കുറിഞ്ഞി സ​േങ്കതത്തിലേക്ക്​  എവിടെനിന്ന്​ ഭൂമി കിട്ടും? 

കുറിഞ്ഞി പൂക്കാലം എത്താൻ ഇനി ആഴ്​ചകൾ മാത്രമാണ്​ ബാക്കി. കുറിഞ്ഞിയെ വരവേൽക്കാൻ വിപുലമായ ഒരുക്കങ്ങൾ ഒരു ഭാഗത്ത്​ നടക്കു​​േമ്പാൾ മറുഭാഗത്ത്​, കുറിഞ്ഞി പൂക്കൾക്കുവേണ്ടി ​പ്രഖ്യാപിക്ക​പ്പെട്ട കുറിഞ്ഞിമല സ​േങ്കതം വീണ്ടും വാർത്തകളിൽ എത്തുകയാണ്​.  കഴിഞ്ഞദിവസത്തെ മന്ത്രിസഭ തീരുമാനമാണ്​ പുതിയ വിവാദത്തിന്​ കാരണം. ഇടുക്കി ജില്ലയിലെ ദേവികുളം താലൂക്കിൽ തമിഴ്​നാടിനോട്​ ചേർന്ന്​ വട്ടവട, കൊട്ടക്കൊമ്പുർ വില്ലേജുകളിലാണ്​ കുറിഞ്ഞിമല സ​േങ്കതം.

‘കുറിഞ്ഞിമല സങ്കേതത്തി​​​െൻറ വിസ്തൃതി കുറഞ്ഞത് 3200 ഹെക്​ടറായിരിക്കണമെന്ന് മന്ത്രിസഭ തീരുമാനിച്ചു. സങ്കേതത്തിനകത്ത് വരുന്ന പട്ടയപ്രശ്‌നങ്ങള്‍ പരിഹരിക്കാനും നിയമപരമായി വിസ്തൃതി നിജപ്പെടുത്താനും ഐ.എ.എസ് ഉദ്യോഗസ്ഥനെ സെറ്റില്‍മ​​െൻറ്​ ഓഫിസറായി നിയമിക്കും. കുറിഞ്ഞിമല സങ്കേത പ്രദേശത്ത് അക്കേഷ്യ, യൂക്കാലിപ്റ്റസ്, ഗ്രാൻറിസ് എന്നിവ നട്ടുവളര്‍ത്തുന്നത് നിരോധിക്കാന്‍ കേരള പ്രമോഷൻ ഓഫ് ട്രീ ഗ്രോത്ത് ഇന്‍ നോണ്‍ ഫോറസ്​റ്റ്​ ഏരിയാസ് ആക്​ട്​ ഭേദഗതി ചെയ്യും. സങ്കേതത്തില്‍ വരുന്ന വനഭൂമിയും പട്ടയഭൂമിയും ഡ്രോണ്‍ അധിഷ്ഠിത സർവേ സാങ്കേതികവിദ്യ ഉപയോഗിച്ച് തിട്ടപ്പെടുത്തുന്ന നടപടി ജൂണിനുമുമ്പ് പൂര്‍ത്തിയാക്കും. അങ്ങനെ തിട്ടപ്പെടുത്തുന്ന ഭൂമി വനം വകുപ്പ് ജണ്ടയിട്ട് തിരിക്കും.’

