Begin typing your search above and press return to search.
exit_to_app
exit_to_app
Homechevron_rightOpinionchevron_rightOpen Forumchevron_rightന്യൂ​ന​പ​ക്ഷ...

ന്യൂ​ന​പ​ക്ഷ ഗു​ണ​ഭോ​ക്തൃ അ​നു​പാ​തം 80:20: ആ​ര്​ ആ​രു​ടെ അ​വ​കാ​ശ​മാ​ണ്​ ക​വ​രു​ന്ന​ത്​?

text_fields
bookmark_border
ന്യൂ​ന​പ​ക്ഷ ഗു​ണ​ഭോ​ക്തൃ അ​നു​പാ​തം 80:20: ആ​ര്​ ആ​രു​ടെ അ​വ​കാ​ശ​മാ​ണ്​ ക​വ​രു​ന്ന​ത്​?
cancel
camera_alt

ജസ്റ്റിസ്​ സച്ചാർ,  പാലോളി മുഹമ്മദ്​ കുട്ടി

2006ൽ ​രാ​ജ്യ​ത്തെ മു​സ്​​ലിം ന്യൂ​ന​പ​ക്ഷ​ത്തി​െൻറ സാ​മൂ​ഹി​ക, വി​ദ്യാ​ഭ്യാ​സ, സാ​മ്പ​ത്തി​ക അ​വ​സ്ഥ​യെ​ക്കു​റി​ച്ച്​ പ​ഠി​ക്കാ​ൻ യു.​പി.​എ സ​ർ​ക്കാ​ർ​ നി​യോ​ഗി​ച്ച ജ​സ്​​റ്റി​സ് ര​ജീ​ന്ദ​ർ സ​ച്ചാ​റി​െൻറ നേ​തൃ​ത്വ​ത്തി​ലെ ക​മ്മി​റ്റി, വി​ദ്യാ​ഭ്യാ​സ​ത്തി​ലും മ​റ്റ് മാ​ന​വി​ക സൂ​ച​ക​ങ്ങ​ളി​ലും മ​റ്റു വി​ഭാ​ഗ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ ദേ​ശീ​യ ശ​രാ​ശ​രി നി​ര​ക്കി​നെ​ക്കാ​ൾ (65.1 ശ​ത​മാ​നം) 15 ശ​ത​മാ​ന​ത്തി​നു പി​റ​കി​ലാ​ണ്​ മു​സ്​​ലിം​ക​ളെ​ന്ന് ക​ണ്ടെ​ത്തി. തു​ട​ർ​ന്ന് മു​ഴു​വ​ൻ സം​സ്ഥാ​ന​ങ്ങ​ളി​ലും ന്യൂ​ന​പ​ക്ഷ ക്ഷേ​മ വ​കു​പ്പു​ക​ൾ തു​ട​ങ്ങി. 2006ൽ ​കേ​ന്ദ്ര​ത്തി​ൽ പു​തു​താ​യി രൂ​പ​വ​ത്​​ക​രി​ക്ക​പ്പെ​ട്ട ന്യൂ​ന​പ​ക്ഷ മ​ന്ത്രാ​ല​യ​ത്തി​െൻറ സം​സ്ഥാ​ന​ത​ല നോ​ഡ​ൽ ഏ​ജ​ൻ​സി​ക​ളാ​യും ഇ​ത്ത​രം വ​കു​പ്പു​ക​ൾ മാറി.

പതിറ്റാണ്ടുകളായി പ​രി​വ​ർ​ത്തി​ത ക്രൈ​സ്ത​വ വി​ഭാ​ഗ വി​ക​സ​ന കോ​ർ​പ​റേ​ഷ​ൻ, നാ​യ​ർ-​ന​മ്പൂ​തി​രി-​മു​ന്നാ​ക്ക ക്രൈ​സ്ത​വ വി​ഭാ​ഗ​ങ്ങ​ൾ​ക്കാ​യി മു​ന്നാ​ക്ക വി​ക​സ​ന കോ​ർ​പ​റേ​ഷ​ൻ, എ​സ്.​സി/​എ​സ്.​ടി വി​ഭാ​ഗ​ത്തി​നാ​യി പ്ര​വ​ർ​ത്തി​ക്കു​ന്ന വ​കു​പ്പു​ക​ൾ, കോ​ർ​പ​റേ​ഷ​നു​ക​ൾ എ​ന്നി​വ​ പ്രവർത്തിച്ചുപോരുന്ന കേ​ര​ള​ത്തി​ൽ മു​സ്​​ലിം​ക​ളു​ടെ ഭ​ര​ണ​ഘ​ട​ന​പ​ര​മാ​യ അ​വ​കാ​ശ​ങ്ങ​ൾ ന​ട​പ്പാ​ക്കാ​ൻ മു​സ്​​ലിം ന്യൂ​ന​പ​ക്ഷ​ക്ഷേ​മ​ വ​കു​പ്പ് രൂ​പ​വ​ത്​​ക​രി​ച്ചില്ല. പ​ക​രം സ​ച്ചാ​ർ ശി​പാ​ർ​ശ​ക​ൾ ന​ട​പ്പാ​ക്കു​ന്ന​തി​നെ കു​റി​ച്ച് പ​ഠി​ക്കാ​ൻ 2007 ഒ​ക്ടോ​ബ​ർ 15ന് ​ത​ദ്ദേ​ശ സ്വ​യം​ഭ​ര​ണ മ​ന്ത്രി​യാ​യി​രു​ന്ന പാ​ലോ​ളി മു​ഹ​മ്മ​ദ് കു​ട്ടി അ​ധ്യ​ക്ഷ​നാ​യി പ​ത്തം​ഗ ക​മ്മി​റ്റി രൂ​പ​വ​ത്​​ക​രി​ച്ചു. പൊ​തു​വി​ദ്യാ​ഭ്യാ​സം, സാ​മൂ​ഹി​ക സു​ര​ക്ഷ, സം​വ​ര​ണം, തൊ​ഴി​ൽ, പ​ശ്ചാ​ത്ത​ല സൗ​ക​ര്യം തു​ട​ങ്ങി​യ ഒ​മ്പ​തു ശീ​ർ​ഷ​ക​ങ്ങ​ളി​ലാ​യി നൂ​റോ​ളം ശി​പാ​ർ​ശ​ക​ൾ സ​മ​ർ​പ്പി​ക്ക​പ്പെ​ട്ടു. അ​വ മു​ഴു​വ​ൻ അം​ഗീ​ക​രി​ച്ചു സ​ർ​ക്കാ​ർ ജി.​ഒ (എം.​എ​സ്) 148/08/GAD 6.05.2008 എ​ന്ന ന​മ്പ​റി​ൽ ഉ​ത്ത​ര​വാ​യി. തു​ട​ർ​ന്ന് 2008ൽ ​പൊ​തു​ഭ​ര​ണ വ​കു​പ്പി​നു കീ​ഴി​ൽ ഒ​രു ന്യൂ​ന​പ​ക്ഷ സെ​ൽ നി​ല​വി​ൽ​വ​ന്നു.

