ഗ​സ്സ​യി​ലെ കൂ​ട്ട​ക്കു​രു​തി​യും ഇ​ന്ത്യ​യു​ടെ ഒ​ഴി​ഞ്ഞു​മാ​റ്റ​വും

മ​ല​യാ​ളി​ക​ള​ട​ക്കം അ​ര ല​ക്ഷ​ത്തോ​ളം ഇ​ന്ത്യ​ക്കാ​രും യു​ദ്ധ​ഭീ​ഷ​ണി​യു​ടെ ഇ​ര​ക​ളാ​ണ്. ഇ​ന്ത്യ പ​ക്ഷം​പി​ടി​ക്കേ​ണ്ടി​യി​രു​ന്ന​ത് സ​മാ​ധാ​ന​ത്തി​നു വേ​ണ്ടി​യാ​യി​രു​ന്നു. അ​ടി​യ​ന്ത​ര യു​ദ്ധ​വി​രാ​മം വി​ളം​ബ​രം ചെ​യ്യു​ന്ന യു.​എ​ൻ പ്ര​മേ​യ​ത്തെ അ​നു​കൂ​ലി​ച്ച് ഇ​ന്ത്യ വോ​ട്ട് രേ​ഖ​പ്പെ​ടു​ത്ത​ണ​മാ​യി​രു​ന്നു

ഫ​ല​സ്തീ​ൻ ജ​ന​ത​യു​ടെ ജ​ന്മ​നാ​ട്ടി​ൽ സ്വ​യം രാ​ജ്യ​മു​ണ്ടാ​ക്കി സാ​മ്രാ​ജ്യ​ത്വ​ശ​ക്തി​ക​ളു​ടെ സ​ഹാ​യ​ത്തോ‌​ടെ വേ​രു​റ​പ്പി​ച്ച ഇ​സ്രാ​യേ​ൽ ലോ​ക​ച​രി​ത്ര​ത്തി​ലെ അ​തി​ക്രൂ​ര​മാ​യ മ​നു​ഷ്യ​വേ​ട്ട​യാ​ണ് ന​ട​ത്തി​ക്കൊ​ണ്ടി​രി​ക്കു​ന്ന​ത്. ഒ​രു മാ​സ​ത്തി​നു​ള്ളി​ൽ പ​തി​നാ​യി​ര​ത്തി​ല​ധി​കം പേ​രെ കൊ​ല​പ്പെ​ടു​ത്തി, ല​ക്ഷ​ക്ക​ണ​ക്കി​ന് ആ​ളു​ക​ൾ​ക്കു മു​റി​വേ​റ്റു, അ​നേ​ക​മി​ര​ട്ടി ആ​ളു​ക​ൾ വ​ഴി​യാ​ധാ​ര​മാ​ക്ക​പ്പെ​ട്ടു.

ഏ​ഴു പ​തി​റ്റാ​ണ്ടു​ക​ൾ​ക്കി​ടെ പ​ല​വ​ട്ടം പ​ല​രൂ​പ​ത്തി​ൽ ഫ​ല​സ്തീ​ൻ ജ​ന​ത​യു​ടെ സ​മാ​ധാ​ന ജീ​വി​ത​ത്തെ ന​ര​ക​തു​ല്യ​മാ​ക്കി​യ​തി​ന്റെ ഒ​ടു​വി​ല​ത്തെ കാ​ഴ്ച​ക​ളാ​ണ് ഇ​പ്പോ​ൾ അ​വി​ടെ ന​ട​ക്കു​ന്ന മ​നു​ഷ്യ​ക്കു​രു​തി. മ​നു​ഷ്യ​ത്വ​മു​ള്ള ആ​രു​ടെ​യും ഹൃ​ദ​യം ത​ക​ർ​ക്കു​ന്ന ഈ ​വേ​ട്ട​ക്കെ​തി​രെ വാ​ക്കു​കൊ​ണ്ടും പ്ര​വൃ​ത്തി​കൊ​ണ്ടും പ്ര​തി​ക​രി​ക്കു​ക എ​ന്ന​ത് ലോ​ക​മ​ന​സ്സാ​ക്ഷി​യു​ടെ ദൗ​ത്യ​മാ​യി മാ​റി​യി​രി​ക്കു​ന്നു.

