Top
Begin typing your search above and press return to search.
keyboard_arrow_down
Login
exit_to_app
exit_to_app
മോദിയുടെ ഇന്ത്യയിൽ, സമാധാനകാംക്ഷിയായ   ഉമർ ഖാലിദിനെ ഭീകരൻ എന്ന്​ മുദ്ര കുത്തു​േമ്പാൾ..
cancel
Homechevron_rightOpinionchevron_rightArticleschevron_rightമോദിയുടെ ഇന്ത്യയിൽ,...

മോദിയുടെ ഇന്ത്യയിൽ, സമാധാനകാംക്ഷിയായ ഉമർ ഖാലിദിനെ 'ഭീകരൻ' എന്ന്​ മുദ്ര കുത്തു​േമ്പാൾ..

text_fields
bookmark_border

ഭീമ കെ​ാറേഗാവ്​, ഡൽഹി കലാപം എന്നിവ സംബന്ധിച്ച കേസുകളിൽ രാഷ്​ട്രീയപ്രേരിതമായ അറസ്​റ്റുകൾക്കും, ആക്​ടിവിസ്​റ്റുകളെയും അഭിഭാഷകരെയും അക്കാദമീഷ്യന്മാരെയുമൊക്കെ ലാക്കാക്കി അനുസ്യൂതം തുടരുന്ന വേട്ടയാടലുകൾക്കും ഒടുവിൽ എ​െൻറ പ്രിയ സുഹൃത്ത്​ ഉമർ ഖാലിദ്​ അറസ്​റ്റ്​ ചെയ്യപ്പെട്ടിരിക്കുന്നു. ഇതിനെതിരെയാണ്​ നമ്മളെല്ലാം പ്രത്യാശിച്ചതെങ്കിലും ഇതി​െൻറ പിന്നിലുള്ളവർക്കിത്​ ഒഴിച്ചുകൂടാനാവാത്തതാണ്​.

അന്വേഷണത്തി​െൻറ ഓരോ ഘട്ടത്തിലു​ം ഉമർ അതുമായി സഹകരിച്ചിരുന്നു. ജൂലൈ 31ന്​ അഞ്ചു മണിക്കൂറും അടുത്ത ഞായറാഴ്​ചയിൽ ദിവസം മുഴുവനും അന്വേഷണ സംഘം അവനെ ചോദ്യം ചെയ്​തിരുന്നുവെന്ന്​ ഉമറി​െൻറ അഭിഭാഷകൻ കോടതിയെ ബോധിപ്പിച്ചിരുന്നു. ഈ മഹാമാരിക്കിടയിലും അന്വേഷണ സംഘത്തി​െൻറ ചോദ്യം ചെയ്യലിനായി പാതിരാത്രിയിൽ കൊൽക്കത്തയിൽനിന്ന്​ ഡൽഹിയിലേക്ക്​ അവൻ യാത്ര ചെയ്​തു. കലാപം നടന്ന ഫെബ്രുവരി 23 മുതൽ 26 വരെയുള്ള ദിവസങ്ങളിലൊന്നും ഡൽഹിയിൽ ഇല്ലാതിരുന്ന ഉമറിനെ ഇപ്പോൾ അറസ്​റ്റ്​ ചെയ്​തിരിക്കുന്നത്​ യു.എ.പി.എ ചുമത്തിയാണ്​. ഈ വലിയ പ്രഹസന നാടകത്തിൽ അവനെ അവർ വിളിക്കുന്നത്​ 'കലാപത്തി​െൻറ സൂത്രധാരൻ' എന്നാണ്​.