ഉ​ദ്യോ​ഗ​രം​ഗ​ത്തെ മു​സ്​​ലിം പ്രാ​തി​നി​ധ്യ​ക്കു​റ​വ് പ​രി​ഹ​രി​ക്കാ​നാ​യി അ​ഭ്യ​സ്ത​വി​ദ്യ​രും തൊ​ഴി​ൽ​ര​ഹി​ത​രു​മാ​യ മു​സ്​​ലിം യു​വ​തീ​യു​വാ​ക്ക​ൾ​ക്ക് സം​സ്ഥാ​ന​ത്ത് മൂ​ന്നു സൗ​ജ​ന്യ മ​ത്സ​ര​പ്പ​രീ​ക്ഷ പ​രി​ശീ​ല​ന കേ​ന്ദ്ര​ങ്ങ​ൾ ആ​രം​ഭി​ച്ചു. 'കോ​ച്ചി​ങ്​ സെൻറ​ർ ഫോ​ർ മു​സ്​​ലിം യൂ​ത്ത്' എ​ന്ന നാ​മ​ധേ​യ​ത്തി​ൽ കോ​ഴി​ക്കോ​ട്, പ​യ്യ​ന്നൂ​ർ, ആ​ലു​വ എ​ന്നി​വി​ട​ങ്ങ​ളി​ൽ കേ​ന്ദ്ര​ങ്ങ​ൾ തു​ട​ങ്ങി. 2016ൽ ​യു.​ഡി.​എ​ഫ് ഭ​ര​ണം അ​വ​സാ​നി​ക്കു​മ്പോ​ൾ സം​സ്ഥാ​ന​ത്തെ എ​ല്ലാ ജി​ല്ല​ക​ളി​ലു​മാ​യി 16 കേ​ന്ദ്ര​ങ്ങ​ളും 20 ഉ​പ​കേ​ന്ദ്ര​ങ്ങ​ളും പ്ര​വ​ർ​ത്തി​ച്ചു വ​രു​ക​യാ​യി​രു​ന്നു. മൈ​നോ​റി​റ്റി സെ​ല്ലി​നു കീ​ഴി​ൽ ന​ട​പ്പാ​ക്കു​ന്ന പ​ദ്ധ​തി​ക​ളു​ടെ ഭ​ര​ണ​ച്ചെ​ല​വും മ​റ്റും ക​ണ്ടെ​ത്താ​ൻ നീ​ക്കി​െ​വ​ച്ച നോ​ൺ പ്ലാ​ൻ ഫ​ണ്ടി​​നു 'സ​ച്ചാ​ർ ശി​പാ​ർ​ശ​ക​ൾ ന​ട​പ്പാ​ക്കാ​ൻ നീ​ക്കി​െ​വ​ച്ച തു​ക' എ​ന്നാ​ണ് നാ​മ​ക​ര​ണം ചെ​യ്​​തി​രു​ന്ന​ത്.

സ​ച്ചാ​ർ ശി​പാ​ർ​ശ​ക​ൾ മു​സ്​​ലിം​ക​ൾ​ക്ക് സാ​മൂ​ഹി​ക​നീ​തി​യും സാ​മൂ​ഹി​ക​സു​ര​ക്ഷ പ​ദ്ധ​തി​യും ഉ​റ​പ്പി​ക്കാ​നാ​യ​തി​നാ​ൽ മേ​ൽ പ​രി​ശീ​ല​ന കേ​ന്ദ്ര​ങ്ങ​ളി​ലെ പ്ര​വേ​ശ​നം മു​സ്​​ലിം ഉ​ദ്യോ​ഗാ​ർ​ഥി​ക​ൾ​ക്കാ​യി പ​രി​മി​ത​പ്പെ​ടു​ത്തി​യ​ത്​ സ്വാ​ഭാ​വി​കം. എ​ന്നാ​ൽ, പ​രി​ശീ​ല​ന കേ​ന്ദ്ര​ങ്ങ​ളി​ൽ മ​റ്റു പി​ന്നാ​ക്ക ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കു​കൂ​ടി പ്ര​വേ​ശ​നം ന​ൽ​ക​ണ​മെ​ന്ന ആ​വ​ശ്യ​ത്തെ തു​ട​ർ​ന്ന് 2011 ജ​നു​വ​രി 31ന്​ ​പൊ​തു​ഭ​ര​ണ വ​കു​പ്പി​െൻറ ഉ​ത്ത​ര​വ് 34/2011 പ്ര​കാ​രം 'മു​സ്​​ലിം ന്യൂ​ന​പ​ക്ഷ വി​ദ്യാ​ർ​ഥി​ക​ൾ​ക്ക് അ​വ​സ​ര​ന​ഷ്​​ടം ഉ​ണ്ടാ​കാ​ത്ത വി​ധ​ത്തി​ൽ 10 മു​ത​ൽ 20 ശ​ത​മാ​നം വ​രെ സീ​റ്റു​ക​ളി​ൽ മ​റ്റു ന്യൂ​ന​പ​ക്ഷ മ​ത​വി​ഭാ​ഗ​ങ്ങ​ൾ​ക്കും മ​റ്റു പി​ന്നാ​ക്ക സ​മു​ദാ​യ​ങ്ങ​ൾ​ക്കും​കൂ​ടി പ്ര​വേ​ശ​നം അ​നു​വ​ദി​ച്ച്​' സ​ർ​ക്കാ​ർ പു​ന​രു​ത്ത​ര​വ് പു​റ​പ്പെ​ടു​വി​ച്ചു. 'മു​സ്​​ലിം ഉ​ദ്യോ​ഗാ​ർ​ഥി​ക​ൾ​ക്ക് അ​വ​സ​ര​ന​ഷ്​​ടം വ​രാ​ത്ത​വി​ധം 20 ശ​ത​മാ​നം' എ​ന്ന പ്ര​യോ​ഗ​ത്തി​െൻറ​ അ​ർ​ഥം 100 ശ​ത​മാ​ന​ത്തി​നു പു​റ​മെ 20 ശ​ത​മാ​നം മ​റ്റു വി​ഭാ​ഗ​ത്തി​നു​കൂ​ടി എ​ന്നു ത​ന്നെ​യാ​ണ്. എ​ന്നാ​ൽ, 2011-2016 കാ​ല​യ​ള​വി​ൽ കേ​ര​ള​ത്തി​ലെ സ​വി​ശേ​ഷ​മാ​യ സാ​മൂ​ഹി​ക സാ​ഹ​ച​ര്യം പ​രി​ഗ​ണി​ച്ച് മു​സ്​​ലിം, ക്രി​സ്ത്യ​ൻ ഉ​ദ്യോ​ഗാ​ർ​ഥി​ക​ൾ​ക്ക് യ​ഥാ​ക്ര​മം 80:20 അ​നു​പാ​ത​ത്തി​ലാ​ണ് പ​രി​ശീ​ല​ന കേ​ന്ദ്ര​ങ്ങ​ളി​ൽ പ്ര​വേ​ശ​നം ന​ൽ​കി​യി​രു​ന്ന​ത്. മാ​ത്ര​വു​മ​ല്ല, ഇ​ക്കാ​ല​യ​ള​വി​ൽ പ്ര​സ്തു​ത കേ​ന്ദ്ര​ങ്ങ​ളി​ൽ നി​ർ​ദി​ഷ്​​ട അ​നു​പാ​ത​സൂ​ചി​ക​യു​ടെ പേ​രി​ൽ ഒ​രു ക്രൈ​സ്ത​വ ഉ​ദ്യോ​ഗാ​ർ​ഥി​ക്കു​പോ​ലും അ​വ​സ​രം നി​ഷേ​ധി​ക്ക​പ്പെ​ട്ട സാ​ഹ​ച​ര്യം ഉ​ണ്ടാ​യി​ട്ടി​ല്ല. ഒ​ന്നാം പി​ണ​റാ​യി സ​ർ​ക്കാ​റി​െൻറ കാ​ല​ത്ത്​ മ​ന്ത്രി കെ.​ടി. ജ​ലീ​ൽ പ​രി​ശീ​ല​ന കേ​ന്ദ്ര​ത്തി​ന്​ 'കോ​ച്ചി​ങ്​ സെൻറ​ർ ഫോ​ർ മൈ​നോ​റി​റ്റി യൂ​ത്ത്' എ​ന്ന് പു​ന​ർ​നാ​മ​ക​ര​ണം ചെ​യ്തു. പി​ൽ​ക്കാ​ല​ത്തെ ത​ൽ​പ​ര​ക​ക്ഷി​ക​ളു​ടെ വി​വാ​ദ​ങ്ങ​ൾ​ക്കി​ട ന​ൽ​കു​ന്ന​തി​ൽ ഇൗ ​പേ​രു​മാ​റ്റ​ം കാ​ര്യ​മാ​യ പ​ങ്കു​ വഹിച്ചു.

