തി​രി​ച്ചു​പോ​ക്ക്​ ഗാ​ന്ധി​യി​ലേ​ക്ക്

ഝാ​ര്‍ഖ​ണ്ഡി​ലെ ആ​ദി​വാ​സി​യോ​ട് ഒ​രി​ക്ക​ല്‍ ചോ​ദി​ച്ചു, എ​ന്തു​കൊ​ണ്ടാ​ണ്​ ഗാ​ന്ധി​ജി​യെ ഇ​ത്ര​യും ഇ​ഷ്​​ട​പ്പെ​ടു​ന്ന​തെ​ന്ന്. ഗാ​ന്ധി ത​ങ്ങ​ളെ പോ​ലെ വ​സ്ത്രം ധ​രി​ക്കു​ന്ന​തു​കൊ​ണ്ടും കു​ടി​ലി​ല്‍ താ​മ​സി​ക്കു​ന്ന​തു​കൊ​ണ്ടും എ​ന്നാ​യി​രു​ന്നു മ​റു​പ​ടി. ത​ങ്ങ​ളെ​പോ​ലെ​യാ​ണ് ഗാ​ന്ധി എ​ന്നാ​ണ് ആ ​ആ​ദി​വാ​സി​ക്ക് തോ​ന്നി​യ​ത്. ഇ​ന്ന​ത്തെ ഏ​തു നേ​താ​വി​നെ ക​ണ്ടാ​ലും ത​ങ്ങ​ളെ പോ​ലെ​യാ​ണെ​ന്ന് ഒ​രു ആ​ദി​വാ​സി​ക്കും തോ​ന്നി​ല്ല. രാ​ഷ്​​ട്രീ​യം ഒ​രു തൊ​ഴി​ലാ​യി മാ​റി​യി​രി​ക്കു​ന്നു. രാ​ഷ്​​ട്രീ​യ​ത്തി​ലു​ള്ള​വ​ര്‍ മ​റ്റു പ​ണി​യൊ​ന്നു​മെ​ടു​ക്കു​ന്നി​ല്ല. രാ​ഷ്​​ട്രീ​യം മാ​ത്ര​മാ​ണ് അ​വ​രു​ടെ വ​രു​മാ​ന​വും സ​മ്പാ​ദ്യ​വും. അ​തു മൂ​ലം വ​ലി​യ സ​ന്യാ​സി​മാ​ര്‍പോ​ലും ക​ക്ഷി​രാ​ഷ്​​ട്രീ​യ​ത്തി​ലി​റ​ങ്ങു​ക​യാ​ണ്. ഈ​ശ്വ​ര​നെ തേ​ടി​പ്പോ​യ മ​നു​ഷ്യ​നാ​ണ് പാ​ര്‍ല​മെ​ൻ​റ്​ തേ​ടി വ​രു​ന്ന​ത്. എ​ല്ലാ​റ്റി​നും ശ​ക്തി​യു​ണ്ടെ​ന്ന് താ​ന്‍ വി​ശ്വ​സി​ക്കു​ന്ന ഈ​ശ്വ​ര​െ​ൻ​റ വ​ഴി​യേ പോ​യ മ​നു​ഷ്യ​ന് പാ​ര്‍ല​മെ​ൻ​റി​ലെ സീ​റ്റും തേ​ടി വ​രേ​ണ്ട കാ​ര്യ​മു​ണ്ടോ? എ​ന്തു​മാ​ത്രം അ​ധഃ​പ​ത​ന​മാ​ണി​ത്. മ​നു​ഷ്യ​ന് ആ​വ​ശ്യം അം​ഗീ​കാ​ര​മാ​ണ്. അം​ഗീ​കാ​രം പ​ണ​ത്തി​ലൂ​ടെ​യും പ​ദ​വി​യി​ലൂ​ടെ​യും വ​രാം. അം​ഗീ​കാ​രം ത്യാ​ഗ​ത്തി​ല്‍ കൂ​ടി​യും വ​രു​മെ​ന്ന് ഗാ​ന്ധി കാ​ണി​ച്ചു​ത​ന്നു. അ​ല്ലെ​ങ്കി​ല്‍ കൊ​ട്ടാ​രം വി​ട്ട് ചെ​റി​യ കു​ടി​ലി​ല്‍പോ​യി താ​മ​സി​ക്കേ​ണ്ട ആ​വ​ശ്യം ഗാ​ന്ധി​ജി​ക്കി​ല്ല​ല്ലോ. ആ​ളു​ക​ള്‍ക്കി​പ്പോ​ള്‍ ത്യാ​ഗ​മൊ​ന്നും ഇ​ഷ്​​ട​മ​ല്ല. കു​റു​ക്കു​വ​ഴി​യി​ല്‍ പ​ണ​വും പ​ദ​വി​യും അം​ഗീ​കാ​ര​വും വേ​ണം.

