി മ​റി​ക​ട​ന്ന് മ​ല​പ്പു​റ​ത്തേ​ക്കു നീ​ങ്ങി​യ ഇ​രു​പ​തോ​ളം ബ്രി​ട്ടീ​ഷ് പ​ട്ടാ​ള​വാ​ഹ​ന​ങ്ങ​ൾ പൂ​ക്കോ​ട്ടൂ​രി​ൽ എ​ത്തി​യ​പ്പോ​ൾ റോ​ഡി​നി​രു​വ​ശ​വു​മു​ള്ള വ​യ​ലു​ക​ളി​ലും ഒ​ളി​സ്​​ഥ​ല​ങ്ങ​ളി​ലും പ​തി​യി​രു​ന്ന മാ​പ്പി​ള സേ​നാ​നി​ക​ൾ അ​വ​രോ​ട് ഏ​റ്റു​മു​ട്ടി. പ​ട്ടാ​ളം യ​ന്ത്ര​ത്തോ​ക്കു​ക​ൾ സ്​​ഥാ​പി​ച്ച് ക്രൂ​ര​മാ​യ വെ​ടി​വെ​പ്പാ​രം​ഭി​ച്ചു. ബ്രി​ട്ടീ​ഷ് പ​ട്ടാ​ള​വു​മാ​യി നേ​ർ​ക്കു​നേ​ർ ന​ട​ന്ന ഈ ​സാ​യു​ധ സം​ഘ​ട്ട​ന​ത്തി​ൽ പ​രി​മി​ത​മാ​യ കൈ​തോ​ക്കു​ക​ളും വാ​ളു​ക​ളും ക​ത്തി​ക​ളും കൈ​യി​ലേ​ന്തി പോ​രാ​ടി​യ ഇ​രു​നൂ​റി​ല​ധി​കം മാ​പ്പി​ള​മാ​ർ ര​ക്ത​സാ​ക്ഷി​ക​ളാ​യി. ഔ​ദ്യോ​ഗി​ക രേ​ഖ​ക​ൾ പ്ര​കാ​രം പ​തി​ന​ഞ്ചോ​ളം പേ​രാ​ണ് ബ്രി​ട്ടീ​ഷ് പ​ക്ഷ​ത്ത് മ​ര​ണ​പ്പെ​ട്ട​തെ​ങ്കി​ലും പ​ട്ടാ​ള​ക്കാ​രു​ടെ മൃ​ത​ദേ​ഹ​ങ്ങ​ൾ ഒ​ന്നി​ല​ധി​കം ലോ​റി​യി​ൽ ക​യ​റ്റി​ക്കൊ​ണ്ടു​പോ​വു​ക​യാ​യി​രു​ന്നു എ​ന്ന് പ​ല ച​രി​ത്ര​മെ​ഴു​ത്തു​കാ​രോ​ടും ദൃ​ക്സാ​ക്ഷി​ക​ൾ വി​വ​രി​ച്ചി​ട്ടു​ണ്ട്. യു​ദ്ധ​നേ​താ​ക്ക​ളാ​യ പ​റ​ഞ്ചേ​രി കു​ഞ്ഞ​റ​മു​ട്ടി, വ​ട​ക്കെ​വീ​ട്ടി​ൽ മ​മ്മ​തു എ​ന്നി​വ​രും ഈ ​യു​ദ്ധ​ത്തി​ൽ വീ​ര​മൃ​ത്യു വ​രി​ച്ചു. പോ​രാ​ട്ട​ത്തി​െ​ൻ​റ ഒ​രു ഘ​ട്ട​ത്തി​ൽ മാ​പ്പി​ള​സ്​​ത്രീ​ക​ള​ട​ക്കം പ​ട​യാ​ളി​ക​ളെ സ​ഹാ​യി​ക്കാ​ൻ നി​ര​ത്തി​ലി​റ​ങ്ങി എ​ന്നും പ​റ​യ​പ്പെ​ടു​ന്നു​ണ്ട്.

