Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightലോക്​സഭ...

ലോക്​സഭ തെരഞ്ഞെടുപ്പും ബി.ജെ.പിയുടെ ബംഗാൾ തന്ത്രവും

text_fields
bookmark_border
Trinamool
cancel

ഇൗ തെര​ഞ്ഞെടുപ്പിൽ പശ്ചിമ ബംഗാളിലെ തെരഞ്ഞെടുപ്പ്​ പോരാട്ടത്തിന്​ ഏറെ പ്രാധാന്യമുണ്ട്​. ഉത്ത​ർപ്രദേശും (80) മ ഹാരാഷ്​ട്രയും (48) കഴിഞ്ഞാൽ 42 സീറ്റുകളുള്ള പശ്ചിമ ബംഗാൾ വോ​െട്ടടുപ്പിലെ മൂന്നാമത്തെ പ്രബല മേഖലയാണ്​. 2014നെ അപേക് ഷിച്ച്​ ബി.ജെ.പിക്ക്​ തങ്ങൾ ഭരിക്കുന്ന സംസ്​ഥാനങ്ങളിൽ ഇക്കുറി കൂടുതൽ സീറ്റുകൾ നേടാനാവില്ലെന്നാണ്​ കണക്കു​കൂ ട്ടൽ. കഴിഞ്ഞ തവണ ബി.ജെ.പി 71 സീറ്റുകൾ നേടിയ യു.പിയിൽ ബി.എസ്​.പി-എസ്​.പി സഖ്യം കടുത്ത വെല്ലുവിളി ഉയർത്തുന്നു. നിയമസഭ തെരഞ്ഞെടുപ്പുകളിൽ തിരിച്ചടി നേരിട്ട മധ്യപ്രദേശ്​, ഛത്തിസ്​ഗഢ്​, രാജസ്​ഥാൻ എന്നിവിടങ്ങളിലും ബി.ജെ.പിക്ക്​ സീറ ്റുകൾ കുറയുമെന്നാണ്​ കണക്കുകൂട്ടൽ. അതുകൊണ്ടുതന്നെ ഹിന്ദി ബെൽറ്റിൽ നഷ്​ടപ്പെടുന്ന സീറ്റുകൾക്ക്​ പകരംവെക്കാ ൻ പാർട്ടി ഇക്കുറി പശ്ചിമ ബംഗാളിനെയാണ്​ ഉറ്റുനോക്കുന്നത്​.

പശ്ചിമ ബംഗാളിലെ 2014ലെ ഫലം

പാർട്ടി ​വോട്ട്​ ശതമാനം വിജയിച്ച സീറ്റുകൾ വ്യത്യാസം
തൃണമൂൽ ക ോൺഗ്രസ്​ 39.05% 34 +15
സി.പി.എം 29.71% 2 -13
ബി.ജെ.പി 17.02% 2 +1
കോൺഗ്രസ്​ 9.58% 4 -2

അവലംബം: വിക്കിപീഡിയ

പശ്ചിമ ബംഗാളിൽ 2014ലെ ലോക്​സഭ തെരഞ്ഞെടുപ്പിൽ ഏറ്റവും കൂടുതൽ ശതമാനം വോട്ടുകൾ ലഭിച്ചത്​ തൃണമൂൽ കോൺഗ്രസിനുതന്നെ. എന്നാൽ, 17.2 ശതമാനം ലഭിച്ച ബി.ജെ.പിക്ക്​ 2009ലെ തെരഞ്ഞെടുപ്പിനെക്കാൾ വോട്ടുകൾ ഇരട്ടിയായി വർധിച്ചു. കോൺഗ്രസി​േൻറതാക​െട്ട 2009ലെ 13.5നെ അപേക്ഷിച്ച്​ 9.58 ശതമാനമായി കുറയുകയാണുണ്ടായത്​​. 2018ലെ പഞ്ചായത്ത്​ തെരഞ്ഞെടുപ്പിലും സംസ്​ഥാനത്ത്​ ബി.ജെ.പിയുടെ വോട്ട്​ ശതമാനവും സീറ്റുകളും വർധിക്കുകയായിരുന്നു.

