Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightആ വിജയഭേരിക്ക്​ വയസ്​...

ആ വിജയഭേരിക്ക്​ വയസ്​ 21

text_fields
bookmark_border
kargil-vijay-diwas.jpg
cancel

രാജ്യം കാർഗിൽ യുദ്ധ വിജയത്തിൻെറ സ്​മരണ പുതുക്കുകയാണ്​. പിറന്ന നാടിനെ സംരക്ഷിക്കാൻ ജീവൻ ബലി നൽകിക്കൊണ്ട് ധീര ജവാൻമാർ​ കാർഗിൽ മലമുകളിൽ വിജയഭേരി മുഴക്കിയിട്ട് 21 വർഷം പൂർത്തിയാകുന്നു. 

1999 മേയ് മൂന്നിനാണ് ജമ്മു-കശ്​മീരി​െല കാർഗിലിൽ ഇന്ത്യയും പാകിസ്​താനും തമ്മിൽ യുദ്ധം തുടങ്ങുന്നത്. ജൂലൈ 26 വരെ രണ്ടര മാസത്തോളം നീണ്ട യുദ്ധത്തിൽ ഔദ്യോഗിക കണക്കു പ്രകാരം 527 ഇന്ത്യൻ ജവാൻമാർ വീരമൃത്യു വരിച്ചു. 1363 പേർക്ക് പരിക്കേറ്റു. ഏകദേശം രണ്ട്​ ലക്ഷത്തോളം ജവാൻമാരാണ്​ യുദ്ധത്തിൽ പ​ങ്കെടുത്തത്​. അർധ സൈനിക വിഭാഗങ്ങളും വ്യോമസേനയും പ്രത്യേക സേനാവിഭാഗങ്ങളുമൊക്കെയായി ഏകദേശം 30,000ത്തോളം സൈനികർ നേരിട്ട്​ പങ്കാളികളായി. ആളും ആയുധങ്ങളുമായി ഇരു രാജ്യങ്ങൾക്കും കനത്ത നഷ്​ടങ്ങളാണ് യുദ്ധം​ സമ്മാനിച്ചത്​. 

kargil-war.jpg

െചറുതും വലുതുമായ അനേകം ​കുന്നുകളും മലകളുമടങ്ങിയ കാർഗിൽ ദുർഘടം പിടിച്ച വഴികൾ നിറഞ്ഞ പ്രദേ​ശമാണ്​. ഇൗ പ്രദേശത്ത്​ അതിർത്തിക്കപ്പുറത്തു നിന്ന്​ നുഴഞ്ഞു കയറ്റം ആരംഭിച്ചതോ​െടയാണ് ഇരുരാജ്യങ്ങളും തമ്മിലുള്ള​ പ്രശ്​നങ്ങൾക്ക്​ തുടക്കമായത്​. പ്രദേശത്ത്​ ആടിനെ മേയ്​ക്കാനായി പോയ ഗ്രാമീണരാണ്​ ആയുധധാരികളായ അജ്ഞാതരെ കുറിച്ച്​ ഇന്ത്യൻ സേനക്ക്​ വിവരം നൽകിയത്​. തെരച്ചിലിനായി പോയ ക്യാപ്​റ്റൻ സൗരഭ്​ കാലിയയുടെ നേതൃത്വത്തിലുള്ള അഞ്ച്​ സൈനികരെ പാക് പട്ടാളം പിടികൂടി വധിച്ചു. കണ്ണുകൾ ചൂഴ്​ന്നെടുത്തും ശരീരത്തിൽ സിഗരറ്റ്​ കുറ്റികൾ​െകാണ്ടും ചുട്ടുപഴുപ്പിച്ച കമ്പികൊണ്ടും പൊള്ളിച്ചും ശരീരഭാഗങ്ങൾ മുറിച്ചു മാറ്റിയും വികൃതമാക്കിയ മൃതദേഹങ്ങളാണ്​ പാകിസ്​താൻ ഇന്ത്യക്ക്​ നൽകിയത്​.

sourab-khalia.jpg

ഇന്ത്യൻ സൈന്യം മലയോരത്ത്​ തിരച്ചിൽ നടത്തുന്നതിനിടെ വീണ്ടും പാക്​ സൈന്യം ഇന്ത്യൻ പ്രദേശത്തേക്ക്​ തുടർച്ചയായി ഷെല്ലിങ്​ നടത്തുകയും ഒട്ടേറെ പോസ്​റ്റുകൾ തകർക്കുകയും ചെയ്തു. കാർഗിലിൻെറ വിവിധ ഭാഗങ്ങളിൽ ശത്രു സൈന്യം തീവ്രവാദികൾക്കൊപ്പം കടന്നതായും ഇവർ വിവിധ സ്ഥലങ്ങളിൽ പതിയിരിക്കുന്നതായും ഇന്ത്യക്ക്​ രഹസ്യ വിവരം ലഭിച്ചു. ഏറ്റവും ഉയർന്ന പ്രദേശമായ ​ടൈഗർ ഹില്ലിലടക്കം കയറിപ്പറ്റിയ പാക്​ സൈന്യത്തിനെതിരെ വലിയ സൈനിക നീക്കം തന്നെ വേണമെന്ന്​ രാജ്യം തീരുമാനമെടുക്കുകയായിരുന്നു. ഓപറേഷൻ വിജയ്​ എന്ന പേരിൽ സൈനിക നടപടിക്ക് പിന്നീട്​ ഇന്ത്യ തുടക്കം കുറിച്ചു. താഴ്​വാരത്ത് നിന്ന്​ മല മുകളിലേക്ക്​ പോരാട്ടം വ്യാപിപ്പിച്ചു. അതിനിടെ ഇന്ത്യയുടെ രണ്ട്​ യുദ്ധ വിമാനങ്ങൾ പാകിസ്​താൻ തകർക്കുകയുമുണ്ടായി. 