കുറിഞ്ഞിമല സ​േങ്കതവുമായി ബന്ധപ്പെട്ടുള്ള തീരുമാനങ്ങളാണിത്​. നിലവിലെ 3200 ഹെക്​ടർ അതേപടി സംരക്ഷിക്കുമെന്നല്ല, മറിച്ച്​ കൈവശഭൂമി സ​​േങ്കതത്തിൽനിന്നും ഒഴിവാക്കി അത്രയുംഭൂമി പകരം കൂട്ടിച്ചേർക്കുമെന്നാണ്​ തീരുമാനം. ഇവിടെയാണ്​ സംശയം ഉയരുന്നത്​. പകരം കൂട്ടിച്ചേർക്കാൻ എവിടെനിന്നായിരിക്കും ഭൂമി കണ്ടെത്തുക? കുറിഞ്ഞിമല സ​േങ്കതത്തി​​​െൻറ ഒരു ഭാഗം തമിഴ്​നാട്ടിലാണ്​ ^അതും വന്യജീവി സ​േങ്കതങ്ങൾ. മറ്റു അതിർത്തികളിൽ  ചിന്നാർ വന്യജീവി സ​​േങ്കതം, പാമ്പാടും​േചാല ദേശീയ ഉദ്യാനം, ആനമുടിചോല ദേശീയ ഉദ്യാനം എന്നിവയും കോവിലൂരിലെ ജനവാസ മേഖലയും. അപ്പോൾ കുറിഞ്ഞിമല സ​േങ്കതത്തിലേക്ക്​ ഇവിടെനിന്നൊന്നും ഒരിഞ്ച്​ ഭൂമിപോലും കൂട്ടിച്ചേർക്കാൻ കഴിയില്ലെന്ന്​ പകൽപോലെ വ്യക്​തം. 1901ലെ റിസർവ്​ വിജ്ഞാപനത്തിലെ പിഴവ്​ ലക്ഷ്യമിട്ടാണ്​ സർക്കാറി​​​െൻറ ഇപ്പോഴത്തെ നീക്കമെന്ന്​ വേണം കരുതാൻ. ലാൻഡ്​ റവന്യൂ അസി. കമീഷണറായിരിക്കെ ഡോ. ഡി. സജിത്​ബാബു നൽകിയ റിപ്പോർട്ടിൽ ഇപ്പോൾ വന്യജീവി സ​േങ്കതമായിട്ടുള്ള സ്​ഥലങ്ങൾപോലും റവന്യൂ എന്നാണ്​ പറഞ്ഞിരിക്കുന്നത്​. ഇതും പിടിവള്ളിയായി കണ്ടിരിക്കാം. 

ആനമുടിചോല, പാമ്പാടുംചോല എന്നീ ദേശീയ ഉദ്യാനങ്ങൾ വിജ്ഞാപനം ചെയ്​തത്​ 1901ലെ റിസർവ്​ വിജ്ഞാപനപ്രകാരമാണ്​. അന്നത്തെ വിസ്​തൃതിയാണ്​ 2003ൽ ദേശീയ ഉദ്യാനം പ്രഖ്യാപിക്കു​​േമ്പാഴും രേഖപ്പെടുത്തിയിട്ടുള്ളത്​. എന്നാൽ, യഥാർഥത്തിൽ വിജ്ഞാപനത്തിൽ പറയുന്നതി​​​െൻറ എത്രയോ ഇരട്ടിയാണ്​ ഭൂമി. മന്നവൻചോല, പുല്ലരടിചോല, ഇടിവരചോല, പാമ്പാടുംചോല എന്നിവ   1901ലെ വിജ്ഞാപനപ്രകാരമാണ്​ സംരക്ഷിത വനമായത്​. 

അന്ന്​ സർവേ നടത്താതെ ഏകദേശ കണക്കനുസരിച്ച്​ വിജ്ഞാപനം ചെയ്​തിരിക്കാം. വിജ്ഞാപനപ്രകാരം മന്നവൻചോലയിൽ 1280 ഏക്കറാണെങ്കിൽ ഉള്ളത്​ 3100ഒാളം ഏക്കറാണ്​. ഇടിവരചോലയിൽ 150 ഏക്കറിനുപകരം 300 ഏക്കറും പുല്ലരടിചോലയിൽ 400 ഏക്കറിന്​ പകരം 3000 ഏക്കറും പാമ്പാടുംപാറ ചോലയിൽ 325.68 ഏക്കറിന്​ പകരം 2600 ഏക്കറുമുണ്ട്​. വിജ്ഞാപനത്തിൽ പറയുന്നത്​ വിസ്​തൃതി ഒഴിച്ചുള്ളത്​ റവന്യൂവി​േ​ൻറതാണ്​ എന്നതാണ്​ വാദ​ം. ഇത്​ കണ്ടായിരിക്കും കുറിഞ്ഞിമല സ​േങ്കതത്തി​​​െൻറ വിസ്​തൃതി 3200 ഏക്കറായി നിലനിർത്തുമെന്ന തീരുമാനം. എന്നാൽ, ഇത്​ നിലനിൽക്കില്ലെന്ന്​ നിയമവൃത്തങ്ങൾ ചൂണ്ടിക്കാട്ടുന്നു. കാരണം, വിസ്​തൃതി മാത്രമല്ല, അതിർത്തിയും ഘടകമാണ്​. അതിർത്തി മാറ്റി നിശ്ചയിക്കാൻ കേന്ദ്രസർക്കാർ അനുവദിക്കില്ല. ഗോദവർമ തിരുമുൽപ്പാട്​ കേസ്​ പ്രകാരം ഇതൊ​​ക്കെ വനമാണ്​​. ഇങ്ങനെയിരിക്കെ കുറിഞ്ഞി സ​േങ്കതത്തിലേക്ക്​ എവിടെനിന്നാണ്​ ഭൂമി ക​ണ്ടെത്തുക? തൊട്ടടുത്ത കണ്ണൻദേവൻ വില്ലേജിലെ ചോലക്കാടുകളും പുൽമേടുകളും നേരത്തെതന്നെ സംരക്ഷിതവനമായി പ്രഖ്യാപിക്കപ്പെട്ടു കഴിഞ്ഞു. അപ്പോൾ അവി​ടേക്കും പോകണ്ട.

