Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_rightക​വി​മൊഴി​

ക​വി​മൊഴി​

text_fields
bookmark_border
ക​വി​മൊഴി​
cancel

ജ​നാ​ധി​പ​ത്യ, മ​തേ​ത​ര ഭ​ര​ണ​കൂട​ത്തെ ‘ജു​റാ​സി​ക്​ റി​പ്പ​ബ്ലി​ക്കാ’​യി പ​രി​വ​ർ​ത്തി​പ്പി​ക്കു​ക എ​ന്ന മ​ഹ​ത്താ​യ ല​ക്ഷ്യ​ത്തോ​ടെ അ​മി​ത്​ ഷാ ​മു​േ​ന്നാ​ട്ടു​വെ​ച്ച ബി​ല്ലി​നെ​ച്ചൊ​ല്ലി പാ​ർ​ല​മെ​ൻ​റി​ൽ ക​ല​ഹം മു​ർ​ച്ഛി​ച്ച​പ്പോ​ൾ ഓ​ർ​മ​വ​ന്ന​ത്​ മ​റ്റൊ​രു സം​ഭ​വ​മാ​ണ്. 20 വ​ർ​ഷം മു​മ്പ്​ ഇ​തേ വേ​ദി​യി​ലാ​യി​രു​ന്നു ആ ​ക​ല​ഹ​വും അ​ര​ങ്ങേ​റി​യ​ത്. ആ ​സ​മ​യ​ത്ത്, മോ​ദി​യും അ​മി​ത്​ ഷാ​യു​മൊ​ന്നും ചി​ത്ര​ത്തി​ലേ ഇ​ല്ല. കാ​വി​പ​ക്ഷ​ത്ത്​ അ​ക്കാ​ല​ത്ത്​ നി​ല​യു​റ​പ്പി​ച്ച​ത്​ ആ​ചാ​ര്യ​ന്മാ​രാ​യ വാ​ജ്​​പേ​യി​യും അ​ദ്വാ​നി​യു​മൊ​ക്കെ. പ്ര​തി​പ​ക്ഷം ദു​ർ​ബ​ലം. ശ​ര​ദ്​​ പ​വാ​ർ അ​ട​ക്ക​മു​ള്ള​വ​ർ കൂ​ടാ​രം വി​ട്ട​തി​െ​ൻ​റ ക്ഷീ​ണ​ത്തി​ലാ​ണ്​ ദേ​ശീ​യ പ്ര​സ്ഥാ​നം.

മു​ന്നി​ൽ​നി​ന്ന്​ ന​യി​ക്കാ​ൻ പ​രി​ണ​ത​പ്ര​ജ്ഞ​രാ​യ നേ​താ​ക്ക​ൾ കാ​ര്യ​മാ​യി​ട്ട്​ ഇ​ല്ല എ​ന്നുത​ന്നെ പ​റ​യാം. കാ​ർ​ഗി​ൽ യു​ദ്ധം അ​വ​സാ​നി​ച്ച സ​മ​യം​കൂ​ടി​യാ​ണ​ത്. യു​ദ്ധ വി​ജ​യം പാ​ർ​ല​മെ​ൻ​റി​ൽ ആ​ഘോ​ഷി​ച്ച്​ രാ​ഷ്​​ട്രീ​യ മൈ​ലേ​ജ്​ നേ​ടി​യെ​ടു​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ്​ വാ​ജ്​​പേ​യിയും സം​ഘ​വും സ​ഭ​യി​ലെ​ത്തി​യ​ത്. സ​ഭാ​ന​ട​പ​ടി​ക​ൾ തു​ട​ങ്ങി​​യ​പ്പോ​ൾ കാ​ര്യ​ങ്ങ​ൾ ​ശ​രി​ക്കും കൈ​വി​ട്ടു. യു​ദ്ധ​സ​മ​യ​ത്ത്, പാ​കി​സ്​​താ​നി​ൽ​നി​ന്ന്​ പ​ഞ്ച​സാ​ര ഇ​റ​ക്കു​മ​തി ചെ​യ്​​ത​തെ​ന്തി​ന്​ എ​ന്ന ക​പി​ൽ സി​ബ​ലി​െ​ൻ​റ ഒ​റ്റ ചോ​ദ്യ​ത്തി​ൽ അ​ട​ൽ​ജി വി​യ​ർ​ക്കാ​ൻ തു​ട​ങ്ങി. പ​റ​ഞ്ഞു പ​റ​ഞ്ഞു എ​വി​ടെ​യെ​ത്തി​യെ​ന്നു ചോ​ദി​ച്ചാ​ൽ, ഈ ​സ​മ​യ​ത്ത്​ പ​ഞ്ച​സാ​ര ക​യ​റ്റു​മ​തി​ചെ​യ്​​ത വ​ക​യി​ൽ പാ​കി​സ്​​താ​നു ല​ഭി​ച്ച വ​രു​മാ​നം മൂ​ല​മാ​ണ്​ ഇ​ന്ത്യ​ൻ സൈ​നി​ക​ർ കാ​ർ​ഗി​ലി​ൽ കൊ​ല്ല​പ്പെ​ട്ട​തെ​ന്നു​വ​രെ ക​പി​ൽ സി​ബ​ൽ സ്ഥാ​പി​ച്ചു. നോ​ക്ക​ണേ, പാ​ർ​ല​മെ​ൻ​റ​റി രാ​ഷ്​​ട്രീ​യ​ത്തി​ൽ ആ ​സ​മ​യ​ത്ത്​ ഒ​രു വ​ർ​ഷം പോ​ലും അ​നു​ഭ​വ​മി​ല്ലാ​തി​രു​ന്ന ക​പി​ലി​െ​ൻ​റ പ്ര​ക​ട​നം. അ​ദ്ദേ​ഹ​ത്തി​െ​ൻ​റ ഒ​റ്റ​യാ​ൾ പ​ട്ട​ാളം പാ​ർ​ല​മെ​ൻ​റി​ലെ ‘കാ​ർ​ഗി​ൽ സേ​ന​’​യെ നി​ലം​പ​രി​ശാ​ക്കി​ക്ക​ള​ഞ്ഞു. ര​ണ്ടു പ​തി​റ്റാ​ണ്ടി​നി​പ്പു​റം ആ ​ശൗ​ര്യം കൂ​ടി​യി​​ട്ടേ​യു​ള്ളൂ. അ​താ​ണ്​ പൗ​ര​ത്വ ബി​ൽ രാ​ജ്യ​സ​ഭ​യി​ലെ​ത്തി​യ​പ്പോ​ൾ ക​ണ്ട​ത്. ബി​ൽ പാ​സാ​കു​മെ​ന്നു​റ​പ്പു​ണ്ടാ​യി​ട്ടും പൊ​തു​ജ​നാ​ഭി​പ്രാ​യം അ​തി​നെ​തി​രാ​ക്കു​ന്ന​തി​ൽ ക​പി​ൽ വി​ജ​യി​​െച്ചന്ന്​ ഇ​ന്ന​​ല​ത്തെ രാം​ലീ​ല മൈ​താ​നം സാ​ക്ഷ്യം പ​റ​യും. ഇ​ക്കാ​ര്യ​ത്തി​ൽ പോ​രാ​ട്ടം അ​വ​സാ​നി​ക്കു​ന്നി​ല്ല. ബാ​ക്കി അ​ങ്കം പ​ര​മോ​ന്ന​ത നീ​തി​പീ​ഠ​ത്തി​നു മു​ന്നി​ലേ​ക്ക്​ മാ​റ്റി​വെ​ച്ചി​രി​ക്കുക​യാ​ണ്.