സി.പി.എമ്മിനെയും കോൺഗ്രസിനെയും അപേക്ഷിച്ച്​ ബി.ജെ.പിക്ക്​ കൂടുതൽ സീറ്റുകൾ ലഭിച്ചു. 2013ലെ തങ്ങളുടെ സ്വന്തം നില മെച്ചപ്പെടുത്താനും കഴിഞ്ഞു. സി.പി.എമ്മിന്​ 2013ൽ 213 ജില്ല പരിഷത്ത്​ സീറ്റുകൾ ലഭിച്ചപ്പോൾ 2018ൽ അത്​ ഒന്നായി ചുരുങ്ങി. ബി.ജെ.പിയുടേതാക​െട്ട, പൂജ്യത്തിൽനിന്ന്​ 22 ആയി ഉയർന്നു.

ഇതെല്ലാം സൂചിപ്പിക്കുന്നത്​ ബംഗാളിൽ രണ്ടാമത്തെ കക്ഷിയായി ബി.ജെ.പി മാറുന്നുവെന്നാണ്​. ഇടതുപാർട്ടികളുടെ പതനം, അതിദേശീയതയുടെ പ്രചാരണം തുടങ്ങിയ ഘടകങ്ങൾ ഇതിനു​ പിന്നിലുണ്ട്​. മുതലാളിത്തത്തി​​െൻറയും നിയോ ലിബറലിസത്തി​​െൻറയും ആഗോളതലത്തിലുള്ള പതനവും യുദ്ധസാമഗ്രികളുമായി ബന്ധപ്പെട്ട സാമ്പത്തിക മുന്നേറ്റവും ഇതിനു​ പിന്നിലുണ്ടെന്ന്​ വിദഗ്​ധർ ചൂണ്ടിക്കാട്ടുന്നു. എന്നാൽ, ബി.ജെ.പിക്ക്​ പശ്ചിമബംഗാളിലെ താഴേതട്ടിലുള്ള വോട്ടർമാരെ സ്വാധീനിക്കാൻ കഴിയുന്നത്​ ഇതുകൊണ്ടൊന്നുമല്ല. അതിന്​ മറ്റു പല കാരണങ്ങളുമുണ്ട്​.

വിഭജനവുമായി ബന്ധപ്പെട്ട സംസ്​ഥാനത്തെ സാമൂഹിക പശ്ചാത്തലമാണ്​ ഒന്നാമത്തേത്​. വിഭജനകാലത്തും ബംഗ്ലാദേശ്​ വിമോചനസമര കാലത്തും നിരവധി ഹിന്ദുക്കൾ അതിർത്തിക്കപ്പുറത്തുനിന്ന്​ ​ബംഗാളിലേക്ക്​ കുടിയേറി. ഇതുമൂലം ബംഗാൾ ഹിന്ദുത്വവാദികൾക്ക്​ വളക്കൂറുള്ള മണ്ണായി മാറി. സംസ്​ഥാനത്തെ ന്യൂനപക്ഷ വിഭാഗത്തെ വോട്ടുബാങ്കായി ഉപയോഗിച്ചപോലെത്തന്നെ, ഇൗ ഹിന്ദു സമൂഹത്തെയും രാഷ്​ട്രീയ പാർട്ടികൾ വോട്ടുകൾക്കായി ഉപയോഗപ്പെടുത്തി. ആദ്യകാലത്ത്​ ഹിന്ദു കുടിയേറ്റക്കാർക്കിടയിൽ സ്വാധീനമുറപ്പിക്കാൻ ഇടതു​ പാർട്ടികൾക്ക്​ കഴിഞ്ഞിരുന്നു. എന്നാൽ, ഇടതു​ പാർട്ടികളുടെ കേഡർ സ്വഭാവത്തിന്​ മങ്ങലേറ്റതോടെ മ​െറ്റാരു കേഡർ പാർട്ടിയായ ബി.ജെ.പി ഇൗ അവസരം മുതലെടുത്തു. 2015 മുതൽ സംസ്​ഥാനത്ത്​ ആർ.എസ്​.എസ്​ ശാഖകൾ കൂണുപോലെ മുളച്ചുപൊന്തി.