ന്യൂ​ന​പ​ക്ഷ വ​കു​പ്പി​ന്​ സ​ർ​ക്കാ​റു​ക​ൾ ചെ​യ്​​ത​ത്​

പൊ​തു​ഭ​ര​ണ വ​കു​പ്പി​നു കീ​ഴി​ൽ രൂ​പ​വ​ത്​​ക​രി​ച്ച മൈ​നോ​റി​റ്റി സെ​ൽ ഒ​രു സ്വ​ത​ന്ത്ര വ​കു​പ്പാ​യി പ​രി​വ​ർ​ത്തി​പ്പി​ക്ക​ണ​മെ​ന്ന ആ​വ​ശ്യം വ്യാ​പ​ക​മാ​യി ഉ​യ​ർ​ന്നു. തു​ട​ർ​ന്ന്, 2011 ജ​നു​വ​രി​യി​ൽ സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പ് രൂ​പ​വ​ത്​​ക​രി​ച്ച്​ ഉ​ത്ത​ര​വി​റ​ങ്ങി. എ​ന്നാ​ൽ, വ​കു​പ്പി​നാ​വ​ശ്യ​മാ​യ ഒ​രു പ്ലാ​ൻ ശീ​ർ​ഷ​ക​മോ കാ​ര്യ​മാ​യ പ​ദ്ധ​തി​ക​ളോ ഓ​ഫി​സ് സം​വി​ധാ​ന​മോ മ​തി​യാ​യ ജീ​വ​ന​ക്കാ​രോ ഒ​ന്നും ഉ​ണ്ടാ​യി​രു​ന്നി​ല്ല. 2012ൽ ​ഉ​മ്മ​ൻ ചാ​ണ്ടി സ​ർ​ക്കാ​ർ ആ​ദ്യ​മാ​യി ഒ​രു​കോ​ടി രൂ​പ അ​നു​വ​ദി​ച്ചു പ്ലാ​ൻ ശീ​ർ​ഷ​കം തു​ട​ങ്ങി. മ​തി​യാ​യ ത​സ്തി​ക​ക​ളും സ​ർ​ക്കാ​ർ കെ​ട്ടി​ട​ത്തി​ൽ പു​തി​യ ഓ​ഫി​സും ര​ണ്ടു ഡ​സ​നോ​ളം പു​തി​യ പ​ദ്ധ​തി​ക​ളും അ​നു​വ​ദി​ച്ചു. ഇ​തോ​ടെ വ​കു​പ്പി​െൻറ പ്ര​വ​ർ​ത്ത​ന​ങ്ങ​ൾ ക്ര​മാ​നു​ഗ​ത​മാ​യി പു​രോ​ഗ​മി​ച്ചു. 2016ൽ ​ഉ​മ്മ​ൻ ചാ​ണ്ടി​ സർക്കാറിന്‍റെ അ​വ​സാ​ന ബ​ജ​റ്റി​ൽ 107 കോ​ടി രൂ​പ​യാ​ണ് ന്യൂ​ന​പ​ക്ഷ ക്ഷേ​മ​ത്തി​നാ​യി നീ​ക്കി​െ​വ​ച്ച​ത്. എ​ന്നാ​ൽ, തു​ട​ർ​ന്ന് വ​ന്ന ഇ​ട​തു​പ​ക്ഷ സ​ർ​ക്കാ​റി​െൻറ കാ​ല​ത്ത് എ​ല്ലാ സാ​മ്പ​ത്തി​ക വ​ർ​ഷ​ങ്ങ​ളി​ലും ന്യൂ​ന​പ​ക്ഷ ക്ഷേ​മ​ത്തി​ന് നീ​ക്കി​െ​വ​ച്ച ബ​ജ​റ്റ് വി​ഹി​തം ന​ന്നേ കു​റ​ഞ്ഞു​വ​ന്നു. ന​ട​പ്പു സാ​മ്പ​ത്തി​ക വ​ർ​ഷ​ത്തെ ബ​ജ​റ്റ് വി​ഹി​തം വെ​റും 42 കോ​ടി രൂ​പ​യാ​യി ശോ​ഷി​ച്ചു. വ​കു​പ്പി​നു കീ​ഴി​ൽ ന​ട​ന്നു​വ​ന്നി​രു​ന്ന നി​ര​വ​ധി ഫ്ലാ​ഗ് ഷി​പ് പ​ദ്ധ​തി​ക​ളും ഇ​തി​ന​കം നി​ർ​ത്ത​ലാ​ക്ക​പ്പെ​ട്ടി​ട്ടു​ണ്ട്. അ​തേ​സ​മ​യം, സ​മീ​പ സം​സ്ഥാ​ന​മാ​യ ക​ർ​ണാ​ട​ക​യി​ൽ ന​ട​പ്പു സാ​മ്പ​ത്തി​ക​വ​ർ​ഷം 1700 കോ​ടി രൂ​പ​യാ​ണ് ന്യൂ​ന​പ​ക്ഷ ക്ഷേ​മ​ത്തി​നു നീ​ക്കിെ​വ​ച്ചി​ട്ടു​ള്ള​ത്.

