അ​മ്മാ​യീ, ന​മ്മ​​ളെ​ന്നാ​ണ് സ്വ​ർ​ഗ​ത്തി​ലേ​ക്ക് പോ​വു​ക?

മാ​ർ​ച്ച് ര​ണ്ടി​ന് ഗ​സ്സ​യി​ലേ​ക്കു​ള്ള എ​ല്ലാ വ​ഴി​ക​ളും അ​ട​ക്കു​ന്നു എ​ന്ന് കേ​ട്ട​പ്പോ​ൾ, അ​ത് ര​ണ്ടാ​ഴ്ച​യി​ൽ കൂ​ടു​ത​ൽ നീ​ളി​ല്ലെ​ന്നാ​ണ് ഞ​ങ്ങ​ൾ ക​രു​തി​യ​ത്. അ​​വ​ശേ​ഷി​ക്കു​ന്ന ബ​ന്ധു​ക്ക​ളെ ഇ​ഫ്താ​റി​നാ​യി ക്ഷ​ണി​ക്കാ​നും നോ​മ്പ് തു​റ​ക്കാ​ൻ എ​ന്ത് ഭ​ക്ഷ​ണം എ​ന്നോ​ർ​ത്ത് വി​ഷ​മി​ക്കാ​തി​രി​ക്കാ​നും സാ​ധി​ക്കു​ന്ന ഒ​രു റ​മ​ദാ​നാ​ണ് ഞ​ങ്ങ​ൾ ആ​ഗ്ര​ഹി​ച്ച​ത്. പ​ക്ഷേ, വി​ചാ​രി​ച്ച​തു പോ​ലെ​യാ​യി​രു​ന്നി​ല്ല കാ​ര്യ​ങ്ങ​ൾ. ടി​ന്നി​ല​ട​ച്ച ഭ​ക്ഷ​ണം കൊ​ണ്ടാ​ണ് പു​ണ്യ​മാ​സം മു​ഴു​വ​ൻ ഞ​ങ്ങ​ൾ ക​ഴി​ച്ചു​കൂ​ട്ടി​യ​ത്.

ഗ​സ്സ​യി​ലെ ഒ​ട്ടു​മി​ക്ക കു​ടും​ബ​ങ്ങ​ളെ​യും പോ​ലെ ഞ​ങ്ങ​ളും ഭ​ക്ഷ​ണ​മോ അ​വ​ശ്യ​വ​സ്തു​ക്ക​ളോ ശേ​ഖ​രി​ച്ച് വെ​ച്ചി​രു​ന്നി​ല്ല. കാ​ര​ണം, അ​തി​ർ​ത്തി​ക​ൾ വീ​ണ്ടും അ​ട​ക്കു​മെ​ന്നോ ക്ഷാ​മം - അ​ല്ലെ​ങ്കി​ൽ യു​ദ്ധം - വീ​ണ്ടും വ​രു​മെ​ന്നോ ആ​രും പ്ര​തീ​ക്ഷി​ച്ച​ത​ല്ല.

തു​ട​ർ​ന്നു​ള്ള ദി​വ​സ​ങ്ങ​ളി​ൽ, ഭ​ക്ഷ​ണ​വും മ​റ്റ് അ​വ​ശ്യ​വ​സ്തു​ക്ക​ളും വി​പ​ണി​ക​ളി​ൽ​നി​ന്ന് അ​പ്ര​ത്യ​ക്ഷ​മാ​യി, വി​ല കു​തി​ച്ചു​യ​ർ​ന്നു. ഒ​രു കി​ലോ​ഗ്രാം പ​ച്ച​ക്ക​റി കി​ട്ടാ​ൻ കു​റ​ഞ്ഞ​ത് എ​ട്ട് ഡോ​ള​റെ​ങ്കി​ലും കൊ​ടു​​ക്ക​ണ​മാ​യി​രു​ന്നു. പ​ഞ്ച​സാ​ര​ക്ക് 22 ഡോ​ള​റും കു​ഞ്ഞു​ങ്ങ​ൾ​ക്കു​ള്ള പാ​ൽ​പ്പൊ​ടി​ക്ക് 11 ഡോ​ള​റും വി​ല​യാ​യി. മു​മ്പ് എ​ട്ട് ഡോ​ള​റി​ന് ഒ​രു ചാ​ക്ക് നി​റ​യെ മാ​വ് ല​ഭി​ക്കു​മാ​യി​രു​ന്നു. അ​തി​ന് വി​ല ആ​ദ്യം അ​മ്പ​ത് ഡോ​ള​റാ​യി; ര​ണ്ടു​മാ​സ​ത്തി​നു​ള്ളി​ൽ അ​ത് 300 ഡോ​ള​റാ​യി ഉ​യ​ർ​ന്നു.

