Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightകൂ​ട്ട​ക്കൊ​ല​ക​ള്‍...

കൂ​ട്ട​ക്കൊ​ല​ക​ള്‍ തു​ട​രും കൂ​ട്ട​ത്തി​ല്‍ 370ാം വ​കു​പ്പ്​ ച​ര്‍ച്ച​യും 

text_fields
bookmark_border
കൂ​ട്ട​ക്കൊ​ല​ക​ള്‍ തു​ട​രും കൂ​ട്ട​ത്തി​ല്‍ 370ാം വ​കു​പ്പ്​ ച​ര്‍ച്ച​യും 
cancel

ബി.​ജെ.​പി ഇ​പ്പോ​ള്‍ പ​റ​യു​ന്ന​തു കേ​ട്ടാ​ല്‍ തോ​ന്നും ജ​മ്മു-​ക​ശ്മീ​രി​ല്‍ ഇ​തു​വ​രെ സം​ഭ​വി​ച്ച​തി​നൊ​ന്നും അ​വ​ര്‍ക്ക് ഒ​രു ഉ​ത്ത​ര​വാ​ദി​ത്ത​വു​മി​ല്ലെ​ന്ന്. 2016 ജൂ​ലൈ മു​ത​ല്‍ ഒ​രു സം​സ്ഥാ​ന​ത്തെ ജ​നം മൊ​ത്തം ക​ല്ലും ക​വ​ണ​യു​മാ​യി തെ​രു​വി​ലി​റ​ങ്ങി​യ​തി​ന്  പ്ര​ധാ​ന​മ​ന്ത്രി ന​രേ​ന്ദ്ര മോ​ദി, ആ​ഭ്യ​ന്ത​ര​മ​ന്ത്രി രാ​ജ്‌​നാ​ഥ് സി​ങ്, ഇ​രു​വ​രു​ടെ​യും ബു​ദ്ധി​കേ​ന്ദ്ര​മാ​യ അ​ജി​ത് ഡോ​വ​ൽ എ​ന്നി​വ​ര​ു​ടെ നീ​ക്ക​ങ്ങ​ള്‍ക്ക് ഒ​രു പ​ങ്കും ഉ​ണ്ടാ​യി​രു​ന്നി​ല്ലെ​ന്നും! സം​സ്ഥാ​ന​ത്തി​​​െൻറ ഇ​ന്നോ​ള​മു​ള്ള ച​രി​ത്ര​ത്തി​ലെ ഏ​റ്റ​വും പ്ര​ക്ഷു​ബ്​​ധ  കാ​ല​മാ​യി​രു​ന്നു ബു​ര്‍ഹാ​ന്‍ വാ​നി വ​ധ​ത്തി​നു ശേ​ഷ​മു​ള്ള ജ​മ്മു-​ക​ശ്മീ​ര്‍. അ​തി​നു മു​മ്പ് പി.​ഡി.​പി -ബി.​ജെ.​പി സ​ഖ്യം​കൊ​ണ്ട് സം​സ്ഥാ​ന​ത്തി​ന് വ​ല്ല മെ​ച്ച​വും ഉ​ണ്ടാ​യി​രു​ന്നോ, മു​ഫ്തി​യു​ടെ​യോ മ​ഹ്ബൂ​ബ​യു​ടെ​യോ കാ​ല​ത്ത്​ കം​പാ​ഷ​ന്‍ (ദ​യ),  കോ​ണ്‍ഫി​ഡ​ന്‍സ് ബി​ല്‍ഡി​ങ്​ (പ​ര​സ്പ​ര വി​ശ്വാ​സം നി​ർ​മി​ച്ചെ​ടു​ക്ക​ല്‍), ക​മ്യൂ​ണി​ക്കേ​ഷ​ന്‍ (ശ​രി​യാ​യ ആ​ശ​യ​വി​നി​മ​യം), കോ ​എ​ക്‌​സി​സ്​​റ്റ​ന്‍സ് (സ​ഹ​വ​ര്‍ത്തി​ത്വം), ക​ണ്‍സി​സ്​​റ്റ​ന്‍സി (ന​യ​പ​ര​മാ​യ നൈ​ര​ന്ത​ര്യം) എ​ന്നി​ങ്ങ​നെ രാ​ജ്‌​നാ​ഥ്‌ സി​ങ്​ വാ​ഗ്ദാ​നം  ചെ​യ്ത ആ ​അ​ഞ്ച് ‘സി’ ​ത​ത്ത്വ​ങ്ങ​ള്‍ ഉ​ണ്ടാ​യി​രു​ന്ന​ല്ലോ. അ​തി​ല്‍ ഏ​താ​ണ് ക​ശ്മീ​രി​ല്‍ ന​ട​പ്പി​ലാ​യ​ത്? മി​ത​വാ​ദി​യെ​ന്ന് അ​റി​യ​പ്പെ​ടു​ന്ന നി​ർ​മ​ല്‍ കു​മാ​ർ സി​ങ്ങി​നെ ഉ​പ​മു​ഖ്യ​മ​ന്ത്രി പ​ദ​വി​യി​ല്‍നി​ന്നു മാ​റ്റി ക​ടു​ത്ത വ​ര്‍ഗീ​യ​വാ​ദി ക​വീ​ന്ദ​ര്‍ ഗു​പ്ത​യെ നി​യ​മി​ച്ച​ത്  എ​ന്തി​​​െൻറ പേ​രി​ലാ​ണ്? ക​ശ്മീ​രി​ലെ ഒ​രു സം​ഘ​ട​ന പോ​ലും ച​ര്‍ച്ച​ക്കു ചെ​ല്ലാ​ന്‍ ത​യാ​റി​ല്ലാ​ത്ത അ​വി​ട​ത്തെ ഏ​റ്റ​വും കൊ​ടി​യ മ​നു​ഷ്യാ​വ​കാ​ശ ലം​ഘ​ക​രി​ലൊ​രാ​ളാ​യ ദി​നേ​ശ്വ​ര്‍ ശ​ർ​മ​യെ പു​തി​യ മ​ധ്യ​സ്ഥ​നാ​ക്കി വെ​ച്ച​ത് എ​ന്ത് നേ​ടി​യെ​ടു​ക്കാ​നാ​ണ്?  യു.​പി.​എ​യു​ടെ മൊ​ത്തം 10 വ​ര്‍ഷം സം​ഭ​വി​ച്ച​തി​നേ​ക്കാ​ള്‍ കൂ​ടു​ത​ല്‍ ഏ​റ്റു​മു​ട്ട​ലും സം​ഘ​ര്‍ഷ​വു​മ​ല്ലേ മോ​ദി​യു​ടെ വെ​റും മൂ​ന്നു വ​ര്‍ഷം താ​ഴ്​​വ​ര​യി​ലു​ണ്ടാ​യ​ത്? ഇ​താ​ദ്യ​മാ​യാ​ണ്​ ഐ​ക്യ​രാ​ഷ്​​ട്ര സ​ഭ ഇ​ത്ര ക​ടു​ത്ത ഭാ​ഷ​യി​ല്‍ കേ​ന്ദ്ര സ​ര്‍ക്കാ​റി​നെ വി​മ​ര്‍ശി​ച്ച​ത്?  അ​തി​ന് ആ​ധാ​ര​മാ​ക്കി​യ മു​ഴു​വ​ന്‍ ക​ണ​ക്കു​ക​ളും രാ​ജ്‌​നാ​ഥ് സി​ങ്ങി​​​െൻറ മ​ന്ത്രാ​ല​യ​ത്തി​േ​ൻ​റ​താ​യി​രു​ന്നി​ല്ലേ? 