പ​ല​രും കു​റ്റ​പ്പെ​ടു​ത്തു​ന്ന​തു​പോ​ലെ പൂ​ക്കോ​ട്ടൂ​ർ പോ​രാ​ട്ടം ഒ​രു എ​ടു​ത്തു​ചാ​ട്ട​മാ​യി​രു​ന്നി​ല്ല. ആ​ഗ​സ്​​റ്റ്​ 24ന് ​പൂ​ക്കോ​ട്ടൂ​രി​ന​ടു​ത്ത അ​റ​വ​ങ്ക​ര​യി​ലെ കാ​രാ​ട്ട് മൊ​യ്തീ​ൻ​കു​ട്ടി ഹാ​ജി​യു​ടെ വീ​ട്ടി​ൽ കൃ​ത്യ​മാ​യ കൂ​ടി​യാ​ലോ​ച​ന​ക​ളും ആ​സൂ​ത്ര​ണ​ങ്ങ​ളും ന​ട​ന്നി​രു​ന്നു. വാ​രി​യ​ൻ​കു​ന്ന​ത്ത് കു​ഞ്ഞ​ഹ​മ്മ​ദ് ഹാ​ജി​യു​ടെ സാ​ന്നി​ധ്യ​ത്തി​ലാ​യി​രു​ന്നു ആ ​യോ​ഗം. ആ​ധു​നി​ക ആ​യു​ധ​ങ്ങ​ൾ ഇ​ല്ലാ​തെ ബ്രി​ട്ടീ​ഷ്പ​ട്ടാ​ള​ത്തെ ത​ട​യ​രു​തെ​ന്നും കൈ​കൊ​ണ്ട് തി​ര നി​റ​ക്കു​ന്ന തോ​ക്കു​ക​ളു​മാ​യി പ​ട്ടാ​ള​ത്തെ നേ​രി​ടാ​നാ​വി​ല്ലെ​ന്നും കു​ഞ്ഞ​ഹ​മ്മ​ദ്​ ഹാ​ജി ആ ​യോ​ഗ​ത്തി​ൽ മു​ന്ന​റി​യി​പ്പ് ന​ൽ​കി​യി​രു​ന്നു. കി​ട്ടാ​വു​ന്ന​ത്ര തോ​ക്കു​ക​ള​ട​ക്കം ഏ​താ​നും​പേ​രെ അ​യ​ച്ചു​ത​രാ​മെ​ന്നും ഹാ​ജി ഉ​റ​പ്പു​ന​ൽ​കി. 12 തോ​ക്കു​ക​ളും അ​ത് പ്ര​വ​ർ​ത്തി​പ്പി​ക്കാ​ന​റി​യു​ന്ന മു​ൻ പ​ട്ടാ​ള​ക്കാ​രാ​യ പ​ള്ളി​ക്കു​ത്ത് നീ​ലാ​ണ്ട​ൻ, ച​ക്കി​പ്പ​റ​മ്പ​ൻ ഏ​നി​ക്കു​ട്ടി തു​ട​ങ്ങി​യ 12 പേ​രെ​യും 25നു ​രാ​ത്രി​ത​ന്നെ കു​ഞ്ഞ​ഹ​മ്മ​ദ്​ ഹാ​ജി പൂ​ക്കോ​ട്ടൂ​രി​ലെ​ത്തി​ച്ചു. യു​ദ്ധം