Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_right...

പ്ര​തി​ജ​നാ​ധി​പ​ത്യ​ത്തി​െ​ൻ​റ ബാ​ധ്യ​ത​ക​ൾ

text_fields
bookmark_border
caa
cancel

പൗ​ര​ത്വ ഭേ​ദ​ഗ​തി നിയമത്തിനെ​തി​രെ കേ​ര​ള സ​ർ​ക്കാ​റും മു​സ്​​ലിം ലീ​ഗ്​ ഉ​ൾ​പ്പെ​ടെ രാഷ്​ട്രീയക​ക്ഷി​ക ​ളും സ​മ​ർ​പ്പി​ച്ച ഹ​ര​ജി സു​പ്രീം​കോ​ട​തി ബുധനാഴ്​ച പ​രി​ഗ​ണി​ക്കു​ക​യാ​ണ്​. മ​താ​ടി​സ്​​ഥാ​ന​ത്തി​ൽ ജ ​ന​ങ്ങ​ളെ വി​ഭ​ജി​ക്കു​ന്നു​വെ​ന്ന്​ പ്ര​ത്യ​ക്ഷ​ത്തി​ൽ​ത​ന്നെ വ്യ​ക്ത​മാ​വു​ന്ന നി​യ​മം ഭ​ര​ണ​ഘ​ട​നാ​വ ി​രു​ദ്ധ​മാ​ണെ​ന്ന്​​ ക​ണ്ട്​ റ​ദ്ദാ​ക്ക​ണ​മെ​ന്നാ​ണ്​ രാ​പ്പ​ക​ൽ ഭേ​ദ​​മ​ന്യേ തെ​രു​വി​ലി​റ​ങ്ങി നി​ൽ​ക ്കു​ന്ന ബ​ഹു​ജ​ന​ങ്ങ​ളു​ടെ താ​ൽ​പ​ര്യം. എ​ന്നാ​ൽ, രാ​ജ്യ​ത്തെ കോ​ട​തി​ക​ളു​ടെ അ​ടു​ത്ത കാ​ല​ത്തെ പ്ര​ക​ട​ നം വി​ല​യി​രു​ത്തു​േ​മ്പാ​ൾ അ​ത്ത​രം അ​ഭി​ലാ​ഷ​ങ്ങ​ൾ ​െവ​റു​തെ​യാ​ണെ​ന്ന്​ വി​ധി​ക്ക​പ്പെ​ടാം.