ഇവിടെ നിയമപരമായി ചെയ്യാൻ കഴിയുന്നത്​​ ഒറ്റക്കാര്യമാണ്​.  കുറിഞ്ഞിമല സ​​​േങ്കതത്തി​ലെ സ്വകാര്യവ്യക്​തികളുടെ അവകാശങ്ങൾ തീർപ്പാക്കുന്നതിനുവേണ്ടി 2006 ഡിസംബർ 12ലെ ഉത്തരവ്​ പ്രകാരം നിയമിക്കപ്പെട്ട സെറ്റിൽമ​​െൻറ്​ ഒാഫിസറായ ദേവികുളം സബ്​കലക്​ടർ, പട്ടയങ്ങളും ഭൂരേഖകളും പരിശോധിച്ച്​ ആ സ്​ഥലങ്ങളൊക്കെ സ​േങ്കതത്തിൽനിന്നും ഒഴിവാക്കുക. ​െഎ.എ .എസ്​ ഉദ്യോഗസ്​ഥനായ ദേവികുളം സബ്​ കലക്​ടർ സെറ്റിൽമ​​െൻറ്​ ഒാഫിസറായിരിക്കെയാണ്​ ​െഎ.എ.എസുകാരനെ നിയമിക്കാനുള്ള മന്ത്രിസഭ തീരുമാനമെന്നത്​ മറ്റൊരു കാര്യം. സംരക്ഷിത പ്രദേശത്തിനകത്ത്​ ഏതൊക്കെ മരങ്ങൾ നട്ടുവളർത്തണമെന്ന്​ നിശ്ചയിക്കാൻ കേരള പ്രമോഷന്‍ ഓഫ് ട്രീ ഗ്രോത്ത് ഇന്‍ നോണ്‍ ഫോറസ്​റ്റ്​ ഏരിയാസ് ആക്​ട്​ എങ്ങനെയാണ്​ ബാധകമാക്കുക. അതിനൊരു ഉത്തരവ്​ മതിയാകില്ലേ? 

6.12.2006 ഉത്തരവ് പ്രകാരം  നീലക്കുറിഞ്ഞി സ​േങ്കതം ​പ്രഖ്യാപിക്കുന്ന വിജ്ഞാപനത്തിൽതന്നെ പട്ടയസ്ഥലം ഒഴിവാക്കിയിട്ടുണ്ടെന്ന്​ പറയുന്നുണ്ട്​. അത്​ നടപ്പാക്കുകയാണ്​ വേണ്ടത്​. അതിന്​  ഡ്രോണ്‍ അധിഷ്ഠിത സർവേ സാങ്കേതികവിദ്യ വേണ്ടതില്ല. ഭൂമിയിൽ അവകാശം ഉന്നയിക്കുന്നവരുടെ പക്കൽ നിയമപരമായ രേഖയുണ്ടോയെന്നാണ്​ പരിശോധിക്കേണ്ടത്​. വനംമന്ത്രി കെ. രാജു ചൂണ്ടിക്കാട്ടിയതുപോലെ ‘സ​േങ്കതത്തി​​​െൻറ  ഭൂമി അളന്ന് തിരിക്കാതെ ഒരു തീരുമാനത്തിലെത്താനും കഴിയില്ല.  ഭൂമി അളന്ന് തിരിക്കുന്നതിന് വനംവകുപ്പ് സെറ്റില്‍മ​​െൻറ്​ ഓഫിസറായി നിശ്ചയിച്ചിട്ടുള്ള ദേവികുളം സബ്കലക്ടറുടെ പ്രവര്‍ത്തനങ്ങളോട് ജനങ്ങള്‍ സഹകരിച്ചാല്‍ 11 വര്‍ഷമായി പരിഹരിക്കപ്പെടാതെ നില്‍ക്കുന്ന കുറിഞ്ഞിമലയുമായി ബന്ധപ്പെട്ട എല്ലാ പ്രശ്‌നങ്ങളും രമ്യമായി പരിഹരിക്കാന്‍ കഴിയും.’