നേ​താ​ജി: ഇ​ന്ത്യ​ന്‍ രാ​ഷ്ട്രീ​യ​ത്തി​ലെ ചി​ര​ഞ്ജീ​വി

ഇ​ന്ത്യ​ന്‍ സ്വാ​ത​ന്ത്ര്യ​സ​മ​ര​ത്തി​ലെ പ​ട​ച്ച​ട്ട​യ​ണി​ഞ്ഞ ധീ​ര​ദേ​ശാ​ഭി​മാ​നി നേ​താ​ജി സു​ഭാ​ഷ് ച​ന്ദ്ര​ബോ​സി​ന്‍റെ 126ാം ജ​ന്മ​ദി​ന​മാ​ണി​ന്ന്‍. ഇ​ന്ത്യ​ൻ ജ​ന​ത സ്നേ​ഹാ​ദ​ര​വു​ക​ളോ​ടെ ദേ​ശീ​യ നേ​താ​ക്ക​ളെ ബാ​പ്പു​ജി​യെ​ന്നും ചാ​ച്ചാ​ജി​യെ​ന്നും ഗുരുജിയെന്നും വി​ളി​ച്ച​പ്പോ​ള്‍ നേ​താ​വേ എ​ന്ന​ര്‍ഥ​ത്തി​ല്‍ അ​ഭി​സം​ബോ​ധ​ന ചെ​യ്ത​ത് സു​ഭാ​ഷ് ച​ന്ദ്ര​ബോ​സി​നെ മാ​ത്ര​മാ​ണ്.

വി​ദ്യാ​ര്‍ഥി​കാ​ല​ഘ​ട്ട​ത്തി​ല്‍ത​ന്നെ ദേ​ശാ​ഭി​മാ​ന പ്ര​ചോ​ദി​ത​മാ​യ പ്ര​വ​ര്‍ത്ത​ന​ങ്ങ​ളു​ടെ പേ​രി​ല്‍ പ​ല​പ്പോ​ഴും സ്കൂ​ളി​ല്‍നി​ന്നും കോ​ള​ജി​ല്‍നി​ന്നും അ​ദ്ദേ​ഹം പു​റ​ത്താ​ക്ക​പ്പെ​ട്ടു. ഒ​രു മ​ധ്യ​വേ​ന​ല​വ​ധി​ക്കാ​ല​ത്ത് സു​ഭാ​ഷ് വീ​ട്ടു​കാ​രോ​ട് പ​റ​യാ​തെ ആ​ത്മീ​യ​മാ​ര്‍ഗ​ത്തി​ലൂ​ടെ ഇ​ന്ത്യ​യു​ടെ ആ​ത്മാ​വ് ക​ണ്ടെ​ത്താ​ന്‍ ഒ​രു സാ​ഹ​സി​ക യാ​ത്ര ന​ട​ത്തി. ത​ന്‍റെ ആ​ത്മ​തൃ​ഷ്ണ​യെ തൃ​പ്തി​പ്പെ​ടു​ത്താ​ന്‍, ക​ണ്ടു​മു​ട്ടി​യ ഋ​ഷി​വ​ര്യ​ന്മാ​ര്‍ക്കോ സു​ഹൃ​ത്തു​ക്ക​ള്‍ക്കോ ക​ഴി​യാ​തെ​വ​ന്ന​പ്പോ​ള്‍ വീ​ട്ടി​ലേ​ക്ക് മ​ട​ങ്ങി. ആ​ഴ​ത്തി​ലു​ള്ള വാ​യ​ന​യും സ്വാ​മി വി​വേ​കാ​ന​ന്ദ ദ​ര്‍ശ​ന​ങ്ങ​ളോ​ടു​ള്ള താ​ൽ​പ​ര്യ​വും ബ്രി​ട്ടീ​ഷു​കാ​രോ​ട് വ​ര്‍ധി​ച്ചു​വ​രു​ന്ന വി​രോ​ധ​വും മ​ന​സ്സി​ലാ​ക്കി​യ പി​താ​വ് ജാ​ന​കീ​നാ​ഥ ബോ​സ് സു​ഭാ​ഷി​നെ നി​ര്‍ബ​ന്ധി​ച്ച് ഐ.​സി.​എ​സ് പ​രീ​ക്ഷ​ക്കാ​യി ഇം​ഗ്ല​ണ്ടി​ലേ​ക്ക് അ​യ​ച്ചു. നാ​ലാം റാ​ങ്കോ​ടു​കൂ​ടി പ​രീ​ക്ഷ പാ​സാ​യെ​ങ്കി​ലും ബ്രി​ട്ടീ​ഷ് സ​ര്‍ക്കാ​റി​ന്​ കീ​ഴി​ല്‍ ഒ​രു ഉ​ദ്യോ​ഗ​സ്ഥ​നാ​യി​രി​ക്കാ​ന്‍ മ​ന​സ്സി​ല്ലാ​ത്ത​തി​നാ​ൽ ഐ.​സി.​എ​സ് ഉ​പേ​ക്ഷി​ച്ച്​ ഇ​ന്ത്യ​യി​ലേ​ക്ക് മ​ട​ങ്ങി.

