ചൈ​ന​യെ പാ​ഠം  പ​ഠി​പ്പി​ക്കു​ന്ന ഹോ​ങ്കോ​ങ്

ഹോ​ങ്കോ​ങ്ങി​ലെ പ്ര​ക്ഷോ​ഭ​ക​രെ​യും ജ​നാ​ധി​പ​ത്യ​വാ​ദി​ക​ളെ​യും പി​ന്താ​ങ്ങു​ന്ന ബി​ല്ലി​ൽ അ​മേ​രി​ക്ക​ൻ പ്ര​സി​ഡ​ൻ​റ്​ ഡോ​ണ​ൾ​ഡ്​ ട്രം​പ്​ ഒ​പ്പു​വെ​ച്ച​ത്​ അ​ഞ്ചു​മാ​സ​ത്തി​ല​ധി​ക​മാ​യി തു​ട​രു​ന്ന ഹോ​ങ്കോ​ങ്​ പ്ര​ക്ഷോ​ഭ​ത്തി​നു കൂ​ടു​ത​ൽ ഇ​ന്ധ​നം ന​ൽ​കി​യി​രി​ക്കു​ക​യാ​ണ്. സി​ൻ​ജ്യാ​ങ്ങി​ലെ ഉ​യി​ഗു​ർ മു​സ്​​ലിം​ക​ൾ​ക്കു​നേ​രെ ന​ട​ക്കു​ന്ന അ​ക്ര​മ​ങ്ങ​ളെ അ​പ​ല​പി​ക്കു​ന്ന ബി​ല്ലും അ​മേ​രി​ക്ക കു​റ​ച്ചു​മു​മ്പ്​ പാ​സാ​ക്കി​യി​രു​ന്നു. ഈ ​നീ​ക്ക​ങ്ങ​ൾ ചൈ​ന​യു​ടെ ന​ട​പ​ടി​ക​ളെ ആ​ഗോ​ള​ശ്ര​ദ്ധ​യി​ൽ കൊ​ണ്ടു​വ​ന്ന് പ്ര​തി​ഷേ​ധ​വി​കാ​ര​മു​യ​ർ​ത്താ​നും ചൈ​ന​ക്കു​മേ​ൽ സ​മ്മ​ർ​ദം ശ​ക്ത​മാ​ക്കാ​നും ഇ​ട​യാ​ക്കും. 

ബി​ല്ലി​നെ ചൈ​ന ശ​ക്ത​മാ​യി എ​തി​ർ​ക്കു​ക​യും ത​ക്ക​മ​റു​പ​ടി അ​മേ​രി​ക്ക​ക്കു​ന​ൽ​കു​മെ​ന്ന്​ മു​ന്ന​റി​യി​പ്പ്​ ന​ൽ​കു​ക​യും ചെ​യ്​​തി​ട്ടു​ണ്ട്. അ​മേ​രി​ക്ക​യും പ​ടി​ഞ്ഞാ​റ​ൻ രാ​ജ്യ​ങ്ങ​ളും ചൈ​ന​യു​ടെ വ​ള​ർ​ച്ച​യി​ൽ അ​സൂ​യ​പൂ​ണ്ടാ​ണ്​ ഹോ​ങ്കോ​ങ്, ഉ​യി​ഗു​ർ പ്ര​ശ്ന​ങ്ങ​ളി​ൽ​നി​ല​പാ​ടെ​ടു​ക്കു​ന്ന​തെ​ന്നാ​ണ്​ ചൈ​നീ​സ്​ അ​ധി​കൃ​ത​രു​ടെ ആ​രോ​പ​ണം.  എ​ന്നാ​ൽ, ചൈ​ന​യു​ടെ നി​ല​പാ​ടു​ക​ളോ​ടാ​ണ്​ ഹോ​ങ്കോ​ങ്​ ജ​ന​ത​ക്ക്​ എ​തി​ർ​പ്പെ​ന്ന്​ ഒ​ന്നു​കൂ​ടി ഊ​ന്നി​പ്പ​റ​യു​ന്ന​താ​ണ്​ പോ​യ​വാ​രം ന​ട​ന്ന ജി​ല്ല കൗ​ൺ​സി​ൽ തെ​ര​ഞ്ഞെ​ടു​പ്പ് ഫ​ലം. ഹോ​ങ്കോ​ങ്ങി​ലെ 18ഓ​ളം