ജിഗ്​നേഷ്​ മേവാനി, ഉമർ ഖാലിദ്​

ജനങ്ങളോട് ഭരണഘടനാപരമായ ഉത്തരവാദിത്തമില്ലാ​െത, അധികാരം ഒരാളിൽ കേന്ദ്രീകരിക്കപ്പെടുന്ന അവസ്​ഥ വളർന്നുവരുന്ന സാഹചര്യത്തിൽ രണ്ടു വിഡിയോകൾ താരതമ്യം ചെയ്യുന്നത്​ നന്നാകും. 2020 ഫെ​ബ്രുവരിക്കുശേഷമുള്ളതാണിവ. ഒന്നിൽ ബി.ജെ.പി നേതാക്കളായ കപിൽ മിശ്രയും അനുരാഗ്​ താക്കൂറുമാണുള്ളത്​. മുന്നിൽ അണിനിരക്കുന്ന ജനങ്ങളോട്​ 'ഗോലി മാരോ സാലോം കോ' (ഒറ്റുകാരെ മുഴവൻ വെടിവെച്ചുകൊല്ലൂ) എന്ന്​ ആക്രോശിക്കുകയാണവർ. അടുത്ത വിഡിയോയിലുള്ളത്​ ഉമർ ഖാലിദാണ്​. വളരെ വ്യക്​തമായി അയാൾ പറയുന്നതിങ്ങനെ -'അക്രമത്തെ നമ്മൾ അക്രമം കൊണ്ട്​ നേരിടരുത്​. ​വിദ്വേഷത്തെ വിദ്വേഷം കൊണ്ടല്ല എതിരിടേണ്ടത്​. അവർ വെറുപ്പ്​ പ്രചരിപ്പിക്കു​േമ്പാൾ നമ്മൾ സ്​നേഹം കൊണ്ട്​​ പ്രതികരിക്കണം​. അവർ ലാത്തികൊണ്ട്​ അടിക്കു​േമ്പാൾ നമ്മൾ ദേശീയ പതാക മുറുകെ​പ്പിടിക്കണം'.

സമാധാനത്തിലേക്കുള്ള സംസാരം നിങ്ങളെ 'ഭീകരനാക്കും'

നരേന്ദ്ര മോദിയുടെ ഇന്ത്യയിൽ ഉമർ ഖാലിദ്​ എന്ന്​ പേരുള്ളയാൾ സമാധാനത്തിനുവേണ്ടി സംസാരിക്കു​േമ്പാഴും രാജ്യത്തോട്​ ഐക്യദാർഢ്യം പ്രഖ്യാപിക്കു​േമ്പാഴും അയാളെ വിളിക്കുന്നത്​ 'ഭീകരൻ' എന്നും 'ദേശദ്രോഹി' എന്നുമാണ്​. ഭൂരിഭാഗവും മുസ്​ലിംകൾ കൊല്ലപ്പെട്ട കലാപത്തിൽ അയാൾ ലഹളയുടെ ആസൂത്രകനായി മുദ്ര ചാർത്തപ്പെടുന്നു. അസന്തുഷ്​ടി നിറഞ്ഞുപരക്കുന്ന ഇക്കാലത്ത്​ കപിൽ മിശ്രയുടെ വി​േദ്വഷ പ്രസംഗവും ഉമർ ഖാലിദിനെതിരെ നടപടിയെടുക്കണമെന്ന്​ പരസ്യമായി അയാൾ ആവശ്യപ്പെടുന്നതും സർക്കാറുമായി അവിഹിതസൗഹൃദത്തിൽ മുട്ടിയുരുമ്മിനിൽക്കുന്ന മാധ്യമങ്ങളുടെ നോട്ടപ്പുറത്തു പോലുമില്ലാതാവുന്നു. എന്നിട്ടവർ സമാധാനത്തെയും സ്​നേഹത്തെയും കുറിച്ച്​ പറയുന്ന ആളുകളെ വില്ലന്മാരായി അവതരിപ്പിക്കുന്നു.