ര​ണ്ടാം യു.​പി.​എ സ​ർ​ക്കാ​റി​​ൽ ടെ​ലി ക​മ്യൂ​ണി​ക്കേ​ഷ​ൻ വ​കു​പ്പി​െ​ൻ​റ ചു​മ​ത​ല വ​ഹി​ക്കു​ന്ന കാ​ലം. ആ ​സ​മ​യ​ത്ത്​ കേ​ര​ള​ത്തി​ലെ​ത്തി​യ ക​പി​ൽ വി​ശ്ര​മ​ത്തി​നാ​യി തെ​ര​ഞ്ഞെ​ടു​ത്ത​ത്​ കു​മ​ര​ക​ത്തെ ഒ​രു റി​സോ​ർ​ട്ടാ​ണ്. കാ​യ​ൽ​ക്ക​ര​യി​ൽ പ്ര​ശാ​ന്ത സ​ന്ധ്യ​യി​ൽ ചെ​റി​യൊ​രു സ​ദ​സ്സി​നു മു​മ്പാ​കെ, ത​െ​ൻ​റ ഫോ​ണി​ൽ നോ​ക്കി അ​ദ്ദേ​ഹം ഇ​പ്ര​കാ​രം വാ​യി​ച്ചു. ‘‘ഉ​സ്​​പാ​ർ ക്യാ ​ഹേ/​ഖു​ദാ യേ ​തോ ബ​താ/​മേ ഇ​സ്​​പാ​ർ ബൈ​ഠാ/​മേ​രേ മു​ഖ​ദം മേ/ ​ക്യാ ഹേ ​ലി​ഖാ ഹു​വാ...’’ ഡ​ൽ​ഹി​യി​ൽ​നി​ന്നു​ള്ള വി​മാ​ന​ത്തി​ലി​രു​ന്ന​പ്പോ​ൾ കു​ത്തി​ക്കു​റി​ച്ച വ​രി​ക​ളാ​യി​രു​ന്നു അ​ത്. ദൈ​വ​വു​മാ​യി കാ​ഴ്​​ച​പ​രി​മി​ത​നാ​യ ഒ​രാ​ൾ ന​ട​ത്തു​ന്ന സം​ഭാ​ഷ​ണ​മാ​ണ്​ ഈ ​ക​വി​ത. ന​മ്മു​ടെ സു​ധാ​ക​ര ​മ​ന്ത്രി​യെ​പ്പോ​ലെ​യാ​ണ്​ ആ​ളെ​ന്ന​ർ​ഥം. ഇ​ത്ത​രം കു​ഞ്ഞു​സ​ദ​സ്സുക​ൾ ഒ​ത്തു​വ​ന്നാ​ൽ മു​മ്പ്​ മ​ന​സ്സിൽ​കു​റി​ച്ച ര​ണ്ടുവ​രി ക​വി​ത ചൊ​ല്ലു​ക എ​ന്ന​ത്​ പ​തി​വാ​ണ്. ആ ​വ​ക​യി​ൽ ര​ണ്ടു മൂ​ന്ന്​ ക​വി​താ സ​മാ​ഹാ​ര​ങ്ങ​ളു​ടെ ക​ർ​ത്താ​വു​മാ​ണ്. ഇ​ക്കാ​ര്യ​ത്തി​ൽ കൃ​ത്യ​മാ​യ നി​ല​പാ​ടു​ണ്ട്​: രാ​ഷ്​​ട്രീ​യ​ത്തി​ൽ പാ​ർ​ട്ടി ലൈ​ൻ വി​​ട്ടൊ​രു ക​ളി​യു​മി​ല്ല;

kapil-sibal

