'ഇല്ല, കർഷകർക്ക്​ മടങ്ങാറായിട്ടില്ല'

രാ​ജ്യ​മൊ​ട്ടു​ക്ക്​ ജ​ന​രോ​ഷം ക്ഷ​ണി​ച്ചു​വ​രു​ത്തി​യ മൂ​ന്ന്​ വി​വാ​ദ കാ​ർ​ഷി​ക നി​യ​മ​ങ്ങ​ൾ പി​ൻ​വ​ലി​ക്കു​മെ​ന്ന്​ പ്ര​ധാ​ന​മ​ന്ത്രി പ്ര​ഖ്യാ​പി​ച്ച്​ ഒ​രാ​ഴ്​​ചയാകവെ സ​മ​ര​നാ​യ​ക​രി​ൽ പ്ര​മു​ഖ​നാ​യ രാ​കേ​ശ്​​ ടി​കാ​യ​ത്​ കാ​ർ​ഷി​കനയ വി​ശ​ക​ല​നവി​ദ​ഗ്​​ധ​നും ദി ​വ​യ​ർ കൃ​ഷി കി ​ബാ​ത്ത്​ അ​വ​താ​ര​ക​നു​മാ​യ ഇ​​ന്ദ്ര​ശേ​ഖ​ർ സി​ങ്ങു​മാ​യി സം​സാ​രി​ക്കു​ന്നു; ശ​ബ്​​ദ​ത്തി​ലും നി​ല​പാ​ടി​ലും ത​രി​മ്പ്​ മാ​റ്റ​മി​ല്ലാ​തെ

ആ​യാ​സം നി​റ​ഞ്ഞ ര​ണ്ടു ദി​വ​സ​ങ്ങ​ളാ​ണ്​ ക​ഴി​ഞ്ഞു​പോ​യ​ത്. ​ മ​ഹാ​പ​ഞ്ചാ​യ​ത്തി​ൽ പ​ങ്കു​ചേ​രാ​ൻ ല​ഖ്നോ​വി​ലേ​ക്കും തി​രി​ച്ച്​ ഗാ​സി​പൂ​ർ അ​തി​ർ​ത്തി​യി​ലേ​ക്കു​മാ​യി ആ​യി​രം കി​ലോ​മീ​റ്റ​ർ​ കാ​ർ യാ​ത്ര. പ​ക്ഷേ, ര​ാ​കേ​ശ്​​ ടി​കാ​യ​ത്​​ പ​തി​വ്​ പു​ഞ്ചി​രി വി​ടാ​തെ, സ്​​ഥി​രം വേ​ഷ​ത്തി​ൽ തി​ക​ഞ്ഞ സൗ​മ്യ​ത​യോ​ടെ​യാ​ണ്​ സ​മ​ര​ഭൂ​മി​യി​ലെ ടെൻറി​ലി​രു​ന്ന്​ സം​സാ​രി​ച്ച​ത്.

ല​ഖ്​​നോ മഹാപ​ഞ്ചാ​യ​ത്തി​ലെ വ​ൻ ജനപ​ങ്കാ​ളി​ത്ത​ത്തി​ന്​ സാ​ക്ഷി​യാ​യ ഒ​രാ​ളെ​ന്ന നി​ല​യി​ൽ ഒ​രു​പാ​ട്​ കാ​ര്യ​ങ്ങ​ൾ ചോ​ദി​ക്കാ​നു​ണ്ടാ​യി​രു​ന്നു. എ​ന്നി​രി​ക്കി​ലും മ​ന​സ്സി​ൽ വ​ന്ന ആ​ദ്യ വി​ഷ​യം ചോ​ദി​ച്ചു.

നി​യ​മ​ങ്ങ​ൾ പി​ൻ​വ​ലി​ച്ചി​രി​ക്കു​ന്നു, ഇ​നി​യെ​ന്താ​ണ്​?

