നീ​തി​യെ പ​രി​ഹ​സി​ക്കു​ന്ന വി​ധി

നീ​തി​ന്യാ​യ വ്യ​വ​സ്ഥ​യെ പ​രി​ഹാ​സ്യ​മാ​ക്കി​ പ്ര​ത്യേ​ക സി.​ബി.​ഐ കോ​ട​തി ബാ​ബരി മ​സ്ജി​ദ് ധ്വം​സ​ന കേ​സി​ലെ ക്രി​മി​ന​ൽ ഗൂ​ഢാ​ലോ​ച​നക്കുറ്റത്തി​ൽനി​ന്ന് 32 മു​ൻ​നി​ര ബി.​ജെ.​പി-വി.​എ​ച്ച്.​പി നേ​താ​ക്ക​ളെ കു​റ്റ​മു​ക്ത​രാ​ക്കി​യി​രി​ക്കു​ന്നു. ഒ​രു ജു​ഡീ​ഷ്യ​ൽ അ​ന്വേ​ഷ​ണ ക​മീ​ഷ​ൻ 17 വ​ർ​ഷം നീ​ണ്ട പ്ര​യ​ത്ന​ത്തി​ലൂ​ടെ ആ​യി​രം താ​ളു​ക​ളി​ലാ​യി ചേ​ർ​ത്തു​വെ​ച്ച തെ​ളി​വു​ക​ൾ​ക്കുനേ​രെ ക​ണ്ണ​ട​ച്ചാണ് ഈ ​വി​ധിപ്ര​സ്താ​വ​ന.

ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന നി​യ​മ​വാ​ഴ്ച​യെ എ​ല്ലാ അ​ർ​ഥ​ത്തി​ലും കാ​റ്റി​ൽ​പ​റ​ത്ത​ിയ ദു​ർ​ദി​ന​മാ​യി​രു​ന്നു 1992 ഡി​സം​ബ​ർ ആ​റ്. ഉ​ന്മത്ത​രാ​യ ആ​യി​ര​ക്ക​ണ​ക്കി​ന് ക​ർ​സേ​വ​ക​ർ 'ഏ​ക് ധ​ക്കാ ഔ​ർ ദോ, ​ബാ​ബ​രി മ​സ്ജി​ദ് തോ​ഡ് ദോ (​ഒ​രു തള്ളുകൂ​ടി കൊടു​ക്കൂ, ബാ​ബ​രി മ​സ്ജി​ദ് പൊ​ളി​ക്കൂ) എ​ന്ന് ആ​ർ​ത്ത​ല​ക്കു​ക​യും ഒ​രു​പ​റ്റ​മാ​ളു​ക​ൾ താ​ഴി​ക​ക്കു​ട​ത്തി​ൽ വ​ലി​ഞ്ഞുക​യ​റു​ക​യും ഭ്രാ​ന്താ​വേ​ശ​ത്തോ​ടെ അ​ടി​ച്ചുത​ക​ർ​ക്കു​ക​യു​മാ​യി​രു​ന്നു. അ​ക്ര​മി​ക്കൂ​ട്ടം താ​ഴി​ക​ക്കു​ട​ങ്ങ​ളി​ലേ​ക്ക് ജ​യ്​ ശ്രീ​രാം വി​ളി​ക​ൾ മു​ഴ​ക്കി പാ​ഞ്ഞു​ക​യ​റു​ക​യും ത​ക​ർ​ക്ക​ൽ തു​ട​രു​ക​യും ചെ​യ്യുേ​മ്പാ​ൾ സ​ന്തോ​ഷംകൊ​ണ്ട് മ​തി​മ​റ​ന്ന ഉ​മാ​ഭാ​ര​തി മു​ര​ളി​മ​നോ​ഹ​ർ ജോ​ഷി​യെ ആ​ലിം​ഗ​നം ചെ​യ്യു​ന്ന ചി​ത്രം മി​ന്നി​മ​റ​യു​ന്നു. മ​ണി​ക്കൂ​റു​ക​ൾകൊ​ണ്ട് മ​സ്ജി​ദിെ​ൻ​റ മൂ​ന്ന് താ​ഴി​ക​ക്കു​ട​ങ്ങ​ളും ത​ക​ർ​ന്ന​ടി​ഞ്ഞു. ഈ ​സം​ഭ​വ​ങ്ങ​ളു​ടെ ചി​ത്ര​ങ്ങ​ളും വി​ഡി​യോ​ക​ളും പ​ക​ർ​ത്താ​ൻ ശ്ര​മി​ച്ച മാ​ധ്യ​മ​പ്ര​വ​ർ​ത്ത​ക​രെ​യെ​ല്ലാം ക്രൂ​ര​മാ​യി മ​ർ​ദി​ക്കു​ക​യും ആ​സൂ​ത്ര​ണം ചെ​യ്ത് ന​ട​പ്പാ​ക്കി​യ ഈ ​സം​ഘ​ടി​ത ഹീ​ന​കൃ​ത്യ​ത്തിെ​ൻ​റ തെ​ളി​വു​ക​ളൊ​ന്നും അ​വ​ശേ​ഷി​ക്കു​ന്നി​ല്ലെ​ന്ന് ഉ​റ​പ്പാ​ക്കു​ക​യും ചെ​യ്തു അ​ക്ര​മി​ക​ൾ.

