ഇംറാൻ ആരുടെ അജണ്ട?

ഒ​റ്റ​ക്കു ഭ​രി​ക്കാ​നു​ള്ള ഭൂ​രി​പ​ക്ഷ​മി​ല്ലാ​തെ പാ​കി​സ്​​താ​നി​ല്‍ പു​തി​യ സ​ര്‍ക്കാ​റും പു​തി​യ പ്ര​ധാ​ന​മ​ന്ത്രി​യും അ​ധി​കാ​ര​ത്തി​ലേ​റു​ക​യാ​ണ്. ഇൗ ​അ​ധി​കാ​ര​മാ​റ്റം ആ ​രാ​ജ്യ​ത്തി​ന​ക​ത്തും മേ​ഖ​ല​യി​ലു​ട​നീ​ള​വും സൃ​ഷ്​​ടി​ക്കാ​വു​ന്ന പു​തി​യ സ​മ​വാ​ക്യ​ങ്ങ​ള്‍ എ​ന്താ​വും എ​ന്ന ആ​കാം​ക്ഷ​യി​ലാ​ണ്​ ലോ​കം. പ്ര​ധാ​ന​മ​ന്ത്രി​പ​ദ​വി ഏ​റ്റെ​ടു​ക്കു​മെ​ന്ന് ഏ​താ​ണ്ട് തീ​ര്‍ച്ച​യാ​യി​ക്ക​ഴി​ഞ്ഞ ശേ​ഷം ​െത​ഹ്‌​രീ​കെ ഇ​ന്‍സാ​ഫ് പാ​ര്‍ട്ടി അ​ധ്യ​ക്ഷ​ന്‍ ഇം​റാ​ന്‍ ഖാ​ന്‍ ന​ട​ത്തി​യ പ്ര​സം​ഗം ഒ​റ്റ​നോ​ട്ട​ത്തി​ല്‍ വി​ല​യി​രു​ത്തു​മ്പോ​ള്‍ ഏ​റെ പ്ര​തീ​ക്ഷ​ക്ക് വ​ക ന​ല്‍കു​ന്നു. അ​ധി​കാ​ര​മേ​റ്റ​യു​ട​ന്‍ 2014ല്‍ ​ന​രേ​ന്ദ്ര മോ​ദി ന​ട​ത്തി​യ ചി​ല പ്ര​ഖ്യാ​പ​ന​ങ്ങ​ളു​മാ​യി ഇം​റാ​​​െൻറ വാ​ക്കു​ക​ള്‍ക്ക് അ​സാ​ധാ​ര​ണ സാ​മ്യ​വു​മു​ണ്ട്. എ​തി​രാ​ളി​ക​ളോ​ട് ഒ​ട്ടും പ​ക​യി​ല്ലാ​ത്ത, ജ​ന​ങ്ങ​ള്‍ക്കു​വേ​ണ്ടി ജീ​വി​ക്കു​ന്ന, സ്വ​ന്തം നാ​ടി​നെ ലോ​ക​ത്തി​നു മു​മ്പി​ല്‍ ക​രു​ത്തു​റ്റ​താ​ക്കി മാ​റ്റാ​നൊ​രു​ങ്ങു​ന്ന നേ​താ​ക്ക​ളു​ടെ ജീ​വ​ന്‍തു​ടി​ക്കു​ന്ന വാ​ക്കു​ക​ളാ​ണ് ര​ണ്ടും. ആ​ഢ്യ​ത്വ​ത്തി​​​െൻറ ആ​ട​യാ​ഭ​ര​ണ​ങ്ങ​ളെ​ല്ലാം ഉ​പേ​ക്ഷി​ച്ച് സാ​ധാ​ര​ണ​ക്കാ​രി​ല്‍ ഒ​രാ​ളെ​പോ​ലെ താ​ന്‍ പാ​കി​സ്​​താ​നെ ഭ​രി​ക്കു​മെ​ന്ന ഇം​റാ​​​െൻറ പ്ര​ഖ്യാ​പ​നം പോ​ലൊ​ന്ന് ന​രേ​ന്ദ്ര മോ​ദി​യും ന​ട​ത്തി​യി​രു​ന്നു. പു​തി​യ പാ​കി​സ്​​താ​െ​ന സ്വ​പ്‌​നം കാ​ണു​മ്പോ​ള്‍ പ്ര​വാ​ച​ക​​ൻ മു​ഹ​മ്മ​ദി​​​െൻറ ന​ഗ​ര​മാ​യ മ​ദീ​ന​യു​ടെ സാ​മ്പ​ത്തി​ക സാ​മൂ​ഹി​ക സാ​ഹ​ച​ര്യ​ങ്ങ​ളെ​യാ​ണ് മാ​തൃ​ക​യാ​യി ഇം​റാ​ന്‍ ചൂ​ണ്ടി​ക്കാ​ട്ടി​യ​ത്. നി​കു​തി