കഴിഞ്ഞ അഞ്ചു വർഷത്തിനിടെ സാമുദായിക സംഘർഷത്തി​​െൻറ വ്യാപ്​തി ക്രമാതീതമായി വർധിച്ചു. ബംഗാളിൽ അതുവരെ അപൂർവമായിരുന്ന രാമനവമി ആഘോഷം, ആയുധമേന്തിയുള്ള ഘോഷയാത്രകൾ, ഹനുമാൻ പൂജ തുടങ്ങിയവ വ്യാപകമായി. അസൻസോൾ, ഖരഗ്​പുർ, ബസീർഹട്ട്​, ദുലാഗഢ്​ തുടങ്ങിയ പ്രദേശങ്ങളിൽ സാമുദായിക കലാപങ്ങൾ അരങ്ങേറി. ബംഗാളി​​െൻറ സംസ്​കാരം ഹിന്ദു ബെൽറ്റി​േൻറതിന്​ സമാനമായി. ബംഗാളി ഇതര ജനവിഭാഗത്തിലും ഗിരിവർഗ മേഖലയിലും ബി.ജെ.പി പിടിമുറുക്കി. തൃണമൂൽ കോൺഗ്രസി​​െൻറ ക്ഷേമപദ്ധതികൾക്കിടയിലും ഗിരിവർഗക്കാർ ബി.ജെ.പിയോട്​ അടുക്കുന്ന കാഴ്​ചയാണ്​ കണ്ടത്​. തൃണമൂലി​​െൻറ വോട്ട്​ബാങ്കായിരുന്ന പട്ടികവിഭാഗത്തെ ആകർഷിക്കാനും കാവി പാർട്ടിക്ക്​ കഴിഞ്ഞു. ബി.ജെ.പിയുടെ വളർച്ച കോൺഗ്രസിനും ഇടതു പാർട്ടികൾക്കും ക്ഷീണമുണ്ടാക്കിയത്​ ഭരണകക്ഷിയായ തൃണമൂൽ കോൺഗ്രസിന്​ ആദ്യം ഗുണമായെങ്കിലും പിന്നീട്​ സംസ്​ഥാനത്തെ രണ്ടാമത്തെ പ്രബലകക്ഷിയായി കാവിപാർട്ടി മാറുകയായിരുന്നു.

ബംഗാളിലെ നഗര വോട്ടർമാർ കൂടുതലും മധ്യവർഗമായതും അവരിൽ ഹിന്ദുത്വ വികാരമുണർത്തി തങ്ങളുടെ പക്ഷത്ത്​ ചേർക്കാൻബി.ജെ.പിക്ക്​ കഴിഞ്ഞു. മുസ്​ലിംകളോട്​ പരമ്പരാഗത വിരോധമുണ്ടായിരുന്ന ബംഗ്ലാദേശി ഹിന്ദു കുടിയേറ്റക്കാർ ബി.ജെ.പിയെ സ്വന്തം പാർട്ടിയായി പ്രതിഷ്​ഠിച്ചു. തൃണമൂൽ കോൺഗ്രസി​​െൻറ എതിർ പ്രീണന തന്ത്രം ഭൂരിപക്ഷ സമുദായത്തെ അവരിൽനിന്ന്​ അകറ്റുകയാണ്​ ചെയ്​തത്​. ഇമാമുമാർക്കും മുഅദ്ദിനുകൾക്കും പ്രതിമാസ അലവൻസ്​ നൽകിയത്​ ഉദാഹരണം. ക്രമേണ ബി.ജെ.പി സംസ്​ഥാനത്ത്​ പിടിമുറുക്കി. തൃണമൂൽ കോൺഗ്രസി​​െൻറ പല നേതാക്കളും പാർട്ട്​ വിട്ട്​ ബി.ജെ.പിയിൽ ചേർന്നു. മുതിർന്ന തൃണമൂൽ നേതാവും മമത ബാനർജിയുമായി വളരെ അടുപ്പമുള്ളയാളുമായിരുന്ന മുകുൾ റോയിയാണ്​ ഇതിന്​ തുടക്കംകുറിച്ചത്​. തൃണമൂൽ എം.പിമാരായ സൗമിത്രഖാനും അനുപം ഹസ്​റയും ഇതേ പാത പിന്തുടർന്നു. കോൺഗ്രസ്​ എം.എൽ.എ ദുലാൽ ബാർ, സി.പി.എമ്മിലെ ഖാഗെൻ മുർമു, മുൻ ​െഎ.പി.എസ്​ ഒാഫിസർ ഭാരതി ഘോഷ്​ തുടങ്ങിയവരെ ചാക്കിട്ടുപിടിക്കാനും മുകുൾ റോയിക്ക്​ കഴിഞ്ഞു.