ഗ​സ്സ​യി​ലെ ആ​ളു​ക​ൾ​ക്ക് ഈ ​വി​ല​ക്ക​യ​റ്റം താ​ങ്ങാ​വു​ന്ന​തി​ലു​മ​പ്പു​റ​മാ​ണ്. അ​തു​കൊ​ണ്ട് ഞ​ങ്ങ​ൾ ഭ​ക്ഷ​ണം പ്രാ​ത​ലും അ​ത്താ​ഴ​വും മാ​ത്ര​മാ​യി പ​രി​മി​ത​പ്പെ​ടു​ത്തി, പ്രാ​ത​ലി​ന് അ​ര റൊ​ട്ടി, അ​ത്താ​ഴ​ത്തി​ന് ഒ​രു റൊ​ട്ടി എ​ന്നാ​ണ് ക​ണ​ക്ക്. കു​റ​ച്ച് റൊ​ട്ടി​യോ ഒ​രു ചെ​റി​യ പ്ലേ​റ്റ് ഭ​ക്ഷ​ണ​മോ ല​ഭി​ക്കാ​നാ​യി സ്ത്രീ​ക​ളും പു​രു​ഷ​ന്മാ​രും പ്രാ​യ​മേ​റി​യ​വ​രും കു​ഞ്ഞു​ങ്ങ​ളും ബേ​ക്ക​റി​ക​ളു​ടെ​യും ചാ​രി​റ്റി കി​ച്ച​നു​ക​ളു​ടെ​യും മു​ന്നി​ൽ നാ​ണ​വും സ​ങ്ക​ട​വും അ​ട​ക്കി​പ്പി​ടി​ച്ച് മ​ണി​ക്കൂ​റു​ക​ളോ​ളം കാ​ത്തു​നി​ന്നു. നി​ൽ​ക്കാ​തെ വ​യ്യ- ചി​ല കു​ടും​ബ​ങ്ങ​ൾ​ക്ക്, അ​ത് ആ ​ദി​വ​സ​ത്തെ ഏ​ക ഭ​ക്ഷ​ണ​മാ​യി​രു​ന്നു.

ഞാ​ൻ താ​മ​സി​ക്കു​ന്ന മ​ധ്യ ഗ​സ്സ​യി​ലെ മു​ഴു​വ​ൻ ആ​ൾ​ക്കാ​ർ​ക്കു​മാ​യി മൂ​ന്നേ മൂ​ന്ന് ബേ​ക്ക​റി​ക​ളാ​ണ് അ​വ​ശേ​ഷി​ച്ചി​രു​ന്ന​ത്. ഈ ​​ബേ​ക്ക​റി​ക​ൾ​ക്കു​മു​ന്നി​ലെ തി​ര​ക്ക് എ​ത്ര​യാ​യി​രു​ന്നു​വെ​ന്നാ​ൽ, അ​തു​മൂ​ലം റോ​ഡു​ക​ൾ ത​ട​സ്സ​പ്പെ​ടു​ക​യും പ്ര​ദേ​ശ​ത്തെ ഗ​താ​ഗ​തം സ്തം​ഭി​ക്കു​ക​യും ചെ​യ്തി​രു​ന്നു. ശ്വാ​സം​മു​ട്ടി​ക്കു​ന്ന ഉ​ന്തി​ലും ത​ള്ളി​ലും പെ​ട്ട് എ​ല്ലാ ദി​വ​സ​വും ആ​രെ​ങ്കി​ലു​മൊ​ക്കെ കു​ഴ​ഞ്ഞു​വീ​ഴും. ഇ​തെ​ല്ലാം ക​ഴി​ഞ്ഞാ​ലും രാ​വി​ലെ മു​ത​ൽ കാ​ത്തു​നി​ന്ന​വ​രി​ൽ തീ​രെ കു​റ​ച്ചു​പേ​ർ​ക്ക് മാ​ത്ര​മേ ബ്രെ​ഡ് ല​ഭി​ക്കാ​റു​ള്ളൂ.