ജി​ല്ല കൗ​ൺ​സി​ലു​ക​ളി​ൽ 17ഉം ​ജ​നാ​ധി​പ​ത്യ​വാ​ദി​ക​ൾ കൈ​യ​ട​ക്കി ചൈ​ന​യെ അ​നു​കൂ​ലി​ക്കു​ന്ന പ​ക്ഷ​ത്തി​ന്​ വ​ലി​യ തി​രി​ച്ച​ടി ന​ൽ​കി. നി​ല​വി​ലെ പ്ര​ക്ഷോ​ഭ​ങ്ങ​ളെ സാ​ധൂ​ക​രി​ക്കു​ന്ന​താ​ണ്​ തെ​ര​ഞ്ഞെ​ടു​പ്പ്​ ഫ​ലം, അ​തോ​ടൊ​പ്പം ചൈ​ന​ക്ക്​ ത​ല​വേ​ദ​ന കൂ​ട്ടു​ന്ന​തും.

ക​ന​ത്ത മാ​ധ്യ​മ​നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി ഉ​യി​ഗു​ർ മു​സ്​​ലിം​ക​ൾ​ക്കു​നേ​രെ ന​ട​ക്കു​ന്ന പീ​ഡ​ന​ങ്ങ​ൾ പു​റം​ലോ​ക​ത്ത്​ എ​ത്താ​തി​രി​ക്കാ​ൻ എ​ല്ലാ അ​ട​വു​ക​ളും പ​യ​റ്റി​യ ചൈ​ന​ക്ക്​ അ​തേ​രീ​തി​യി​ൽ ഹോ​ങ്കോ​ങ്​ പ്ര​ക്ഷോ​ഭ​ങ്ങ​ളെ ത​മ​സ്​​ക​രി​ക്കാ​ൻ ക​ഴി​യു​ന്നി​ല്ല. അ​തു​കൊ​ണ്ടു​ത​ന്നെ ലോ​ക​ബി​സി​ന​സ്​ ത​ല​സ്ഥാ​ന​ങ്ങ​ളി​ലൊ​ന്നാ​യ ഹോ​ങ്കോ​ങ്ങി​ലെ ഈ ​സ​മ​രം ഇ​തി​ന​കം ലോ​ക​ശ്ര​ദ്ധ പി​ടി​ച്ചു​പ​റ്റി. സ​മ​ര​ങ്ങ​ളെ​യും എ​തി​ർ​ശ​ബ്​​ദ​ങ്ങ​ളെ​യും അ​ടി​ച്ച​മ​ർ​ത്തു​ന്ന​തി​ൽ ഒ​രു ദാ​ക്ഷി​ണ്യ​വും കാ​ണി​ക്കാ​ത്ത ചൈ​ന ഇ​വി​ടെ​യും അ​ത്​ ആ​വ​ർ​ത്തി​ക്കു​മെ​ന്നാ​ണ്​ ലോ​കം ക​രു​തി​യ​ത്. 30 വ​ർ​ഷം മു​മ്പ്​ ന​ട​ന്ന ടി​യാ​ന​ൻ​മെ​ൻ സ്ക്വ​യ​റി​ലെ അ​തി​ദാ​രു​ണ സം​ഭ​വ​വും ഉ​യി​ഗു​ർ മു​സ്​​ലിം​ക​ളെ അ​തി​ക്രൂ​ര​മാ​യി അ​ടി​ച്ച​മ​ർ​ത്തു​ന്ന സ​മ​കാ​ലീ​ന യാ​ഥാ​ർ​ഥ്യ​വും മു​ന്നി​ൽ​വെ​ച്ച്​ സ്വാ​ഭാ​വി​ക​മാ​യും ചൈ​ന​യി​ൽ​നി​ന്ന്​ അ​ത്ത​ര​മൊ​രു നീ​ക്കം ഹോ​ങ്കോ​ങ്ങി​നു നേ​രെ​യും ഉ​ണ്ടാ​കു​മെ​ന്ന്​ ഭ​യ​പ്പെ​ട്ട​ത്​ തി​ക​ച്ചും സ്വാ​ഭാ​വി​കം.

