ഹൃദയങ്ങളെ കീറിമുറിക്കുന്ന ഫാഷിസ്​റ്റ്​ തന്ത്രങ്ങൾ 

ഹുംറ ഖുറൈശി
08:37 AM
15/05/2019
Thilak-and-Singh
ബാല ഗംഗാധര തിലക്, ഖുശ്​വന്ത്​ സിങ്

ആർ.എസ്​.എസിനെ പരോക്ഷമായി പിന്തുണക്കുന്ന ചിലരുമായി വാഗ്വാദത്തിൽ ഏർപ്പെടാനുള്ള അവസരം അടുത്തകാലത്ത്​ ഉണ്ടായി. രാജ്യത്തി​​െൻറ ഭരണകേന്ദ്രങ്ങളിൽ ആർ.എസ്​.എസ്​ ഇനിയും നുഴഞ്ഞുകയറിയാലുണ്ടാവുന്ന  ഇരുണ്ട യാഥാർഥ്യത്തെ നേരാംവണ്ണം മനസ്സിലാക്കാൻ കഴിയാത്തവരും ഇക്കൂട്ടത്തിലുണ്ടായിരുന്നു. ഹിന്ദുത്വത്തി​​െൻറ ആശയപ്രപഞ്ചമായ ഇൗ സംഘടനയുടെ ‘സാഹിത്യത്തെ’ പരിചയപ്പെടുന്നത്​ വർഷങ്ങൾക്കു മുമ്പാണ്​. അത്​ വായിച്ചപ്പോൾ ത​െന്ന അവരുടെ വിഭജന തന്ത്രങ്ങളെക്കുറിച്ചും സാമുദായിക ചട്ടക്കൂടിനെക്കുറിച്ചും മനസ്സിലാക്കാനും കഴിഞ്ഞു.

ആർ.എസ്​.എസിനെക്കുറിച്ച്​ ഖുശ്​​വന്ത്​സിങ്​ എഴുതിയത്​ ഉദ്ധരിക്ക​െട്ട: ‘എല്ലാ ഹിന്ദുത്വ പാർട്ടികളുടെയും ചലനശക്​തി ഇസ്​ലാമോഫോബിയയാണ്​. ആർ.എസ്​.എസ്​ സമ്പൂർണമായും മുസ്​ലിം വിരുദ്ധത വെച്ചുപുലർത്തുന്നു. മുസ്​ലിംകളും ക്രിസ്​​ത്യാനികളും ഉൾ​െപ്പടെ മറ്റു സമുദായങ്ങളെയും സംഘടനയിൽ ​േചർക്കുമെന്ന്​ മോഹൻഭഗവത്​ പറയുന്നുണ്ടെങ്കിലും അത്​ വിശ്വസിക്കാനാവില്ല.  കാരണം, ആർ.എസ്​.എസി​​െൻറയും മറ്റു ഹിന്ദുത്വ പാർട്ടികളുടെയും നിലനിൽപ്​ തന്നെ മുസ്​ലിം വിരുദ്ധതയിലാണ്​. മുഹമ്മദലി ജിന്നയുടെ വരവിന്​ മുമ്പുതന്നെ ദ്വിരാഷ്​ട്രവാദം ഉയർന്നിരുന്നുവെന്ന്​ ഖുശ്​വന്ത്​ സിങ്​ ചൂണ്ടിക്കാട്ടുന്നു. ബാല ഗംഗാധര തിലക്​, ലാലാ ലജ്​പത്​ റായി, വി.ഡി. സവർക്കർ എന്നിവർ ഹിന്ദുരാഷ്​​ട്ര വാദം മുന്നോട്ടുവെച്ചിരുന്നു. ലാലാ ലജ്​​പത്​ റായി വിഭജനാനന്തര ഇന്ത്യയുടെ ഭൂപടം തയാറാക്കിയിരുന്നുവെന്നും ഖുശ്​​വന്ത്​ സിങ്​ വ്യക്​തമാക്കുന്നു.