പ​​േക്ഷ, ക​വി​ത​യി​ൽ അ​ത്ത​രം ഒരു നി​ഷ്​​ക​ർ​ഷ​യു​മി​ല്ല; അ​തി​രു​ക​ളി​ല്ലാ​തെ ഏ​തു ദി​ക്കി​ലേ​ക്കും യ​ഥേ​ഷ്​​ടം പ​റ​ക്കാം. പ​​േക്ഷ, ഇ​ക്കു​റി കാ​ര്യ​ങ്ങ​ൾ നേ​രെ തി​രി​ച്ചാ​യി. ക​പി​ൽ ക​വി​ത​യി​ലാ​ണ്​ കൃ​ത്യ​മാ​യ പാ​ർ​ട്ടി​ലൈ​ൻ സ്വീ​ക​രി​ച്ച​ത്. അ​ങ്ങ​നെ​യാ​ണ്​ ‘ജു​റാ​സി​ക്​ റി​പ്പ​ബ്ലി​ക്കി​ലെ ര​ണ്ട്​ ദി​നോ​സ​റു​ക​ൾ’ എ​ന്ന ക​വി​ത സം​ഭ​വി​ക്കു​ന്ന​ത്. പൗ​ര​ത്വ ബി​ല്ലി​നെ മു​സ്​​ലിം​ക​ളാ​രും ഭ​യ​പ്പെ​ടേ​ണ്ട​തി​ല്ലെ​ന്ന അ​മി​ത്​ ഷാ​യു​ടെ ‘ആ​ശ്വാ​സ വാ​ക്കു​ക​ളാ’​ണ്​ ക​വി​ക്ക്​ പ്ര​ചോ​ദ​ന​മെ​ന്ന്​ ക​രു​ത​ണം. കാ​ര​ണം, ആ​ദ്യ​വ​രി​ക​ളി​ൽ അ​ക്കാ​ര്യം വ​രു​ന്നു​ണ്ട്​: ‘‘താ​ങ്ക​ളെ ആ​ര്​ ഭ​യ​പ്പെ​ടു​ന്നു​വെ​ന്നാ​ണ്​ ധ​രി​ച്ചി​രി​ക്കു​ന്ന​ത്​/ ഒ​രു മു​സ്​​ലി​മും അ​ങ്ങ​നെ ഭ​യ​പ്പെ​ടു​ന്നി​ല്ല/ എ​നി​ക്കും ഭ​യ​മി​ല്ല/​ഞ​ങ്ങ​ൾ​ക്ക്​ ഭ​യം ഭ​ര​ണ​ഘ​ട​നയെക്കു​റി​ച്ച്​ മാ​ത്ര​മാ​ണ്​’’. ക​ണ്ണു​രു​ട്ടി​യ അ​മി​ത്​ ജി​യോ​ട്​ ഇ​ത്ര​കൂ​ടി പ​റ​ഞ്ഞാ​ണ്​ കവി​ത അ​വ​സാ​നി​ക്കു​ന്ന​ത്​:‘‘ ഇ​ന്ത്യ​യെ​ന്ന ആ​ശ​യ​ത്തെ അ​റി​യാ​ത്ത​വ​ർ​ക്ക്​ ഇ​ന്ത്യ​യെ ര​ക്ഷി​ക്കാ​നു​മാ​കി​ല്ല’’. ഈ ​വ​രി​ക​ളാ​ണ്​ തൊ​ട്ട​ടു​ത്ത മ​ണി​ക്കൂ​റു​ക​ളി​ൽ പ​തി​നാ​യി​ര​ങ്ങ​ളെ തെ​രു​വി​ലി​റ​ക്കി​യ​ത്​; കാ​മ്പ​സ്​ ഗേ​റ്റു​ക​ൾ ലോ​ങ്​ മാ​ർ​ച്ചു​ക​ൾ​ക്ക്​ തു​റ​ന്നു​കൊ​ടു​ക്ക​പ്പെ​ട്ട​തും രാം ​ലീ​ല മൈ​താ​നം ഒ​രി​ക്ക​ൽ കൂ​ടി ജ​ന​സാ​ഗ​ര​മാ​യ​തും ഇ​ങ്ങ​നെ​യൊ​ക്കെ​യാ​ണ്.