മു​ൻ ച ീ​ഫ്​ ജ​സ്​​റ്റി​സ്​ ര​ഞ്​​ജ​ൻ ​െഗാ​ഗോ​യി​ക്കെ​തി​രെ ഉ​യ​ർ​ന്ന ലൈം​ഗി​ക പീ​ഡ​നാ​രോ​പ​ണം, ബാ​ബ​രി ഭൂ​മി​യ ു​ടെ ഉ​ട​മ​സ്​​ഥാ​വ​കാ​ശം, ക​ശ്​​മീ​രി​ലെ ഇ​ൻ​റ​ർ​നെ​റ്റ്​ നി​യ​ന്ത്ര​ണം തു​ട​ങ്ങി​യ വി​ഷ​യ​ങ്ങ​ളി​ൽ സു​പ ്രീം​കോ​ട​തി സ്വീ​ക​രി​ച്ച നി​ല​പാ​ടു​ക​ൾ പ​രി​ശോ​ധി​ച്ചാ​ൽ ജ​നാ​ധി​പ​ത്യ​ത്തി​െ​ൻ​റ കാ​വ​ൽ​മാ​ലാ​ഖ​യു​ടെ ഗതി വ്യ​ക്തമാ​വും.
പ​ട്ടി​ക​ജാ​തി​ക്കാ​രി​യാ​യ, സു​പ്രീം​കോ​ട​തി ജീ​വ​ന​ക്കാ​രി ചീ​ഫ്​ ജ​സ്​​റ്റി​സി​നെ​തി​രെ ഉ​ന്ന​യി​ച്ച ലൈം​ഗി​ക​ പീ​ഡ​ന ആ​രോ​പ​ണ​ത്തി​ൽ, അ​ത്ത​രം പ​രാ​തി​ക​ളി​ൽ സ്വീ​ക​രി​ക്കേ​ണ്ട മാ​ർ​ഗ​നി​ർ​ദേ​ശ​ങ്ങ​ളെ​ല്ലാം കാ​റ്റി​ൽ​പ​റ​ത്തി​യ ന​ട​പ​ടി​ക്ര​മ​ങ്ങ​ളാ​ണു​ണ്ടാ​യ​ത്. പ​രാ​തി​ക്കാ​രി​യെ വ​സ്​​ത്ര​മു​രി​ഞ്ഞ്​ പ​രി​ശോ​ധി​ച്ചും അ​വ​രു​ടെ അ​ഭി​പ്രാ​യ​സ്വാ​ത​ന്ത്ര്യം വി​ല​ക്കി​യും രാ​ജ​സ്​​ഥാ​നി​ലും ഉ​ത്ത​ർ​പ്ര​ദേ​ശി​ലു​മു​ള്ള അ​വ​രു​ടെ ബ​ന്ധു​വീ​ടു​ക​ളി​ൽ സാ​യു​ധ​രാ​യ ഉ​ദ്യോ​ഗ​സ്​​ഥ​രെ ഉ​പ​യോ​ഗി​ച്ച്​ റെ​യ്​​ഡ്​ ന​ട​ത്തി​യും അ​വ​രെ ഭീ​ഷ​ണി​പ്പെ​ടു​ത്തി നി​ശ്ശബ്​​ദ​യാ​ക്കു​ന്ന​ത്​ രാ​ജ്യം നിസ്സം​ഗ​ത​യോ​ടെ നോ​ക്കി​നി​ന്നു. ഒ​ടു​വി​ൽ അ​ട​ച്ചി​ട്ട മു​റി​യി​ൽ ഇ​പ്പോ​ഴ​ത്തെ ചീ​ഫ്​ ജ​സ്​​റ്റി​സ്​ എ​സ്.​എ. ബോ​ബ്​​ഡെ​യു​ടെ നേ​തൃ​ത്വ​ത്തി​ലു​ള്ള മൂ​ന്നം​ഗ സ​മി​തി​യു​ടെ അ​സാ​ധാ​ര​ണ ന​ട​പ​ടി​ക്ര​മ​ങ്ങ​ൾ​െ​ക്കാ​ടു​വി​ൽ, ​െഗാ​ഗോ​യി കു​റ്റ​മു​ക്തൻ.

ലൈം​ഗി​ക​പീ​ഡ​ന കേ​സ്​ കേ​ന്ദ്ര​സ​ർ​ക്കാ​റി​ന്​ കീ​ഴി​ൽ പ്ര​വ​ർ​ത്തി​ക്കു​ന്ന ഡ​ൽ​ഹി പൊ​ലീ​സി​െ​ൻ​റ കൈ​യി​ലും, ബാ​ബ​രി ഭൂ​മി​യു​ടെ ഉ​ട​മ​സ്​​ഥാ​വ​കാ​ശ കേ​സ്​ ഉ​ൾ​പ്പെ​ടെ, സം​ഘ​്​പ​രി​വാ​ർ ഭ​ര​ണ​കൂ​ട​ത്തി​ന്​ പ​ക്ഷ​പാ​ത​പ​രമാ​യ താ​ൽ​പ​ര്യ​മു​ള്ള പ്ര​ധാ​ന​വി​ഷ​യ​ങ്ങ​ൾ ​െഗാ​ഗോ​യി ന​യി​ക്കു​ന്ന ബെ​ഞ്ചി​​ലും.​ ​െഗ​ാഗോ​യി ചീ​ഫ്​ ജ​സ്​​റ്റി​സ്​ സ്​​ഥാ​ന​ത്തു​നി​ന്നും വി​ര​മി​ക്കു​ന്ന​തി​ന് തൊ​ട്ടുമു​മ്പ്​ ബാ​ബ​രി കേ​സി​ലു​ണ്ടാ​യ വി​ധി​ന്യാ​യം വൈ​രു​ധ്യ​ങ്ങ​ൾ നി​റ​ഞ്ഞ​താ​യി​രു​ന്നു. ബാ​ബ​രി മ​സ്​​ജി​ദ്​ ത​ക​ർ​​ത്ത​ത്​ കു​റ്റ​ക​ര​മാ​ണെ​ന്ന്​ പ​റ​ഞ്ഞ കോ​ട​തി, സാ​മാ​ന്യ​യു​ക്തി​യെ പു​ച്ഛി​ച്ചാ​ണ്​ പ​ള്ളി ത​ക​ർ​ക്കാ​ൻ മു​ന്നി​ട്ടി​റ​ങ്ങി​യ​വ​ർ​ക്കുത​ന്നെ ഉ​ട​മ​സ്​​ഥാ​വ​കാ​ശം ന​ൽ​കി​യ​ത്.