നേ​രം വെ​ളു​ക്കു​ന്ന​തി​നു​​മു​മ്പേ എ​​ന്റെ ഉ​പ്പ ബേ​ക്ക​റി​ക്ക് മു​ന്നി​ൽ പോ​യി ക്യൂ ​നി​ൽ​ക്കു​മാ​യി​രു​ന്നു. പ​ക്ഷേ, അ​തി​നു​മു​മ്പേ വ​ന്ന​വ​ർ ബേ​ക്ക​റി​ക്കു​മു​ന്നി​ൽ വ​രി​യാ​യി കി​ട​ന്നു​റ​ങ്ങു​ന്ന​തി​നാ​ൽ അ​പ്പോ​ൾ​ത​ന്നെ ക്യൂ​വി​ന് നീ​ളം വെ​ച്ചി​ട്ടു​ണ്ടാ​വും. ഉ​ച്ച​വ​രെ കാ​ത്തു​നി​ന്ന ശേ​ഷം എ​ന്റെ സ​ഹോ​ദ​ര​നെ ആ ​സ്ഥാ​ന​ത്ത് നി​ർ​ത്തും. അ​വ​സാ​നം ഒ​ന്നും കി​ട്ടാ​തെ ഇ​രു​വ​രും മ​ട​ങ്ങി​വ​രും. റൊ​ട്ടി​യു​ണ്ടാ​ക്കാ​നു​ള്ള മാ​വി​നും ചൂ​ള​ക​ൾ ക​ത്തി​ക്കാ​നു​ള്ള ഗ്യാ​സി​നും ക​ടു​ത്ത ദൗ​ർ​ല​ഭ്യ​ത വ​ന്ന​തോ​ടെ ഞ​ങ്ങ​ൾ​ക്ക് എ​ത്തി​പ്പെ​ടാ​ൻ ക​ഴി​യു​ന്ന ആ ​മൂ​ന്ന് ബേ​ക്ക​റി​ക​ളും പൂ​ട്ടു​ക​യാ​ണെ​ന്ന് മാ​ർ​ച്ച് 31ന് ​വേ​ൾ​ഡ് ഫു​ഡ് പ്രോ​ഗ്രാം അ​ധി​കൃ​ത​ർ പ്ര​ഖ്യാ​പി​ച്ചു. അ​ത് ഭ​ക്ഷ്യ​ക്ഷാ​മ​ത്തി​ന്റെ തു​ട​ക്ക​മാ​യി​രു​ന്നു.

ശേ​ഷി​ച്ച ഭ​ക്ഷ​ണ ശേ​ഖ​ര​വും തീ​ർ​ന്ന​തോ​ടെ ചാ​രി​റ്റി കി​ച്ച​നു​ക​ളും പൂ​ട്ടാ​ൻ തു​ട​ങ്ങി. ക​ഴി​ഞ്ഞ​യാ​ഴ്ച മാ​ത്രം ഒ​രു ഡ​സ​ൻ കി​ച്ച​നു​ക​ൾ അ​ട​ച്ചു. ജ​നം കൂ​ടു​ത​ൽ നി​രാ​ശ​യി​ലാ​ണ്ടു. ന്യാ​യ​മാ​യ വി​ല​യി​ൽ ഒ​രു ബാ​ഗ് മാ​വ് ആ​രെ​ങ്കി​ലും ന​ൽ​കു​മോ എ​ന്ന​ന്വേ​ഷി​ച്ച് ആ​ളു​ക​ൾ ഫേ​സ്ബു​ക്കി​ലും ടെ​ല​ഗ്രാ​മി​ലും അ​ഭ്യ​ർ​ഥ​ന​ക​ൾ പോ​സ്റ്റ് ചെ​യ്യാ​ൻ തു​ട​ങ്ങി. അ​ടു​ക്ക​ള​ക​ൾ ഇ​പ്പോ​ഴും പ്ര​വ​ർ​ത്ത​ന​സ​ജ്ജ​മാ​യ ‘ഭാ​ഗ്യ’​മു​ള്ള ഒ​രു പ്ര​ദേ​ശ​ത്താ​ണ് ഞ​ങ്ങ​ൾ താ​മ​സി​ക്കു​ന്ന​ത്.