ആ​ക്ഷേ​പ​വും അ​ടി​സ്ഥാ​ന​വും

നി​ർ​ഭാ​ഗ്യ​വ​ശാ​ൽ, ക​ഴി​ഞ്ഞ ഒ​ന്നു​ര​ണ്ടു വ​ർ​ഷ​ങ്ങ​ളാ​യി സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പി​െൻറ ഗു​ണ​ഭോ​ക്തൃ വി​ഹി​ത​വു​മാ​യി ബ​ന്ധ​പ്പെ​ട്ട് അ​ശാ​സ്ത്രീ​യ ചേ​രു​വ​ക​ളാ​ൽ ത​യാ​റാ​ക്ക​പ്പെ​ട്ട ഒ​രു ന​രേ​റ്റി​വ് വ്യാ​പ​ക​മാ​യി പ്ര​ച​രി​പ്പി​ക്ക​പ്പെ​ടു​ന്നു​ണ്ട്. ഇ​ക്കാ​ര്യ​ങ്ങ​ളു​ടെ വ​സ്തു​ത​ക​ൾ എ​ന്താ​ണെ​ന്ന് പ​രി​ശോ​ധി​ക്കാം.

കേ​ന്ദ്ര ന്യൂ​ന​പ​ക്ഷ മ​ന്ത്രാ​ല​യ​ത്തി​െൻറ സാ​മ്പ​ത്തി​ക സ​ഹാ​യ​ത്തോ​ടെ സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പ് ന​ട​പ്പാ​ക്കി​വ​രു​ന്ന പ​ദ്ധ​തി​ക​ളി​ൽ 80 ശ​ത​മാ​ന​വും മു​സ്​​ലിം വി​ഭാ​ഗ​ത്തി​നാ​ണ് ല​ഭി​ക്കു​ന്ന​തെ​ന്നും മ​റ്റു ന്യൂ​ന​പ​ക്ഷ​ങ്ങ​ള്‍ക്കെ​ല്ലാം​കൂ​ടി 20 ശ​ത​മാ​നം മാ​ത്ര​മാ​ണ് ന​ല്‍കു​ന്ന​തെ​ന്നു​മാ​ണ് ചി​ല ക്രൈ​സ്ത​വ സം​ഘ​ട​ന​ക​ൾ ആ​രോ​പ​ണം ഉ​ന്ന​യി​ച്ചി​രി​ക്കു​ന്ന​ത്. ഈ ​ആ​രോ​പ​ണം മി​സോ​റം ഗ​വ​ർ​ണ​റാ​യ ബി.​ജെ.​പി മു​ൻ സം​സ്ഥാ​ന പ്ര​സി​ഡ​ൻ​റ്​ പി.​എ​സ്.​ ശ്രീ​ധ​ര​ൻ പി​ള്ള വ​ഴി പ്ര​ധാ​ന​മ​ന്ത്രി​യു​ടെ ശ്ര​ദ്ധ​യി​ലും പെ​ടു​ത്തി.

ഒ​ന്നാ​മ​താ​യി, കേ​ന്ദ്ര സ​ർ​ക്കാ​റി​െൻറ ഫ​ണ്ട് വി​നി​യോ​ഗി​ച്ച്​ സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പ് ക്ഷേ​മ​പ​ദ്ധ​തി​ക​ളൊ​ന്നും ന​ട​പ്പാ​ക്കു​ന്നി​ല്ല. കേ​ന്ദ്ര സ​ർ​ക്കാ​ർ ന​ൽ​കി​വ​രു​ന്ന പ്രീ ​മെ​ട്രി​ക്, പോ​സ്​​റ്റ്​ മെ​ട്രി​ക്, മെ​റി​റ്റ് കം ​മീ​ൻ​സ് സ്കോ​ള​ര്‍ഷി​പ്പു​ക​ളു​ടെ​യും മ​റ്റും അ​നു​പാ​ത നി​ശ്ച​യ​വും ഏ​കോ​പ​ന​വും നി​ർ​വ​ഹ​ണ​വു​മൊ​ക്കെ കേ​ന്ദ്ര സ​ർ​ക്കാ​റി​െൻറ നാ​ഷ​ന​ൽ സ്കോ​ള​ർ​ഷി​പ് പോ​ർ​ട്ട​ൽ (എ​ൻ.​എ​സ്.​പി) വ​ഴി നേ​രി​ട്ടാ​ണ് നി​ർ​വ​ഹി​ച്ചു​വ​രു​ന്ന​ത്. അ​തി​െൻറ ഗു​ണ​ഭോ​ക്തൃ അ​നു​പാ​തം ഓ​രോ സം​സ്ഥാ​ന​ത്തെ​യും 2001ലെ ​ജ​ന​സം​ഖ്യാ​നു​പാ​തി​ക​മാ​യാ​ണ് ന​ൽ​കു​ന്ന​ത്. ഇ​തി​ൽ ത​ന്നെ 30 ശ​ത​മാ​നം അ​ത​ത് വി​ഭാ​ഗ​ത്തി​ലെ പെ​ൺ​കു​ട്ടി​ക​ൾ​ക്കാ​യി പ്ര​ത്യേ​കം നീ​ക്കിെ​വ​ച്ചി​ട്ടു​മു​ണ്ട്. കൂ​ടാ​തെ വ​കു​പ്പി​െൻറ മേ​ൽ​നോ​ട്ട​ത്തി​ൽ ന​ട​ക്കു​ന്ന മ​റ്റൊ​രു കേ​ന്ദ്രാ​വി​ഷ്കൃ​ത പ​ദ്ധ​തി​യാ​ണ് ബ​ഹു​ത​ല വി​ക​സ​ന പ​ദ്ധ​തി (എം.​എ​സ്.​ഡി.​പി). ഇ​പ്പോ​ൾ ഇ​ത്​ പ്ര​ധാ​ന​മ​ന്ത്രി ജ​ന​വി​കാ​സ് കാ​ര്യ​ക്രം എ​ന്നാ​ണ് അ​റി​യ​പ്പെ​ടു​ന്ന​ത്.

രാ​ജ്യ​ത്ത് തി​ര​ഞ്ഞെ​ടു​ക്ക​പ്പെ​ട്ട ന്യൂ​ന​പ​ക്ഷ കേ​ന്ദ്രീ​കൃ​ത പ്ര​ദേ​ശ​ങ്ങ​ളി​ൽ കു​ടി​വെ​ള്ളം, ആ​രോ​ഗ്യം, വി​ദ്യാ​ഭ്യാ​സം തു​ട​ങ്ങി​യ അ​ടി​സ്ഥാ​ന വി​ക​സ​ന സൗ​ക​ര്യ​ങ്ങ​ൾ വ​ർ​ധി​പ്പി​ക്കാ​നാ​ണ് ഇ​ത്​ വി​നി​യോ​ഗി​ക്ക​പ്പെ​ടു​ന്ന​ത്. 2011 വ​രെ ഇ​ക്കാ​ര്യ​ത്തി​ൽ രാ​ജ്യ​ത്ത് ഏ​റ്റ​വും പി​ന്നി​ൽ പ​തി​നേ​ഴാം സ്ഥാ​ന​ത്ത് നി​ന്നി​രു​ന്ന കേ​ര​ളം 2013 ഏ​പ്രി​ലോ​ടെ 100 ശ​ത​മാ​നം ഫ​ണ്ടും വി​നി​യോ​ഗി​ച്ച് ഒ​ന്നാം സ്ഥാ​ന​ത്ത് എ​ത്തി. പ്ര​സ്തു​ത ഫ​ണ്ട് ഉ​പ​യോ​ഗി​ച്ച് നി​ർ​മി​ക്ക​പ്പെ​ടു​ന്ന അ​ടി​സ്ഥാ​ന സൗ​ക​ര്യ​ങ്ങ​ളി​ലെ ഗു​ണ​ഭോ​ക്താ​ക്ക​ൾ 1992ലെ ​ദേ​ശീ​യ ന്യൂ​ന​പ​ക്ഷ ക​മീ​ഷ​ൻ ആ​ക്ട് പ്ര​കാ​ര​മു​ള്ള മു​സ്​​ലിം, ക്രൈ​സ്​​ത​വ, സി​ഖ്​, ബു​ദ്ധ, പാ​ഴ്സി, ജൈ​ന വി​ഭാ​ഗ​ക്കാ​രാ​ണെ​ന്നു പ​റ​യേ​ണ്ട​തി​ല്ല​ല്ലോ. ഇ​വി​ടെ​യും ന്യൂ​ന​പ​ക്ഷ ക്ഷേ​മ വ​കു​പ്പ് മു​ഖേ​ന ചെ​ല​വ​ഴി​ക്ക​പ്പെ​ടു​ന്ന പ​ണ​ത്തി​െൻറ അ​ടി​സ്ഥാ​ന​ത്തി​ൽ 80:20 അ​നു​പാ​തം ക്രൈ​സ്ത​വ വി​ഭാ​ഗ​ത്തി​ന് ന​ഷ്​​ട​പ്പെ​ടു​ന്നു എ​ന്ന അ​പ​വാ​ദം വി​ചി​ത്ര​മാ​ണ്.

സ്​​കോ​ള​ർ​ഷി​പ്​ അ​നു​പാ​ത​ത്തി​ലെ ഭീ​മ​മാ​യ അ​ന്ത​രം

വ​കു​പ്പി​നു കീ​ഴി​ൽ ത​ന​തു ഫ​ണ്ടു​പ​യോ​ഗി​ച്ച് ന​ട​പ്പാ​ക്കി​വ​രു​ന്ന ഏ​താ​നും ചി​ല സ്കോ​ള​ർ​ഷി​പ്പു​ക​ളി​ലെ ഗു​ണ​ഭോ​ക്തൃ അ​നു​പാ​ത​ത്തെ സം​ബ​ന്ധി​ച്ച വ​സ്തു​ത​ക​ൾ​കൂ​ടി അ​റി​യ​ണം. സി.​എ​ച്ച്. മു​ഹ​മ്മ​ദ് കോ​യ സ്കോ​ള​ർ​ഷി​പ് പ്ര​കാ​രം, ഡി​ഗ്രി-​പി.​ജി കോ​ഴ്സു​ക​ൾ പ​ഠി​ക്കു​ന്ന​വ​ർ​ക്ക് വാ​ർ​ഷി​ക സ്കോ​ള​ർ​ഷി​പ്പാ​യി യ​ഥാ​ക്ര​മം അ​യ്യാ​യി​ര​വും ആ​റാ​യി​ര​വും പ്ര​ഫ​ഷ​ന​ൽ കോ​ഴ്സു​ക​ൾ​ക്ക് 7000 രൂ​പ​യു​മാ​ണ് ല​ഭി​ക്കു​ന്ന​ത്. അ​തേ​സ​മ​യം, സം​സ്ഥാ​ന മു​ന്നാ​ക്ക വി​ക​സ​ന കോ​ർ​പ​റേ​ഷ​ൻ ഡി​ഗ്രി, പി.​ജി കോ​ഴ്സു​ക​ൾ​ക്ക് യ​ഥാ​ക്ര​മം 6000, 10,000 രൂ​പ​യും പ്ര​ഫ​ഷ​ന​ൽ കോ​ഴ്സു​ക​ൾ​ക്ക് പ​ഠി​ക്കു​ന്ന​വ​ർ​ക്ക് 10,000 മു​ത​ൽ 50,000 രൂ​പ വ​രെ​യും ന​ൽ​കു​ന്നു​ണ്ട്.