കൊ​ടു​ക്കു​ന്ന​വ​​​െൻറ ചെ​ല​വി​ല്‍ ഭ​ര​ണ​വ​ര്‍ഗം സു​ഖി​ച്ചു​പു​ള​ച്ച ഒ​രു പാ​കി​സ്​​താ​ന്‍ ഇ​നി​യു​ണ്ടാ​വി​ല്ലെ​ന്നും പ്ര​ധാ​ന​മ​ന്ത്രി​യു​ടെ കൊ​ട്ടാ​ര​സ​മാ​ന​മാ​യ വീ​ടു വി​ട്ടി​റ​ങ്ങി സാ​ധാ​ര​ണ​ക്കാ​രി​ലൊ​രാ​ളാ​വു​മെ​ന്നും ഗ​വ​ര്‍ണ​ര്‍ ഹൗ​സു​ക​ളെ  ഹോ​ട്ട​ലു​ക​ളാ​ക്കി മാ​റ്റു​മെ​ന്നു​മൊ​ക്കെ പ​റ​യു​മ്പോ​ള്‍ തെ​ര​ഞ്ഞെ​ടു​പ്പു റാ​ലി​ക​ളി​ല്‍ പ​ല​കു​റി ആ​വ​ര്‍ത്തി​ച്ച സ്വ​ന്തം പാ​ര്‍ട്ടി​യു​ടെ  രാ​ഷ്​​ട്രീ​യ​ത്തി​ന് അ​ടി​വ​ര​യി​ടു​ക​യാ​യി​രു​ന്നു ഇം​റാ​ന്‍. അ​വി​ശ്വ​സ​നീ​യ​വും അ​തി​ലു​പ​രി അ​തി​വൈ​കാ​രി​ക​വു​മാ​യി​രു​ന്നു പ്ര​ഥ​മ പ്ര​സം​ഗ​ത്തി​ലെ വ​രി​ക​ള്‍. ​

പ്രസംഗത്തിനപ്പ​ു​റമെന്ത്​?
രാ​ഷ്​​ട്രീ​യ​ക്കാ​ര​നി​ല്‍നി​ന്ന്​ രാ​ഷ്​​ട്ര​നേ​താ​വി​ലേ​ക്കു​ള്ള ഇം​റാ​​​െൻറ ന​യം​മാ​റ്റം ര​ണ്ട​ര്‍ഥ​ത്തി​ലും വി​ല​യി​രു​ത്താ​വു​ന്ന ധാ​രാ​ളം പ​രാ​മ​ര്‍ശ​ങ്ങ​ള്‍ ഉ​ൾ​ക്കൊ​ള്ളു​ന്നു​ണ്ട്. ഇ​ത്ര​യും​കാ​ലം മു​ക​ളി​ല്‍ നി​ന്നു​ള്ള ഉ​ത്ത​ര​വു​ക​ള്‍ സ്വീ​ക​രി​ക്കു​ന്നു​വെ​ന്നാ​ണ് എ​തി​രാ​ളി​ക​ള്‍ ആ​രോ​പി​ച്ച​തെ​ങ്കി​ല്‍ ഇ​നി​യ​ങ്ങോ​ട്ട് താ​േ​ഴ​ത്ത​ട്ടി​ല്‍ നി​ന്നു​ള്ള ഉ​ത്ത​ര​വു​ക​ള്‍ക്കാ​ണ് കൂ​ടു​ത​ല്‍ പ്രാ​ധാ​ന്യ​മെ​ന്നാ​ണ് ഇം​റാ​ന്‍ ഖാ​ന്‍ പ​റ​ഞ്ഞു​നി​ര്‍ത്തി​യ​തി​​​െൻറ ര​ത്‌​ന​ച്ചു​രു​ക്കം. ജ​നാ​ധി​പ​ത്യ​ത്തെ ശ​ക്തി​പ്പെ​ടു​ത്തു​മെ​ന്ന് അ​ക്കൗ​ണ്ട​ബി​ലി​റ്റി ബ്യൂ​റോ​യു​ടെ പേ​ര് എ​ടു​ത്തു​പ​റ​ഞ്ഞു​കൊ​ണ്ടാ​ണ് ഇം​റാ​ന്‍ വ്യ​ക്ത​മാ​ക്കി​യ​ത്; വ്യ​ക്തി​ഹ​ത്യ​ക്കാ​യി ഇ​ത്ത​രം സ്ഥാ​പ​ന​ങ്ങ​ളെ ഉ​പ​യോ​ഗി​ക്കി​ല്ലെ​ന്നും. പ​ക്ഷേ, പ്ര​തീ​ക്ഷി​ച്ച​ത്ര എ​ളു​പ്പ​മൊ​ന്നു​മാ​വി​ല്ല ഈ ​പൊ​ളി​ച്ചെ​ഴു​ത്ത്.  