ഗു​ലാം ന​ബി ആ​സാ​ദും കെ​ജ്​​രി​വാ​ളും ആ​രോ​പി​ച്ച​തു പോ​ലെ ബി.​ജെ.​പി പി​ന്‍വാ​ങ്ങു​ന്ന​തി​നു പി​ന്നി​ലെ വ്യ​ക്ത​മാ​യ കാ​ര​ണം സ്വ​ന്തം ക​ഴി​വു​കേ​ട് മ​റ​ച്ചു​വെ​ക്കാ​നു​ള്ള നീ​ക്കം​ത​ന്നെ​യാ​ണ്. എ​ന്നാ​ൽ, അ​ത​ല്ല യ​ഥാ​ര്‍ഥ കാ​ര​ണ​മെ​ന്നാ​ണ് വ്യ​ക്ത​മാ​കു​ന്ന​ത്.  ആ​യി​രു​ന്നെ​ങ്കി​ല്‍ ബി.​ജെ.​പി രാ​ഷ്​​ട്ര​പ​തി ഭ​ര​ണ​ത്തി​ന് ആ​ഗ്ര​ഹി​ക്കു​മാ​യി​രു​ന്നി​ല്ല. അ​ത്ത​ര​മൊ​രു സാ​ഹ​ച​ര്യ​ത്തി​ല്‍ കേ​ന്ദ്ര​ത്തി​​​െൻറ നേ​ര്‍ക്കു​നേ​രെ​യു​ള്ള മേ​ല്‍നോ​ട്ട​ത്തി​ല്‍ രാ​ഷ്​​ട്ര​പ​തി ഭ​ര​ണം ഏ​ര്‍പ്പെ​ടു​ത്തു​ന്ന​തി​ലെ റി​സ്‌​ക് ബി.​ജെ.​പി​ക്കു​ത​ന്നെ​യാ​ണ്.  പ്ര​ശ്‌​നം സം​സ്ഥാ​ന​ത്തെ ക്ര​മ​സ​മാ​ധാ​ന നി​ല​യോ സു​ര​ക്ഷ​യു​മാ​യി ബ​ന്ധ​പ്പെ​ട്ട പ്ര​തി​സ​ന്ധി​ക​ളോ ആ​യി​രു​ന്നെ​ങ്കി​ല്‍ ഇ​പ്പോ​ള്‍ ചെ​യ്യാ​നാ​വാ​ത്ത എ​ന്ത് സ​മാ​ധാ​ന ശ്ര​മ​മാ​ണ് ബി.​ജെ.​പി​ക്ക് രാ​ഷ്​​ട്ര​പ​തി​യി​ലൂ​ടെ ന​ട​ത്താ​നാ​വു​ക? ബി.​ജെ.​പി -പി.​ഡി.​പി  ഭ​ര​ണ​കാ​ല​ത്താ​ണ് സം​സ്ഥാ​ന​ത്ത് ഏ​റ്റ​വു​മ​ധി​കം സാ​യു​ധ തീ​വ്ര​വാ​ദി​ക​ൾ കൊ​ല്ല​പ്പെ​ട്ട​ത്. ഇ​നി സ്വ​ന്തം നി​ല​ക്ക് ഭ​രി​ക്ക​ണ​മെ​ന്നാ​ണെ​ങ്കി​ല്‍, ജ​മ്മു​വി​ല്‍ പോ​ലും പു​തി​യൊ​രു തെ​ര​ഞ്ഞെ​ടു​പ്പ് നേ​രി​ടാ​ന്‍ ധൈ​ര്യ​മി​ല്ലാ​ത്ത അ​വ​സ്ഥ​യി​ലാ​ണ് ഇ​ന്ന് ബി.​ജെ.​പി.  1990ക​ളി​ലേ​തു പോ​ലെ ഏ​റി​യാ​ല്‍ നാ​ലോ അ​ഞ്ചോ ശ​ത​മാ​നം മാ​ത്രം വോ​ട്ടു​ക​ള്‍ പോ​ള്‍ ചെ​യ്യ​പ്പെ​ടാ​നി​ട​യു​ള്ള സാ​ധ്യ​ത പോ​ലും ഭ​യ​ക്കു​ന്ന​വ​രു​ണ്ട്.  