1921 ജൂ​ലൈ 16ന്​ ​ഇ​ന്ത്യ​യി​ൽ വ​ന്ന​ശേ​ഷം വീ​ട്ടി​ലേ​ക്ക്​ പോ​കു​ന്ന​തി​നു​മു​മ്പ് മും​ബൈ​യി​ലെ​ത്തി മ​ഹാ​ത്മ ഗാ​ന്ധി​യെ സ​ന്ദ​ർ​ശി​ച്ചു. നി​യ​മ​നി​ഷേ​ധ സ​മ​ര​ങ്ങ​ളി​ലൂ​ടെ ബ്രി​ട്ടീ​ഷു​കാ​രെ തു​ര​ത്താ​മെ​ന്ന ഗാ​ന്ധി​ജി​യു​ടെ അ​ഭി​പ്രാ​യ​ത്തോ​ട് യോ​ജി​ക്കാ​ന്‍ ആ 24 ​വ​യ​സ്സു​കാ​ര​ന്​ ക​ഴി​ഞ്ഞി​ല്ല. ത​ന്‍റെ മു​ന്നി​ലി​രി​ക്കു​ന്ന ചെ​റു​പ്പ​ക്കാ​ര​ന്‍ അ​ഗ്നി ഉ​ള്ളി​ല്‍ സൂ​ക്ഷി​ക്കു​ന്ന ഇ​ന്ത്യ​ന്‍ യു​വ​ത്വ​ത്തി​ന്‍റെ പ്ര​തി​നി​ധി​യാ​ണെ​ന്ന് മ​ന​സ്സി​ലാ​ക്കി​യ ഗാ​ന്ധി​ജി കൊ​ല്‍ക്ക​ത്ത​യി​ൽ പോ​യി ചി​ത്ത​ര​ഞ്ജ​ന്‍ ദാ​സി​നോ​ടൊ​പ്പം പ്ര​വ​ര്‍ത്തി​ക്കാ​ൻ നി​ർ​ദേ​ശി​ച്ചു. കൊ​ല്‍ക്ക​ത്ത​യി​ലെ​ത്തി​യ സു​ഭാ​ഷ് സ​ജീ​വ കോ​ണ്‍ഗ്ര​സ്‌ പ്ര​വ​ര്‍ത്ത​ക​നാ​യി.

കൊ​ല്‍ക്ക​ത്ത കോ​ര്‍പ​റേ​ഷ​ന്‍റെ എ​ക്സി​ക്യൂ​ട്ടി​വ് ഓ​ഫി​സ​റാ​യും മേ​യ​റാ​യും കോ​ണ്‍ഗ്ര​സ്​ അ​ഖി​ലേ​ന്ത്യ ജ​ന​റ​ല്‍ സെ​ക്ര​ട്ട​റി​യാ​യും മാ​റി​യ സു​ഭാ​ഷ്, ജ​വ​ഹ​ര്‍ലാ​ല്‍ നെ​ഹ്റു​വി​നൊ​പ്പം യു​വ​നേ​താ​ക്ക​ന്മാ​രി​ല്‍ പ്ര​മു​ഖ​നാ​യി. തൊ​ഴി​ലാ​ളി​ക​ളെ​യും യു​വാ​ക്ക​ളേ​യും സം​ഘ​ടി​പ്പി​ക്കാ​ന്‍ പ്ര​ത്യേ​കം താ​ൽ​പ​ര്യ​മെ​ടു​ത്ത അ​ദ്ദേ​ഹം 1931ല്‍ ​കോ​ണ്‍ഗ്ര​സി​നോ​ട് ആ​ഭി​മു​ഖ്യ​മു​ള്ള തൊ​ഴി​ലാ​ളി സം​ഘ​ട​ന​യാ​യ എ.​ഐ.​ടി.​യു.​സി​യു​ടെ പ്ര​സി​ഡ​ന്റാ​യി.