എ​ന്റെ ഡാ​ന എ​ട്ട് വ​യ​സ്സു​കാ​രി അ​ന​ന്ത​ര​വ​ൾ ദി​വ​സ​വും ചാ​രി​റ്റി കി​ച്ച​നു മു​ന്നി​ൽ കൂ​ട്ടു​കാ​രോ​ടൊ​പ്പം ഊ​ഴം​കാ​ത്ത് നി​ൽ​ക്കും. ഒ​രു ത​വി ഭ​ക്ഷ​ണം കി​ട്ടി​യാ​ൽ പോ​ലും അ​ഭി​മാ​ന​ത്തോ​ടെ അ​വ​ൾ ഓ​ടി​വ​രും, അ​വ​ൾ​ക്ക് കി​ട്ടും​മു​മ്പ് ഭ​ക്ഷ​ണം തീ​ർ​ന്നു​പോ​യാ​ൽ ക​ണ്ണീ​രോ​ടെ തി​രി​ച്ചു​വ​രും.

വീ​ടു​ത​ക​ർ​ന്ന്, ഞ​ങ്ങ​ളു​ടെ അ​ടു​ത്തു​ള്ള അ​ൽ-​മു​ഫ്തി സ്കൂ​ളി​ലെ ക്യാ​മ്പി​ലേ​ക്ക് താ​മ​സം മാ​റി​യ കു​ടും​ബ​ത്തി​​ലെ ഒ​രു പ​യ്യ​ൻ ചാ​രി​റ്റി കി​ച്ച​നി​ൽ നി​ന്ന് ഭ​ക്ഷ​ണം വാ​ങ്ങാ​നു​ള്ള ശ്ര​മ​ത്തി​നി​ടെ ഭ​ക്ഷ​ണ​പ്പാ​ത്ര​ത്തി​ലേ​ക്ക് വീ​ണു. ദേ​ഹം മു​ഴു​വ​ൻ പൊ​ള്ള​ലേ​റ്റ അ​വ​ൻ ​പി​ന്നീ​ട് പ​ട്ടി​ണി​യി​ല്ലാ​ത്ത ലോ​ക​ത്തേ​ക്ക് പോ​യി.

വ​ഴി​ക​ൾ അ​ട​ച്ചി​ട്ട് ഏ​ക​ദേ​ശം ഒ​ന്ന​ര മാ​സ​ത്തി​ന​കം ഏ​താ​ണ്ട് എ​ല്ലാ​യി​ട​ത്തും, ഓ​രോ മ​നു​ഷ്യ​രി​ലും ക്ഷാ​മ​ത്തി​ന്റെ ല​ക്ഷ​ണ​ങ്ങ​ൾ പ്ര​ക​ട​മാ​യി​ത്തു​ട​ങ്ങി- ആ​ളു​ക​ൾ ഒ​ഴി​ഞ്ഞ വ​യ​റു​മാ​യി ഉ​റ​ങ്ങു​ന്നു, പൊ​ടു​ന്ന​നെ ഭാ​രം കു​റ​യു​ന്നു, ചു​റ്റി​ലും വി​ള​റി​യ മു​ഖ​ങ്ങ​ൾ, ദു​ർ​ബ​ല ശ​രീ​ര​ങ്ങ​ൾ. പ​ടി​ക​ൾ ക​യ​റാ​ൻ ഇ​പ്പോ​ൾ ഇ​ര​ട്ടി പ​രി​ശ്ര​മം വേ​ണ്ടി​വ​രു​ന്നു.

