ഫാഷിസം അതിജീവിക്കുന്നത്​ ഇങ്ങനെയാണ്​

ഇന്ത്യയിൽ അനുദിനം ശക്​തിപ്രാപിച്ചുകൊണ്ടിരിക്കുന്ന വംശവിദ്വേഷം താ​ഴെത്തട്ടിലേക്കും അരിച്ചിറങ്ങിയതി​​െൻറ വാചാലമായ തെളിവാണ്​ അട്ടപ്പാടിയിലെ മധു എന്ന ആദിവാസിയുടെ കൊലപാതകം. കേവലം ഇരുപത്തിയേഴുവയസ്സുള്ള, ​മാനസികാസ്​ഥ്യമുള്ളതിനാൽ പുറംലോകത്തിനപരിചിതനായി കാട്ടിൽ കഴിഞ്ഞിരുന്ന, ദയാർഹനായ ആ യുവാവ്​ ഒരാൾക്കൂട്ടത്താൽ ബദ്ധനസ്​ഥനും പിന്നീട്​ കൊലചെയ്യപ്പെടാനും കാരണമായ കുറ്റങ്ങളൊന്നും ചെയ്​തിരുന്നില്ല.

ഒരു ദലിത്​ ആക്​ടിവിസ്​റ്റി​​െൻറ വിവരണത്തിൽ വനവിഭവങ്ങൾ കഴിച്ച്​ വിശപ്പടക്കിയിരുന്ന അയാൾ ചില ദിവസങ്ങളിൽ യാചിച്ചുകിട്ടുന്ന അരികൊണ്ടുള്ള ഭക്ഷണമാണ്​ കഴിച്ചിരുന്നത്​. ഇൗ ദയനീയാവസ്​ഥ ബന്ധപ്പെട്ട അധികാരികളുടെ ശ്രദ്ധയിൽ പെടുത്തി മധുവിന്​ സാധാരണ മനുഷ്യ​​െൻറ ജീവിതം നൽകാൻ ഒരു പരിഷ്​കൃത സമൂഹം ബാധ്യസ്​ഥമായിരുന്നു. എന്നാൽ, എന്താണ്​ സംഭവിച്ചത്​? വരുംവരായ്​കകളെക്കുറിച്ചറിവില്ലാതെ, ഒരുപിടി അരിയെടുത്ത്​ വിശപ്പടക്കാൻ ശ്രമിച്ചതി​​െൻറ പേരിൽ വധശിക്ഷയർഹിക്കുന്ന കൊടുംകുറ്റവാളിയായി അയാൾ മാറുകയായിരുന്നു. ജനാധിപത്യത്തി​െല നിയമവാഴ്​ചയിൽ ഉൗറ്റംകൊള്ളുന്നവരായ ആൾക്കൂട്ടം വസ്​തുതാന്വേഷണമോ വിചാരണയോ ഇല്ലാതെ ശിക്ഷ നടപ്പാക്കുകയായിരുന്നു. മാത്രമല്ല, ഗുജറാത്തിലെ ഉനയിലെന്നപോലെ, രാജസ്​ഥാനിലെ ഒരു ​പ്രദേശത്തെ ആദിവാസികളടക്കം അപരത്വവത്​കരിക്കപ്പെട്ടവർക്കൊരു പാഠമായി സോഷ്യൽമീഡിയയിലൂടെ പ്രചരിപ്പിക്കുകയും ചെയ്​തു.

കുടിയേറ്റ മേഖലയിലെ കൈയേറ്റക്കാർ ആദിവാസികളോട്​ പുലർത്തുന്ന വംശീയവിദ്വേഷം പുറത്തുവന്നത്​ മുത്തങ്ങയിൽ നടന്ന വെടിവെപ്പിനും അറുകൊലക്കും മർദനത്തിനും ശേഷമാണ്​. സമരത്തിൽ പ​െങ്കടുത്തവർ മാത്രമല്ല സ്​ത്രീകളും കുട്ടികളും വൃദ്ധരുമടങ്ങുന്ന ആദിവാസികൾ ഒന്നാകെ കുറ്റവാളികളായി മാറിയതോടെ മർദനത്തിനും ബലപ്രയോഗത്തിനും വിധേയരാക്കിയ ആദിവാസികൾ നിയമപാലകരുടെ മുന്നിലേക്ക്​ ആട്ടിത്തെളിക്കപ്പെട്ടു. അവരാക​െട്ട അനായാസം ‘കുറ്റവാളി’കളെ കണ്ടെത്താൻ കഴിഞ്ഞതിൽ സംതൃപ്​തരാവുകയും നിയമലംഘനത്തെ സമൂഹം വെച്ചുപൊറുപ്പിക്കില്ലെന്ന്​ മുന്നറിയിപ്പ്​ നൽകുകയും ചെയ്​തു. 

ഇപ്രകാരം കുടിയേറ്റക്കാരും ഭരണകൂട മേധാവികളും ഏതു സമയവും ഒന്നാകുമെന്ന യാഥാർഥ്യം തിരിച്ചറിഞ്ഞ്​, ആദിവാസി സമൂഹത്തിന്​ സംരക്ഷണവും ഉപജീവനോപാധികളും ഉറപ്പുവരുത്തേണ്ട കടമ രാഷ്​ട്രീയ പ്രസ്​ഥാനങ്ങളുടേതായിരുന്നു. എന്നാൽ, രാഷ്​ട്രീയം തെരഞ്ഞെടുപ്പിലെ വോ​ട്ടിനുവേണ്ടിയായതോടെ ജനങ്ങൾ ഭൂരിപക്ഷമായ കുടിയേറ്റക്കാർ മാത്രമായി. അവരുടെ അതിക്രമങ്ങൾ മായ്​ക്കപ്പെടുക മാത്രമല്ല; ന്യൂനപക്ഷമായ ആദിവാസികളുടെ ദുരിതങ്ങൾ വിധിയായി മാറി. ഇൗയവസ്​ഥ സർവസാധാരണമായതോടെ ഇതരസംസ്​ഥാന തൊഴിലാളികൾ, ഭിക്ഷാടകർ, ട്രാൻസ്​ജെൻഡേഴ്​സ്​ എന്നിങ്ങനെ രാഷ്​ട്രീയ ഭരണകൂട പിന്തുണയില്ലാത്തവർ ദേശമില്ലാത്തവരായി വേട്ടയാടപ്പെട്ടു. വംശീയവിദ്വേഷത്തിൽനിന്നും മുളച്ചുപൊന്തിയ ഫാഷിസം ഇങ്ങനെയാണ്​ അതിജീവിക്കുന്നത്​.