kargil-war2.jpg

ഗ്രനേഡ്​ ലോഞ്ചറുകളും മോർട്ടാറുകളുമടക്കം സർവ സന്നാഹങ്ങളുമായി ഇന്ത്യ പ്രത്യാക്രമണം ശക്തമാക്കി. ബൊഫോഴ്​സ് പീരങ്കികളും റോക്കറ്റ്​ ലോഞ്ചറുകളും പാക്​ സൈന്യത്തിന്​ നേരെ തീ തുപ്പി. കാർഗിൽ മലയുടെ മുകൾഭാഗം കൈയടക്കിവെച്ച പാക്​ സൈന്യത്തെ അവിടെ നിന്ന്​ തുരത്താനായതോടെ ഇന്ത്യ വിജയം കൈപ്പിടിയിലൊതുക്കുകയായിരുന്നു. നിരന്തരമായ പ്രത്യാക്രമണത്തിലൂടെ തന്ത്രപ്രധാന മേഖലകളായ ടൈഗർ ഹിൽസ്​, പോയിൻറ്​ 4590, തൊലോലിങ്​ തുടങ്ങിയ മേഖലകൾ ഇന്ത്യ തിരിച്ചു പിടിച്ചു​. 1999 ജൂലൈ 26ന്​ കാർഗിലിൽ ഇന്ത്യയുടെ വിജയ പതാക ഉയരത്തിൽ പാറി. ഇതിനിടെ നിരവധി സൈനികരെ രാജ്യത്തിന്​ നഷ്​ടമായി.

kargil1.jpg

രാജ്യത്തിന്​ വേണ്ടി വീരചരമം പുൽകിയ മലയാളി ജവാൻമാരായ ലഫ്​. കേണൽ ആർ. വിശ്വനാഥൻ, ക്യാപ്​റ്റൻ പി.വി. വിക്രം, ക്യാപ്​റ്റൻ എം വി. സൂരജ്​, ക്യാപ്​റ്റൻ ആർ. ജെറി പ്രേംരാജ്​, സജീവ്​ ഗോപാല പിള്ള, യുദ്ധമുഖത്ത്​ സജീവമായിരുന്ന എയര്‍ വൈസ് മാര്‍ഷല്‍ നാരായണ മേനോന്‍, വിങ് കമാന്‍ഡര്‍ രഘുനാഥ് നമ്പ്യാര്‍, ക്യാപ്​റ്റൻ സാജു ചെറിയാൻ, ക്യാപ്​റ്റൻ മാത്യൂസ്​, കുഞ്ഞികൊമ്പിൽ ജോസഫ്​ എന്നിവരെ സ്​മരിക്കാതിരിക്കാനാവില്ല.

ഇന്ത്യൻ സൈനിക ശക്​തിയുടെയും പോരാട്ട വീര്യത്തി​േൻറയും വിജയമായിരുന്നു കാർഗിലിൽ സംഭവിച്ചത്​.1999 മുതൽ എല്ലാ വർഷവും ജൂലൈ 26 കാർഗിൽ വിജയദിവസമായി രാജ്യം ആചരിച്ചു വരികയാണ്​. 

kargil2.jpg

കാർഗിലിൽനിന്ന്​ ഏകദേശം 50 കി.മീ അകലെ ദ്രാസിലെ യുദ്ധസ്മാരകത്തിൽ വീരമൃത്യു വരിച്ച സൈനികരോടുള്ള​ ആദരമായി കത്തിച്ചു​വെച്ച കെടാ ദീപം ഇപ്പോഴും കാണാം. കാർഗിൽ രക്തസാക്ഷികളുടെ പേരുകൾ കൊത്തി​െവച്ച സ്മാരകശിലകൾ അർധവൃത്താകൃതിയിൽ അവിടെ വിന്യസിച്ചിട്ടുമുണ്ട്. പാക് പട്ടാളക്കാരിൽനിന്ന്​ പിടിച്ചെടുത്ത യന്ത്രത്തോക്കുകളും ഇവിടെ പ്രദർശിപ്പിച്ചിട്ടുണ്ട്​.

Kargil-war-memmorial.jpg

രാജ്യത്തിന്​ വേണ്ടി ജീവൻ ബലി നൽകിയ ജവാന്മാരുടെ പേരുകൾ കൊത്തി​െവച്ച മെമോറിയൽ വാളും യുദ്ധത്തി​​​െൻറ 13ാം വർഷത്തിൽ സ്ഥാപിച്ച 15 കിലോയോളം ഭാരം വരുന്ന ഇന്ത്യൻ പതാകയും അഭിമാനമായി നിലകൊള്ളുന്നു. 

kargil-war-memmorial-2.jpg

ക്യാപ്​റ്റൻ വിക്രം പാണ്ഡെയുടെ പേരിലുള്ള മ്യൂസിയം ഇന്ത്യൻ സൈനികരുടെ ത്യാഗോജ്വലതയ​ുടേയും ധീരതയുടേയും അനുഭവ സാക്ഷ്യങ്ങളാണ്​. 

Show Full Article
TAGS:Kargil Vijay Diwas kargil war Opinion News article malayalam news 
News Summary - kargil vijaya diwas have 21 years -india news
Next Story