Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightജലപ്രതിസന്ധിക്ക്​...

ജലപ്രതിസന്ധിക്ക്​ കാരണം മനുഷ്യൻതന്നെ 

text_fields
bookmark_border
Pool
cancel

കാലാവസ്​ഥ വ്യതിയാനവും അനിയന്ത്രിതമായ ജനസംഖ്യാവർധനയും കണക്കിലെടുത്ത്​ ന്യൂഡൽഹിയിൽ ഭൂഗർഭ ജലത്തി​​െൻറ ഉപയോഗം ഒഴിവാക്കാൻ നിതി ആയോഗ്​ ആവശ്യ​െപ്പട്ടിരിക്കുകയാണ്​. 2020ഒാടെ ബംഗുളൂരു, ഹൈദരാബാദ്​ തുടങ്ങിയ ടെക്​നോ നഗരങ്ങളിലും ഇത്​ നടപ്പിൽവരുത്തും. നമ്മുടെ വെള്ളത്തി​​െൻറ 80 ശതമാനവും ഉപയോഗിക്കുന്നത്​ കാർഷിക ജലസേചനത്തിലാണ്​. മഹാരാഷ്​ട്രയിലെ മുന്തിരികൃഷിക്കും ഉത്തർപ്രദേശിലെ കരിമ്പ്​ കൃഷിക്കും രാജസ്​ഥാനിലെ മുളക്​ കൃഷിക്കും മറ്റും വെള്ളം കൂടുതൽ ഉപയോഗിക്കേണ്ടിവരുന്നുണ്ട്​. ഭീമമായ ഇൗ ജലോപയോഗം പ്രതിസന്ധി സൃഷ്​ടിക്കുന്നുണ്ട്​. നമ്മുടെ നദികളിൽനിന്നുള്ള ജലത്തി​​െൻറ സിംഹഭാഗവും ജലസേചനത്തിനായി തിരിച്ചുവിടുന്നതിന്​ പുറമെ ഭൂഗർഭ ജലവും ഇതിനായി ഉൗറ്റുന്നു. രാജ്യത്തി​​െൻറ കൂടുതൽ പ്രദേശങ്ങളിലും ജലസ്രോതസ്സുകളിലെ ജലനിരപ്പ്​ വർഷംപ്രതി ഒരുമീറ്റർ വരെ താഴുന്നുണ്ടെന്നാണ്​ കണക്കുകൾ പറയുന്നത്​.

മുന്തിരി, കരിമ്പ്, മുളക് പോലെയുള്ള കൃഷികൾ നാം പ്രോത്സാഹിപ്പിക്കുന്നുണ്ടെങ്കിലും ഇതിനുവേണ്ടി ഉപയോഗിക്കുന്ന കനാൽ ജലത്തി​​െൻറ കണക്കെടുപ്പ്​ നടത്താറില്ല. എത്ര കൂടുതൽ വെള്ളം ഉപയോഗിച്ചാലും കർഷകർ ചെറിയ തുക ഒടുക്കിയാൽ മതി. അതു​കൊണ്ട് ​തന്നെ കർഷകർ ആവശ്യത്തിലധികം ജലസേചനം നടത്തുന്നു. ഇതിന്​ പുറമെ ഭൂഗർഭ ജലം പമ്പ്​ ചെയ്യുന്നതിന്​ അവർക്ക്​ സൗജന്യമായി വൈദ്യുതിയും അനുവദിക്കുന്നുണ്ട്​. ഇൗ അമിതോപയോഗം തടയുന്നതിന്​ ഏറ്റവും നല്ല മാർഗം കനാൽജലത്തിന്​ നിശ്ചിത നിരക്ക്​ എർപ്പെടുത്തുകയും  വൈദ്യുതിയുടെ സബ്​സിഡി എടുത്തുകളയുകയുമാണ്​. അങ്ങനെ വരു​േമ്പാൾ കർഷകർ വെള്ളം കരുതി ഉപയോഗിക്കും. ഇതുമൂലം മുന്തിരി, കരിമ്പ്, മുളക്​ പോലെയുള്ള കൃഷികൾ കൂടുതൽ ലാഭകരമല്ലാതാവും. കൂടുതൽ വെള്ളം ഉപയോഗിക്കേണ്ട ആവശ്യവും ഇല്ലാതാവും.