പാ​കി​സ്​​താ​ന്‍ ഈ ​തെ​ര​ഞ്ഞെ​ടു​പ്പി​ലേ​ക്ക് ന​ട​ന്ന​ടു​ത്ത വ​ഴി​ക​ള്‍ ശ്ര​ദ്ധി​ച്ചാ​ല​റി​യാം ഇം​റാ​നെ വി​ജ​യി​പ്പി​ച്ച​വ​ര്‍ എ​ന്താ​ണ് പ്ര​തീ​ക്ഷി​ക്കു​ന്ന​തെ​ന്ന്. അ​ഴി​മ​തി​യാ​യി​രു​ന്നു ന​വാ​സ് ശ​രീ​ഫി​​​െൻറ കു​റ്റ​മെ​ങ്കി​ല്‍ ല​ണ്ട​നി​ല്‍ ബം​ഗ്ലാ​വ്​ വാ​ങ്ങി​യ സ​മീ​പ​കാ​ല സൈ​നി​ക ഭ​ര​ണാ​ധി​കാ​രി​യെ​ക്കു​റി​ച്ചും ഉ​ണ്ട​ല്ലോ ആ​രോ​പ​ണം. അ​േ​ത​ക്കു​റി​ച്ച് അ​ന്വേ​ഷി​ക്ക​ണ​മെ​ന്ന് ഇം​റാ​നോ സൈ​ന്യ​മോ ഇ​തേ​വ​രെ പ​റ​ഞ്ഞി​ട്ടി​ല്ല. തെ​ര​ഞ്ഞെ​ടു​പ്പ് അ​ഴി​മ​തി​യാ​ണ് കു​റ്റ​മെ​ങ്കി​ല്‍ അ​തി​ലു​മു​ണ്ട് പ്രാ​യോ​ഗി​ക പ്ര​ശ്‌​ന​ങ്ങ​ള്‍. 2013ല്‍ ​ന​വാ​സ് ശ​രീ​ഫി​നെ​തി​രെ 400 പ​രാ​തി​ക​ള്‍ തെ​ര​ഞ്ഞെ​ടു​പ്പ് ക​മീ​ഷ​ന് ല​ഭി​ച്ചി​ട്ടും അ​തി​ല്‍ നാ​ലെ​ണ്ണം പോ​ലും തു​റ​ന്നു​നോ​ക്കി​യി​ട്ടി​ല്ലെ​ന്നി​രി​ക്കെ ഓ​രോ പ​രാ​തി​യും അ​ന്വേ​ഷി​ക്കു​മെ​ന്നാ​ണ് നി​യു​ക്ത പ്ര​ധാ​ന​മ​ന്ത്രി അ​വ​കാ​ശ​പ്പെ​ടു​ന്ന​ത്. വോ​ട്ടെ​ണ്ണ​ലി​ലും മ​റ്റും ന​ട​ന്ന കേ​വ​ല​മാ​യ തെ​ര​ഞ്ഞെ​ടു​പ്പ് അ​ഴി​മ​തി മാ​ത്ര​മാ​യി​രു​ന്നി​ല്ല പ​ക്ഷേ ഇ​ത്ത​വ​ണ​ത്തേ​ത്. എ​തി​ര്‍പ​ക്ഷ​ത്തു​ള്ള രാ​ഷ്​​ട്രീ​യ​പാ​ര്‍ട്ടി​ക​ളെ ഘ​ട്ടം​ഘ​ട്ട​മാ​യി ഇ​ല്ലാ​താ​ക്കു​ന്ന, വി​ജ​യ​സാ​ധ്യ​ത​യു​ള്ള പ്ര​തി​പ​ക്ഷ നേ​താ​ക്ക​ളെ നി​ശ്ശ​ബ്​​ദ​രാ​ക്കു​ന്ന, യാ​ഥാ​ര്‍ഥ്യം തു​റ​ന്നു​പ​റ​യു​ന്ന മാ​ധ്യ​മ​ങ്ങ​ള്‍ക്ക് കൂ​ച്ചു​വി​ല​ങ്ങി​ടു​ന്ന, വോ​ട്ടെ​ടു​പ്പി​ല്‍ പ​ട്ടാ​ളം ബൂ​ത്തി​ന​ക​ത്തു​പോ​ലും കാ​വ​ല്‍നി​ല്‍ക്കു​ന്ന