ഇ​സ്രാ​യേ​ലി​​ന്റെ അ​തി​ക്ര​മ​വും ഇ​ന്ത്യ​യു​ടെ നി​ഷ്പ​ക്ഷ​ത​യും

ഇ​ന്ത്യ​യെ​യും പാ​കി​സ്താ​നെ​യും കൊ​ണ്ട് താ​ൻ ചെ​യ്യി​ച്ച​ത് പോ​ലൊ​രു വെ​ടി​നി​ർ​ത്ത​ൽ ക​രാ​ർ ഇ​സ്രാ​യേ​ലും ഇ​റാ​നും ത​മ്മി​ൽ ഉ​ണ്ടാ​ക്ക​ണ​മെ​ന്നും ഉ​ണ്ടാ​ക്കു​മെ​ന്നു​മാ​ണ് യു.​എ​സ് പ്ര​സി​ഡ​ന്റ് ഡോ​ണാ​ൾ​ഡ് ട്രം​പ് പ്ര​സ്താ​വി​ച്ച​ത്. ഇ​ന്ത്യ - പാ​ക് സം​ഘ​ർ​ഷം അ​വ​സാ​നി​പ്പി​ച്ച​ത് ട്രം​പി​ന്റെ മ​ധ്യ​സ്ഥ​ത​യി​ല​ല്ലെ​ന്ന കേ​ന്ദ്ര സ​ർ​ക്കാ​റി​ന്റെ​യും ബി.​ജെ.​പി​യു​ടെ​യും നി​ല​പാ​ട് സ​ർ​വ​ക​ക്ഷി സം​ഘം യു.​എ​സി​ൽ പോ​യി അ​വ​ത​രി​പ്പി​ച്ച​ശേ​ഷ​വും സം​ഘ​ർ​ഷ​ത്തി​ന് അ​റു​തി​വ​രു​ത്തി​യ​ത് താ​ൻ ത​ന്നെ​യാ​ണെ​ന്ന് ട്രം​പ് അ​സ​ന്ദി​ഗ്ധ​മാ​യി ആ​വ​ർ​ത്തി​ച്ചി​രി​ക്കു​ന്നു.

വി​ദേ​ശ​വ​ക്താ​വ് ര​ൺ​ധീ​ർ ജ​യ്സ്വാ​ളും വി​ദേ​ശ​മ​ന്ത്രി എ​സ്. ജ​യ​ശ​ങ്ക​റും തൊ​ട്ട് കോ​ൺ​ഗ്ര​സ് എം.​പി​യാ​യ ശ​ശി ത​രൂ​ർ​വ​രെ​യു​ള്ള​വ​ർ കേ​ന്ദ്ര സ​ർ​ക്കാ​റി​ന്റെ​യും ബി.​ജെ.​പി​യു​ടെ​യും ഭാ​ഷ്യം വി​ദേ​ശ​രാ​ജ്യ​ങ്ങ​ളി​ൽ പോ​യി​വ​രെ അ​വ​ത​രി​പ്പി​ച്ചി​ട്ടും അ​ത​ങ്ങ​നെ​യ​ങ്ങ് പ​റ​യാ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ത​യാ​റാ​യി​ട്ടി​ല്ല. ട്രം​പി​ന്റെ അ​വ​കാ​ശ​വാ​ദം നി​ഷേ​ധി​ക്കേ​ണ്ട​ത് പ്ര​ധാ​ന​മ​ന്ത്രി​യാ​ണെ​ന്ന് പ​റ​യു​ന്ന ത​രൂ​ർ ഒ​ഴി​കെ​യു​ള്ള കോ​ൺ​ഗ്ര​സ് അ​പ്പ​റ​ഞ്ഞ​ത് ക​ള​വെ​ങ്കി​ൽ അ​തി​ലു​ള്ള പ്ര​തി​ഷേ​ധം മോ​ദി ട്രം​പി​നെ​യും യു.​എ​സി​നെ​യും അ​റി​യി​ക്കാ​ത്ത​ത് എ​ന്തു​കൊ​ണ്ടാ​ണെ​ന്ന് ചോ​ദി​ച്ചു​കൊ​ണ്ടി​രി​ക്കു​ന്നു​മു​ണ്ട്.

