Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightകേന്ദ്ര സർക്കാറിന്‍റെ...

കേന്ദ്ര സർക്കാറിന്‍റെ തൊഴിലാളി വിരുദ്ധ ആക്രമണം

text_fields
bookmark_border
rally
cancel

രാജ്യത്ത്​ നിലവിലുള്ള തൊഴിൽനിയമങ്ങൾ യഥാർഥത്തിൽ ഭരണഘടനാപരമായ അവകാശങ്ങളിൽനിന്ന് ഉടലെടുത്തതാണ്. ഭരണഘടനയിലെ അധ്യായം മൂന്നിലെ മൗലികാവകാശങ്ങളാണ് തൊഴിൽനിയമങ്ങളുടെ അടിത്തറ. സമത്വത്തിനും (അനുച്ഛേദം 14) സ്വാതന്ത്ര്യത്തിനു ം (അനുച്ഛേദം 19) ചൂഷണത്തിനും (അനുച്ഛേദം 23, 24) എതിരെയുള്ള അവകാശങ്ങൾ ഇതിൽ മുഖ്യമാണ്. ഭരണഘടനയിലെ മാർഗനിർദേശകതത്ത്വങ്ങ ളെപ്പറ്റി പ്രതിപാദിക്കുന്ന നാലാം ഭാഗത്തെ അനുച്ഛേദം 36 മുതൽ 56 വരെയുള്ളതിൽ തൊഴിലവകാശങ്ങൾ അടിവരയിട്ട് രേഖപ്പെടു ത്തിയിട്ടുണ്ട്​.

ത്യാഗപൂർണമായ പ്രവർത്തനങ്ങളും പ്രക്ഷോഭങ്ങളും കൊണ്ട് രാജ്യത്തെ തൊഴിലാളികൾ നേടിയെടുത ്ത അവകാശങ്ങൾ ഓരോന്നായി കേന്ദ്രത്തിലെ നരേന്ദ്ര മോദി സർക്കാർ കവർന്നെടുത്തുകൊണ്ടിരിക്കുന്നു. ദേശീയ സ്വാതന് ത്ര്യത്തിനു മുമ്പുതന്നെ അന്നത്തെ ബ്രിട്ടീഷ്സർക്കാർ ഫാക്ടറി ആക്ട്, ഇൻഡസ്​ട്രിയൽ എംപ്ലോയ്​മ​െൻറ്​ ആക്ട്, വർക ്​മെൻ കോമ്പൻസേഷൻ ആക്ട് തുടങ്ങിയ നിയമങ്ങൾ പാസാക്കിയിരുന്നു. സ്വാതന്ത്ര്യാനന്തരം നമ്മുടെ പാർലമ​െൻറ്​ പാസാക് കിയ തൊഴിൽനിയമങ്ങളാണ് വ്യവസായ തർക്ക നിയമം, എംപ്ലോയ്മ​െൻറ്​ സ്​റ്റേറ്റ് ഇൻഷുറൻസ്​ നിയമം, എംപ്ലോയീസ്​ േപ്രാവ ിഡൻറ്​ ഫണ്ട് ആക്ട്, മോണിറ്ററി ബെനിഫിറ്റ് ആക്ട്, പേമ​െൻറ്​ ഓഫ് ബോണസ്​ ആക്​ട്​, മിനിമം വേജസ്​ ആക്​ട്​ തുടങ്ങിയ വ. ഇത്തരത്തിൽ നിലവിലുള്ള 44 തൊഴിൽ നിയമങ്ങളിലും തൊഴിലാളിവിരുദ്ധ ഭേദഗതികൾ വരുത്തി നാലു നിയമങ്ങളാക്കി മാറ്റുന്നതിനുള്ള നടപടികളാണ് കേന്ദ്ര സർക്കാർ സ്വീകരിച്ചിരിക്കുന്നത്.