പ​ല​ത​രം ‘ഭ​ര​ണ​ഘ​ട​നാ​പ​ര​മാ​യ അ​ഴി​മ​തി​ക​ള്‍’​ക്കു പു​റ​മെ​യാ​യി​രു​ന്നു വോ​ട്ടെ​ടു​പ്പ് എ​ന്ന പ്ര​ക്രി​യ​ത​ന്നെ ചോ​ദ്യം ചെ​യ്യ​പ്പെ​ട്ട ഒ​ടു​വി​ല​ത്തെ സാ​ഹ​ച​ര്യ​ങ്ങ​ള്‍. ഇം​റാ​നെ​തി​രെ വ​രാ​നി​ട​യു​ള്ള എ​ല്ലാ ഘ​ട​ക​ങ്ങ​ളും അ​തി​ല്‍ ഉ​ന്നം​വെ​ക്ക​പ്പെ​ട്ടി​രു​ന്നു. ന​വാ​സ് ശ​രീ​ഫി​​​െൻറ പാ​ർ​ട്ടി​യാ​യ നൂ​ന്‍ ലീ​ഗ് ബ​ലൂ​ചി​സ്​​താ​നി​ല്‍ നെ​ടു​കെ​പി​ള​ര്‍ന്ന് ബ​ലൂ​ചി​സ്​​താ​ന്‍ അ​വാ​മി പാ​ര്‍ട്ടി​യാ​യ​തി​നു​പി​ന്നി​ല്‍ സൈ​ന്യ​മാ​ണെ​ന്നാ​ണ് ആ​രോ​പ​ണ​മു​യ​ര്‍ന്ന​ത്. ചെ​റി​യ പാ​ര്‍ട്ടി​ക​ളി​ല്‍ ഇം​റാ​നെ പി​ന്തു​ണ​ക്കാ​നി​ട​യു​ള്ള നേ​താ​ക്ക​ളു​ടെ വി​ജ​യം ‘ആ​രോ’ ഉ​റ​പ്പു വ​രു​ത്തു​ന്നു​ണ്ടാ​യി​രു​ന്നു. ശൈ​ഖ് റാ​ഷി​ദ് അ​ഹ്​​മ​ദ്​ ഖാ​നെ​തി​രെ റാ​വ​ല്‍പി​ണ്ടി​യി​ല്‍ മ​ത്സ​രി​ച്ച ഹ​നീ​ഫ് അ​ബ്ബാ​സി​യെ വോ​ട്ടെ​ടു​പ്പി​ന് മൂ​ന്നു​ദി​വ​സം മു​മ്പ് രാ​ത്രി 11.30നാ​ണ് ഏ​ഴു​വ​ര്‍ഷം പ​ഴ​ക്ക​മു​ള്ള ഒ​രു കേ​സ് വി​ചാ​ര​ണ​ക്കെ​ടു​ത്ത് കോ​ട​തി കു​റ്റ​വാ​ളി​യാ​യി ക​ണ്ടെ​ത്തി അ​യോ​ഗ്യ​നാ​ക്കി​യ​ത്. ‘ജി​യോ ടി.​വി’​യും ‘ഡോ​ണ്‍’ ദി​ന​പ​ത്ര​വു​മൊ​ക്കെ ക​ഴി​ഞ്ഞ മൂ​ന്നു മാ​സ​ത്തി​ലേ​റെ​യാ​യി വി​ത​ര​ണ​മേ​ഖ​ല​യി​ല്‍ ത​ട​സ്സ​ങ്ങ​ളും വി​ല​ക്കു​ക​ളും നേ​രി​ടു​ന്നു​ണ്ടാ​യി​രു​ന്നു. സൈ​ന്യം തെ​ര​ഞ്ഞെ​ടു​പ്പി​ല്‍ പ​ര​സ്യ​മാ​യി ഇ​ട​പെ​ടു​ന്നു​വെ​ന്ന് റി​പ്പോ​ര്‍ട്ട് ചെ​യ്ത ഗു​ല്‍ ബു​ഖാ​രി എ​ന്ന വ​നി​താ പ​ത്ര​പ്ര​വ​ര്‍ത്ത​ക അ​ജ്ഞാ​ത​രു​ടെ ത​ട​വി​ലാ​യി. 