എ​ന്നാ​ൽ, ഇ​തി​നു നേ​ർ​വി​പ​രീ​ത​മാ​ണ്​ ചൈ​നീ​സ്​ അ​ധി​കൃ​ത​രു​ടെ ഹോ​ങ്കോ​ങ്ങി​ലെ നീ​ക്ക​ങ്ങ​ൾ. ലോ​ക​ശ്ര​ദ്ധ​യി​ലു​ള്ള ന​ഗ​ര​മാ​യ​തു​കൊ​ണ്ടാ​വാം വ​ള​രെ ക​രു​ത​ലോ​ടെ​യാ​ണ്​ അ​വ​ർ നീ​ങ്ങി​യ​ത്. ഉ​ദാ​ഹ​ര​ണ​ത്തി​ന്, പ്ര​ക്ഷോ​ഭം വ്യാ​പ​ക​മാ​യ സ​മ​യ​ത്ത്​ ന​ഗ​ര​ത്തി​ലെ ഏ​റ്റ​വും വ​ലി​യ പ​ള്ളി​യും ഇ​സ്​​ലാ​മി​ക് സെ​ൻ​റ​റു​മാ​യ കൗ​ലൂ​ങ്​ ജു​മാ​മ​സ്ജി​ദി​നു മു​ന്നി​ൽ ആ​ൾ​ക്കൂ​ട്ട​ത്തെ ക​ണ്ട്​ പ്ര​ക്ഷോ​ഭ​ക​രെ​ന്നു തെ​റ്റി​ദ്ധ​രി​ച്ച്​ പൊ​ലീ​സ്​ രാ​സ​പ​ദാ​ർ​ഥ​ങ്ങ​ൾ അ​ട​ങ്ങി​യ വെ​ള്ളം പ​മ്പ്​ ചെ​യ്​​ത്​ പ​ള്ളി​യു​ടെ മു​ൻ​വ​ശം അ​ല​ങ്കോ​ല​പ്പെ​ടു​ത്തി. സം​ഭ​വം വ​ലി​യ പ്ര​തി​ഷേ​ധം ക്ഷ​ണി​ച്ചു​വ​രു​ത്തി​യ​തോ​ടെ തെ​റ്റു​പ​റ്റി​യ​തി​ന്​ പൊ​ലീ​സ്​ മാ​പ്പു​പ​റ​ഞ്ഞു. അ​തു​കൊ​ണ്ടും അ​വ​സാ​നി​പ്പി​ക്കാ​തെ, ന​ഗ​ര​ത്തി​ലെ പൊ​ലീ​സ് മേ​ധാ​വി​യും ഹോ​ങ്കോ​ങ്ങി​െ​ൻ​റ ചൈ​ന അ​നു​കൂ​ലി​യാ​യ ഭ​ര​ണ​ക​ർ​ത്താ​വ്​ കാ​രി​ലാ​മും നേ​രി​ട്ട്​ പ​ള്ളി​യി​ലെ​ത്തി ഭാ​ര​വാ​ഹി​ക​ളെ ക​ണ്ട്​ ക്ഷ​മാ​പ​ണം ന​ട​ത്തി. ഉ​യി​ഗു​രി​ൽ പ​ള്ളി ത​ക​ർ​ത്ത അ​തേ ചൈ​ന​യു​ടെ അ​റി​വോ​ടും സ​മ്മ​ത​ത്തോ​ടും​കൂ​ടി​ത്ത​ന്നെ​യാ​ണ്​ ഇൗ ​നീ​ക്ക​വും എ​ന്ന​താ​ണ്​ കൗ​തു​ക​ക​രം.