ഇ​സ്രാ​യേ​ൽ ഇ​റാ​നെ ക​ട​ന്നാ​ക്ര​മി​ക്കു​മ്പോ​ൾ

ഒ​രു പ്ര​കോ​പ​ന​വു​മി​ല്ലാ​തെ ഇ​റാ​ന് മേ​ൽ ഇ​സ്രാ​യേ​ൽ ന​ട​ത്തി​യ ക​ട​ന്നാ​ക്ര​മ​ണ​വും അ​തി​ന് മ​റു​പ​ടി​യാ​യി ഇ​റാ​ൻ ന​ട​ത്തി​യ പ്ര​ത്യാ​ക്ര​മ​ണ​വു​മാ​ണ് ഇ​ന്ത്യ- പാ​ക് സം​ഘ​ർ​ഷം അ​വ​സാ​നി​പ്പി​ച്ച​തി​ലു​ള്ള ‘ത​ന്റെ പ​ങ്കാ​ളി​ത്തം’ വീ​ണ്ടും ഓ​ർ​മി​പ്പി​ക്കാ​ൻ യു.​എ​സ് പ്ര​സി​ഡ​ന്റി​നെ പ്രേ​രി​പ്പി​ച്ച​ത്. അ​തേ​സ​മ​യം ആ​ക്ര​മ​ണം അ​വ​സാ​നി​പ്പി​ക്കാ​ൻ താ​ങ്ക​ൾ ഇ​സ്രാ​യേ​ലി​നോ​ട് ആ​വ​ശ്യ​പ്പെ​ടു​മോ എ​ന്ന ചോ​ദ്യ​ത്തി​ന് ഇ​ല്ലെ​ന്നാ​ണ് ഇ​ത്ത​ര​മൊ​രു പ്ര​സ്താ​വ​ന​ക്ക് ശേ​ഷ​വും ട്രം​പി​ന്റെ മ​റു​പ​ടി. ഗ​സ്സ കൂ​ട്ട​ക്കു​രു​തി​ക്ക് പി​ന്നാ​ലെ ഇ​റാ​നി​ലേ​ക്കും ഇ​സ്രാ​യേ​ലി​നെ ക​യ​റൂ​രി​വി​ട്ടി​രി​ക്കു​ന്ന​ത് യു.​എ​സ് ആ​ണ​ല്ലോ. എ​ന്നി​ട്ടും ഇ​ന്ത്യാ -പാ​ക് സം​ഘ​ർ​ഷം അ​വ​സാ​നി​പ്പി​ക്കു​ന്ന​ത് പോ​ലൊ​രു താ​ൽ​പ​ര്യം ഇ​സ്രാ​യേ​ൽ - ഇ​റാ​ൻ സം​ഘ​ർ​ഷം തീ​ർ​ക്കു​ന്ന കാ​ര്യ​ത്തി​ൽ ട്രം​പി​നി​ല്ലെ​ന്ന് സു​വ്യ​ക്തം.

ഇ​റാ​നു​മാ​യി ത​ങ്ങ​ൾ ന​ട​ത്തു​ന്ന ആ​ണ​വ നി​ർ​വ്യാ​പ​ന ച​ർ​ച്ച അ​ട്ടി​മ​റി​ച്ചും ഇ​റാ​ന്റെ ഭാ​ഗ​ത്തു​നി​ന്ന് ച​ർ​ച്ച ന​യി​ക്കു​ന്ന​വ​രെ കൊ​ല​പ്പെ​ടു​ത്തി​യും ഇ​റാ​നി​ലെ മാ​ധ്യ​മ​സ്ഥാ​പ​ന​ങ്ങ​ൾ​ക്ക് മു​ക​ളി​ലും ബോം​ബി​ട്ടും പേ ​പി​ടി​ച്ച് പാ​യു​ന്ന ഇ​സ്രാ​യേ​ലി​നെ പി​ടി​ച്ചു​കെ​ട്ടാ​ൻ ട്രം​പി​ന് ത​ൽ​ക്കാ​ലം താ​ൽ​പ​ര്യ​മി​ല്ല. പ​ശ്ചി​മേ​ഷ്യ​യി​ൽ എ​ന്തും ചെ​യ്യാ​ൻ ഇ​സ്രാ​യേ​ലി​ന് ന​ൽ​കി​യ സ്വാ​ത​ന്ത്ര്യം പാ​കി​സ്താ​ന് നേ​രെ​യു​ള്ള ആ​ക്ര​മ​ണ​ങ്ങ​ളി​ലും സം​ഘ​ർ​ഷ​ത്തി​ലും ത​ന്റെ മി​ത്രം ഡോ​ണ​ൾ​ഡ് ട്രം​പ് ഇ​ന്ത്യ​ക്ക് അ​നു​വ​ദി​ച്ചു​ന​ൽ​കാ​ത്ത​തി​ൽ ന​രേ​ന്ദ്ര മോ​ദി​ക്ക് ഒ​ട്ടും കു​ണ്ഠി​ത​മി​ല്ല. സ്വാ​ത​ന്ത്ര്യ​ല​ബ്ധി തൊ​ട്ട് പ​ശ്ചി​മേ​ഷ്യ​ൻ സം​ഘ​ർ​ഷ​ത്തി​ൽ ഇ​ന്ത്യ ഉ​യ​ർ​ത്തി​പ്പി​ടി​ച്ച മൂ​ല്യ​ങ്ങ​ളെ​ല്ലാം ച​വി​ട്ടി​യെ​റി​ഞ്ഞ് എ​ന്ത് അ​രു​താ​യ്മ ചെ​യ്താ​ലും ഇ​സ്രാ​യേ​ലി​നെ വി​മ​ർ​ശി​ക്കാ​ൻ ത​ങ്ങ​ളൊ​രു​ക്ക​മ​ല്ലെ​ന്ന നി​ല​പാ​ട് കൈ​ക്കൊ​ണ്ടി​രി​ക്കു​ക​യാ​ണ് ഇ​ന്ത്യ.

ഗ​സ്സ​യി​ലെ വെ​ടി​നി​ർ​ത്ത​ലി​നു​ള്ള വോ​ട്ടെ​ടു​പ്പി​ൽ കൈ​പൊ​ക്കാ​തി​രു​ന്ന മോ​ദി​യു​ടെ ഇ​ന്ത്യ ഇ​റാ​നെ​തി​രാ​യ ആ​ക്ര​മ​ണ​ത്തെ അ​പ​ല​പി​ക്കു​ന്ന ഷാ​ങ്ഹാ​യ് സ​ഹ​ക​ര​ണ കൂ​ട്ടാ​യ്മ (എ​സ്.​സി.​ഒ)​യു​ടെ പ്ര​മേ​യ​ത്തി​ൽ​നി​ന്ന് വി​ട്ടു​നി​ന്ന് അ​ന്ത​ർ​ദേ​ശീ​യ സ​മൂ​ഹ​ത്തെ ഒ​രി​ക്ക​ൽ​കൂ​ടി അ​മ്പ​ര​പ്പി​ച്ചി​രി​ക്കു​ന്നു. ഗ​സ്സ​യി​ലേ​ത് പോ​ലെ യു​ദ്ധ​നി​യ​മ​ങ്ങ​ളും അ​ന്ത​ർ​ദേ​ശീ​യ മ​ര്യാ​ദ​ക​ളും കാ​റ്റി​ൽ​പ​റ​ത്തി ഇ​റാ​ന്റെ പ​ര​മാ​ധി​കാ​ര​ത്തി​നു​മേ​ൽ ഇ​സ്രാ​യേ​ൽ ന​ട​ത്തി​യ ക​ട​ന്നാ​ക്ര​മ​ണ​ത്തെ അ​പ​ല​പി​ക്കാ​തെ വി​ട്ടു​നി​ന്ന​തി​ലൊ​തു​ങ്ങി​യി​ല്ല ഇ​ന്ത്യ​യു​ടെ ഇ​സ്രാ​യേ​ൽ സ്നേ​ഹം. ഈ ​അ​പ​ല​പ​ന പ്ര​മേ​യ​ത്തി​ൽ ത​ങ്ങ​ൾ​ക്ക് പ​ങ്കി​ല്ലെ​ന്ന് ഇ​ന്ത്യ പ്ര​ത്യേ​കം പ്ര​സ്താ​വ​ന​യി​റ​ക്കു​ക​യും ചെ​യ്തു.

