ക​റപു​ര​ളാ​ത്ത ന്യായാധിപ

ഇ​ന്ത്യ​യി​ലെ ജ​ഡ്ജി​മാ​ർ​ക്കി​ട​യി​ൽ മ​ഹ​നീ​യ സാ​ന്നി​ധ്യം അ​ല​ങ്ക​രി​ച്ചി​രു​ന്ന വ്യ​ക്തി​യാ​യി​രു​ന്നു ജ​സ്റ്റി​സ് ഫാ​ത്തി​മ ബീ​വി. മു​നി​സി​ഫ് ജ​ഡ്ജി​യാ​യി സ​ർ​വി​സി​ൽ ക​യ​റി രാ​ജ്യ​ത്തെ ആ​ദ്യ വ​നി​ത സു​പ്രീം​കോ​ട​തി ജ​ഡ്ജി വ​രെ​യാ​യി എ​ത്തി​ച്ചേ​ർ​ന്ന​യാ​ളാ​ണ്.

യാ​ഥാ​സ്ഥി​തി​ക മു​സ്‍ലിം കു​ടും​ബ​ത്തി​ൽ​നി​ന്ന് പെ​ൺ​കു​ട്ടി​ക​ൾ എ​ൽ​എ​ൽ.​ബി പ​ഠ​നം തി​ര​ഞ്ഞെ​ടു​ക്കാ​ത്തൊ​രു കാ​ല​ത്ത് തി​രു​വി​താം​കൂ​റി​ൽ​നി​ന്ന് ആ​ദ്യ​മാ​യി എ​ൽ​എ​ൽ.​ബി പാ​സാ​യ മു​സ്‍ലിം വ​നി​ത എ​ന്ന​തു​ത​ന്നെ ച​രി​ത്ര​മാ​ണ്. ശേ​ഷം അ​വ​ർ മു​നി​സി​ഫാ​യി തി​ര​ഞ്ഞെ​ടു​ക്ക​പ്പെ​ട്ടു. അ​വി​ടെ നി​ന്ന് പ​ടി​പ​ടി​യാ​യി ഉ​യ​ർ​ന്നാ​ണ് 1983ൽ ​കേ​ര​ള ഹൈ​കോ​ട​തി ജ​ഡ്ജി​യാ​വു​ന്ന​ത്.

1989ൽ ​സു​പ്രീം​കോ​ട​തി​യി​ലെ ആ​ദ്യ വ​നി​ത ജ​ഡ്ജി​യാ​യി ചു​മ​ത​ല​യേ​റ്റു. വ​ള​രെ മി​ക​ച്ച ഒ​രു വി​ധി​ന്യാ​യ കാ​ല​ഘ​ട്ട​മാ​യി​രു​ന്നു ജ​സ്റ്റി​സ് ഫാ​ത്തി​മ ബീ​വി​യു​ടേ​ത്. തി​ക​ച്ചും നീ​തി​പൂ​ർ​വ​ക​മാ​യ വി​ധി​പ്ര​സ്താ​വ​ങ്ങ​ളും അ​ഭി​ഭാ​ഷ​ക​ർ​ക്ക് പ്ര​ഫ​ഷ​ന​ൽ ഇ​ട​പെ​ട​ലു​ക​ൾ​ക്കു​ണ്ടാ​യി​രു​ന്ന സ്വാ​ത​ന്ത്ര്യ​വു​മാ​യി​രു​ന്നു അ​വ​രെ ശ്ര​ദ്ധേ​യ​യാ​ക്കി​യ​ത്.

സു​പ്രീം​കോ​ട​തി ജ​ഡ്ജി​യാ​യി വി​ര​മി​ക്കു​മ്പോ​ൾ മി​ക​ച്ച ഒ​രു യാ​ത്ര​യ​യ​പ്പു ച​ട​ങ്ങും അ​വ​ർ​ക്കാ​യി ഒ​രു​ക്കി​യി​രു​ന്നു. എ​ന്നാ​ൽ, ജു​ഡീ​ഷ്യ​ൽ വൃ​ത്ത​ത്തി​നു​പു​റ​ത്തേ​ക്ക് വ്യ​ക്തി​പ​ര​മാ​യ അ​ടു​പ്പം അ​ഭി​ഭാ​ഷ​ക​രു​മാ​യും മ​റ്റും സൂ​ക്ഷി​ക്കാ​തി​രി​ക്കാ​നും അ​വ​ർ ശ്ര​ദ്ധ പു​ല​ർ​ത്തി. പ്ര​ഫ​ഷ​ന​ലി​സ​വും ജീ​വി​ത​ത്തി​ലെ മ​ത​വി​ശ്വാ​സ​വു​മാ​യി​രു​ന്നു ഇ​തി​നു കാ​ര​ണം.