ഇ​തി​നി​ട​ക്കാ​ണ്​ കേ​ന്ദ്ര​സ​ർ​ക്കാ​ർ ജ​മ്മു-​ക​ശ്​​മീ​ർ വി​ഭ​ജി​ക്കു​ന്ന​തും ക​ശ്​​മീ​ർ താ​ഴ്​​വ​ര​യെ മാ​സ​ങ്ങ​ൾ നീ​ണ്ട നി​യ​ന്ത്ര​ണ​ങ്ങ​ളി​ൽ നി​ർ​ത്തു​ന്ന​തും. ഇ​തി​നെ​തി​രെ സു​പ്രീം​കോ​ട​തി​യെ സ​മീ​പി​ച്ച​വ​ർ​ക്കും നി​രാ​ശ​യാ​യി​രു​ന്നു ഫ​ലം. ഇ​ൻ​റ​ർ​നെ​റ്റ്​ മ​നു​ഷ്യാ​വ​കാ​ശ​മാ​ണെ​ന്നും 144ാം വകുപ്പ്​ നി​ര​ന്ത​രം ദു​ര​ു​പ​യോ​ഗം ചെ​യ്യ​പ്പെ​ടു​ക​യാ​ണെ​ന്നും കോ​ട​തി നി​രീ​ക്ഷി​ച്ചു. അ​തേ​സ​മ​യം, ഇ​ൻ​റ​ർ​നെ​റ്റ്​ വി​ല​ക്ക്​ നീ​ക്കു​ന്ന​ത്​ സം​ബ​ന്ധി​ച്ച തീ​രു​മാ​നം ജ​മ്മു​^ക​ശ്​​മീ​ർ അ​ഡ്​​മി​നി​സ്​​ട്രേ​റ്റ​ർ​ക്ക്​ വി​ട്ടു. താ​ഴ്​​വ​ര​യി​ൽ കാ​ര്യ​ങ്ങ​ൾ ഇ​പ്പോ​ഴും വ​ലി​യ മാ​റ്റ​മി​ല്ലാ​തെ തു​ട​രു​ക​യാ​ണ്.

ഭൂ​രി​പ​ക്ഷാ​ധി​പ​ത്യ​വും വം​ശീ​യ​ത​യും ജ​നാ​ധി​പ​ത്യ​ത്തി​െ​ൻ​റ കാ​വ​ൽ​പ്പുര​ക​ളെ കീ​ഴ്​​പ്പെ​ടു​ത്തി​ക്ക​ഴി​ഞ്ഞു​വെ​ന്ന ഭീ​ക​ര​മാ​യ യാ​ഥാ​ർ​ഥ്യം ക​യ്​​ക്കു​ന്ന​തെ​ങ്കി​ലും അം​ഗീ​ക​രി​ച്ചേ പ​റ്റൂ. വം​ശീ​യ ​ഭ​ര​ണ​കൂ​ട​ങ്ങ​ളു​ടെ കോ​ട​തി​ക​ളും അ​വ​രു​ടെ ചെ​യ്​​തി​ക​ളി​ൽ കൂ​ട്ടു​ത്ത​ര​വാ​ദി​ത്വമു​ള്ള​വ​രാ​ണെ​ന്ന്​ അ​വ​യു​ടെ ച​രി​ത്ര​ത്തി​ൽ വ്യ​ക്തമാ​ണ്. ഭ​ര​ണ​ഘ​ട​ന വ​കു​പ്പു​ക​ൾ പ്ര​കാ​ര​മാ​ണ്​ ദ​ശാ​ബ്​​ദ​ങ്ങ​ളോ​ളം യു.​എ​സ്​ സു​പ്രീം​കോ​ട​തി ക​റു​ത്ത​വ​ർ​ഗ​ക്കാ​ർ​ക്ക്​ സ​മ്മ​തി​ദാ​നാ​വ​കാ​ശം നി​ഷേ​ധി​ച്ച​ത്. ആ​ധു​നി​ക സ്​​റ്റേ​റ്റും ശരിയും, കോ​ട​തി​യും നീ​തി​യും ത​മ്മിലൊന്നും ക​രാ​റു​ക​ളി​ല്ല എ​ന്ന​ത്​ ഇ​ന്ന്​ ഏ​റ​ക്കു​റെ അ​റി​യ​പ്പെ​ട്ടു​ക്ക​ഴി​ഞ്ഞു.