ന​ട​ക്കു​മ്പോ​ൾ, നാ​ട്ടു​കാ​രാ​യ ക​മ്പ​നി​പ്പ​ട്ടാ​ള​ത്തെ ക​ഴി​യു​ന്ന​ത്ര ഒ​ഴി​വാ​ക്കി വെ​ള്ള​ക്കാ​രെ തെ​ര​ഞ്ഞു​പി​ടി​ച്ച് ആ​ക്ര​മി​ക്ക​ണ​മെ​ന്നാ​യി​രു​ന്നു തീ​രു​മാ​നം. ഡോ​ർ​സെ​റ്റ് റെ​ജി​മെ​ൻ​റ്​​സി​ലെ 100 പ​ട്ടാ​ള​ക്കാ​രും 70 ശി​പാ​യി​ക​ളു​മാ​ണ് മ​ല​പ്പു​റ​ത്തേ​ക്ക് വ​രു​ന്ന​തെ​ന്നാ​ണ് മാ​പ്പി​ള​നേ​താ​ക്ക​ൾ​ക്ക് ചാ​ര​ന്മാ​ർ​വ​ഴി കി​ട്ടി​യ വി​വ​രം. പാ​ട​ത്ത് നെ​ൽ​വ​യ​ലു​ക​ൾ​ക്കി​ട​യി​ൽ മ​റ​ഞ്ഞി​രി​ക്കു​ന്ന മാ​പ്പി​ള​മാ​ർ നേ​രി​ട്ട് യു​ദ്ധം തു​ട​ങ്ങാ​തെ മു​ന്നി​ലെ പ​ട്ടാ​ള​വ​ണ്ടി​ക്കു​നേ​രെ വെ​ടി​വെ​ച്ച് അ​വ​രു​ടെ സ​ഞ്ചാ​രം ത​ട​യ​ണം. അ​തോ​ടെ പ​ട്ടാ​ളം ചു​റ്റും വെ​ടി​വെ​ക്കും. പ​ട്ടാ​ള​ക്കാ​രു​ടെ കൈ​യി​ലു​ള്ള തി​ര​ക​ൾ തീ​രു​ന്ന​തു​വ​രെ ഒ​ളി​ഞ്ഞി​രു​ന്ന് പ്ര​കോ​പ​ന​മു​ണ്ടാ​ക്കി വെ​ടി​വെ​ക്കു​വാ​ൻ അ​നു​വ​ദി​ക്കു​ക, അ​തി​ന്​ വൈ​ക്കോ​ൽ രൂ​പ​ങ്ങ​ളും മ​ൺ​ക​ല​ങ്ങ​ളും മു​ന്നി​ൽ​വെ​ച്ച് മ​റ സൃ​ഷ്​​ടി​ക്കു​ക, അ​തി​നി​ട​യി​ൽ ചാ​വേ​റു​ക​ളാ​യി പാ​ഞ്ഞു​ചെ​ന്ന് ആ​ക്ര​മി​ക്കു​ക, തി​ര​ക​ൾ മു​ഴു​വ​ൻ തീ​ർ​ന്നാ​ൽ നേ​രി​ട്ട് യു​ദ്ധം​ചെ​യ്ത് തോ​ൽ​പ്പി​ക്കു​ക എ​ന്നി​ങ്ങ​നെ​യാ​യി​രു​ന്നു യു​ദ്ധ​ത​ന്ത്രം.