ടെൻറി​ലെ​ത്തി​യ സ​ന്ദ​ർ​ശ​ക​രോ​ടാ​യി അ​ദ്ദേ​ഹം ആ​വ​ർ​ത്തി​ച്ചു- ഇ​നി​യെ​ന്താ​ണ്​​? പി​ന്നെ മ​റു​പ​ടി പ​റ​ഞ്ഞു: ''ഞ​ങ്ങ​ളു​ടെ പോ​രാ​ട്ടം അ​വ​സാ​നി​ച്ചി​ട്ടി​ല്ല. മി​നി​മം താ​ങ്ങു​വി​ല നി​യ​മ​പ്ര​കാ​ര​മു​ള്ള അ​വ​കാ​ശ​മാ​ക്കു​ന്ന​തു വ​രെ ക​ർ​ഷ​ക​ർ തി​രി​ച്ചു പോ​കു​ന്നി​ല്ല.''

ഒ​രു​പി​ടി ക​ർ​ഷ​ക​ർ മോ​ദി​സ​ർ​ക്കാ​റി​‍െൻറ തീ​രു​മാ​ന​ത്തെ അ​ട്ടി​മ​റി​ച്ചു​വെ​ന്ന്​ പ​റ​യാ​മോ?

നി​ങ്ങ​ൾ ആ​രെ​യെ​ങ്കി​ലും തോ​ൽ​പ്പി​ച്ചു ക​ഴി​ഞ്ഞാ​ൽ അ​വ​ർ സ​ന്തോ​ഷ​ത്തോ​ടെ​യാ​വി​ല്ല ക​ളം വി​ട്ടു പോ​കു​ന്ന​ത്. പോ​കുന്ന പോ​ക്കി​ൽ ശ​പി​ക്കു​ക​യും ചെ​യ്യും. ഞ​ങ്ങ​ൾ ക​ർ​ഷ​ക​ർ അ​വ​രു​ടെ പ​റ​ച്ചി​ലി​നെ കാ​ര്യ​മാ​യെ​ടു​ക്കു​ന്നി​ല്ല. ഞ​ങ്ങ​ൾ എ​ന്തി​നാ​ണോ വ​ന്ന​ത്​ ആ ആവശ്യങ്ങൾ ന​ട​പ്പാ​ക്കി​ക്കി​ട്ടു​ക​യാ​ണ്​ വേ​ണ്ട​ത്.

മ​റ്റ്​ ആ​വ​ശ്യ​​ങ്ങ​ളെ​ന്തൊക്കെയാണ്​?

ഞ​ങ്ങ​ൾ​ക്ക്​ ആ​റ്​ ആ​വ​ശ്യ​ങ്ങ​ളു​ണ്ട്. സം​യു​ക്ത്​ കി​സാ​ൻ മോ​ർ​ച്ച ഈ ​കാ​ര്യ​ങ്ങ​ൾ ചൂ​ണ്ടി​ക്കാ​ട്ടി ക​ത്ത​യ​ച്ചി​രു​ന്നു. പ​ക്ഷേ, സ​ർ​ക്കാ​ർ ഞ​ങ്ങ​ളോ​ട്​ സം​സാ​രി​ക്കാ​ൻ കൂ​ട്ടാ​ക്കു​ന്നി​ല്ല. ഒ​രു വ​ർ​ഷ​ക്കാ​ലം റോ​ഡു​ക​ളി​ൽ ചെ​ല​വി​ട്ട​ത്​ ത​മാ​ശ​ക്ക്​ വേ​ണ്ടി​യ​ല്ല. എ​ന്തു​കൊ​ണ്ട്​ ക​ർ​ഷ​ക​ർ​ക്കെ​തി​രാ​യ കേ​സു​ക​ൾ പി​ൻ​വ​ലി​ക്കു​ന്നി​ല്ല​യെ​ന്നും ഞ​ങ്ങ​ളു​ടെ ര​ക്ത​സാ​ക്ഷി​ക​ളെ ബ​ഹു​മാ​നി​ക്കു​ന്നി​ല്ല എ​ന്നും സ​ർ​ക്കാ​ർ ജ​ന​ങ്ങ​ളോ​ട്​ പ​റ​യ​ണം. ജീ​വ​ൻ വെ​ടി​ഞ്ഞ 750 ക​ർ​ഷ​ക​ർ ന​മ്മു​ടെ രാ​ജ്യ​ത്തി​ന്​ വേ​ണ്ടി​യാ​ണ്​ ജീ​വ​ൻ ഹോ​മി​ച്ച​ത്. അ​വ​രെ ആ​ദ​രി​ക്കു​ക​യും അ​വ​രു​ടെ വി​ധ​വ​ക​ൾ​ക്ക്​ ന​ഷ്​​ട​പ​രി​ഹാ​രം ന​ൽ​കു​ക​യും വേ​ണ്ടേ? മോ​ദി​ക്കാ​ല​ത്ത്​ മ​ര​ണ​പ്പെ​ട്ട ഓ​രോ ക​ർ​ഷ​ക​രു​ടെ​യും പേ​രു​ക​ൾ ഞ​ങ്ങ​ൾ രേ​ഖ​പ്പെ​ടു​ത്തി​വെ​ക്കും, അ​വ​രു​ടെ ഓ​ർ​മ​ക​ൾ കെ​ടാ​തെ സൂ​ക്ഷി​ക്കും.