ഗാ​ന്ധി ല​ളി​ത​ജീ​വി​തം ന​യി​ച്ച​ത് സു​ഖ​മാ​യി ജീ​വി​ക്കാ​ന്‍ ക​ഴി​യാ​ത്ത​തു​കൊ​ണ്ടാ​യി​രു​ന്നി​ല്ല. ഇ​ന്ത്യ​യു​ടെ രാ​ഷ്​​ട്ര​പ​തി ആ​കാ​മാ​യി​രു​ന്ന ഗാ​ന്ധി ഇ​ന്ത്യ മു​ഴു​വ​ന്‍ സ്വാ​ത​ന്ത്ര്യം ആ​ഘോ​ഷി​ക്കു​മ്പോ​ള്‍ ഡ​ല്‍ഹി​യി​ല്‍ കൊ​ടി ഉ​യ​ര്‍ത്തു​ക​യാ​യി​രു​ന്നി​ല്ല. ഹി​ന്ദു-​മു​സ്​​ലിം ല​ഹ​ള​യി​ല്ലാ​താ​ക്കാ​ന്‍ കൊ​ല്‍ക്ക​ത്ത​യി​ല്‍ മു​ഴു​വ​ന്‍ ന​ട​ക്കു​ക​യാ​യി​രു​ന്നു. ത്യാ​ഗ​ത്തി​െ​ൻ​റ നേ​തൃ​ത്വ​മാ​ണ​ത്. ഇ​ന്ന് ന​മ്മ​ളീ കാ​ണു​ന്ന നേ​തൃ​ത്വം നാ​ട​ക​മാ​ണ്. പൊ​ങ്ങ​ച്ച​വും ക​ള​വും പി​ടി​ച്ചു​പ​റി​യു​മ​ല്ല നേ​തൃ​ഗു​ണ​ങ്ങ​ള്‍. ഗാ​ന്ധി​യു​ടെ വ​ഴി​യി​ലൂ​ടെ ചി​ന്തി​ക്കാ​നും പ്ര​വ​ര്‍ത്തി​ക്കാ​നും ക​ഴി​യു​ന്ന നേ​താ​ക്ക​ള്‍ ഉ​യ​ര്‍ന്നു​വ​ന്നി​ല്ലെ​ങ്കി​ല്‍ ഇ​ന്ത്യ​ക്ക്് മാ​ത്ര​മ​ല്ല, ലോ​ക​ത്തി​നു ത​ന്നെ നാ​ശ​മാ​യി​രി​ക്കും.