ഒ​രു​വി​ധ അ​ഴി​മ​തി ആ​രോ​പ​ണ​ങ്ങ​ളോ ആ​ക്ഷേ​പ​ങ്ങ​ളോ ജ​സ്റ്റി​സ് ഫാ​ത്തി​മ ബീ​വി​ക്കു നേ​രെ ഉ​ണ്ടാ​യി​ട്ടി​ല്ല. സു​പ്രീം​കോ​ട​തി ജ​ഡ്ജി​യെ​ന്ന മ​ഹ​നീ​യ പ​ദ​വി​യി​ൽ​നി​ന്ന് വി​ര​മി​ച്ച ശേ​ഷം ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ൻ അം​ഗ​വും പി​ന്നീ​ട് ഇ​ൻ​കം ടാ​ക്സ് അ​പ്പ​ലേ​റ്റ് ട്രൈ​ബ്യൂ​ണ​ലി​ന്റെ ജു​ഡീ​ഷ്യ​ൽ അം​ഗ​വു​മാ​യി. ജ​യ​ല​ളി​ത മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത് ത​മി​ഴ്നാ​ട് ഗ​വ​ർ​ണ​റെ​ന്ന വി​ശി​ഷ്ട പ​ദ​വി​യി​ലും നി​യ​മി​ത​യാ​യി.

ഏ​തെ​ല്ലാം ചു​മ​ത​ല​ക​ൾ വ​ഹി​ച്ചി​ട്ടു​ണ്ടോ, അ​വി​ട​ങ്ങ​ളി​ലെ​ല്ലാം ത​ന്റേ​താ​യ വ്യ​ക്തി​മു​ദ്ര പ​തി​പ്പി​ക്കാ​ൻ ജ​സ്റ്റി​സ് ഫാ​ത്തി​മ ബീ​വി ശ്ര​ദ്ധി​ച്ചി​രു​ന്നു. അ​ഴി​മ​തി​ക്കും സ്വ​ജ​ന​പ​ക്ഷ​പാ​ത​ത്തി​നും എ​തി​രാ​യി​രു​ന്നു അ​വ​രെ​ല്ലാ​ക്കാ​ല​ത്തും. എ​ന്നാ​ൽ, ന്യാ​യ​മാ​യ ആ​വ​ശ്യ​ങ്ങ​ൾ സാ​ധി​ച്ചു​കൊ​ടു​ക്കാ​നും അ​വ​ർ​ക്ക് മ​ടി​യു​ണ്ടാ​യി​രു​ന്നി​ല്ല.

എ​ന്റെ പി​താ​വ് ബാ​ദ്ഷ​യു​ടെ ബ​ന്ധു​വാ​ണ് ജ​സ്റ്റി​സ് ഫാ​ത്തി​മ ബീ​വി. എ​ന്നാ​ൽ, അ​വ​രെ ആ​ദ്യ​മാ​യി കാ​ണു​ന്ന​ത് ഞാ​ൻ ജി​ല്ല ജ​ഡ്ജി​യാ​യി​രി​ക്കു​മ്പോ​ഴാ​ണ്. വ​ർ​ഷ​ങ്ങ​ൾ​ക്കു മു​മ്പ് മു​ൻ ജ​ഡ്ജി​മാ​രു​ടെ ഒ​രു സ​മ്മേ​ള​ന​ത്തി​ലാ​യി​രു​ന്നു അ​ത്. ബ​ന്ധു​ക്ക​ളാ​ണെ​ന്ന കാ​ര്യം കൂ​ടി​ക്കാ​ഴ്ച​യി​ൽ​വെ​ച്ച് ഫാ​ത്തി​മ ബീ​വി​യാ​ണ് ഇ​ങ്ങോ​ട്ടു പ​റ​യു​ന്ന​ത്.

ഏ​തൊ​രു വി​ഷ​യ​ത്തെ​യും നീ​തി​യു​ടെ വീ​ക്ഷ​ണ​ത്തി​ലൂ​ടെ, കാ​ർ​ക്ക​ശ്യ​ത്തോ​ടെ കാ​ണാ​നും ഇ​ട​പെ​ടാ​നും പ്ര​ത്യേ​ക ശേ​ഷി​യു​ണ്ടാ​യി​രു​ന്നു​വെ​ന്നാ​ണ് ജ​സ്റ്റി​സ് ഫാ​ത്തി​മ ബീ​വി​യു​മാ​യു​ള്ള ബ​ന്ധ​ത്തി​ൽ​നി​ന്ന് ഞാ​ൻ തി​രി​ച്ച​റി​യു​ന്ന​ത്. നീ​തി​പൂ​ർ​വ​ക​വും സ​ത്യ​സ​ന്ധ​വു​മാ​യ വി​ധി​ന്യാ​യ​ങ്ങ​ളാ​യി​രു​ന്നു അ​വ​ർ പു​റ​പ്പെ​ടു​വി​ച്ച​ത്.