ഇം​ഗ്ലീ​ഷ്​ വ്യാ​പ​ക​മാ​യി സം​സാ​രി​ക്കു​ന്ന, ആ​ഗോ​ള​നി​ക്ഷേ​പ​ക​രു​ടെ കേ​ന്ദ്ര​ങ്ങ​ളി​ലൊ​ന്നാ​യ ഹോ​ങ്കോ​ങ്ങി​നു നേ​രെ ഉ​രു​ക്കു​മു​ഷ്​​ടി പ്ര​യോ​ഗി​ച്ചാ​ൽ അ​ത്​ ചൈ​ന​യു​ടെ​ത​ന്നെ സാ​മ്പ​ത്തി​ക മേ​ഖ​ല​ക്ക്​ വ​ലി​യ ആ​ഘാ​ത​മു​ണ്ടാ​ക്കും. ചൈ​ന​ക്ക​ക​ത്ത്​ ഹോ​ങ്കോ​ങ്ങി​നു സ​മാ​ന​മാ​യി ഷെ​ൻ​സ​ൻ എ​ന്ന ന​ഗ​രം വ​ള​ർ​ത്തി​ക്കൊ​ണ്ടു​വ​ന്നെ​ങ്കി​ലും ഹോ​ങ്കോ​ങ്​ ഇ​പ്പോ​ഴും ലോ​ക​ത്തെ ചൈ​ന​യു​മാ​യി​ബ​ന്ധി​പ്പി​ക്കു​ന്ന പ്ര​ധാ​ന വ്യാ​പാ​ര​കേ​ന്ദ്ര​മാ​യി തു​ട​രു​ക​യാ​ണ്. കൂ​ടാ​തെ പ്ര​ത്യേ​ക സ്വ​യം​ഭ​ര​ണ​പ്ര​ദേ​ശ​മാ​യി നി​ല​നി​ൽ​ക്കു​ന്ന​തി​നാ​ൽ ചൈ​ന​ക്ക​ക​ത്തു കാ​ണി​ക്കു​ന്ന ക്രൂ​ര​മാ​യ അ​ടി​ച്ച​മ​ർ​ത്ത​ലു​ക​ളും സ്വാ​ത​ന്ത്ര്യ​ധ്വം​സ​ന​വും ഹോ​ങ്കോ​ങ്ങി​ൽ പ്ര​യോ​ഗി​ക്കാ​ൻ ക​ഴി​യു​ക​യി​ല്ല. അ​മേ​രി​ക്ക​യു​മാ​യു​ള്ള വ്യാ​പാ​ര​യു​ദ്ധ​വും ഉ​ൽ​പാ​ദ​ന​രം​ഗ​ത്തെ ത​ക​ർ​ച്ച​യും കാ​ര​ണം സാ​മ്പ​ത്തി​ക​മാ​ന്ദ്യം അ​നു​ഭ​വി​ക്കു​ന്ന ചൈ​ന​ക്ക്​ ​ഹോ​ങ്കോ​ങ്ങി​നു​നേ​രെ ശ​ക്ത​മാ​യ നീ​ക്ക​ങ്ങ​ൾ ന​ട​ത്തി​യാ​ൽ വീ​ണ്ടും അ​മേ​രി​ക്ക​യു​ടെ ക​ടു​ത്ത വ്യാ​പാ​ര-​ന​യ​ത​ന്ത്ര ഉ​പ​രോ​ധ​ങ്ങ​ൾ വി​ളി​ച്ചു​വ​രു​ത്തേ​ണ്ടി വ​രും. അ​തു​കൊ​ണ്ടു​ത​ന്നെ​യാ​ണ്​ ചൈ​ന, ഹോ​ങ്കോ​ങ്​ വി​ഷ​യ​ത്തി​ൽ സം​യ​മ​നം പാ​ലി​ക്കു​ന്ന​ത്.