അ​പ​ല​പി​ക്കാ​നി​ല്ലാ​തെ ആ​ശ​ങ്ക​യി​ലൊ​തു​ക്കി

സൈ​നി​ക മേ​ധാ​വി​ക​ളെ​യും സൈ​നി​ക ക്യാ​മ്പു​ക​ളെ​യും ആ​ണ​വ ശാ​സ്ത്ര​ജ്ഞ​രെ​യും ആ​ണ​വ​നി​ല​യ​ങ്ങ​ളെ​യും ല​ക്ഷ്യ​മി​ട്ട് ജൂ​ൺ 13ന് ​ഇ​റാ​നു​മാ​യു​ള്ള സം​ഘ​ർ​ഷ​ത്തി​ന് തു​ട​ക്ക​മി​ട്ട് ഇ​സ്രാ​യേ​ൽ ന​ട​ത്തി​യ ആ​ക്ര​മ​ണം അ​ന്ത​ർ​ദേ​ശീ​യ നി​യ​മ​ത്തി​ന്റെ​യും ഐ​ക്യ​രാ​ഷ്ട്ര സ​ഭ ചാ​ർ​ട്ട​റി​ന്റെ​യും ന​ഗ്ന​മാ​യ ലം​ഘ​ന​മാ​ണെ​ന്ന് എ​സ്.​സി.​ഒ പ്ര​മേ​യം കു​റ്റ​പ്പെ​ടു​ത്തി​യി​രു​ന്നു. ഇ​റാ​ന്റെ പ​ര​മാ​ധി​കാ​ര​ത്തി​ന് മേ​ലു​ള്ള ഈ ​ക​ട​ന്നു​ക​യ​റ്റം മേ​ഖ​ലാ, അ​ന്ത​ർ​ദേ​ശീ​യ സു​ര​ക്ഷ ത​ക​ർ​ക്കു​മെ​ന്നും ലോ​ക​സ​മാ​ധാ​ന​ത്തി​നും സു​സ്ഥി​ര​ത​ക്കും ഗു​രു​ത​ര ഭീ​ഷ​ണി​യാ​കു​മെ​ന്നും 10 അം​ഗ​രാ​ജ്യ​ങ്ങ​ളു​ള്ള ഷാ​ങ്ഹാ​യ് സ​ഹ​ക​ര​ണ കൂ​ട്ടാ​യ്മ മു​ന്ന​റി​യി​പ്പ് ന​ൽ​കി.