ഫാഷിസം രാജ്യത്തി​​െൻറ മുറ്റത്ത്​ എത്തിനിൽക്കുകയാണ്​. ഒരു പ്രതിഷേധംപോലും സാധ്യമാകാത്ത വിധം മതാന്ധത എവിടെയും വ്യാപിച്ചിരിക്കുന്നു. തങ്ങൾക്ക്​ ഇഷ്​ടമില്ലാത്ത പുസ്​തകങ്ങൾ അവർ അഗ്​നിക്കിരയാക്കുന്നു. തങ്ങൾക്കെതിരെ എഴുതുന്ന മാധ്യമപ്രവർത്തകരെ പീഡിപ്പിക്കുന്നു. മറ്റൊരു ദൈവത്തിൽ വിശ്വസിക്കുന്നവരെ പരസ്യമായി കശാപ്പ്​ ചെയ്യുന്നു. മഹാത്​മജിയുടെ ജന്മ സംസ്​ഥാനമായ ഗുജറാത്തിൽ 2002ൽ അ​രങ്ങേറിയ വംശഹത്യയും തുടർന്ന്​ നരേന്ദ്ര മോദി നേടിയ വമ്പിച്ച തെരഞ്ഞെടുപ്പ്​ വിജയവും രാജ്യത്തിന്​ കൊടിയ ദുരന്തമാണ്​ സമ്മാനിച്ചത്​. ആധുനിക കാലത്ത്​ മറ്റെവിടെയുമില്ലാത്ത ചെയ്​തികൾക്കാണ്​ ഇന്ത്യ സാക്ഷ്യം വഹിച്ചത്​.

കുറച്ചു വർഷങ്ങളായി രാജ്യത്ത്​ ഫാഷിസം നുഴഞ്ഞുകയറുന്ന കാഴ്​ചയാണുള്ളത്​. ന്യൂനപക്ഷവിഭാഗങ്ങളെ ഒതുക്കാൻ സ്വകാര്യ സേനകളുണ്ട്​. അസഹിഷ്​ണുത എവിടെയും കണ്ടുവരുന്നു. വിഖ്യാത ചിത്രകാരൻ എം.എഫ്​. ഹുസൈൻ രാജ്യഭ്രഷ്​ടനായി കഴിയേണ്ടിവന്നു. അദ്ദേഹത്തി​​െൻറ ചിത്രങ്ങൾ ചുട്ടുകരിച്ചു. മംഗലാപു​രത്തെ മദ്യശാലയിൽ പെൺകുട്ടികൾ മാനഭംഗത്തിനിരയായി. ക്രിസ്​തുമതത്തിലേക്ക്​ പരിവർത്തനം വ്യാപകമാണെന്ന്​ പ്രചരിപ്പിക്ക​െപ്പടുന്നു. ക്രിസ്​ത്യൻ മിഷനറിമാരെ കൊല ചെയ്യുന്നു. ബൈബിൾ കത്തിക്കുന്നു.