ചോ​ദി​ച്ചാ​ൽ പ​റ​യാ​നൊ​രു ജോ​ലി​യു​ണ്ട്​: അ​ഭി​ഭാ​ഷ​ക​നാ​ണ്. ക​പി​ലി​നെ സം​ബ​ന്ധി​ച്ച്, രാ​ഷ്​​ട്രീ​യ​ക്കാ​ർ അ​ല​ങ്കാ​ര​ത്തി​നു കൊ​ണ്ടു​ന​ട​ക്കു​ന്ന പ​ദ​വി​യ​ല്ല ആ ​ജോ​ലി. പി​ടി​പ്പ​തു പ​ണി​യു​ള്ള വ​ക്കീ​ലു​മാ​രു​ടെ കൂട്ട​ത്തി​ലാ​ണ്. ക​ഴി​ഞ്ഞ നാ​ല​ര പ​തി​റ്റാ​ണ്ടി​ലേ​റെ​യാ​യി അ​തു​ വൃ​ത്തി​യാ​യി ചെ​യ്യു​ന്നു​മു​ണ്ട്. 70ക​ളു​ടെ തു​ട​ക്ക​ത്തി​ൽ, എ​ൽ.എ​ൽ.​ബി ബി​രു​ദം മാ​ത്ര​മു​ള്ള കാ​ല​ത്ത്​ സി​വി​ൽ സ​ർ​വിസ്​ യോ​ഗ്യ​ത നേ​ടി​യി​രു​ന്നു. അ​ന്ന്​ ഡ​ൽ​ഹി ബാ​ർ ​അ​സോ​സി​യേ​ഷ​നി​ലെ സാ​ധാ​ര​ണ അം​ഗം മാ​ത്ര​മാ​യി​രു​ന്ന ക​പി​ൽ സി​ബ​ലി​ന്​ അ​തൊ​രു വ​ലി​യ സാ​ധ്യ​ത​യാ​യി​രു​ന്നു. എ​ന്നി​ട്ടും ഐ.​എ.​എ​സ്​ പ​ട്ടം വേ​ണ്ടെ​ന്നു​​വെ​ച്ചു. അ​ഭി​ഭാ​ഷ​ക​വൃ​ത്തി​യി​ൽ തു​ട​ർ​ന്നു. അ​തൊ​ക്കെ ക​ഴി​ഞ്ഞാ​ണ്​ ഹാ​ർവഡി​ൽ​നി​ന്ന്​ നി​യ​മ​ത്തി​ൽ ബി​രു​ദാ​ന​ന്ത​ര ബി​രു​ദ​മൊ​െ​ക്ക നേ​ടി​യ​ത്. 1983 മു​ത​ൽ സീ​നി​യ​ർ അ​ഭി​ഭാ​ഷ​ക​നാ​ണ്. 89ൽ ​അ​ഡീ​ഷ​ന​ൽ സോ​ളി​സി​റ്റ​ർ ജ​ന​റ​ലാ​യി.

ഈ ​കാ​ല​ത്തു​ത​ന്നെ സു​പ്രീം​കോ​ട​തി ബാ​ർ അ​സോ​സി​യേ​ഷ​ൻ പ്ര​സി​ഡ​ൻ​റ്​ വ​രെ​യാ​യി. 1998ലാ​ണ്​ ആ​ദ്യ​മാ​യി പാ​ർ​ല​മെ​ൻ​റി​ലെ​ത്തു​ന്ന​ത്. രാ​ജ്യ​സ​ഭ വ​ഴി​യാ​യി​രു​ന്നു പ്ര​വേ​ശനം. 2004ൽ, ​ഡ​ൽ​ഹി ചാ​ന്ദ്​​നി ചൗ​ക്കി​ൽ​നി​ന്ന്​ 72 ശ​ത​മാ​നം വോ​ട്ട്​ വാ​ങ്ങി സ്​​മൃ​തി ഇ​റാ​നി​യെ ത​റ​പ​റ്റി​ച്ചാ​ണ്​ ആ​ദ്യ​മാ​യി ലോ​ക്​​സ​ഭ​യി​ലെ​ത്തി​യ​ത്. ഒ​ന്നാം യു.