മുത്തൂറ്റ് സമരം: ഉത്തരവാദി മാനേജ്മെന്‍റ്​ 

എളമരം കരീം
08:31 AM
17/01/2020
muthoothu-strike

മുത്തൂറ്റ് ഫിനാൻസ്​ കമ്പനി മാനേജ്മ​െൻറി​െൻറ പകപോക്കലും തൊഴിലാളിവിരുദ്ധ നടപടികളുമാണ് ജീവനക്കാരെ 2020 ജനുവരി രണ്ടുമുതൽ വീണ്ടും സമരത്തിന് നിർബന്ധിതമാക്കിയത്.  ജീവനക്കാരുടെ യൂനിയനെ തകർക്കുകയും യൂനിയനിൽ അംഗങ്ങളായവരെ പിരിച്ചുവിടുകയുമാണ്​ മാനേജ്മ​െൻറ്​ ചെയ്യുന്നത്. യൂനിയൻ സെക്രട്ടറി നിഷ കെ.  ജയൻ ഉൾപ്പെടെ നാലു ഭാരവാഹികളും 30 വർക്കിങ്​ കമ്മിറ്റി അംഗങ്ങളും ഉൾപ്പെടെ 166 പേരെ 2019 ഡിസംബർ ഏഴു മുതൽ പിരിച്ചുവിട്ടത്​ ക്രൂരവും പ്രതികാരവും നിയമവിരുദ്ധവുമാണ്. സ്​ഥാപനത്തിൽ യൂനിയൻ അനുവദിക്കി​െല്ലന്ന പിടിവാശിയാണ് മാനേജ്മ​െൻറി​​െൻറത്.

പരിഷ്കൃത സമൂഹത്തിന് അംഗീകരിക്കാനാവാത്തതാണ് ഇൗ നിലപാട്. മിനിമം വേതനം, നിയമാനുസൃതമുള്ള ആനുകൂല്യങ്ങൾ തുടങ്ങിയ ആവശ്യങ്ങൾ ഉന്നയിച്ച്​ ജീവനക്കാർ 2019 ആഗസ്​റ്റ്​ 20 മുതൽ 52 ദിവസം പണിമുടക്കിയിരുന്നു. തൊഴിൽമന്ത്രി ഉൾപ്പെടെയുള്ളവർ നടത്തിയ അനുരഞ്ജനങ്ങളിൽ മാനേജ്മ​െൻറ്​ നിഷേധാത്മക നിലപാട് സ്വീകരിച്ചതിനാലാണ് സമരം നടത്തേണ്ടിവന്നത്. ഹൈകോാടതി ഇടപെട്ട്  മധ്യസ്​ഥനെ നിയോഗിക്കുകയും അദ്ദേഹത്തി​െൻറ സാന്നിധ്യത്തിൽ ലേബർ കമീഷണർ  തുടർചർച്ചകൾ നടത്തുകയും ചെയ്തതി​െൻറ അടിസ്​ഥാനത്തിൽ ഒക്ടോബർ 10 ന് സമരം ഒത്തുതീർന്നു. മിനിമം വേതനം നടപ്പാക്കാനും അതിന് വിധേയമായി പ്രതിമാസം 500 രൂപ പ്രതിമാസം ശമ്പളവർധന നൽകാനും മാനേജ്മ​െൻറ്​ സമ്മതിച്ചു. പ്രതികാര നടപടികൾ ഉണ്ടാവില്ലെന്നും സമ്മതിച്ചു. ഒത്തുതീർപ്പ് കരാറിൽ ഒപ്പു​െവച്ചശേഷം മുത്തൂറ്റി​െൻറ 611 ശാഖകളും തുറന്നു പ്രവർത്തിക്കുമെന്ന് മാനേജ്മ​െൻറ്​ പറഞ്ഞു. ഏതെങ്കിലും ശാഖ പൂട്ടുമെന്നോ തൊഴിലാളികളെ പിരിച്ചുവിടുമെന്നോ ഒരു ചർച്ചയിലും പറഞ്ഞിരുന്നില്ല.