കോ​ണ്‍ഗ്ര​സി​ല്‍ യു​വാ​ക്ക​ളു​ടെ അ​ഭി​പ്രാ​യ​ങ്ങ​ള്‍ക്ക് കൂ​ടു​ത​ല്‍ സ്വീ​കാ​ര്യ​ത കി​ട്ടി​വ​ന്ന മു​പ്പ​തു​ക​ളു​ടെ ഒ​ടു​വി​ല്‍ കോ​ണ്‍ഗ്ര​സി​ന്‍റെ പ്ര​വ​ര്‍ത്ത​ന പ​രി​പാ​ടി​ക​ളി​ലാ​കെ സ​മൂ​ല​മാ​യ മാ​റ്റം വ​രാ​ന്‍ തു​ട​ങ്ങി​യി​രു​ന്നു. ബോ​സു​മാ​യി പ​ല കാ​ര്യ​ങ്ങ​ളി​ലും അ​ഭി​പ്രാ​യ വ്യ​ത്യാ​സ​മു​ണ്ടാ​യി​രു​ന്നെ​ങ്കി​ലും ഗാ​ന്ധി​ജി​യു​ടെ പി​ന്തു​ണ​യോ​ടെ 1938ല്‍ ​സു​ഭാ​ഷ് ച​ന്ദ്ര​ബോ​സി​നെ കോ​ണ്‍ഗ്ര​സ്​ പ്ര​സി​ഡ​ന്റാ​യി തി​ര​ഞ്ഞെ​ടു​ത്തു. കോ​ണ്‍ഗ്ര​സി​നെ ബ്രി​ട്ടീ​ഷു​കാ​രു​മാ​യി നേ​രി​ട്ട് ഏ​റ്റു​മു​ട്ടു​ന്ന വി​പ്ല​വ​സ്വ​ഭാ​വ​മു​ള്ള സം​ഘ​ട​ന​യാ​ക്കി മാ​റ്റാ​ന്‍ സു​ഭാ​ഷ് ശ്ര​മി​ച്ച​തോ​ടെ ഗാ​ന്ധി​ജി​യു​മാ​യു​ള്ള അ​ഭി​പ്രാ​യ​വ്യ​ത്യാ​സം രൂ​ക്ഷ​മാ​യി. 1939ല്‍ ​സു​ഭാ​ഷി​നെ​തി​രാ​യി ഗാ​ന്ധി​ജി കോ​ണ്‍ഗ്ര​സ്‌ പ്ര​സി​ഡ​ന്റ്‌ സ്ഥാ​ന​ത്തേ​ക്ക് പ​ട്ടാ​ഭി സീ​താ​രാ​മ​യ്യ​യെ നാ​മ​നി​ര്‍ദേ​ശം ചെ​യ്തു.

വാ​ശി​യേ​റി​യ തെ​ര​ഞ്ഞെ​ടു​പ്പി​ല്‍ സു​ഭാ​ഷ് ച​ന്ദ്ര​ബോ​സ് ജ​യി​ച്ചു. പ​ട്ടാ​ഭി​യു​ടെ പ​രാ​ജ​യം ത​ന്‍റെ പ​രാ​ജ​യ​മാ​ണെ​ന്നാ​യി​രു​ന്നു ഗാ​ന്ധി​ജി​യു​ടെ പ്ര​തി​ക​ര​ണം. യൂ​റോ​പ്പി​ന്‍റെ ച​ക്ര​വാ​ള​ത്തി​ല്‍ ര​ണ്ടാം ലോ​ക യു​ദ്ധ​ത്തി​ന്‍റെ കേ​ളി​കൊ​ട്ട് ആ​രം​ഭി​ച്ചി​രു​ന്ന സ​മ​യ​മാ​യി​രു​ന്നു അ​ത്. ബ്രി​ട്ട​ന്‍കൂ​ടി പ​ങ്കെ​ടു​ക്കു​ന്ന യു​ദ്ധ​ത്തി​ന്‍റെ സാ​ഹ​ച​ര്യം ഇ​ന്ത്യ​യു​ടെ മോ​ച​ന​ത്തി​ന് പ്ര​യോ​ജ​ന​പ്പെ​ടു​ത്ത​ണ​മെ​ന്നാ​യി​രു​ന്നു ബോ​സി​ന്‍റെ അ​ഭി​പ്രാ​യം. എ​ന്നാ​ല്‍, ശ​ത്രു​വാ​ണെ​ങ്കി​ലും അ​പ​ക​ട​ഘ​ട്ട​ത്തി​ല്‍ നി​ല്‍ക്കു​മ്പോ​ള്‍ കൂ​ടു​ത​ല്‍ പ്ര​യാ​സ​പ്പെ​ടു​ത്താ​ന്‍ പാ​ടി​ല്ലാ​യെ​ന്ന നി​ല​പാ​ടാ​യി​രു​ന്നു ഗാ​ന്ധി​ജി​ക്ക്. കോ​ണ്‍ഗ്ര​സ്‌ പ്ര​സി​ഡ​ന്റ്‌ സ്ഥാ​നം രാ​ജി​വെ​ച്ച സു​ഭാ​ഷ് ത​ന്‍റെ ആ​ശ​യ​ഗ​തി​ക​ളോ​ട് യോ​ജി​ക്കു​ന്ന​വ​രെ ചേ​ര്‍ത്ത് പു​തി​യ സം​ഘ​ട​ന​യു​ണ്ടാ​ക്കി-​ഫോ​ര്‍വേ​ഡ് ബ്ലോ​ക്ക്.