കറുത്ത ഞായറി​െൻറ തനിയാവർത്തനം

ഇ​പ്പോ​ഴി​താ, ആ ​ന​ശി​ച്ച ദി​നം ക​ഴി​ഞ്ഞ് 28 ആ​ണ്ടു​ക​ൾ പി​ന്നി​ട്ടശേ​ഷം മ​സ്ജി​ദ് ധ്വം​സ​ന​ത്തി​ലേ​ക്കു ന​യി​ച്ച സാ​ഹ​ച​ര്യ​ങ്ങ​ൾ പ​രി​ശോ​ധി​ച്ച പ്ര​ത്യേ​ക സി.​ബി.​ഐ കോ​ട​തി ഇ​തി​ലൊ​ന്നും ല​വ​ലേ​ശം ഗൂ​ഢാ​ലോ​ച​ന​യോ കു​റ്റ​മോ കു​റ്റാ​സൂ​ത്ര​ണ​മോ ഇ​ല്ലെ​ന്ന് ക​ണ്ടെ​ത്തി​യി​രി​ക്കു​ന്നു. കു​റ്റ​പ​ത്ര​ത്തി​ൽ പേ​രു​ചേ​ർ​ക്ക​പ്പെട്ട 32 മു​ൻ​നി​ര ബി.​ജെ.​പി-​വി.​എ​ച്ച്.​പി നേ​താ​ക്ക​ളെ തെ​ളി​വു​ക​ളേ​യി​ല്ലെ​ന്നു പ​റ​ഞ്ഞ് കു​റ്റ​മു​ക്ത​രാ​ക്കി​യി​രി​ക്കു​ന്നു. അ​യോ​ധ്യ​യി​ൽ ബാ​ബരി മ​സ്ജി​ദ് ത​ക​ർ​ത്ത​ത് ആ​സൂ​ത്രി​ത​മാ​യ​ല്ലെ​ന്നും സാ​മൂ​ഹി​കവി​രു​ദ്ധ​രാ​ണത് ചെ​യ്ത​തെ​ന്നു​മാ​ണ് കോ​ട​തി​യു​ടെ ക​ണ്ടെ​ത്ത​ൽ. ഗൂ​ഢാ​ലോ​ച​ന​യു​ണ്ടാ​യി​ട്ടി​ല്ലെ​ന്നും കു​റ്റാ​രോ​പി​ത​ർ ത​ക​ർ​ച്ച ത​ട​യാ​നാ​ണ് ശ്ര​മി​ച്ച​തെ​ന്നും വി​ധിപ​റ​ഞ്ഞ പ്ര​ത്യേ​ക സി.​ബി.​ഐ ജ​ഡ്ജി എ​സ്.​കെ. യാ​ദ​വി​ന് ഈ ​ദൗ​ത്യ​ത്തി​നാ​യി സ​ർ​വിസ് കാ​ലാ​വ​ധി നീ​ട്ടിന​ൽ​കി​യി​രു​ന്ന​താ​ണെ​ന്നതും ശ്ര​ദ്ധേ​യ​മാ​ണ്.