ക​ഴി​ഞ്ഞ ഒ​രു മാ​സ​ത്തി​നു​ള്ളി​ൽ ഗ​സ്സ​യി​ൽ 4,237കു​ഞ്ഞു​ങ്ങ​ൾ മാ​ത്രം മ​രി​ച്ചെ​ന്നാ​ണ് ക​ണ​ക്ക്. ഫ​ല​സ്തീ​ൻ- ഇ​സ്രാ​യേ​ൽ യു​ദ്ധ​ത്തി​ൽ കൊ​ല്ല​പ്പെ​ടു​ന്ന​വ​രു​ടെ 40 ശ​ത​മാ​ന​വും കൊ​ച്ചു കു​ട്ടി​ക​ളാ​ണ്. ഭാ​വി​യു​ടെ പ്ര​തീ​ക്ഷ​ക​ളെ, ഫ​ല​സ്തീ​ന്റെ നാ​ളെ​യു​ടെ ഊ​ർ​ജ​ത്തെ ഉ​ന്നം​വെ​ച്ചു കൊ​ന്നൊ​ടു​ക്കു​ക​യാ​ണ് ഇ​സ്രാ​യേ​ൽ. ഗ​സ്സ മേ​ഖ​ല​യെ കു​ഞ്ഞു​ങ്ങ​ളു​ടെ ശ്മ​ശാ​ന​മെ​ന്നാ​ണ് ഐ​ക്യ​രാ​ഷ്ട്ര​സ​ഭ സെ​ക്ര​ട്ട​റി ജ​ന​റ​ൽ അ​ന്റോ​ണി​യോ ഗു​ട്ടെ​റ​സ് വി​ശേ​ഷി​പ്പി​ച്ച​ത്.

മോ​ദി​യു​ടെ മ​നം​മാ​റ്റം ഇ​ന്ത്യ​ക്കേ​റ്റ ക​ള​ങ്കം

നി​രു​പാ​ധി​ക വെ​ടി​നി​ർ​ത്ത​ലും യു​ദ്ധ​വി​രാ​മ​വു​മാ​ണ് ഐ​ക്യ​രാ​ഷ്ട്ര സ​ഭാ ത​ല​വ​ൻ മു​ത​ൽ ഫ്രാ​ൻ​സി​സ് മാ​ർ​പാ​പ്പ വ​രെ ഇ​സ്രാ​യേ​ലി​നോ​ട് ആ​വ​ശ്യ​പ്പെ​ടു​ന്ന​ത്. എ​ന്നാ​ൽ യു​ദ്ധം തീ​ർ​ന്നാ​ലും ഗ​സ്സ വി​ടി​ല്ലെ​ന്നാ​ണ് ഇ​സ്രാ​യേ​ൽ പ്ര​ധാ​ന​മ​ന്ത്രി ബി​ന്യ​മി​ൻ നെ​ത​ന്യാ​ഹു പ​റ​യു​ന്ന​ത്; മ​റ്റൊ​രാ​ളു​ടെ പ​റ​മ്പി​ൽ ക​യ​റി വീ​ടു​വെ​ച്ചി​ട്ട്, യ​ഥാ​ർ​ഥ വീ​ട്ടു​കാ​ർ ഇ​റ​ങ്ങി​പ്പോ​കു​ന്ന​തു​വ​രെ സ​മാ​ധാ​നം ത​രി​ല്ല എ​ന്നു പ​റ​യു​ന്ന​തു​പോ​ലെ.

ഗ​സ്സ​യി​ൽ മാ​ത്ര​മ​ല്ല, ഒ​ട്ടേ​റെ നി​ര​പ​രാ​ധി​ക​ൾ ഇ​സ്രാ​യേ​ലി​ലും കൊ​ല്ല​പ്പെ​ട്ട​ത് നാം ​ക​ണ്ട​താ​ണ്. മേ​ഖ​ല​യി​ൽ അ​ടി​യ​ന്ത​ര​മാ​യി വേ​ണ്ട​ത് വെ​ടി​നി​ർ​ത്ത​ലും സ​മാ​ധാ​ന​വു​മാ​ണ്. പി​ന്നാ​ലെ നി​ഷ്പ​ക്ഷ​രും നീ​തി​മാ​ന്മാ​രു​മാ​യ മ​ധ്യ​സ്ഥ​രു​ടെ സാ​ന്നി​ധ്യ​ത്തി​ൽ, അ​ന്താ​രാ​ഷ്ട്ര മ​ര്യാ​ദ​ക​ളും യു.​എ​ൻ പ്ര​മേ​യ​ങ്ങ​ളും മാ​നി​ച്ചു​കൊ​ണ്ട് വ്യ​വ​സ്ഥാ​പി​ത​മാ​യ ച​ർ​ച്ച; അ​തി​ലൂ​ടെ ഫ​ല​സ്തീ​ൻ- ഇ​സ്രാ​യേ​ൽ സം​ഘ​ർ​ഷ​ത്തി​ന് ശാ​ശ്വ​ത​മാ​യ രാ​ഷ്ട്രീ​യ പ​രി​ഹാ​ര​വും.