സാ​മ്രാ​ജ്യ​ത്വ​ത്തോ​ട്​ സ​ന്ധി​യി​ല്ലാ​സ​മ​രം ദൗ​ത്യ​മാ​ക്കി​യ ഫോ​ര്‍വേ​ഡ് ബ്ലോ​ക്കി​നെ ബ്രി​ട്ടീ​ഷ് ഭ​ര​ണ​കൂ​ടം നി​രോ​ധി​ച്ചു. നേ​താ​ക്ക​ളെ​യൊ​ക്കെ അ​റ​സ്റ്റ്​ ചെ​യ്തു.

എ​ന്നാ​ല്‍, അ​തി​സാ​ഹ​സി​ക​മാ​യി സു​ഭാ​ഷ് ച​ന്ദ്ര​ബോ​സ് വീ​ട്ടു​ത​ട​ങ്ക​ലി​ല്‍നി​ന്ന്​ 1941 ജ​നു​വ​രി 16ന്​ ​ഇ​ന്ത്യ​യി​ല്‍നി​ന്ന്​ ര​ക്ഷ​പ്പെ​ട്ടു. ര​ണ്ടാം ലോ​ക​യു​ദ്ധം കൊ​ടു​മ്പി​രി​കൊ​ണ്ടി​രി​ക്കു​ന്ന ആ ​സ​മ​യ​ത്ത് അ​ദ്ദേ​ഹം ജ​ര്‍മ​നി​യി​ലേ​ക്കാ​ണ്​ പോ​യ​ത്. പി​ന്നീ​ട്​ സിം​ഗ​പ്പൂ​രി​ലെ​ത്തി ഐ.​എ​ന്‍.​എ​യും സ്വ​ത​ന്ത്ര ഇ​ന്ത്യ ഗ​വ​ൺ​മെ​ന്റും സം​ഘ​ടി​പ്പി​ച്ചു. 1943 ഒ​ക്ടോ​ബ​ര്‍ 24ന്​ ​ആം​ഗ്ലോ-​അ​മേ​രി​ക്ക​ന്‍ ശ​ക്തി​ക​ള്‍ക്കെ​തി​രാ​യി യു​ദ്ധം പ്ര​ഖ്യാ​പി​ച്ചു. ജ​പ്പാ​ന്‍റെ സ​ഹാ​യ​ത്തോ​ടു​കൂ​ടി ന​ട​ത്തി​യ ആ ​യു​ദ്ധ​ത്തി​ല്‍ ജ​യി​ക്കാ​നാ​യി​ല്ലെ​ങ്കി​ലും ബ്രി​ട്ടീ​ഷു​കാ​രു​ടെ പി​ന്മാ​റ്റം ത്വ​രി​ത​പ്പെ​ടു​ത്താ​ന്‍ ഐ.​എ​ന്‍.​എ​ക്ക് ക​ഴി​ഞ്ഞു.