ഒ​ന്നോ​ർ​ത്താ​ൽ ഇൗ ​വി​ധി​പ്ര​സ്താ​വ​ന​യി​ലൂ​ടെ പു​റ​ത്തു​വ​ന്ന നീ​തി​ലം​ഘ​നം തീ​ർ​ത്തും അ​പ്ര​തീ​ക്ഷി​ത​മാ​യി​രു​ന്നു​വെ​ന്ന് പ​റ​യു​കവ​യ്യ. മുസ്​ലിം​ക​ളു​ടെ അ​വ​കാ​ശ​ങ്ങ​ളെ ക​ണ്ടി​ല്ലെ​ന്നുന​ടി​ച്ച് ബാ​ബരി മ​സ്ജി​ദ് നി​ല​നി​ന്ന ഭൂ​മി​യൊ​ന്നാ​കെ ഹി​ന്ദു​വി​ഭാ​ഗ​ത്തി​ന് ക്ഷേ​ത്ര​നി​ർ​മാ​ണ​ത്തി​നാ​യി ന​ൽ​കാ​ൻ ക​ഴി​ഞ്ഞ ന​വം​ബ​ർ ഒ​മ്പ​തി​ന് സു​പ്രീംകോ​ട​തി വി​ധി​ച്ച​പ്പോ​ൾത​ന്നെ പ​ല​രും പ്ര​തീ​ക്ഷി​ച്ചതുത​ന്നെ​യാ​ണി​ത്. അ​പ്പോ​ൾപോ​ലും 400 വ​ർ​ഷം മുമ്പ്​ നി​ർ​മി​ക്ക​പ്പെ​ട്ട മ​സ്ജി​ദ് നി​യ​മവി​രു​ദ്ധരീ​തി​യി​ൽ ത​ക​ർക്ക​പ്പെ​ട്ടു​വെ​ന്ന് ചൂ​ണ്ടി​ക്കാ​ട്ടി​യാ​ണ് അ​യോ​ധ്യ​യി​ൽ മ​റ്റൊ​രി​ട​ത്ത് പ​ള്ളി​പ​ണി​യാ​ൻ മുസ്​ലിംക​ൾ​ക്ക് സുപ്രീംകോ​ട​തി ഭൂ​മി അ​നു​വ​ദി​ച്ച​ത് എ​ന്ന​തു മ​റ​ക്കാ​നാ​വി​ല്ല.