ഇ​ക്കാ​ര്യ​ത്തി​ൽ ഇ​ന്ത്യ​ക്കു വ​ലി​യ പ​ങ്ക് വ​ഹി​ക്കാ​നു​ണ്ട്. എ​ന്നാ​ൽ ദൗ​ർ​ഭാ​ഗ്യ​വ​ശാ​ൽ ഇ​ന്ത്യ ഏ​ക​പ​ക്ഷീ​യ​മാ​യ രാ​ഷ്ട്രീ​യ നി​ല​പാ​ടെ​ടു​ത്തി​രി​ക്കു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​സ്രാ​യേ​ലി​നു പൂ​ർ​ണ പി​ന്തു​ണ പ്ര​ഖ്യാ​പി​ച്ച്, ഫ​ല​സ്തീ​നെ പി​ന്ത​ള്ളി, ഇ​സ്രാ​യേ​ൽ- ഹ​മാ​സ് യു​ദ്ധം ഉ​ട​ൻ അ​വ​സാ​നി​പ്പി​ക്ക​ണ​മെ​ന്ന ഐ​ക്യ​രാ​ഷ്ട്ര പ്ര​മേ​യ​ത്തി​ന്മേ​ൽ ന​ട​ത്തി​യ വോ​ട്ടെ​ടു​പ്പി​ൽ​നി​ന്ന് വി​ട്ടു​നി​ൽ​ക്കു​ക​യും ചെ​യ്തു.

ഇ​ത് ഇ​ന്ത്യ ഇ​ക്കാ​ല​മ​ത്ര​യും പു​ല​ർ​ത്തി​പ്പോ​ന്ന രാ​ഷ്ട്രീ​യ നി​ല​പാ​ടു​ക​ൾ​ക്ക് വി​രു​ദ്ധ​മാ​ണ്. അ​തു​കൊ​ണ്ടു ത​ന്നെ​യാ​ണ് ലോ​ക​രാ​ജ്യ​ങ്ങ​ൾ പ​ല​തും ഇ​ന്ത്യ​യെ വി​മ​ർ​ശി​ച്ചു രം​ഗ​ത്തു​വ​ന്ന​ത്. ഇ​ന്ത്യ​ക്ക​ക​ത്തും ന​രേ​ന്ദ്ര മോ​ദി​ക്കെ​തി​രാ​യ ക​ടു​ത്ത വി​മ​ർ​ശ​ന​ങ്ങ​ളു​യ​രു​ന്ന​തി​ന്റെ കാ​ര​ണ​വും മ​റ്റൊ​ന്ന​ല്ല.

ഫ​ല​സ്തീ​ൻ ജ​ന​ത​ക്ക് ​കോ​ൺ​​ഗ്ര​സി​ന്റെ ഐ​ക്യ​ദാ​ർ​ഢ്യം

ഭൂ​പ്ര​ദേ​ശ​ങ്ങ​ൾ, അ​തി​ർ​ത്തി​ക​ൾ, പ​ര​മാ​ധി​കാ​രം, സ്വ​യം​നി​ർ​ണ​യാ​വ​കാ​ശം തു​ട​ങ്ങി​യ കാ​ര്യ​ങ്ങ​ളു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളി​ൽ ഇ​സ്രാ​യേ​ലി​ക​ളും ഫ​ല​സ്തീ​നി​ക​ളും ത​മ്മി​ൽ ക​ഴി​ഞ്ഞ നൂ​റ്റാ​ണ്ടി​ന്റെ മ​ധ്യ​ത്തി​ൽ തു​ട​ങ്ങി​യ രാ​ഷ്ട്രീ​യ ഏ​റ്റു​മു​ട്ട​ൽ ലോ​ക​ത്തി​ലെ ഏ​റ്റ​വും ദൈ​ർ​ഘ്യ​മേ​റി​യ സം​ഘ​ർ​ഷ​ങ്ങ​ളി​ൽ ഒ​ന്നാ​യി മാ​റി. അ​തി​ന്റെ ഏ​റ്റ​വും ക്രൂ​ര​മാ​യ മു​ഖ​മാ​ണ് ഇ​പ്പോ​ൾ മേ​ഖ​ല​യി​ൽ ന​ട​ക്കു​ന്ന കൊ​ടും​യു​ദ്ധം.