വി​ത്തു ബി​ല്ല്​ പോ​ലെ വേ​റെ​യും കു​റെ പ്ര​ശ്​​ന​ങ്ങ​ളു​ണ്ട്. അ​ത്​ ന​ട​പ്പാ​യാ​ൽ വി​ത്ത്​ പൊ​ലീ​സ്​ ഇ​ന്ത്യ​യി​ലെ​ത്തും. രാ​ജ്യ​ത്തെ അ​തി​ൽ​നി​ന്ന്​ ര​ക്ഷി​ക്ക​ണം. ഒ​രു​പാ​ട്​ കാ​ര്യ​ങ്ങ​ൾ മു​ട​ങ്ങി​ക്കി​ട​ക്കു​ന്നു​ണ്ട്. സ​ർ​ക്കാ​ർ ക​ർ​ഷ​ക​രു​മാ​യി സം​ഭാ​ഷ​ണ​ത്തി​ന്​ ത​യാ​റാ​വ​ണം.

മു​മ്പ്​​ ന​ട​ത്തി​യ ച​ർ​ച്ച​യി​ൽ വൈ​ദ്യു​തി ഭേ​ദ​ഗ​തി ബി​ൽ, വൈ​ക്കോ​ൽ ക​ത്തി​ക്ക​ൽ (വാ​യു മ​ലി​നീ​ക​ര​ണം) ബി​ൽ എ​ന്നി​വ പി​ൻ​വ​ലി​ക്കാ​ൻ ത​യാ​റാ​യി​രു​ന്നു, പ​ക്ഷേ മി​നി​മം താ​ങ്ങു​വി​ല​യെ​പ്പ​റ്റി മി​ണ്ടാ​ൻ കൂ​ട്ടാ​ക്കി​യി​ല്ല. ഇ​പ്പോ​ൾ ക​ർ​ഷ​ക​ർ അ​താ​വ​ശ്യ​പ്പെ​ടു​ന്നു, സ​ർ​ക്കാ​ർ സ​ന്ന​ദ്ധ​മാ​വ​ണം.

താ​ങ്ങു​വി​ല​യി​ൽ ത​ന്നെ തൂ​ങ്ങി​നി​ൽ​ക്കു​ന്ന​തെ​ന്തി​നാ​ണ്​? മോ​ദി നി​യ​മ​ങ്ങ​ൾ​ക്ക്​ മേ​ൽ നി​യ​മം കൊ​ണ്ടു​വ​ര​ണ​െ​മ​ന്നാ​ണോ നി​ങ്ങ​ൾ പ​റ​യു​ന്ന​ത്​?