തി​ക​ച്ചും അ​ല്‍ഭു​ത​പ്പെ​ടു​ത്തി​യ മ​റ്റൊ​രു ഘ​ട​ക​മാ​യി​രു​ന്നു മു​ത്ത​ഹി​ദ മ​ജ്‌​ലി​സെ അ​മ​ല്‍ എ​ന്ന എം.​എം.​എ​യും സൈ​ന്യ​വും ത​മ്മി​ലു​ണ്ടാ​യ അ​ക​ല്‍ച്ച. ‘മു​ല്ല മി​ലി​റ്റ​റി അ​ല​യ​ന്‍സ്’ എ​ന്ന് വി​മ​ര്‍ശ​ക​ര്‍ പ​ല​പ്പോ​ഴും പ​രി​ഹ​സി​ക്കാ​റു​ള്ള ഈ ​മു​ന്ന​ണി​യെ പ​രാ​ജ​യ​പ്പെ​ടു​ത്താ​ന്‍ മ​റ്റാ​രേ​ക്കാ​ളും ഇ​ത്ത​വ​ണ രം​ഗ​ത്തു​ണ്ടാ​യി​രു​ന്ന​ത് സൈ​ന്യം ത​ന്നെ​യാ​ണ്. ല​ശ്ക​റെ ത്വ​യ്യി​ബ രം​ഗ​ത്തി​റ​ക്കി​യ അ​ല്ലാ​ഹു അ​ക്ബ​ര്‍ പാ​ര്‍ട്ടി, ല​ശ്ക​റെ ജാ​ങ്​​വി​യു​ടെ രാ​ഷ്​​ട്രീ​യ​മു​ഖ​മാ​യ അ​ഹ്‌​ലു​സ്സു​ന്ന​ത്ത് വ​ല്‍ ജ​മാ​അ​ത്ത്, ഐ​സി​സു​മാ​യി ബ​ന്ധ​മു​ണ്ടെ​ന്ന് ആ​രോ​പി​ക്ക​പ്പെ​ടു​ന്ന ല​ബ്ബൈ​ക്ക യാ ​റ​സൂ​ല​ല്ലാ​ഹ് പാ​ര്‍ട്ടി എ​ന്നി​വ​ക്ക് സൈ​ന്യം അ​റി​യാ​തെ ഒ​രി​ക്ക​ലും അം​ഗീ​കാ​രം ല​ഭി​ക്കു​മാ​യി​രു​ന്നി​ല്ല. ജ​മാ​അ​ത്തെ ഇ​സ്‌​ലാ​മി ഉ​ൾ​പ്പെ​െ​ട​യു​ള്ള ഈ ​മു​ന്ന​ണി വ​ട​ക്ക​ന്‍ മേ​ഖ​ല​യി​ല്‍ പ​ത്ത് സീ​റ്റി​ല്‍ ഒ​തു​ങ്ങി​യ​ത് സൈ​ന്യം രം​ഗ​ത്തി​റ​ക്കി​യ മ​ത​തീ​വ്ര​വാ​ദി സം​ഘ​ട​ന​ക​ളു​ടെ സാ​ന്നി​ധ്യ​മാ​യി​രു​ന്നു. ഒ​രേ​സ​മ​യം ഇം​റാ​ന്‍വി​രു​ദ്ധ വോ​ട്ടു​ക​ളെ പി​ള​ര്‍ത്തു​ക​യും ഒ​പ്പം ത​ങ്ങ​ളു​ടെ ര​ഹ​സ്യ​അ​ജ​ണ്ട​ക്ക് ജ​നാ​ധി​പ​ത്യ സ​മൂ​ഹ​ത്തി​​​െൻറ പി​ന്തു​ണ പ​രി​ശോ​ധി​ക്കു​ക​യും കൂ​ടി​യാ​യി​രു​ന്നു സൈ​ന്യം ചെ​യ്ത​ത്.    