ഒത്തുതീർപ്പ് കരാർ നിരീക്ഷകൻ ഹൈകോടതിയിൽ സമർപ്പിച്ചു. കരാർ രേഖപ്പെടുത്തുകയും ചെയ്തു. ഇൗ കരാർ ലംഘിച്ചാണ് മാനേജ്മ​െൻറ്​ 43 ശാഖകൾ പൂട്ടാനും 166 ജീവനക്കാരെ പിരിച്ചുവിടാനും തീരുമാനിച്ചത്. ഒരു സ്​ഥാപനത്തിൽ (പൂർണമായോ ഭാഗികമായോ)അടച്ചുപൂട്ടണമെങ്കിൽ സർക്കാറി​െൻറ അറിവും സമ്മതവും വേണം. ഒരു വർഷത്തിൽ കൂടുതൽ സർവിസ്​ ഉള്ളവരെ പിരിച്ചുവിടണമെങ്കിലും അനുമതി വേണം. 12 വർഷംവരെ സർവിസ്​ ഉള്ളവരെയാണ് പിരിച്ചുവിട്ടത്. നടപടി തികച്ചും നിയമവിരുദ്ധമാണ്. നീതിന്യായ വ്യവസ്​ഥയെ വെല്ലുവിളിക്കലാണ്. മുത്തൂറ്റ്  പബ്ലിക് ലിമിറ്റഡ് കമ്പനിയാണ്. വ്യവസായ തൊഴിൽ തർക്ക നിയമം, മിനിമം വേതന നിയമം, േട്രഡ് യൂനിയൻ നിയമം തുടങ്ങിയവ കമ്പനിക്ക് ബാധകമാണ്. നിയമങ്ങൾ  ബാധകമല്ലെന്ന നിലപാടാണ് മാനേജ്മ​െൻറിന്. ‘പറയുന്നതുപോലെ ജോലി ചെയ്യണം, തരുന്നത് വാങ്ങി പോകണം, ആരും ഒന്നും ചോദിക്കരുത്,  പറയരുത്’; ഇതാണ് നിലപാട്. അത്​ അംഗീകരിക്കാൻ കഴിയില്ല.

ബിസിനസിൽ പിറകിൽനിൽക്കുന്ന ശാഖകളാണ് പൂട്ടിയതെന്ന്​​ പറയുന്നത്​ അവാസ്​തവമാണ്. ശാഖകളുടെ ബിസിനസ്​ പഠനം നടത്തിയ ഏതെങ്കിലും റിപ്പോർട്ടി​െൻറ അടിസ്​ഥാനത്തിലാണോ പൂട്ടിയതെന്ന ചോദ്യത്തിന് മറുപടിയില്ല. ഇപ്പോൾ പൂട്ടാൻ പരസ്യം നൽകിയ ശാഖകൾ മെച്ചപ്പെട്ടവയാണ്. ഇതിനേക്കാൾ വരുമാനം കുറഞ്ഞവയുണ്ട്. യൂനിയൻ പ്രവർത്തകരുള്ള ബ്രാഞ്ചുകൾ  തിരഞ്ഞുപിടിച്ച്​ പൂട്ടുകയാണ്​. ജനുവരി രണ്ടിന് പണിമുടക്ക് ആരംഭിക്കുംമുമ്പ് ലേബർ കമീഷണർ രണ്ടുതവണ ചർച്ചക്ക് വിളിച്ചു. ഒന്നിൽ മാനേജ്മ​െൻറ്​ ഹാജരായില്ല.  പ്രശ്നം തീരാത്ത സാഹചര്യത്തിലാണ് പണിമുടക്ക് ആരംഭിച്ചത്. പിന്നീട് തൊഴിൽമന്ത്രി അനുരഞ്ജന ശ്രമം നടത്തി. മാനേജിങ് ഡയറക്ടർ പങ്കെടുത്തില്ല. ഏതാനും ഉദ്യോഗസ്​ഥരെ അയച്ച് ​ സർക്കാറിനെയും അവഹേളിച്ചു. മാനേജ്മ​െൻറി​െൻറ പിടിവാശി മൂലം ഒരു തീരുമാനവും ഉണ്ടായില്ല.