2016 ഫെബ്രുവരിയിൽ മാധ്യമ വിചാരണ നേരിട്ട നാൾ മുതൽ എനിക്ക്​ ഉമറിനെ പരിചയമുണ്ട്​. അന്നാണ്​ അവനെതിരെ അറസ്​റ്റും രാജ്യദ്രോഹക്കുറ്റവുമൊക്കെ ഉണ്ടാവുന്നത്​. മോദിയുടെ 'ഭൂരിപക്ഷ ജനാധിപത്യ'ത്തിനുനേരെ വിയോജിപ്പി​െൻറ തരംഗങ്ങളുയർത്തുകയും അധികാര കേ​ന്ദ്രങ്ങളോട്​ സത്യം വിളിച്ചുപറയുകയും ചെയ്​ത ജെ.എൻ.യു വിദ്യാർഥിക്കൂട്ടത്തി​െൻറ പ്രതിനിധിയായിരുന്നു അന്നവൻ. വർഷങ്ങൾ പോകുന്നതോടെ ഉമറും കനയ്യ കുമാറും അനിർബൻ ഭട്ടാചാര്യയുമൊ​െക്ക മോദി സർക്കാറിനെതിരെ വിയോജിപ്പി​െൻറ വ്യത്യസ്​ത വഴികൾ പങ്കിടുന്നതും നമ്മൾ കണ്ടു.


ഗൗരി ല​ങ്കേഷിനും കനയ്യ കുമാറിനുമൊപ്പം ഉമർ ഖാലിദ്​

ഹിന്ദിയിൽ ഒഴുക്കോടെ സംസാരിക്കാനുള്ള കഴിവും ബിഹാരി വേരുകളും ഭാവി രാഷ്​ട്രീയക്കാരനായി കനയ്യകയെ അടയാളപ്പെടുത്തുന്നതായിരുന്നു. ഉമറും അനിർബനുമാക​ട്ടെ, കൂടുതൽ അക്കാദമിക പശ്ചാത്തലമുള്ളവരും​. വളർന്നുവരുന്ന സ്​കോളർ-ആക്​ടിവിസ്​റ്റായാണ്​ ഉമറിനെ ഞാൻ കണ്ടത്​. രാഷ്​ട്രീയത്തി​െൻറ വിശാല ഭൂമികയെ പുൽകാനുള്ള താൽപര്യമൊന്നും ഉമറിൽ ഉള്ളതായി എനിക്ക്​ തോന്നിയിരുന്നില്ല. എന്നിട്ടും, പൗരത്വ ഭേദഗതി നിയമം പാസാക്കിയതിനെ തുടർന്നുള്ള പ്രക്ഷോഭങ്ങളുടെ മുൻനിരയിൽ നിലയുറപ്പിച്ച ഉമർ, വലിയ നേതാവായി വളർന്നുവരുന്നത്​ ഞാൻ കണ്ടു. 2019 ഡിസംബർ മുതൽ 2020 ഫെബ്രുവരി വരെ ഇന്ത്യയുടെ വിഭിന്ന വഴികളിലേക്ക്​ അവൻ കടന്നുചെന്നു. അവിടങ്ങളിലൊക്കെ രാജ്യത്തി​െൻറ ഭരണഘടനാ മൂല്യങ്ങളെക്കുറിച്ചും മതേതരത്വത്തെക്കുറിച്ചും സാമുദായിക സൗഹാർദത്തെക്കുറിച്ചും വാതോരാതെ സംസാരിച്ചു.

