Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightArticleschevron_rightഏകീകൃത മോഡറേഷനും...

ഏകീകൃത മോഡറേഷനും ​കേരളത്തി​െൻറ ഗ്രേസ്​ മാർക്കും

text_fields
bookmark_border
ഏകീകൃത മോഡറേഷനും ​കേരളത്തി​െൻറ ഗ്രേസ്​ മാർക്കും
cancel

പാഠ്യേതര പ്രവർത്തനമികവിനുള്ള ഗ്രേസ്​ മാർക്ക്​ പാഠ്യപ്രവർത്തനങ്ങൾക്ക്​ ലഭിക്കുന്ന മാർക്കിനൊപ്പം വിദ്യാർ ഥികൾക്കുകൂട്ടി നൽകുന്നത്​ അവസാനിപ്പിക്കണമെന്ന കേന്ദ്ര മാനവവിഭവശേഷി വികസന മന്ത്രാലയത്തി​​െൻറ (എം.എച്ച്​.ആർ.ഡ ി) നിർദേശത്തിൽ നാലു മാസത്തിനകം തീരുമാനം കൈക്കൊള്ളണമെന്ന്​ കേരള ഹൈകോടതി സംസ്ഥാന സർക്കാറിനോട്​ ആവശ്യപ്പെട്ടി രിക്കുന്നു. 2017 ഒക്ടോബറിൽ നൽകിയ നിർദേശത്തിൽ നടപടി കൈക്കൊള്ളാതെ ഗ്രേസ്​ മാർക്ക് നൽകുന്ന രീതി തുടരുകയാണെന്നു കാണ ിച്ച്​ സി.ബി.എസ്.ഇ-ഐ.സി.എസ്.ഇ സിലബസുകളിൽ പഠിക്കുന്ന മൂന്നു വിദ്യാർഥികൾ ഹൈകോടതിയെ സമീപിച്ചപ്പോഴാണ്​ ജസ്​റ്റിസ് പി.വി. ആശ ജൂലൈ എട്ടിന് ഇൗ ഉത്തരവിറക്കിയത്​.

കേരളത്തിൽ വിവിധ പരീക്ഷാബോർഡുകൾക്കു കീഴിൽ യോഗ്യതപരീക്ഷ എഴുതി വി ജയിച്ചവർ ഉന്നത കോഴ്സുകളിലേക്കു പ്രവേശനത്തിനു മത്സരിക്കുമ്പോൾ ഗ്രേസ്​ മാർക്ക്​ ആനുകൂല്യമുള്ളവർക്ക്​ മറ്റുള ്ളവരെക്കാൾ മുൻതൂക്കം കിട്ടുന്നു എന്ന പരാതിക്ക്​ ഏറെ പഴക്കമുണ്ട്. 10ാം തരം വരെ സി.ബി.എസ്. ഇ-ഐ.സി.എസ്.ഇ സിലബസുകളിൽ പഠ ിച്ച വിദ്യാർഥികൾ പ്ലസ്​ വൺ എത്തുമ്പോൾ കേരള സിലബസിലേക്കു മാറുന്ന പ്രവണത ഈയിടെ ധാരാളമായി കണ്ടുവരുന്നു. ഗ്രേസ്മ ാർക്ക്​ ആനുകൂല്യം ഇല്ലാത്ത ഇക്കൂട്ടർക്ക്​ സർക്കാർ-എയ്ഡഡ്​ സ്​കൂളുകളിൽ പ്രവേശനത്തിനായി കേരള സിലബസുകാരുമായി കടുത്ത മത്സരത്തിലേർപ്പെടേണ്ടിവരുന്നു. ഡൽഹി സർവകലാശാലയടക്കമുള്ള പ്രമുഖ സ്ഥാപനങ്ങളിൽ പ്രവേശനത്തിന്​ മത്സരിക ്കുമ്പോൾ ഗ്രേസ്​ മാർക്ക്​ കൂടുതൽ സാധ്യത ലഭ്യമാക്കുന്നു എന്ന വിമർശനവും സജീവമാണ്. ഈ സാഹചര്യത്തിലാണ്​ രാജ്യത്തെ എല്ലാ പരീക്ഷ ബോർഡുകൾക്കും ഒരു ഏകീകൃത മോഡറേഷൻനയം എന്ന ആശയം രൂപംകൊള്ളുന്നത്.