തൊഴിൽ തർക്കം നിലനിൽക്കെ ജീവനക്കാരെ പിരിച്ചുവിടാൻ പാടി​െല്ലന്ന വ്യവസ്​ഥ മാനേജ്മ​െൻറ്​ ലംഘിച്ചു. ലേബർ കമീഷണർ നോട്ടീസ്​ നൽകി.  ഹൈകോടതി ഇടപെട്ടു. പിരിച്ചുവിട്ടതിന്​ എന്ത് ന്യായീകരണം;  ബ്രാഞ്ചുകൾ പൂട്ടുമ്പോൾ ജീവനക്കാർക്ക് പകരം ജോലി എന്തുകൊണ്ട് നൽകിയില്ല എന്ന്​ ചോദിച്ചു. ലേബർ കമീഷണറുടെ സാന്നിധ്യത്തിൽ ചർച്ച നടത്തി പരിഹരിക്കാൻ നിർദേശിച്ചു. അതനുസരിച്ച് ജനുവരി 14ന് ലേബർ കമീഷണർ വിളിച്ച ചർച്ചയിൽ ഹൈകോടതി നിരീക്ഷകനും പങ്കെടുത്തു.  ഇൗ ചർച്ചയിലും മാനേജിങ് ഡയറക്ടർ പങ്കെടുത്തില്ല. ഹൈകോടതിയുടെയും മുകളിലാണ് എന്ന മനോഭാവമാണ് മാനേജ്മ​െൻറിന്​. 14ന് നടന്ന ചർച്ചയിലും പ്രശ്നപരിഹാരത്തിനുള്ള ഒരു നിലപാടും മാനേജ്മ​െൻറ്​  സ്വീകരിച്ചില്ല. ജീവനക്കാരെ പിരിച്ചുവിട്ട 2019 ഡിസംബർ ഏഴിനു മുമ്പുള്ള സ്​ഥിതി പുനഃസ്​ഥാപിച്ചശേഷം ഏതു പ്രശ്നവും ചർച്ചചെയ്യാമെന്ന് യൂനിയൻ പറഞ്ഞിട്ടും നിലപാട് മാറ്റിയില്ല.

മാനേജ്മ​െൻറ്​ നടപടികൾ നിയമവിരുദ്ധമാണെന്ന് ലേബർ കമീഷണർ  വിശദീകരിച്ചു. അനുരഞ്ജന നടപടി ആരംഭിച്ചശേഷം ജീവനക്കാരെ പിരിച്ചുവിട്ടത്, കരാർ ലംഘനം, ബ്രാഞ്ചുകൾ അടച്ചുപൂട്ടൽ, ജീവനക്കാരെ പിരിച്ചുവിടൽ​,  ചർച്ചകളിൽനിന്ന് മാനേജിങ്​ ഡയറക്ടർ വിട്ടുനിന്നത് എന്നിവ അദ്ദേഹം ചൂണ്ടിക്കാട്ടിയെങ്കിലും ഫലമൊന്നുമുണ്ടായില്ല. പൊതുമേഖല ബാങ്കുകൾ, നബാർഡ് തുടങ്ങിയ സ്​ഥാപനങ്ങളിൽനിന്നും ഏഴു ശതമാനം പലിശക്ക്​ വായ്പയെടുത്ത് സ്വർണപ്പണയത്തിൽ 26 ശതമാനംവരെ പലിശക്കുനൽകി ലാഭം വാരിക്കൂട്ടുന്നവരാണ് മുത്തൂറ്റ്. ജനങ്ങൾക്ക് സംരംഭങ്ങൾ തുടങ്ങാനും കൃഷിക്കും വ്യാപാരത്തിനും ചുരുങ്ങിയ പലിശക്ക്​ നൽകേണ്ട പണമാണ് മുത്തൂറ്റ് വാങ്ങുന്നത്. ഭീമമായ ലാഭം ഉപയോഗിച്ച് ആരെയും വിലക്കെടുക്കാമെന്ന മനോഭാവമാണ് മാനേജ്മ​െൻറിന്​. സമരം ചെയ്യുന്നവരെ അപമാനിക്കാൻ, തന്നെ ആക്രമിച്ചെന്ന കള്ളക്കഥ പ്രചരിപ്പിച്ച് പരിക്കേറ്റതായി അഭിനയിച്ചു നടക്കുന്ന മാനേജിങ് ഡയറക്ടറുടെയും കൂട്ടുകാരുടെയും ധാർഷ്​ട്യ മനോഭാവമാണ്  എല്ലാ കുഴപ്പങ്ങൾക്കും കാരണം. അതുകൊണ്ടുതന്നെയാണ് കേരളീയ സമൂഹം ജീവനക്കാരുടെ സമരത്തെ സർവാത്മനാ പിന്തുണക്കുന്നതും.

Loading...
COMMENTS