ഹോ​ങ്കോ​ങ്ങി​ൽ​നി​ന്ന് കു​റ്റ​വാ​ളി​ക​ളെ​യും കു​റ്റാ​രോ​പി​ത​രെ​യും ചൈ​ന​ക്ക്​ കൈ​മാ​റാ​ൻ വ്യ​വ​സ്ഥ ചെ​യ്യു​ന്ന ബി​ൽ ഗ​വ​ൺ​മെ​ൻ​റ്​ പാ​സാ​ക്കാ​ൻ ഒ​രു​ങ്ങി​യ​പ്പോ​ഴാ​ണ്​

ജൂ​ണി​ൽ പ്ര​ക്ഷോ​ഭം തു​ട​ങ്ങി​യ​ത്. ഈ ​ബി​ൽ നി​ല​വി​ൽ വ​രു​ന്ന​തോ​ടെ ത​ങ്ങ​ളെ  എ​തി​ർ​ക്കു​ന്ന ആ​രെ​യും ഹോ​േ​ങ്കാ​ങ്ങി​ൽ​നി​ന്ന്​ കേ​സു​ക​ളി​ൽ കു​ടു​ക്കി ചൈ​ന​യി​ലേ​ക്ക്​ കൊ​ണ്ടു​പോ​കാ​ൻ ക​ഴി​യും. ചൈ​ന​യി​ൽ​നി​ന്ന്​ വ്യ​ത്യ​സ്ത​മാ​യ നി​യ​മ​വും സാ​മ്പ​ത്തി​ക​വ്യ​വ​സ്ഥ​യും നി​ല​നി​ൽ​ക്കു​ന്ന ലോ​ക സാ​മ്പ​ത്തി​ക ത​ല​സ്ഥാ​ന​ങ്ങ​ളി​ലൊ​ന്നാ​യി അ​റി​യ​പ്പെ​ടു​ന്ന ഹോ​ങ്കോ​ങ്ങി​ന്​ ഇ​ത്​ സ്വീ​കാ​ര്യ​മ​ല്ല. 1997ൽ ​ഹോ​ങ്കോ​ങ്​ ചൈ​ന​യു​ടെ ഭാ​ഗ​മാ​യെ​ങ്കി​ലും നി​യ​മ​പ​ര​മാ​യി സ്വ​യം​ഭ​ര​ണ പ്ര​ദേ​ശ​മാ​യി നി​ല​നി​ൽ​ക്കു​ന്നു. ഹോ​ങ്കോ​ങ്ങി​നെ ബ്രി​ട്ട​ൻ​ ചൈ​ന​ക്ക്​ വി​ട്ടു​ന​ൽ​കു​മ്പോ​ൾ ഉ​ണ്ടാ​ക്കി​യ ക​രാ​റ​നു​സ​രി​ച്ച്​ 50 വ​ർ​ഷ​ത്തോ​ളം വി​ദേ​ശ​കാ​ര്യം, പ്ര​തി​രോ​ധം എ​ന്നി​വ​യി​ലൊ​ഴി​കെ ആ ​ന​ഗ​ര​രാ​ജ്യ​ത്തി​ന് സ്വ​യം​ഭ​ര​ണാ​വ​കാ​ശം ഉ​ണ്ടാ​കും. അ​ങ്ങ​നെ ഒ​രു രാ​ജ്യം, ര​ണ്ടു വ്യ​വ​സ്ഥ എ​ന്ന രീ​തി​യി​ലാ​ണ്​ കാ​ര്യ​ങ്ങ​ൾ നീ​ങ്ങി​യ​ത്.