ഇന്ത്യക്ക്​ കരുതൽ വേണ്ടിവരും
മൊ​ത്ത​ത്തി​ൽ പ​രി​ശോ​ധി​ക്കു​മ്പോ​ള്‍ ഇം​റാ​ന്‍ എ​ങ്ങ​നെ​യെ​ങ്കി​ലും ജ​യി​ക്ക​ണ​മെ​ന്ന​ത് എ​ഴു​ത​പ്പെ​ട്ടു​ക​ഴി​ഞ്ഞ ഒ​രു തി​ര​ക്ക​ഥ​യു​ടെ ഭാ​ഗ​മാ​യി മാ​റു​ന്നു​ണ്ട്. മ​റ​ക്കു​പി​ന്നി​ലെ ശ​ക്തി​ക​ളെ​ന്ന് ന​വാ​സ് ശ​രീ​ഫ് ആ​രോ​പി​ച്ച ഇ​ക്കൂ​ട്ട​ര്‍ മു​സ്‌​ലിം​ലീ​ഗ് നൂ​നി​ല്‍ ക​ണ്ട ദോ​ഷ​ങ്ങ​ള്‍ എ​ന്താ​യി​രു​ന്നു​വെ​ന്നാ​ണ് ഇ​ന്ത്യ​യെ​യും അ​ഫ്ഗാ​നെ​യു​മൊ​ക്കെ ഇ​നി ഭ​യ​പ്പെ​ടു​ത്തേ​ണ്ട​ത്. ഇം​റാ​ന്‍ പ​റ​ഞ്ഞ കാ​ര്യ​ങ്ങ​ളി​ല്‍ പ​ര​സ്പ​ര​മു​ള്ള വ്യാ​പാ​ര​ബ​ന്ധം മെ​ച്ച​പ്പെ​ടു​ത്തു​ന്ന​ത് ഇ​ന്ത്യ-​പാ​ക് ബ​ന്ധ​ത്തെ സ​ഹാ​യി​ക്കു​മെ​ന്ന നി​രീ​ക്ഷ​ണം ന​മു​ക്ക് സ്വാ​ഗ​തം​ചെ​യ്യാ​വു​ന്ന​തേ ഉ​ള്ളൂ. ന​വാ​സ് ശ​രീ​ഫ് ഭ​ര​ണ​കൂ​ട​ത്തി​​​െൻറ ന​യ​ങ്ങ​ളു​ടെ തു​ട​ര്‍ച്ച മാ​ത്ര​മാ​ണ​ത്. ഇ​ന്ത്യ​യു​ടെ ഉ​രു​ക്കു​ഭീ​മ​ന്‍ ന​വീ​ന്‍ ജി​ന്‍ഡാ​ലു​മാ​യി ഇ​സ്‌​ലാ​മാ​ബാ​ദി​ല്‍ കൂ​ടി​ക്കാ​ഴ്ച ന​ട​ത്തു​ക​യും അ​തി​​​െൻറ പ്രാ​ധാ​ന്യം സൈ​ന്യ​ത്തെ ബോ​ധ്യ​പ്പെ​ടു​ത്തു​ക​യു​മാ​യി​രു​ന്ന​ല്ലോ ശ​രീ​ഫ് ചെ​യ്ത​ത്. ക​ശ്മീ​രി​ല്‍ പ​ക്ഷേ, ക​ഴി​ഞ്ഞ ര​ണ്ടു വ​ര്‍ഷ​ത്തി​ലേ​റെ​യാ​യി തു​ട​രു​ന്ന അ​തി​ക്ര​മ​ങ്ങ​ളോ​ട് ത​ന്ത്ര​പ​ര​മാ​യ മൗ​നം പാ​ലി​ക്കു​ക​യും ചി​ല ഒ​ഴു​ക്ക​ന്‍ മ​ട്ടി​ലു​ള്ള പ്ര​സ്താ​വ​ന​ക​ള്‍ ന​ട​ത്തു​ക​യു​മാ​ണ് ന​വാ​സ് ചെ​യ്ത​ത്. ഇ​ന്ത്യ​യു​ടെ ആ​ഭ്യ​ന്ത​ര​കാ​ര്യം എ​ന്ന​തി​ല​പ്പു​റം പാ​കി​സ്​​താ​നു​കൂ​ടി താ​ല്‍പ​ര്യ​മു​ള്ള ഒ​രു വി​ഷ​യ​മാ​യി ഇ​പ്പോ​ള്‍ ന​ട​ക്കു​ന്ന സം​ഘ​ര്‍ഷ​ത്തെ വി​ല​യി​രു​ത്താ​ന്‍ ന​വാ​സ് ശ​രീ​ഫ് മെ​ന​ക്കെ​ട്ടി​ട്ടി​ല്ല. കു​ല്‍ഭൂ​ഷ​ണ്‍ യാ​ദ​വി​​​െൻറ കാ​ര്യ​ത്തി​ല്‍ ഇ​ന്ത്യ​ക്ക് പ​ര​മാ​വ​ധി സ​മ​യം അ​നു​വ​ദി​ക്കാ​നും അ​ദ്ദേ​ഹം ത​യാ​റാ​യി.ഈ ​ര​ണ്ട് വി​ഷ​യ​ങ്ങ​ളി​ലും സൈ​ന്യം അ​ൽ​പം പോ​ലും ന​വാ​സ് ശ​രീ​ഫി​നെ ഉ​ള്‍ക്കൊ​ണ്ടി​രു​ന്നി​ല്ല. 