സംസ്​ഥാനത്ത്​ ഒൗദ്യോഗികമായി രാഷ്​ട്രീയ സഖ്യമുണ്ടാക്കാൻ സി.പി.എമ്മിനും കോൺഗ്രസിനും കഴിയാതിരുന്നത്​ ബി.ജെ.പി മുതലെടുക്കുന്നുണ്ട്​. ചില മണ്ഡലങ്ങളിൽ സൗഹൃദ മത്സരങ്ങൾ ഉണ്ടെന്നു മാത്രമേയുള്ളൂ. ബി.ജെ.പിക്കെതിരായ ജനമുന്നേറ്റമുണ്ടാക്കുന്നതിനുള്ള അവസരം ഇരു പാർട്ടികളും കളഞ്ഞുകുളിച്ചു. പ്രത്യേകിച്ചും നോട്ടുനിരോധനം, കർഷകരുടെ പ്രശ്​നങ്ങൾ എന്നിവയിൽ. തൃണമൂൽ കോൺഗ്രസിനെതിരെയാണ്​ കോൺഗ്രസും ബി.ജെ.പിയും മുഴുവൻ ഉൗർജവും വിനി​േയാഗിക്കുന്നത്​. ഇതിനിടയിൽ നരേന്ദ്ര മോദിയെയും അമിത്​ ഷായെയും മറ്റു താര പ്രചാരകരെയും സംസ്​ഥാനത്ത്​ പ്രചാരണത്തിനിറക്കി ബി.ജെ.പി രംഗം കൊഴുപ്പിക്കുകയാണ്​.

മമത സർക്കാറി​​െൻറ പ്രവർത്തനവും തെരഞ്ഞെടുപ്പിനെ ഗണ്യമായി സ്വാധീനിക്കുമെന്നുറപ്പ്​. സർക്കാറി​​െൻറ പ്രവർത്തനത്തിൽ നഗര വോട്ടർമാരും ഗ്രാമീണ വോട്ടർമാരും തൃപ്​തരല്ലെന്ന്​ അടുത്തിടെ വന്ന സർവേ വെളിപ്പെടുത്തിയത്​ മറക്കരുത്​. കർഷകരുടെ പ്രശ്​നങ്ങളും അടിസ്​ഥാന വികസനവുമൊക്കെയാണ്​ ഗ്രാമീണ വോട്ടർമാരെ നിരാശരാക്കുന്നതെങ്കിൽ തൊഴിലില്ലായ്​മയും മലിനീകരണവും ഗതാഗത തടസ്സവുമൊക്കെ നഗരങ്ങളിലെ വോട്ടർമാർ ചൂണ്ടിക്കാട്ടുന്നു. മുഖ്യമന്ത്രി സ്​ഥാനാർഥി ആരെന്നത്​ പ്രധാന വിഷയമാണെന്ന്​ വോട്ടർമാർ കരുതുന്നതായി സർവേ ചൂണ്ടിക്കാട്ടുന്നു. ഇത്​ മമത ബാനർജിക്ക്​ പ്രത്യാശക്ക്​ വഴി നൽകുന്നു. മറ്റു പാർട്ടികൾക്ക്​ മുഖ്യമന്ത്രി സ്​ഥാനാർഥിയെ ചൂണ്ടിക്കാട്ടാനായിട്ടില്ല.