ഗാ​ന്ധി​യു​ടെ 150ാം ജ​ന്മ​വാ​ര്‍ഷി​ക​ത്തോ​ട​നു​ബ​ന്ധി​ച്ച് ഒ​രാ​ഴ്ച മു​മ്പ് യൂ​നി​സെ​ഫു​മാ​യി സ​ഹ​ക​രി​ച്ച് ‘ഉ​ന്ന​ത വി​ദ്യാ​ഭ്യാ​സ​വും ഗാ​ന്ധി​യും’ എ​ന്നൊ​രു പ​രി​പാ​ടി സം​ഘ​ടി​പ്പി​ച്ചി​രു​ന്നു. ക്ലാ​സ് മു​റി​യി​ല്‍നി​ന്നു​ള്ള അ​റി​വി​ന് ഇ​ന്ന് സ​മൂ​ഹ​വു​മാ​യി ഒ​രു ബ​ന്ധ​വു​മി​ല്ല. ആ​ദി​വാ​സി​ക​ളു​ടെ​യും ദ​ലി​ത​രു​ടെ​യും പ്ര​ശ്നം പ​ഠി​ക്കാ​ന​ല്ല ക്ലാ​സ് മു​റി​ക​ള്‍ ഉ​പ​യോ​ഗി​ക്കു​ന്ന​ത്. ഒ​രു ന​ല്ല ലോ​കം കെ​ട്ടി​പ്പ​ടു​ക്കാ​നാ​ണ് സ്കൂ​ളും കോ​ള​ജും പ​ഠ​ന​വു​മെ​ല്ലാ​മെ​ങ്കി​ല്‍ അ​തി​ല്‍നി​ന്ന് ന​​ല്ലൊ​രു ലോ​കം ഇ​പ്പോ​ഴു​ണ്ടാ​വു​ന്നി​ല്ല. പ​ഠി​ക്കു​ന്ന​വ​ന് സ​മൂ​ഹ​ത്തോ​ടു​ള്ള ഉ​ത്ത​ര​വാ​ദി​ത്തം എ​ന്താ​ണ് എ​ന്നൊ​ന്നും തീ​രു​മാ​നി​ക്കാ​ത്ത സ​മൂ​ഹ​മാ​യ​തു കൊ​ണ്ടാ​ണ് പ​ണം സ​മ്പാ​ദി​ക്കാ​ന്‍ എ​ന്തു തെ​റ്റും ചെ​യ്യാം എ​ന്ന ധാ​ര​ണ വ​ന്ന​ത്. ലോ​ക​ത്തി​െ​ൻ​റ ഏ​റ്റ​വും വ​ലി​യ പ്ര​ശ്നം ഉ​പ​ഭോ​ഗ​മാ​ണ്. വാ​ങ്ങി​ക്കൂ​ട്ടു​ക, ആ​വ​ശ്യ​ത്തി​ല​ധി​കം ക​ഴി​ക്കു​ക എ​ന്നി​ട്ട​വ​യെ​ല്ലാം പാ​ഴാ​ക്കു​ക. ആ ​സം​സ്​​കാ​ര​ത്തി​ല്‍നി​ന്നാ​ണ് ആ​ഗോ​ള​താ​പ​ന​വും കാ​ലാ​വ​സ്ഥ പ്ര​തി​സ​ന്ധി​യും ഉ​ണ്ടാ​യി​രി​ക്കു​ന്ന​ത്. ജീ​വി​ത​ശൈ​ലി മാ​റ്റി​യെ​ങ്കി​ല്‍ മാ​ത്ര​മേ പ​രി​ഹാ​രം സാ​ധ്യ​മാ​കൂ. എ​ങ്കി​ല്‍ ന​ല്ല ലോ​കം കെ​ട്ടി​പ്പ​ടു​ക്കാ​ന്‍ ക​ഴി​യും. അ​ങ്ങ​നെ​യൊ​രു ധാ​ര​ണ​യു​ണ്ടാ​ക്കു​ന്ന വി​ദ്യാ​ഭ്യാ​സ സ​മ്പ്ര​ദാ​യ​മി​ല്ല. അ​താ​ണ് വി​ഷ​യം.