എന്നാൽ, ഇതിന്​ ഒരു മറുവശം കൂടിയുണ്ട്​. രാജ്യത്തെ കർഷകർ ഇപ്പോൾ തന്നെ കടുത്ത പ്രതിസന്ധിയിലാണ്​. അതു​കൊണ്ട്​ തന്നെ സബ്​സിഡികൾ എടുത്തുകളയുന്നതിനൊപ്പം കാർഷികോൽപന്നങ്ങളുടെ വില വർധിപ്പിക്കാനും സർക്കാർ തയാറാകണം. ഇപ്പോൾ ഒരു ക്വിൻറൽ കരിമ്പ്​ ഉൽപാദിപ്പിക്കാൻ 250 രൂപ ചെലവ്​ വരു​േമ്പാൾ സർക്കാർ പഞ്ചസാര വില നിശ്ചയിച്ചത്​ ക്വിൻറലിന്​ 300 രൂപയാണ്​. വെള്ളക്കരം വർധിപ്പിക്കുന്നപക്ഷം കൃഷി ചെലവ്​ ക്വിൻറലിന്​ 30 മൂതൽ 280 രൂപ വരെ വർധിക്കും. അതുകൊണ്ട്​ തന്നെ കർഷകർക്ക്​ ഒരു ക്വിൻറൽ പഞ്ചസാരക്ക്​ 30 മുതൽ 330 രൂപ കൂടുതൽ വില ലഭിക്കണം. അങ്ങനെ വരു​േമ്പാൾ  സബ്​സിഡികൾ എടുത്തുകളയുന്നതി​​െൻറ ആഘാതം കർഷകരെ ബാധിക്കില്ല. എന്നാൽ, നഗരത്തിലെ ഉപഭോക്താക്കൾ കൂടുതൽ പണംനൽകി പഞ്ചസാര വാങ്ങേണ്ടിവരും.

നഗരവാസികൾക്ക്​ മുമ്പാകെ ഉയരുന്ന ചോദ്യമിതാണ്​. കുറഞ്ഞവിലക്ക്​ പഞ്ചസാര ലഭിക്കണമോ അതോ നിർലോഭം വെള്ളം കിട്ടണമോ​?. കർഷകർക്ക്​ നൽകുന്ന വെള്ളത്തിന്​ കൂടുതൽ തുക ഇൗടാക്കിയാൽ പഞ്ചസാരക്ക്​ വില കൂടും. കുടിക്കാനും കുളിക്കാനും അവർക്ക്​ കൂടുതൽ വെള്ളം ലഭിക്കുകയും ചെയ്യും. നേരെമറിച്ച്​ കർഷകർക്ക്​ സബ്​സിഡി നിരക്കിൽ വെള്ളം ലഭിച്ചാൽ പഞ്ചസാര വിലകുറയും. അതു​കൊണ്ട് ​തന്നെ ജലപ്രതിസന്ധിക്ക്​ പരിഹാരം കാണേണ്ടത്​ നഗരവാസികളാണ്​.

തെഹ്​രി, ഭക്ര തുടങ്ങിയ കൂറ്റൻ അണക്കെട്ടുകളിൽ വൻതോതിൽ വെള്ളം സംഭരിച്ചുവെക്കുന്നതാണ്​ ജലപ്രതിസന്ധിക്ക്​ പ്രധാനകാരണം. അവ തുറന്ന സംഭരണികളായതിനാൽ 10 മുതൽ 15 ശതമാനം വരെ ജലം ബാഷ്​പീകരിച്ചുപോവുന്നു. മഴക്കാലത്തെ വെള്ളം അണക്കെട്ടുകളിൽ സംഭരിക്കപ്പെടുന്നതിനാൽ വെള്ളപ്പൊക്കം കുറയുന്നു. എന്നാൽ, വെള്ളപ്പൊക്കത്തിലൂടെ ജലം കൂടുതൽ പ്രദേശങ്ങളിൽ എത്തുകയും ഭൂഗർഭ ജലത്തി​​െൻറ തോത്​ ഉയർത്തുകയും ചെയ്യുന്നു. വെള്ളപ്പൊക്കം കുറയുന്നത്​ ഭൂഗർഭ ജലത്തി​​െൻറ പുനഃചംക്രമണം കുറക്കുകയും കർഷകരുടെ ജലസേചന ഉപയോഗത്തെ പ്രതികൂലമായി ബാധിക്കുകയും ചെയ്യും. അണക്കെട്ടുകൾക്ക്​ പകരം മഴവെള്ളം ഭൂഗർഭ ​േസ്രാതസ്സുകളിൽ സംഭരിക്കുന്നത്​ അഭികാമ്യമാണ്​. നദികളിൽ ചെക്ക്​​ഡാമുകളും വയലുകളിൽ തടയണകളും കെട്ടിയാൽ ഭൂഗർഭ ജലം സംഭരിക്കാനാവും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:articlewater crisismalayalam news
News Summary - Man is the Reason Behind Water Crisis - Article
Next Story