ജസ്​റ്റിസ്​ ലിബർഹാ​െൻറ നിരീക്ഷണങ്ങൾ

മ​സ്ജി​ദ് ധ്വം​സ​ന​ത്തി​ലേ​ക്കു ന​യി​ച്ച സം​ഭ​വ​വി​കാ​സ​ങ്ങ​ൾ അ​ന്വേ​ഷി​ക്കാ​ൻ അ​ന്ന​ത്തെ കോ​ൺ​ഗ്ര​സ് സ​ർ​ക്കാ​ർ നി​യോ​ഗി​ച്ച ലി​ബ​ർ​ഹാ​ൻ ക​മീഷ​ൻ ഇ​ന്ന് കു​റ്റ​മു​ക്ത​രാ​ക്ക​പ്പെ​ട്ട​വ​രു​ൾ​പ്പെ​ടെ നി​ര​വ​ധി ബി.​ജെ.​പി-​വി.​എ​ച്ച്.​പി നേ​താ​ക്ക​ൾ ഈ ​കു​റ്റ​കൃ​ത്യ​ത്തി​ന് ഉ​ത്ത​ര​വാ​ദി​ക​ളാ​ണെ​ന്ന് സം​ശ​യ​ലേ​ശ​മ​ന്യേ ക​ണ്ടെ​ത്തി​യി​രു​ന്നു. നൂ​റു​ക​ണ​ക്കി​ന് മ​നു​ഷ്യ​രു​ടെ ജീ​വ​നെ​ടു​ത്ത അ​തി​ക്ര​മ​ങ്ങ​ളെ പ്രോ​ത്സാ​ഹി​പ്പി​ക്കു​ന്ന​തി​ൽ ഭ​ര​ണ​കൂ​ട അ​ധി​കാ​രി​ക​ൾ പു​ല​ർ​ത്തി​യ പ​ങ്ക് എ​ടു​ത്തു​പ​റ​ഞ്ഞ റിപ്പോ​ർ​ട്ട് അ​ന്ന​ത്തെ ന​ര​സിം​ഹ​റാ​വു സ​ർ​ക്കാ​റി​നെ​യും വെ​റു​തെ​വി​ട്ടി​ല്ല. കേ​ന്ദ്രം പു​ല​ർ​ത്തി​യ ഉ​പേ​ക്ഷ​യാ​ണ് പ്ര​ശ്ന​ങ്ങ​ൾ കൂ​ടു​ത​ൽ വ​ഷ​ളാ​ക്കി​യ​തെ​ന്ന് ലി​ബ​ർ​ഹാ​ൻ നി​രീ​ക്ഷി​ച്ചു. രാ​മ​ക്ഷേ​ത്ര നി​ർ​മാ​ണ​ത്തി​നുവേ​ണ്ടി​യു​ള്ള ശ്ര​മം ബി.​ജെ.​പി പ​ങ്കു​ചേ​ർ​ന്നശേ​ഷ​മാ​ണ് ഒ​രു പ്ര​സ്ഥാ​ന​ത്തിെ​ൻ​റ രൂ​പംപ്രാ​പി​ച്ച​ത്. രാമ​െ​ൻ​റ നാ​മം വ​ലി​ച്ചി​ഴ​ച്ച് സ​ഹി​ഷ്ണുതാലു​ക്ക​ളാ​യ സ​മു​ദാ​യ​ങ്ങ​ളെ അ​സ​ഹി​ഷ്ണു​ത നി​റ​ഞ്ഞ അ​ക്ര​മി​ക്കൂ​ട്ട​മാ​ക്കി മാ​റ്റി​യ​തി​ൽ സം​ഘ്പ​രി​വാ​ര​ത്തി​ലെ 'മി​ത​വാ​ദി​' ന​ടി​ച്ചു​പോ​ന്ന ദുഷ്​ട​ബു​ദ്ധി നേ​താ​ക്ക​ളു​ടെ പ​ങ്കും റി​പ്പോ​ർ​ട്ട് വ്യ​ക്ത​മാ​ക്കി​.

മു​ൻ​നി​ര നേ​താ​ക്ക​ളു​ടെ പ​ങ്ക് വി​ശ​ദ​മാ​ക്ക​വെ പ​ള്ളി​പൊ​ളി​ക്ക് ദി​വ​സ​ങ്ങ​ൾ​ക്കുമുമ്പ്​ വാ​ജ്പേ​യി​യും അ​ദ്വാ​നി​യും ആ​ർ.​എ​സ്.​എ​സ്-​വി.​എ​ച്ച്.​പി നേ​താ​ക്ക​ൾ എ​ന്നി​വ​ർ​ക്കൊ​പ്പം ന​ര​സിം​ഹ​റാ​വുവു​മാ​യി കൂ​ടി​ക്കാ​ഴ്ച ന​ട​ത്തി​യശേ​ഷ​മാ​ണ് വി.​എ​ച്ച്.​പി രാ​മ​ജ​ന്മഭൂ​മി വി​മോ​ച​ന കാ​മ്പ​യി​ന് തു​ട​ക്കംകു​റി​ച്ച​തെ​ന്നും ക​മീ​ഷ​ൻ ചൂ​ണ്ടി​ക്കാ​ട്ടി​യി​രു​ന്നു. ത​ങ്ങ​ൾ മു​സ്​ലിം​ക​ൾ​ക്ക് എ​തി​ര​ല്ലെ​ങ്കി​ലും ക്ഷേ​ത്ര പു​ന​ർ​നി​ർ​മാ​ണ​ത്തിെ​ൻ​റ വി​ഷ​യ​ത്തി​ൽ ഒ​രാ​ളു​മാ​യും ഒ​ത്തു​തീ​ർ​പ്പി​നി​ല്ലെ​ന്നാ​ണ് വാ​ജ്പേ​യി അ​ന്ന് ഡ​ൽ​ഹി​യി​ൽ പ​റ​ഞ്ഞ​ത്​. അ​ദ്വാ​നി​യാ​ക​ട്ടെ, ബാ​ബരി ധ്വം​സ​ന​ത്തി​നു പി​ന്നി​ലെ ചാ​ല​ക​ശ​ക്തി​യാ​യി​രു​ന്നു​വെ​ന്ന് ലി​ബ​ർ​ഹാ​ൻ ക​ണ്ടെ​ത്തി​യി​രു​ന്നു. പ്ര​കോ​പ​നപ​ര​മാ​യ പ്ര​സം​ഗ​ങ്ങ​ൾ നി​റ​ഞ്ഞ ര​ഥ​യാ​ത്ര​യി​ലൂ​ടെ അ​തി​നാ​യി പി​ന്തു​ണ സ​മാ​ഹ​രി​ച്ച അ​ദ്വാ​നി ഈ ​വി​ഷ​യ​ത്തി​ന് ജീ​വ​ൻ പ​ക​ർ​ന്നു.