ഏ​തു പ്ര​വൃ​ത്തി ചെ​യ്യു​മ്പോ​ഴും സ​മൂ​ഹ​ത്തി​ലെ ഏ​റ്റ​വും ഒ​ടു​വി​ല​ത്തെ മ​നു​ഷ്യ​നെ ക​ണ്ടു​കൊ​ണ്ടു ചെ​യ്യൂ എ​ന്നാ​യി​രു​ന്നു ഗാ​ന്ധി​ജി പ​റ​ഞ്ഞ​ത്. ന​മ്മു​ടെ ബു​ദ്ധി​യും ശ​ക്തി​യും അ​ധി​കാ​ര​വും അ​വ​സാ​ന മ​നു​ഷ്യ​നെ​യും ശാ​ക്തീ​ക​രി​ക്കാ​നാ​യി ഉ​പ​യോ​ഗി​ക്കാ​നാ​ണ് ഗാ​ന്ധി​ജി പ​റ​ഞ്ഞ​ത്. ഈ​യൊ​രു ത​ത്ത്വം മാ​ത്രം മ​തി ഈ ​രാ​ജ്യ​ത്തെ ന​ന്നാ​ക്കി​യെ​ടു​ക്കാ​ന്‍. വ​ലി​യ​വ​രെ മാ​ത്രം സേ​വി​ക്കു​ന്ന​വ​ര്‍ ത​ങ്ങ​ളു​ടെ പ്ര​വ​ര്‍ത്ത​നം ചെ​റി​യ​വ​രി​ലേ​ക്കു കൂ​ടി വ്യാ​പി​പ്പി​ച്ചാ​ല്‍ വ​ലി​യ മാ​റ്റം വ​രും. തെ​ര​ഞ്ഞെ​ടു​പ്പി​ല്‍ ജ​യി​ച്ചു എ​ന്നു പ​റ​ഞ്ഞാ​ല്‍ പോ​രാ. എ​ങ്ങ​നെ ജ​യി​ച്ചു​വെ​ന്ന് നോ​ക്ക​ണം. എ​ന്ത് നേ​ടി​യെ​ന്ന​ല്ല, എ​ങ്ങ​നെ നേ​ടി​യെ​ന്ന് നോ​ക്ക​ണം. ‘ഭൂ​മി​യി​ലു​ള്ള അ​ലൂ​മി​നി​യം കു​ഴി​ച്ചെ​ടു​ത്താ​ല്‍ നി​ങ്ങ​ള്‍ക്ക് പ​റ​ക്കാം’ എ​ന്ന വേ​ദാ​ന്ത​യു​ടെ പ​ര​സ്യം നോ​ക്കൂ. ഇ​തെ​വി​ടു​ന്നാ​ണ് ത​ട്ടി​യെ​ടു​ക്കു​ന്ന​ത്? ഇം​ഗ്ല​ണ്ടി​ല്‍ സ്​​റ്റാ​ര്‍ലൈ​റ്റ് എ​ന്ന​റി​യ​പ്പെ​ടു​ന്ന ക​മ്പ​നി ഇ​വി​ടെ വ​ന്ന് വേ​ദാ​ന്ത​യാ​യി. വേ​ദാ​ന്ത എ​ന്ന പേ​ര് മ​തി​യ​​ല്ലോ. അ​ത് കേ​ട്ടാ​ല്‍ പി​ന്നെ ഇ​ന്ത്യ​ക്കാ​ര്‍ക്ക് സ​ന്തോ​ഷ​മാ​കു​മ​ല്ലോ. ഇ​ങ്ങ​നെ കു​റെ പേ​ര്‍ പു​തി​യ ഭാ​ഷ​യി​ല്‍ അ​ധി​നി​വേ​ശ​വു​മാ​യി വ​രു​ക​യാ​ണ്. പ്ര​കൃ​തി​യോ​ണി​ട​ങ്ങി ജീ​വി​ക്കു​ന്ന ഒ​രു സ​മൂ​ഹ​ത്തെ​യാ​ണ് നാം ​ന​ശി​പ്പി​ക്കു​ന്ന​ത്. ഈ ​എ​ണ്ണ​യും ക​ല്‍ക്ക​രി ഖ​നി​ക​ളും ധാ​തു​ല​വ​ണ​ങ്ങ​ളു​മെ​ല്ലാം ഒ​രു നാ​ള്‍ എ​ടു​ത്തു തീ​രു​മ്പോ​ള്‍ എ​ങ്ങ​നെ ജീ​വി​ക്കു​മെ​ന്ന് ല​ളി​ത​മാ​യി ജീ​വി​ച്ച് ശീ​ലി​ച്ച ആ​ദി​വാ​സി​ക​ള്‍ക്ക് കാ​ണി​ച്ചു​ത​രാ​ന്‍ ക​ഴി​യും. ഭാ​വി​യി​ലെ ഗു​രു​നാ​ഥ​ന്മാ​രെ നാം ​ന​ശി​പ്പി​ക്ക​രു​ത്.