ഞ​ങ്ങ​ൾ പ​റ​യു​ന്ന​ത​ല്ല, ന​രേ​ന്ദ്ര മോ​ദി ഗു​ജ​റാ​ത്ത്​ മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത്​ മു​ഖ്യ​മ​ന്ത്രി​മാ​രു​ടെ ധ​ന​കാ​ര്യ സ​മി​തി​യു​ടെ മേ​ധാ​വി​യാ​യി​രു​ന്നു. അ​ന്ന്​ താ​ങ്ങു​വി​ല സം​ബ​ന്ധി​ച്ച്​ സ​ർ​ക്കാ​ർ നി​യ​മ​മു​ണ്ടാ​ക്ക​ണ​മെ​ന്നാ​വ​ശ്യ​പ്പെ​ട്ട്​ പ്ര​ധാ​ന​മ​ന്ത്രി​യാ​യി​രു​ന്ന മ​ൻ​മോ​ഹ​ൻ സി​ങ്ങി​ന്​ റി​പ്പോ​ർ​ട്ട്​ കൊ​ടു​ത്ത​യാ​ളാ​ണ്. അ​തി​ൽ​നി​ന്ന്​ എ​ന്താ​ണ്​ മ​ന​സ്സി​ലാ​ക്കേ​ണ്ട​ത്​? ഒ​ന്നു​കി​ൽ അ​ന്ന്​ ന​ൽ​കി​യ റി​പ്പോ​ർ​ട്ട്​ ക​ള്ള​മാ​യി​രു​ന്നു, അ​ല്ലെ​ങ്കി​ൽ ത​‍െൻറ ത​ന്നെ ക​ണ്ടെ​ത്ത​ലു​ക​ൾ ന​ട​പ്പാ​ക്കാ​ൻ മോ​ദി ആ​ഗ്ര​ഹി​ക്കു​ന്നി​ല്ല.

ഇ​ന്ന്​ മോ​ദി ക​ർ​ഷ​ക​രു​ടെ അ​വ​കാ​ശ​ങ്ങ​ൾ​ക്കാ​യി വാ​ദി​ക്കു​ന്ന​യാ​ള​ല്ല, മ​റി​ച്ച്​ ഇ​ക്കാ​ര്യ​ത്തി​ൽ തീ​രു​മാ​നം കൈ​ക്കൊ​ള്ളാ​ൻ പ്രാ​പ്​​തി​യു​ള്ള​യാ​ളാ​ണ്. അ​ദ്ദേ​ഹം ത​ന്നെ ശി​പാ​ർ​ശ ചെ​യ്​​ത തെ​ളി​വു​ക​ൾ ആ​വോ​ള​മു​ണ്ട്. അ​തൊ​ന്ന്​ ന​ട​പ്പാ​ക്കി​ത്ത​രാ​ൻ മാ​ത്ര​മാ​ണ്​ ഞ​ങ്ങ​ൾ ആ​വ​ശ്യ​പ്പെ​ടു​ന്ന​ത്.

ക​ർ​ഷ​ക​ർ​ക്ക്​ മോ​ദി​യു​ടെ വാ​ക്കു​ക​ളെ വി​ശ്വ​സി​ക്കാ​ൻ ക​ഴി​യു​മോ​?

(ചി​രി​ക്കു​ന്നു), ക​ർ​ഷ​ക​ർ അ​തി​ന്​ ചു​മ്മാ മ​ട​ങ്ങാ​നൊ​ന്നും തീ​രു​മാ​നി​ച്ചി​ട്ടി​ല്ല. സ​ർ​ക്കാ​റി​ൽ​നി​ന്ന്​ ഒ​രു സാ​ക്ഷ്യ​പ​ത്രം കി​ട്ടാ​തെ ക​ർ​ഷ​ക​ർ ഗ്രാ​മ​ങ്ങ​ളി​ലേ​ക്ക്​ പോ​കു​മെ​ന്ന്​ ആ​രും ക​രു​ത​ണ്ട. നി​യ​മ​ങ്ങ​ൾ പാ​ർ​ല​മെൻറി​ൽ പി​ൻ​വ​ലി​ക്ക​ണം. അ​തെ​ങ്ങ​നെ​യാ​ണ്​ ന​ട​ത്തു​ന്ന​തെ​ന്ന്​ ഞ​ങ്ങ​ൾ സാ​കൂ​തം വീ​ക്ഷി​ക്കു​ന്നു​ണ്ട്. ഉ​റ​പ്പാ​ക്കു​ന്ന​തു വ​രെ ക​ർ​ഷ​ക വി​പ്ല​വം തു​ട​രു​ക ത​ന്നെ ചെ​യ്യും.