തു​ട​ർ​ന്ന് 1991 മു​ത​ൽ 93 വ​രെ ബി.​ജെ.​പി അ​ധ്യ​ക്ഷസ്ഥാ​നം വ​ഹി​ച്ച മു​ര​ളി മ​നോ​ഹ​ർ ജോ​ഷി​യും രാ​മ​ക്ഷേ​ത്ര​പ​ദ്ധ​തി​ക്ക് ആ​ൾ​പി​ന്തു​ണ​യും സ​ർ​ക്കാ​റിെ​ൻ​റ പ​ങ്കാ​ളി​ത്ത​വും വ​ർ​ധി​പ്പി​ക്കു​ന്ന​തി​ൽ പ​ങ്കു​വ​ഹി​ച്ചു. അ​ന്ന​ത്തെ യു.​പി മു​ഖ്യ​മ​ന്ത്രി​ ക​ല്യാ​ൺ​ സി​ങ്ങി​നൊ​പ്പം ജോ​ഷി അ​യോ​ധ്യ​യി​ലെ വി​വാ​ദ ഭൂ​മി സ​ന്ദ​ർ​ശി​ച്ച​വേ​ള​യി​ൽ 'രാം ​ല​ല്ല ഹം ​ആ​യേ ഹേ, ​മ​ന്ദി​ർ യ​ഹി ബ​നാ​യേം​ഗേ' (രാം ​ല​ല്ല, ഞ​ങ്ങ​ളെ​ത്തി. ക്ഷേ​ത്രം ഇ​വി​ടെ​ത്ത​ന്നെ പ​ണി​യും) മു​ദ്രാ​വാ​ക്യ​ങ്ങ​ൾ മു​ഴ​ക്കി അ​വി​ടെ കൂ​ടി​യ​വ​ർ​ക്കൊ​പ്പം അ​തി​നാ​യി പ്ര​തി​ജ്ഞ​യെ​ടു​ത്തെന്നും റി​പ്പോ​ർ​ട്ടി​ലു​ണ്ട്.

മ​സ്ജി​ദ് ധ്വം​സ​ന​ത്തി​ന് അ​ധ്യ​ക്ഷ​ത വ​ഹി​ച്ച ക​ല്യാ​ൺ സി​ങ് 1991ൽ മുഖ്യമന്ത്രിയായശേ​ഷ​മാ​ണ് ബാ​ബ​രി മ​സ്ജി​ദ്-രാ​മ​ജന്മ​ഭൂ​മി സ​മു​ച്ച​യ​ത്തി​ലെ 2.77 ഭൂ​മി ഏ​റ്റെ​ടു​ത്ത​ത്. ബാ​ബരിധ്വം​സ​ന നീ​ക്ക​ത്തോ​ട് വി​യോ​ജി​പ്പു​ള്ള ഉ​ദ്യോ​ഗ​സ്ഥ​രെ സി​ങ് സ്ഥ​ലം​മാ​റ്റി​യി​രു​ന്നു. മ​സ്ജി​ദ് സം​ര​ക്ഷി​ക്കാ​ൻ നി​യോ​ഗി​ച്ചി​രു​ന്ന​വ​രി​ൽ 90 ശ​ത​മാ​നം പേ​രും അ​ദ്ദേ​ഹ​ത്തിെ​ൻ​റ അ​നു​ഭാ​വി​ക​ളാ​യി​രു​ന്നു. ബാ​ക്കി​യു​ള്ള​വ​ർ​ക്കാ​വ​ട്ടെ, ക​ർ​സേ​വ​ക​ർ​ക്കെ​തി​രെ ബ​ലംപ്ര​യോ​ഗി​ച്ചു​പോ​ക​രു​ത് എ​ന്ന് ക​ർ​ശ​ന നി​ർ​ദേ​ശ​വും ന​ൽ​കി.