ഇ​പ്പോ​ഴു​ള്ള ആ​ഗോ​ള​താ​പ​ന​വും കാ​ലാ​വ​സ്ഥ പ്ര​തി​സ​ന്ധി​യും പ​രി​ശോ​ധി​ക്കു​മ്പോ​ള്‍ നാം ​ചെ​യ്തു​കൂ​ട്ടി​യ തെ​റ്റു​ക​ളു​ടെ വി​ല​യൊ​ടു​ക്കാ​ന്‍ പോ​കു​ന്നേ​യു​ള്ളൂ എ​ന്ന് മ​ന​സ്സി​ലാ​കും. ഒ​ന്നി​െ​ൻ​റ​യും അ​ര്‍ഥം മ​ന​സ്സി​ലാ​കാ​ത്ത കു​റെ​യാ​ളു​ക​ള്‍ രാ​ജ്യം ഭ​രി​ക്കാ​ന്‍ തു​ട​ങ്ങി​യ​താ​ണ് ഈ ​കാ​ണു​ന്ന​ത്. ഇ​ന്ത്യ മാ​ത്ര​മ​ല്ല, ലോ​ക​വും അ​ത്ത​ര​ക്കാ​രാ​ണ് ഭ​രി​ക്കു​ന്ന​ത്. ഇ​വി​ടെ ചെ​യ്യു​ന്ന​ത് ത​ന്നെ​യാ​ണ്​ ട്രം​പും പു​ടി​നും അ​വി​ടെ ചെ​യ്യു​ന്ന​ത്. എ​ല്ലാ അ​ധി​കാ​ര​ങ്ങ​ളും ഡ​ല്‍ഹി​യി​ല്‍ കേ​ന്ദ്രീ​ക​രി​ച്ച് ഗ്രാ​മ​ങ്ങ​ളെ അ​ടി​ച്ച​മ​ര്‍ത്തു​ന്ന ഇ​ന്ത്യ​യാ​യി​രു​ന്നി​ല്ല ഗാ​ന്ധി സ്വ​പ്നം ക​ണ്ട​ത്. ക​രം കൊ​ണ്ടും കു​ടി​ല്‍ വ്യ​വ​സാ​യം കൊ​ണ്ടും ചെ​റു​കി​ട ഇ​ട​ത്ത​രം സം​രം​ഭ​ങ്ങ​ള്‍ കൊ​ണ്ടും നി​ര്‍മി​ക്കാ​ന്‍ ക​ഴി​യാ​ത്ത ഉ​ല്‍പ​ന്ന​ങ്ങ​ള്‍ക്കേ വ​ലി​യ വ്യ​വ​സാ​യ​ങ്ങ​ളെ ആ​ശ്ര​യി​ക്കാ​വൂ എ​ന്നാ​യി​രു​ന്നു ഗാ​ന്ധി​യു​ടെ തീ​രു​മാ​നം. അ​ങ്ങ​നെ​യാ​കു​മ്പോ​ള്‍ ജി.​ഡി.​പി വ​ള​ര്‍ന്നി​ല്ലെ​ങ്കി​ലും എ​ല്ലാ​വ​ര്‍ക്കും ജീ​വി​തം മു​ന്നോ​ട്ടു​കൊ​ണ്ടു​പോ​കാ​ന്‍ ക​ഴി​യും. ജി.​ഡി.​പി​യ​ല്ല, ജീ​വി​ക്കാ​നു​ള്ള സ്വാ​ത​ന്ത്ര്യ​വും ജീ​വി​ക്കാ​നു​ള്ള അ​വ​സ​ര​വു​മാ​ണ് ന​മു​ക്ക് ആ​വ​ശ്യം. ഇ​നി​യും ന​മു​ക്ക് ഗ്രാ​മ​സ്വ​രാ​ജി​ലേ​ക്ക് തി​രി​ച്ചു​പോ​കാ​ന്‍ ക​ഴി​യും. ഇ​ന്ത്യ​യെ കു​റി​ച്ച താ​ങ്ക​ളു​ടെ സ്വ​പ്ന​മെ​ന്താ​ണെ​ന്ന് ചോ​ദി​ച്ച ബ്രി​ട്ടീ​ഷ് പ​ത്ര​ക്കാ​ര​നോ​ട് ഗാ​ന്ധി​ജി പ​റ​ഞ്ഞ മ​റു​പ​ടി സ്വ​യം പ​ര്യാ​പ്ത​വും സ്വ​യം​ഭ​ര​ണ​വു​മു​ള്ള ഏ​ഴു ല​ക്ഷം ഗ്രാ​മ​ങ്ങ​ള്‍ ചേ​ര്‍ന്ന് രൂ​പ​പ്പെ​ടു​ന്ന​താ​ണ് താ​ന്‍ സ്വ​പ്നം കാ​ണു​ന്ന ഇ​ന്ത്യ എ​ന്നാ​യി​രു​ന്നു.