ന​മ്മു​ടെ രാ​ഷ്ട്ര​പി​താ​വ് മ​ഹാ​ത്മാ ഗാ​ന്ധി മു​ത​ലി​ങ്ങോ​ട്ടു​ള്ള ബ​ഹു​ഭൂ​രി​പ​ക്ഷം നേ​താ​ക്ക​ളും ഫ​ല​സ്തീ​ൻ വി​ഷ​യ​ത്തി​ൽ സു​വ്യ​ക്ത​മാ​യ നി​ല​പാ​ടു​ള്ള​വ​രാ​യി​രു​ന്നു. ഇം​ഗ്ല​ണ്ട് ഇം​ഗ്ലീ​ഷു​കാ​ർ​ക്കും ഫ്രാ​ൻ​സ് ഫ്ര​ഞ്ചു​കാ​ർ​ക്കും അ​വ​കാ​ശ​പ്പെ​ട്ട​തു​പോ​ലെ ഫ​ല​സ്തീ​ൻ അ​വി​ട​ത്തു​കാ​രാ​യ അ​റ​ബ് ജ​ന​ത​ക്ക് അ​വ​കാ​ശ​പ്പെ​ട്ട​താ​ണെ​ന്നാ​യി​രു​ന്നു ഗാ​ന്ധി​ജി​യു​ടെ നി​ല​പാ​ട്.

ഇ​തി​നോ​ടു യോ​ജി​ക്കു​ന്ന സ​മീ​പ​ന​മാ​ണ് പ്ര​ഥ​മ പ്ര​ധാ​ന​മ​ന്ത്രി ജ​വ​ഹ​ർ​ലാ​ൽ നെ​ഹ്‌​റു​വും ഉ​രു​ക്കു​മ​നു​ഷ്യ​ൻ സ​ർ​ദാ​ർ വ​ല്ല​ഭ​ഭാ​യി പ​ട്ടേ​ലും അ​ട​ക്ക​മു​ള്ള ദേ​ശീ​യ നേ​താ​ക്ക​ൾ തു​ട​ക്കം മു​ത​ൽ സ്വീ​ക​രി​ച്ചു​പോ​ന്ന​ത്. ഇ​സ്രാ​യേ​ലി​നെ ഒ​രു രാ​ജ്യ​മാ​യി അം​ഗീ​ക​രി​ച്ചു കൊ​ണ്ടു​ത​ന്നെ ഫ​ല​സ്തീ​ൻ ജ​ന​ത​ക്ക് സ്വ​ത​ന്ത്ര​മാ​യ പ​ര​മാ​ധി​കാ​ര രാ​ജ്യം വേ​ണ​മെ​ന്ന ആ​വ​ശ്യ​ത്തെ​യും ഇ​ന്ത്യ പി​ന്തു​ണ​ച്ചു പോ​ന്നു.

ഗ​സ്സ, വെ​സ്റ്റ് ബാ​ങ്ക്, കി​ഴ​ക്ക​ൻ ജ​റൂ​സ​ലം തു​ട​ങ്ങി​യ മേ​ഖ​ല​ക​ൾ ഉ​ൾ​പ്പെ​ടു​ന്ന ഫ​ല​സ്തീ​ൻ രാ​ജ്യം അ​വി​ടെ​യു​ള്ള ജ​ന​ത​യു​ടെ ആ​വ​ശ്യ​മാ​ണ്; അ​വ​കാ​ശ​വു​മാ​ണ്.

ഇ​ന്ദി​രാ​ഗാ​ന്ധി മു​ത​ൽ ഡോ. ​മ​ൻ​മോ​ഹ​ൻ സി​ങ് വ​രെ​യു​ള്ള പ്ര​ധാ​ന​മ​ന്ത്രി​മാ​രും ഫ​ല​സ്തീ​ൻ ജ​ന​ത​യോ​ട് അ​നു​ഭാ​വ​മു​ള്ള സ​മീ​പ​ന​മാ​ണ് സ്വീ​ക​രി​ച്ച​ത്. അ​തി​ൽ​നി​ന്നു വേ​റി​ട്ടൊ​രു നി​ല​പാ​ട് ഇ​പ്പോ​ഴ​ത്തെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി സ്വീ​ക​രി​ക്കു​ന്ന​തി​നു പി​ന്നി​ൽ അ​ദ്ദേ​ഹം തു​ട​ർ​ന്നു​പോ​രു​ന്ന ഇ​സ്‌​ലാം വി​രു​ദ്ധ, മു​സ്‌​ലിം വി​രു​ദ്ധ പൊ​തു രാ​ഷ്ട്രീ​യ നി​ല​പാ​ടു​ക​ളാ​വാം.