ബാ​ബരിധ്വം​സ​ന-​ക്ഷേ​ത്ര​നി​ർ​മാ​ണ പ്ര​യ​ത്ന​ങ്ങ​ളി​ൽ മു​ഖ്യ​റോ​ളാ​യി​രു​ന്നു മു​ഖ്യ​മ​ന്ത്രി​ക്ക്. ക​ല്യാ​ണും മ​ന്ത്രി​മാ​രും അ​വ​ർ തി​ര​ഞ്ഞെ​ടു​ത്ത് നി​യോ​ഗി​ച്ച ഉ​ദ്യോ​ഗ​സ്ഥ​രും ചേ​ർ​ന്നാ​ണ് ത​ർ​ക്ക​മ​ന്ദി​ര​ത്തിെ​ൻ​റ ത​ക​ർ​ച്ച​യ​ല്ലാ​തെ മ​റ്റൊ​ന്നും സാ​ധ്യ​മാ​വാ​ത്ത രീ​തി​യി​ലെ അ​പ​ക​ട​ക​ര​മാ​യ സ്ഥി​തി​വി​ശേ​ഷം സൃ​ഷ്​ടിച്ചെ​ടു​ത്ത​ത്. പ​ള്ളി​യു​ടെ ത​ക​ർ​ച്ച ര​ണ്ടു സ​മു​ദാ​യ​ങ്ങ​ൾ ത​മ്മി​ലെ വി​ട​വ് ഭീ​ക​ര​മാം​വി​ധം വ​ലു​താ​ക്കു​ക​യും രാ​ജ്യ​മൊ​ട്ടു​ക്കും കൂ​ട്ട​ക്കൊ​ല​ക​ളി​ൽ ക​ലാ​ശി​ക്കു​ക​യും ചെ​യ്തു.

ഏ​തെ​ങ്കി​ലും പ്ര​ത്യ​യ​ശാ​സ്ത്ര​ത്താ​ൽ ന​യി​ക്ക​പ്പെ​ടു​ന്ന​വ​രോ നൈ​തി​ക​മാ​യ എ​ന്തെ​ങ്കി​ലും ഭ​യ​വി​ചാ​ര​ങ്ങ​ളു​ള്ള​വ​രോ ഇ​ല്ലാ​ത്ത​വ​രാ​യ ബി.​ജെ.​പി, ആ​ർ.​എ​സ്.​എ​സ്, വി.​എ​ച്ച്.​പി, ശി​വ​സേ​ന, ബജ്​റംഗ്​ദ​​ൾ തു​ട​ങ്ങി​യ പ്ര​സ്ഥാ​ന​ങ്ങ​ളി​ൽനി​ന്ന് ഉ​യ​ർ​ന്നുവ​ന്ന പ​ല നേ​താ​ക്ക​ളും അ​ധി​കാ​ര​ത്തിെ​ൻ​റ​യോ സ്വ​ത്തിെ​ൻ​റ​യോ മോ​ഹ​ത്താ​ലാ​ണ് ഇ​തെ​ല്ലാം ചെ​യ്തു​കൂ​ട്ടി​യ​തെ​ന്ന​തി​ന് ത​ർ​ക്ക​ര​ഹി​ത​മാ​യി തെ​ളി​വു​ക​ളു​ണ്ടെ​ന്ന പ​രാ​മ​ർ​ശ​ത്തോ​ടെ​യാ​ണ് റി​പ്പോ​ർ​ട്ട് ഉ​പ​സം​ഹ​രി​ച്ചി​രു​ന്ന​ത്.