ഒ​ന്ന​ര​യും ര​ണ്ടും വ​യ​സ്സു​ള്ള എ​ന്റെ അ​ന​ന്ത​ര​വ​ന്മാ​ർ -മു​സാ​ബി​നും മു​ഹ​മ്മ​ദി​നും നോ​മ്പു​കാ​ല​ത്ത് ക​ടു​ത്ത പ​നി പി​ടി​പെ​ട്ടു. ഭ​ക്ഷ​ണ​വും മ​രു​ന്നു​ക​ളും ഇ​ല്ലാ​ത്ത​തി​നാ​ൽ ഒ​രു മാ​സ​മെ​ടു​ത്തു അ​തൊ​ന്ന് ഭേ​ദ​മാ​വാ​ൻ. ​ഫെ​​​ബ്രു​വ​രി​യി​ൽ ക​ണ്ണി​ന് ശ​സ്ത്ര​ക്രി​യ ചെ​യ്ത എ​ന്റെ ഉ​മ്മ​യു​ടെ അ​വ​സ്ഥ​യും അ​തു​പോ​ലെ ത​ന്നെ. പോ​ഷ​കാ​ഹാ​ര​വും ക​ണ്ണി​ലു​റ്റി​ക്കാ​നു​ള്ള മ​രു​ന്നും ല​ഭ്യ​മ​ല്ലാ​ത്ത​തി​നാ​ൽ മു​മ്പ​ത്തേ​ക്കാ​ൾ പ്ര​യാ​സ​മാ​ണ് അ​വ​ർ​ക്കി​പ്പോ​ൾ.

അ​തി​ർ​ത്തി​ക​ൾ അ​ട​ക്കു​ന്ന​തി​നു​മു​മ്പ് നു​സൈ​റ​ത്തി​ലെ അ​ൽ അ​ദ്‍വ ആ​ശു​പ​ത്രി​യി​ൽ ചെ​ന്ന് ഞാ​ൻ ര​ക്തം ദാ​നം ചെ​യ്തി​രു​ന്നു. അ​തെ​ന്റെ ആ​രോ​ഗ്യ​ത്തെ കാ​ര്യ​മാ​യി ബാ​ധി​ച്ചു. ക​ടു​ത്ത ബ​ല​ഹീ​ന​ത​യും ഒ​ന്നി​ലും ശ്ര​ദ്ധി​ക്കാ​ൻ പ​റ്റാ​ത്ത സ്‍ഥി​തി​യും വ​ന്ന​തോ​ടെ ഞാ​ൻ ഡോ​ക്ട​റെ ക​ണ്ടു. ടി​ൻ​ഫു​ഡ് ക​ഴി​ക്കു​ന്ന​ത് പൂ​ർ​ണ​മാ​യും നി​ർ​ത്താ​നും കൂ​ടു​ത​ൽ പ​ഴ​ങ്ങ​ളും മാം​സ​വും ക​ഴി​ക്കാ​നും അ​ദ്ദേ​ഹം നി​ർ​ദേ​ശി​ച്ചു. അ​സാ​ധ്യ​മാ​യ കാ​ര്യ​മാ​ണ് നി​ർ​ദേ​ശി​ക്കു​ന്ന​തെ​ന്ന് ഡോ​ക്ട​ർ​ക്ക​റി​യാം, പ​ക്ഷേ, അ​ദ്ദേ​ഹ​ത്തി​ന് മ​റ്റെ​ന്താ​ണ് പ​റ​യാ​നാ​വു​ക?