എം.എച്ച്.ആർ.ഡിയുടെ നിർദേശപ്രകാരം വിവിധ സംസ്ഥാനങ്ങളിലെ വിദ്യാഭ്യാസ സെക്രട്ടറിമാർ 2017 ഏപ്രിൽ 24ന്​ ഉന്നതതലയോഗം ചേർന്ന്​ ഏകീകൃത മോഡറേഷൻ നയം രൂപവത്​കരിച്ചെങ്കിലും വിദ്യാഭ്യാസം സംസ്ഥാന വിഷയമാകയാൽ തീരുമാനമെടുക്കുന്നതിനു കൂടുതൽ സമയം ആവശ്യപ്പെടുകയായിരുന്നു. എന്നാൽ, 2017 ഒക്ടോബർ ആറിലെ കത്തു പ്രകാരം ഒക്ടോബർ 31നകം നിർദേശങ്ങൾ നടപ്പാക്കണമെന്ന്​ എം.എച്ച്.ആർ.ഡി ആവശ്യപ്പെ​െട്ടങ്കിലും അതുണ്ടായില്ല. തുടർന്നാണ്​ വിദ്യാർഥികൾ കോടതിയെ സമീപിച്ചതും ഉത്തരവ്​ സമ്പാദിച്ചതും. നാലു മാസത്തിനകം ഇക്കാര്യത്തിൽ സർക്കാറി​​െൻറ നയം വ്യക്തമാകുമെന്ന്​ പ്രതീക്ഷിക്കാം.

എം.എച്ച്.ആർ.ഡിയുടെ നിർദേശം

ഒരു പരീക്ഷയിൽ ജയിക്കാനാവശ്യമായ ഏറ്റവും കുറഞ്ഞ മാർക്ക്​ നേടാനാവാതെ, വളരെ ചെറിയ കുറവുകൊണ്ട്​ തോൽക്കാനിടയുള്ളവരെ ജയിപ്പിക്കാൻ നൽകുന്ന മോഡറേഷനും ചോദ്യപേപ്പറുകളിലെ പിഴവുകൾക്ക് പരീക്ഷാബോർഡി​​െൻറ പ്രായശ്ചിത്തമായി നൽകുന്ന ബോണസ്​ മാർക്കിനും പച്ച​ക്കൊടി കാട്ടുന്ന കേന്ദ്ര മ​ന്ത്രാലയം പക്ഷേ, ഗ്രേസ്​ മാർക്കി​​െൻറ കാര്യത്തിൽ വിട്ടുവീഴ്​ചയില്ലാത്ത നിലപാടാണ്​ സ്വീകരിക്കുന്നത്. പാഠ്യേതര പ്രവർത്തനങ്ങളുടെ മികവിലൂടെ വിദ്യാർഥികൾ നേടുന്ന ഗ്രേസ്​ മാർക്ക്​ പരീക്ഷയിലെ മാർക്കിനൊപ്പം കൂട്ടിക്കലർത്തുന്ന ഏർപ്പാട്​ അവസാനിപ്പിക്കണം എന്നാണ്​ എം.എച്ച്.ആർ.ഡി നിർദേശിച്ചിരിക്കുന്നത്.

കേരളത്തിൽ 10ാംതരം പരീക്ഷ മുതൽ ബിരുദാനന്തര ബിരുദ പരീക്ഷവരെ ഗ്രേസ്​ മാർക്ക്​ നൽകിവരുന്നുണ്ട്. കല-കായിക-ശാസ്ത്രരംഗങ്ങളിൽ സംസ്ഥാനതലത്തിൽ മികവു പുലർത്തുന്നവർക്കും സന്നദ്ധ സംഘടനകളായ നാഷനൽ സർവിസ്​ സ്​കീം (എൻ.എസ്.എസ്), നാഷനൽ കാഡറ്റ്​ കോർപ്സ് (എൻ.സി.സി), സ്​റ്റുഡൻറ്​സ്​ പൊലീസ്​ കാഡറ്റ് (എസ്.പി.സി), സ്കൗട്ട് ആൻഡ്​ ഗൈഡ്, ജൂനിയർ റെഡ്ക്രോസ് (ജെ.ആർ.സി) എന്നിവയിൽ പ്രവർത്തിക്കുന്നവർക്കുമാണ് ഗ്രേസ്മാർക്കിന്​ അർഹത.