ഇപ്പോൾ എനിക്ക്​ ബോധ്യമുണ്ട്​, മിക്കവരും കരുതുന്നത്​ ഉമർ മുസ്​ലിം സമുദായത്തി​െൻറ ശബ്​ദമാണെന്നതാണ്​. എന്നാൽ, അവനെ 'മുസ്​ലിം നേതാവ്​' എന്ന അറയിൽ ഒതുക്കിവെക്കാൻ ഞാൻ ഇഷ്​ടപ്പെടുന്നില്ല. അതിരുകളില്ലാത്ത, വിശാലമായ യുവതയുടെ നേതാവായാണ്​ ഞാൻ ഉമറിനെ കണക്കാക്കുന്നത്​. 2018 ജനുവരിയിൽ ഭീമ-കെ​ാറേഗാവിൽ ഉമർ ഉണ്ടായിരുന്നു. അവിടെ, ലഹളയുടെ വിത്തെറിഞ്ഞ മിലിന്ദ്​ എക്​ബോതെയും സംഭാജി ഭിഡെയും സ്വതന്ത്രരായി ഊരുചുറ്റിയപ്പോൾ ഉമറിനെതിരെ അന്നും വിദ്വേഷ പ്രചാരകരായ ചില കേന്ദ്രങ്ങളും രാഷ്​ട്രീയ അഭിനേതാക്കളും ആരോപണങ്ങളുമായി രംഗത്തെത്തിയിരുന്നു. അതിനുശേഷം, ഉമർ കേവലം 'മുസ്​ലിം ശബ്​ദം' മാത്രമായിരുന്നില്ല. ജാതിവിരുദ്ധമായ, സാമൂഹിക നീതി ഉയർത്തിപ്പിടിച്ച ശബ്​ദവും കൂടിയായിരുന്നു അത്​. അതോടൊപ്പം, അംബേദ്​കർ പാരമ്പര്യങ്ങളിലും സോഷ്യലിസ്​റ്റ്​ ചിന്താഗതികളിലും പൗര സ്വാതന്ത്ര്യത്തിലും ആഴത്തിൽ കരുതലുമുണ്ടായിരുന്നു.

അഭിമുഖീകരിക്കുന്നത്​ മാധ്യമ പക്ഷപാതിത്വം

മാധ്യമങ്ങൾ ഇടക്കിടെ എന്നെ 'ദലിത്​ നേതാവ്​' എന്ന്​ വിശേഷിപ്പിച്ചുകൊണ്ടേയിരിക്കും. അവർ രാഹുൽ ഗാന്ധിയെയും അമിത്​ ഷായെയും 'ബ്രാഹ്​മണ നേതാവ്​' എന്നോ 'ജെയ്​ൻ നേതാവ്​' എന്നോ ഒരിക്കലും പറയില്ല. ജെ.എൻ.യു കാലം മുതൽ ഞാൻ അറിയുന്ന ഉമർ മതചര്യകൾ കർശനമായി പിന്തുടരുന്നയാളല്ല. എങ്കിലും, അധികൃതർ ഉമറിനെ ഒറ്റപ്പെടുത്തി വേട്ടയാടുന്നത്​ അവ​െൻറ പേരു കാരണമാണെന്നത്​ നമ്മൾ മറക്കരുത്​. അവൻ വരുന്നത്​ മതനിഷ്​ഠയുള്ള ഒരു കുടുംബത്തിൽനിന്നായതു കൊണ്ടു കൂടിയാണത്​. ഒപ്പം, ഇന്ത്യൻ മുസ്​ലിംകൾ നേരിടുന്ന അനീതികൾക്കെതി​െര ശബ്​ദിക്കുന്നതുകൊണ്ടും. മാർക്​സിസം മനസ്സിലാകുന്ന ദലിതുകളായതുകൊണ്ട്​ ആനന്ദ്​ തെൽതുംബ്​ദെയെയും മറ്റും നക്​സലൈറ്റുകളാക്കു​ന്നതുപോലെയാണത്​. സുശാന്ത്​ സിങ്​ രജ്​പുത്തി​െൻറ പങ്കാളി റിയ ചക്രവർത്തിയെ ഒരു​ തെളിവുമില്ലാതെ മയക്കുമരുന്ന്​ കച്ചവടക്കാരിയും കൊലക്കേസ്​ പ്രതിയുമാക്കുന്നതു പോലെയുമാണത്​. എന്നാൽ, ത​െൻറ മുൻ പങ്കാളിക്കെതിരെ കുറിപ്പെഴുതിവെച്ച്​ ആത്​മഹത്യ ചെയ്​ത ജിയാ ഖാനെക്കുറിച്ച്​ ഇവർ ഒരക്ഷരം മിണ്ടില്ല. അതുപോലെ കോടതിയും പൊലീസും മോദി-അമിത്​ ഷാ സംവിധാനങ്ങളുമൊക്കെ ഉമറിനെ മുസ്​ലിമായി മാത്രം നമുക്ക്​ മുന്നിൽ അവതരിപ്പിക്കുന്നു. ഒരാളെ വില്ലനാക്കാൻ അവർക്ക്​ അതിൽകൂടുതൽ എന്തുവേണം?