1921 ആ​ഗ​സ്​​റ്റ്​ 25 വ്യാ​ഴാ​ഴ്​​ച രാ​ത്രി​ത​ന്നെ യു​ദ്ധ​ത്തി​ന് ത​യാ​റാ​യി 500ല​ധി​കം മാ​പ്പി​ള​മാ​ർ പൂ​ക്കോ​ട്ടൂ​ർ പ​ള്ളി​യി​ലെ​ത്തി. അ​വ​രി​ൽ പ​ല​രും ഒ​ന്നാം ലോ​ക​യു​ദ്ധ​ത്തി​ൽ ബ്രി​ട്ടീ​ഷ് സ​ർ​ക്കാ​റി​നു​വേ​ണ്ടി പ​ട്ടാ​ള​സേ​വ​നം ന​ട​ത്തി​യ​വ​രാ​ണ്. പ​ട്ടാ​ള​ത്തി​ൽ​നി​ന്ന് പി​രി​ഞ്ഞ കു​റെ ഹി​ന്ദു​ക്ക​ളും മാ​പ്പി​ള​മാ​രോ​ടൊ​പ്പം ചേ​രാ​ൻ സ​ന്ന​ദ്ധ​രാ​യി പ​ള്ളി​ക്കു പു​റ​ത്ത് കൂ​ടി​നി​ന്നി​രു​ന്നു. പൂ​ക്കോ​ട്ടൂ​ർ ഖാ​ദി പു​തി​യ​ക​ത്ത് മു​ഹ​മ്മ​ദ്​ മു​സ്​​ലി​യാ​ർ ഇ​സ്​​ലാ​മി​ലെ യു​ദ്ധ​മു​റ​ക​ളും നി​യ​മ​ങ്ങ​ളും ശ​ഹീ​ദു​ക​ൾ​ക്ക് ല​ഭി​ക്കു​ന്ന സ്വ​ർ​ഗ​പ്രാ​പ്തി​യും വി​വ​രി​ച്ച്​ ഒ​രു പ്ര​സം​ഗം ന​ട​ത്തി. അ​തു കേ​ട്ട് പ​ള്ളി​ക്കു പു​റ​ത്തു​ണ്ടാ​യി​രു​ന്ന ചി​ല ഹി​ന്ദു​ക്ക​ൾ ഇ​സ്​​ലാം​മ​തം സ്വീ​ക​രി​ക്കാ​ൻ​പോ​ലും ത​യാ​റാ​യ​താ​യി 'ആം​ഗ്ലോ മാ​പ്പി​ള യു​ദ്ധം' എ​ന്ന വി​ഖ്യാ​ത​ഗ്ര​ന്ഥ​ത്തിെ​ൻ​റ ക​ർ​ത്താ​വ്​ എ.​കെ കോ​ടൂ​ർ പ്ര​സ്​​താ​വി​ക്കു​ന്നു. എ​ന്നാ​ൽ, അ​ങ്ങ​നെ ഇ​സ്​​ലാം സ്വീ​ക​രി​ക്കേ​ണ്ട​തി​ല്ലെ​ന്ന് മ​ല​പ്പു​റം കു​ഞ്ഞി​ത്ത​ങ്ങ​ൾ അ​ഭി​​പ്രാ​യ​പ്പെ​ട്ടു. 1921ലെ ​മാ​പ്പി​ള​പ്പോ​രാ​ട്ട​ങ്ങ​ൾ മ​ത​പ​രി​വ​ർ​ത്ത​ന​ത്തി​നു വേ​ണ്ടി​യാ​യി​രു​ന്നെ​ന്ന് വ്യാ​ജ​ച​രി​ത്രം ര​ചി​ക്കു​ന്ന​വ​ർ ഇ​ത്ത​രം സം​ഭ​വ​ങ്ങ​ൾ ക​ണ്ടി​ല്ലെ​ന്ന് ന​ടി​ക്കു​ക​യാ​ണ്.