പ​ക്ഷേ, അ​തി​ലൂ​ടെ മ​നു​ഷ്യ​ത്വ​ത്തി​നു നേ​രെ​യാ​ണ് മോ​ദി മു​ഖം തി​രി​ക്കു​ന്ന​ത്. യു​ദ്ധ​ക്കെ​ടു​തി​ക​ളു​ടെ ഇ​ര ഗ​സ്സ മാ​ത്ര​മ​ല്ല, ഇ​സ്രാ​യേ​ലു​മാ​ണ്. കൊ​ല്ല​പ്പെ​ടു​ന്ന​വ​രി​ൽ ഇ​വ​ർ മാ​ത്ര​മ​ല്ല, നി​ര​പ​രാ​ധി​ക​ളാ​യ ല​ബ​നാ​നി​ക​ളു​മു​ണ്ട്. നൂ​റി​ലേ​റെ ല​ബ​നാ​നി​ക​ൾ ഒ​രു മാ​സ​ത്തി​നു​ള്ളി​ൽ കൊ​ല്ല​പ്പെ​ട്ടു എ​ന്നാ​ണ് പു​റ​ത്തു​വ​രു​ന്ന ക​ണ​ക്കു​ക​ൾ. മ​ല​യാ​ളി​ക​ള​ട​ക്കം അ​ര ല​ക്ഷ​ത്തോ​ളം ഇ​ന്ത്യ​ക്കാ​രും യു​ദ്ധ​ഭീ​ഷ​ണി​യു​ടെ ഇ​ര​ക​ളാ​ണ്.

ഇ​ന്ത്യ പ​ക്ഷം​പി​ടി​ക്കേ​ണ്ടി​യി​രു​ന്ന​ത് സ​മാ​ധാ​ന​ത്തി​നു വേ​ണ്ടി​യാ​യി​രു​ന്നു. അ​ടി​യ​ന്ത​ര യു​ദ്ധ​വി​രാ​മം വി​ളം​ബ​രം ചെ​യ്യു​ന്ന യു.​എ​ൻ പ്ര​മേ​യ​ത്തെ അ​നു​കൂ​ലി​ച്ച് ഇ​ന്ത്യ വോ​ട്ട് രേ​ഖ​പ്പെ​ടു​ത്ത​ണ​മാ​യി​രു​ന്നു. യു​ദ്ധ​ക്കെ​ടു​തി​ക​ളു​ടെ ഈ ​സ​മ​യ​ത്ത് ഏ​ക​പ​ക്ഷീ​യ​മാ​യി ഇ​സ്രാ​യേ​ലി​ന് പി​ന്തു​ണ ന​ൽ​കാ​തെ, ഫ​ല​സ്തീ​ൻ ജ​ന​ത​യെ കൂ​ടി ന​രേ​ന്ദ്ര മോ​ദി വി​ശ്വാ​സ​ത്തി​ലെ​ടു​ക്ക​ണ​മാ​യി​രു​ന്നു.

സ്വ​ത​ന്ത്ര ഫ​ല​സ്തീ​ൻ രാ​ഷ്ട്രം രൂ​പ​വ​ത്ക​രി​ക്കു​ക എ​ന്ന​താ​ണ് പ്ര​ശ്ന​പ​രി​ഹാ​ര​ത്തി​നു​ള്ള ഏ​ക മാ​ർ​ഗ​മെ​ന്ന് യു.​പി.​എ അ​ധ്യ​ക്ഷ സോ​ണി​യ ഗാ​ന്ധി അ​ട​ക്ക​മു​ള്ള മു​തി​ർ​ന്ന കോ​ൺ​ഗ്ര​സ് നേ​താ​ക്ക​ൾ അ​ടി​വ​ര​യി​ട്ടു പ​റ​യു​ന്നു​ണ്ട്. കോ​ൺ​ഗ്ര​സ് എ​ന്നും സ​മാ​ധാ​ന​ത്തി​ന്റെ പ​ക്ഷ​ത്താ​ണ്. ഫ​ല​സ്തീ​ൻ വി​ഷ​യ​ത്തി​ൽ കോ​ൺ​​ഗ്ര​സി​ന് ഒ​രു നി​ല​പാ​ട് മാ​ത്ര​മേ​യു​ള്ളൂ. ​