സ്വാ​ര്‍ഥ​ത്തി​നു​വേ​ണ്ടി മ​ത​ത്തെ​യും രാ​ഷ്​​ട്രീ​യ​ത്തെ​യും വി​ദ്യാ​ഭ്യാ​സ​ത്തെ​യും സാ​മ്പ​ത്തി​ക​ശാ​സ്ത്ര​ത്തെ​യും ഉ​പ​യോ​ഗി​ക്കു​ന്ന ലോ​ക​ത്താ​ണ് നാ​മി​ന്ന് ഗാ​ന്ധി​യെ ച​ര്‍ച്ച ചെ​യ്യു​ന്ന​ത്. ഛത്തി​സ്ഗ​ഢി​ലെ റാ​യ്ഗ​ഢി​ല്‍ ആ​ദി​വാ​സി​മേ​ഖ​ല​യി​ല്‍ പ്ര​വ​ര്‍ത്തി​ച്ചു​കൊ​ണ്ടി​രി​ക്കു​ന്ന സ​മ​യ​ത്ത് അ​വി​ടെ ഒ​രു പാ​ട് മൈ​നി​ങ്​ ക​മ്പ​നി​ക​ളു​ണ്ടാ​യി​രു​ന്നു. ഒ​രു ഖ​ന​ന ക​മ്പ​നി ആ​ദി​വാ​സി​ക​ളോ​ടെ​ല്ലാം ഭൂ​മി കാ​ലി​യാ​ക്കാ​ന്‍ പ​റ​ഞ്ഞു. ആ​ദി​വാ​സി​ക​ള്‍ സം​ഘ​ടി​ച്ച് ത​ങ്ങ​ള്‍ ഭൂ​മി ത​രി​ല്ലെ​ന്നു പ​റ​ഞ്ഞു പ്ര​ക്ഷോ​ഭ​ത്തി​നി​റ​ങ്ങി. ക​മ്പ​നി​ക്കാ​ര്‍ ന​ല്ല കാ​യി​ക​പ​രി​ശീ​ല​നം നേ​ടി​യ 300 പേ​രെ ഹ​രി​യാ​ന​യി​ല്‍ നി​ന്നി​റ​ക്കി. ഝാ​ര്‍ഖ​ണ്ഡി​ലെ ചെ​റി​യ മ​നു​ഷ്യ​രാ​യ ആ​ദി​വാ​സി​ക​ളെ ഹ​രി​യാ​ന​യി​ലെ മ​ല്ല​ന്മാ​രും ഗു​സ്തി​ക്കാ​രു​മാ​യ മ​നു​ഷ്യ​ര്‍ നേ​രി​ട്ടു. ഭൂ​മി ത​രി​ല്ലെ​ന്ന് പ​റ​യു​ന്ന ആ​ദി​വാ​സി​ക​ളെ ത​ല്ലി ശ​രി​യാ​ക്കു​ക​യാ​യി​രു​ന്നു ഇ​വ​രു​ടെ ജോ​ലി. എ​ന്നി​ട്ടും ഒ​പ്പി​ടാ​തി​രു​ന്ന ആ​ദി​വാ​സി​ക​ളെ കേ​സി​ല്‍ കു​ടു​ക്കി പൊ​ലീ​സ് സ്​​റ്റേ​ഷ​നി​ല്‍ ക​യ​റ്റി. ര​ണ്ടു വ​ര്‍ഷം കൊ​ണ്ട് ഭൂ​മി പി​ടി​ച്ചെ​ടു​ത്ത് ക​മ്പ​നി ഖ​ന​നം തു​ട​ങ്ങി. അ​ത്യാ​ര്‍ത്തി​യി​ലൂ​ടെ​യു​ള്ള വി​ക​സ​ന​ത്തെ​യാ​ണ് ഗാ​ന്ധി എ​പ്പോ​ഴും ചോ​ദ്യം ചെ​യ്ത​ത്. ചൂ​ഷ​ണം അ​ടി​സ്ഥാ​ന​മാ​ക്കി​യ ഇം​ഗ്ല​ണ്ടി​െ​ൻ​റ വി​ക​സ​ന​മാ​തൃ​ക ത​ങ്ങ​ള്‍ക്ക് സ്വീ​കാ​ര്യ​മ​ല്ലെ​ന്ന് അ​ന്നേ ഗാ​ന്ധി പ​റ​ഞ്ഞ​താ​ണ്.