ജ​ന​പ്ര​തി​നി​ധി​ക​ള്‍ക്ക് ഒ​ന്നും ചോ​ദി​ക്കാ​നും പ​റ​യാ​നു​മാ​വാ​ത്ത സൈ​നി​ക വി​ള​യാ​ട്ട​ത്തി​​​െൻറ​യും കൂ​ടി കാ​ല​ങ്ങ​ളാ​യി​രു​ന്നു ക​ശ്മീ​രി​ലെ ഓ​രോ രാ​ഷ്​​ട്ര​പ​തി ഭ​ര​ണ​വും. അ​ബ​ദ്ധ​ങ്ങ​ളു​ടെ​യും അ​സം​ബ​ന്ധ​ങ്ങ​ളു​ടെ​യും പ​ഞ്ചാം​ഗ​മാ​യി​രു​ന്നു ക​ഴി​ഞ്ഞ നാ​ലു  വ​ര്‍ഷ​മാ​യി ക​ശ്മീ​രി​ല്‍ കേ​ന്ദ്ര​സ​ര്‍ക്കാ​ര്‍ ന​ട​ത്തി​വ​ന്ന ഓ​രോ ഇ​ട​പെ​ട​ലും. അ​തു​കൊ​ണ്ടു​ണ്ടാ​യ ഇ​പ്പോ​ഴ​ത്തെ ദു​ര​ന്തം അ​തി​നേ​ക്കാ​ള്‍ വ​ലി​യ വി​വ​ര​ക്കേ​ടു​ക​ളും കൂ​ട്ട​ക്കൊ​ല​ക​ളും ന​ട​ത്തി ഇ​ല്ലാ​താ​ക്കാ​നാ​വു​മെ​ന്ന് മോ​ദി​യും രാ​ജ്‌​നാ​ഥും ക​രു​തു​ന്നു​വെ​ന്നാ​ണ്  ഒ​റ്റ​വാ​ക്കി​ല്‍ ഇ​പ്പോ​ഴ​ത്തെ രാ​ഷ്​​ട്രീ​യ നീ​ക്ക​ത്തി​​​െൻറ അ​ര്‍ഥം. 

ജ​മ്മു മേ​ഖ​ല​യി​ലെ 37ല്‍ 25 ​സീ​റ്റി​ലും ക​ഴി​ഞ്ഞ നി​യ​മ​സ​ഭ  തെ​ര​ഞ്ഞെ​ടു​പ്പി​ല്‍ ബി.​ജെ.​പി​യാ​ണ് ജ​യി​ച്ച​ത്. താ​ഴ്‌​വ​ര​യി​ല്‍ പോ​ലും ച​രി​ത്ര​ത്തി​ലാ​ദ്യ​മാ​യി ബി.​ജെ.​പി​യു​ടെ സ്ഥാ​നാ​ര്‍ഥി ഡോ. ​ഹി​നാ ഭ​ട്ട് ഹ​ബ്ബ​ക​ട​ല്‍ മ​ണ്ഡ​ല​ത്തി​ല്‍ ര​ണ്ടാം സ്ഥാ​ന​ത്തെ​ത്തി. മി​ഷ​ന്‍ 44 എ​ന്ന പേ​രി​ല്‍ പാ​ര്‍ട്ടി​യു​ടെ കൊ​ടി​യും തോ​ര​ണ​ങ്ങ​ളും  എ​ല്ലാ മ​ണ്ഡ​ല​ങ്ങ​ളി​ലും നി​റ​ഞ്ഞു. അ​പ്പോ​ള്‍ പി​ന്നെ കേ​ന്ദ്ര​ത്തി​ലി​രി​ക്കു​ന്ന ന​രേ​ന്ദ്ര  മോ​ദി സ​ര്‍ക്കാ​റി​ന് സ്വ​ന്തം എം.​എ​ല്‍.