ഇ​വ്വി​ധ​മെ​ല്ലാ​മു​ള്ള കു​റ്റാ​രോ​പ​ണ​ങ്ങ​ളെ​ല്ലാം മു​ന്നി​ൽ നി​ൽ​ക്കുേ​മ്പാ​ഴും പ​ള്ളി​യു​ടെ ത​ക​ർ​ച്ച​യി​ലേ​ക്ക് വ​ഴി​തെ​ളി​യി​ച്ച സം​ഭ​വ​ങ്ങ​ളി​ൽ എ​ന്തെ​ങ്കി​ലും മു​ൻ​കൂ​ർ ആ​സൂ​ത്ര​ണ​മോ ഗൂ​ഢാ​ലോ​ച​ന​യോ ക​ണ്ടെ​ത്താ​ൻ പ്ര​ത്യേ​ക കോ​ട​തി ജ​ഡ്ജി​ക്കായി​ല്ല എ​ന്ന​ത് അ​ത്ഭു​ത​ക​രംത​ന്നെ.

തി​ക​ച്ചും പ​രി​ഹാ​സ്യം എ​ന്നാ​ണ് റി​ട്ട. ജ​സ്​റ്റി​സ് ലി​ബ​ർ​ഹാ​ൻ ഇ​ന്ന​ല​ത്തെ പ്ര​ത്യേ​ക കോ​ട​തി വി​ധി​യെ​ക്കു​റി​ച്ച് പ്ര​തി​ക​രി​ച്ച​ത്. സി.​ബി.​ഐ ഹാ​ജ​രാ​ക്കി​യ വി​ഡി​യോ-​ഓ​ഡി​യോ തെ​ളി​വു​ക​ളു​ടെ ആ​ധി​കാ​രി​ക​ത തെ​ളി​യി​ക്കാ​നാ​യി​ല്ല എ​ന്ന വി​ചാ​ര​ണ കോ​ട​തി​യു​ടെ വി​ധി​തീ​ർ​പ്പ് കേ​ട്ട അ​ദ്ദേ​ഹം വി​ഡി​യോ-​ഓ​ഡി​യോ റെ​ക്കോ​ഡു​ക​ൾ തെ​ളി​വു​ക​ളു​ടെ തീ​രെ ചെ​റി​യ ഒ​രു ഭാ​ഗ​മാ​ണെ​ന്നും ബി.​ജെ.​പി നേ​താ​ക്ക​ളു​ടെ ഗൂ​ഢാ​ലോ​ച​ന​ക​ൾ​ക്ക് ത​ർ​ക്ക​ര​ഹി​ത​മാ​യ നി​ര​വ​ധി തെ​ളി​വു​ക​ളു​ണ്ടെ​ന്നും തീ​ർ​ത്തുപ​റ​യു​ന്നു. ക​മീ​ഷ​ൻ റി​പ്പോ​ർ​ട്ടി​ൽത​ന്നെ അ​സം​ഖ്യം തെ​ളി​വു​ക​ൾ കാ​ണാ​നാ​വും. വി​ധി​തീ​ർ​പ്പ് ക​ൽ​പി​ക്കുംമു​മ്പ്​ വി​ചാ​ര​ണ കോ​ട​തി അ​വ​യേ​തെ​ങ്കി​ലും ഗൗ​ര​വ​മാ​യ രീ​തി​യി​ൽ പ​രി​ശോ​ധി​ച്ചു​വോ എ​ന്നതിലും അ​വ ശ​രി​യാം​വ​ണ്ണം ഹാ​ജ​രാ​ക്കു​ന്ന​തി​ൽ സി.​ബി.​ഐ താ​ൽ​പ​ര്യ​മെ​ടു​ത്തു​വോ എ​ന്ന കാ​ര്യ​ത്തി​ലും അ​ദ്ദേ​ഹ​ത്തി​ന് സം​ശ​യ​മു​ണ്ട്.