പൗ​ര​ത്വ ഭേ​ദ​ഗ​തി ബി​ൽ ഭ​ര​ണ​ഘ​ട​ന വി​ധേ​യ​മാ​ണെ​ന്ന്​ വി​ധി​ച്ചാ​ൽ ശീ​ലി​ച്ച, പ​ര​മ്പ​രാ​ഗ​ത ജ​നാ​ധി​പ​ത്യ രീ​തി​ക​ളു​ടെ സാ​ധ്യ​ത അ​വി​ടെ തീ​രും. അ​തേ​സ​മ​യം, ജ​നാ​ധി​പ​ത്യ​ത്തി​െ​ൻ​റത​ന്നെ തു​ട​ർ​ച്ച​യെ​ന്ന്​​ വി​ശേ​ഷി​പ്പി​ക്ക​പ്പെ​ടു​ന്ന പ്ര​തി​ജ​നാ​ധി​പ​ത്യ​ം (counter democracy) എന്ന പു​തി​യ സ​മ​രഭൂ​മി​ അ​വി​ടെ തു​റ​ക്കു​ക​യാ​ണ്. പല ​രീ​തി​യി​ലു​ള്ള ശ്ര​മ​ങ്ങ​ളി​ലൂ​ടെ ഭ​ര​ണ​ത്തി​നു​മേ​ൽ തി​രു​ത്ത​ലി​ന്​ സ​മ്മ​ർ​ദം ചെ​ലു​ത്തു​ക​യാ​ണ്​ പ്ര​തി​ജ​നാ​ധി​പ​ത്യം ചെ​യ്യു​ക. അ​നൗ​ദ്യോ​ഗി​ക​വും സ​മാ​ന്ത​ര​വു​മാ​യ തി​രു​ത്ത​ൽ​ശ​ക്തി​ക​ൾ​ക്ക്​ പ്ര​തി​ജ​നാ​ധി​പ​ത്യം വ​ഴി​തു​റ​ക്കു​മെ​ന്ന്​ ഫ്ര​ഞ്ച്​ സാ​മൂ​ഹി​ക​ശാ​സ്​​ത്ര​ജ്ഞ​നാ​യ പി​യ​ർ റോ​സ​ൻ​വാ​ല​ൻ നി​രീ​ക്ഷി​ക്കു​ന്നു.

ന​മ്മു​ടെ സാ​ഹ​ച​ര്യ​ത്തി​ൽ നോ​ക്കു​േ​മ്പാ​ൾ ഇ​പ്പോ​ൾ തെ​രു​വു​ക​ളി​ൽ ന​ട​ക്കു​ന്ന​ത്​ ഒ​രു അ​ന്തി​മ​പോ​രാ​ട്ട​മാ​ണ്. എ​ൻ.​ഐ.​എ, യു.​എ.​പി.​എ, ആ​ധാ​ർ തു​ട​ങ്ങി പൗ​ര​ന്മാ​രെ ഇ​രു​മ്പ​റ​ക്കു​ള്ളി​ലാ​ക്കി​യ വി​നാ​ശ​നി​യ​മ​ങ്ങ​ൾ​ക്കെ​തി​രെ ഏറ​ക്കു​റെ മൗ​ന​മാ​യി​രു​ന്നു പൊ​തു​പ്ര​തി​ക​ര​ണം. ജ​ന​വി​രു​ദ്ധ ന​യ​ങ്ങ​ൾ​ക്കെ​തി​രെ പ്ര​തി​ഷേ​ധി​ക്കാ​നി​റ​ങ്ങി​യ​പ്പോ​ഴാ​ണ്​ അ​ത്ത​രം നി​യ​മ​ങ്ങ​ളു​ടെ ച​തി നാം ​തി​രി​ച്ച​റി​യു​ന്ന​ത്. പ്രാ​ദേ​ശി​ക സ​ർ​ക്കാ​റുക​ളെ നോ​ക്കു​കു​ത്തി​യാ​ക്കി, പ്ര​തി​സ്വ​ര​മു​യ​ർ​ത്തു​ന്ന​വ​രെ ത​ട​വി​ലാ​ക്കു​ക മാ​ത്ര​മ​ല്ല, അ​വ​രു​ടെ സ്വ​ത്തു​വ​ക​ക​ൾ ​വ​രെ കേ​ന്ദ്ര​ ഏ​ജ​ൻ​സി​ക​ൾ പി​ടി​െ​ച്ച​ടു​ക്കു​ന്നു.