എ​ന്നാ​ൽ, മേ​ൽ പ്ര​സ്താ​വ​ന​യു​മാ​യി ബ​ന്ധ​പ്പെ​ട്ട ച​ർ​ച്ച​ക​ളി​ൽ ഇ​ന്ത്യ ഭാ​ഗ​മാ​യി​ട്ടി​ല്ലെ​ന്നും ത​ങ്ങ​ളു​ടെ നി​ല​പാ​ട് കൂ​ട്ടാ​യ്മ​യെ അ​റി​യി​ച്ച​താ​ണെ​ന്നും തൊ​ട്ടു​പി​ന്നാ​ലെ വി​ദേ​ശ മ​ന്ത്രാ​ല​യം പ്ര​സ്താ​വ​ന ഇ​റ​ക്കി. സം​ഭാ​ഷ​ണ​ത്തി​ലൂ​ടെ​യും ന​യ​ത​ന്ത്ര​ത്തി​ലൂ​ടെ​യും ഇ​രു​വി​ഭാ​ഗ​വും സം​ഘ​ർ​ഷം കു​റ​ച്ചു​കൊ​ണ്ടു​വ​ര​ണ​മെ​ന്നും ആ ​ദി​ശ​യി​ലു​ള്ള പ​രി​ശ്ര​മം അ​ന്താ​രാ​ഷ്ട്ര സ​മൂ​ഹ​ത്തി​ന്റെ ഭാ​ഗ​ത്ത് നി​ന്നു​ണ്ടാ​ക​ണ​മെ​ന്നു​മു​ള്ള​താ​ണ് ത​ങ്ങ​ളു​ടെ നി​ല​പാ​ടെ​ന്നും എ​സ്.​സി.​ഒ​ക്കു​ള്ള മ​റു​പ​ടി​യെ​ന്നോ​ണം ഇ​ന്ത്യ വ്യ​ക്ത​മാ​ക്കി. അ​പ​ല​പ​ന​ത്തി​ന് പോ​ലും മു​തി​രാ​തെ ‘‘ഇ​റാ​നും ഇ​സ്രാ​യേ​ലി​നു​മി​ട​യി​ൽ ഈ​യി​ടെ​യു​ണ്ടാ​യ സം​ഭ​വ​വി​കാ​സ​ങ്ങ​ളി​ൽ അ​ങ്ങേ​യ​റ്റം ആ​ശ​ങ്ക​യു​ണ്ട്’’ എ​ന്ന് മാ​ത്ര​മാ​ണ് ഇ​ന്ത്യ ഇ​തു​വ​രെ ന​ട​ത്തി​യ ശ​ക്ത​മാ​യ പ്ര​തി​ക​ര​ണം.

നി​ഷ്പ​ക്ഷം എ​ന്നാ​ൽ നീ​തി​യു​ടെ പ​ക്ഷം

ഇ​ന്ത്യ​ക്ക് ചേ​ർ​ച്ച​യു​ള്ള ഒ​രു വി​ദേ​ശ​ന​യ​മി​ല്ലെ​ന്ന് ‘വി​രോ​ധാ​ഭാ​സ പ്ര​ധാ​ന​മ​ന്ത്രി’ എ​ന്ന് പേ​രി​ട്ട ത​ന്റെ കൃ​തി​യി​ലെ​ഴു​തി വെ​ച്ച​ത് മോ​ദി​യു​ടെ ന​യ​ത​ന്ത്ര ദൗ​ത്യ സം​ഘ​ത്തി​ന്റെ ത​ല​വ​നാ​യ മു​ൻ വി​ദേ​ശ സ​ഹ​മ​ന്ത്രി ശ​ശി ത​രൂ​ർ​ത​ന്നെ​യാ​ണ്. ന​രേ​ന്ദ്ര മോ​ദി​യു​ടെ വി​ദേ​ശ​യാ​ത്ര​ക​ളും അ​വി​ടെ ന​ട​ത്തു​ന്ന പ്ര​സ്താ​വ​ന​ക​ളും രാ​ജ്യ​ത്തി​ന​ക​ത്ത് അ​ദ്ദേ​ഹ​ത്തി​ന്റെ കു​ടു​സ്സാ​യ രാ​ഷ്ട്രീ​യ ല​ക്ഷ്യ​ങ്ങ​ൾ നേ​ടാ​ൻ പ​ര്യാ​പ്ത​മാ​ണെ​ങ്കി​ലും വി​ദേ​ശ​രാ​ജ്യ​ങ്ങ​ൾ​ക്ക് മു​ന്നി​ൽ രാ​ജ്യ​ത്തി​ന്റെ പ്ര​തി​ച്ഛാ​യ​യു​യ​ർ​ത്താ​ൻ പ​ര്യാ​പ്ത​മ​ല്ലെ​ന്നാ​ണ് ശ​ശി ത​രൂ​ർ പ​റ​ഞ്ഞു​വെ​ച്ചി​രു​ന്ന​ത്. ത​രൂ​ർ അ​ന്ന് ന​ട​ത്തി​യ നീ​രീ​ക്ഷ​ണ​ത്തി​ൽ​നി​ന്ന് കേ​ന്ദ്ര സ​ർ​ക്കാ​റും ബി.​ജെ.​പി​യും അ​ണു​വി​ട മാ​റി​യി​ട്ടി​ല്ലെ​ന്ന് ഇ​സ്രാ​യേ​ലി​നോ​ടു​ള്ള ന​യ​ത​ന്ത്ര അ​നു​രാ​ഗം കാ​ണി​ക്കു​ന്നു.