ചൈ​ന​യി​ലെ ഉ​യി​​ഗൂ​റി​ലും മു​സ്‍ലിം വേ​ട്ട

അ​തേ​സ​മ​യം സി.​പി.​എം അ​ഖി​ലേ​ന്ത്യ ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​യും കേ​ന്ദ്ര ക​മ്മി​റ്റി അം​​ഗം കെ.​കെ. ശൈ​ല​ജ​യും ഭി​ന്നാ​ഭി​പ്രാ​യ​ങ്ങ​ളാ​ണ് രേ​ഖ​പ്പെ​ടു​ത്തി​യ​ത്. ഒ​രു മാ​സ​ത്തി​നി​ടെ പ​തി​നാ​യി​ര​ത്തി​ല​ധി​കം നി​ര​പ​രാ​ധി​ക​ളെ കൊ​ന്നൊ​ടു​ക്കി​യ കൊ​ടും​യു​ദ്ധ​ത്തി​നെ​തി​രെ സി.​പി.​എ​മ്മി​ന് ശ​ക്ത​മാ​യ ഒ​രു നി​ല​പാ​ട് സ്വീ​ക​രി​ക്കാ​നാ​യി​ട്ടി​ല്ല.

അ​തേ​സ​മ​യം, സ്വ​ത​ന്ത്ര ഫ​ല​സ്തീ​ന് പി​ന്തു​ണ പ്ര​ഖ്യാ​പി​ച്ച് കോ​ൺ​​ഗ്ര​സ് പ്ര​വ​ർ​ത്ത​ക സ​മി​തി പ്ര​മേ​യം പാ​സാ​ക്കി. ഈ ​പ്ര​മേ​യ​ത്തി​നു മു​ൻ​കൈ എ​ടു​ക്കാ​ൻ ക​ഴി​ഞ്ഞ​തി​ൽ എ​നി​ക്കും അ​ന​ൽ​പ​മാ​യ അ​ഭി​മാ​ന​മു​ണ്ട്. ക​ഴി​ഞ്ഞ നൂ​റ്റാ​ണ്ട് മ​ധ്യം മു​ത​ൽ കോ​ൺ​​ഗ്ര​സ് പു​ല​ർ​ത്തി​പ്പോ​രു​ന്ന ശ​ക്ത​മാ​യ നി​ല​പാ​ടി​ന്റെ ഭാ​​ഗം ത​ന്നെ​യാ​ണ് ഈ ​പ്ര​മേ​യം.

ഫ​ല​സ്തീ​നി​ൽ മാ​ത്ര​മ​ല്ല, വ​ട​ക്ക് കി​ഴ​ക്ക​ൻ ചൈ​ന​യി​ലെ ഉ​യി​​ഗൂ​ർ ജ​ന​ത​യു​ടെ കാ​ര്യ​ത്തി​ലും ക​മ്യൂ​ണി​സ്റ്റു​കാ​ർ​ക്ക് വ്യ​ക്ത​ത​യി​ല്ല. 1949ൽ ​ചൈ​ന​യു​ടെ ഭാ​​ഗ​മാ​ക്ക​പ്പെ​ട്ട ക​മ്യൂ​ണി​സ്റ്റ് അ​ധീ​ശ​ത്വ മേ​ഖ​ല​യാ​യ സി​ൻ​ജ്യ​ങ്ങി​ലെ ത​ന​തു വം​ശ​ജ​രാ​യ മു​സ്‍ലിം​ക​ളാ​ണ് ഉ​യി​​ഗൂ​ർ ജ​ന​ത. ഇ​വ​രെ ക്രൂ​ര​മാ​യി പീ​ഡി​പ്പി​ക്കു​ന്ന​തി​ന്റെ വാ​ർ​ത്ത​ക​ളും ചി​ത്ര​ങ്ങ​ളും ലോ​ക​മാ​ധ്യ​മ​ങ്ങ​ൾ ഇ​ട​ക്കി​ടെ പ്ര​സി​ദ്ധ​പ്പെ​ടു​ത്താ​റു​ണ്ട്.