അന്നും ഇന്നുമൊക്കെ ഉമറിനെ 'ഭീകരവാദ​േത്താട്​ അനുകമ്പയുള്ളയാൾ' എന്ന്​ മുദ്രകുത്തുന്നതു കേൾക്കു​േമ്പാൾ എന്നിൽ ഞെട്ടൽ ഉളവാകുന്നു. കെട്ടിപ്പടുത്ത കുറ്റങ്ങളാണ്​ അയാൾക്കുമേൽ ആ​േരാപിക്കപ്പെടുന്നതെല്ലാം. ഓരോ രാഷ്​ട്രീയ തടവുകാരനും അയാളുടെ ഇസ്​ലാമിക പശ്ചാത്തലത്തിനോ ഇടതുപക്ഷ അനുഭാവത്തി​േനാ വിലകൊടുക്കേണ്ട അവസ്​ഥയിലാണ്​. ഡൽഹി കലാപത്തി​െൻറ കുറ്റപത്രത്തിൽ ഉമർ, യുനൈറ്റഡ്​ എഗെയ്​ൻസ്​റ്റ്​ ഹേറ്റ്​ സ്​ഥാപകൻ ഖാലിദ്​ സെയ്​ഫി, പിഞ്ച്​റാ തോഡിലെ എ​െൻറ സുഹൃത്തുക്കൾ (ദേവാംഗന കാലിത, നടാഷ നർവാൾ) തുടങ്ങിയവർക്കുമേൽ വൻ ഗൂഢാലോചനയുടെ കുറ്റമാണ്​ നെയ്​തെടുത്തിരിക്കുന്നത്​. എന്നാൽ, ഏറ്റവും വലിയ ഗൂഢാലോചന മറ്റു ചിലയിടങ്ങളിൽനിന്നാണുണ്ടായത്​. ഭരണഘടനാപരവും നീതിപക്ഷവും അടിച്ചമർത്തപ്പെട്ടവർക്കു വേണ്ടിയുള്ളതുമായ ശബ്​ദങ്ങളൊക്കെ ജിഹാദികളുടേതും നക്​സലുകളുടേതുമാണെന്ന്​ മുദ്രകുത്തുകയും ഇന്ത്യയെ തകർക്കാൻ 'ഇസ്​ലാമിസ്​റ്റ്​-മാവോയിസ്​റ്റ്​' കൂ​ട്ടുകെ​ട്ടെന്ന്​ മുറവിളിയിടുകയും ചെയ്യുകയാണ്​ യഥാർഥ ഗൂഢാലോചകർ.

അതേ, ഇന്ത്യ തകർ​ക്കപ്പെട്ടിരിക്കുന്നു. അത്​ ഉമറിനെപ്പോലുള്ളവരാലല്ല, അധികാരത്തിലിരിക്കുന്നവരാലാണ്​. എ​െൻറ പ്രിയ സുഹൃത്ത്​ ഉമറും അവ​െൻറ പോരാട്ടങ്ങളും ചരിത്രത്തിൽ ഇടംപിടിക്കുക നാശകാരികളായല്ല, രാജ്യത്തെ കെട്ടിപ്പടുത്തവരായാണ്​. ഭഗത്​ സിങ്ങും ബാബാസാഹബുമൊക്കെ സ്വപ്​നം കണ്ട മെച്ചപ്പെട്ട ഇന്ത്യയുടെ ശിൽപികളായാണ്​.

(ഗുജറാത്ത്​ നിയമസഭയിലെ സ്വതന്ത്ര എം.എൽ.എയായ​ ജിഗ്​നേഷ്​ മേവാനി രാഷ്​ട്രീയ ദലിത്​ അധികാർ മഞ്ചി​െൻറ കൺവീനറാണ്​)

കടപ്പാട്​: theprint.in

Show Full Article
TAGS:Umar Khalid Jignesh Mevani Delhi Riot 
Next Story