​എ​മാ​രി​ലൂ​ടെ ജ​മ്മു​വി​നും ല​ഡാ​ക്കി​നും വേ​ണ്ടി നി​ഷ്പ്ര​യാ​സം ചെ​യ്യാ​മാ​യി​രു​ന്ന ‘ഭ​ര​ണ സു​കൃ​ത​ങ്ങ​ള്‍’ മു​ഫ്തി മു​ഹ​മ്മ​ദോ മ​ഹ്ബൂ​ബ​യോ  ആ​യി​രു​ന്നോ ത​ട​സ്സ​പ്പെ​ടു​ത്തി​യ​ത്? എ​ന്നി​ട്ട് താ​ഴ്‌​വ​ര​യി​ലെ ക​ശ്മീ​രി​ക​ള്‍ക്കു വേ​ണ്ടി മാ​ത്ര​മാ​യി പി.​ഡി.​പി എ​ന്തു ചെ​യ്തു​വെ​ന്നാ​ണ് ബി.​ജെ.​പി ആ​രോ​പി​ക്കു​ന്ന​ത്? 2016 ജൂ​ലൈ മു​ത​ല്‍ അ​ഭം​ഗു​രം ന​ട​ത്തി​വ​രു​ന്ന പെ​ല്ല​റ്റ് ഗ​ണ്‍ വെ​ടി​വെ​പ്പു​ക​ളും  കൂ​ട്ട​ക്കൊ​ല​ക​ളും പ​ത്ര​വി​ല​ക്കും ഇ​ൻ​റ​ര്‍നെ​റ്റ് ക​ട്ടും സ്‌​കൂ​ള്‍ അ​ട​ച്ചി​ട​ലു​ക​ളും ആ​ണോ താ​ഴ്‌​വ​ര​യി​ലു​ള്ള​വ​ര്‍ക്കു മാ​ത്ര​മാ​യി ല​ഭി​ക്കു​ന്ന സ​വി​ശേ​ഷ സൗ​ക​ര്യ​ങ്ങ​ള്‍? ക​ശ്മീ​ര്‍ എ​ന്തെ​ന്ന് നേ​രി​ല്‍ കാ​ണാ​ത്ത​വ​ര്‍ക്ക് ദേ​ശീ​യ മാ​ധ്യ​മ പ​ണ്ഡി​റ്റു​ക​ള്‍ എ​ഴു​തി​വി​ടു​ന്ന  അ​സം​ബ​ന്ധ​ങ്ങ​ള്‍ വി​ശ്വ​സി​ക്കാ​നാ​യേ​ക്കും. ക​ഴി​ഞ്ഞ ര​ണ്ടു വ​ര്‍ഷ​മാ​യി ഒ​രു ജ​ന​ത സ​ഹി​ക്ക​വ​യ്യാ​തെ തെ​രു​വി​ലി​റ​ങ്ങി​യ സം​സ്ഥാ​ന​മാ​ണ​തെ​ന്ന സ​ത്യ​വും നാ​ണം​കെ​ട്ടാ​ണ് ബി.​ജെ.​പി പി​ന്‍വാ​ങ്ങു​ന്ന​തെ​ന്ന യാ​ഥാ​ര്‍ഥ്യ​വും ആ​രും അ​റി​യാ​ന്‍ പോ​കു​ന്നി​ല്ല. 

1990ക​ള്‍ക്കു ശേ​ഷം മു​സ​ഫ​റാ​ബാ​ദി​ലേ​ക്ക് ക​ശ്മീ​രി​ല്‍നി​ന്നു യു​വാ​ക്ക​ള്‍ പു​റ​പ്പെ​ട്ടു പോ​കു​ന്ന സാ​ഹ​ച​ര്യം പോ​ലും പു​തി​യ കേ​ന്ദ്ര​സ​ര്‍ക്കാ​റി​​​െൻറ ഭ​ര​ണ​കാ​ല​ത്തു​ണ്ടാ​യി. ബു​ര്‍ഹാ​ന്‍വാ​നി മാ​ത്ര​മാ​യി​രു​ന്നി​ല്ല കോ​ള​ജ് അ​ധ്യാ​പ​ക​ര്‍ അ​ട​ക്ക​മു​ള്ള  അ​ഭ്യ​സ്ത​വി​ദ്യ​രാ​യ ധാ​രാ​ളം യു​വാ​ക്ക​ളു​ടെ പു​തി​യ ത​ല​മു​റ തോ​ക്കേ​ന്തു​ന്നു​വെ​ന്ന് ഇ​ക്ക​ഴി​ഞ്ഞ ര​ണ്ടു വ​ര്‍ഷ​ത്തി​നി​ടെ പു​റ​ത്തു​വ​ന്ന എ​ണ്ണ​മ​റ്റ റി​പ്പോ​ര്‍ട്ടു​ക​ള്‍ തെ​ളി​യി​ച്ചു. ജ​മ്മു​വോ ല​ഡാ​ക്കോ ആ​യി​രു​ന്നി​ല്ല യ​ഥാ​ര്‍ഥ​ത്തി​ല്‍ ഒ​റ്റ​പ്പെ​ട്ട​ത്; താ​ഴ്‌​വ​ര​യി​ലെ  ജ​ന​ങ്ങ​ളാ​യി​രു​ന്നു. എ​ന്നി​ട്ടും തി​ക​ച്ചും വാ​സ്ത​വ വി​രു​ദ്ധ​മാ​യ  ഒ​രു പ്ര​സ്താ​വ​ന ന​ട​ത്താ​ന്‍ ബി.​ജെ.​പി ജ​ന​റ​ല്‍ സെ​ക്ര​ട്ട​റി ഡ​ല്‍ഹി​യി​ല്‍ തു​നി​ഞ്ഞ​ത് ക​ശ്മീ​രി​ല്‍ ബി.​ജെ.​പി ന​ട​ത്തി​വ​ന്ന നീ​തി​നി​ഷേ​ധ​ങ്ങ​ളു​ടെ പ​ട്ടി​ക​യി​ലെ അ​വ​സാ​ന​ത്തെ അ​ധ്യാ​യ​മാ​ണ്.  ക​ഠ്​​വ സം​ഭ​വം അ​ന്വേ​ഷി​ക്കാ​നും ന​ട​പ​ടി​യെ​ടു​ക്കാ​നും മ​ഹ്ബൂ​ബ മു​ഫ്തി കാ​ണി​ച്ച ഒ​രേ​യൊ​രു ‘ധി​ക്കാ​ര’​ത്തി​ലാ​വും ഈ ​പ്ര​സ്താ​വ​ന ഒ​ടു​വി​ല്‍ എ​ത്തി​നി​ല്‍ക്കു​ക. ബ​ലാ​ത്സം​ഗ കേ​സി​ലെ പ്ര​തി​ക​ള്‍ക്കു വേ​ണ്ടി സ്വ​ന്തം മ​ന്ത്രി​മാ​രെ രം​ഗ​ത്തി​റ​ക്കി ജ​മ്മു  ജ​ന​ത​യെ ക​ശ്മീ​ര്‍ ജ​ന​ത​ക്കെ​തി​രെ തി​രി​ച്ചു​വി​ട്ട, ബ​ലാ​ത്സം​ഗ കേ​സു​മാ​യി മു​ന്നോ​ട്ടു പോ​യാ​ല്‍ 1947ലെ ​വി​ഭ​ജ​ന​കാ​ല കൂ​ട്ട​ക്കൊ​ല​ക​ള്‍ വീ​ണ്ടു​മാ​വ​ര്‍ത്തി​ക്കു​മെ​ന്ന് സ്വ​ന്തം മ​ന്ത്രി​യെ​ക്കൊ​ണ്ട് പ്ര​സ്താ​വ​ന ന​ട​ത്തി​ച്ച്, എ​ല്ലാ​റ്റി​നു​മൊ​ടു​വി​ല്‍ അ​തേ മ​ന്ത്രി​മാ​രെ  പ​ര​സ്യ​മാ​യി പ്ര​തി​ക​ള്‍ക്കു വേ​ണ്ടി തെ​രു​വി​ലി​റ​ക്കി റാ​ലി ന​ട​ത്തി​ച്ച ബി.​ജെ.​പി എ​ന്ത് ‘കം​പാ​ഷ​നെ’​യും ‘കോ ​എ​ക്‌​സി​സ്​​റ്റ​ന്‍സി’​നെ​യും കു​റി​ച്ച സ​ന്ദേ​ശ​മാ​ണ് ജ​മ്മു-​ക​ശ്മീ​രി​നു ന​ല്‍കി​യ​ത്?  