ആ​ള​പാ​യ​വും അ​ന​ന്ത​ര​ഫ​ല​ങ്ങ​ളും ക​ണ​ക്കി​ലെ​ടു​ത്താ​ൽ മാ​പ്പി​ള​മാ​ർ തീ​ർ​ത്തും പ​രാ​ജ​യ​പ്പെ​ട്ട പോ​രാ​ട്ടം ത​ന്നെ​യാ​യി​രു​ന്നു പൂ​ക്കോ​ട്ടൂ​ർ​യു​ദ്ധം എ​ന്ന​തി​ൽ സം​ശ​യ​മി​ല്ല. നേ​ര​േ​ത്ത സ​ർ​ക്കാ​ർ​സം​വി​ധാ​ന​ങ്ങ​ൾ നി​ശ്ച​ല​മാ​വു​ക​യും പൊ​ലീ​സു​കാ​ർ പേ​ടി​ച്ച് പി​ൻ​വാ​ങ്ങു​ക​യും​ചെ​യ്ത ഏ​റ​നാ​ട്, വ​ള്ളു​വ​നാ​ട് താ​ലൂ​ക്കു​ക​ളി​ൽ പൂ​ക്കോ​ട്ടൂ​ർ യു​ദ്ധ​ത്തോ​ടെ പ​ട്ടാ​ള​ത്തിെ​ൻ​റ തേ​ർ​വാ​ഴ്ച​യാ​ണ് ഉ​ണ്ടാ​യ​ത്. അ​തോ​ടൊ​പ്പം, വാ​രി​യ​ൻ​കു​ന്ന​ത്ത് കു​ഞ്ഞ​ഹ​മ്മ​ദ് ഹാ​ജി ഏ​റ്റെ​ടു​ത്ത് ന​ട​പ്പാ​ക്കി​യ സ​മാ​ന്ത​ര ഭ​ര​ണ​സം​വി​ധാ​നം ക​ഴി​വ​തും ത​ക​ർ​ക്കാ​ൻ രാ​ജ​പ​ക്ഷ​ക്കാ​രെ​ന്ന്​ അ​റി​യ​പ്പെ​ട്ട പ്രാ​ദേ​ശി​ക​പ്ര​മാ​ണി​മാ​ർ ശ്ര​മി​ച്ചു. അ​വ​ർ നി​യോ​ഗി​ച്ച ഗു​ണ്ട​സം​ഘ​ങ്ങ​ൾ ഖി​ലാ​ഫ​ത്തു​കാ​രെ​ന്ന പേ​രി​ൽ നാ​ട്ടി​ൽ ന​ട​ത്തി​യ കൊ​ള്ള​ക​ളും ക​ലാ​പ​ങ്ങ​ളു​മെ​ല്ലാം, ധ​ർ​മ​യു​ദ്ധം എ​ന്ന നി​ല​ക്ക് ബ്രി​ട്ടീ​ഷ് വി​രു​ദ്ധ​പോ​രാ​ട്ട​ത്തെ ഉ​ൾ​ക്കൊ​ണ്ട ഖി​ലാ​ഫ​ത്ത് വ​ള​ൻ​റി​യ​ർ​മാ​രു​ടെ ത​ല​യി​ൽ ചാ​ർ​ത്തു​ക​യാ​യി​രു​ന്നു അ​ന്ന​ത്തെ പൊ​ലീ​സും പ​ട്ടാ​ള​വും. അ​തേ പൊ​ലീ​സും പ​ട്ടാ​ള​വും എ​ഴു​തി​വെ​ച്ച ഔ​ദ്യോ​ഗി​ക​കു​റി​പ്പു​ക​ളെ ആ​ശ്ര​യി​ച്ച് പു​തി​യ ലി​ബ​റ​ൽ ച​രി​ത്ര​മെ​ഴു​ത്തു​കാ​രും സം​ഘ്പ​രി​വാ​ർ ച​രി​ത്ര​നി​ർ​മാ​താ​ക്ക​ളും മാ​പ്പി​ള​പ്പോ​രാ​ട്ട​ങ്ങ​ളെ മു​സ്​​ലിം​വി​രു​ദ്ധ പ്ര​ചാ​ര​ണ​ത്തി​ന് ഉ​പ​യോ​ഗി​ക്കു​ന്ന സ​മ​കാ​ലി​ക സ​ന്ദ​ർ​ഭ​ത്തി​ൽ ഈ ​പോ​രാ​ട്ട​ങ്ങ​ളു​ടെ യ​ഥാ​ർ​ഥ ച​രി​ത്രം അ​നാ​വ​ര​ണം​ചെ​യ്യ​പ്പെ​ടേ​ണ്ട​തു​ണ്ട്.