വേജ്കോഡ്, കോഡ് ഓഫ് ഇൻഡസ്​ട്രിയൽ റിലേഷൻസ്​ (വ്യവസായ ബന്ധ നിയമം), ഇൻഡസ്​ട്രിയൽ കോഡ് ഓൺ സോഷ്യൽ സെക്യൂരിറ്റി ആൻഡ്​ വെൽ​െഫയർ (സാമൂഹിക സുരക്ഷയും ക്ഷേമവും സംബന്ധിച്ച കോഡ്), കോഡ് ഓൺ ഒക്കുപേഷനൽ സേഫ്റ്റി (തൊഴിൽ സുരക്ഷയും ആരോഗ്യവും തൊഴിൽ സാഹചര്യവും സംബന്ധിച്ച നിയമം) എന്നിവയാണ് ഈ നാലു നിയമങ്ങൾ. േട്രഡ് യൂനിയൻ നിയമവും ഇൻഡസ്​ട്രിയൽ എംപ്ലോയ്​മ​െൻറ്​ നിയമവും വ്യവസായ തർക്ക നിയമവുമടക്കം നാലു നിയമങ്ങൾ വ്യവസായ ബന്ധങ്ങൾ സംബന്ധിച്ചതിലും എംപ്ലോയീസ്​ സ്​റ്റേറ്റ് ഇൻഷുറൻസ്​ ആക്ട്, േപ്രാവിഡൻറ്​ ഫണ്ട് ആക്ട്, എംപ്ലോയീസ്​ കോമ്പൻസേഷൻ ആക്ട് എന്നിവയടക്കം തൊഴിലാളികളുടെ ക്ഷേമത്തിനും സുരക്ഷക്കും പ്രാധാന്യം നൽകുന്ന 15 നിയമങ്ങൾ സോഷ്യൽ സെക്യൂരിറ്റി ആൻഡ്​ വെൽ​െഫയർ എന്നു പേരിട്ടിരിക്കുന്ന നിയമത്തിലും ഉൾപ്പെടും. ഒക്കുപേഷനൽ സേഫ്റ്റി, ഹെൽത്ത് ആൻഡ്​ വർക്കിങ്​​ കണ്ടീഷനിൽ ഫാക്​ടറി ആക്ടും മൈൻ ആക്​ടും അടക്കം 13 നിയമങ്ങളാണ് നാലാമത്തെ കോഡിൽ ലയിപ്പിച്ചിരിക്കുന്നത്.

ഇവയിൽ വേതനവും സാമൂഹിക സുരക്ഷയുമായി ബന്ധപ്പെട്ട നിയമങ്ങൾ നേരത്തേ തന്നെ പാർലമ​െൻറിൽ അവതരിപ്പിച്ച് പാസാക്കിയിരുന്നു. തൊഴിലാളികളുടെ ഒരുദിവസത്തെ ജോലിസമയം എട്ടുമണിക്കൂറായി ലോകമൊട്ടാകെ അംഗീകരിക്കപ്പെട്ടിട്ടുണ്ട്. ഇതിന് കടകവിരുദ്ധമായാണ് ജോലിക്കിടയിൽ ഇടവേളകൾ നൽകി ജോലിസമയം 12 മണിക്കൂർ വരെയാക്കി ഉയർത്താൻ പാർലമ​െൻറ്​ പാസാക്കിയ വേജസ്​ കോഡിൽ വ്യവസ്​ഥ ചെയ്തിരിക്കുന്നത്. പാസാക്കിയ മറ്റു തൊഴിൽകോഡുകളിലും ഇത്തരം തൊഴിലാളിവിരുദ്ധ വ്യവസ്​ഥകളാണുള്ളത്. എട്ടുമണിക്കൂർ ജോലി, എട്ടുമണിക്കൂർ വിശ്രമം, എട്ടുമണിക്കൂർ വിനോദം എന്ന ലോകം അംഗീകരിച്ച തൊഴിലാളികളുടെ അവകാശം രാജ്യത്ത് വെറും പഴങ്കഥയായി മാറുകയാണ്.

മൂന്നാമത്തെ വ്യവസായ ബന്ധ കോഡാണ് തൊഴിൽമന്ത്രി സന്തോഷ് കുമാർ ഗംഗ്​വാർ ഒടുവിൽ പാർലമ​െൻറിൽ അവതരിപ്പിച്ചിരിക്കുന്നത്. ഈ ബിൽ പാർലമ​െൻററി സ്​റ്റാൻഡിങ്​ കമ്മിറ്റിക്ക് വിടണമെന്ന് പ്രതിപക്ഷം ശക്തമായ ആവശ്യമുയർന്നിട്ടുണ്ട്. ബിൽ തൊഴിലാളി വിരുദ്ധമാണെന്ന് ആരോപിച്ച് സി.പി.എം, സി.പി.ഐ പാർലമ​െൻറ്​ അംഗങ്ങൾ സഭയിൽനിന്ന് ഇറങ്ങിപ്പോയി. തൊഴിലാളികളുടെ അവകാശങ്ങളെ ഹനിക്കുന്ന ഒരു വ്യവസ്​ഥയും ഇതിലില്ലെന്നാണ്​ തൊഴിൽ മന്ത്രിയുടെ അവകാശവാദം. 44 തൊഴിൽ നിയമങ്ങൾ ഏകീകരിച്ച് നാലു ലേബർ കോഡുകൾ പാസാക്കാനുള്ള സർക്കാറി​​െൻറ ശ്രമങ്ങളുടെ ഭാഗം മാത്രമാണിതെന്നും അദ്ദേഹം പറഞ്ഞു​െവച്ചു. തൊഴിലാളികൾക്ക് നിശ്ചിത തൊഴിൽ ദിനങ്ങൾ മാത്രം ശിപാർശ ചെയ്യുന്ന ഈ കോഡ് സ്​ഥിരംജോലി എന്ന സങ്കൽപംതന്നെ ഇല്ലാതാക്കുന്നതാണ്. തൊഴിൽ-സാമൂഹിക സുരക്ഷ കോഡ് നിലവിൽ പാർലമ​െൻററി സമിതിയുടെ പരിഗണനയിലാണ്.