2012ൽ ​രൂ​പ​വ​ത്​​ക​രി​ച്ച മു​ന്നാ​ക്ക വി​ക​സ​ന കോ​ർ​പ​റേ​ഷ​നി​ലെ വി​വി​ധ പ​ദ്ധ​തി​ക​ളി​ലെ ഗു​ണ​ഭോ​ക്താ​ക്ക​ളി​ൽ 50 ശ​ത​മാ​ന​വും ക്രൈ​സ്ത​വ വി​ഭാ​ഗ​ത്തി​ലെ സീ​റോ മ​ല​ബാ​ർ, സീ​റോ മ​ല​ങ്ക​ര, ഓ​ർ​ത്ത​ഡോ​ക്സ്, യാ​ക്കോ​ബാ​യ, മാ​ർ​ത്തോ​മ സി​റി​യ​ൻ തു​ട​ങ്ങി​യ മു​ന്നാ​ക്ക വി​ഭാ​ഗ​ക്കാ​രാ​ണ്. പ​ല​പ്പോ​ഴും ന്യൂ​ന​പ​ക്ഷ ക്ഷേ​മ വ​കു​പ്പി​ൽ ക്രൈ​സ്ത​വ വി​ഭാ​ഗ​ത്തി​നാ​യി മാ​റ്റി​െ​വ​ച്ച 20 ശ​ത​മാ​നം സ്കോ​ള​ർ​ഷി​പ്പു​ക​ൾ​ക്ക് താ​ര​ത​മ്യേ​ന തു​ക കു​റ​വാ​യ​തി​നാ​ൽ ക്രൈ​സ്ത​വ വി​ഭാ​ഗ​ങ്ങ​ളി​ൽ​നി​ന്ന് പ​ല​പ്പോ​ഴും മ​തി​യാ​യ അ​പേ​ക്ഷ​ക​ർ ല​ഭ്യ​മ​ല്ലാ​തി​രു​ന്ന അ​വ​സ​ര​ങ്ങ​ളും ഉ​ണ്ടാ​കാ​റു​ണ്ട്. മാ​ത്ര​വു​മ​ല്ല, പ​രി​വ​ർ​ത്തി​ത ക്രൈ​സ്ത​വ വി​ഭാ​ഗ​ത്തി​െൻറ ക്ഷേ​മ​ത്തി​നാ​യി 1980 മു​ത​ൽ കേ​ര​ള സ്​​റ്റേ​റ്റ് ​െഡ​വ​ല​പ്മെൻറ്​ കോ​ർ​പ​റേ​ഷ​ൻ ഫോ​ർ ക്രി​സ്ത്യ​ൻ ക​ൺ​​വ​ർ​ട്​​സ്​ ഫ്രം ​എ​സ്.​സി ആ​ൻ​ഡ്​ റെ​ക്ക​മ​ൻ​റ​ഡ് ക​മ്യൂ​ണി​റ്റീ​സ് എ​ന്ന ഒ​രു സ്ഥാ​പ​നം​കൂ​ടി സം​സ്ഥാ​ന സ​ർ​ക്കാ​റി​നു കീ​ഴി​ൽ പ്ര​വ​ർ​ത്തി​ക്കു​ന്നു​ണ്ടെ​ന്നും ഓ​ർ​ക്കു​ക. പ​രി​വ​ർ​ത്തി​ത ക്രൈ​സ്ത​വ വി​ഭാ​ഗ​ങ്ങ​ൾ​ക്കും ശി​പാ​ർ​ശ ചെ​യ്യ​പ്പെ​ട്ട മ​റ്റു ക്രൈ​സ്ത​വ​ർ​ക്കു​മാ​യി മാ​ത്രം പ്ര​വ​ർ​ത്തി​ക്കു​ന്ന കെ.​എ​സ്.​ടി.​സി വ​ഴി ബ​ഹു​മു​ഖ ക്ഷേ​മ​പ​ദ്ധ​തി​ക​ളാ​ണ് ന​ട​പ്പാ​ക്കി​വ​രു​ന്ന​ത്. ഇ​തി​െൻറ ഗു​ണ​ഭോ​ക്താ​ക്ക​ൾ ഈ ​വി​ഭാ​ഗ​ത്തി​ലെ ക്രൈ​സ്ത​വ​ർ മാ​ത്ര​മാ​ണ്. മെ​ഡി​ക്ക​ൽ/ എ​ൻ​ജി​നീ​യ​റി​ങ്​ പ്ര​വേ​ശ​ന പ​രീ​ക്ഷ​ക​ൾ​ക്ക് ത​യാ​റെ​ടു​ക്കു​ന്ന​വ​ർ​ക്കു​ള്ള ഗ്രാ​ൻ​റു​ക​ൾ, വി​വി​ധ​യി​നം വി​ദ്യാ​ഭ്യാ​സ, വി​വാ​ഹ, കാ​ർ​ഷി​ക, ഭ​വ​ന, ഭ​വ​ന-​പു​ന​ർ​നി​ർ​മാ​ണ വാ​യ്പ​ക​ൾ, വ്യ​ക്തി​ഗ​ത വാ​യ്പ​ക​ൾ, ഭൂ​ര​ഹി​ത​ർ​ക്കും ഭ​വ​ന​ര​ഹി​ത​ർ​ക്കു​മു​ള്ള പ​ദ്ധ​തി​ക​ൾ, സ്വ​യം തൊ​ഴി​ൽ പ​ദ്ധ​തി​ക​ൾ തു​ട​ങ്ങി​യ​വ ഈ ​വി​ഭാ​ഗ​ത്തി​ലെ ക്രൈ​സ്ത​വ​ർ​ക്കു വേ​ണ്ടി മാ​ത്രം ന​ട​പ്പാ​ക്കു​ന്ന പ​ദ്ധ​തി​ക​ളാ​ണ്.