ഫ​ല​സ്തീ​നി​ൽ വ​ൻ ശ​ക്തി​ക​ളും ചൈ​ന​യി​ൽ ക​മ്യൂ​ണി​സ്റ്റ് ശ​ക്തി​ക​ളും ന്യൂ​ന​പ​ക്ഷ മു​സ്‍ലിം​ക​ളെ വേ​ട്ട​യാ​ടു​ക​യാ​ണ്. സ്വ​ന്തം വി​ശ്വാ​സ​ങ്ങ​ളോ​ടും ആ​ചാ​ര​ങ്ങ​ളോ​ടും ആ​ഭി​മു​ഖ്യം പു​ല​ർ​ത്തു​ന്ന ഉ​യി​​ഗൂ​ർ വി​ഭാ​​ഗ​ത്തെ പീ​ഡി​പ്പി​ച്ചു ത​ട​വി​ലി​ടു​ക​യാ​ണ് ചൈ​നീ​സ് ഭ​ര​ണ​കൂ​ടം. സി​ൻ​ജ്യ​ങ്ങി​ലെ ഉ​യി​​ഗൂ​ർ വി​ഭാ​​ഗ​ത്തി​ന് സ്വ​യം​ഭ​ര​ണ മേ​ഖ​ല വേ​ണ​മെ​ന്ന ആ​വ​ശ്യ​മാ​ണ് അ​വി​ടെ​യും അ​ടി​ച്ച​മ​ർ​ത്ത​പ്പെ​ടു​ന്ന​ത്.

സോ​വി​യ​റ്റ് യൂ​നി​യ​ന്റെ ത​ക​ർ​ച്ച ലോ​ക​സ​മാ​ധാ​ന​ത്തി​ന്റെ ന​ഷ്ടം

ചൈ​ന​യി​ലെ സി​ൻ​ജ്യ​ങ്ങി​ലും ഫ​ല​സ്തീ​നി​ലു​മ​ട​ക്കം ന്യൂ​ന​പ​ക്ഷ മു​സ്‍ലിം വി​ഭാ​​ഗം വേ​ട്ട​യാ​ട​പ്പെ​ടു​ക​യാ​ണ്. അ​വ​രു​ടെ ചെ​റു​ത്തു നി​ൽ​പി​നെ ഭീ​ക​ര​വാ​ദ​മാ​ക്കി മാ​റ്റി അ​ടി​ച്ച​മ​ർ​ത്താ​നു​ള്ള ശ്ര​മ​ങ്ങ​ളാ​ണ് ഫ​ല​സ്തീ​നി​ല​ട​ക്കം ഇ​ന്നു​ണ്ടാ​യ യു​ദ്ധ​ത്തി​നു കാ​ര​ണം.

അ​ടി​ച്ച​മ​ർ​ത്ത​പ്പെ​ടു​ന്ന ഫ​ല​സ്തീ​നി​ക​ൾ അ​തി​ജീ​വി​ക്കാ​നു​ള്ള ക​ടു​ത്ത സ​മ്മ​ർ​ദ ത​ന്ത്ര​ങ്ങ​ൾ പു​റ​ത്തെ​ടു​ക്കു​ന്ന​ത് സ്വാ​ഭാ​വി​കം. അ​തി​നെ യു​ദ്ധ​വെ​റി കൊ​ണ്ടു​മാ​ത്രം നേ​രി​ടാ​നാ​വി​ല്ല. സ​മാ​ധാ​ന സം​ഭാ​ഷ​ണ​ങ്ങ​ളി​ലൂ​ടെ​യും ന​യ​ത​ന്ത്ര സ​മീ​പ​ന​ങ്ങ​ളി​ലൂ​ടെ​യു​മാ​ണ് അ​തി​നു പ​രി​ഹാ​രം കാ​ണേ​ണ്ട​ത്.

യു.​എ​സ്, യു.​എ​സ്.​എ​സ്.​ആ​ർ എ​ന്നി​ങ്ങ​നെ ര​ണ്ട് വ​ൻ ശ​ക്തി​ക​ളു​ടെ നേ​തൃ​ത്വ​ത്തി​ൽ ലോ​ക​രാ​ജ്യ​ങ്ങ​ൾ ര​ണ്ടു ചേ​രി​ക​ളാ​യി നി​ല​യു​റ​പ്പി​ച്ച​പ്പോ​ഴാ​ണ്, പ​ണ്ഡി​റ്റ് നെ​ഹ്റു​വി​ന്റെ നേ​തൃ​ത്വ​ത്തി​ൽ ഇ​രു​ചേ​രി​യി​ലും പെ​ടാ​തെ ലോ​കം മൂ​ന്നാ​മ​തൊ​രു ചേ​രി ഉ​ണ്ടാ​ക്കി​യ​ത്. വ​ൻ ശ​ക്തി​ക​ളു​ടെ വെ​ല്ലു​വി​ളി​ക​ളെ ചെ​റു​ക്കാ​നു​ള്ള ച​ങ്കു​റ​പ്പ് ചേ​രി​ചേ​രാ പ്ര​സ്ഥാ​ന​ത്തി​നു​ണ്ടാ​യി​രു​ന്നു.