1921 മു​ത​ല്‍ 1941 വ​രെ​യാ​ണ് ഇ​ന്ത്യ​യി​ല്‍ സു​ഭാ​ഷ് ച​ന്ദ്ര​ബോ​സി​ന്‍റെ സ​ജീ​വ രാ​ഷ്ട്രീ​യ പ്ര​വ​ര്‍ത്ത​നം. ഈ 20 ​വ​ര്‍ഷ​ത്തി​നി​ട​യി​ല്‍ വി​വി​ധ കാ​ല​യ​ള​വു​ക​ളി​ലാ​യി അ​ദ്ദേ​ഹം 11 വ​ര്‍ഷം ജ​യി​ലി​ലാ​യി​രു​ന്നു. അ​ദ്ദേ​ഹ​ത്തി​ന്‍റെ 'ച​ലോ ദി​ല്ലി'​എ​ന്ന മു​ദ്രാ​വാ​ക്യം ഇ​ന്നും നീ​തി​ക്കു​വേ​ണ്ടി​യു​ള്ള സ​മ​ര​ങ്ങ​ളു​ടെ പ്ര​ഥ​മ കാ​ഹ​ള​മാ​ണ്.

ഐ.​എ​ന്‍.​എ​യു​ടെ പ​ട​യോ​ട്ടം വി​ജ​യ​ത്തി​ലേ​ക്ക് കു​തി​ക്കു​മ്പോ​ഴാ​ണ് 1945 ആ​ഗ​സ്റ്റ്‌ ആ​റി​നും ഒ​മ്പ​തി​നും അ​മേ​രി​ക്ക ഹി​രോ​ഷി​മ​യി​ലും നാ​ഗ​സാ​ക്കി​യി​ലും ആ​റ്റം ബോം​ബ് വ​ര്‍ഷി​ക്കു​ന്ന​ത്. ജ​പ്പാ​ന്‍ കീ​ഴ​ട​ങ്ങി​യ​തോ​ടു​കൂ​ടി ഐ.​എ​ന്‍.​എ​യും സേ​നാ​പി​ന്മാ​റ്റം ആ​രം​ഭി​ച്ചു.

അ​ങ്ങ​നെ താ​യ്‌​വാ​നി​ലെ താ​യ് ഹു​ക്കു വി​മാ​ന​ത്താ​വ​ള​ത്തി​ല്‍നി​ന്ന്​ മ​ഞ്ചൂ​റി​യ ല​ക്ഷ്യ​മാ​ക്കി പ​റ​ന്നു​യ​ര്‍ന്ന ജ​പ്പാ​ന്‍റെ ബോം​ബ​ര്‍ വി​മാ​നം ത​ക​ര്‍ന്ന്​ അ​ദ്ദേ​ഹം മ​രി​ച്ചു​വെ​ന്ന ക​ഥ​യാ​ണ്‌ പി​ന്നീ​ട് ലോ​ക​മ​റി​ഞ്ഞ​ത്. എ​ന്നാ​ല്‍, അ​ദ്ദേ​ഹ​ത്തി​ന്‍റെ തി​രോ​ധാ​നം അ​ന്വേ​ഷി​ച്ച ജ​സ്റ്റി​സ് മു​ഖ​ര്‍ജി ക​മീ​ഷ​ന്‍ തെ​ളി​വു​ക​ള്‍ നി​ര​ത്തി ക​ണ്ടെ​ത്തി​യ​ത് ഇ​ങ്ങ​നെ​യൊ​രു വി​മാ​നാ​പ​ക​ടം ന​ട​ന്നി​ട്ടി​ല്ല എ​ന്നാ​ണ്. നേ​താ​ജി​യു​ടെ തി​രോ​ധാ​നം ഇ​ന്നും ലോ​ക​ച​രി​ത്ര​ത്തി​ല്‍ സ​മാ​ന​ത​ക​ളി​ല്ലാ​ത്ത ഒ​രു സ​മ​സ്യ​യാ​ണ്. അ​തി​നാ​ല്‍ നേ​താ​ജി​യു​ടെ ജ​ന്മ​ദി​നം മാ​ത്ര​മാ​ണ് ഭാ​ര​തീ​യ​ര്‍ ആ​ഘോ​ഷി​ക്കു​ന്ന​ത്. മൃ​ത്യു ഇ​ല്ലാ​ത്ത നേ​താ​വാ​ണ്‌ അ​ദ്ദേ​ഹം- ഇ​ന്ത്യ​ന്‍ രാ​ഷ്ട്രീ​യ​ത്തി​ലെ ചി​ര​ഞ്ജീ​വി.

(ഓ​ള്‍ ഇ​ന്ത്യ ഫോ​ര്‍വേ​ഡ് ബ്ലോ​ക്ക് ദേ​ശീ​യ സെ​ക്ര​ട്ട​റി​യാ​ണ്​ ലേ​ഖ​ക​ൻ)