ശു​ജാ​അ​ത്​ ബു​ഖാ​രി കൊ​ല്ല​പ്പെ​ട്ട​തോ​ടെ​ത്ത​ന്നെ ക​ശ്മീ​രി​ല്‍ അ​സാ​ധാ​ര​ണ​മാ​യ എ​ന്തോ ഒ​ന്ന് സം​ഭ​വി​ക്കാ​ന്‍ പോ​കു​ന്നു എ​ന്നു വ്യ​ക്ത​മാ​യി​രു​ന്നു. ഇ​ന്ത്യ​ക്കും പാ​കി​സ്​​താ​നു​മി​ട​യി​ല്‍ സ്വ​ന്തം സം​സ്ഥാ​ന​ത്തെ ജ​ന​ങ്ങ​ള്‍ക്കു വേ​ണ്ടി നി​ര​ന്ത​രം പ​ണി​യെ​ടു​ത്ത ബു​ഖാ​രി, എ​ന്തോ ഒ​രു ഒ​ത്തു​തീ​ര്‍പ്പ് ച​ര്‍ച്ച​യു​ടെ ഭാ​ഗ​മാ​യി​രു​ന്നു​വെ​ന്ന് സം​ശ​യി​ക്ക​പ്പെ​ടു​ന്ന​തി​നി​ട​യി​ല്‍ കൊ​ല്ല​പ്പെ​ട്ടു.  എ​ന്തി​​​െൻറ പേ​രി​ലാ​യി​രു​ന്നു ആ ​കൊ​ല​പാ​ത​ക​മെ​ന്ന് രാ​ജ്യം അ​റി​യാ​നി​ട​യി​ല്ല. മ​ഹ്ബൂ​ബ മു​ഫ്തി വ​ലി​യൊ​ര​ള​വോ​ളം ഈ ​ച​ര്‍ച്ച​ക​ളു​ടെ ഭാ​ഗ​മാ​യി​രു​ന്നു. അ​വ​രും പ​റ​യാ​ന്‍ പോ​കു​ന്നി​ല്ല. പ്ര​ത്യ​ക്ഷ​ത്തി​ലു​ള്ള ചോ​ര​ച്ചൊ​രി​ച്ചി​ല്‍ അ​ല്ലാ​തെ പു​തി​യ ഒ​രു  അ​ത്ഭു​ത​വും അ​വി​ടെ സം​ഭ​വി​ക്കു​ന്നു​ണ്ടാ​യി​രു​ന്നി​ല്ല.  മു​ന്‍ ഐ.​ബി മേ​ധാ​വി​യാ​യി​രു​ന്ന ദി​നേ​ശ്വ​ര്‍ ശ​ർ​മ​യു​ടെ കാ​ർ​മി​ക​ത്വ​ത്തി​ല്‍ 2017 മു​ത​ല്‍ ന​ട​ക്കു​ന്ന ച​ര്‍ച്ച​ക​ളി​ല്‍ ആ​രും പ​ങ്കെ​ടു​ക്കു​ന്നു​ണ്ടാ​യി​രു​ന്നി​ല്ല. ഹു​ര്‍റി​യ​ത്തി​ലെ മി​ത​വാ​ദി നേ​താ​ക്ക​ള്‍ പോ​ലും  ക​ടു​ത്ത ഇ​ന്ത്യ വി​രു​ദ്ധ​നാ​യ സ​യ്യി​ദ് അ​ലി​ഷാ ഗീ​ലാ​നി​യോ​ടൊ​പ്പം വാ​ർ​ത്ത​ക്കു​റി​പ്പു​ക​ള്‍ ഇ​റ​ക്കി ശ​ർ​മ​യെ ത​ള്ളി​പ്പ​റ​യു​ന്നു​ണ്ടാ​യി​രു​ന്നു. 