ഇ​ത് ശ​രി​യാ​യ പോ​ക്ക​ല്ലെ​ന്നും ഈ ​പോ​ക്ക് മാ​റി​യി​ല്ലെ​ങ്കി​ല്‍ ഇ​ന്ത്യ​ക്ക് ര​ക്ഷ കി​ട്ടാ​ന്‍ പോ​കു​ന്നി​ല്ലെ​ന്നും മ​ന​സ്സി​ലാ​ക്കി​യ​തു കൊ​ണ്ടാ​ണ് ഞ​ങ്ങ​ളൊ​ക്കെ പാ​വ​ങ്ങ​ളെ സം​ഘ​ടി​പ്പി​ക്കാ​ൻ ഇ​റ​ങ്ങി​യി​രി​ക്കു​ന്ന​ത്. ന​ല്ല വി​ധ​ത്തി​ല്‍ ചി​ന്തി​ക്കാ​നും ന​ല്ല വി​ധ​ത്തി​ല്‍ പ്ര​വ​ര്‍ത്തി​ക്കാ​നും ക​ഴി​യു​ന്ന കു​റെ പേ​രെ വേ​ണം. സം​ഘ​ടി​ത​രാ​യ കൂ​ട്ട​ര്‍ക്കേ ഇ​വ​രെ​യൊ​ക്കെ എ​തി​ര്‍ത്തു​നി​ല്‍ക്കാ​ന്‍ ക​ഴി​യു​ക​യു​ള്ളൂ. ഇ​ത്ര​മാ​ത്രം അ​ക്ര​മ​വും കു​റ്റ​കൃ​ത്യ​ങ്ങ​ളും സ്വ​ന്തം വ​ഴി​യാ​യി സ്വീ​ക​രി​ച്ച, ഇ​ത്ര​യും അ​ഴി​മ​തി​ക്കാ​രാ​യ ഒ​രു സ​മൂ​ഹ​ത്തെ മാ​റ്റി​യെ​ടു​ക്കാ​ന്‍ ഒ​രാ​ള്‍ വി​ചാ​രി​ച്ചാ​ല്‍ ക​ഴി​യി​ല്ല. ഒ​രു ആ​ദി​വാ​സി ഒ​റ്റ​ക്ക് ക​യ​റി​ച്ചെ​ന്നാ​ല്‍ ഒ​രു ത​ഹ​സി​ല്‍ദാ​ര്‍ വ​ക​വെ​ക്കി​ല്ല. എ​ന്നാ​ല്‍, എ​ല്ലാ​വ​രും ഒ​രു​മി​ച്ച് ചെ​ന്നാ​ല്‍ ത​ഹ​സി​ല്‍ദാ​ര്‍ക്ക് അ​യാ​ളു​ടെ ജോ​ലി ചെ​യ്യേ​ണ്ടി വ​രും. സം​ഘ​ടി​ത​രാ​യി​ട്ടേ ഈ ​മ​നു​ഷ്യ​ര്‍ക്ക് നീ​തി നേ​ടി​യെ​ടു​ക്കാ​ന്‍ ക​ഴി​യു​ക​യു​ള്ളൂ. പ​ണ​ത്തി​െ​ൻ​റ​യും കൈ​യൂ​ക്കി​െ​ൻ​റ​യും ശ​ക്തി​ക്ക് മു​ന്നി​ല്‍ സം​ഘ​ടി​ത പ്ര​വ​ര്‍ത്ത​ന​ങ്ങ​ളി​ലൂ​ടെ മാ​റ്റ​മു​ണ്ടാ​ക്കാ​ന്‍ ക​ഴി​യും.
(ഏകതാ പരിഷത്ത് നേതാവും ഗാന്ധിയൻ ആക്ടിവിസ്​റ്റുമാണ് ലേഖകൻ)