തൊഴിലാളിസമരങ്ങളെ കൂട്ട കാഷ്വൽ അവധിയാക്കി മാറ്റുന്നതും കരാർ തൊഴിലുകൾ േപ്രാത്സാഹിപ്പിക്കുന്നതും ഉൾപ്പെടെ േട്രഡ് യൂനിയനുകൾക്ക് ഒരുതരത്തിലും അംഗീകരിക്കാൻ കഴിയാത്ത വ്യവസ്​ഥകളാണ് വ്യവസായബന്ധ നിയമത്തിലുള്ളത്. തൊഴിലാളികളുടെ സംഘടനസ്വാതന്ത്ര്യവും കൂട്ടായി വിലപേശാനുള്ള അവകാശവും നിഷേധിക്കുന്നതാണ് വ്യവസായ ബന്ധനിയമമെന്ന് പ്രതിപക്ഷം ആരോപിച്ചിട്ടുണ്ട്. നിയമത്തിലെ പല വകുപ്പുകളും തൊഴിലാളികളുടെ മൗലികാവകാശങ്ങൾതന്നെ ലംഘിക്കുന്നതാകയാൽ ഭരണഘടനാവിരുദ്ധവുമാണ്. ഇന്ത്യകൂടി പങ്കാളിയായിട്ടുള്ള ഐ.എൽ.ഒ കൺവെൻഷൻ മാർഗനിർദേശങ്ങളെ ലംഘിക്കുന്നതാണ് നിയമത്തിലെ വ്യവസ്​ഥകൾ എന്നും പല പ്രതിപക്ഷ നേതാക്കളും ആരോപിക്കുകയും ചെയ്തിരുന്നു.

1926ലെ ​േട്രഡ് യൂനിയൻ നിയമം ഭേദഗതി ചെയ്യാനുള്ള നീക്കത്തിലൂടെ സർക്കാർ മറ്റൊരു തൊഴിലാളിവിരുദ്ധ ആക്രമണത്തിന് തുടക്കം കുറിച്ചിരിക്കുകയാണ്. കേന്ദ്ര േട്രഡ് യൂനിയൻ സംഘടനകളുടെ അംഗീകാരം സംബന്ധിച്ച നിർവചനം മാറ്റി അത് എക്സിക്യൂട്ടീവി​െൻറ വിവേചനാധികാരത്തിൽ ഉൾപ്പെടുത്താനാണ് തീരുമാനം. േട്രഡ് യൂനിയനുകളുടെ ആഭ്യന്തര പ്രവർത്തനങ്ങളിൽ സർക്കാർ ഇടപെടലിനുള്ള കുത്സിത നീക്കമാണ് ഇതിനുപിന്നിലുള്ളത്.
രാജ്യത്തെ തൊഴിലാളികളുടെ നാനാവിധ ക്ഷേമം ലാക്കാക്കിയാണ് തൊഴിൽനിയമങ്ങൾ പാസാക്കിയിട്ടുള്ളത്. എന്നാൽ, ഈ നിയമങ്ങളുടെ ലക്ഷ്യങ്ങൾ എല്ലാംതന്നെ പുതിയ ഭേദഗതികളോടു കൂടി ഇല്ലാതായിരിക്കുകയാണ്. തൊഴിൽനിയമങ്ങളളാകെ തൊഴിലാളി വിരുദ്ധമായി മാറിയിരിക്കുന്നു. മോദി സർക്കാർ രാജ്യത്തെ ജനകോടികളുടെ ജനാധിപത്യാവകാശങ്ങളും ജീവിതമാർഗങ്ങളും നശിപ്പിക്കുകയും സ്​ഥിതിഗതികൾ കൂടുതൽ സങ്കീർണമാക്കുകയും ചെയ്തിരിക്കുന്നു. വേജ് കോഡ് ബിൽ പാസാക്കിയതിലും ഒക്കുപേഷനൽ, ഹെൽത്ത്, സുരക്ഷ, തൊഴിൽ വ്യവസ്​ഥ ബിൽ അവതരിപ്പിച്ചതിലും വിവരാവകാശ നിയമത്തിൽ ഏർപ്പെടുത്തിയ ഭേദഗതികളിലും, യു.എ.പി.എ നിയമഭേദഗതി, ഭരണഘടനയുടെ 370, 35(എ) വകുപ്പുകളുടെ ഭേദഗതി, പുതിയ ദേശീയ പൗരത്വ ഭേദഗതി എന്നിവയിലെല്ലാം ഹീനമായ ലക്ഷ്യങ്ങളാണ് മോദി സർക്കാറിനുള്ളത്.