പ്ര​സ്തു​ത ബി​ൽ പി​ൻ​വ​ലി​ച്ചെ​ങ്കി​ലും പ്ര​തി​ഷേ​ധ​ക്കാ​രു​ടെ മ​റ്റാ​വ​ശ്യ​ങ്ങ​ൾ ഇ​നി​യും പ​രി​ഗ​ണി​ച്ചി​ട്ടി​ല്ല.

ജ​നാ​ധി​പ​ത്യ​വാ​ദി​ക​ളു​ടെ പ്ര​ധാ​ന​മാ​യ ഒ​രാ​വ​ശ്യം ചൈ​ന​യു​ടെ ഇ​ട​പെ​ട​ലി​ല്ലാ​തെ ത​ങ്ങ​ളു​ടെ ഭ​ര​ണാ​ധി​കാ​രി​യെ സ്വ​യം തി​ര​ഞ്ഞെ​ടു​ക്കാ​നു​ള്ള അ​വ​കാ​ശം അ​നു​വ​ദി​ക്ക​ണ​മെ​ന്നാ​ണ്. ചൈ​ന​യു​ടെ ഭാ​ഗ​മാ​യെ​ങ്കി​ലും ഇ​പ്പോ​ഴും ചൈ​ന​യി​ൽ​നി​ന്ന്​ വ്യ​ത്യ​സ്ത​മാ​യ അ​സ്തി​ത്വം നി​ല​നി​ർ​ത്താ​ൻ അ​വ​ർ ആ​ഗ്ര​ഹി​ക്കു​ന്നു. ചൈ​ന​യി​ൽ​നി​ന്ന്​ വ്യ​ത്യ​സ്ത​മാ​യി സ്വ​ത​ന്ത്ര​മാ​യ മീ​ഡി​യ, ജു​ഡീ​ഷ്യ​റി, ആ​വി​ഷ്​​കാ​രം എ​ന്നി​വ ഇ​പ്പോ​ഴും ഹോ​ങ്കോ​ങ്ങി​ൽ നി​ല​നി​ൽ​ക്കു​ന്നു. ത​ങ്ങ​ൾ അ​നു​ഭ​വി​ക്കു​ന്ന സ്വാ​ത​ന്ത്ര്യ​ത്തി​നു​മേ​ൽ കൈ​വെ​ച്ച​പ്പോ​ഴാ​ണ്​ ജ​നം പ്ര​ക്ഷോ​ഭ​വു​മാ​യി ​തെ​രു​വി​ലി​റ​ങ്ങി​യ​ത്. ഹോ​ങ്കോ​ങ്ങി​െ​ൻ​റ ഈ ​സ​വി​ശേ​ഷ അ​സ്തി​ത്വം മാ​റ്റി​യെ​ടു​ക്കാ​ൻ സ്കൂ​ളു​ക​ളി​ലെ സി​ല​ബ​സു​ക​ൾ ചൈ​നാ​നു​കൂ​ല​മാ​ക്കാ​ൻ ഒ​രു ശ്ര​മം മു​മ്പ്​ ന​ട​ത്തി​യെ​ങ്കി​ലും വ​ലി​യ പ്ര​തി​ഷേ​ധ​ത്തി​നൊ​ടു​വി​ൽ പി​ൻ​വ​ലി​ക്കു​ക​യാ​യി​രു​ന്നു.