ഗ്രേസ്​ മാർക്ക്​ വിവിധ വിഷയങ്ങൾക്കിടയിൽ വിതരണം ചെയ്യുന്നത്​ ചില മാനദണ്ഡങ്ങളുടെ അടിസ്ഥാനത്തിലാണ്. ആദ്യപരിഗണന പരീക്ഷയിൽ ജയിപ്പിക്കുകതന്നെ. ഏകദേശം നാലു ശതമാനം കുട്ടികൾ ഈ ആനുകൂല്യത്തോടെ ജയിച്ചുകയറുന്നു. ലഭിച്ച ഗ്രേഡുകൾ ഉയർത്തുന്നതിനാണ്​ പിന്നീട്​ പരിഗണന. ഫുൾ എ പ്ലസ്​ നേടുന്നവരിൽ ഏകദേശം പകുതിയോളം പേരും ഫുൾമാർക്ക്​ നേടുന്ന മഹാഭൂരിപക്ഷം പേരും ഗ്രേസ്​ മാർക്കി​​െൻറ സഹായത്താലാണ്​ അതു നേടുന്നത്. ഗ്രേസ്​ മാർക്ക്​ ഒഴിവാക്കുന്ന പക്ഷം വിജയശതമാനം, എ പ്ലസി​​െൻറ എണ്ണം, ഫുൾമാർക്ക്​ നേടുന്നവരുടെ എണ്ണം എന്നിവയിൽ ഇടിവു വരും.

ഗ്രേസ്​ മാർക്ക്​ നേടിയ വിദ്യാർഥികളുടെ സർട്ടിഫിക്കറ്റുകളിൽ ഗ്രേസ്​ മാർക്ക്​ നൽകിയിരിക്കുന്നു’ എന്നു രേഖപ്പെടുത്തിയിരിക്കുമെങ്കിലും ഏതു ഇനത്തിൽ, എത്രമാർക്ക്, ഓരോ വിഷയത്തിനും എത്ര വീതം എന്നൊന്നും മനസ്സിലാക്കാനാവില്ല. ഇതുകൊണ്ടുതന്നെ സംസ്ഥാനത്തിനു പുറത്ത്​ പ്രവേശനത്തിനായി അപേക്ഷ നൽകുന്ന വിദ്യാർഥികളോട്​ ഗ്രേസ്​ മാർക്ക്​ ഒഴിവാക്കിയ മാർക്ക്​ ലിസ്​റ്റ്​ ഹാജരാക്കണം എന്നു നിർദേശിക്കുന്നത്​ ഇപ്പോൾ സാധാരണമാണ്.

അനുകൂലിക്കുന്നവരും പ്രതികൂലിക്കുന്നവരും

ഗ്രേസ്​ മാർക്കിനെ അനുകൂലിക്കുന്നവർ പറയുന്നത്​ ഇങ്ങനെ:

1) പാഠ്യ-പാഠ്യേതര പ്രവർത്തനങ്ങൾ ഒത്തുചേരുമ്പോഴാണ്​ വിദ്യാഭ്യാസം പൂർണമാകുന്നത്​. 2) പഠനസമയം നഷ്​ടപ്പെടുത്തി പരിശീലനങ്ങളിൽ ഏർപ്പെടുന്നതിനുള്ള ആനുകൂല്യമാണിത്​. 3) കുട്ടികളുടെ കല-കായിക-ബൗദ്ധിക രംഗത്തെ മികവ് അവരുടെ മാത്രമല്ല, സ്​കൂളി​​െൻറയും നാടി​​െൻറ​യുമൊക്കെ നേട്ടമായി പരിഗണിച്ചുനൽകുന്ന പാരിതോഷികമാണിത്​​. 4) ചെറുപ്രായം മുതലുള്ള നിരന്തര പരിശീലനത്തിലൂടെയും പലഘട്ടങ്ങളിലായി നടക്കുന്ന മത്സരങ്ങളിൽ മാറ്റുരച്ചുമാണ്​ കല-കായികരംഗത്ത്​ ഒരു കുട്ടിക്ക്​ സംസ്ഥാനതലത്തിൽ മത്സരിക്കാൻ അവസരം ലഭിക്കുക. അവിടെയും ഉയർന്ന നിലവാരം പുലർത്തിയാൽ മാത്രമേ ഗ്രേസ്​ മാർക്ക്​ ലഭിക്കൂ. 6) നാലു ലക്ഷം വിദ്യാർഥികളിൽ ഒന്നോ രണ്ടോ പേർക്ക്​ മാത്രമായിരിക്കും അന്താരാഷ്​​ട്ര മത്സരങ്ങളിൽ രാജ്യത്തെ പ്രതിനിധാനം ചെയ്യാനാവൂ. അതിന്​ അർഹമായ പ്രോത്സാഹനം നൽകേണ്ടതുണ്ട്.