ബംഗാളിലെ തെരഞ്ഞെടുപ്പുമായി ബന്ധപ്പെട്ട്​ നോക്കിക്കാണാവുന്ന ഭീതിജനകമായ ഘടകമാണ്​ ഒടുവിലത്തേത്​. 2011ലെ സെൻസസ്​ അനുസരിച്ച്​ സംസ്​ഥാനത്ത്​ 27.1 ശതമാനം ന്യൂനപക്ഷങ്ങളുണ്ട്​. ഇടത്​ പാർട്ടികളിൽനിന്ന്​ തൃണമൂൽ കോൺഗ്രസിൽ ചേക്കേറിയ ഇൗ വോട്ട്​ ബാങ്കിൽ കാര്യമായ ഭിന്നതയില്ല എന്നതാണ്​ വസ്​തുത. ന്യൂനപക്ഷത്തി​​െൻറ ‘പേടി’തന്നെയാണ്​ ഇതിനു​ കാരണം. പണവും കായബലവുമാണ്​ പലപ്പോഴും തെരഞ്ഞെടുപ്പ്​ രാഷ്​ട്രീയത്തെ നിയന്ത്രിക്കുന്നത്​. 2019​െല തെരഞ്ഞെടുപ്പിൽ ബംഗാളിൽ പേടിപ്പെടുത്തുന്ന മറ്റൊരു ചിത്രമാണ്​. മുസ്​ലിംകളുടെ പൗരത്വം നഷ്​ടപ്പെടുത്തുന്ന ദേശീയ പൗരത്വ നിയമം, ആൾക്കൂട്ട കൊലപാതകങ്ങൾ, രഥയാത്ര തുടങ്ങിയ ബി.​െജ.പിയുടെ അജണ്ട ന്യൂനപക്ഷങ്ങൾക്കിടയിൽ അരക്ഷിത ബോധം സൃഷ്​ടിച്ചിരിക്കുകയാണ്​. സമൂഹ മാധ്യമങ്ങളിലൂടെയുള്ള വിദ്വേഷ പ്രചാരണം വേറെയും. മുസ്​ലിംകൾ ഭീകരരാണെന്നും ഹിന്ദുക്കൾ ന്യൂനപക്ഷമാവുമെന്നും നിർബാധം പ്രചരിപ്പിക്കുന്നു. വിഭജനത്തിനു​ ശേഷം ആദ്യമായാണ്​ ഇത്തരമൊരു മതധ്രുവീകരണം സംസ്​ഥാനത്ത്​ ബലംപ്രയോഗിച്ച്​ നടപ്പാക്കുന്നത്​.
സംസ്​ഥാനത്ത്​ തൃണമൂൽ കോൺഗ്രസി​​െൻറ മേധാവിത്വംതന്നെയായിരിക്കും ഫലമെന്ന്​ പ്രവചിക്കപ്പെടുന്നുണ്ടെങ്കിലും ഇടത്​ പാർട്ടികളുടെയും കോൺഗ്രസി​​െൻറയും ചെലവിൽ ബി.ജെ.പി വോട്ടിങ്​ ശതമാനത്തിൽ കാര്യമായ നേട്ടമുണ്ടാക്കുമെന്നാണ്​ കരുതപ്പെടുന്നത്​. ബംഗാളിൽ രണ്ടക്കം തികക്കാൻ തങ്ങൾക്ക്​ കഴിയില്ലെങ്കിലും സീറ്റുകൾ വർധിപ്പിക്കുന്നതിലൂടെ കേന്ദ്ര ഭരണം നിലനിർത്തുന്നതിന്​ കളമൊരുക്കാൻ കഴിയുമെന്നാണ്​ ബി.ജെ.പി വിലയിരുത്തുന്നത്​. 2021ലെ നിയമസഭ തെരഞ്ഞെടുപ്പിൽ രണ്ടാമത്തെ വലിയ കക്ഷിയായി ബി.ജെ.പി മാറിയാൽ അദ്​ഭുതപ്പെടേണ്ടതില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:bengalarticlemalayalam newsBJPLok Sabha Electon 2019
News Summary - Lok Sabha Election and BJP Bengal Tactic - Article
Next Story