​പി.​എ സ​ർ​ക്കാ​റി​ൽ ശാ​സ്​​ത്ര സാ​​ങ്കേ​തി​ക മ​ന്ത്രി​യാ​യി. 2009ലും ​ചാ​ന്ദ്​​നി ചൗ​ക്കി​ൽ വി​ജ​യം ആ​വ​ർ​ത്തി​ച്ചു. ര​ണ്ടാം യു.​പി.​എ​യി​ൽ ഐ.​ടി, മാ​ന​വ​ശേ​ഷി, നി​യ​മം തു​ട​ങ്ങി​യ വ​കു​പ്പു​ക​ൾ വി​വി​ധ സ​മ​യ​ത്താ​യി കൈ​കാ​ര്യം ചെ​യ്​​തു. സൂനാ​മി, ഭൂ​ക​മ്പം തു​ട​ങ്ങി​യ പ്ര​കൃ​തി പ്ര​തി​ഭാ​സ​ങ്ങ​ൾ മു​ൻ​കൂ​ട്ടി അ​റി​യു​ന്ന​തി​നു​ള്ള യ​ന്ത്ര​ങ്ങ​ൾ രാ​ജ്യ​ത്ത്​ ആ​ദ്യ​മാ​യി സ്ഥാ​പി​ച്ച​യാ​ൾ എ​ന്ന ഖ്യാ​തി​കൂ​ടി​യു​ണ്ട്. പ​ക്ഷേ, ആ ​ഡി​റ്റ​ക്​​ട​റു​ക​ളി​ൽ രാ​ഷ്​​ട്രീ​യ സൂനാ​മി​യെ​ക്കു​റി​ച്ച മു​ന്ന​റി​യി​പ്പു​ക​ളി​ല്ലാ​യി​രു​ന്നു. 2014ൽ, 17 ​ശ​ത​മാ​നം വോ​ട്ടാ​ണ്​ ആ​കെ കി​ട്ടി​യ​ത്​; എ​ട്ടു​നി​ല​യി​ൽ പൊ​ട്ടി. ര​ണ്ടു വ​ർ​ഷം ക​ഴി​ഞ്ഞ്​ വീ​ണ്ടും രാ​ജ്യ​സ​ഭ വ​ഴി പാ​ർ​ല​മെ​ൻ​റി​ലെ​ത്തി.

kapil-sibal

1948 ആ​ഗ​സ്​​റ്റ്​ എ​ട്ടി​ന്​ പ​ഞ്ചാ​ബി​ലെ ജ​ല​ന്ധ​റി​ൽ ജ​ന​നം. നി​യ​മ​ജ്ഞ​രി​ൽ ജീ​വി​ക്കു​ന്ന ഇ​തി​ഹാസം എ​ന്ന്​ ഡ​ൽ​ഹി ബാ​ർ ​അ​സോ​സി​യേ​ഷ​ൻ വി​ശേ​ഷി​പ്പി​ച്ച പ​ത്മ​ഭൂ​ഷ​ൺ ജേ​താ​വ്​ ഹീ​രാ ലാ​ൽ സി​ബ​ൽ ആ​ണ്​ പി​താ​വ്. മാ​താ​വ്​ കൈ​ലാ​ശ്​ റാ​ണി. ചണ്ഡി​ഗ​ഢി​ലാ​യി​രു​ന്നു സ്​​കൂ​ൾ വി​ദ്യാ​ഭ്യാ​സം. കോ​ള​ജ്​ പ​ഠ​നം ഡ​ൽ​ഹി​യി​ലെ സെ​ൻ​റ്​ സ്​​റ്റീ​ഫ​ൻ​സി​ലും. എ​ൽ.എ​ൽ.