ആ​യ​തി​നാ​ൽ, ഇൗ പ്ര​തി​ജ​നാ​ധി​പ​ത്യ പോ​രാ​ട്ട​ങ്ങ​ൾ​ക്ക്​ തെ​രു​വു​ക​ളി​ൽ നി​ല​യു​റ​പ്പി​ക്കു​​ന്ന​തോ​ടൊ​പ്പം ഭ​ര​ണ​ഘ​ട​ന, ജു​ഡീ​ഷ്യ​റി, ​പാ​ർ​ല​മെ​ൻ​റ്​ എ​ന്നി​വ​യെ സം​ബ​ന്ധി​ച്ച മൗ​ലി​ക​മാ​യ വി​ചാ​ര​ണ​ക​ളും പു​ന​രാ​ലോ​ച​ന​ക​ളും ആവശ്യമാണ്​. വി​ഭ​ജ​ന​ത്തി​ലൂ​ടെ പി​റ​ന്ന ഒ​രു രാ​ജ്യ​ത്തി​െ​ൻ​റ ഭ​ര​ണ​ഘ​ട​ന​യി​ൽ ഇ​നി​യൊ​രു വി​ഭ​ജ​നം ത​ട​യു​ന്ന, എ​ല്ലാ വി​ഭാ​ഗ​ങ്ങ​ൾ​ക്കും അ​ർ​ഹ​മാ​യ അ​ധി​കാ​രം ന​ൽ​കു​ന്ന, ​െഫ​ഡ​റ​ൽ രീ​തി ഉ​റ​പ്പു​വ​രു​ത്തു​ന്ന ഉ​റ​ച്ച സം​വി​ധാ​ന​ങ്ങ​ൾ ഇ​​ല്ലാ​തെ​ പോ​യ​തും, രാ​ഷ്​​ട്ര​ത്തി​െ​ൻ​റ താ​ൽ​പ​ര്യ​ത്തി​നുമേ​ൽ അ​ടി​സ്​​ഥാ​ന മ​നു​ഷ്യാ​വ​കാ​ശ​ങ്ങ​ൾ റ​ദ്ദ്​ ചെ​യ്യ​പ്പെ​ടു​ന്ന വ്യ​വ​സ്​​ഥ​ക​ൾ നി​ല​നി​ൽ​ക്കു​ന്ന​തും പോ​രാ​യ്​​മ​യ​ല്ല; അ​പ​രാ​ധ​മാ​ണ്​​. അ​വ തി​രി​ച്ച​റി​ഞ്ഞ്​ പ​ശ്ചാ​ത്താ​പ​ബോ​ധ​ത്തോ​ടെ നി​ർവ​ഹി​ക്കു​ന്ന, വെ​ളി​ച്ചം ന​ൽ​കു​ന്ന ആ​ലോ​ച​ന​ക​ളും ച​ർ​ച്ച​ക​ളും തി​രു​ത്ത​ലു​ക​ളും​ പ്ര​തി​ജ​നാ​ധി​പ​ത്യ​ത്തി​െ​ൻ​റ ഭാ​ഗ​മാ​വ​ണം​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Citizenship Amendment ActAnti CAA protest
News Summary - liabilities of democracy -opinion
Next Story