ഇ​ക്കു​റി ‘പ​ച്ച​ക്കൊ​ടി’ ഇ​ല്ല; ‘തീ​വ്ര​വാ​ദ പി​ന്തു​ണ’ രാ​ഹു​ലി​നെ​തി​രെ സം​ഘ്​​പ​രി​വാ​ർ തു​റു​പ്പു​ചീ​ട്ട്​

തി​രു​വ​ന​ന്ത​പു​രം: രാ​ഹു​ൽ ഗാ​ന്ധി​ക്കെ​തി​രെ ‘തീ​വ്ര​വാ​ദി പി​ന്തു​ണ’ ഒ​രി​ക്ക​ൽ​ക്കൂ​ടി ദേ​ശീ​യ​ത​ല​ത്തി​ൽ ആ​യു​ധ​മാ​ക്കാ​ൻ സം​ഘ്​​പ​രി​വാ​ർ. വ​യ​നാ​ടു​ൾ​പ്പെ​ടെ മ​ണ്ഡ​ല​ങ്ങ​ളി​ൽ യു.​ഡി.​എ​ഫി​നു​ള്ള എ​സ്.​ഡി.​പി.​ഐ പി​ന്തു​ണ​യാ​ണ്​ സം​ഘ്​​പ​രി​വാ​റി​ന്‍റെ തു​റു​പ്പു​ചീ​ട്ട്.

ക​ഴി​ഞ്ഞ​ത​വ​ണ, രാ​ഹു​ലി​ന്‍റെ പ്ര​ചാ​ര​ണ റാ​ലി​​യി​ലെ മു​സ്​​ലിം ലീ​ഗി​ന്‍റെ പ​ച്ച​ക്കൊ​ടി​യാ​യി​രു​ന്നു ആ​യു​ധം. മു​സ്​​ലിം ഭൂ​രി​പ​ക്ഷ മ​ണ്ഡ​ല​ത്തി​ൽ രാ​ഹു​ലി​നു​വേ​ണ്ടി​ വി​ഘ​ട​ന​വാ​ദി​ക​ൾ പാ​കി​സ്താ​ൻ പ​താ​ക​യു​മേ​ന്തി റാ​ലി ന​ട​ത്തി​യെ​ന്നാ​യി​രു​ന്നു ഉ​ത്ത​രേ​ന്ത്യ​യി​ൽ സം​ഘ്​​പ​രി​വാ​ർ പ്ര​ചാ​ര​ണം.

വ​യ​നാ​ട്ടി​ൽ രാ​ഹു​ലി​നെ അ​ഭി​വാ​ദ്യം ചെ​യ്ത്​ മു​സ്​​ലിം ലീ​ഗ്​ അ​ണി​ക​ൾ പ​ച്ച​ക്കൊ​ടി വീ​ശു​ന്ന ചി​ത്രം സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ച​ത്​ അ​മേ​ത്തി​യി​ൽ രാ​ഹു​ലി​ന്‍റെ പ​രാ​ജ​യ​ത്തി​നും ഉ​ത്ത​രേ​ന്ത്യ​യി​ൽ പൊ​തു​വി​ൽ കോ​​ൺ​ഗ്ര​സി​നേ​റ്റ തി​രി​ച്ച​ടി​ക്കും കാ​ര​ണ​ങ്ങ​ളി​ലൊ​ന്നാ​യി. ബു​ധ​നാ​ഴ്ച വ​യ​നാ​ട്ടി​ൽ പ​ത്രി​ക ന​ൽ​കി​യ രാ​ഹു​ലി​ന്‍റെ റോ​ഡ്​ ഷോ​യി​ൽ പ​താ​ക ഒ​ഴി​വാ​ക്കി​യ​ത്​ ഈ ​പ​ശ്ചാ​ത്ത​ല​ത്തി​ലാ​ണ്. സം​ഘ്​​പ​രി​വാ​റി​ന്​ ആ​യു​ധം ന​ൽ​കാ​തി​രി​ക്കാ​ൻ പ​ച്ച​ക്കൊ​ടി ഒ​ഴി​വാ​ക്കി​യ​ത്​ കേ​ര​ള​ത്തി​ൽ സി.​പി.​എം ആ​യു​ധ​മാ​ക്കി.

രാ​ഹു​ൽ ഗാ​ന്ധി​യു​ടെ റാ​ലി​യി​ൽ മു​സ്​​ലിം ലീ​ഗു​കാ​ർ​ക്ക്​ സ്വ​ന്തം കൊ​ടി​പി​ടി​ക്കാ​ൻ​പോ​ലും അ​നു​മ​തി​​യി​ല്ലെ​ന്ന്​​ സി.​പി.​എം സം​സ്ഥാ​ന സെ​​ക്ര​ട്ട​റി എം.​വി. ഗോ​വി​ന്ദ​ൻ വി​മ​ർ​ശി​ച്ചു. പ​ച്ച​ക്കൊ​ടി ഒ​ഴി​വാ​ക്കി​യെ​ങ്കി​ലും രാ​ഹു​ൽ ഗാ​ന്ധി​യെ എ​സ്.​ഡി.​പി.​ഐ പി​ന്തു​ണ​യി​ൽ കു​രു​ക്കാ​നാ​ണ്​ ബി.​ജെ.​പി നീ​ക്കം. കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത്​ ഷാ ​ക​ർ​ണാ​ട​ക​യി​ലെ പ്ര​ചാ​ര​ണ റാ​ലി​യി​ലും കേ​ര​ള​ത്തി​ന്‍റെ പ്ര​ഭാ​രി പ്ര​കാ​ശ്​ ജാ​വ്​​ദേ​ക്ക​ർ തി​രു​വ​ന​ന്ത​പു​ര​ത്തും ഇ​ക്കാ​ര്യം ഉ​ന്ന​യി​ച്ചു.

എ​സ്.​ഡി.​പി.​ഐ​യു​ടെ പി​ന്തു​ണ ​​സ്വീ​ക​രി​ക്കു​ന്ന കോ​ൺ​ഗ്ര​സ്​ പാ​കി​സ്താ​ന്‍റെ ശ​ബ്​​ദ​മാ​യി മാ​റി​യെ​ന്നാ​ണ്​ ഇ​രു​വ​രു​ടെ​യും ആ​ക്ഷേ​പം. രാ​ഹു​ൽ ഗാ​ന്ധി​ക്ക്​ തീ​വ്ര​വാ​ദി പി​ന്തു​ണ​യെ​ന്ന നി​ല​യി​ൽ സ​മൂ​ഹ​മാ​ധ്യ​മ​ങ്ങ​ളി​ലും സം​ഘ്​​പ​രി​വാ​ർ പ്ര​ചാ​ര​ണം ത​കൃ​തി​യാ​യി. ഹി​ന്ദി മേ​ഖ​ല​യി​ലാ​ണ്​ ഇ​ത്​ വ്യാ​പ​ക​മാ​യി പ്ര​ച​രി​ക്കു​ന്ന​ത്. എ​സ്.​ഡി.​പി.​ഐ​യു​മാ​യി ധാ​ര​ണ​യി​ല്ലെ​ന്ന്​ കെ.​പി.​സി.​സി വി​ശ​ദീ​ക​രി​ച്ച​തി​ന​പ്പു​റം ത​ൽ​ക്കാ​ലം പ്ര​തി​ക​ര​ണം വേ​ണ്ടെ​ന്നാ​ണ്​ എ.​ഐ.​സി.​സി തീ​രു​മാ​നം.