സി​വി​ൽ വി​ധി​ന്യാ​യ​ങ്ങ​ളാ​യി​രു​ന്നു അ​തി​ലേ​റെ​യു​മെ​ന്ന​തി​നാ​ൽ അ​വ വ​ലി​യ ജ​ന​ശ്ര​ദ്ധ​യൊ​ന്നും നേ​ടു​ന്ന​വ​യാ​യി​രു​ന്നി​ല്ല. നീ​തി​യും ന്യാ​യ​വും മാ​ത്രം നോ​ക്കു​ന്ന, മ​റ്റൊ​ന്നി​നെ​യും കാ​ര്യ​മാ​ക്കാ​ത്ത വ്യ​ക്തി​ത്വ​മാ​യ​തു​കൊ​ണ്ടു​ത​ന്നെ ഉ​ന്ന​ത പ​ദ​വി​ക​ളി​ലൊ​ന്നും അ​ധി​ക​കാ​ലം ഇ​രി​ക്കാ​നാ​വു​മാ​യി​രു​ന്നി​ല്ല.

നാ​ലു വ​ർ​ഷം മു​മ്പാ​ണ് ഫാ​ത്തി​മ ബീ​വി​യെ അ​വ​സാ​ന​മാ​യി കാ​ണു​ന്ന​ത്. കോ​വി​ഡ് കാ​ല​ഘ​ട്ട​ത്തി​നു തൊ​ട്ടു​മു​മ്പ് ഹൈ​കോ​ട​തി​യി​ൽ ന​ട​ന്ന മു​ൻ ജ​ഡ്ജി​മാ​രു​ടെ സ​മ്മേ​ള​ന​ത്തി​ൽ​വെ​ച്ചാ​യി​രു​ന്നു ആ ​കൂ​ടി​ക്കാ​ഴ്ച. അ​ന്നും വ​ള​രെ സ്നേ​ഹ​വാ​ത്സ​ല്യ​ങ്ങ​ളോ​ടെ​യാ​യി​രു​ന്നു അ​വ​ർ ഇ​ട​പ​ഴ​കി​യ​ത്.

വ​ഹി​ച്ച പ​ദ​വി​ക​ളി​ലെ​ല്ലാം മി​ക​ച്ച രീ​തി​യി​ലും സം​ശു​ദ്ധ​വു​മാ​യ പ്ര​ക​ട​ന​ത്തി​ലൂ​ടെ ഫാ​ത്തി​മ ബീ​വി മ​റ്റു​ള്ള​വ​രു​ടെ ഹൃ​ദ​യം കീ​ഴ​ട​ക്കി. സ്ത്രീ​ക​ളു​ടെ ഉ​ന്ന​മ​ന​ത്തി​നു വേ​ണ്ടി നി​ര​വ​ധി പ്ര​വ​ർ​ത്ത​ന​ങ്ങ​ൾ ന​ട​ത്തി. ത​ന്റെ ജീ​വി​തം​കൊ​ണ്ടു​പോ​ലും നി​ര​വ​ധി സ്ത്രീ​ക​ൾ​ക്ക് അ​വ​ർ മാ​തൃ​ക​യും പ്ര​ചോ​ദ​ന​വു​മാ​യി.

ഏ​തൊ​രു സ്ഥാ​ന​ത്താ​യാ​ലും ഒ​രേ​സ​മ​യം വ്യ​ക്തി​പ​ര​മാ​യും പ്ര​ഫ​ഷ​ന​ലാ​യും സ്വ​ന്തം അ​ന്ത​സ്സും ആ​ഭി​ജാ​ത്യ​വും കാ​ത്തു​സൂ​ക്ഷി​ക്കു​ന്ന​തി​ൽ അ​വ​ർ ശ്ര​ദ്ധ പു​ല​ർ​ത്തി​യി​രു​ന്നു. നീ​തി​ന്യാ​യ ലോ​ക​ത്തി​നും കേ​ര​ള​ത്തി​നു​മെ​ല്ലാം ജ​സ്റ്റി​സ് ഫാ​ത്തി​മ ബീ​വി​യു​ടെ വി​യോ​ഗം വ​ലി​യ ന​ഷ്ട​മാ​യി​രി​ക്കും.

(കേ​ട്ടെ​ഴു​ത്ത്: ​ന​ഹീ​മ പൂ​ന്തോ​ട്ട​ത്തി​ൽ)