എതിർക്കുന്നവർ പറയുന്നത്​:

1) ഗ്രേസ്​ മാർക്കിലൂടെ ഉയർന്ന സ്കോർ നേടുന്നവർ അക്കാദമിക മികവു പുലർത്തുന്നവരെ മറികടക്കാനിടയുണ്ട്. 2) സ്കൂൾ കല-കായിക -ശാസ്ത്ര മത്സരവേദികളിൽ തെറ്റായ പ്രവണതകൾ വളരുന്നതിനു കാരണം ഗ്രേസ്​ മാർക്കാണ്. 3) കുട്ടികളുടെ അഭിരുചി നോക്കിയല്ല പല സ്കൂളുകളിലും അവരെ എൻ.എസ്​.എസ്​, എസ്​.പി.സി, എൻ.സി.സി എന്നിവയിൽ ചേർക്കുന്നത്. 100 ശതമാനം വിജയം നേടാനും എ പ്ലസ്​ എണ്ണം വർധിപ്പിക്കാനും ഇത്​ ചെയ്യുന്നുണ്ട്​. 6) എൻ.എസ്​.എസ്, എൻ.സി.സി യൂനിറ്റുകളൊന്നുമില്ലാത്ത വിദ്യാലയങ്ങളിൽ പഠിക്കുന്നവർക്ക് ഗ്രേസ്​ മാർക്കിനുള്ള അവസരം നിഷേധിക്കപ്പെടുന്നു. 7) കായിക പ്രതിഭകൾക്ക്​ ഉന്നതപഠനത്തിന്​ സ്​പോർട്​സ്​ ​േക്വാട്ട എന്ന നിലക്ക്​ സംവരണമുണ്ട്. പിന്നെ ഗ്രേസ്​ മാർക്കി​​െൻറ ആവശ്യമില്ല.

10ാംതരത്തിൽ ഗ്രേസ്​ മാർക്ക്​ കിട്ടിയയാൾക്ക് അതേയിനത്തിൽ പ്ലസ്​ വൺ പ്രവേശനത്തിനു മുൻഗണന (weightage) കിട്ടുന്നു. പ്ലസ്​ ടുവിന്​ ​േഗ്രസ്മാർക്ക്​ കിട്ടിയ വിദ്യാർഥിക്ക്​ ബിരുദപ്രവേശനത്തിനു മുൻഗണന ലഭിക്കുന്നു. ഓരോ മാർക്കും നിർണായകമാകുന്ന പ്ലസ്​ വൺ, ബിരുദപ്രവേശന പ്രക്രിയകളിൽ ഇത്​ വലിയ അസമത്വത്തിനു കാരണമാകുന്നു
സംസ്ഥാന അതിർത്തികൾ മറികടന്ന്​ വിദ്യാർഥികൾ പുതിയ പഠനസാധ്യതകൾ തേടുമ്പോൾ ഒരേ മാനദണ്ഡപ്രകാരം തന്നെ അവരെ അളക്കേണ്ടതുണ്ട്. അതിനായി രാജ്യത്തിനാകെ പ്ലസ്​ ടു വരെ ഒരേ പാഠ്യപദ്ധതി, ഒരേ ചോദ്യപേപ്പർ ഘടന, ഒരേ മൂല്യനിർണയ രീതി എന്നിവ ഗൗരവമായി ചർച്ചചെയ്യുന്നകാലമാണിത്.

മെഡിക്കൽ പ്രവേശനം ദേശീയപരീക്ഷയുടെ (NEET) അടിസ്ഥാനത്തിലായി. എൻജി. പ്രവേശനവും ബിരുദ-ബിരുദാനന്തര കോഴ്സ്​ പ്രവേശനവും ദേശീയ പ്രവേശനപരീക്ഷ വഴി തീരുമാനിക്കപ്പെടുമ്പോൾ യോഗ്യതപരീക്ഷയിലെ മാർക്കി​​െൻറ വലുപ്പം അപ്രസക്തമാകും. കേന്ദ്രമായാലും സംസ്ഥാനമായാലും ലക്ഷ്യമിടുന്നത്​ ഗുണമേന്മയുള്ള വിദ്യാഭ്യാസമാണല്ലോ. അതിലേക്കുള്ള ചുവടുവെപ്പാകട്ടെ, ഗ്രേസ്മാർക്ക് സംബന്ധിച്ച സംസ്ഥാനത്തി​​െൻറ തീരുമാനവും.

Show Full Article
TAGS:gace mark Moderation SSLC article malayalam news 
Next Story