അ​ഞ്ചു വ​യ​സ്സു​ള്ള അ​ന​ന്ത​ര​വ​ൻ ഖാ​ലി​ദ് അ​വ​ന്റെ ഉ​മ്മ​യു​ടെ ഫോ​ണി​ൽ ഭ​ക്ഷ​ണ​ങ്ങ​ളു​ടെ ചി​ത്രം കാ​ണു​മ്പോ​ഴെ​ല്ലാം അ​ത് വേ​ണ​മെ​ന്നു​പ​റ​യും, ഇ​റ​ച്ചി വി​ഭ​വ​ങ്ങ​ളു​ടെ ചി​ത്രം കാ​ണു​മ്പോ​ൾ ചോ​ദി​ക്കും. ര​ക്ത​സാ​ക്ഷി​യാ​യ അ​വ​ന്റെ ഉ​പ്പ​ക്ക് സ്വ​ർ​ഗ​ത്തി​ൽ അ​തെ​ല്ലാം കി​ട്ടു​ന്നു​ണ്ടാ​വു​മ​ല്ലേ എ​ന്ന്. എ​ന്നാ​ണ് ന​മ്മ​ൾ സ്വ​ർ​ഗ​ത്തി​ൽ ഉ​പ്പ​യു​ടെ അ​രി​കി​ൽ പോ​വു​ക, ഈ ​ഭ​ക്ഷ​ണ​ങ്ങ​ൾ ന​മ്മ​ളും ക​ഴി​ക്കു​ക എ​ന്ന് അ​വ​ൻ ചോ​ദി​ക്കു​മ്പോ​ൾ മ​റു​പ​ടി​യെ​ന്ത് പ​റ​യ​ണം എ​ന്ന് നി​ശ്ച​യ​മി​ല്ലാ​തെ കു​ഴ​ങ്ങി​പ്പോ​വും. ക്ഷ​മി​ക്ക​ണം, ക്ഷ​മ പാ​ലി​ക്കു​ന്ന​വ​ർ​ക്കൊ​പ്പ​മാ​ണ് ദൈ​വം എ​ന്ന് പ​റ​ഞ്ഞു​കൊ​ടു​ക്കും.

ദി​വ​സേ​ന ക​ണ്ണി​നു​മു​ന്നി​ൽ കാ​ണു​ന്ന ക്ഷാ​മ​ത്തി​ന്റെ​യും നി​രാ​ശ​യു​ടെ​യും ക​ടു​ത്ത നി​സ്സ​ഹാ​യ​ത പ​ക​രു​ന്നു. മെ​ലി​ഞ്ഞൊ​ട്ടി​യ കു​ഞ്ഞു​ങ്ങ​ളെ​യും മ​രു​ന്നും ഭ​ക്ഷ​ണ​വു​മി​ല്ലാ​തെ പി​ട​യു​ന്ന രോ​ഗി​ക​ളെ​യും മു​റി​വേ​റ്റ​വ​രെ​യും ക​ണ്ടി​ട്ടും ലോ​ക​ത്തി​ന് എ​ങ്ങ​നെ​യാ​ണ് ഇ​തു​പോ​ലെ നി​ശ്ശ​ബ്ദ​ത പാ​ലി​ക്കാ​ൻ സാ​ധി​ക്കു​ന്ന​ത്?

ബോം​ബാ​ക്ര​മ​ണം, പ​ട്ടി​ണി, രോ​ഗം....​ഞ​ങ്ങ​ളെ കൊ​ന്നൊ​ടു​ക്കാ​ൻ അ​ധി​നി​വേ​ശം സ​ക​ല മാ​ർ​ഗ​ങ്ങ​ളും ഉ​പ​യോ​ഗി​ക്കു​ന്നു​ണ്ട്. ഒ​രു ക​ഷ​ണം റൊ​ട്ടി​ക്കാ​യി യാ​ചി​ക്കേ​ണ്ടി​വ​രു​ന്ന ദു​ര​വ​സ്ഥ​യി​ലേ​ക്ക് ഞ​ങ്ങ​ൾ ചു​രു​ങ്ങി​യി​രി​ക്കു​ന്നു. ലോ​കം മു​ഴു​വ​ൻ അ​ത് കാ​ണു​ക​യും അ​തു​പോ​ലും ന​ൽ​കാ​ൻ സാ​ധി​ക്കി​ല്ലെ​ന്ന് ഭാ​വി​ക്കു​ക​യും ചെ​യ്യു​ന്നു.

(ഗ​സ്സ​യി​ൽ നി​ന്നു​ള്ള എ​ഴു​ത്തു​കാ​രി​യും ഇം​ഗ്ലീ​ഷ് സാ​ഹി​ത്യ വി​ദ്യാ​ർ​ഥി​നി​യു​മാ​ണ് ലേ​ഖി​ക)