തങ്ങളുടെ ഭരണത്തിൽ ന്യൂനപക്ഷം സുരക്ഷിതരാണെന്ന ബി.ജെ.പിയുടെ വ്യാജ അവകാശവാദം നാം കണക്കിലെടുക്കരുത്​. ആർ.എസ്​.എസി​​െൻറ ഒരു ശിഖരം തന്നെയാണ്​ ബി.ജെ.പിയെന്ന സത്യം മറക്കേണ്ട. പ്രമുഖ വിദ്യാഭ്യാസ വിചക്ഷണനായ ശംസുൽ ഇസ്​ലാമി​​െൻറ ‘സ്വന്തം പ്രമാണങ്ങളിലൂടെ ആർ.എസ്​.എസിനെ അറിയുക’ എന്ന പുസ്​തകത്തിലെ വരികൾ ശ്രദ്ധിക്കുക:  ‘ആർ.എസ്​.എസി​ൽനിന്ന്​ സ്വതന്ത്രമല്ല ബി.ജെ.പി. തങ്ങൾ സ്വതന്ത്ര രാഷ്​ട്രീയ സംഘടനയാണെന്നു ബി.ജെ.പി നിരന്തരം പറയുന്നുണ്ടെന്നു മാത്രം. ആർ.എസ്​.എസി​​െൻറ ഒൗദ്യോഗിക പ്രസിദ്ധീകരണങ്ങൾ വായിച്ചാൽ ഇത്​ പിടികിട്ടും. 1997ൽ ആർ.എസ്​.എസി​​െൻറ പ്രസാധകർ പ്രസിദ്ധീകരിച്ച ‘മഹത്വത്തിലേക്കുള്ള പാത’ എന്ന പുസ്​തകത്തിൽ തങ്ങളുടെ കീഴിലുള്ള 40 സംഘടനകളെക്കുറിച്ച്​ വിസ്​തരിക്കുന്നു. തങ്ങളുടെ സംരക്ഷണത്തിൽ ബി.ജെ.പി രൂപവത്​കരിക്കുന്നതും തുടർന്നുള്ള സംഭവവികാസങ്ങളും മൂന്നു മുഴുപേജിലാണ്​ വിവരിക്കുന്നത്​. എ.ബി.വി.പി, ഹിന്ദു ജാഗരൺ മഞ്ച്​, ഹിശ്വഹിന്ദു പരിഷത്ത്​, സ്വദേശി ജാഗരൺ മഞ്ച്​, സൻസ്​കാർ ഭാരതി തുടങ്ങിയ തീവ്രഹിന്ദു സംഘടനകളുടെ പട്ടികയിൽ മൂന്നാമതായാണ്​ ബി.ജെ.പി ഇടംപിടിക്കുന്നത്​.

പ്രഫ. ജ്യോതിർമയ ശർമയുടെ സംഭ്രാന്ത ദർശനം -എം.എസ്​. ഗോൾവാൾക്കറും ആർ.എസ്​.എസും ഇന്ത്യയും’ എന്ന പെൻഗ്വിൻ പ്രസിദ്ധീകരിച്ച പുസ്​തകത്തിലൂടെ കാര്യങ്ങൾ സൂക്ഷ്​മമായി വെളിപ്പെടുത്തുന്നു. ‘രാമജന്മഭൂമി പ്രസ്​ഥാനം, ബാബരി മസ്​ജിദ്​ തകർക്കൽ, 2002ലെ ഗുജറാത്ത്​ വംശഹത്യ എന്നിവ ഗോൾവാൾക്കറുടെ പൈതൃകത്തി​​െൻറ ഉദാഹരണങ്ങളിൽ ചിലതാണ്​. മൗലിക ഹിന്ദു ദേശീയതയിലേക്കുള്ള ഗമനമാണിത്​. ഗോൾവാൾക്കറുടെ മനോലോകത്ത്​ രണ്ടുസ്​ഥിരം ശത്രുക്കളേയുള്ളൂ. മുസ്​ലിംകളും ജനാധിപത്യ വിശ്വാസികളും. ഹിന്ദുരാഷ്​ട്ര പാതയിൽ തടസ്സംനിൽക്കുന്നത്​ ഇവരാണ്​. 

ഗോൾവാൾക്കറുടെ വാദഗതികൾ ശർമയുടെ പുസ്​തകത്തിൽ ഉദ്ധരിക്കുന്നുണ്ട്​. ‘‘രാജ്യത്ത്​ പാകിസ്​താ​​െൻറ ലഘുരൂപമായ നിരവധി മുസ്​ലിം പോക്കറ്റുകളുണ്ട്​. ഇവിടെ പാക്​ അനുകൂല സംവിധാനങ്ങൾ പ്രവർത്തിക്കുന്നു. ഡൽഹി മുതൽ ലഖ്​​നോ വരെ രാജ്യത്ത്​ എവിടെയുമുള്ള മുസ്​ലിംകൾ പാകിസ്താനുമായി നിരന്തരം ബന്ധപ്പെടുന്നു. ഇന്ത്യയുമായി സായുധ യുദ്ധത്തിന്​ പാകിസ്​താൻ തീരുമാനമെടുക്കു​േമ്പാൾ മുസ്​ലിംകൾ അവർക്ക്​ ആയുധവും  ആളുകളെയും നൽകും’’.   ഇത്തരം സാമുദായിക വിഭജന തന്ത്രങ്ങൾ നമ്മെ എവിടെയെത്തിക്കും?

Loading...
COMMENTS