​ബി​ക്കു പു​റ​മെ, ച​രി​ത്ര​ത്തി​ൽ ബി​രു​ദാ​ന​ന്ത​ര ബി​രു​ദ​വു​മു​ണ്ട്. അ​ക്കാ​ല​ത്ത്, കാ​മ്പ​സി​ലെ ഷേ​ക്​​സ്​​പി​യ​ർ ക്ല​ബി​ലൊ​ക്കെ അം​ഗ​മാ​യി​രു​ന്നു. അ​ന്ന്​ ജൂ​ലി​യ​സ്​ സീ​സ​റാ​യി വേ​ഷ​മി​ട്ട​പ്പോ​ൾ നാ​യി​ക​യാ​യി അ​ര​ങ്ങി​ലെ​ത്തി​യ​ത്​ ജൂ​നി​യ​റാ​യി പ​ഠി​ച്ചി​രു​ന്ന വൃ​ന്ദ കാ​രാ​ട്ടാ​ണ്. അ​ന്ന​വ​ർ വൃ​ന്ദാ ദാ​സ്​ ആ​യി​രു​ന്നു. ഹാർ​വഡി​ൽ​നി​ന്ന്​ പ​ഠ​ച്ചി​റ​ങ്ങി​യ​ശേ​ഷ​മാ​ണ്​ വ​ക്കീ​ൽ​പ​ണി​യി​ൽ കൂ​ടു​ത​ൽ ശ്ര​ദ്ധി​ച്ച​ത്. പി​ന്നീ​ട​ത്​ പാ​ർ​ല​മെ​ൻ​റ​റി രാ​ഷ്​​ട്രീ​യ​ത്തി​ലേ​ക്കും എ​ത്തി. എ​ന്തൊ​ക്കെ പ​റ​ഞ്ഞാ​ലും ആ​ളൊ​രു കോ​ൺ​ഗ്ര​സു​കാ​ര​നാ​ണ​ല്ലോ. അ​തി​െ​ൻ​റ ചി​ല കു​റ​വു​ക​ളു​ണ്ടാ​കും.

വോ​ഡ​ഫോ​ൺ അ​ഴി​മ​തി​യി​ൽ ചെ​ന്നു​പെ​ട്ട​തും 2ജി ​കേ​സി​ൽ അ​നാ​വ​ശ്യ​മാ​യ പ്ര​സ്​​താ​വ​ന​ക​ൾ ന​ട​ത്തി​യ​തു​മൊ​ക്കെ അ​ങ്ങ​നെ ക​ണ്ടാ​ൽ മ​തി. രാ​ജ്യ​ത്ത്​ ഇ​ൻ​റ​ർ​നെ​റ്റ്​ സെ​ൻ​സ​ർ​ഷി​പ്പി​നു​ള്ള ചു​വ​ടുവെ​ച്ച​തി​െ​ൻ​റ മ​റ്റൊ​രു​ പേ​രു​ദോ​ഷ​വു​മു​ണ്ട്. ന​ല്ലൊ​രു ക്രി​ക്ക​റ്റ്​​ പ്രേ​മി​കൂ​ടി​യാ​ണ്. ഇ​ന്ത്യ-​ആ​സ്​​ട്രേ​ലി​യ മ​ത്സ​ര​ത്തി​നാ​യി ക​മ​ൻ​റ​റി ബോ​ക്​​സി​ലും എ​ത്തി​യി​ട്ടു​ണ്ട്. ആ​ദ്യ ഭാ​ര്യ നീ​ന സി​ബ​ൽ 2000 ത്തിൽ ​അന്തരിച്ചു. ഐ.​എ​ഫ്.​എ​സ്​ ഉ​ദ്യോ​ഗ​സ്​​ഥ​യാ​യി​രു​ന്നു അ​വ​ർ. 2005ൽ, ​പ്രോ​മി​ല സി​ബ​ലി​നെ വി​വാ​ഹം ചെ​യ്​​തു. ആ​ദ്യ​ വി​വാ​ഹ​ത്തി​ൽ ര​ണ്ട്​ മ​ക്ക​ൾ: അ​മി​ത്, അ​ഖി​ൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kapil sibalKapil Sibal Profile
News Summary - Kapil Sibal's profile-Article
Next Story