ഈ ​കോ​ർ​പ​റേ​ഷ​െൻറ പ​ദ്ധ​തി​ക​ളി​ൽ ഒ​രു പൈ​സ​യു​ടെ ആ​നു​കൂ​ല്യം പോ​ലും മ​റ്റു പി​ന്നാ​ക്ക വി​ഭാ​ഗ​ങ്ങ​ൾ​ക്കാ​യി ന​ൽ​കു​ന്നി​ല്ല. മാ​ത്ര​വു​മ​ല്ല, ഈ ​കോ​ർ​പ​റേ​ഷ​െൻറ സ​ർ​ക്കാ​ർ വി​ഹി​തം മു​ൻ​വ​ർ​ഷ​ങ്ങ​ളി​ൽ 17 കോ​ടി​യി​ൽ​നി​ന്ന്​ 40 കോ​ടി​യാ​യി ഉ​യ​ർ​ത്തി​യ​പ്പോ​ൾ സം​സ്ഥാ​ന​ത്തെ 45 ശ​ത​മാ​നം വ​രു​ന്ന ന്യൂ​ന​പ​ക്ഷ വി​ഭാ​ഗ​ങ്ങ​ൾ​ക്കാ​യി പ്ര​വ​ർ​ത്തി​ക്കു​ന്ന സം​സ്ഥാ​ന ന്യൂ​ന​പ​ക്ഷ ക്ഷേ​മ വ​കു​പ്പി​നു​ള്ള വി​ഹി​തം 107 കോ​ടി​യി​ൽ​നി​ന്ന്​ 42 കോ​ടി​യാ​യി കു​റ​യു​ക​യാ​ണു​ണ്ടാ​യ​ത്. ഇ​തി​നു സ​മാ​ന​മാ​യ രീ​തി​യി​ലാ​ണ് ക്രൈ​സ്ത​വ ഹൈ​ന്ദ​വ വി​ഭാ​ഗ​ത്തി​ലെ മു​ന്നാ​ക്ക​ക്കാ​ർ​ക്കാ​യി പ്ര​വ​ർ​ത്തി​ക്കു​ന്ന കേ​ര​ള സ്​​റ്റേ​റ്റ് വെ​ൽ​ഫെ​യ​ർ കോ​ർ​പ​റേ​ഷ​ൻ ഫോ​ർ ഫോ​ർ​വേ​ഡ് ക​മ്യൂ​ണി​റ്റീ​സ് ലി​മി​റ്റ​ഡ് (കെ.​എ​സ്.​ഡ​ബ്ല്യു.​സി.​എ​ഫ്.​സി) എ​ന്ന സ്ഥാ​പ​ന​വും പ്ര​വ​ർ​ത്തി​ച്ചു​വ​രു​ന്ന​ത്. എ​ന്നി​ട്ടും മു​സ്​​ലിം​ക​ൾ​ക്ക് ന്യൂ​ന​പ​ക്ഷ ക്ഷേ​മ വ​കു​പ്പ് വ​ഴി അ​ന​ർ​ഹ​മാ​യി വാ​രി​ക്കോ​രി ന​ൽ​കി​യെ​ന്നാ​ണ്​ ത​ൽ​പ​ര​ക​ക്ഷി​ക​ളു​ടെ പ്ര​ചാ​ര​ണം.

(നാ​ളെ: മ​ദ്​​റ​സ അ​ധ്യാ​പ​ക​ർ​ക്ക്​ ശ​മ്പ​ളം ന​ൽ​കു​ന്ന​താ​ര്​?)

Show Full Article
TAGS:Minority consumer ratio minority sachar committee report 
News Summary - Minority Consumer Ratio 80:20: Whose rights are they claiming?
Next Story