ജ​മ്മു-​ക​ശ്മീ​രി​ലു​ള്ള​ത് 250 മു​ത​ല്‍ 300 വ​രെ തീ​വ്ര​വാ​ദി​ക​ളാ​ണെ​ന്നും അ​വ​രെ നി​ഷ്‌​ക​രു​ണം വെ​ടി​വെ​ച്ചു കൊ​ന്നാ​ല്‍ തീ​രാ​വു​ന്ന​തേ ഉ​ള്ളൂ അ​വി​ട​ത്തെ പ്ര​ശ്‌​നം എ​ന്നും മോ​ദി ഗ​വ​ണ്‍മ​​െൻറി​ന​ക​ത്ത് ചി​ല കേ​ന്ദ്ര​ങ്ങ​ള്‍ മു​ന്നോ​ട്ടു​വെ​ക്കു​ന്ന സി​ദ്ധാ​ന്ത​മാ​ണ്  സം​സ്ഥാ​ന​ത്തെ സ്ഥി​തി​ഗ​തി​ക​ള്‍ ഇ​ത്ര വ​ഷ​ളാ​ക്കി​യ​ത്. ക​ശ്മീ​രി​യെ കൊ​ല്ലു​ന്ന​ത് പാ​കി​സ്​​താ​നു​ള്ള മ​റു​പ​ടി​യാ​യി അം​ഗീ​ക​രി​ക്കു​ന്ന പൊ​തു​ബോ​ധം ക​ഴി​ഞ്ഞ നാ​ലു വ​ര്‍ഷ​മാ​യി ഇ​ന്ത്യ​യി​ല്‍ ശ​ക്തി​പ്പെ​ട്ട​തോ​ടെ ആ​യു​ധ​മാ​ണ് പ്ര​ശ്‌​ന​പ​രി​ഹാ​ര​മെ​ന്ന  തെ​റ്റി​ദ്ധാ​ര​ണ​യി​ലേ​ക്ക് ഇ​ന്ത്യ അ​തി​വേ​ഗം നീ​ങ്ങി. അ​ജി​ത് ഡോ​വ​ലി​നു നേ​ര്‍ക്കാ​ണ് ഈ ​സി​ദ്ധാ​ന്ത​ത്തി​​​െൻറ പി​തൃ​ത്വം ആ​രോ​പി​ക്ക​പ്പെ​ടു​ന്ന​ത്. അ​തു കൊ​ണ്ടു​ത​ന്നെ ബി.​ജെ.​പി​യും പി.​ഡി.​പി​യും തെ​റ്റി​പ്പി​രി​യു​മ്പോ​ള്‍ ത​ത്ത്വ​ത്തി​ല്‍ ഭ​ര​ണം ഡ​ല്‍ഹി​യു​ടേ​തു  മാ​ത്ര​മാ​വു​ക​യും പേ​രി​നെ​ങ്കി​ലു​മു​ള്ള രാ​ഷ്​​ട്രീ​യ ചെ​റു​ത്തു​നി​ൽ​പ്​ അ​വ​സാ​നി​ക്കു​ക​യും ജ​മ്മു-​ക​ശ്മീ​രി​ല്‍ മ​നു​ഷ്യാ​വ​കാ​ശ ലം​ഘ​ന​ങ്ങ​ളു​ടെ പു​തി​യൊ​രു ദു​രി​ത​പ​ർ​വം തു​റ​ക്ക​പ്പെ​ടു​ക​യു​മാ​ണ് ചെ​യ്യു​ക. 

ഒ​രു​പ​ക്ഷേ, 2019ലെ ​തെ​ര​ഞ്ഞെ​ടു​പ്പ് സ്​​റ്റ​ണ്ടി​​​െൻറ  ഭാ​ഗ​മാ​യി 370ാം വ​കു​പ്പ്  എടുത്തുകളയുക എ​ന്ന ആ​ര്‍.​എ​സ്.​എ​സ് അ​ജ​ണ്ട​യും ഇ​ക്കൂ​ട്ട​ത്തി​ല്‍ പൊ​ന്തി​വ​ന്നേ​ക്കാം. അ​ല്ലാ​തെ ഭ​ര​ണ​പ​രാ​ജ​യം തി​രു​ത്താ​നോ സം​സ്ഥാ​ന​ത്തി​നോ രാ​ജ്യ​ത്തി​നോ വ​ല്ല ഗു​ണ​വും കൊ​ണ്ടു​വ​രാ​നോ അ​ല്ല ഇ​പ്പോ​ഴ​ത്തെ ഈ  ​പി​ന്‍വാ​ങ്ങ​ലെ​ന്ന് വ്യ​ക്തം. 

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kashmirarticlemehbooba muftymalayalam newsBJP-PDP alliance
News Summary - Kashmir - Article
Next Story