പൂ​ക്കോ​ട്ടൂ​രി​ൽ മാ​പ്പി​ള​മാ​ർ ആ​യു​ധ​മെ​ടു​ത്ത​ത് ഖി​ലാ​ഫ​ത്ത് പ്ര​സ്​​ഥാ​ന​ത്തിെ​ൻ​റ ആ​ശ​യ​ത്തി​ന് വി​രു​ദ്ധ​മാ​ണെ​ന്നാ​ണ് ചി​ല ച​രി​ത്ര​മെ​ഴു​ത്തു​കാ​ർ അ​വ​ലോ​ക​നം ചെ​യ്ത​ത്. പൂ​ക്കോ​ട്ടൂ​ർ യു​ദ്ധ​ത്തിെ​ൻ​റ ഉ​ത്ത​ര​വാ​ദി​ത്തം, വ​ട​ക്കു​വീ​ട്ടി​ൽ മ​മ്മ​തു​വി​നാ​യി​രു​ന്നെ​ന്ന് 1922 മേ​യ് 24ന് ​പൊ​ലീ​സ്​ സൂ​പ്ര​ണ്ടി​ന് ന​ൽ​കി​യ മൊ​ഴി​യി​ൽ പൂ​ക്കോ​ട്ടൂ​ർ ഖി​ലാ​ഫ​ത്ത് ക​മ്മി​റ്റി വൈ​സ്​ പ്ര​സി​ഡ​ൻ​റ്​ കാ​രാ​ട്ട് മൊ​യ്തീ​ൻ കു​ട്ടി ഹാ​ജി സ​മ്മ​തി​ക്കു​ന്നു​ണ്ട്. ഖി​ലാ​ഫ​ത്ത് ക​മ്മി​റ്റി യോ​ഗം ചേ​ർ​ന്ന് അ​ധി​കാ​ര​പ്പെ​ടു​ത്തി​യ​താ​യി​രു​ന്നു മ​മ്മ​ദി​നെ. മ​ല​പ്പു​റ​ത്തെ കീ​ഴ്പ്പെ​ടു​ത്താ​നെ​ത്തു​ന്ന സ​ർ​വാ​യു​ധ​സ​ജ്ജ​രാ​യ ബ്രി​ട്ടീ​ഷ് ഭ​ട​ന്മാ​രെ നേ​രി​ടാ​ൻ സ​ഹ​ന​വും അ​ഹിം​സ​യും കൊ​ണ്ട് കാ​ര്യ​മി​ല്ലെ​ന്ന് മാ​പ്പി​ള​മാ​ർ ക​രു​തി. ക​ഴി​ഞ്ഞ ഒ​രു നൂ​റ്റാ​ണ്ടാ​യി ബ്രി​ട്ടീ​ഷ് പ​ട്ടാ​ള​ക്കാ​രി​ൽ​നി​ന്നും ജ​ന്മി അ​ധി​കാ​രി​ക​ളി​ൽ നി​ന്നും ത​ങ്ങ​ൾ നേ​രി​ട്ട ദു​ര​നു​ഭ​വ​ങ്ങ​ളാ​ണ് അ​വ​രെ ആ ​തി​രി​ച്ച​റി​വി​ലേ​ക്ക് ന​യി​ച്ച​ത്. ചെ​റു​ത്തു​നി​ന്നാ​ലും സ​ഹി​ച്ചാ​ലും കൊ​ല്ല​പ്പെ​ടും എ​ന്ന​ഘ​ട്ട​ത്തി​ലെ​ത്തു​മ്പോ​ൾ ഏ​തു സ​മൂ​ഹ​വും സ്വീ​ക​രി​ച്ചു​പോ​കു​ന്ന ഏ​ക പോം​വ​ഴി​ത​ന്നെ​യാ​ണ് അ​ത്. അ​തു​ത​ന്നെ​യാ​ണ്, ഏ​തു കാ​ല​ത്തെ​യും മ​ർ​ദ​ക​രാ​യ അ​ധി​കാ​രി​ക​ൾ​ക്കും പീ​ഡി​ത​സ​മൂ​ഹ​ത്തി​നും ഇ​ത്ത​രം പോ​രാ​ട്ട​ച​രി​ത്ര​ങ്ങ​ളി​ൽ​നി​ന്നു​ള്ള സാ​മൂ​ഹി​ക​പാ​ഠ​വും.

Show Full Article
TAGS:Pookottur freedom struggle malappuram 
Next Story