കാ​ലു​ഷ്യം നി​റ​ഞ്ഞ വ​ർ​ത്ത​മാ​ന ലോ​ക സാ​ഹ​ച​ര്യ​ങ്ങ​ളി​ൽ കാ​ര്യ​ങ്ങ​ളെ​ത്തി നി​ൽ​ക്കു​മ്പോ​ൾ ശ​ശി ത​രൂ​ർ അ​തെ​ഴു​തി​യ സ​മ​യ​ത്തേ​ക്കാ​ൾ വി​ദേ​ശ​ന​യം കൂ​ടു​ത​ൽ ദു​ർ​ബ​ല​മാ​യി തീ​ർ​ന്നി​രി​ക്കു​ക​യാ​ണ്. സാ​മ്പ​ത്തി​ക മേ​ധാ​വി​ത്ത​മോ സൈ​നി​ക ശ​ക്തി​യോ ആ​യി​രു​ന്നി​ല്ല ഇ​ന്ത്യ​യെ നാ​ളി​തു​വ​രെ വി​ദേ​ശ രാ​ജ്യ​ങ്ങ​ൾ​ക്കു​മു​മ്പി​ൽ വി​ശ്വ​ഗു​രു​വാ​ക്കി തീ​ർ​ത്തി​രു​ന്ന​ത്. മ​റി​ച്ച് അ​ന്ത​ർ​ദേ​ശീ​യ സം​ഘ​ർ​ഷ​ങ്ങ​ളി​ലും രാ​ജ്യാ​ന്ത​ര ത​ർ​ക്ക​ങ്ങ​ളി​ലും സ്വാ​ത​ന്ത്ര്യ ല​ബ്ധി തൊ​ട്ടേ നീ​തി​യു​ടെ പ​ക്ഷ​ത്തു​നി​ന്ന് കൈ​ക്കൊ​ണ്ട നി​ല​പാ​ടു​ക​ളാ​യി​രു​ന്നു. നീ​തി​യു​ടെ പ​ക്ഷ​മാ​യി​രു​ന്നു ഇ​ന്ത്യ​ക്ക് നി​ഷ്പ​ക്ഷം. എ​ന്നാ​ൽ, വി​ദേ​ശ​രാ​ജ്യ​ങ്ങ​ളി​ലെ ഭ​ര​ണാ​ധി​കാ​രി​ക​ൾ അ​ണി​യി​ക്കു​ന്ന പ​ത​ക്ക​ങ്ങ​ളി​ലാ​ണ് ഇ​ന്ത്യ​യു​ടെ വി​ശ്വ​ഗു​രു​സ്ഥാ​നം എ​ന്ന വി​ശ്വാ​സ​ക്കാ​ര​നാ​യ രാ​ജ്യ​ത്തി​ന്റെ പ്ര​ധാ​ന​മ​ന്ത്രി​യെ അ​ത്ത​ര​മൊ​രു നീ​തി​ബോ​ധം അ​ല​ട്ടു​ന്നി​ല്ല.