എ​ന്നാ​ൽ സോ​വി​യ​റ്റ് യൂ​നി​യ​ന്റെ ത​ക​ർ​ച്ച​യോ​ടെ ചേ​രി​ക​ൾ ഇ​ല്ലാ​താ​വു​ക​യും ചേ​രി​ചേ​രാ​സം​ഘം അ​പ്ര​സ​ക്ത​മാ​വു​ക​യും ചെ​യ്തു. ലോ​ക​ത്തി​നു മേ​ൽ അ​മേ​രി​ക്ക​ൻ പൊ​ലീ​സി​ങ് അ​ടി​ച്ചേ​ൽ​പി​ക്കു​ന്ന ഏ​കാ​ധി​പ​ത്യ ശൈ​ലി പ്ര​ബ​ല​മാ​യ​പ്പോ​ൾ ഇ​തി​നു വി​രു​ദ്ധ​മാ​യ ശ​ക്ത​മാ​യൊ​രു ചേ​രി​ക്ക് നേ​തൃ​ത്വം ന​ൽ​കാ​നു​ള്ള ഇ​ന്ത്യ​യു​ടെ അ​വ​സ​ര​മാ​ണ് അ​ന​വ​സ​ര​ത്തി​ൽ ക​ള​ഞ്ഞു​കു​ളി​ച്ച​ത്.

ഇ​സ്രാ​യേ​ൽ ഇ​ന്ത്യ​യു​ടെ സൗ​ഹൃ​ദ രാ​ജ്യ​മാ​കു​ന്ന​തി​ൽ ഒ​രു തെ​റ്റു​മി​ല്ല. പ​ക്ഷേ, സ്വ​ത​ന്ത്ര സ്വ​യം​ഭ​ര​ണാ​വ​കാ​ശ​മു​ള്ള രാ​ജ്യ​മെ​ന്ന ഫ​ല​സ്തീ​ൻ ജ​ന​ത​യു​ടെ അ​ഭി​ലാ​ഷ​ത്തെ അ​ട്ടി​മ​റി​ച്ചു​കൊ​ണ്ട് ഇ​സ്രാ​യേ​ലി​ൽ സ​മാ​ധാ​ന​ദൗ​ത്യം വി​ജ​യി​ക്കി​ല്ല.

മേ​ഖ​ല​യി​ലെ സ​മാ​ധാ​ന ദൗ​ത്യ​ത്തി​ന് ഇ​ന്ത്യ മു​ന്നി​ട്ടി​റ​ങ്ങു​മെ​ന്ന പ്ര​തീ​ക്ഷ ഫ​ല​സ്തീ​ൻ ജ​ന​ത​ക്കും ലോ​ക​ത്തെ മു​ഴു​വ​ൻ സ​മാ​ധാ​ന​വാ​ദി​ക​ൾ​ക്കും ഇ​പ്പോ​ഴു​മു​ണ്ട്. അ​തി​നു വി​രു​ദ്ധ​മാ​യ നി​ല​പാ​ട് സ്വീ​ക​രി​ച്ച​തു കൊ​ണ്ടാ​ണ് ന​രേ​ന്ദ്ര മോ​ദി​യു​ടെ ഇ​പ്പോ​ഴ​ത്തെ നി​ല​പാ​ട് ഇ​ന്ത്യ​ക്ക​ക​ത്തും പു​റ​ത്തും വി​മ​ർ​ശി​ക്ക​പ്പെ​ടു​ന്ന​ത്.

വ്യ​ക്ത​ത തീ​രെ​യി​ല്ലാ​ത്ത ക​മ്യൂ​ണി​സ്റ്റ് നി​ല​പാ​ടു​ക​ളും വ​ല്ലാ​തെ വി​മ​ർ​ശി​ക്ക​പ്പെ​ടു​മ്പോ​ൾ, സം​ശ​യ ല​വ​ലേ​ശ​മി​ല്ലാ​ത്ത ഫ​ല​സ്തീ​ൻ അ​നു​കൂ​ല നി​ല​പാ​ട് ഇ​ന്ത്യ​ൻ നാ​ഷ​ന​ൽ കോ​ൺ​​ഗ്ര​സി​ൽ മ​ത ന്യൂ​ന​പ​ക്ഷ​ങ്ങ​ളു​ടെ വി​ശ്വാ​സ്യ​ത ഒ​രി​ക്ക​ൽ കൂ​ടി അ​ര​ക്കി​ട്ടു​റ​പ്പി​ക്കു​ന്നു.