ഭീതിജനകമാംവിധം ഉയരുന്ന തൊഴിലില്ലായ്മയും എല്ലാ മേഖലകളിലെയും തൊഴിൽ നഷ്​ടവും ജി.ഡി.പി നിരക്കിലെ ഇടിവും ധനികർക്കും ദരിദ്രർക്കും ഇടയിൽ വർധിച്ചുകൊണ്ടിരിക്കുന്ന അസമത്വവുമെല്ലാം ദേശീയ സമ്പദ്ഘടന ചെന്നുപെട്ടിരിക്കുന്ന ഏറ്റവും ഗുരുതരമായ മാന്ദ്യത്തി​െൻറ ലക്ഷണം തന്നെയാണ്. രാജ്യത്തെ തൊഴിലാളികളെ വെറും കൂലി അടിമകളാക്കി മാറ്റാനാണ് മോദി സർക്കാറി​െൻറ നീക്കം. തൊഴിലാളിവർഗത്തിന് ഇത് അംഗീകരിക്കാൻ ഒരിക്കലും സാധ്യമല്ല. അതുകൊണ്ടുതന്നെയാണ് ഏറ്റവും ശക്തമായ ഒരു പ്രക്ഷോഭത്തിലേക്ക് നീങ്ങാൻ രാജ്യത്തെ മുഖ്യധാരാ േട്രഡ് യൂനിയനുകൾ യോജിച്ച് തീരുമാനിച്ചിരിക്കുകയാണ്. ഇതി​​െൻറ ഭാഗമാണ്​ നാളെ, ജനുവരി എട്ടിന്​ നടക്കുന്ന അഖിലേന്ത്യ പൊതുപണിമുടക്ക്​.

തൊഴിലാളിവിരുദ്ധ കരിനിയമങ്ങൾ പിൻവലിക്കണമെന്നതിനോടൊപ്പം പൊതുമേഖല സ്​ഥാപനങ്ങളുടെ വിൽപന അവസാനിപ്പിക്കുക, രാജ്യത്തെ മുഴുവൻ ജീവനക്കാരുടെയും മിനിമം കൂലി 21,000 രൂപയാക്കുക, ​െറയിൽവേ സ്വകാര്യവത്കരണ നീക്കം അവസാനിപ്പിക്കുക, സാർവത്രിക സാമൂഹികസുരക്ഷ പദ്ധതി നടപ്പാക്കുക, പ്രതിരോധമേഖലയിൽ വിദേശനിക്ഷേപം അനുവദിക്കാതിരിക്കുക, തൊഴിലെടുക്കുന്നവർക്കെല്ലാം മിനിമം 9000 രൂപ പെൻഷൻ നൽകുക, വിലക്കയറ്റം തടയുക, തൊഴിലവസരം വർധിപ്പിക്കുക, ഭരണഘടനാവിരുദ്ധമായ പൗരത്വഭേദഗതി നിയമം പിൻവലിക്കുക തുടങ്ങി ജീവൽപ്രധാനങ്ങളായ ജനകീയ ആവശ്യങ്ങളും ഈ പണിമുടക്കിൽ ഉയർത്തിയിട്ടുണ്ട്. ഏറ്റവും ഗുരുതരമായ ജനകീയ പ്രശ്നങ്ങളെ ആധാരമാക്കി നടത്തുന്ന തൊഴിലാളിവർഗത്തി​െൻറ ഈ അഖിലേന്ത്യാ പൊതുപണിമുടക്ക് വൻ വിജയമായി മാറുമെന്ന കാര്യത്തിൽ ഒരു സംശയവുമില്ല.

Show Full Article
TAGS:Anti Labour Attack modi govt Malayalam Article 
News Summary - Modi Govt Anti Labour Attack -Malayalam Article
Next Story