ന​വാ​സ് ശ​രീ​ഫി​നെ വേ​ണ്ടെ​ന്നു​വെ​ക്കാ​നു​ള്ള ഈ ​കാ​ര​ണ​ങ്ങ​ള്‍ ഇം​റാ​ന്‍ ഖാ​ന്‍ സ്വ​ന്തം വ്യ​ക്തി​പ്ര​ഭാ​വ​ത്തി​ലൂ​ടെ മ​റി​ക​ട​ക്കു​മോ എ​ന്നാ​ണ് കാ​ത​ലാ​യ ചോ​ദ്യം.  ഇ​ന്ത്യ​യു​മാ​യി തു​റ​ന്ന ച​ര്‍ച്ച​ക്ക് ഒ​രു​ക്ക​മാ​ണെ​ന്ന് പ​റ​യു​മ്പോ​ള്‍ത​ന്നെ 70 വ​ര്‍ഷം ച​ര്‍ച്ച ചെ​യ്തി​ട്ടും പ​രി​ഹാ​ര​ത്തി​​​െൻറ ഒ​രു ചു​വ​ടു​പോ​ലും മു​ന്നോ​ട്ടു​പോ​യി​ട്ടി​ല്ലാ​ത്ത ക​ശ്മീ​ര്‍ വി​ഷ​യ​ത്തി​​​െൻറ പി​ന്നി​ലേ​ക്കാ​ണ് ഇം​റാ​നും ‘കാ​ള​ക​ളെ’ ചേ​ര്‍ത്തു​കെ​ട്ടു​ന്ന​ത്. അ​ഫ്ഗാ​നു​മാ​യി തു​റ​ന്ന അ​തി​ര്‍ത്തി സ്വ​പ്‌​നം കാ​ണു​ന്ന​തി​​​െൻറ ന​യ​ത​ന്ത്ര പ​രി​സ​രം എ​ന്താ​ണെ​ന്ന് ഇ​ന്ത്യ​ക്കും അ​മേ​രി​ക്ക​ക്കും ന​ല്ല​തു​പോ​ലെ അ​റി​യാം. ചൈ​ന​യു​ടെ കാ​ര്യ​ത്തി​ല്‍ പ​ക്ഷേ സീ​പെ​ക് റോ​ഡ് എ​ന്ന രാ​ഷ്​​ട്രീ​യ​പ്രാ​ധാ​ന്യ​മു​ള്ള സം​ജ്ഞ ത​ന്നെ​യാ​ണ് ഇം​റാ​ന്‍ ഉ​പ​യോ​ഗി​ച്ച​ത്. ഈ ​റോ​ഡി​ല​ട​ങ്ങി​യ രാ​ഷ്​​ട്രീ​യ​ത​ര്‍ക്ക​ത്തെ ല​ഘൂ​ക​രി​ക്കു​ന്ന ‘ഓ​ബോ​ര്‍’ എ​ന്ന പ​ദ​പ്ര​യോ​ഗ​മ​ല്ല എ​ന്ന​തും ഇ​ന്ത്യ ശ്ര​ദ്ധി​ക്കേ​ണ്ട വി​ഷ​യ​മാ​ണ്. വി​ശാ​ല​മാ​യ അ​ര്‍ഥ​ത്തി​ല്‍ വി​ല​യി​രു​ത്തു​മ്പോ​ള്‍ ഇം​റാ​ന്‍ ഖാ​​​െൻറ പ്ര​സം​ഗം സൈ​ന്യ​ത്തി​​​െൻറ താ​ല്‍പ​ര്യ​ങ്ങ​ളു​ടെ ബാ​ഹ്യ​ല​ക്ഷ​ണ​ങ്ങ​ളു​മാ​യി മി​ക്ക​യി​ട​ത്തും ഒ​ത്തു​വ​രു​ക​യാ​ണ് ചെ​യ്യു​ന്ന​ത്.  അ​യ​ല്‍പ​ക്ക​ത്ത് ക്ഷേ​മ​രാ​ഷ്​​ട്രം വ​രു​ന്ന​തും അ​ന്നാ​ട്ടി​ലെ അ​ത്താ​ഴ​പ്പ​ട്ടി​ണി​ക്കാ​രാ​യ പാ​വ​ങ്ങ​ള്‍ക്ക് ജീ​വി​ത​ത്തി​​​െൻറ ര​ണ്ട​റ്റം കൂ​ട്ടി​മു​ട്ടി​ക്കാ​നു​ള്ള പോം​വ​ഴി അ​വ​രു​ടെ രാ​ജ്യ​ത്തു​ത​ന്നെ സാ​ധ്യ​മാ​കു​ന്ന​തു​മൊ​ക്കെ ഇ​ന്ത്യ​ക്കു ന​ല്ല​തു​ത​ന്നെ. അ​തി​നു​ള്ള പ​ദ്ധ​തി​ക​ള്‍ക്കാ​വും മു​ന്‍കൈ​യെ​ടു​ക്കു​ക എ​ന്ന് വെ​റു​തെ പ​റ​യു​ക മാ​ത്ര​മാ​യി​രു​ന്നി​ല്ല ഇം​റാ​ന്‍. അ​മേ​രി​ക്ക​യു​ടെ, യു​ദ്ധ​ത്തി​നു​വേ​ണ്ടി അ​വ​ര്‍ വ​ഹി​ക്കു​ന്ന ചെ​ല​വ് പാ​കി​സ്​​താ​നു​ള്ള സ​ഹാ​യ​ധ​ന​മാ​യി ക​ണ​ക്കി​ല്‍പെ​ടു​ത്തു​ന്ന പ​രി​പാ​ടി ഇ​നി​മു​ത​ല്‍ ന​ട​ക്കി​ല്ലെ​ന്നും ഇ​രു രാ​ജ്യ​ങ്ങ​ള്‍ക്കും പ​ര​സ്പ​രം സ​ഹാ​യ​ക​ര​മാ​യി​ത്തീ​രു​ന്ന പ​ദ്ധ​തി​ക​ളു​മാ​യി മാ​ത്ര​മേ ഭാ​വി​യി​ല്‍ സ​ഹ​ക​രി​ക്കൂ എ​ന്നു​കൂ​ടി നി​യു​ക്ത​പ്ര​ധാ​ന​മ​ന്ത്രി ന​യം വ്യ​ക്ത​മാ​ക്കു​ന്നു. യു​ദ്ധാ​തീ​ത​മാ​യ ഒ​രു സ​മ്പ​ദ്‌​വ്യ​വ​സ്ഥ​യെ ആ​ണ് ഇം​റാ​ന്‍ സ്വ​പ്‌​നം കാ​ണു​ന്ന​തെ​ന്നും ഈ ​വാ​ക്കു​ക​ളെ വ്യാ​ഖ്യാ​നി​ക്കാ​നാ​വും. പാ​കി​സ്​​താ​ന്‍ കു​റെ​ക്കൂ​ടി പ്ര​ക​ട​മാ​യ അ​മേ​രി​ക്ക​ന്‍ വി​രു​ദ്ധ​ത​യി​ലേ​ക്കും ചൈ​നീ​സ് പ​ക്ഷ​പാ​തി​ത്വ​ത്തി​ലേ​ക്കു​മാ​ണ് നീ​ങ്ങു​ന്ന​തെ​ന്ന​ര്‍ഥം. എ​ന്നാ​ല്‍ ഇ​ന്ത്യ​യു​മാ​യു​ള്ള ച​ര്‍ച്ച​ക​ളു​ടെ അ​ടി​സ്ഥാ​നം ക​ശ്മീ​ര്‍ ത​ന്നെ​യാ​ണെ​ന്ന് ഒ​രു അ​ര്‍ഥ​ശ​ങ്ക​ക്കു​മി​ട​യി​ല്ലാ​തെ ഇം​റാ​ന്‍ എ​ടു​ത്തു​പ​റ​യു​ന്നു​ണ്ട്. അ​വി​ടെ​യാ​ണ് ന​മ്മു​ടെ ആ​ശ​യ​ക്കു​ഴ​പ്പം ബാ​ക്കി​യാ​വു​ന്ന​തും. ഭ​ര​ണ​ത്തി​ല്‍ എം.​എം.​എ​യു​ടെ പി​ന്തു​ണ ഇം​റാ​ന് കി​ട്ടി​യാ​ലും ഇ​ല്ലെ​ങ്കി​ലും സൈ​ന്യ​വും ഭീ​ക​ര​വാ​ദ രാ​ഷ്​​ട്രീ​യ​ക്കാ​രും ചേ​ര്‍ന്ന് പ​ദ്ധ​തി​യി​ട്ട അ​ജ​ണ്ട​ക​ളാ​യി​രി​ക്കു​മോ ഇം​റാ​ന് ന​ട​പ്പാ​ക്കേ​ണ്ടി​വ​രു​ക? കാ​ത്തി​രു​ന്നു കാ​ണാം.                  ●