ഇൗ ​​പ്ര​ക്ഷോ​ഭം, ചൈ​ന​യു​ടെ സ​ർ​വാ​ധി​പ​ത്യ​ത്തി​നെ​തി​രെ പ്ര​തി​രോ​ധം തീ​ർ​ക്കു​ന്ന താ​യ്​​വാ​ൻ, ഉ​യി​ഗു​ർ മു​സ്​​ലിം​ക​ൾ, തി​ബ​ത്ത്​ വം​ശ​ജ​ർ എ​ന്നി​വ​രു​ടെ​യും ഹോ​േ​ങ്കാ​ങ്ങു​കാ​രു​ടെ​യും ആ​ഗോ​ള ഐ​ക്യ​ത്തി​ന്​ വ​ഴി​തു​റ​ന്നി​രി​ക്കു​ക​യാ​ണ്. വി​വി​ധ രാ​ജ്യ​ങ്ങ​ളി​ൽ ഈ ​വി​ഭാ​ഗ​ങ്ങ​ളെ​ല്ലാം ചൈ​ന​ക്കെ​തി​രെ ഒ​രു​മി​ച്ചാ​ണി​പ്പോ​ൾ പ്ര​തി​ഷേ​ധം സം​ഘ​ടി​പ്പി​ക്കു​ന്ന​ത്. ഇ​തി​ൽ താ​യ്​​വാ​ൻ ചൈ​ന​യോ​ട്​ പ​ര​സ്യ​മാ​യി ഉ​ട​ക്കി​നി​ൽ​ക്കു​ന്നു. വ​രു​ന്ന ജ​നു​വ​രി​യി​ൽ ന​ട​ക്കാ​നി​രി​ക്കു​ന്ന പ്ര​സി​ഡ​ൻ​റ്​ തെ​ര​ഞ്ഞെ​ടു​പ്പി​ൽ ചൈ​ന ഇ​ട​പെ​ടാ​ൻ ശ്ര​മി​ക്കു​ന്നു എ​ന്നാ​രോ​പി​ച്ച്​ ചൈ​ന​യെ ‘ജ​നാ​ധി​പ​ത്യ​ത്തി​െ​ൻ​റ ശ​ത്രു’ എ​ന്നാ​ണ്​ ഏ​താ​നും നാ​ളു​ക​ൾ​ക്കു​മു​മ്പ്​ അ​വി​ട​ത്തെ ഭ​ര​ണ​പ​ക്ഷം വി​ശേ​ഷി​പ്പി​ച്ച​ത്.

ഇ​തൊ​ക്കെ​യാ​ണെ​ങ്കി​ലും ഉ​യി​ഗു​ർ മു​സ്​​ലിം​ക​ളോ​ട്​ കാ​ണി​ച്ച ക്രൂ​ര​ത​ക​ൾ ത​ങ്ങ​ൾ​ക്കു​നേ​രെ​യും പ്ര​യോ​ഗി​ച്ചേ​ക്കാം എ​ന്ന ആ​ശ​ങ്ക പ്ര​ക്ഷോ​ഭ​ക​ർ​ക്കു​ണ്ട്. അ​തു​കൊ​ണ്ടു​ത​ന്നെ ക​രു​ത​ലോ​ടെ​യാ​ണ്​ അ​വ​രു​ടെ ഒാ​രോ നീ​ക്ക​വും. എ​ന്നാ​ൽ, ചൈ​ന​ക്ക്​ അ​ത്ര പെ​ട്ടെ​ന്ന്​ കീ​ഴ്​​​പ്പെ​ടാ​ൻ ഒ​രു​ക്ക​മ​ല്ല അ​വ​ർ. അ​വ​രു​ടെ നി​ശ്ച​യ​ദാ​ർ​ഢ്യം ചൈ​ന​യു​ടെ ഉ​രു​ക്കു​മു​ഷ്​​ടി​യി​ൽ ഞെ​രി​ഞ്ഞ​മ​രു​ന്ന ഉ​യി​ഗു​ർ മു​സ്​​ലിം​ക​ൾ അ​ട​ക്ക​മു​ള്ള​വ​ർ​ക്ക്​ പൊ​രു​താ​ൻ വ​ലി​യ തോ​തി​ൽ ഊ​ർ​ജം ന​ൽ​കു​ന്നു.

Loading...
COMMENTS