സ​മ​ര​ത്തി​‍െൻറ ഏ​കോ​പ​ന സ​മി​തി​യു​ടെ ഗ​തി​യെ​ന്താ​വും? അ​ത്​ സ്​​ഥി​രം സം​വി​ധാ​ന​മാ​യി തു​ട​രു​മോ, അ​തോ പി​രി​ച്ചു​വി​ടു​മോ?

സം​യു​ക്ത്​ കി​സാ​ൻ മോ​ർ​ച്ച തു​ട​രു​ക ത​ന്നെ ചെ​യ്യും. രാ​ജ്യ​ത്തി​ന്​ അ​താ​വ​ശ്യ​മു​ണ്ട്. ഇ​നി​യും ഒ​രു​പാ​ട്​ ക​ർ​ഷ​ക പ്ര​ശ്​​ന​ങ്ങ​ൾ​ക്ക്​ ഉ​ത്ത​രം ക​ണ്ടെ​ത്തേ​ണ്ട​തു​ണ്ട്.

കി​സാ​ൻ മോ​ർ​ച്ച​ക്ക്​ രാ​ഷ്​​ട്രീ​യ​മു​ണ്ടെ​ന്നാ​ണ്​ എ​തി​രാ​ളി​ക​ൾ പ​റ​യു​ന്ന​ത്, ടി​കാ​യ​ത്​​ ഇ​ല​ക്​​ഷ​നി​ൽ മ​ത്സ​രി​ക്കു​മോ?

എ​ന്തി​ന്​? ഞാ​ൻ ഇ​വി​ടെ രാ​ഷ്​​ട്രീ​യം ക​ളി​ക്കാ​ൻ വ​ന്ന​താ​ണോ? ഞ​ങ്ങ​ൾ​ക്ക്​ മി​നി​മം താ​ങ്ങു​വി​ല​യാ​ണ്​ വേ​ണ്ട​ത്. അ​തു ഉ​റ​പ്പാ​യാ​ൽ മ​ട​ങ്ങും. ക​ർ​ഷ​ക​ര​ല്ല, ഞ​ങ്ങ​ളെ ആ​ക്ര​മി​ച്ച ആ​ളു​ക​ളു​ണ്ട്, അ​വ​രാ​ണ്​ രാ​ഷ്​​ട്രീ​യം ക​ളി​ക്കു​ന്ന​ത്.

മോ​ദി തീ​രു​മാ​നം മാ​റ്റി​യാ​ലോ?

ഞ​ങ്ങ​ൾ സ​ഞ്ചി മു​റു​ക്കി തി​രി​ച്ചു​പോ​കാ​ൻ ഒ​രു​ങ്ങി നി​ൽ​ക്കു​ക​യൊ​ന്നു​മ​ല്ല. ഞ​ങ്ങ​ൾ എ​ങ്ങോ​ട്ടും പോ​വി​ല്ല. ഈ ​പ്ര​ക്ഷോ​ഭം ഒ​രു വ​ർ​ഷം പി​ന്നി​ടു​ക​യാ​ണ്. സ​ർ​ക്കാ​റി​നെ​തി​രെ ഇ​നി​യും ഉ​റ​ച്ച​ മു​ദ്രാ​വാ​ക്യ​ങ്ങ​ൾ മു​ഴ​ക്കും ഞ​ങ്ങ​ൾ. രാ​ജ്യ​ത്തി​‍െൻറ സ​ക​ല കോ​ണു​ക​ളി​ലും യോ​ഗ​ങ്ങ​ൾ സം​ഘ​ടി​പ്പി​ക്കും. അ​പ്പോ​ൾ പി​ന്നെ മി​നി​മം താ​ങ്ങു​വി​ല നി​യ​മ​പ​ര​മാ​യ അ​വ​കാ​ശ​മാ​ക്കി​യാ​ൽ ഇ​ന്ത്യ​ൻ ക​ർ​ഷ​ക​ർ​ക്ക്​ ഗു​ണ​മാ​ണോ ദോ​ഷ​മാ​ണോ സം​ഭ​വി​ക്കു​ക​യെ​ന്ന്​ സ​ർ​ക്കാ​റി​ന്​ ജ​ന​ങ്ങ​ളോ​ട്​ പ​റ​യേ​ണ്ടി​വ​രും.